|
دعواتكم لزميلنا المفكر د.الباقر العفيف بالشفاء العاجل
|
|
 Re: الحفل الخنفشاري الحداسي الاول (Re: عبدالله وداعه الامين)
|
منعم الجزولي ناظر مدرسة ما بعد الخنفشارية..
الحبيبة الحبوبة
والحبان جملة
ماهذا التخلف العجيب!! انتم/ ن لازلتم/ ن تمسكون/؟ بتلابيب الخنفشارية وقد تطور العالم من حولكم/ ن حتى ابدع الخلق اعمالا فيما يصنف ب(الخنفشارية الجديدة) بل و( مابعد الخنفشارية) ايضا.
اليكم هذا ( النص) من انصاص مابعد الخنفشارية:
ملحوظة هامة : ليس هنالك اى خطأ فى ترقيم النصوص فلا تنشغلوا/ ن بعدم تسلسلها حيث ان التسلسل ليس من خصائص الخنفشارية اصلا.
(3)
الشارع اطول من احزان المدعوكين فى الحواشة
الشارع مليان دياشة
وعواميد نور مطفية
وناس تتجارى ورا معاشة
واحد شايل سرواله الناصل ومقشاشة
وواحد واقف يبرم فى شنب الامباشى
وجماعة بفرفرو تحت الكماشة
وسكران ماهاميهو الحاصل
واقف فى الخط الفاصل
مابين الزمة وسيد السروال الناصل
وبشاغل فى بنية ملفلفة زى قرطاس السكر
الجوع اتدفق من عينيهو
قزاز النضارة اتكسر
تلميذ شايل كتبو ف سرج العجلة الورانى
دقش البت الزى قرطاس السكر وقع اتكسر
(9)
ما طلحة براهو الكسر الجرة
واحد شايل اخلاقو ف صرة
وواحد شايل اخلاقو ف شنطة مستفة بى دولارات جايبها من برة
وواحد شايل اخلاقو ف ستيانة بتو
وواحد نسى اخلاقو ف رف الحمام
شال شوالو وسافر جدة
وواحد ماكانت عندو الفرصة عشان يعمل اخلاق بى مليم حتى
(2)
الزول الشايل اخلاقو ف ستيانة بتو
ساق الولد الدقش البت الزى قرطاس السكر
وداهو التمنة..الضبطية..المركز..سميها حسب كمية اخلاقك
الضابط كانت بايته معاهو السكرة
وبشرب فى القهوة المرة
دخل الزول الشايل اخلاقو ف صرة
وبكورك
- ياناس ..ياعالم ..
نشلونى..
اخلاقى اتنشات.
(6)
طنّـت ضبانة معلقة فى شرك العنكب جوة الزنزانة
قرقر واحد مقبوض فى قصة جبخانة وماجبخانة
ضحكت واحدة هناية وست انداية
وقالت
- يادوووب اتنشلت ؟
واحد مقبوض فى جناية اتجار بالقصّـر
قاليهو تستاهل
شايل اخلاقك وحايم فى السوق
عميان مـنّ البنك او البوسطة؟
واحد زمّـتو سوسته
ساق الولد الدقش البت الزى قرطاس السكر
وداهو الشفخانة..
المستشفى..
عيادة..
تسميها حسب مفهومك للمادية( الدجلية)
وموقفك التاريخى من الخصخصة
والاستثمار الرأسى.
يازول.. قول الدكتور تاوق جوة دماغ الولد المفتوح للعامة
وشخبط فى الورقة القدامو كلام بالسنسكريتية الفصحى
وقال للشافع..
- عندك قرحة
ولازمك عملية استئصال كلية سليمة
والمشترى جاهز..
ودولاراتو تناهز
خمسين فى المية مقدم
وتلتاشر بعد العملية.
الود ضّــربها فى مخو..
- والباقى؟؟
- باقى شنو كمان..
حقى وحق المستشفى خمستاشر
وزكاة الفطر تمانية
وزكاة الانعام وتبرع لبناء مسجد تانى جوار المستشفى
خلاص.. مية المية
حنسوى العملية
اذا وافقت..اذا ماوافقت
القانون واضح
والواضح مافاضح
(1)
الود قام جارى
($)
سكّــوهو تلاتة تمرجية
وبوليس حركة
وسمسارين
والناظر
(10
اوعك تسألنى عن الناظر دة منو
ومن وين
ودخل كيفن
اهو ناظر لاقيتو ف نص القصة
حليو وقيافة
وقندف
وما مشغول بحكاية دوران الماهية
من الجيب للغيب
عندو مصادر سرية
وواصل لى اقصى حدود التموين
اذن مامهم نسأل عن اصلو وفصلو وجاى من وين
(3 مكرر)
الناظر قال زهجان من ازعاج الشفع فى المدرسة
والمدرسة بس حوش
ومكيتب مامعروش
وقطاطى بروش
يازول تووش
الشافع دخل المدرسة
تلبوا ستة تمرجية وراهو
الكانو تلاتة
استثمرهم الناظر فى مشروع خيرى
مرابحة يمكن
اصبحوا ستة بفضل الله
وفضل الدعوات المبروكات
من جمهرة القايمين الليل
جزو منو عبادة
وجزءا عادة
حراسة كبرى
ودوريات
(أ)
الفات الفات
قال وانا مالى
طلع طوالى
والهون
ضرب السَّــل فون
والزول السافر جدة
شوالو انقدَّ
والبت الزى قرطاس السكر طلعت حامل
وفى شهرها العاشر
والعرقى الشربو الضابط كان داشر
والسكران لسع واقف فى الخط الفاصل
والصورة بقت مهزوزة
ضبابية
مكهربة
والشارع اطول من احزان المهزومين فى الحواشة
ومليان دياشة
وعواميد نور مطفية
وناس تتجارى ورا معاشة
...........................
.............................
.............................
| |
 
|
|
|
|
|
|
|
|
Re: الحفل الخنفشاري الحداسي الاول (Re: abuguta)
|
Quote: عشان يكسر بالليل الردمية..ويسقى حواشتو
المنسية..اصلها فى اخر النمرة...ودائما محصولها ضمرة
.الراتب ما بعمل حاجة...عشان كدا بما بمشى المستشفى
الا يوم السوق..عشان بجو ناس القرى..يبيعو السمن والجداد
,,جاد المولى جالب عنز الشاى..بنتو الكبيرة عيانه..من تشخيص
ام الاولاذ...عندها نفس مرض السنة الفاتت |
يا ابو قوتة قنبلة الود الموقوتة..
دي مبالغة..
اصبر لما الجماعة يجو...
هوب فول حيقعد برة في حصة الدين..
ويا ليت ابن منتال يجي كمان..
ومعاه اميرتنا شيري ومروحتها التى تئز
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
دق الشارع
جرس المدرسة زحمة
نص الحصة
و حس اللخمة
وقاعد انت بتسمع حصة
عن الوطنية
وعن الجمهورية
ديموقراطية
ولا حزبية
شان أنت تعيش
لازم تبقي الطِّيش!!
في الزمن البيش
بجيك تاني
ثمح!!!!
