|
|
 مساعدة عاجلة شديد جدا الان
|
الاعزاء ناس البورد الطبيعة بالعربى...
نسبة لاننى اطبع سليقة ساكت.. بعرف بس الحروف الظاهرة فى الكيىبورد
احتاج مساعدة الان...
أين
الهمزة.. التحت..
واين علامة التشديد
واين تنوين الفتحتين
وعلامة التنصيص العربية...
والشولة ام نقطة
شكران جزيلان مقدمن
|
|
 
|
|
|
|
|
|
|
 Re: مساعدة عاجلة شديد جدا الان (Re: ahmed haneen)
|
العزيزة د. بيان
الهمزة.. التحت.. shift + Y (إ)
علامة التشديد.. shift + حرف الذال حسب تزيع الكيبورد عندك (شدّة)
تنوين الفتحتين .. shift + W (مثالاً)
وعلامة التنصيص العربية... shift + ط " "
والشولة ام نقطة.. shift + P ؛ ؛
تحياتي
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
العزيزه د. بيان
نحاول نساعد
shift + y = إ
shfit + ~ = ّّالشدهّ (ما متأكد)
shift + p = ؛ (الشوله أم نقطه)
shift + w = التنوين
و دا المتزكرو
أنشاء الله يكون حلي مشكله
تقديري
محمد علي
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
لوحة المفاتيح و التشكيل على النصوص باللغة العربية :
حرف ذ + SHIFT = الشدة
حرف ض + SHIFT = الفتحة
حرف ص + SHIFT = التنوين بالفتحة
حرف ت + SHIFT = الضمة
حرف ق + SHIFT = التنوين بالضمة
حرف ش + SHIFT = الكسرة
حرف س + SHIFT = التنوين بالكسرة
حرف ء + SHIFT = السكون
| |
|
|
|
|
|
|
|
|
|
Re: مساعدة عاجلة شديد جدا الان (Re: Ridhaa)
|
ّ هى يا ناس
كلامكم دا كلو ابا يتنفذ؟
كيف اعمل الشدة فى الحرف.. رفض يتعمل
وكمان التشكيل ضمة ضمة ابا..
لازمن بالله شرح تفصيلى ممل لزول ما ذكى ولا حريف...
يعنى كيف اثبت الحرف عشان اشيلو الشدة ولا الضمة ولا الفتحة؟
ممنوع الضحك...
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
عاد تاني يا دكتورة حنصحح ليك البتكتبيهو كلو , طالما محوتي امية x+Shift
تعرفي يا دكتورة اجمل شئ انك بتكتبي بالبلدي زينا كدة ومسامحنك تفطي كلمة ولا جملة كاملة وحتى لو فطيتيهو سطر ما ح نأول كلامك ,,, لكن الشدات الشولات امات سطر ديل ما معانا
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
عزيزتنا الدكتورة بيان
والله يا ستى بوستك ده ورانا الناس البنستفيد منهم صحى ؟؟؟؟
كتر خيرك يا ستى كشفتى لينا الدرر الموجودة وما عارفنها..
حبيت اقول سلام يا ستى بس ؟؟؟
لك تحياتى
| |
|
|
|
|
|
|
|
|
|
Re: مساعدة عاجلة شديد جدا الان (Re: قرشـــو)
|
العزيز قرشو
سلام و تجيك العافية..
والله البورد حاجة تمام اسع كان العليمة دى كلفتنى مبلغ وقدرو
شكرا ليهم بدل يدونى سمكة علمونى اصطاد..
ربنا يقدرنى على جزاهم....
العزيز محمد البشير
شكرا الله يبارك فيك..
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
ياخالة كدي واحدة واحدة...
قولي بسم الله...
اولا حولي الكيبورد بالعربي...
