دعواتكم لزميلنا المفكر د.الباقر العفيف بالشفاء العاجل
|
|
 الاعزاء اهالى قرية أوسلى... الفين سلام
|
اهلى وضريبين دمى
كيفنكم ورمضان كريم وتصوموا وتفطروا على خير يا ربى
الناس المعاى والشايفنى حقانية و الناس الشايفنى متلقية حجج
كلكم ازيكم ونعلكم طيبين شى ونعل مافى زول ابى عشا...
وان شاء الله التمر كان سمح و السبيقات شايلات شى..
وامانى ما فرح وكتين عرف انكم بتقرو البورد
وتتناقشو فى ناسو.. وطمنو العم العزيز انه الجنا (هولفول) شديدولضيض
وصدى اهلو.. اتمنى انه يقرأ الكلام دا ويجى يسلم عليكم..
ومشتهية لى قعدة فى القوز ولعبة وطنبور وبدور اشوف لى جنى
يقيف فى الصف يطير لا فوق يطير يندق... بذكر وكتين كنا نلعب قيرا قيرا فى ضو القميرة.. وشليل وينو..
واسع اغنينة النفوس الطيبى جاتنى فى قلبى وفكرى
وانا والله طارياكم و طارية العشيرة
اها ودعناكم لى سيد الوداعة..يحفظكم الله من الهدام و الرملة
لاتقطعو الجوابات الله لا سد دربكم
[email protected]
بت مورا بيان
ملحوظة
وليدكم عادلنى وانا عافي منو لله والرسول
والدم ما ببقى موية.. وتانى مافى كوف كوف ضمى شى
|
|
 
|
|
|
|
|
|
|
 Re: الاعزاء اهالى قرية أوسلى... الفين سلام (Re: AnwarKing)
|
ياخالة
مش حرام عليك
مسدده بابك دا
لسع العشرة الاواخر ما جاءت عشان الاعتكاف وبعدين البتالصغيرة خليناها...ما تزعلى وتقومى
تحردى من البورد..اها اسى الجنى هوب فل دا تاعباه مالك تقولى دايرة فى شيلة بنتك
فسيخ الدويم عليك الله فى مرة بتتعب نسيبها زى كدا....نسوان اخر زمن..الله يستر ليه
من لبن الطير....
اها مشتاقين زى شوق تاج السر مخلوط بسلام رودا...عليك الله حصل لاقاك شوق زى دا...
دا شوقا مسخن فى كنتوش..ابقى مارقة ...سوى العصيدة وملاح نعيمية...وزورى البوستات وعزى فى البكيات الليها ضل...وماها خمج...
رمضان كريم
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: بدرالدين شنا)
|
البدرى ابنكنبة
مشتاقين يا اخى.. امانة ما اتمغست وكتين لقيتك سافر قبلى بزمن قصير
ومشينا اتلمينا ديك يا اللمة فى بوفيه التلفزيون فجعة كدى
جماعتك اتلمو من لاوى لى لاوى.. قاسم ود ابزيد و قسم الله وسامية عبدالله
غالية حسن ابراهيم حماد و ودخيل الله وسهام الخواض..ورابحة حماد
والله ضحكنا كمية من الضحك .. بعدينتى قول كدى يا كشف الترقيات اظهر
اها الترقيات وقعت هبطرش كلهم رقوهم عينى باردى.. وقالو قدمى بالحيل كانت سمح عليهم
تحياتى لك ولاسرتك وللخواجة
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
تسلمي دكتورة بيان.. كنا فاقدنك ورجعتك افرحتنا شديد.. وكمان معاك بي نسلم على أهلنا ناس أوسلي وكل المنطقة...نكهتك في البورد وحيويتك كانت مفقودة.. أنا كنتا غايب عن البورد شوية بحكم الشغل.جيت لقيتك مافي زعلت.. الحمد لله على الرجعة..
صديق منصوري
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: منصوري)
|
ود عمى المنصورى
امانة ما فرح وكتين لقيتك رجعت .. وينك انت بالحيل طولت مننا
شكرا ليك على كلامك السمح دا.. لا تكبر لى راسى شى تخلينى امشى
اناضم الاعداء تانى..وافركهك فرك الويكى
نتمنى نشوفك طوالى وما تغيب مننا
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: nada ali)
|
الأخت العزيزة د. نجاة ( بيان )
سلام كبير جدا
رمضان كريم و تصومي و تفطري على خير ..
