|
دعواتكم لزميلنا المفكر د.الباقر العفيف بالشفاء العاجل
|
|
 Re: نهاية حزينة لسمكة نور الحمراء (Re: على محمد على بشير)
|
الاخت الكريمة دكتورة بيان ، حمدالله على السلامة ، تركتى فراغا كبيرا بغيابيك ، عودا حميدا ، الجات فى السمكة سامحت ، تعيش وتربى غيرها . اخشى ان يطلع واحد من الجماعة ويقول دى عنصرية سمكة سوداء اكلت حمراء ، وبعدين يقوم الموضوع يكبر .
| |
 
|
|
|
|
|
|
|
|
Re: نهاية حزينة لسمكة نور الحمراء (Re: سليمان عبد الغني)
|
Quote: وماتت شهيدة وضحية لسمكة دخيلة
موش بالله الدنيا دي عندها دوراتها
وهذا ما يحدث ايضا في عالم البشر؟
وقصة جدادة الخلا الطردت جدادة البيت ما جات من فراغ؟ |
البقاء للأصلح
السمكة الحمراء لم تستطع الصمود أمام المنافسة الحرة ... لأنها دايما معتمدة علي المعاملة (الخاصة) .
و حقيقة .. البيت بيت منو و الخلا خلا منو ؟؟؟؟
لا تعاطف مطلقا مع السمكة الحمراء ..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Mohamed Suleiman)
|
لوووووووووول
زكرتيني حكاية خالي فلان السكران
عندنا أهلنا كدة علي (باور) عالي جداً
يعني من النوعية البشتروا الكدايس السيامي
والحمام الزاجل والعصافير الكناري
ونافورة في نص الصالة
وحاجات كدة بطالة
زي حوض السمك الملون
اها صادف مرة كدة انا كنت شكل بايت معاهم
و أتفق أنهم كانو معزومين علي حفلة أوفر نايت
انا وخالي الله يديه العافية
قال لي ياخي ما تعمل لي كباية جبنة خلي السكرة دي تفك شوية
مشيت اعمل ليه الكباية لقيت ليك المطبخ مقفول
طبعاً حسب الشي الفي راسو قام أتضايق شوية
وطلع بيت السكر أداها ليك كبايتين علي السريع
وجاني قال لي شنو يا ود أختي
مافي عششششاء؟؟
قلت ليه عشاء يجيبوا ليك من وين والمطبخ مقفول
قام عاين كدة وعاين كدة
قال لي خلاس لقينا ليها حلل
قلت ليه كيف يا خال
قال لي نشوي السمك دة!!!
سمك شنو يا ود أمي؟
قال لي السمك العايم دة
!!!!!!!!!!!
علي اليمين بعد مفاوضات و كواريك حتين قدرت أقنعوا
انو السمك دة للزينة فقط
والجماعة لو جوا لقوهو مشوي
ح يعملوا لينا مجلس تحقيق
وما بعيد يشتكونا عند جماعة الرفق بالحيوان
هوي ها
أزيك يا نسيبتي
دة لو ما غيرتي رأيك فيني
وقلتي غير الفيني
علي قول ندي القلعة
| |
|
|
|
|
|
|
|
|
|
Re: نهاية حزينة لسمكة نور الحمراء (Re: حبيب نورة)
|
Quote: أزيك يا نسيبتي
دة لو ما غيرتي رأيك فيني |
حبيب نورة كيف نغير راينا؟
افو افو...
قصة انقاذك لسمك الزينة قصة حلوة
شكرا لك لاني قد تخبلت الازمة العائلية التي كانت ستحدث لو اختفى ذلك السمك.
