|
دعواتكم لزميلنا المفكر د.الباقر العفيف بالشفاء العاجل
|
|
 Re: رنجو....... الوان الحب (4) (Re: bayan)
|
الاخت العزيزة بيان
تحية طيبة
عندمارمز العرب لكلب بالوفاء كانو على حق وهناك الكثير من القصص عن الكلاب الوفية فى اروربا بعد الحرب العالمية الثانية
لمزيد من التفاصيل عن رنجو
اننا غادرنا شندى الى الديوم ولبثنا سنين وثم عدنا الى عبطره وبربر.. وبعد كل هذه المدة عرفنى رنجو... عندما كنت اتجول فى شندى فى الزيارة لتى ذكرتيها مع كمال ود البوليس الذى اختفى هو ايضا فى جنوب السودان في حروب نميرى بعد 1983..رايت كلب يندفع نحوى فى ديم عباس...وكان رنجو..ثم كانت التفاصيل التى ذكرتيها
ولكن لاول مرة اعرف ان رينجو قتل وهذا اسوا خبر اسمعه عن مقبرة جماعية جديدة..لان يوم اختفاؤه المريب ذهبت الى المدرسة وسالت مدرس الدين اذا كان هناك شىء غيبى يعيد الغائب بارادة الله..اسهب الرجل فى وصف الطرق ولكنى لما اخبرته ان الغائب كلب صفعنى...وردد بغلظة وقال هويرتعد بثوبه القصير (ما قل ودل والعمة نايزر نور):ان ابغض الخلق الى الله الكلب الاسود!! ثم دفعنى بعيدا وانا اغالب لدمع وانصرف..ولكن رنجو كا ذهبى اللون..ومن يومها تعاظم حبى للكلاب وكراهيتى لرجال الدين كما كان كازنتاكس يفعل ..ما عدا استاذى الحبيب جابر فى مدرسة الدامر الثانوية العليا ودى قصة تانية سياتيكم نباها بعد حين..
اذا لابد من الدفع باحمد وعبدالعزيز وايمن الىبروكسل مع حسين ميلاسوفتش ومع كل السفاحيين فى السودان الذين يفوق عددهم عدد مزارعين بنى اسرائيل
العزيزة بيان ..ان فى التداعيات عبرة لمن اعتبر..وذكرى لبلاد جميلة..حتى حيوانتها كان لها مواقف..بلاد
كان اسمها امدرمان
كان اسمها السودان
كان جنوبيا هواها
| |
 
|
|
|
|
|
|
|
|
Re: رنجو....... الوان الحب (4) (Re: adil amin)
|
البدرى سيد الناس
شكرا للطلة
زولك دا ما فتر؟
الاخ عادل
هذا هو الاعتراف
Quote: اها نجى لى
سيرة
البحر ، اقصد رنجو عليه رحمة الله .. احكى ليك القصة كلها وانت احكمى ..
ايمن
طبعا الصباح جاكم جارى عشان يبارك العيد وقابله رنجو فى الباب وشب فوقو
اظنه
كان بيلعب وخربش ايمن ، ايمن اتجرس والجماعة قالوا رنجو سعر وعشان خاطر
ايمن
قام هريدى ( أحمد) بقتل رنجو يوم العيد اهىاهى اهى اهى .وقام عويس
وشاطوح
(وديل طيعا مازن ومحمد بمواراة الجثة واخفاء معالم الجريمة ، دى القصة
كلها
وانتهى المسلسل بموت البطل ، الواحد ما كان داير يحكى ليك القصة عشان ما
يتور
من جديد قصة التار يا صابحة !!!!!!! |
اعلان الى الجماعة فى هولندا
كاتب هذا الايميل بين ظهرانيكم
ودمه مهدور
| |
|
|
|
|
|
|
|
|
 Re: رنجو....... الوان الحب (4) (Re: bayan)
|
العزيزة بيان لك كل الود
وللسادة المتداخلين الاحترام
وشكرا علي الإهداء
وصلتني رسالة من صديقي بعد أن استطاعت ألوان الحب أن تخرجه من صمته
محتوي الرسالة :
تحية طيبة
تابعت بوستات ألوان الحب
أو هي للحب ألوان
فالحب يلون 0000
(( رنجو )) هو لون من الحب لا اعرفه أنا
أو بالأصح إنني لم احب الكلاب في يوم من الأيام ..
