الشيخ امام و احمد فؤاد نجم... معا هزما الحكومة المصرية وانحازا للشعب دون حزب او اتجاه فكري... كم احبهما... واشكر زوجي الذي عرفني عليهما في بداية الثمانيات واهداني شرائطهما.. منهم تعلمت الكثير انه من الافضل دائما الانحياز للمواطن الغلبان... زان الاحزاب السياسية لا تخلف كثيرا عن الحكومة وان المعارضة ايضا لا تختلف عن الحكومة...
الاغنية الاولى.. لا صوت يعلو فوق صوت المعركة علشان لا حباب وصاحبها واحد نصاب دا معلم أبدا كداب وبيكسب من غير أسباب والصحبة خنازير وكلاب وأنا وأنت نطلع م الباب سلام يا جدع لا صوت يعلو فوق صوت المعركة كل الجهود كل الزنود للمعركة ألحان جنان تعزف نشيد المعركة وكمان لجان عشان عيون المعركة سلام يا واد للست معمع معركة وكمان سلام لأهل بيت المعركة سندات جهاد جداد عشان المعركة لازمن جميع الناس يساعدوا المعركة طبعا جميع الناس يساعدوا المعركة مخلوق مفيش إن لم يعيش للمعركة واموت قتيل ولا فيش بديل للمعركة حاكم ضروري وإن حتماً معركة طبعا ضروري وإن حتما معركه سلام علشان لأن حتما معركة خطاب خطير يشرح مصير المعركة عشرين خطاب كمان عشان المعركة جندنا جيش مليون عشان المعركة جندتوا ديشيلون عشان المعركة وخبزنا عيش اسود عشان المعركة وأكلنا عيش اسود بلون المعركة الشعب جاع الشعب صاع دي معركة نجوع نصوع راضيين عشان المعركة إذ إن بن تن ترن المعركة هرشت مخي هي فين المعركة إخرس يا واد واهتف لتحيا المعركة أهتف لإية مش لما اشوف المعركة إمسك بوليس جاسوس خسيس ما سمعتناش بنقول ياتيس لا صوت يعلو فوق صوت المعركة إهتف يا واد لا صوت يعلو هي فين المعركة اهتف يا واد لا عوت يصلو هي عين المفركة يا همبكا في البمبكا علي بمبكا في الهمبكة
04-25-2007, 07:10 AM
bayan bayan
تاريخ التسجيل: 06-13-2003
مجموع المشاركات: 15417
بقرة حاحا ناح النواح و النواحة على بقرة حاحا النطاحة و البقرة حلوب حاحا تحلب قنطار حاحا لكن مسلوب حاحا من أهل الدار حاحا و الدار بصحاب حاحا و احداشرباب حاحا غير السراديب حاحا و جحور الديب حاحا و بيبان الدار حاحا واقفين زنهار حاحا و يوم معلوم حاحا عملوها الروم حاحا زقوا الترباس حاحا هربوا الحراس حاحا دخلوا الخوجات حاحا شفطوا اللبنات حاحا و البقرة تنادي حاحا و تقول يا ولادي حاحا و ولاد الشوم حاحا رايحين ف النوم حاحا البقرة انقهرت حاحا ف القهر انصهرت حاحا وقعت ف البير حاحا سألوا النواطير حاحا طب وقعت ليه حاحا وقعت م الخوف حاحا و الخوف ييجي ليه حاحا من عدم الشوف حاحا وقعت م الجوع و من الراحة البقرة السمرة النطاحة ناحت مواويل النواحة على حاحا و على بقرة حاحا 1967
04-25-2007, 07:12 AM
bayan bayan
تاريخ التسجيل: 06-13-2003
مجموع المشاركات: 15417
برولوج يا ليل يا عين معرفش اكذب طب و اكذب ليه عدم المؤاخدة لنا بكتب و لا أبصرايه لا أنا احترافي اشتراكية و لا عندي نزعة رجعية لكني شايف بعنيه يا فلاحين يا صنيعية بر الأمان بان و المراكب راح ترسي عليه و انا حاكذب ليه 1971
04-25-2007, 07:17 AM
bayan bayan
