|
دعواتكم لزميلنا المفكر د.الباقر العفيف بالشفاء العاجل
|
|
 Re: شرح العنقريب اند ذا ارمد جاير ثوت (Re: bayan)
|
الكرسي الاحمر دا ممكن يكون كرسي للافكار الشيوعية او الافكار الحمراء
طبعا دا لو حاولنا ايجاد معاني اخرى للمصطلح الذي كان يطلق على جماعة التنظير من منازلهم بدون دراسات اجرائية.
الواحد قاعد في بطن بيتو يتكلم عن مجاهل افريقيا و المتوحشين
الهناك..
ما علينا
هل وصف دكتور حسن موسى لافكار الشباب ديل بشرح العنقريب
بيقصد انها نظرية وغير قائمة على معرفة عملية؟
يعني من سمع ليس كمن رأى وسمع؟
| |
 
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
ابو الصحب النجاشي صلاح الدين
مرة قال انه في الدنيا كجنتو جداول الضرب والنحو..
عشان كدا لله بيكره سبويه
وقال دائما بيتخيلو
لابس ليه عراقي وسخان وعنده كرش كبيرة
ومتكي في عنقريب وجنب راسو زير كنقال مليان مريسة
الغلام يغرف ويديه بالعبار وهو يشرب
وينظر في النحو
وقال نجي نحنا بعد دشليون سنة يطالبونا بمعرفة
كلام سكر وعبابير..
عشان كدا كلو ما يجبو سيرة العنقريب بذكر سبويه
والعكس بالعكس...
والولد نجاشي ولد مشوطن من ولدوه
لكن ما قدر ينجر قصة شرح العنقريب دي كما ينبغي ان يكون
والا كان حيكون سبق دكتور حسن موسى في نحت مصطلح
جديد..
الا وهو شرح العنقريب..
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
العنقريب يا سلام ده مش البنبر أو البمبر الكبير صحيح أن البمبر مربع والثاني هندسياً مستطيل بس في الشكل والشبه أعتقد جازماً أن كلامها من أصل واحد ، سواء إتمسخ البمبر فأصبح صغيراً أو تمدد فأصبح عنقريباً.
سألت ذات مرة والممرات كثيرة أخونا سيف الدين عن الشئ الذي ينوم فيه الناس وله أربعة أرجل ومصنوع غالباً من حطب وربما تكون رجل أو أكثر من أرجله الأربعة مكلوجة ومنسوج بحبل وقد يتجاوز إرتفاعه قامة شافع في السادسة من عمره وقد يكون في طول جداده سواء بسواء فقال لي "عندليب " وكانت إجابة صحيحة لأن صاحبنا يعاني مشكلة في نطق بعض الحروف يعني أل جن أو أخنف مش مشكلة.
كانت أغتاظ وأنا أسمع في يام قد خلت صاحب صوت أجش ينادي رائحاً وغادي "صلاح عناقريب ، بالحبال" العناقريب " فهل يا تري لا يتم تصليح العنقريب إلا من خلال الحبال ولماذا لم يقل نسج العناقريب بالحبال ، وهل في ذلك وضع للحبل على الغارب وهل هو سنام البعير أم قارب نفاث ، ومادمنا في شأن النفث فلماذا ينفس أولئك السحرة الأشرار سحرهم وكيدهم في العقد أهو حب لللولوة وكيد ومكر أم أن الحبر طويل. وما دمنا في شأن الحبال فقد وقع نحوي في بئر فجاءه من ينقذه فناداه النحوي وهو في قعر البئر "يا هذا أربطني ربطاً وثيقاً وشدني شداً دقيقاً" فرد عليه المنقذ إمرأتي طالق لو أخرجيتك منها ، وشتت تاركاً النحوي لحروف النصب والجر.
هذه الرواية لا علاقة لها بالعنقريب ولا بكراب العنقريب وهو الجزء الذي يمثل حوالي الواحد على الخمسة من طول العنقريب والذي تشد فيه الحبال بصورة طويلة من السداة إلى الخشبه البي العرض ديك ياخ ، العتب ، ياي الغتب على النظر ديك إسمها خليني أسأل سيف الطين تاني ، المهم حبال الكراب بتكون في خطوط موازية لمرق العنقريب الأيسر والأيمن سواء بسواء.