وخليك قريب كتاباتك تنقلني الى عوالم مجنحة..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Mohamed Suleiman)
|
تعرف اذا بدلنا كلمة الاصلح بالاقوى لكانت اكثر صدقا
لان الاصلح مرات ما بيبقى ويبقى الاقوى الما صالح
وعينك شايفة ولا كيف؟
| Quote: و حقيقة .. البيت بيت منو و الخلا خلا منو ؟؟؟؟ |
السؤال دا بيدخل في دايلمة
هل يمكن يكون البيت بيت الاقوى؟
بدل الخلا نخت الاقوى وبدل والبيت نخت الاصلح
وتجي دورة الحياة..
| Quote: السمكة الحمراء لم تستطع الصمود أمام المنافسة الحرة ... لأنها دايما معتمدة علي المعاملة (الخاصة) . |
لو رجعنا لتاريخ المكان لوجدنا ان تلك العلبة تم شرائها مع السمكة الحمراء
اي ان السمكة الحمراء هي المسبب لوجود الحيز,,
ولكن لان تلك السمكة الجديدة التى استقدمت من اجل
تآنس السمكة الحمراء وتكيب هار كامبني( مبررات زاريا لشراء تلك السمكة الدخيلة)
حيث توفرت حسن النوايا والعشم من قبل من تجشم مشاق احضار السمكة السوداء
ولاحظ لولا تلهف البائع لبيع السمكة للمشترية لما ماتت السمكة الحمراء
رغم الضمانات التي وضعها البائع..
وهنا المستفيد الوحيد هو البائع
مرات كدا بنجيب ناس برة فزع وببقو وجع ولا كيف؟
| |
|
|
|
|
|
|
|
|
|
Re: نهاية حزينة لسمكة نور الحمراء (Re: سليمان عبد الغني)
|
| Quote: إقترح عليكم التخلص من السمكة السوداء كمان لأنها دي عدوانية وغير مأمونة الجانب |
شوفت غشامة نور مفتكرة انه السمكة القاتلة عوضا لتلك اللطيفة المسكينة
و لسع محتفظين بيها..ترتع وتمرح وتتقلب في العلبة ذي الما عملت حاجة
الدنيا دي كدا خاصة ناس عقلية المال تلتو لا كتلتو السائدة في السودان
| |
|
|
|
|
|
|
|
|
|
Re: نهاية حزينة لسمكة نور الحمراء (Re: طارق جبريل)
|
تحياتى يا دكتورة
((وهذا ما يحدث ايضا في عالم البشر؟
وقصة جدادة الخلا الطردت جدادة البيت ما جات من فراغ؟
والطريق الى الجحيم مفروش بالنوايا الحسنة))))))
ده كلام خطير يا دكتورة بل هو فعلا ما يحصل
اليوم عندنا هنا...
لى عوده للتحدث عن تلك السمكة الشريرة
| |
|
|
|
|
|
|
|
|
|
Re: نهاية حزينة لسمكة نور الحمراء (Re: waleed500)
|
سلام بيان..
تعازي الحارة لنور وبقية الاسرة..
قبل كم سنة كان عندي سمكة زي المرحومة.. مبسوطة وفي امان الله..
وجبت سمكة الخلا...كان لونها جميل.. أزرق غامق كدة
تصّوري الجديدة اكلت جزء كبير من سمكة البيت .. يعني كتلتها بأبشع طريقة..
والله كانت trauma مانسيتها زمـــــن بعد الحادثة..
تأثرت من جوّة قلبي...
وحزنت.. للوحشية!
| |
|
|
|
|
|
|
|
|
|
Re: نهاية حزينة لسمكة نور الحمراء (Re: حيدر حسن ميرغني)
|
سـلام يا قريبتى باللفـة،
دا الكلام.. بيان تعـود لبديـع البيان.. حمدالله عســلامـة و الظاهـر الوكعـة كانت لخيـر..
هـو القال ليه أشـرح للصينى بالإشـارة منو.. كلو شئ ولا الشـرح بإشـارة لصينى.. هـذه حقيقـة معروفـة، ليس لأنهـم لا يفهمـون، بالعكس هـم من أذكى الشعـوب، ولكن طريقـة فهمهـم بالإشـارة والتجـريـد مختلفـة من طريقـة فهـم بقيـة الشعـوب.. يعنى لو دخلتى كليـة ودرست اللغـة الصينيـة، بعدين مشيتى لنفس المحل، حتلاقى زولك لسـه يحاول تفهيمـه بالإشـارة.