تاريخ التسجيل: 06-13-2003
مجموع المشاركات: 15417
أبوك السقا مات شيلني و اشيلك دنا برض فرحت لك و أنا بتاعك يا بيه و أعف ما أعرفش ليه
و كام عبد المعين لابد ف المسؤولين و أنا بتاع كل حاجة و دراعك اليمين
و سواق المدير و هتيف الوزير و مهماز المدام و نبوت الغفير و فراش العيادة و خدام السيادة للي من غير سنادة يثعكز ع السرسر و ناس بدم ساقع واقفين وراء البراقع يميعوا المباديء يضيعوا الشرائع
و من خلف شيش خايفين من الشاويش سلبية الميه الميه تعالى لا ما أجيش
دا كان كلام زمان ما يبقالوش مكان ف مجتمع نضال بيعجن الرجال بالصهد و العرق و لو حس الألم يوشوش الألم يصرخ ع الورق يقول كل الكلام عريان ما يزوقوش و يوصف الالام للي ما تألموش
أصل احنا شعب طيب و الطيبة فينا بلوة تاخدنا من قريب و تجيبنا كلمة حلوة
سامعين يا أهل البلد و لا امسك النفير يا البنت يا الولد يا المجدع الكبير عارفين ماشيين منين و السكة السالكة فين ؟ مشوارنا مش هوين و ما هواش بالقليل مهما الخيال يزين لس الطريق طويل
عايزين همة رجال أبعد من المحال و أسرع من الأمل تزلزل الجبال و تخلق المجالة للعدل والعمل
و يطلع خير بلادنا على ذمة ولادنا و تبقى عيشة جنة و ملو الصحن حنة على كفوف الصبايا و اعيش و أشوف ولادي مالين عين الأعادي قايمين للعزراية
و اقعد ويا الصحابة و نقول على الربابة يا جيل الأنجازات يا جيل المحظوظين أبوك السقا مات من شرب المية طين
04-25-2007, 07:19 AM
bayan bayan
تاريخ التسجيل: 06-13-2003
مجموع المشاركات: 15417
شوف يا مواطن شوف يا أمير واسبق شوفك بالتفكير ناس بيقولو السرف بير آدي البير و آدي غطاه و البلي بم بم والبلي باه قالك ايه قالك آه قالك كل الفول بيقوّت قالك حشو المعدة يموت قالّك صهين قالك فوّت كل دا كذب اناس كاشفاه زي ماكشفو البلي بلي باه قالك ايه قالك آه قالك يا مواطن يا ولداه زاده الفول لازم تلقاه عنده البنكرياس بطال و الامساك فوق الاسهال عنده الرهقة عنده الدوخة عنده انيميا عنده عيال
قالك ثم الجهل مصيبة مولّف ويا العيا تركيبة تشرب منها تعطش تاني تشرب تعطش تشرب تاني تعطش تشرب خمسة ف ستة مية نار لو طالت جتة لازم تلحس أسمن حتة يعني العقل يا خلق الله آدي البير و آدي غطاه البلي بم بم والبلي باه قالك ايه قالك آه
قالك تصبر ع المكتوب زي ما صبر النبي ايوب يعني تسليم للميكروب ياخد رزقه ـبفضل الله ـ يفضل ينحل وبرك لما تتفرط من وسط اللمة خايخ ينخب السوس ف عضاك خلا قوايمك ماهي شيلات ويعالجوك الناس بالصبر مع انك عيان بالصبر قومك صبر نومك صبر لحد القبر يا حول الله
وحياتك م الدار للنار تتولف عند العطار يسقيك الحكمة ف اشعار ويركب م الصبر دواره
وتقربع والداء عمال ف عصام الابعد نحال وتخلف للبوس عيال وبهيه صبية ياولداه آدي البير وآدي غطاه والبلي بم بم والبلي باه قالك ايه قالك آه بعد الكشف بميكروسكوب شفنا التوب وما تحت التوب تشكيلة امراض عشناها واليكم في اللآتي دواها وصفة عجيبة من تركيبة بلدي يا بلد البلي بلي باه قالك ايه قالك آه