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
حبيبتنا وبت دفعتنا
لماذا؟؟؟
ذكرتينا بالذى مضى وكنا قد نسيناها مع جملة من اخلاق منسية اصلا فى هذا الفضاء المسخوط. بفعل عوامل التعرية السياسية والجهوية، وبفضل انشغالنا بالبحث عن الهوية. تلكم الهوية مقطوعة الطارى والتى لا أعرف لماذا نبحث عنها اصلا...فهى بكل بساطة لاتساعد على توسيع مواعين طعامنا...وبصراحة مالايوسع ماعون طعامى لا اشغل نفسى به. وقد صدق حدثى الخنفشارى.. فهانحن نتجمع قبائل وخشوم بيوت استعدادا ليوم نتفتت فيه قطعا صغيرة كل قطعة منها قد تساوى دولة .
فلماذا؟؟؟
سعيد انا بهذا الانضمام المفاجئ للمدعو حبيب نورة. وهو فيما يبدو لى خنفشارى بالسليقة. ولكننى اكره ما اكره البخلاء( السلوك ...وليس الكتاب..) جاء ورمى لنا بعظمة صغيرة ومضى!! تابعت له ( وبكل خبث) عددا من كتاباته متفرقة بين البوستات ووقعت كلماته فى احد جروحى الغائرة منذ ماقبل حملة الدفتردار الانتقامية. واخذتها معى الى مخبأى فى كهوف تورابورا ورحت اتلمظها وحدى حرفا حرفا حتى وصلت الى مضارب الخواجات الشوايقة. الم اقل لك بان الرجل خنفشارى بالسليقة!!
اما هذا القول من ابوقوته فهو يلخص لك الى أي منحدر نحن متدحرجون
Quote: ما بتسمع صوت البورى...
معلن لحظات نهاية السوق ...
وما ممكن يفوت زولا ساكت...عشان الناس بتتعارف ..
وبتفقد بعضها |
ايها المواطنون الشرفاء الاحرار
انا لله وانا اليه راجعون
منعم
| |
|
|
|
|
|
|
|
|
|
Re: الحفل الخنفشاري الحداسي الاول (Re: Gazaloat)
|
ايّيوى .. ايّيووى .. ايّييويــــا ..
هكذا زغردت التـاية أختى حين أتـاها نبأ الحفل الخنفشاري الحداسي الاول .. ركضت نحوها ككلب أجرب حاملا فردتى مركوبى و عاضا طرف العراقى بين أسنانى المشرومة .. خرجت الأحرف متعثرة بين شرمة الأسنان و بلل العراقى
- فى شنو يا مطموصة .. العرّس مينو؟
- عرس شنو يا المدوقس .. دى بيان بت محمود جات من الخرتوم وقالت الخشنشارية بدورو يسولا حفلة
مليون سلام يا بيان و خشمك فيهو اللبن .. قبل ما تبدأ الحفلة .. الود المكسّر فى نورة دا ما تخليهو يشتت من هنا .. بل أسجنيه فى بيت من شعر لأنو من أكبر مساطيل الخنفشارية
| Quote: الاطفال جنتهم بيتهم |
و نحن جنّتنا "المدرسة الخنفشارية"
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
(0)
اعيد
قراءة
قصائدى
القديمة
على سلالم
الحروف...
درويش
انا
فى حضرة
الشيوخ...
(1)
اكذوبة
اكتبها
كرزاز
,,المطر,,
الجميل...
مجون
الشعر
فى دنيا
عبقر...
(2)
همهمات
,,الخواض,,
عادت
هواجسى
الصاعدة
على سلم
الدخان..
(3)
,,شتات,,
يغمرنى
شعره
البنفسج
اتوه
والازقة
اسكر
طربا
ضاعت
الخيوط...
(4)
كاسات
,,سبيل,,
المترعة
افلت
فى
العالم
السياسى
المخيف...
(5)
شيخى
,,كتيابى,,
افتقدت
هذا
البلبل
الصادح
ابصرته
على شاشة
التلفاز
افتخر
امام الحضور
باننى
اعرفه....
(6)
ترجمة
اتذوقها
كالفلفل
من دنيا
البلغار
اختفى
هذا الطائر
الثلجى..
(7)
مهموم
الوطن
,,البحيرى,,
دهليز
هذا
الابنوسى
(8)
(بيان)
خنفشارية
الشعر المخضب
بدماء الغلابة
يقولون
انها انقاذية
هكذا يقتلون
الابداع..
(9)
(جماع)
طائر مغرد
من عالم
الضباب
يحتحفنا
بلوحات
متطرزة
كالبلور
اخشى
دخلول
المقدسات
(10)
شخوص
اعشقها
غابت
ملامحهم
داهمنى
الهاجس
النهارى
ساذكرهم
حين
يودعنى
الغثيان...
ابقوتة
29/8
2006
| |
|
|
|
|
|
|
|
|
|
Re: الحفل الخنفشاري الحداسي الاول (Re: abuguta)
|
سغنتوتيات على الحلاوي الكبيرة
افتاء
تبسمل .. و تحوقل .. غاص داخل عقليته المهترئة عله يصطاد سندا من المساند التى تراكمت بفعل الزمن العجوز .. زمن ممتد منذ أكماله دراسته بالخلوة .. كل ذلك قبل أن يقدم على فعلته .. فعلة يأتيها مجبورا .. لا راغب .. لكنها رغبة الأنثى التى تتمدد خلفه .. كلها إصرار أن يأتيها فى ليلتهما الأولى .. إذعانا لرغبتها .. و خوفه أن تتمادى فى عنادها .. فيخسرها .. كما خسرها منافسيه .. رمى بالثوب قبل التنورة .. رماهما داخل الطست .. الذى غطته رغوة الصابون .. وردد جهرة .. الثوب قبل التنورة ..لأن الثوب مذكر و التنورة مؤنث .. و خاطب نفسه سرا .. أوليس الرجال قوامون على النساء .. و شرع فى الغسيل .. و هكذا كانت بداية الأفتاء الشرعى فى بلدتنــا.
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
مدخل ..
الماء
إذ يسبر
تكوينك
المجزأ
يستنشجك
التقمص
بإندياح
الأشياء
مفازة
التحوصل
يا
حقيقة ..
بتقنبل إبن ثقيدب البرلسي صوب مكامن الإشتهاء ايقن كم عانى مكالريوبيس في إندلاقه التشتتي بوجهة غريب لا تمس عذابات إمتنانه النار ..
النار ..
حصب
المجاهيل
بإستغراب
طلعك
الجهنمي
أستوقدت
شمم
يا
مكالريوبيس
لك ..
و للثقيدبي ..
إذ
يتبعك ..
و لا أي حاجة ..
| |
|
|
|
|
|
|
|
|
|
Re: الحفل الخنفشاري الحداسي الاول (Re: عصام دهب)
|
ناظرنا ينشر سرا في ميدوزا
ويجد كل الاحتفاء الذي يليق به
--------------------------------------------------------------------------------
النهاية
------
(لم يكن ليخطر بباله قط ان النهاية ستكون هكذا)
كانت مريم مختار ، امرأة من نار. حتى انك تستطيع ان ترى عرقها يستحيل الى بخار من سخونة جسدها، ذلك الجسد الذى لو دخله جليد لخرج يتصبب عرقا.
