دعواتكم لزميلنا المفكر د.الباقر العفيف بالشفاء العاجل
|
|
 الفة.. وداعية..وغربال.. ندفع اجور لا تنافس
|
الالفة: عشان لزوم تسجيل المهرجلين.. من الصبيان والكبار
والنساء والرجال .. عشان يتعرفو والناس تتجبنهم..
وداعية: لسبر غور(حلوة دى) المعانى الخفية.. وتوقع اتجاهات الرياح.. حتى لا ندخل فيما لا يليق..مثلا فى بوست بدأ برئ
بعد شوية تلقى العجاجة لوت فيهو والمشاكل والنبذ.. اها الوداعية بتجنبك وعثاء السفر و البشتنة اسع الوداعية بتاعتى قالت لى البوست دا حيحتل ومافى زول بيرد لانه الناس مشغولة بالحروب الغير خنفشارية
وبرضو خايفة يقولو من الكوم.. 
غربال: لغربلة الشمارات ومعرفة الصح من الكذب.. بعدها تستخدم
طرائق تحقيق النصوص فى دراسات الادب المقارن..
مثلا اذا جاك زول قاليك انا بعرف فلان دا معرفة لصيقة
ومرة حليت ليه مشكلة شخصية(طلاق.. زواج ..الخ).. تقوم انت تشوف امكانية حدوث هذه المعرفة..
تشوف المعاصرة.. وامكانية علان دا يكون صاحب فلان لزم وبيحل ليه المشاكل العائلية وين عرفو ولاقاه وين وكيف وليه(اوعى تقول لى النت).. بعدها تقوم ما تجده وتشوف نسبة صحة الشمار وتحققه..بناء على المعومات المجموعةاذا مثلا لقيت انه مافى اى حاجة تلم علان فى فلان دا كلو كلو
لا المكان ولا الزمان ولا من الاهل يكون دا شمار كاذب واشر.. والجابو ليك كذاب أشر.. ومسكين كمان
اها فى زول عايز يشتغل؟
|
|
 
|
|
|
|
|
|
|
 Re: الفة.. وداعية..وغربال.. ندفع اجور لا تنافس (Re: Ahmed Osman)
|
| Quote: كذب المنجمون ولو صدقوا |
اها يا احمد هم اسع كذبوا ولو صدقوا ولا لع؟
نوف ما سمعتى اصلوا الزول ما يشتغل فى مكان امه ستو لانه اكيد بيكون فولنتير.. معقول الام تدفع لبتها قروش؟ ايهى ديى تجى
لكن ما وريتنى عايزة تبقى شنو
الفة ولا وداعية ولا غربال؟
| |
|
|
|
|
|
|
|
|
|
Re: الفة.. وداعية..وغربال.. ندفع اجور لا تنافس (Re: bayan)
|
الدكتورة بيان
البارحة في سهرة دكتور عوض عالجة معلومة
أردت أن أنعتك بها هنا في هذا البوست
أن أقولك قلبك كبير.
المائدة في المنبر كثرة فيها التوابل والمكسرات
ويا ويلنا من الفلفل التكروني
ونادرة ما تخرجة مائدة يتبعها البطيخ والشمام
بحجة عسر الهضم
وناس زمان والله يرحم أيام زمان
كان الواحد فينا إذا سخن أعطوه جنزبيل وإذا عطس
أعطوه جنزبيل حتى أرتفعت حرارتنا وكانت العافية مرتبطة بالنية
وآسف على الهترشة
| |
|
|
|
|
|
|
|
|
|
الفة...وداعية ..وغربال (Re: bayan)
|
الدكتورة بيان
افتقدناك طويلا ...وفى ترقب لظهورك
معفول يا دكتورة ما فى زول يرد على
بوستاتك .
دا الكوم كبير جدا
لك منى كل الامنيات الطيبة .
احمد داود NZ
| |
|
|
|
|
|
|
|
|
|
Rep (Re: bayan)
|
الأخت الفاضلة الدكتورة زينب محمود
تحيةوبعد ٍ
إنه حصاني اللعـين "لايسـبق حوافره "
إلا في حالة ٍ وحـيدة :
عندما أهـبط به في إتجاه نهر ٍ أو حفـيرْ!
معدرةً لمجيئ المتأخر عن ركب المحتفـين بعودتك
الميمونة للبورد.
هل تبقى في طبق" الـودّة " شيئ؟( الودة :
" لغة نوبية " مايُـقـَدم للضيوف .
وفـرةٌ في " الأسـنـّة ِ"، فـيضٌ في " المحابر ِ"،
طفحٌ في " الحروف ِ" وشحٌ في " المعاني"!،
ولهذا يأتيك ترحيبي "مُـتـلّـتاً"( المفردة
العامية مقـصودة).
قـسوت عـليك ِ ـ يا أختي العزيزة ـ في رد ٍ
ما ، لكن الدواخل ـ صدقـيني ـ مسكونةٌ
بالإحـترامْ.
أبغضُ الوصاية وقـمع الحريات و سحـل
الأفكار و"مرمطة" حملة الأفكار في بلد ٍ
ينحدر نحو الهاوية.
(الحرية لنا ولسوانا) ـ هذا الشعار ما
برح الإمتحان الأعسر للمشتغلين بالعمل
العام: لايجتاز" صراطه المستقيم" إلا" قـلةٌ"
آمنت حقاً ـ بما تبشر به الناس !
ـ ـ ـ ـ ـ ـ ـ
أما " الإله العظيم " فهو هـناك في عرشه
المجيد يتأمل عـبثنا الطفـولي في حيرة ٍ
وإندهاش ! ما في وسع " رماح ٍ بشرية ٍ "
مهما تطاولت النيل من عظمته وعلياء
مقامه المبجل !
ولهذا لم أستوعب سر الحساسية المفـرطة تجاه
من يكتب في شئون تتعالق والدين الحنيف.
لك ِ ودي وإحترامي
نورتي المكان
أخوك ِ عثمان محمد صالح
| |
|
|
|
|
|
|
|
|
|
Re: Rep (Re: Osman M Salih)
|
مهمد ساله
يا سلام على لغتك الجميلة الرائعة
لقد جللتنى بالفخر
ان تكتب في ما كتبت
الاختلاف لا يفسد للود قضية
وانا قلبى عامر بالمحبة لك
و احب جدا الحوارات الانتلكشوال
وانت رجل تثير في الرغبة للمعرفة والقراءة
واتمنى ان نلتقى كثيرا فى حوارت فى الادب
وانا ايضا لم اقصر فى الاساءة اليك
فالسماح منك مرجو
وشكرا ليك مليون
| |
|
|
|
|
|
|
|
|
|
Re: الفة.. وداعية..وغربال.. ندفع اجور لا تنافس (Re: bayan)
|
العزيزة بيان..
العزيز عثمان محمد صالح..
بالجد.. بالجد.. اعجبتي تصافيكما
وثمنت غاليااعتذاركما الرقيق الراقي
سلمتما..
اها نرجع لي موضوعنا ونهترش شوية..
اثمعي يا بيان يا اختي الشغلانة دي..
ببدفعو فبها بالضينار ولا بالضورار..؟؟
نانو ثنو..؟؟
اخوك مفللللللللللث
وحاري خشم البقرة
| |
|
|
|
|
|
|
| |
bayan
Ahmed Osman
WaD OmI
EMU إيمو
nada ali
Ahmed Daoud
abuguta
بلدى يا حبوب
Osman M Salih
طيفور
حبيب نورة
فيس بوك
تويتر
انستقرام
يوتيوب
بنتيريست