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: almulaomar)
|
| Quote: هذه الرواية لا علاقة لها بالعنقريب ولا بكراب العنقريب وهو الجزء الذي يمثل حوالي الواحد على الخمسة من طول العنقريب والذي تشد فيه الحبال بصورة طويلة من السداة إلى الخشبه البي العرض ديك ياخ ، العتب ، ياي الغتب على النظر ديك إسمها خليني أسأل سيف الطين تاني ، المهم حبال الكراب بتكون في خطوط موازية لمرق العنقريب الأيسر والأيمن سواء بسواء |
الملة عمر ياخي الشوق بحر رجعت تاني للحاجات اللذيذة
بالله ما تنقطع استمتعت للغاية بالقراءة خلف وقدام السطور
يديك العافية يا ملك
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
بيان العزيزة الموضوع دا جادى بالمناسبة وهناك بحث كتبه صديقنا دكتور يوسف حسن مدنى عن تاريخ العنقريب فى السودان وتطوره ، لكين عندى سؤال فى السينما الهندية دايما فى عنقريب مجدوع هل جانا العنقريب من الهند بشكلو الحديث ولا كان منذ الفونج وهناك ملامح كتيرة لوجوده فى بعض المقولات فى كتاب ود ضيف الله ولا شنو الحصل ، بعدين قصة النجاشى دى لذيذة لانو نجاشى احسن زول عندو قصص فى الدنيا وحقتو براهو ، المهم العنقريب، لكى ودى
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: سلمى الشيخ سلامة)
|
ست الحبايب يا سلمى
موش؟
العنقريب دا اهم حاجة اتمنى شراح العنقريب ينتبهو لذلك..
اخير من يسموه شرح الكرسيى ابو ساعدين
لي زمن من دكتور يوسف ولكن وصلني ديوانه مازال يعافر الشعر..
نجاشي مجنون رسمي ..وخيالو ابن كلب انا طوالي بفكر
لو الزول دا سطل حيفكر كيف؟
ولك التحية والمودة
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
واصلن ...العنقريب موجود في المتحف وفي الهند وفي الملايو يانجاة -مرة شفت فيلم قديم لممثل ملاي كوميدي مشهور في زمانو (الستينات) وشفت عنقريب ...الهنود عندهم عناقريب دوريين كمان ... عندنا الرطان عناقريب "امبراطور سايز" يعني اكبر من الكويين والكنغ بس ما منسوج من الحبال من لكن من جريد النخل .. ماكن وكبير وينفع ستيج بتاع مسرح ياسلمي بينومو فوقو زمان اطفال البيت كلهم ولو في ضيوف معاهم ...الساقية كمان فيها عنقريب بس ما عندو ارجل ...العنقريب الفي المتحف بتاع واحد من جدودنا زمان المخدة خشبة ....
اها منو "العنقريب" في الادب والتراث الشعبي واين يقع في الاعراب وهل سيبويه كان عندو عنقريب ...
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
| Quote: والله تأثرت مقدرتى على الإطلاع جدا منذ انقطاع علاقتى بالعنقريب بسبب الغربة! |
يا قريبي ما كان تغترب في الهند عندهم عناقريب كتار ...بس انت اول واحد كان بيطالع من سطح العنقريب ..العنقريب للتامل وعد النجوم ...
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
نجاة .. في بيوتنا بناتنا واولادنا يقرؤون لكافكا(مطلع القرن الماضي) ولكويهلو (مطلع الالفية الجديدة ) ... لا ينطبق علي هؤلاء تصنيفات خرتاية او خلافها كما لم ينطبق علي رغم اني من جيل في الخمسينات من عمري التقط ما يروق لي من كتابات وادب ونثر وشعر وغناء وذلك منذ صغري ..
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: abubakr)
|
| Quote: نجاة .. في بيوتنا بناتنا واولادنا يقرؤون لكافكا(مطلع القرن الماضي) ولكويهلو (مطلع الالفية الجديدة ) ... لا ينطبق علي هؤلاء تصنيفات خرتاية او خلافها كما لم ينطبق علي رغم اني من جيل في الخمسينات من عمري التقط ما يروق لي من كتابات وادب ونثر وشعر وغناء وذلك منذ صغري |
تعرف يا باشمهندس
السيرورة( سنة يا انا) بتاعة المعرفة بدأت من بدري تصنع تراكما كميا وكيفيا
(سنتين) و و نحن نتلقى ونهضم.. ولكن هناك اجيال تتلقى ولا تهضمم حتى تعثر عليها الفهم
من الابخرة المتصاعدة من التخمة فصاروا كمن قال عنهم دكتور المسدي يمارسون الاستمناء الفكري لذة بدون منتوج.
مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا..
جيل شراح العنقريب جزء منهم بدل يبدا من حيث انتهى الناس رجعنا تاني 15 قرن..