(كان ناعم الملمس)
وكان عثمان فضل الله الفنجرى هو الاخر من نار، عيناه يتطاير منهما شرر الفنجرة بلا سبب، وكلماته عند الجد تأخذ شكل الجمر المخبوء فى شرايين البراكين، ولكنها عند الغزل، تستحيل الى جمر معسول.
(وكان طويلا جدا حتى ان عثمان قدره بثلاثة امتار)
هو ورد... وهى وردت.
لا .... ليس هكذا بالضبط.
هى جاءت الى المستشفى تشكو اعراض حمل كاذب.
وهو جاء الى الدنيا يشكو نتائج حب كاذب، جعل ريا عبد السميع تهطل فوق فضل الله الفنجرى ذات دهشة ثم تختبئ دهرا خلف اكمام الورود التى ضحكت حتى بانت نواجزها حين وضع عبد السميع يده فوق يد ابن عوف خال فضل الله وقرئت الفاتحة التى اعقبتها الزغاريد. بعد اقل من عام كانت ريا تقف فى طابور المطلقات ذوات الاجنحة، وفى كتفها تحمل عثمان كثير الصراخ.
(وكانت الساق قد التفت بالساق فاوجد لنفسه ممرا بين الساقين)
وكانت كل الاعراض تشير الى الحمل بدء من البطن المنتفخة الى القئ والام الظهر بل وحتى نتيجة فحص البول اكدت وجود الحمل!! ولكن الفحص السريرى اثبت ان الرحم خال من اى اثر لاى جنين بل وان غشاء البكارة سليم تماما ولان مريم مختار ليست متزوجة فقد تنفس ابن خالتها دكتور الناير الصعداء وطلب اجراء بعض الفحوصات الاضافية وتحليل بعض العينات وخرج بنتيجة ان الموضوع برمته ليس سوى اثر لوجبة ضخمة من ملاح (التركين) مع كمية كبيرة من قراصة القمح والبصل غير المطبوخ.
(وكانت رأسه كبيرة جدا، اكبر من كل الرؤوس التى شاهدها فى الصور والرسومات)
وعندما اطلقت زبيدة زغرودة عالية مستبشرة بنجاة مريم من مصيرها المشؤوم اطل عثمان من نافذة الصيدلية يستطلع الامر ووقعت العين على العين.
( كانت عيناه براقتين ومخيفتين كشعاع صادر عن كابوس ذهبى)
وتمضى القصة المعتادة، بسؤال وسلام وكلام فموعد فلقاء مع استغلال تام لكون دكتور الناير ابن خالتها، وان ام يكن صديقه الا انهما يعملان و يسكنان يتناولان طعامهما( غالبا) فى مكان واحد.
(كان فمه واسعا وكان لسانه طويلا جدا ورفيعا جدا ويبدو لزجا جدا)
كان من سوء طالعه او من حسنه، سيان، أن رآها فى اول مارس وخطبها فى اول ابريل وتقرر ان يتم الزواج فى اول مايو. وهكذا وجد نفسه قد عاد للانشغال مرة اخرى فى تكملة بيته بناء وطلاء .
( كان لونه اصفرا يميل الى الاخضرار، كلون التراب تماما)
عندما استلقى على ذلك السرير الخشبى العارى من اى غطاء او لحاف، فى ذلك اليوم الباهت، كان ذهنه قد انشغل تماما بالبداية.
( فلم يفطن للنهاية، التى،هكذا فجأة، تمددت بجانبه على السرير، فى شكل ثعبان نصفه دخل تحت الجلباب والتصق بجسده، بينما النصف الاخر، والذى يحمل الرأس، امتد قليلا الى الاعلى، ووقف متحفزا على بعد اقل من قدم واحدة، منتظرا اية حركة يمكن تفسيرها على اساس انها شروع فى العدوان.)
اعفص عشان تشوفوا هنا يا عيني يا عينية تحبس منك العين الحاسدة والراصد..
http://www.aslim.org/vb/showthread.php?p=1605#post1605
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
أزقــــــــــة
------------
1- زقاق ملتوى
-----------------
عندما خرج ليتبول فى الزقاق كعادته، لم يجد مكانا خاليا، فقد كانت كل الأماكن الصالحة للتبول مشغولة بجماهير المتبولين.
قطع الزقاق جيئة وذهابا مرتين، عسى ان يخلى احدهم مكانا له. ولكن التبول كان ابديا، والمتبولون لاينقطع سيل بولهم، ولايخفت خريره عند نقطة التقاءه بالارض.
تجنب دعوة (عمر البطل) له ليتبول فى المساحة الضيقة جدا بين موقع تبول (البطل) وباب الحديد فى حائط منزل الحاجة (لبودة شندقاوى) او (لبودة الداية) كما يسمونها. ورغما عن ان (لبودة) ليست داية قانونية، الا ان زبوناتها كن اكثر من جملة زبائن دار الرياضة، وقد تخصصت (حاجة لبودة) فى اعادة ما انهتك من أغشية البنات قبل الزواج وتضييق ما اتسع من فروجهن بعده!!
كان يعلم ان (البطل) لن يكتف بالتفرج على قضيبه الملتوى الى اعلى ، بل سيمسك به محاولا اعادته قسراالى استواء القضبان. اعتذر له برفق مستقيم حيث ان (البطل) لايحب الكلام الملتوى. كان بطبعه يكره الالتواء فى اى شئ.
(عمر البطل) كان يشكل فى اوائل الستينات فريقا غنائيا مع (دفع الله ودبتول) وكان الناس يعرفونهما باسم (ثنائى العوجة) حيث قدما الى المدينة من قرية (ود العوجة) ريفى (صندقة). وظلا يمارسان الغناء فى الافراح والنواح فى الاتراح حتى مات ( ود بتول ) نتيجة تسمم كحولى.
اعتذر مبتعدا عن دعوة (بخيتة) المكشوفة. كعادتها كانت( بخيتة) تتبول واقفة عند طرف برميل الزبالة. (بخيتة) كانت تنافس الرجال فى القاء بولها مباشرة على بعد متر ونصف امامها. ومن فجورها فقد افتت بان زواج (عشة اللبوة) من (قسم البارى) التفشكى حلال، رغم ان (عشة) كانت و لاتزال فى عصمة ( بانقا) النجار!! بل وافتت بامكانية زواج (ويصا عبد المسيح) من (فاطمة) الفلاتية مدعية ان الله قال فى محكم تنزيله" الرجل مايعيبه سوى جيبه ".
مع ارتفاع رائحة النشادر النفاذة، وكل تلك الظهور ذات الالوان والاحجام المتنوعة، تذكر مشهدا قديما لفيلم هندى سخيف.