ثانيا اضغطي shift وفي نفس الوكت اضغطي معها الحرف التاني
مثلا shift + حرف القاف = (ضمتين)
| |
|
|
|
|
|
|
|
|
|
Re: مساعدة عاجلة شديد جدا الان (Re: قرشـــو)
|
يا دكتورة لو عايزة تكتبي :
وروار هذا العام بكَّر بالقدوم
تكتبي "بك" وفبل ان تنتقلي الى الراء تضغطي غلى shift وتضغطي في نفس الوقت بعدها على حرف ذ ,,,,, حتبقى شدة من غير فتحة ولو حبيتي تضيفي فتحة عليها تضغطي على shift وعلى حرف ض ,,, وبعدها تكملى الراء ,,
eat your heart out بالعربي عادية لكن بلغة الراندوك تعني اكلها في حنانك !! مش كدة
| |
|
|
|
|
|
|
|
|
|
Re: مساعدة عاجلة شديد جدا الان (Re: مهيرة)
|
بيان ازيك ومن جاه الملوك نلوك ، بالنسبة لي أ،ا بكت سليقة، رغم معرفتي لبعض الحركات لان الكتابة بالحركات بتجيب لي خمة نفس ، ويا ريت اطوروا لينا الكي بورد واكون أي حرف بدوسة واحدة بس غير غمسة الشِفت العجيبة ، غايتو أنا استفدت من البوست في الضمة كنت داغسة فيها الزمن دا كلو، رغم أنو عندي برنامج تعليم الطباعة وفيه كل الحركات بس كل يوم بقول اذاكرن بكرة الشفافعات ديل ، أها دي مذاكرة اجبارية ،
اسمعي ما بجنك من الاول ببين ليك بعد تخلصي وتنزليهن في البوست !! برضو اسألي ..
| |
|
|
|
|
|
|
|
|
|
Re: مساعدة عاجلة شديد جدا الان (Re: عشة بت فاطنة)
|
سلام يا دكتورة، فقط أود أن أضيف بالإضافة إلى ما ذكره الشباب، وما ذكره newbie أعلاه عن الشدًّة، فتلاحظي أنها لا تظهر لكي أثناء الكتابة في البورد خاصة، يعني لو كنتي بتكتبي في وورد مثلا فسترينها على طول،وعند الكتابة في البورد ستلاحظيها فقط في ال preview ، وبالتالي في النص بعد ال submit ، وهذه بعض ال hints الأخرى، فلكتابة الهمزة المكسورة بعد اللام في ضغطة واحدة يعني هكذا( لإ) بواسطة shift+ T والهمزة المفتوحة بعد اللام (لأ) بواسطة shift+ G ، لأن هذا يوفر الكثير من الوقت في الكتابة...
| |
|
|
|
|
|
|
|
|
|
Re: مساعدة عاجلة شديد جدا الان (Re: عشة بت فاطنة)
|
سلام يا بتامبيرق
شوفتى لغاية يوم المرأة الكلام كلو بالتشكيل..
نقطع لسان اى زول يتكلم عن
الطباعة والغلطات الاملائية..
بس جودى الشغلة..
اسمعى فى بوست عاملو عطبراوى عن السر السيد شوفيه..
تحياتى ومودتى
| |
|
|
|
|
|
|
|
|
|
Re: مساعدة عاجلة شديد جدا الان (Re: مهيرة)
|
العزيزة مهيرة
شكرا على الطلة
جيبى بياض الفايدة.. ان اعلن جهلى وانت
وعشة تستفيدوا الناس كلها قايلاكم بتعرفو
تطبعوا.. 
اسمعى لازم اشوفك بالله فى اقرب وقت..
لامر
خترى
مودتى
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
سلام د. بيان لك وللجميع
إضافة أُخري
1- حرف الف المد (آ) الشفت وحرف الياء أو (N).
2- لام ألف بالمد (لآ) الشفت وحرف لام الاف أو (B).
3- علامة الإستفهام (؟) الشفت وحرف الظاء أو (/).
4- علامة المد (~) الشفت وحر الهمزة علي النبرة أو (Z).
5- علامة السكون ( ْ ) الشفت والهمزة علي السطر أو (X).