فمنذ الطفولة وحتى اليوم أتحاشاها بقدر الإمكان
فهي ( سبب للخلعة دائما ) لأنني من النوع الذي يسير في الشارع ولا يري ما أمامه و تحته وحتى إذا رأي .. فلا فائدة لن الوقت يكون قد فات لاستيعاب الموقف …
الكلاب دائمة الحضور في حياتنا السودانية .. فهي إما لها سيد أو ضالة .. ولأنني خرطومي المولد والمنشأ .. فالكلاب يمكن تأخذ وضعا في الحلة ؟ فمثلا هناك شوارع يكون اشهر ما فيها كلابها ويطلق اسمها علي الشارع .. ( طبعا دى كلاب شرسة ) حتى أنها تجعل الشارع منطقة عسكرية ممنوع الاقتراب والمرور فيها فتحرمك من المرور في شارعها إذا كان الوقت متأخر ( يعني بعد المسلسل المصري ( الساعة 8 زمان ) ( أوعك تحي بشارع ناس النور فيهو كلاب صعبة).
ولكني أحببت كلبين في حياتي :-
الأول هو كلب لصديقي ( لا يهتم بأي شئ .. ونادرا ما كان ينبح ) أحببته لهذه الخصلة الجميلة .. فهو لا يحرك ساكن حتى ولو مر ت من أمامه مسيرة مليونية لكدايس الدنيا.
أما الشيء الأخر فيه فله اسم مختلف جدا ليس كبقية الكلاب التي تحمل الأسماء الأجنبية كغالبية الكلاب المنزلية في السودان ( أسمه الخير ).
الكلب الثاني :- هو الكلب ( بلوتو ) في مجلة ميكى الشهيرة .
الكلب الثالث :- سيكون رنجو
انتهت الرسالة
سلام
ولى عودة
صدا
| |
|
|
|
|
|
|
|
|
|
Re: رنجو....... الوان الحب (4) (Re: bayan)
|
بيان ولو بعد حين
اولا ازيك
قريت وللحب الوان فيما يخص العم جوي
حقيقي جميله يا بيان وسردك كان لطيف وقريب شديد
وقريت رنجو وجد زي ما علق الكاتب اعلاه غير بلوتو انا ما هويت
لانو الكلاب الجد جد من زمان ممنوعه لانو امي بتخاف منها وعادي كلب جيرانا لو هاج في الشارع امي بتجري البيت وتقفل الباب وتخليك بره
للكلب
اتذكرت لي نكته لمحمد صالح نزل في فندق عرسان
اها قام مرق بالمغرب كده وساق عجلتو
قام جاي بالليل راجع عجلته نفست وفي السكه الكلاب سكتو وادتو ليك كم عضه اها ما صدق وصل الفندق بس لقا ليك الدنيا مضلمه والباب مقفول وبس زعل ليك زعله..وينقنق يقول,,مالكم ..مالكم يا اخوه طفتفتم الاناوير ونمتم دوزين دوزين وتركتم اخوكم محمد صالح وحده عجلته نافسه والكلاب عضعضته وفلسفته ضيعته..
اسا دي نكته لي
تاني ما تجيبو سيره الكلاب
بيان شكرا للشيرنغ
توما ولو بعد حين برضو
| |
|
|
|
|
|
|
|
|
|
Re: رنجو....... الوان الحب (4) (Re: توما)
|
توما العسل
شكرا ليك على الطلة انت وين؟
ما ظاهرة بعد بقينا فرد اختفيتى؟
قصتك حلوة
نحكى ليك قصة
مرة راكبين تاكسى انا وصاحبتى وشغالين ونسة شديدة سيد التاكسى سالنا بتتكلمو ياتو لغة
قلنا ليه عربى
قالينا انا بعرف عربى شوية قلنا ليه والله تمام
سالأنى تعرفى : حبيب كلبى معناها شنو
قلتا ليه طبعا سالتى قال اها شنو
قلتا ليه
the lover of my dog
بعدين فى البلد دى الكلاب بس للكفار
المهم الرجال اتمحن واتصدم
شديد وعاين لى بالمراية عايز يشوف انا جادة ولا بهظر لقانى ليك جادة للطيش
فقام قال
والله انا مرة ركبتا عربى معاى
وسالنى بلغتنا حبيبة معنها شنو
وريتو سالتو بالعربى معناها
شنو وقال لى كدا
انا ما كنت قايل العرب ديل كعبين كدا
ديل منهم الرسول ص
معقول يكونوا كدا المهم الراجل اشتغل منلوج طويل
عن الكذب وغش الناس واعتذر اذا جرح مشاعرى وهو ما قاصد وانه تانى
ما بيشيل اى معلومة من عربى..
| |
|
|
|
|
|
|
|
|
|
Re: رنجو....... الوان الحب (4) (Re: أبوالريش)
|
شكرا بيان و أنت تتحقينا بكل هذا الجمال .. رغم عداوتى التقليدية للكلاب لكنى أحببت رنجو و حزنت لمقتله رغم عدم إدانتى المعلنة لقاتليه .. بإدخالنا لعالم رنجو نطل على لون آخر من الحب .. و دوما للحب عندك ألوان .. هذا اللون الرنجى ربما يحولنى من صفوف المعارضة و يقودنى للتحالف مع أبنائى لمنع الملائكة من دخول منزلنا و أظن أنها لم تتدخله أصلا لما تنوء به الحيطان من صور .. و مكلب أخاك لا بطل
| |
|
|
|
|
|
|
|
|
 Re: رنجو....... الوان الحب (4) (Re: Ali Alhalawi)
|
الحبيبه المتالقه دوما بيان.. بت الخلاوى والقرآن .. واهل الكرم والضيفان.. واهل الحنان كيمان كيمان ..