دخل احدهم من طرف الزقاق فوق دراجة سوداء تتقدمه عينان زائغتان وحركة ارجل مترددة على بدال الدراجة, وظل يرمق ظهور المتبولين ظهرا فظهرا، حتى توقف شبه متردد خلف (صالح بابتوت) عند باب الزنك القديم والذى كان كعادته عند التبول يجلس فاردا جلبابه الفاقع الصفرة خلفه ودالقا عمامته باسترخاء خلفه كاشفا عن طاقية خضراء تغطى بعضا من رأسه الاصلع. دار حديث قصير بينهما.. الغريب فوق دراجته مستعدا للهروب فى اية لحظة، و(بابتوت) لاينقطع خرير بوله، ثم تبادلا شيئا.. لفافة بنقود او العكس، لتنطلق الدراجة وتختفى عند التواء الزقاق.
حدثـت المعجزة، هكذا فجأة ، وبدو، مقدمات. حيث ترجل (تور الفجة) من جواد بوله، فشغر مكان. أسرع ليحتله ويفك ضائقته، ولكن حضرة المدير خرج من الباب المجاور مباشرة ولم يتردد لحظة فى الاستيلاء على المكان الخالى واطلق لبوله العنان.
لعن المدير والمديرين والوزراء وكافة المسؤلين . أى مدير هذا الذى يقف بسرواله الازرق وقميصه الناصع البياض، ليتبول هكذا علنا؟ ربما لم يكن مديرا حقيقيا فى السكة الحديد..ظن لوهلة انه قد يكون مديرا لبقالة او لمخبز او اى شئ آخر ولكنه بالقطع ليس مديرا فى الحكومة.
(ست ابوها)، ابنة خالة ابناء عمه، خطف حياتها قطار شارد جهات السافل، كان هذا منذ زمن بعيد، ولايذكر ان كان ذلك فى المحمية ام فى الدامر. لعن القطارات المتوقفة والمتحركة فى كافة ارجاء المعمورة.
تحرك(عثمان ابنعوف) اثناء تبوله جهة اليمين قليلا، فظنه سيغادر المكان، وتأهب لاغتنام الفرصة، متحفزا حتى ان بعضا من قطرات البول قد بدأت بالفعل فى الخروج من مكمنها. امسك نفسه بقوة، فقد أحس بان سرواله قد تبلل قليلا. ولكن (ابنعوف) لم يزد على تلك الحركة. لعنة الله عليك.. أجئت لتتبول ام لترقص.
يقولون ان (ابنعوف) يتاجر فى الزئبق الاحمر.لابد انه قد جمع ثروة كبيرة. لعنة الله عليك. لماذا لاتبنى لنفسك مبولة خاصة وتترك لنا مجالا فى زقاقنا هذا؟
عندما تحرك (زكريا الاشول) من مكانه وراح يعيد هندمة نفسه معلنا انتهاءه من عملية التبول، هرول نحو المكان لايلوى على شئ، وقد بلغ البول الذبى. ولكن (زكريا)، ولسبب لا يعلمه احد، قرر العودة لمواصلة تبوله فى نفس المكان. وعندها لم يستطع (قسم السيد) التحمل اكثر من ذلك . لقد تبول فى ملابسه الرسمية!! كان ( قسم السيد) شرطيا سريا، والجلباب الابيض مكون اساسى لزيه الرسمى.
الله يحفظك من لعنة ميدوزا
http://www.aslim.org/vb/showthread.php?t=425
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
*****مفتاح ثاني*****
ولجت...
زهللتني الثياب
من كل لون ونوع
الحرير الاصفهاني
والصيني
والكوري
التوتال
2 باي 2
السويسري
والمشجر..
ثياب ثياب
اصفر احمر مثل شفق المغارب*
زراقاء مثل فيروز الشطآن**
خضراء باهية
كل الالوان
نعم كل الالوان
اه يا قلبي كل الالوان
ولان قلبي يهوى كل الالوان
ولان نفسي تشكلها
كل الالوان
ولآن ذاتي رمادية
وكينونتي كل الالوان
الوان قوس قزح
هناك في حافة قوس القزح
حيث الكنز الثمين
في نهاية قوس القزح
نعم في نهاية قوس القزح
حيث الكنز الفريد...
نامت نفسي على الكنز الثمين
قال لي سيكون لك
كل يوم ثوب جديد
ولانني اريد كل يوم
ثوب جديد
كسرت ركبة....
في نهاية قوس القزح
نعم في نهاية قوس القزح
حيث الكنز الفريد...
* تناص مع اغنية محلية تشي بمعرفة الكاتبة بالتراث الغنائي السوداني
من ثم استلهامه وتفجيرة مرة واحدة
* *تناص نص كوم مع نص رسالة من تحت الماء
( الناقدة الشاعرة القاصة)
| |
|
|
|
|
|
|
|
|
 Re: الحفل الخنفشاري الحداسي الاول (Re: bayan)
|
بى سَبَّابتو يزوزى نَخَرْتو
بى سبَّابتو يزوزى نَخَرْتو
يفتِّش جيبو اطناشر مرَّة
فيلة تَكَلْكِلْ خاش الصّرَّة
تبتِّق ضحكه
مـــع العصرية
الجرف التابِر
بى عدسيهو نجيهو نَخَرْتو
غنم ابليس السارحة
تلقِّط فى العلِّيفْ
يا صيف الصيفْ
الـ عِبُّو خريفْ
الـ داسِّى مَسِرْتو
دقَّ (بُلاطتو) بأبيض (شيشْ)
وانجرَّ بِشيشْ
شمَّتْ فيهو المسخوتينْ
ما تمَّ ضَحِكْتو
دقَّرْ سفَّتو قام
مِنْدَلِّى على الأوهامْ
قُبَّة تشاغِل فى الهدَّامْ
صَنْقَرْ عندها قام لفَّاهــا
برَّكـ فِكْرَتو قام شدَّاهــا
رِكْبَتْ فوقو وعار ورماهــا
نُص فى الشيمه
ونُص فى القيفْ
انْكيَّف كيـفْ ..!!
قام اتْنَفَّض
تفَّلْ سفَّتو ..برَّم شنبو
وعايَن غادِى وقبَّل جاىْ :
(اتْفَكْفَكـْ كيـفْ ) ؟
قالَتْلو أقيـفْ
ماقلتَ حريـفْ
يابو العرِّيـفْ
كبِّيتْ لكْ مقلب وانتَ شِرِبْتو
ما اظنِّكـ تروى قَدُرْ ما تشْرَبْ
أهلاً بيكـَ مع المَيْتينْ ..
أقولْ لَكْ أهلاً ..سارِحْ وين؟
ما نحن دقسنا وانتو دقَسْتو ..!!
- بالله ..بالبساطه دى؟
- آ آ آ أىْ
العزيزة د. بيان
وسائر الرائعين
تحياتى
أها لقيتينى كيف ؟بنفع خنفشارى والاَّ
أعبِّر عن شعورى ساكت وأبقى مارق ؟
| |
|
|
|
|
|
|
|
|
|
Re: الحفل الخنفشاري الحداسي الاول (Re: Shinteer)
|
| Quote: نبشركم بالإصدارة الجديدة لديوان: انهجاس البنفسج البرّي. تأليف مجموعة مجهولة. |
يااااااااااه
شنتير؟
قبل كم يوم ذات محادثة مع منعم تحدثنا عن قطيعتك "الابستمولجية"
وتحسرنا وزعلنا
الا تراك فوق راي...