ميكي بصراحة يا أستاذ ميكي انك رجعي و تشكيكي قاعد لا مؤاخدة تهفلط و كلامك رومانتيكي
و لا ناوي تبطل تكتب بصراحة كلام بولوتيكي عن دور الحل السلمي و استعماله التكتيكي ف الوقت اللي احنا صراحة دايخين دوخة البلجيكي
و بلدنا لسه جريحة و بتصرخ بالأفريكي لو بات التار يا ولادي حيبات الذل شريكي و الشعب يقول يا بلادي بالروح و الدم أفديكي
و حاجات بصراحة بتحصل في بلدنا يا أستاذ ميكي بصراحة و لا انت معاي و لا طالل من شبابيكي و كأنك مثلا مميا للسلطان الأنتيكي احياها لاستعمالها لستعمار الأمريكي رجعت على هيئة ميكي
04-25-2007, 07:22 AM
bayan bayan
تاريخ التسجيل: 06-13-2003
مجموع المشاركات: 15417
الجدع جدع و الجبان جبان بينا يا جدع ننزل الميدان و الميدان بعيد عن جوف المدينة يا تار الشهيد ف الكنال و سينا بحري و الصعيد احنا أهله ادينا أصلب م الحديد ف الشدة تلاقينا بالنار و السلاح نرفع الكفاح فوق كل العواصف و هبوب الرياح يسبق الليالي و يجيب الصباح يهزم الهزيمة و يداوي الجراح
عايزين الصباح ؟ قدامكو الميدان و الجدع جدع و الجبان جبان 1969
04-25-2007, 07:25 AM
bayan bayan
تاريخ التسجيل: 06-13-2003
مجموع المشاركات: 15417
يعيش أهل بلــــــــــــــــــــدي يعيش أهل بلــــــــــــــــــــدي و بينهم مافيــــــــــــــــــــــش تعارف يخلي التحالف يعيــش تعيش كل طايفـــــــــــــــــــة من الثانية خايفــــــــــــــــــــة و تنزل ستاير بداير و شيـــش لكن ف الموالــــــــــــــــــــــد ياشعبي يا خالـــــــــــــــــــــد بنتلم صحبـــــــــــــــــــــــــة و نهتف يعيــــــــــــــــــــــش يعيش أهل بلــــــــــــــــــــدي
يعيش المثقف على مقهى ريش يعيش يعيــــــــــــــــــــــــــش محفلط مزفلط كثير الكـــــلام عديم الممارســــــــــــــــــــة عدو الزحـــــــــــــــــــــــــام بكام كلمة فاضيـــــــــــــــــة و كام اصطـــــــــــــــــلاح يفبرك حلول المشاكل قـــوام يعيش المثقف يعيش يعيش يعيش يعيش التنابلة ف حي الزمالك و حي الزمالـــــــــــــــــــــــك مسالك مسالــــــــــــــــــــــــك تحاول تفكــــــــــــــــــــــــــر تهوب هنالــــــــــــــــــــــــــك تودر حياتــــــــــــــــــــــــــك بلاش المهالـــــــــــــــــــــــك
لذلك إذا عزت توصف حياتهم تقول الحياة عندنا مش كذلك مش ممكن تشوفهـــــــــــــــم ف وسط المدينــــــــــــــــــة اذا مر جنبك اوتومبيل سفينة قفاهم عجينــــــــــــــــــــــــة كروشهم سمينـــــــــــــــــــــة جلودهم بتضــــــــــــــــــوي دماغهم تخينــــــــــــــــــــــة سنانهم مبــــــــــــــــــــــــارد تفوت ف الجليــــــــــــــــــــد مفيش سخن بـــــــــــــــــــارد بياكلوا الحديـــــــــــــــــــــــد مدام نهر وارد و جي م الصعيد تزيد الموارد كروشهم تزيد