فى الحالـة دى الطريقـة الوحيـدة هى أنو كان يجيب السمكة الحمـراء، ويقربهـا للسمكـة الســوداء، وأول بوادر عدوانيـة من السمكـة السـوداء، يقول (شى شى) للصينى ويمشى.. لا شـرح لا إشـارات.
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Abureesh)
|
د. بيان ازيك
حمدلله ع السلامة ) ما عارف الحاصل عليك شنو لكن شايف الحماعة يحمدلوا قلنا نحمدل على السلامة.
البركة فيكم، جبر الله كسركم في هذه السمكة الحمراؤ حبيبة الكل ف الداخل والخارج.
حكاية حبيب نورة دي ذكرتني نكتة محمد موسى بتاعت عربي الجزيرة البيقرا مع حنكوشات الطب ديل، يقوم على التعتر العليه يحتفل بعيد ميلاده، وتقوم حنكوشة رقيقة تجيب ببغاء هدية عيد الميلاد. صاحبنا بعد فترة سألته الأخت من الببغاء قال ليها طعمه عادي يعني زي الجداد.
Mahamat Nour
| |
|
|
|
|
|
|
|
|
|
Re: نهاية حزينة لسمكة نور الحمراء (Re: محمد نور أحمد)
|
بيان
أيا امرأة من وطني تشغلها الحياة و العلم و الهموم.
جميل أن نراك تعودين إلى المكان و لو بقصة عادية كهذه.
أقول "عادية" و أنا أستحضر كتاباتك الأكثر قيمة. ما هو
غيرالعادي هو عودتك إلى المنبر من بعد غياب نأمل أن
يكون قد حفل بالعديد من الانجازات المهمة.
اغفري لي قسوتي إذ هي تنبئ فقط عن صدق و سلامة طوية
و عشم في رؤية انتاج أجود بكثير للدكتورة نجاة نرجوه
و نثق في وجوده.
مودتي الأكيدة
| |
|
|
|
|
|
|
|
|
|
Re: نهاية حزينة لسمكة نور الحمراء (Re: محمد نور أحمد)
|
محمد نور
شكرا ليك الحقيقة لي 5 سنة بمشي في ديسمبر المسشتفى
والغريبة دائما برضو بكون حردانة البورد
فتتكالب المناسبتين..
توش بجي راجعة
قصة البغباء دي بمليون دولار
ضحكت لما نفسي اتقطع..
شكرا ليك وسنوقم بتوزيعها بكل وسائل الشمار..
وشكرا ليك وربنا يقبل حمدك
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Abureesh)
|
سلام يا قريبي بالتواتر
تعرف الصيني بنزس مان شاطر وما عنده اخلاق اهم
حاجة يشريك الحاجة الهو يستحيل يشتريها..
بعدين الفهم عنده "سلكتف" العايز يفهمو يفهمو قبل يطير والما عايزو يعمل
ما فاهم خالص..
مودتي وشكرا للكلام الطيب في حقي والسؤال عني
| |
|
|
|
|
|
|
|
|
|
Re: نهاية حزينة لسمكة نور الحمراء (Re: حيدر حسن ميرغني)
|
| Quote: السمكة السوداء دي تكون من فصيلة البيرانا الخطيرة آكلة اللحوم: |
لا حولة تعرف اصلو ما كان متخيلة في سمكة خطيرة غير القرش..
بالله سمكة صغيرة كدا ممكن تكون برضو آكلة لحوم؟
شكرا لك على المشاركة المعلمة
ودمت
وسمعنا انك حللت في الجوار
ا اقامة سعيدة
تحياتي للاسرة
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
د.بيان سلامات
رغم تراجيديا سمكة البيت المسكينة لكن العبرة مهمة لنا
لو كانت تعيش في النهر أو البحر ربما لازت فرارا أو ربما
وجدت الحماية من بني جنسها...