ولكن برضو ما بطال فانا مستمتعة جدا بالقراءة لهم..
واتمنى حسن موسى يدي الضراب حريتو..
وانا سعيدة انه في جيل بعد شراح العنقريب في طور الاعداد
قد فشلت تماما في تحبيب فكرة القراءة الموسعة لاودي..
هنيئا لك يا اخي ولهن التحية..
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
Quote: مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا.. |
لا احب تصنيفات وافضل ان اخذ ما يناسبني من الكم الموجود
التصنيفات اضرت كثيرا بتوسع قاعدة التقاط اجيال كثيرة لمجمل المنتوج واختيار ما يناسبهم .. التصنيفات تضع حاجزا نفسيا احيانا او تجعل القارئ متاثرا بما سمع من استقراءات شخصية لاخرين فيحجم ...
ليس هناك ما يزعج في احجام بعض ابنائنا الان من القراءة الموسعة فهناك وسائل التقاط للمعرفة غير القراءة كثيرة ومتنوعة
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
Quote: السيرورة( سنة يا انا) بتاعة المعرفة بدأت من بدري تصنع تراكما كميا وكيفيا
(سنتين) و و نحن نتلقى ونهضم.. ولكن هناك اجيال تتلقى ولا تهضمم حتى تعثر عليها الفهم
من الابخرة المتصاعدة من التخمة فصاروا كمن قال عنهم دكتور المسدي يمارسون الاستمناء الفكري لذة بدون منتوج.
مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا..
جيل شراح العنقريب جزء منهم بدل يبدا من حيث انتهى الناس رجعنا تاني 15 قرن.. |
والله أضحكتيني يا بيان
لكن ما بالغتي!!!
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
«النفوس لو اطايبت العنقريب يشيل الميه»«مثل سوداني»
هذا مثل سوداني يعطي للعنقريب اتساعا وليس تحجيما يصنفه في حيز صغير محدد فان قصد به سمة من سمات الثقافة فيجب ان يسع الكثير ... يظلم العنقريب من يحجمه ...
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
| Quote: والحداثة و ما بعد الحداثة وهلم جرا.. |
بالجد "الحداثة" يعني شنو ؟ بتبدء وين وتقيف وين .؟ يعني بكرة ما "حداثة" لناس بكرة زي ما كانت "حداثة" لناس امبارح ..واللا هي محطة اسمها كدة . يا جماعة اكثر من نص السودان زينارطانة شغاليين بقاموس عربي مختصر abridged وبالضروريات من اللغة فبالله راعو حالنا ..وبعدين "سمت" دي شنو يانجاة .. انتو قرووكم عربي غير القرونا ليهو بتاع "ظلع الجمل وهذا هو العصفور ودجاجي يلقط الحبة" ؟
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: abubakr)
|
سلام يا ابو بكر
كيفك صحتك
زمان كتبت لي بحث عن تطور مصطلح الحداثة
اها اسع نحنا في البوست مودرنتي
الجاية حتكون دا بوست بوست مودرنتي وهكذا دواليك..
| Quote: انتو قرووكم عربي غير القرونا ليهو بتاع "ظلع الجمل وهذا هو العصفور ودجاجي يلقط الحبة" ؟ |
والله يو ميد ماي دي.. 
ما تنسى بالله الدود فوق العود..
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: bayan)
|
ازيكم.....
علي حد علمي المثل دا بيقولوه للزول البيشرح الحاجه الواضحه و البديهيه.
يعني زول يشرح العنقريب يقول: حطبتين افقيات معاهم اربعة حطبات راسيات 
ان شاء الله ما اكون شرحت العنقريب
| |
|
|
|
|
|
|
|
|
|
Re: شرح العنقريب اند ذا ارمد جاير ثوت (Re: Marouf Sanad)
|
| Quote: القصة دي ما سألنا منها زمان وقالوا عندها علاقة بموضوع أبكر! |
اولا ازيك وين ما ظاهر ايها العدو
بعداك
تصور اليوم عرفت الموضوع..انه منحوت من ابكر..
اختك
عقلها شطح وفكرت بعيد واذكر ليفي شتراوس ساكت..
الارمد بيكون المسلح موش
اها شرح ابو الشمقمق جد مسلح..
| |
|
|
|
|
|
|
| |
bayan
almulaomar
سلمى الشيخ سلامة
abubakr
تبارك شيخ الدين جبريل
abdalla elshaikh
aydaroos
Marouf Sanad
فيس بوك
تويتر
انستقرام
يوتيوب
بنتيريست