يلا ايها الخنفشاري
بالله
وين ولدنا ابن منتال..
| |
|
|
|
|
|
|
|
|
|
Re: الحفل الخنفشاري الحداسي الاول (Re: jini)
|
Quote: ,انا قاعد فى الحفلة شايل عكازى الفى راسو صامولة والصامولة جواها جلة والراجل يجى يفرتقا!
صديقتى بالتواتر بيان ليك وحشة! |
ابو الجنون يا صديقنا
فهل يتجمل اي مكان الا بعكازك ابو صامولة
نحنا بالاكثر في الوحشة
كيف الزوجة والعيال
وكيف اهلنا في اوسلي
من الحرازي للحرازي
صديقنا المشترك جانا الخبر شايلو النسيم وعماد عبدالله
انه اتورط ورطة تااااااامة..
وصار غير محسود الجماهير
معرس محمول ذيكم..
بعلنا كشف نفسه عندما صعق بالدهة وظهرت حيبة الامل
التكنو
كانو خاتينو بطل..
| |
|
|
|
|
|
|
|
|
|
Re: الحفل الخنفشاري الحداسي الاول (Re: محمود الدقم)
|
Quote: ,انا قاعد فى الحفلة شايل عكازى الفى راسو صامولة والصامولة جواها جلة والراجل يجى يفرتقا!
صديقتى بالتواتر بيان ليك وحشة! |
الله ياجني?
انت طلعت برضه صبي ميكانيكي?
طيب ان شاء الله تطلع شاطر ومربط صواميلك كويس...
| |
|
|
|
|
|
|
|
|
|
Re: الحفل الخنفشاري الحداسي الاول (Re: عبده عبدا لحميد جاد الله)
|
ألفين شكر يا دكتورة .. و قبل أن نستحمى و نقشر و نتجنصص لهذا الحفل الخنفشارى الحداسى .. أسمحى لى أن أشارك بمحاولة .. لا هى خنفشارية و لا هى حداسية .. و لا هى من بنات أفكارى أو أولادها .. هى نوع من النجر أمارسه أحيانا لفك دبرسة أستعصت عليها القراءة .. لم تكلفنى وقتا أو سنتا .. مررت على عنواين المنبر فى الصفحتين الأولى و الثانية و أستقطعت منها ما أشاء على حسب ترتيبها الزمنى .. رصصتها كما يرصّ الطوب فى بناء الجالوص .. لهذا قراءتها تصاعديا أو تنازليا لا ينقص من مفعولها شيئا .. كما أن مفعولها لا يسرى إلّا فيمن ترسبت فى دمه محاليل الخنفشاريا .. ربما تكون تأسيسا لما بعد الخنفشارية
الملابس البيضاء الجديدة
مـا زالـت لـغزا غـامـض
جديدة و محزنة
لدرجة الانتقام
بلسان اعجمي
نساء وتجارب
ستسقط ابراجها
في بيع هويته
الفضيحة المحزنة
و لمن كن على شاكلتها!!
أعلف خيلي وأسافر
خاتماً إصبعك
في مفازة الناس
لاجل حرية
الغناء زمن الخوف
رؤية فكرية هادئة
في قضية اغتيال
ماكث في الأرض بما ينفع الناس
هجوم الغوغاء على مفهوم
يختفي تسعة أعشار
صـهيل الأنـثى
بديل لفكرة
هَمْهمـــات فى غسـقِ السكــون ..
هل فاجَأكَ الطريقُ
مسلسل السقوط !!
تواطؤ غريب
جوهر الشعر
زفـة حفيف الصــوت
مطلع العتمة
في هضاليب الفراقد
بركـــــان
عاشقات قد مضين
فى إنتظار على الحلاوى*
* هذا من بنات أفكارى
على الحلاوى
الكويت
| |
|
|
|
|
|
|
|
|
|
Re: الحفل الخنفشاري الحداسي الاول (Re: Ali Alhalawi)
|
بالله يا بيان خلي مزاجك رايق دائما.. وخلي الاستعدادات للحفل جارية على قدم وساق.. بس بلاش تصلوا الميس...قصدي تعمروا الحفل عشان يقوموا يجوكم الجماعة المتخصصين فرتقة حفلات..ويفترقوها طوالي .. بس بينك وبينك "الكَتَّـاب منو؟"
خليك كدا ...خليك
خالص مودتي..
حليمة
| |
|
|
|
|
|
|
|
|
|
Re: الحفل الخنفشاري الحداسي الاول (Re: حليمة محمد عبد الرحمن)
|
| Quote: ...قصدي تعمروا الحفل عشان يقوموا يجوكم الجماعة المتخصصين فرتقة حفلات..ويفترقوها طوالي |
وين مع ابو الجنون اب عكاز يصامولة
الحفلة مؤمنة تماما...وامنها مستتب...
تعالي قاشرة بالله بغصيدة
نوع يامرأة ماشة كداري وجاية من الضهاري
حبنا ليك اكون..
| |
|
|
|
|
|
|
|
|
|
Re: الحفل الخنفشاري الحداسي الاول (Re: حليمة محمد عبد الرحمن)
|
| Quote: ...قصدي تعمروا الحفل عشان يقوموا يجوكم الجماعة المتخصصين فرتقة حفلات..ويفترقوها طوالي |
وين مع ابو الجنون اب عكاز يصامولة
الحفلة مؤمنة تماما...وامنها مستتب...
تعالي قاشرة بالله بغصيدة
نوع يامرأة ماشة كداري وجاية من الضهاري
حبنا ليك اكوان..
| |
|
|
|
|
|
|
|
|
|
Re: الحفل الخنفشاري الحداسي الاول (Re: حليمة محمد عبد الرحمن)
|
| Quote: ...قصدي تعمروا الحفل عشان يقوموا يجوكم الجماعة المتخصصين فرتقة حفلات..ويفترقوها طوالي |
وين مع ابو الجنون اب عكاز يصامولة
الحفلة مؤمنة تماما...وامنها مستتب...
تعالي قاشرة بالله بغصيدة
نوع يامرأة ماشة كداري وجاية من الضهاري
حبنا ليك اكوان..
| |
|
|
|
|
|
|
|
|
|
Re: الحفل الخنفشاري الحداسي الاول (Re: Ali Alhalawi)
|
تحياتي ليك يا بيان وللبروفيسور ابن الجزولي.
لم يحدث انقطاع إبستيمولوجي .. فالسيرورة الإبستيمولوجية ما زالت في عنفوانها التدميري.
الواقع أنني كنت منغمساً مع بروفيسور دومة في مشروع بحثي لاستكناه انبعاث وديمومة الاحتباس الحراري والأثر الارتجاعي لهكذا احتباس على التركيبة الكوسمولوجية للمجتمع المدني في كل من الصين والجزر المجاورة، في إطار زحف العولمة. لم يكتمل المشروع بعد لأن الثيمة المفصلية في المشروع لا يمكن مقاربتها بمعايير الأواليات ما قبل الحداثية. اصطدم المشروع بحائط استحالة انتزاع الترسبات المتوارثة وانبهام الخطوط الفاصلة بين اللافا القاعدية والصخور التكتونية في التكوين الجيولوجي المتجذر في طبقات التربة الصينية.