هل يا ترى حكومة الصفوة الفي الخرطوم لو جابو ليها
المهمشين في الخرطوم البيحصل شنو؟
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Abdlaziz Eisa)
|
الفنان العظيم عبدالعزيز
تعرف انا بفتكر الحكومة الفي الخرطوم ما صفوة
بفتكر دي تجربة الرعاع والرجرجة لما يجو يلقو ريسة
وقديما قال العقل الشايقي الجمعي
الله لا تدي الكديسي ريسي
لانه لو كانو صفوة لما كان هناك تقتيل ولا فساد
ولكان هناك نماء ورخاء ورفاهية
الغريبة ان هذه الحكومة بها وجوه من كل القبائل السودانية والجهات..
بس مرات نحنا ما بنشوف الحاجات كويس..
لكن راجع الاسماء والجهات منذ 1989
حتعرف انها جريمة جماعية
دفع ثمنها ملح الارض
ولا يفوتني ان اذكر حركة التحرير التي لا تقل جرما من
حكومة الخرطوم
والله في..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
سلام يا أستاذة د.بيان
حكومة الصفوة البعنيها ليك والمثملة في النظام الحالي هي ليست على ما أعتقد
صفوة عرق.. هي صفوة مصالح uppertied mentalityممكن على كراسيها
جالس الزغاوي, الشايقي, الدينكاوي, الهدندوي إلخ.. مجموعة عصابة
جمعت بينهم مصالح تقوم على قهر وسحق الآخرين..
لا نظلم الحركة الشعبية أو حركات التحرر التي ما زالت تقاتل لتستوفي
شروط جلوس حكومة العصابة هذه معاها للتفاوض..
المطالبة بمجتمع تسوده الرفاهية والعدل والحرية لكل مكوناته هو حق
وعين العقل ينبغي أن يتحقق بأي وسيلة.. نعم بأي وسيلة لأنه تحقيق شرع
الفضيلة شرع الآدمية التي كرمها الله..
مع تحياتي..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Abdlaziz Eisa)
|
Quote: نظلم الحركة الشعبية أو حركات التحرر التي ما زالت تقاتل لتستوفي
شروط جلوس حكومة العصابة هذه معاها للتفاوض.. |
الحركة الشعبية لتحرير السودان هي السبب الجابت الانقاذ
لما حاربت حكومة منتخبة في السودان.
واسع جات صالحتها بعد انهار من الدم..
اتقسموا القروش معاهم ..
اتخيل لو قرنق من نميري وقع جا صالح الحكومة الانتقالية
وشارك في الانتخابات الديمقراطية وحقن الدماء
هل كان ناس الجبهة ديل بيجو ويسمو نفسهم الانقاذ كمان؟
وطبعاهو عارف لو كان اترشح في الجنوب ما كان حيفوز لانه ناس الجنوب نفسهم
شايفنهم ذي ما نحنا شايفين الانقاذ..
ودي بترجعنا للسمكة الماتت سمبلة دي.
لو زاريا كانت ما حسنة النية وصدقت الصيني
لو الصيني كان امين وما شغال بس يبيع لو
السمكة دي اكلت زاريا ذاتها ما هاميه.
ولو السمكة الحمراء قاومت وظعمتت السوداء
ان لو تدخل عمل الشيطان
حسن النية مع الجهل بعلم "السمكولوجي"
هو الكتل السمكة الحمراء.
ولك التحية
وربنا يحفظ وطنا من الفتن ما ظهر منها وما بطن
ولك مودتي..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
لانه لو كانو صفوة لما كان هناك تقتيل ولا فساد
ولكان هناك نماء ورخاء ورفاهية
دا كلام جميل يا دكتورة نجاة ...
تعرفي كنا فاقدين ناس تمتعك بالقدرة على التعبير وإيضاح الرؤية والتعبير عن الذات ...
بمنتهى السلاسة والإقتدار ...