و تسمع و تسلم بان التنابلة أو الأكالين حيسمح كبيرهم و يعمل مقابلة مع الفلاحين و يحصل تحالف مابين الجميع و نملا المصارف بدم القطيع أطيع الخليفة أطيع والديك أطيع التنابلة دا مفروض عليك و تزرع و تبعت لحي الزمالك و حي الزمالك مسالك مسالك تحاول تفكر تهوب هنالك تودر حياتك بلاش المهالك لذلك اذا حد جاب لك سيرتهم تبسمل تكبر و تهتف كذلك يعيش التنابلة يعش يعيش يعش يعيش أهل بلدي
يعيش الغلابة في طي النجوع نهارهم سحابة و ليلهم دموع سواعد هزيلة لكن فيها حيلة تبدر تخدر جفاف الربوع مكن شغل كايرو ما يتبعش دايروه لا ياكل و لا حتى يقدر يجوع
يا غلبان بلدنا يا فلاح يا صاتع يا شحم السواقي يا فحم المصانع يا منتج يامبهج يا آخر حلاوة يا هادي يا راخي ياعاقل ياقانع ما تتعبش نفسك ف شغل السياسة و شوف انتشغلك بهمة و حماسة و عود عيالك فضيلة الرضا لأن احنا طبعا عبيد القضا و رزقك ورزقي و رزق الكلاب دا موضوع مؤجل ليوم الحساب كمان الصحافة حتكتب ف حالتك و تنشر مناظر لخالك و خالتك و تطلع يا مسعد عليك الغناوي و تسمع باسمك ف قلب القهاوي تحبك مشيرة و بنات الجزيرة و قصة غرامك تشيع ف الرداوي يعيش عم مسعد يعيش يعيش يعيش يعيش أهل بلدي 1968
@ ما تحته خط
04-25-2007, 07:26 AM
bayan bayan
تاريخ التسجيل: 06-13-2003
مجموع المشاركات: 15417
جيفارا مات جيفارا مات جيفارا مات آخر خبر ف الراديوهات و ف الكنايس والجوامع و ف الحواري و الشوارع و ع القهاوي وع البارات جيفارا مات جيفارا مات و اتمد حبل الدردشة و التعليقات
مات المناضل المثال يا ميت خسارة ع الرجال مات الجدع فوق مدفعه جوة الغابات جسد نضاله بمصرعه و من سكات لا طبالين يفرقعوا ولا اعلانات
ما رأيكم دام عزكم يا انتيكات يا غرقانين ف الماكولات و الملبوسات يا دفيانين ومولعين الدفايات يا محفلطين يا ملمعين يا جميسنات يا بتوع نضال آخر زمن ف العوامات ما رأيكم دام عزكم جيفارا مات لا طنطنة و لا شنشنة و لا اعلامات و استعلامات عيني عليه ساعة القضا من غير رفاقة تودعه يطلع أنينه للفضا يزعق و لا مين يسمعه يمكن صرخ من الألم من لسعة النا ف الحشا يمكن ضحك أو ابتسم أو انتشى يمكن لفظ آخر نفس كلمة وداع لجل الجياع يمكن وصية للي حاضنين القضية بالصراع صور كثير ملو الخيال و ألف مليون احتمال لكن أكيد و لا جدال جيفارا مات موتة رجال ياشغالين و محرومين يا مسلسلين رجلين و راس خلاص خلاص ما لكوش خلاص غير بالبنادق و الرصاص دا منطق العصر السعيد عصرالزنوج و الأمريكان الكلمة للنار و الحديد و العدل اخرس أو جبان صرخة جيفارا يا عبيد في أي موطن أو مكان ما فيش بديل ما فيش مناص يا تجهزو جيش الخلاص يا تقولو ع العالم خلاص
04-25-2007, 07:28 AM
bayan bayan
تاريخ التسجيل: 06-13-2003
مجموع المشاركات: 15417
محكمة اسمع و شوف ماحصل برض السمع واجب قاضي المظالم وصل و اتأكد الحاجب عمل قوامك مرة وهب كسكس ورا وجه يقول محكمة نطق و قال مجزرة
مع انه كان قبلها بدقيقة عامل عون نازل شتيمة وأذى ف عساكر الكركون و يغيب ويقرا الصحف و يرد ع التلفون ويمر من وسطنا و كأنه نابليون
و فجأةفز اتنتر واقف على حيله كرشه العظيم انفتل أنا باحسبه ديله