والله يا اعز صديقه .. حمت معاكم جنس حوامه الليله .. من ما لفيتو انتى واخوك ودقيتو باب العامل.. لغاااااااااااية ما عرفتى خبر الجريو..من زميل الدراسه ..ونقطن دميعاتى معاك بللن الكى بورد ..كل الحوامه دى يشهد الله ما فترت .. عارفه ليه ..لانه جد انتى عذبة فى كلامك وسردك للمواضيع.. وتعابيرك متفرده و صادقه وحنينه زيك .. طول عمرك حنينه قبال ما تعرفى رنجو ..بس رنجو اكد لينا ذكريات طفولتك الجميله وبريئه وقريبه جدا بل متشابهه لابعد حد معاى ..
جد متعتينا باجمل لون من الوان الحب ..
ونطمع فى المزيد
لكى حبى واحترامى يا غاليه من وسط الاهل
| |
|
|
|
|
|
|
|
|
|
Re: رنجو....... الوان الحب (4) (Re: soma)
|
من أرى
الحبيبة سوما
كم جميلة انت يا صديقتى
وكم تعجبنى كلماتك
الرقيقة الحنينة اللينة
شكرا ليك على الطلة البهية
وشكرا لك على هذا الثناء الذى سألبسه تاجا
وافخر به
| |
|
|
|
|
|
|
|
|
|
Re: رنجو....... الوان الحب (4) (Re: Ali Alhalawi)
|
| Quote: و مكلب أخاك لا بطل |
الحلاوى العزيز
جرب ان يكون للاطفال كلبا وستجدهم اسعد الاطفال
مش قلنا ليك خلى فقه الاسكيرت والبلوزة دا
قرأت لزوجى ما كتبته عن فقيهكم الذى تتلمذ عليه
وضحك كثيرا لطرافة الفكرة
| |
|
|
|
|
|
|
|
|
|
Re: رنجو....... الوان الحب (4) (Re: أبوالريش)
|
Quote: بـدأت أتخيل.. اليـوم كلـو ورنجـو مرة يسككـم ومـرة تسكــوه،
وانتو تضحكـو بحـريـة (ما لقيت غيـر كلمـة حريـة دى عشـان أعبـر بهـا عن الضحك الطبيعـى عنـد الأطفـال).. الضحك الجميل، اللى ما عنـدو مقـدمات، وما يختمـوه بملخص فى النهـايـة! |
يا سلام يا ابو الريش لقد تخيلت فأجدت التخيل
هذا ما كان يحدث.. ولذلك كنا سعداء جدا به واخاله كان سعيدا بنا
على غير ما تزعم حبوبة التى تطاردنا دائما بمقولة
اليابانى يبقى كلبا ليكم
هذه الكلاب حبها لصاحبها حب غير مشروط ولا مقيد
ولذلك قيل الكلب يريد خانقو
شكرا ليك
| |
|
|
|
|
|
|
|
|
|
Re: رنجو....... الوان الحب (4) (Re: bayan)
|
بيان رنجو ما قطع قلبي يخسي عليهم القاسيين اعملو كدا في رنجو انشاالله ربنا يعوضو الجنة في شبابو ن تعرفي انا اتعاطفت معاك عشان عندي حكايات مع الحيوانات خاصة الكلاب والقطط والمشكلة انو البولف عليهم بتبقى حكايتو حكاية ، ومشكلتي انو كبرت بجهلي لانو لحسي عندي حكايات مع القطط خاصة مابقدر احكيها حيسحبو من الاهلية واخر حكاية حكاية لولو الجار عليها الزمن وبقت حاجة جادة اسالي منها سارية بتحكي ليك ماساتها ، وبالمناسبة دي الحيوانات يوم القيامة بتقوم؟
| |
|
|
|
|
|
|
|
|
|
Re: رنجو....... الوان الحب (4) (Re: عشة بت فاطنة)
|
يا سلام يا عشة
طبعا انا عارفة وخابرة شفافيتك تجاه كل الاحياء
اخبرتنا سارية بالقطط
بس حاسبى ما تضربك عربية يجو يقولو قطعت الهاى وى عشان تطعم القطط
يقال ان الحيوانات لا تأتى يوم القيامة لكن نحاسب بها سلبا او ايجابا..
ربنا يثقل الموازين ويرضى علينا
| |
|
|
|
|
|
|
| |
bayan
بدرالدين شنا
adil amin
توما
عشة بت فاطنة
فيس بوك
تويتر
انستقرام
يوتيوب
بنتيريست