وفقاً للتعبير الاستناري، فنحن الآن في وضع أقرب إلى cul-de-sac.
وإلى لقاء في حلقة قادمة.
| |
|
|
|
|
|
|
|
|
|
Re: الحفل الخنفشاري الحداسي الاول (Re: Shinteer)
|
تعرف يا شنتير ان ابن منتال في غيابه المهيب كان قد تحدث عن انه لا فائدة من
دراسة الادب خارج اطار صنعته وانه يجب عمل رحم سموطيقيى ليفسر الظاهرة الادبية
المتمظهرة في الانتاج والابداع الادبي الخنفشاري او الحداسي
دون المقاربة بمدارس تعيش غربة المكان والزمان و تتبعها الحجل بالرجل اها اها يلا اها كدي
يا بهية الزمن جنية.
مثل هذا هذه المقاربات تخلق غرابة وتغريب للنص عن بيئته الظاهرة..
اما اختنا دومة فان دراستها الاخيرة في التكتو اي كيو اثبتت ان التربة الصينية
صالحة لتقوم بتجاربها على كيفية قتل الحشرة بالعود او الريموت كنتورل بدلا عن قتلها بمييد قد يخلق ازمات
بيئية قد تعدم الصين نفاخ النار..
ونختم بوقفة على اطلال منسية
ويا ويح قلبي وحريقه على الفتى الخنفشاري ابن منتال.
هناك في غياهب الغيوب
فى البوردShock & Awe وطالعنى الخلا و ثكلتك أمك
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
سنتى بن منتال وهو يشد شنتير في الحلة
Quote: بسم الله الرحمن الرحيم
السلام عليكم ورحمة الله وبركاته
لا يخفي علي القارى الحصيف ما ال اليه الطرح الشنتورى من ضعف وتفكك وتاكل بين يتمفصل من خلال ركاكة الاسلوب وسطحية الفكر وفقر المعنى يحيل الى عدمية فاجعة وتشرزمية خائية تطيح بعنق القارى المسكين من اول وهلة عند محاولة قراءت النص المفخخ وفق كونيته الذاتية تارة وعرضه على الانا المتثائبة في هسيس امتقاعها الفكرى المداهن لفكر العولمة الذى اثبتنا بطلانه الفكرى وخزلانه لضوابط الحكمة وتشيئها في الممكن وعديميتها الفوكويامية -نسبة الى فوكياما- وانخراطها فى درب الكلونيالية -نسبة الى سماحة الكلونيل في رواية ماركيز (لا احد يكاتب الكلونيل)، ومن هنا تنحرف المدرسة الشنتورية وتعارض مبادئ السلام التى جاء بها المسيح بن مريم ويوحنا المعمدان اذا اردنا عرضها على الفكر الدينى المسيطر على عقلية المفكر الانجلوفونى المشطور بين الماضى والحاضر.
وسنعود لمذيد من التوضيع عن خطل هذه المدرسة وممارساتها الغائية.
و و شكرا
سينتى بن منتى الاسخيروطى |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الشيخ هوب بن لس مروعا بابن منتال
ويقال تحت تحت ان شنتير قد بعثه ليبث الرعب فيه ويجعله يهج..لان شنتير يعرف
"ختورية" بن منتال
اقرا خطاب الطابور الخامس بن ليس..
لبن منتال
Quote: بسم الله الرحمن الرحيم
الي الشيخ سنت بن منتل
شيخ عموم السناتي
خفضه الله وداراه من كل رياح شنتريه
اعلم اخي اذا وصلك قرطاسي هذا فدع عنك اكل مافيه من تسالي والامعان بحاجته التي سلقته واقراء مابين الترمس من مكنونات وجوهر
اعلم ياايها الشيخ ان الملاء يأتمورن عليك .. وان الشيخ الشنتري يعد لك العده من كافه الطقوم بما فيها طقوم البايركس وكبابي الجكس امعانا في استقطاب جيش لا قبل لك به مفتل العضيلات والتبوش العنتريه كما هو حال اخو بيان الذي دق بك الدلجه واصابك بحالة اغماء استدعت خمدك بالمستشفي الصيني التقليد
نفيكم يا شيخنا بأن الشيخ الشنتوري قد استقطب قبيلة آل البيت يشد بهم عضده ليكونوا سنده في حربه الضروس عليكم لذا وجب التحذير .. كما لا يفوتني ايها الشيخ النايم ان الفت انتباهكم لفلول الهجمه الجداويه المتأثره بالافكار الشنتوريه في طلوع الخلاء وجلب البلاء في ساحات البيان بالعمل
كاتبه
الشيخ هوب بن لس
شيخ عموم اللسيه |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
هنا نتحفكم ببعض ابيات
من مخترع الخنفشارية وسيد اللسم التى تركها بعد ان شغله الاهل والاولاد
هوبة بن خنفشر
Quote: نجرةما قبل الغداء
اكتسي اللون الحسائي
ثم استحيل وعاء
فاردميني بمافي الحلة
واعملي نايمة
ومافي داعي للزحمه يا خوانا |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
تشابه على البقر هل احمد بابكر ام هوبة بن خنفشر هو الذي وضع الشروط لمدرستهم الوهم..
Quote: : تعريف الخنفشارية:
حالة هيسترية هلامية مخروطية الشكل.. يصاحبها تلاشى ذهني.. نشأت في القرن الحادي والعشرين .. نتيجة العولمة في غياب المضمون..
وتمثل الخنفشارية بداية تطور حضاري شامل .. وهي حركة إصلاحية جادة تهدف للخروج من ظلامية الكلمة وبهرجة الصناعة والتكلف. التي أدت إلى خلق التعفنات المجتمعية…. ولعل الأخيلة وسيطرة الحالة النفسية.. هي ركيزة العمل الاجتماعي في الأدب الخنفشاري..ويطرح الخنفشاريون أنفسهم.. من خلال أبنية أسلوبية خاصة.. لتحقيق انقلاب هام في الأشكال والقوالب..
للتعبير عن سخط الخنفشاريين وكراهيتهم للحضارة القائمة على الاستهلاك
و هي تقوم على ثلاث ركائز اساسيه
الانبعاجيه
خنفشاريه المركز
والكديسه
ملاحيظ هامه
1
اي زول عايز يبقى خنفشاري يجيب الكديسه بتاعتو معاهو
2
اي خنفشاري جديد.. لازم نعرف نسبة الكديسة عندو كم.