لك التحية أختي الكريمة ...
وعوداً حميداً مستطاب ...
لكن بالله عشان ما يظهروا قطاع الطرق حاولي غيري لون السمكة حتى لو تركوازي أولون زينت لأنو التمييز في اللون خصوصاً تسمية الملتهب من الألوان بيصحي عقدة الدونية في فاقدي الثقة في أنفسهم ... فيفتحون النار بلا هوادة عليك ... ويزكون أوار جمرة الوطن المتقدة ...
مودتي
| |
|
|
|
|
|
|
|
|
|
Re: نهاية حزينة لسمكة نور الحمراء (Re: مجاهد عبد الرحمن)
|
قريبتى بالتواتـر،
تصـدقى الكلام الفوق داك صحيـح، تمشى الدكان أشــرح المويـة بكل وسيلـة، فى النهايـة لما عرفوهـا جابو لى كبايـة 
تشــرحى عشـان تشتـرى صحن يجيبوا ليكى معلقـة، تشــرحى معلقـة يجيبـو ليك رز. مـرة واحـد يشـرح لى اليوم كلو كيف استعمل كرت التلفون، لما ما فهمت فى النهايـة مشى جاب ورقـة وقلم، وكتبو لى بالصينى.. هسـى تقولى شنـو فى دا. فى النهاية تبت من حكايـة الشــرح باليدين.. أمشى الكومبيـوتر ومن النت أطبع الصـورة الدايـرا.. دى الطريقـة الوحيـدة النفعت.. هسى أفكـر أطـور الموضـوع دا لأنو جمعت (صـور كتيرة ممكن تكون مفيـدة لكتيرين زيى)
| |
|
|
|
|
|
|
|
|
|
Re: نهاية حزينة لسمكة نور الحمراء (Re: Abureesh)
|
ابو الريش
انا مرة البتجاز بقت فيه مشكلة نارو ضعيفة
جبتا صيني قالي
المشكلة ما البوتجاز المشكلة في الخرطوش
بعداك قالي انا ببيع ليك خرطوش يقفل اتومتك
بي 80 عشان انت سيدة لطيفة طبعا اختك بتريد الشكير(وش ضاحك من الاضان للاضان)
اشتريت الخرطوش بعدا اسبوع اضطرينا نشتري بوتجاز جديد لانه المشكلة في البوتجاز,,
وعرفت ان الخرطوش دا بي 50
شوفتا عاقبة حب الشكير وصديق الصينين..
مودتي
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
دكتورة نجاة سلام
نورتي البلد والبلدين
تعازينا في سمكة نور لكن انا بإحساس المؤامرة
البقا يلازم الناس الزمن دة رجحت إنو الصيني
بتاع البزنس قرر يبيع أكبر عدد من أسماكه
يعني السمكة السوداء تاكل الحمرا ولمن ترجع ليهو
زاريا يقول ليها خلاص شيلي واحدة خضرا وبعد ما تاكل
السودا يديها لون زينب وبي كدة تكونو اشتريتو سمكو كلو
شفتي نظرية المؤامرة دي كيف( وجه عامل حريف )
| Quote: وقصة جدادة الخلا الطردت جدادة البيت |
جدادة الخلا لو عملت إبادة لكل جداد الحلة ما ممكن تبقى جدادة بيت
دي قسمتا .. وجداد البيت البنهزم لي جداد الخلا يستاهل الطرد
تحيتي
| |
|
|
|
|
|
|
|
|
|
Re: نهاية حزينة لسمكة نور الحمراء (Re: salma altijani)
|
Quote: في الصباح اكتشفوا ان السمكة السوداء قد
ظعمطت "السمكة الحمراء"
واكلت جزء من الذيل وقدت عينها
وفي تمام الساعة الرابعة صباحا
اسلمت السمكة الحمراء صديقة الكل الروح.
|
أها يا دكتورة انا لوني اسود كما هو واضح في الصورة
والناس الشعارهم أحمر أخير يختوني
عشان ما يحصل ليهم الحصل لي الحمراء
| |
|
|
|
|
|
|
|
|
|
Re: نهاية حزينة لسمكة نور الحمراء (Re: معتز القريش)
|
Quote: والناس الشعارهم أحمر أخير يختوني
عشان ما يحصل ليهم الحصل لي الحمراء |
وين تاني عاد ما طاقيتهم عندك
بس تسردب اهم حاجة ما تختفي تكون قاااااااااااااعد
دي بتجننهم جن.