طال غيابك .. عل السبب خير ..
أرجو أن يكون الوالد بخير .. و بقية الأسرة الكريمة .. و كيف وجدت الأولاد بعد العودة من السودان ..
نرجو أن تتواصل إسهاماتك ( القيمة ) هنا ...نحن في الإنتظار
تخريمة مهمة : ودقاسم بيسلم عليكي كتير السلام .. و بيقول ليكي رمضان كريم و كل سنة و إنت طيبة .. و لأن ( النت ) مقطوع عنده لم يستطع الدخول .. اللهم قد بلغت اللهم فأشهد ..
تحياتي لزوجك و للأولاد ..
أخوك جلال
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: ابو جهينة)
|
العزيز جلال
شكرا ليك على السؤال
الوالد كان ينتظر زيارتك بفارغ الصبر كما تعرف انه بعد ان خرج من عطبرة.. لا يسعده شئ قدر ان يرى ناس عطبرة..ولكن تفهم المشغوليات
ربنا يمد فى ايامو و تمشى تشوفو فى زيارتك القادمة...
الاسرة هنا بخير
بلغ اخونا ود قاسم تحياتنا..وكل سنة وهو اسرته بالف خير.. وربنا
يديم المعروف
.. ولك انت كل الشكر والود
فدائما أنت من الاقربين..
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
أختنا العزيزة الدكتورة بيان
عوداً حميداً ، والبورد نور من تاني ، وعبر البوست الجميل ده بوصي ناس أوُسلي يوصلولي السلام لي أهلي في الكنيسة وماها بعيدي منهم بينم وبينا ناس مساوي وهم زاتم أهلنا في سكتم بيغشوا ناس "علي حمد" وجمبهم مو بعيد "الميجر" يسلموا لي عليهو كتير وفي الكنيسة بقول لهم تغشوا جامع أهلي العوضاب في الحلة التحت بتلقوهم هناك من بعد العصير قاعدين في الخلوة الغربية، ومن هناك مو بعيد لي خلوة البدري كمان تلقوا البادراب والتراتير متلمين يقروا في مصاحفهم ولي بره جنب الدكان وفي ضل النيمه الصبيان يتونسوا ...
والله يا دكتورة رجعتينا سنين وسنين لي ورا ،،، وفرحتينا بي العودة وألف حمداً لله على السلامة.
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: ودقاسم)
|
الاخت بيان
مرحب بعودتك
وانتهز الفرصة لاشكرك على عزائك الجميل وكلماتك الرقيقة، وعزاء ابراهيم زوجك لاسرتى ولشخصى عند رحيل والدى الحبيب
يازولة الحمدلله رجعتى حتى لا اشعر بذنب غيابك اولا ولتحتلى مكانتك "العصارية" فى البورد تانيا
فقد "فكيتى البيرق" على حد تعبيراتك ، بعد مداخلتى مباشرة...حتى ندمت
ثقى تماما اننا لن نتناقر "للاسف" مرة اخرى ...فقد قلمت المأساة اظافرى ..
ولم اعد ارغب فى مناقرة احد
لك تحيات الاسرة...ولاسرتك التحية
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: Tumadir)
|
الحبيبة الرقيقة تماضر
شكرا لك كثيرا وأحسن الله عزائكم.. شيخ الدين ابدا لم يكن والدكم وحدكم.. حزننا عليه سيكون مقيما.. لقد دخلنا بيته واكلنا طعامه
جعله الله فى ميزان حسناته
عليه الرحمة والمغفرة.. كنت اود الاتصال بك.. ولكن لم اجد رقمك
يا عزيزتى انا لم اذهب لاجلك
كما قلت لك دائماهناك هذا الحب رغم المناقرات..
ولكن
اننى عندما انسحبت لاننى وجدت نفسى كأنشوطة تخنق كل من ياتى قربى او يحبنى..وقررت ان انسحب حتى لا يتعرض من أحبهم للسخرية و العداء..
ثم حدثت امر ضياع الباسورد كما تعرفيننى شرانية قررت فقط ان اجرب الباسورد.. فكان هذا البوست..