قول حبتين و اتنصب باسم العدالة ميزان مدموع بكلمة شرف مش كلمة السلطان ممكن يشيل الجبل و ينخ من شعره حسب الظروف و العلل و الرك ع الوزان
أول قضية شطح قال ع الضحية جاسوس تاني قضية نطح سمى الرعية جاموس تالت قصية انكشف واحد عليها فلوس رابع قضية حكم بالحبس ع المحبوس خامس قضية و أنا ف الأصل راجلها سألني ايه تهمتك ؟ أنا قلت أجلها لما الميزان يتوزن و يلاقي وزانه و من الصباح للمسا ربك يعدلها 1970
الفول وا للحمة عن موضوع الفول واللحمة صرح مصدر قال مسئول ان الطب اتقدم جدا والدكتور محسن بيقول ان الشعب المصري خصوصا من مصلحته يقرش فول حيث الفول المصري عموما يجعل من بني ادم غول تأكل فخده في ربع زكيبه والدكتور محسن مسئول يديك طاقة وقوة عجيبة تسمن جدا تبقى مهول ثم اضاف الدكتور محسن ان اللحمه دي سم أكيد بتزود أوجاع المعدة وتعود على طولة الايد وتنيم بني ادم وتفرقع منه المواعيد واللي بياكلوا اللحمة عموما حيخشوا جهنم تأبيد يادكتور محسن يامزقلط يامصدر ياغير مسئول حيث ان انتو عقول العالم والعالم محتاج لعقول مارأى جنابك وجنابهم فيه واحد مجنون بيقول احنا سيبونا نموت باللحمة وانتو تعيشوا وتاكلوا الفول مارأيك ياكابتن محسن مش بالذمة كلام معقول
04-25-2007, 07:32 AM
bayan bayan
تاريخ التسجيل: 06-13-2003
مجموع المشاركات: 15417
ورقة من ملف القضية إنت شيوعي أنا مصراوي إنتو مصايب إنتو بلاوي ممكن أعرف مين الأول بيكلمني إحنا نيابة أمن الدولة دول مين دولة مصر مصر العشه ولا القصر أيوه حنبدي ندور ونلف حاجه تنرفز خالص إف مالك ... شايل طاجن خالك لم لسانك ما تخرفش أنا ما اقصدش اهانتك طبعا أيوه استعبط لاما اعرفش إيه رأيك في سفارة كوريا إيه رأيك في قضية مصر مصر ف وحده هى وسوريا وليبيا ولازم ييجي النصر ييجي منين وازاى ولمين آدى كلام الشيوعيين أنا من حقي حق ف عينك أنا بتكلم بيني وبينك يعني كلام بره التحقيق إذا كانش يسبب لك ضيق طيب قول مين مسئول ؟ مين مسئول عن إيه يا إخينا ع إللي جرى لنا ف غزه وسينا أنت شيوعي أكيد وطاوعني فض دمغك من دي قضيه شعبنا جاهل مهما تقول له مش حيآمن بالشيوعية ما الشيوعية فى فيتنام إيه رأيك فيهم يا همام مش بطال مش بطال لكن إحنا .. ورانا عيال طب ما نحارب لجل عيالنا يطلعوا أسعد من أجيالنا إنت الظاهر مخك فاضي وحتتعبني معاك ع الفاضي وأنا بحبحت معاك بكفايه إبقي اتفلسف عند القاضي هى قضيه ؟ لأ ملوخية أمال فاهم إيه آمال هى الدولة دى لعب عيال ممكن أعرف أنا هنا ليه أيوة حتعرف أمال إيه يوم خمسه وعشرين الماضي إيه مشاك عند التحرير تحرير إيه يا جناب القاضي أنا مش فاضي بكره تصير بطل غلبه وجاوب دوغري أنا غلباوي كده من صغري كل الشيوعيين أمثالك آخر غلبه وقله ذوق يحصل إيه لو تمشي ف حالك فاكر نفسك مين ما تفوق لو راح افوق مش من مصلحتك أنا معجب جدا بصراحتك إيه رأيك فى حكايه الطلبه حاجه عظيمه بشرة خير إنت دماغك ينفع جزمه وانت لسانك ينفع سير إخرس قطع لسانك سافل كتر خيرك مخك قافل مين وداك بقي عند الطلبه رايح ضمن المندسين رحت أناقشهم