6- النقطين فوق بعض : الشفت وحرف الكاف
7- لتمديد الحرف (مــــ) الشفت وحرف التاء أو (J)
(اللهم انفعنا وإياكم بالمعرفة)
إسماعيل حميم
| |
|
|
|
|
|
|
|
|
|
Re: مساعدة عاجلة شديد جدا الان (Re: عماد شمت)
|
حبيبى عسل والناس مساخ.. حبيب الكل.. الشوق شديد
شنو يعنى لازم تمارس علينا بوليصيتك وتفضحنا
انا عاملة نفسى ما بعرف.. عشان كلامك دا
Quote: هكر اخر زمن مفاتيح الكيبورد عندها طشاش
ههههههههههههههههههههههه يكه |
رجعت البندر ولا لسع؟
| |
|
|
|
|
|
|
|
|
|
Re: مساعدة عاجلة شديد جدا الان (Re: Ismaeil H. Mohamed)
|
(اللهم انفعنا وإياكم بالمعرفة)
اللهم آمين اخى اسماعيل..
صورة الطفلة دى جميلة للغاية تبادل.. بتين كابر بيها...
حقا الطفولة "بنت"
ربنا يحفظ ويزيد
يا ريت لو واحد اتطوع وعملهم كلهم فى بوست واحد عشان نطبعهم...
ونختهم للتدريب
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
د. بيان
Quote: صورة الطفلة دى جميلة للغاية تبادل.. بتين كابر بيها...
حقا الطفولة "بنت"
ربنا يحفظ ويزيد |
آمييييين
أشكر لك إعجابك بصورة
إبني الأوسط محمد المختار
وكم أتمني أن يرزقني الله بنتاً
فأنا بحمده رُزقت ثلاثة أبناء
شكراً ثانياً
إسماعيل حميم
| |
|
|
|
|
|
|
|
|
|
Re: مساعدة عاجلة شديد جدا الان (Re: newbie)
|
العزيز نيو بى
شكرا ليك على نصيحة وقيف الحرف عشان نشيلو الشدة وعلامة التشكيل
ذكرتنى لما الزول يتعلم تسريج الحمار فى البلد لما كنا صغار.. توقف
الحمار تخت البردعة بعداك تخت السرج...
شوفت المقاربة دى كيف..من البيئة..
بالله اكلها فى حنانك تعنى كدى..
eat your heart out
الراندوك دا فيه مؤثرات "الدايسبورة" خلى بالك
ودى المقيم لك
| |
|
|
|
|
|
|
|
|
|
Re: مساعدة عاجلة شديد جدا الان (Re: bayan)
|
العزيزة د بيان
كنت أريد ان ادلي دلوي وأربط حماري مع حمير الفقرة لكن الشباب ما قصروا تب الله يديهم العافية، لكن وصيتي ليك لو عايزة علامات التشكيل بس أعصري على اليسار، قصدي يسار الكيبورد، لانه المفاتيح على اليسار دي فيها كل حركات التشكيل، ده لو عايزة نصحيتي يعني 
اكثر شئ عجبني وفرحني في بوستك ده انه مرق لينا دكتورة مهيرة وده شئ ما هين والله واقول ليها الف حمدلله على السلامة ولي قدام
والله يديك العافية ويلمك في علامات التشكيل
| |
|
|
|
|
|
|
|
|
|
Re: مساعدة عاجلة شديد جدا الان (Re: Yassir7anna)
|
هاهاهاهاهاهااهاهاها يسار والله ضحكتنى ربنا يشرح صدرك.. وين انت يا ظلامى قاعد
بعيد وشغال لينا يا سارية الجبل..
مش بالله دكتورة مهيرة تطلع من المخبأ السرى الضلامى دى بالدنيا...
وانت برضو والله فرحنا بشوفتك....
يلا بالله اجمعو العلامات كلها فى بوست.. ربنا يجزيكم خير
| |
|
|
|
|
|
|
| |
bayan
ahmed haneen
Mohamed Elbashir
زول ساكت
Mayada
Ridhaa
قرشـــو
مهيرة
عشة بت فاطنة
7abib_alkul
Ismaeil H. Mohamed
عماد شمت
Yassir7anna
elhilayla
فيس بوك
تويتر
انستقرام
يوتيوب
بنتيريست