الله يستر اسع بيكونوا بيالفو ليك في قصة
لما كنت بتلعب بالتراب.
اها قلت لي شنو في طاقيتي؟
| |
|
|
|
|
|
|
|
|
|
Re: نهاية حزينة لسمكة نور الحمراء (Re: salma altijani)
|
Quote: يعني السمكة السوداء تاكل الحمرا ولمن ترجع ليهو
زاريا يقول ليها خلاص شيلي واحدة خضرا وبعد ما تاكل
السودا يديها لون زينب وبي كدة تكونو اشتريتو سمكو كلو
شفتي نظرية المؤامرة دي كيف( وجه عامل حريف ) |
سلمي يا خترية
دا احسن تحليل سمعتو للقصة دي
تعرفي الموضوع دا الا كان كدي
لانه السمكة السوداء اسع وحدانية
وتعاني من كراهية اي زول الا اشرف
الذي يصر على الاحتفاظ بها عشان يدلل على بلادة وغباء زاريا
ويدخلها في تأنيب ضمير مستاصل كلما تشوفها.
شكرا للكلام الطيب و التفسير العبقري لنفسية الصيني العجيب
| |
|
|
|
|
|
|
|
|
|
Re: نهاية حزينة لسمكة نور الحمراء (Re: المسافر)
|
| Quote: وراحت فكرة التعاضد والتآزر في خبر كان الذي ينطوي على خصائص السمكة السوداء آكلة اللحوم |
سلام يا المسافر ولد بلدي
احيانا الطريق الى الجحيم مفروش بالنوايا الحسنة..
بس الزول ما يدقس..
مودتي
| |
|
|
|
|
|
|
|
|
|
Re: نهاية حزينة لسمكة نور الحمراء (Re: elameen)
|
حمد الله على السلامة يابيان..
يعنى كان لازم تدوخينا ورآك الدوخة دى كلها؟
وتجيبى لينا الهوا الطآير؟
والكتآحة؟
وريآح الخمآسين؟
وال ?hericane Caterena
مع أرآذل البورد؟
حتى تجى؟
...
تلفونك مالوه؟
| |
|
|
|
|
|
|
|
|
|
Re: نهاية حزينة لسمكة نور الحمراء (Re: nour tawir)
|
اللعزيزة بيان ...
تعازي الحارة لــــــــــنور في فاجعتها الأليمة
ويمكن أن أكون ـ أنا العبد الضعيف ـ أكثر من يشعر بعمق مأساتها ويتعاطف معها
في هذا المنبر علي الأقل ....وكده
ولذلك سبب بليغ أحكيه لك في هذه النمة القصيرة ..
ذات مرة زرتُ صاحب لي في بيته .. ولمّا كان يقع بعيدا من بيتي
وتأخرتُ معه في السمر فقد أصر ذاك الصاحب علي بياتي عنده .. وهذا ما كان..
غير أنني في الحقيقة لم أنم ..!!
فسبب ضيق الشقة لم يجدوا لي موضعا يصلح للنوم إلا صالة أو هول /
المهم حاجة زي الصالون كدا بس أصغر منو..
وانتبهت قبل أن أغرق في النوم علي بنته الصغيرة وهي تدخل ببطء محاولة عدم أيقاظ النائمين
وتمشي جهة الركن الزوي البعيد وتزيح ستارة ظننتها من جهلي وُضعت بغير قصد لتكشف حوض سمك
لا بالصغير هو ولا الكبير ..