. اقل من 60% يعيد السنة.. لحد ما يجيب ليهو نسبة كديسة معقولة
3
اي زول كديسنو تطش احنا ما ماسوؤلين
يمشي يكوسا ويجي
4
احترام الملكيه الفكريه
يعني ممنوع التسلبط في كدايس الغير |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
غصيدة من المدرسة الحداسية بمناسبة اللستا حقت لاهاي
Quote: امتراك و انتراكس
دلفت فى داخل الامتراك
كم تعجبنى الخطوط الحمراء والزرقاء
جلست على المقعد الوثير
خلعت عمامتى
ومسحت على لحيتى
وتنهدت
تنهيدة الدعة والسلام
فجأة
وجدت نفسى معلقا بين السماء والارض
شرطى الامتراك ينظر الى
بعد ان أخذ بتلابيبى
و الاخر
يده تجوس
داخل ثيابى
حتى جواهرى العائلية
جسها
وهز راسه
لزميله وقال له
"كلين"
وذهبا فى حالهما
وبقيت انا فى حالى
مضعضع محزون |
امتراك شبكة قطارات امريكا
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الشاعر الدباب اسا بن سي
Quote: اندياحات الامكنة
........
قيثارتي المصرجة
وجه محبوبتي الدائري
زخم الامكنة المعربد
ازدحم علي بابي اليتيم
حينها كنت احتسي وجع زكرياتي
فتاخذني تارة الي وتارة في ازقة الحواري
يموت وجع الصباح الخرافي
حين تتداركه ظلمة المكان القاحلة
تعود ماريا من تلك الحانة البعيدة
فتاخز بتلابيب الفقر
وحينها انتفض
تجمعني بها رشفات النبيز الاحمر
قطراته تسيل علي شواربي
تمنحني قبلة اللقاء بعد الوداع
فانتشي حينها
واعود الي طاولتي الوحيدة
في ركن الحانة المظلم
تتارجح فوقه رتينة قديمة
فتصارعني زاتي
وانتصر دوما في الختام
شاعر الحداثة المعتق
بنيوي المفكك
راعي بي قيدو |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الشاعرة الحداسية
شيري بت ام شيري
ليتها تعود
Quote: فتلة الشاي
لا تقبل البته
ان تخرج
من صندوقها
صفراء
على خيطها
تمشي خجلي
كانما تخاف
ان اجغمها كلها
ومع ذلك
هذه الفقريه
تحن الى القرفه
-2-
اقصي الانتماء
يحيك ضمنا
انبلاجات الابتهال
وانا
منحازة
الى تلك
الامسيات
المطرقة
في صمتها |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الشاعرة الحداسية تمارس جلد الذات ..
Quote: : جونق
لانى خاوى
ظللت ابحث
عن
الامتلاء
وجدت جونق
آمنت به
آمنت بنظرته
للكون
واعجبنى اكثر
الاربعة ارش تايب
الام واعادة الميلاد
1*والروح والتركستر
بحثت عن صديقى
لادعوه للعوالم جونق
التقيته فى البار
فى تقاطع رايزنق سن وجيرمانتاون
فى مقابلة حوادث جامعة تمبل
سعيد سعيد
اود ان اخبره
بكشفى الجديد
وطلبت كاس جن
لانى اكره المارتينى
الذى ارى انه يتناسب مع النساء اكثر
واتى صديقى
وجلس
ولكن لم استطع ان اخبره بشى
لان ضجيج سيارات الاسعاف
وطائرت الاسعاف
غطى على صوتى النحيل
سكرنا
ذهب كل فى حال سبيله
وبقيت انا وجونق
تبا لهذا الضجيج
1*
Jung believed that the unconsios is not merely the hiding place of demons but the province of angels & ministers og grace which he called theARCHETTYEPS symbols of all the inner forces that work tords unity health fullness of life & puposeful consious development,[/QUOTE |
]
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
يبدو فعلا قد تشابه على البقر ان المكتوب اعلاه لهوبة بن خنفشر
وهذا رد شخصي الضعيف احمد بابكر
Quote: عفوا اخي الخنفشاري ايهاب
مع احترامي الشديد للمدرسه الخنفشاريه الجديده الا انني اصر علي انني من المدرسه الحداسيه واحسب انها احسن من مدرستكم لثلاثه اسباب اجملها كالاتي
اولا مدرستكم بعيده جدا من بيتنا وطبعا لا يمكن اعتمد علي البصات والحافلات لاني سانجلد كل يوم في الطابور نسبتا للتاخير
السبب الثاني انني متعود علي فصول مدرستنا والبلي وام الحفره والفرد الذين يفتون البوش وما الي ذلك من تفاصيل الحياة الشاعريه التي نعيشها ونحب عكسها في اشعارنا المنتقاه
ثالثا وهذا هو الاهم الكديس عندنا في الحله مافي لانو اولاد الحله الصغار كتر خيرهم اتعلموا فيهم النيش فطشو وحتي احصل علي واحده يجب علي ان ابرم اتفاق استثنائي مع شفع الحله وتعلم صعوبة ذلك وذلك لاربعه اسباب
1\ استمساك شفع الحله بقضية النيش والمطارده فبعد ان جندت كلاب الحله في جهاز الامن علي مضض علها تستريح من عناء الاستخفاء خلف الحيط وفرغت الزقاقات منها كان لابد لهم من ايجاد البديل فاختاروا الكدايس
2/عمال النبل في الحله سيبور سوقهم وهذا سينعكس علي الحاله الاقتصاديه للاعمار المتوسطه التي غالبها ما تعمل في هذا المجال اذا لابد من ايجاد سوق بديل وصياغه ربحيه مقبوله لهم
3\عملية التوزيع العادل للغذاء فكما يعلم الجميع الحاله الاقتصاديه التي تمر بها البلاد عموما مما جعل البيوت تستغل (الكرته)كغذاء للغنم والخرفان او بيعها للزريبه ان وجدت فخلت البيوت من الاغذيه الزايده التي تذهب الي الكوشه او تعطي للكدايس في مائدة الغذاء لان العشاء والفطور عباره عن سندوتشات فول ما مصلح.
النفقطه الرابعه والاخير السيده الوالده تهاب الكدايس وبعد شوف عينها كديس الجيران الذي فتح الحنفيه ليشرب حلفت براس سيدي الحسن انو مافي كديس يخش الحله وفدمت التسهيلات لاخي بابكر تمانيه سنوات الذي تولي عمليات تطفيش الكدايس من الحله وقد انجذ المهام بنجاح فائق وملحوظ بعد ان وعد هو ومن معه ببسكويت بركه مع الشاي المخلوط بي لبن بدره من علبة فورموست الفتيه.0
بعد هذه المفارقات اعزائي انني انتقد هذا الاسلوب الشعري المكلف ولاسباب تتعلق بتمسكنا بالشعر الاصلي ابو ضلفه او ضلفتين او حتي تلاته ضلف كان لابد لنا من ان نقف موقف شديد للدفاع عن عروضنا القديمه والا تهنا في الخشنفريه بلارجعه
الشاعر الكبير
شخصي الضعيف
في محاولات نقديه للخشنفريه
ارجوا من الناقده نقد النقد ان استطاعت حتي اتلمس طريقي النقدي ان امكن0 |
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الشاعر احمد بابكر شخصي الضعيف
Quote: مدخل
وجدت هذا الباب مفتوحا فدخلت
علٌي اجد بدايات الطريق
اني اذا من الشعراء
تمهيد
كنت اراجع اوراق هذا المنتدي الوريقه
فاستلهمتني بالقصيده
فانبري قلمي
يمتطي الكلمات ويرقص
يكتب مرات ومرات يسرح
ضؤ اخضر
عندما اختفت الشمس
اتقوحنت الظروف
فجرت تراتيل الصباح
شوقا لا بعدا
ونامت في سكون
اوهامي القدريه
لم نكن سوي ثلاثه
انا وانا وانا
والقمر حينها
ذهب في غير عادته
الي محطات الوصول
ضؤ احمر
لونه دموي
ذلك الانقلاب
طعمه بلاطعم
ولكنه وسخ
لا يفهم معني
ان تحوم بين النجوم
وان تلعب البلياردوا في ازقتنا القديمه
حاله نادره
ذهبت ذات صباح الي
الاستاربك
لاشرب القهوه
لم اجد ايمن
ولكني وجدت
البن الحبشي الاصيل
اخذت مقعدا جانبي
ورحت في رحلتي اليوميه
احلم بيوم جديد
احلم احلام جميله
للشاعر الكبير
شخصي الضعيف!! |
| |
|
|
|
|
|
|
|
|
|
Re: الحفل الخنفشاري الحداسي الاول (Re: Sabah Hussein)
|
| Quote: بتقنبل إبن ثقيدب البرلسي صوب مكامن الإشتهاء ايقن كم عانى مكالريوبيس في إندلاقه التشتتي بوجهة غريب لا تمس عذابات إمتنانه النار |
عصام دهب تستمر بالحالة دي والله الا تجيب الرتينة حتى نتكلم معاك..