واسمع منهم تسمع منهم إيه يا سي طين دول عايزين الدنيا تولع علشان أصلا مش فاهمين هى الحرب يا عالم لعبه دى بتتكلف بالملايين وأنت حتدفع إيه من جيبك امال ح ادفع من جيب مين إنت حمار وخدوك فى مشمك رحت هناك زى الباقيين عاملين لجنه وقال وطنيه مش ممكن دول وطنيين وجماعة أنصار الثورة وفلسطين وهباب الطين ما نخلينا يا سيدي في حالنا مالنا ومال الفدائين هو إحنا اللي نهبنا بلدهم دول عالم صيع فاقدين قتلوا الراجل عند الشيراتون وإحنا إللي طلعنا القاتلين وصفي التل دا كلب وخاين اهو كل العالم خاينين واحد صاحبي مراته مرافقه وهو مرافق ييجي عشرين أمريكا بتزعل وبتحرن هو إحنا يا عالم ناقصين مش نستعبر م إللي جرالنا ونعيش بقي زى العايشين دي عيال عملا للشيوعيه وإحنا عدو الشيوعيين ورق دمك بس يا بيه مين مساعدكو بقالكو سنين بيساعدونا صحيح يا سي بعجر علشان أصلا مش فاهمين إحنا حيلتنا منين نديهم ونسددهم بالملايين يمكن يعني قضيه مبدا مبدا مين وزكايب مين هي دى عالم تعرف مبدا دولا باقول لك ناس مجانين اخترعولنا السد العالي علشان نبقي اشتراكيين إشتراكيه هناك ف بلدهم وإحنا ف دارنا نعيش حرين عايزين الفلاح الجاهل يتساوى بالمحترامين وكمان قال تحديد ملكيه أبو ألفين يدوه خمسين شغل ملاحده وعالم كفره ومخالفين أحكام الدين والعمال رخرين اسم الله فاهمين روحهم بني آدمين ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين مين وداك بقي عند الطلبه انطق قول اتكلم مين هما إيه مطالبهم ؟ انت حتستجوبني يا شاطر لأمش قصدى بس أنا باسأل كانوا طالبين كراريس ومساطر ولا مطالب ميه الميه كل الشعب مآمن بيها دول طالبين حرب وشعبيه مين مجنون بقي حيمشيها عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر لازم بينه وبينك دم دم ف عينك هس اتلم ثم نحارب ليه وبايه بسلاح ما يموتش بعوضه ورق دمك بس يا بيه الحرب ضروره ومفروضه واهو نفس سلاحنا المظلوم في فيتنام دابح أمريكا دى طبيعه أرض يا بني آدم بطلوا بقي كدب وبولوتيكا طب ما الهند بنفس سلاحنا فى باكستان بعزقت الغرب رأيك يعني ضروري ان إحنا وحتما يعني نخش الحرب طيب حاضر فين المخبر حتغير رأيك بالضرب
04-25-2007, 07:36 AM
bayan bayan
تاريخ التسجيل: 06-13-2003
مجموع المشاركات: 15417
بجوار الأزهر الشريف , وعلى امتداد ساحته العريقة يقع حي » الغورية « . واحد من الأحياء القديمة في القاهرة ، حفظ لمصر الكثير من ملامحها الحضارية و الاجتماعية. البؤس الطويل القديم ، والاستمرار رغم كل شيء . و يقدم هذا الحي كل يوم طاقات عظيمة لا حدود لغناها.
»و جوش قدم« حارة ضيقة ، يصل المرء اليها مخترقا صفوف عربات اليد الصغيرة التي تحمل نمادج من انتاج »خان الخليلي« بينما تفوح من الحوانيت المصفوفة على الجانبين رائحة البخور و العطور الشرقية. و لان المكان يأبى الا أن يخاطب في زائريه كل الحواس معا ،فان نداءات الباعة و أصوات المؤذنين و تراتيل المقرئين و المصلين لا تتوقف ليللا أو نهارا حيث يصنع الايمان هنا حاجزا منيعا ضد اليأس المطلق .