وتفتح ضوء أحمر صغير بآناة من يعرف ماذا يفعل .. ثم تأخذ قليل من بودرة وتوزعها علي أسماك
الحوض ...
كان الحوض تعلوه زخرفة علي شكل قبة بها مأذنة ذهبية
وعلي جوانبه الزجاجية نقوشا تصور فارسا علي حصانه وهو يقاتل تنينا له عدة
رؤوس وسط غابة من الأزاهر ..
في الحقيقة لم أحسب عدد رؤوس التنين كما لم أنتبه لشكل الفارس بدقة فلا تسألينني
أكان ملتحيا أم بغير لحية يقاتل !!
فقد شغلني عن كل ذلك هذا المنظر البديع ... الفتأة وهي تناجي السمك الذي بدا وكأنه يفهم عنها
شكواها ..!!
والسمك يقبل الزجاج أو قولي يصطدم به كانه يريد أن يخترقه ليوانس الفتأة في وحشتها وسط الليل
سبع سمكات كعدة السنابل في رؤيا الملك صاحب يوسف النبي .. أدخلن في قلب الفتأة وأنا معها
البهجة
... منهن الصفراء ومنهن الحمراء والسوداء ، الألوان لم تكن في ذاك الوقت بذات أهمية ولا
الجنس ..لكنهن سلين عن الفتأة وحشتها وأدخلن في حشا قلبي المحبة
لذا ومن غير أي مبالغة أنا أكثر من يشعر بمأساة بنت أختك ...
فلا يعلم العشق إلا من يكابده... أو علي الأقل يراه كما هو في حالتي
تعازي لــــنور مرة أخري
| |
|
|
|
|
|
|
|
|
|
Re: نهاية حزينة لسمكة نور الحمراء (Re: محمد عوض إبراهيم)
|
د. بيان تقبلي خالص التعازي القلبيه على سمكتكم الحمراء
والجاتك في سمكتك سامحتك
ــــــــــــــــــــــــــــ
غايتو أنا ممكن أطلع من القصه دي بي عبره إنو أحياناً الوحده أفضل مئة مره من العيش مع شريك ضار ..
وللا شنو ياأخوانا...
| |
|
|
|
|
|
|
|
|
|
Re: نهاية حزينة لسمكة نور الحمراء (Re: محمد فرح)
|
Quote: غايتو أنا ممكن أطلع من القصه دي بي عبره إنو أحياناً الوحده أفضل مئة مره من العيش مع شريك ضار ..
وللا شنو ياأخوانا... |
سلام يا محمد
القصة دي قصة شفافة ممكن تطلع منها باي عظة..
ولك التحية على المرور
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
Quote: اللعزيزة بيان ...
تعازي الحارة لــــــــــنور في فاجعتها الأليمة
ويمكن أن أكون ـ أنا العبد الضعيف ـ أكثر من يشعر بعمق مأساتها ويتعاطف معها
في هذا المنبر علي الأقل ....وكده
ولذلك سبب بليغ أحكيه لك في هذه النمة القصيرة ..
ذات مرة زرتُ صاحب لي في بيته .. ولمّا كان يقع بعيدا من بيتي
وتأخرتُ معه في السمر فقد أصر ذاك الصاحب علي بياتي عنده .. وهذا ما كان..
غير أنني في الحقيقة لم أنم ..!!
فسبب ضيق الشقة لم يجدوا لي موضعا يصلح للنوم إلا صالة أو هول /
المهم حاجة زي الصالون كدا بس أصغر منو..
وانتبهت قبل أن أغرق في النوم علي بنته الصغيرة وهي تدخل ببطء محاولة عدم أيقاظ النائمين
وتمشي جهة الركن الزوي البعيد وتزيح ستارة ظننتها من جهلي وُضعت بغير قصد لتكشف حوض سمك
لا بالصغير هو ولا الكبير ..
وتفتح ضوء أحمر صغير بآناة من يعرف ماذا يفعل .. ثم تأخذ قليل من بودرة وتوزعها علي أسماك
الحوض ...