مودتنا
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
الأخت بيان،
شكـرا وقاعدين نقرأ أهـو..
الأخت صباح
| Quote: ياخوى شكلك كده النوع البفرتق الحفلات دى حفله خشنفريه فى نادى الظباط |
نادى الظباط فى الفى شـارع افريقيـا واللا غيـرو.. زمان وانا راجـع من المطار كدارى، حوالى الثالثـة صباحا، وبعـد أن فقـدت حجزى لصالح أحـد المحظوظين فى لوترى الفسـاد الإدارى، جيت طبعـا لافى يمين فى شـارع أفريقيـا، مخلفـا ورائى المطار ونادى الظباط.. وبعـد هنيهـة أسمـع ليك واحـد ينادى: يا زول أقيف.. فتلفت خلفى لأجـد أن المنادى هـو أحـد حراس نادى الظباط.. ودار بيننـا هـذا الحديث:
- الشـايلو فى يدك دا شنـو؟
- دى شنطـة
- وماشى برجلينك مالك؟
- مافى تكسى زى الوكت دا وانا حجزى اتلغى.
- ...
- طيب أفتح الشنطـة دى عايـزين نشـوفهـا..
..
وهنا تبدلت الأدوار، فصـار المجيب هـو السـائل.
- أنت أسمك منـو ومن ياتو وحـدة؟
- ...
- أسمى فلان..
- ومهمتك أنت تحرس النادى وما تغادر الباب.. هسـى بعدت من الباب أكثـر من خمسين متـر.
- والله... والله ياخى لو أنت ظـابط ممكن يعنى كان تورينـا ومافيهـا حاجـة.
- لا، انا بسـألك.. أنت مهمتك تحرس النادى والله الشـارع؟
- والله يا جنابو ظاهـر طبعـا انت ظابط، بس كان تكلمنا من قبيل..
- طيب هسـى عايـز تفتش شنطتى دى.. أتفضل أفتحهـا وفتشهـا..
- لا لا يا جنابو أنا متأسف، المسـألـة هسى بقت واضحـة!!
| |
|
|
|
|
|
|
|
|
|
Re: الحفل الخنفشاري الحداسي الاول (Re: عصام دهب)
|
****مفتاح ثالث*****
طوقني
ضوعني
ضمخني
ضيعني
تناثرت
تعرقت
تسربلت
توهجت
تمسحت
عطور
عطور
سائلة
ابخرة
مطحونة
ذيتية
شهقت
دون زفير...
نعم دون زفير
اه يا قلبي
دون زفير
اه يا عمري دون زفير
وفقدت الشم
وانقطع النفس
وصرت مدوخة.
| |
|
|
|
|
|
|
|
|
|
Re: الحفل الخنفشاري الحداسي الاول (Re: bayan)
|
خنفشارىُ انـــــــا
ضميرى يضورى سنـــا
وطنىُ ضد الانـــــأ
وحدوىُ من يفصلنــــا
حكومــــات المسجنة
مهاجر ضاقت بيه الامكنا
دارفورىٌ عراءِ قطنــــا
كان عائش عشة الهنــا
غنيماتو تدر اللبنــــا
شجيراتو فيها ثماراً ممكنــا
فى الافراح العود دندنــــا
فى الاتراح فعلو حسنـــا
مو جايب خبر لدنيا الفنــا
دخلت سياسات الازمنـــة
يوم معانا ويوم ضددنـــا
اشعلت ناراً فى الضنــى
كل يوم زارعة فتنـــــــا
قتلت صغير.. شرد الجنى
سيبوهم ياحكام السوسنة
تمساسيح وثعالب مهجنــــة
تاكل القاصى ....والدنـــى
اولادهم تدرس فى لندنـــــا
فى ماليزيا مكدسين الشنشنة
حاكمين سودان المسكنـــة
شعاراتكم سماحة ديننــــا
فللاً و قصورا ليها بنـــا
وما مهم يبقى الوطنـــا
خنفشارىُ انـــــــا
خنفشارىُ انـــــــا
ابقوتة....
فى عيد الخنفشارية الاول..
| |
|
|
|
|
|
|
|
|
|
Re: الحفل الخنفشاري الحداسي الاول (Re: doma)
|
منكيف للحفلة
خالس خالس
ومزاجى راااايق .. وواقف بعيييد
منتكل على الحيطه
(لزوم تأمين الضهر وكده) ..
محدر الطاقية قدااااام .. ومتلثم بالشال تب ؛ فرد عوينه
(لزوم طمس الهويه وكده )
والخوسه المكنتله أم منقاش ديكـ ..
فى ضراعى أديها هبشه هبشه ..
( ودى كمان لزوم الهرشه )
زول ما بسعلو الا يسعلنى هو
أو يدفروهو فوقى ….!!
وكان خيتى نزل – وانشاء الله ما ينزل – بطلب
من الكديسه تجيب الدلوكه والشتم والشلشال
عشان نغنى غنوه :
(القطيعة الاسفيرية بين الكحيان وحاجه سعديه )
وكان ما نزل كمان بتهوزز فى محلتى
واعاين لى خيوت الاخرين ساااكت !!
يلا يا جماعة
الحفله حفلتكم
لكن النظام مطلوب
العرضة: أربعة أربعة
الخامس نشيلو برة طواااااالى …!!
ولازم تبعدو من السباته دى عشرة شبحات !!!!!
| |
|
|
|
|
|
|
| |
bayan
abuguta
حبيب نورة
Gazaloat
Muna Khugali
jini
عصام دهب
ايهاب
shazaly gafar
Shinteer
Sabah Hussein
حليمة محمد عبد الرحمن
Abureesh
doma
فيس بوك
تويتر
انستقرام
يوتيوب
بنتيريست