في »جوش قدم« يعيش شاعر و مغن ، و رسام ، ونحات في بيت قديم متآكل ، و في الوقت الذي يبدو فيه هذا البيت القديم آيلا للسقوط يعد مخزنا حقيقيا للاسرار و يستعصي على القدم و التفسخ .. الشيخ امام عيسى ،و الشاعر أحمد فؤاد نجم و فريقهما الصغير الذين يقفون اليوم في مقدمة الظواهر الايجابية التي ولدتها هزيمة» حزيران « بكل اهوالها ، فمن حيث لا يدري أحد و لا يتوقع يقدم الشعب المصري مفاجآته في لحظات الظلام الكثيف.
غيفارا و أبو علي اياد
في غرفة صغيرة بالدور العلوي ، يسهر الشيخ »مولانا« كل ليلة و فوقه صورتان احداهما لغيفارا و الأخرى » لأبي علي اياد« رسمهما مرافقه و صديقه » محمد علي« . في هذه الغرفة يجتمع دائما عدد كبير من مثقفي مصر شبابا و شيوخا . و على اختلاف اهتماماتهم و أعمالهم يجمعهم شيء واحد هو حلم التغيير و التوق المضني إلى الخلاص . و قد صاغ كل من الشاعر و الشيخ الحلم و التوق معا . و أضافا إلى ذلك أنهما قدما بالفن البسيط حلولا. و كانت هذه الحلول حصيلة رحلة طويلة , قطعها كل على حدة في البدء ثم التقيا ليواصلا معا طريقا لا يحده الزمن و لا الموت. و من خلال الجوع و التشريد و السجون و المعتقلات خرجت الكلمات و الأنغام متكاملة تماما مع المواقف العملية لتجرف في طريقها ببطء و أناة الحواجز و المواقع .فوصلت رغم الحصار و المصادرة الى شباب العمال و الطلاب .
04-25-2007, 07:38 AM
bayan bayan
تاريخ التسجيل: 06-13-2003
مجموع المشاركات: 15417
و لم يكن غريبا أن تتركز الحملة المضادة لهذه الظاهرة في جريدة الأهرام و أن تصل في بعض الأحيان الى حد التبليغ عن › النشاط المريب ‹ و › و السهرات المريبة‹ على حد تعبير أحد المحررين الموسيقيين الذي تغمس فيه كل من امام و نجم.و تصدى للرد على هذه الحملة مثقفوا اليسار و كتابه … دكتورحسن حتفي ، دكتور فؤاد زكريا ، محمود أمين العالم ، أحمد بهاء الدين ، جلال سرحان ، رجاء النقاش ، سيد خميس ، و غيرهم . وكان مفهوما ضمنيا أن مشجعي حملة الأهرام هم جميع هؤلاء المغنيين والمؤلفين الذين يتصدرون الحياة العامة ويسهمون أو أخرى في تضليل الناس وتزييف الحقائق .
ومع ذلك كانت لكما تجربة مع أجهزة الإعلام ، ويدكر الكثيرون أنهم رأوا الشيخ الإمام على شاشة التلفزيون و آستمعوا إليه في الإذاعة . أليس كذلك ؟
كنت أريد فعلا أن أوضح هذه القضية ، فكما قلت سابقا رأيت دائما أن أي وسيلة تصل بكلماتنا و معانيها إلى أعرض الجماهير و أبعد القرى لابد من طرقها . وحين التقينا بالكاتب والناقد رجاء النقاش قال إن ما نقدمه هو ملك للناس جميعا و إن اكتساب أي موقع لهذا اللون من الفن في أجهزة الإعلام مكسب . وبالفعل قدم الشيخ إمام على شاشة التلفزيون ، و خلال شهر رمضان 68 ،قدمنا برنامجا يوميا في الاذاعة و نجح نجاحا كبيرا. إلا أن إهتمام المثقفين و انتشار أعمالنا بين الطلاب زاد من تربص السلطة بنا ... و كان لابد أن يأتي ذالك اليوم الذي يفتعلون فيه الصدام .و بدلا من مواجهتنا مباشرتا فوجئنا بعدد من كبار ضباط قسم مكافحة المخدرات في القاهرة و قد جاؤوا للقبض علينا أنا و الشيخ إمام و عرضوا علينا كمية ضخمة من الحشيش و قالوا إنهم ضبطوها في منزلنا ... وقالوا لنا صراحة سوف نلفق لكما تهمة كبيرة بهذا الحشيش.