كان الحوض تعلوه زخرفة علي شكل قبة بها مأذنة ذهبية
وعلي جوانبه الزجاجية نقوشا تصور فارسا علي حصانه وهو يقاتل تنينا له عدة
رؤوس وسط غابة من الأزاهر ..
في الحقيقة لم أحسب عدد رؤوس التنين كما لم أنتبه لشكل الفارس بدقة فلا تسألينني
أكان ملتحيا أم بغير لحية يقاتل !!
فقد شغلني عن كل ذلك هذا المنظر البديع ... الفتأة وهي تناجي السمك الذي بدا وكأنه يفهم عنها
شكواها ..!!
والسمك يقبل الزجاج أو قولي يصطدم به كانه يريد أن يخترقه ليوانس الفتأة في وحشتها وسط الليل
سبع سمكات كعدة السنابل في رؤيا الملك صاحب يوسف النبي .. أدخلن في قلب الفتأة وأنا معها
البهجة
... منهن الصفراء ومنهن الحمراء والسوداء ، الألوان لم تكن في ذاك الوقت بذات أهمية ولا
الجنس ..لكنهن سلين عن الفتأة وحشتها وأدخلن في حشا قلبي المحبة
لذا ومن غير أي مبالغة أنا أكثر من يشعر بمأساة بنت أختك ...
فلا يعلم العشق إلا من يكابده... أو علي الأقل يراه كما هو في حالتي
تعازي لــــنور مرة أخري |
العزيز محمد
يا سلام
هذا نص موازي ابدع من القصة الاصلية لله درك
لا ادري احسست بسعادة غامرة انك شاركت به..
لك التحية على هذا النص البديع
وكن قريبا..
| |
|
|
|
|
|
|
|
|
|
Re: نهاية حزينة لسمكة نور الحمراء (Re: bayan)
|
بيان كيف الحال سمك لبن تمر هندي ولدي الصغير عامل لي ازعاج شديد داير ارنب وسمك وكديسه يعني عايز يقلب لي البيت جنينة حيوانات وانا بتزاوغ منو بانو نمشي جنينة الحيوانات والموضوع ينتهي على كدة لكنو مصر على الارنب بقوليهو انت زاتك ارنب بطل الغلبة
| |
|
|
|
|
|
|
|
|
 Re: نهاية حزينة لسمكة نور الحمراء (Re: bayan)
|
حزنت وتأثرت كثيرا للطريقة الخاطئة لفرض سيطرة العريس الأسمر بوجوده فى حيز الزوجية
وتأثره بالنهج الآسيوى المتبع يوم الدخلة بذبح البسة (الكديسة) للم الزوجة فى علبها من أول يوم.
لا ولم يكون نهجه عنصريا قط
ألا لايجهلن أحدا عليه ويفتى بعنصريته
الليلة البحر ضاق بيك.. يالمحمر لونك
أبوسمرة بفرض سلطة.. مابضربك لكيانك
عدم (البسه) ..أبدا مالقصد يقلل شانك
طفت الحقيقة المرة يوم قللوها أوزانك
تختلف الطباع ..وأبدا مابدينو دهانك
...............................................................
أما لماذا طفت السمكة الحمراء؟مابين أرشميدس ونور
فأبشرى بطول مجادلة ياأستاذة بيان
| |
|
|
|
|
|
|
| |
bayan
على محمد على بشير
هجو الأقرع
Mohamed Suleiman
حبيب نورة
طارق جبريل
waleed500
نجوان
حيدر حسن ميرغني
Abureesh
محمد نور أحمد
ابوعسل السيد احمد
Abdlaziz Eisa
مجاهد عبد الرحمن
مهيرة
معتز القريش
Muna Khugali
المسافر
salma subhi
معروف حمدين
nour tawir
محمد فرح
الفاتح يسن
فيس بوك
تويتر
انستقرام
يوتيوب
بنتيريست