و احتجز الشاعر و الملحن عدة ايام في قسم الشرطة دون مساءلة. ثم بدأت المساومات و طرحت الأسئلة ( لماذا لاتتعاونون مع أجهزة الاعلام و تقدموا المواصفات المطلوبة).
و يقول نجم رفضنا الحوار تماما لأن الذين كانوا يسألوننا هم ضباط مكافحة المخدرات و قلنا أن هذه القضية لا تعنيهم. و رغم أن الأجهزة كانت تنوي إيذاءنا سن الخبر تسرب رغما عنها إلى جامعة القاهرة، و خاصة كلية الهندسة و كانت أحداث 68 عالقة بالأذهان، و كانت شوارع القاهرة والجيزة مازالت تحمل بصمات هذه الأيام الحافلة المؤلمة.
في نفس الوقت إتخذت النيابة و القضاء المصري موقفا مشرفا يسجل استمرارا للتراث النضالي العظيم للمحامين و وكلاء النيابة القضاة. وقفنا أمام القاضي و دار بيننا حوار طويل. قال القضي للشيخ إمام :لماذا يلفقون لك هذه التهمة يا سيدنا؟
فابتسم ( مولانا) و صمت و لكننا فهمنا من إشارة القاضي أنه متعاطف معنا. و بعد قليل طلب إلينا أن نغني له (بقرة حاحا). و بقرة حاحا واحدة من اهم قصائد نجم و أبرع ألحان إمام و أكثرها مصرية .فبقر ما كان نجم يسجل رؤيته لأسباب الهزينة، كان إمام يستوحي فيها ذالك الدوران الا نهائي للبقرة المغماة التي تجر الناعورة في الريف المصري كتبت هذه القصيدة بعد الهزيمة مباشرة ردا على تلك النمة اللإهزامية التي قادتها جريدة الأهرام حين قدمت منطقا متكاملا يقلوأن مصر الفقيرة المتخلفة المهزومة ليس في مقدورها أن تناطح الثور الأمريكي و لهذا جاءت بقرة نجم المسلوبة و المهدرة نطاحة رغم كل شيءوكنت نذالك ردا شعبي أصيلا منموع الجرح الفائر ضد هؤلاء الذين ارادوا و مازالوا أن تتغلغل الهزيمة و تتكرس.
ـ قال القاضي سوف اطلق سراحكما بكفالة فأنتما بريئان لكهم لن يصمتوا طويلا. و كان القاضي مصرا على أن يدفع الكفالة (10 جنيهات) إلا أن عددا من أبناء الغورية و من الأصدقاء كانوا في انتظارنا بعد أن جمعوا مبالغ كبيرة ليدفعوا عنا الأذى.. و خرجنا الى الغورية من جديد لنستأنف كتابة الشعر و الغناء...
منذ ذلك التاريخ اعدت أجهزة الأمن ملفا لكل منهما باعتبارهما خطرين على الأمن.
فريدة النقاش
04-25-2007, 07:40 AM
bayan bayan
تاريخ التسجيل: 06-13-2003
مجموع المشاركات: 15417
وحياة النبى المصريون دول أجدع ناس دا أنا بحب مصر وكمان دا أن أسكندرانى ولو ما المصريون كان السودانيون أكلوا نيم عديل وبعدين معاك يا ولا ما تؤلش حاجه كدا ولا كدا وتخلى الدكتوره تلظلظ معانا وكمان نتلاقا فى المشمش أى واحد يقول كلمه كدى ولا كدى أنا أطخ فى المليان دا السودان كلو صعيد مصر مصر والسودان بلد واحد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
bayan
رفضنا الحوار تماما لأن الذين كانوا يسألوننا هم ضباط مكافحة المخدرات و قلنا أن هذه القضية لا تعنيهم. و رغم أن الأجهزة كانت تنوي إيذاءنا سن الخبر تسرب رغما عنها إلى جامعة القاهرة، و خاصة كلية الهندسة و كانت أحداث 68 عالقة بالأذهان، و كانت شوارع القاهرة والجيزة مازالت تحمل بصمات هذه الأيام الحافلة المؤلمة. 
waleed500
أيمن الطيب
Abuelgassim Gor
فيس بوك
تويتر
انستقرام
يوتيوب
بنتيريست