الذى كان سبب صلح مع الكريم ود قاسم.. وعودتك انت لبوستاتى
شكرا ليك كثيرا
وربنا يجبر كسركم و ابونا ما كان راجل ساهل عليه الرحمة
يعنى ما عندك اى دخل بخروجى فاليرتاح ضميرك
اها فى داعى تبكينى؟
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: ودقاسم)
|
اخى الكريم ود قاسم
والله عاجزة عن الشكر وانا اقبل يدك البيضاء بيد ابيض منها (مشروع شكلة واخد بالك؟!)
وتجدنى ممنونة لابي جهينة العزيز..
واتمنى ان نتعافى كلنا ونترك ما حدث خلف ظهورنا...
تحياتى لزوجتك ولابنائك الميامين حفظهم الله ورعاه
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
الكبار دايما كبار مهما حصل ..
البوست دة عاوز ليهو ضبيحة .. و أنا لها
ود قاسم و بيان ( برسل ليكم رقم حسابي عشان ترسلوا لى تمن الضبيحة )
بارك الله فيكما و وفقكما لما فيه الخير ..
لي قدام .. ملعون إبليس و قبيلته
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: ودرملية)
|
ود رملية العظيم.. الرجل النادر المثال والخصال
ابدا الى يوم القيامة لن انسى وقفتك الحقانية
عندما ران الصمت.. وصدحت انت بالحقيقة..
ودفعت ثمنا عاليا.. ولكنك خرجت مكللا بالشرف.
اتمنى ان يرجع اخى بروفسور ود البلد الذى دائما ارى اننى من اسباب ذهابه.. يا ود البلد عليك الله تعال نحن نحتاجك ونحتاج بوستاتك الشحمانة.. التى تعلمت منها ما لم اتعلمه فى اى مكان
والكل يفتقدك ..
اتمنى يا ودر رملية لو افردت له بوستا
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
د0 نجاة
انا والله بتوه مع الاسماء المستعارة دى
ومرات بخش شمال
والرماد كال حماد
ومن عزة وسافرتى
ولا خبر
على كل بركة فى التلاقى
ودعينا نتواصل بعد حادثى الاشتر
وتحياتى للاسرة
وبعد ده نستعد لطباعة الكتب
(سؤآل ايه حكاية الخالة دى)
سلام
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: WaD OmI)
|
الدكتورة العزيزة بيان،
أنا من الأعضاء الجدد فأسمحي لي أن أدخل لأكون ضمن المبتهجين بعودتك الميمونة، ومن محاسن الصدف أنني "وسالي" وموعود بإذن الله بسفرة لأوسلي بعد غياب عن السودان دام 10 سنوات إلا من طلة هنا وهناك. وإذا ربنا سهل ومشيت فسأبلغ سلامك لأهل أوسلي من الحرازة للحرازة أو على ألقل المقيمين منهم بأمدرمان، ولك التحايا مقدماً من أوسلي.
عوض الله أحمد الطيب
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
الليلى فتح اميلى لقيتلى ايميل من زولا لطيف واوسلاوى قال طالب البلد بعد غياب عشرة سنوات.. نتمى ليه اقامة سعيدة ويلقى ناس اوسلى كلهم تامين ولامين..الفى الخرتوم والفى البلد ووعد انه يوصل السلام من الحرازى للحرازى..
لؤى سعيد تصل بالسلامة
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: bayan)
|
الدكتوره بيان .
التحيه لك وانت تفردين بوست خاص لاهلك واهلى باوسلى
وان كنت سعيدا بهذا البوست الا ان سعادتى قد تضاعفت
لعدة اسباب.
اولها انه اتى من صديقتى اللدوده او قلى عدوتى الحميمه
دكتوره بيان
وثانيها وهو المهم عثورى على صديقى وابن اوسـلى البار
عوض الله احمد الطيب الذى طال بحثى عنه
وثالثها وهو الاهم تصافح العملاقين ود قاسم وبيان وكما
قيل ان الكبار يظلون كبار ولو تقاصر الزمن
التحايا للجميع
لى عودة اذا سمحت الظروف
| |
|
|
|
|
|
|
|
|
|
Re: الاعزاء اهالى قرية أوسلى... الفين سلام (Re: Ahmed Khalil)
|
العزيزة دكتورة بيان، لك الشكر والمحبة على كلماتك الطيبة التي روى دعاشها الأصيل أعماق روحي المغتربة فأنعش فيها الزهر وأينع الياسمين.
المحب أوسلي 2، سعدت جدا وأنا أسمع صوتك الحبيب عبر الأثير دغيش اليوم يعيد لي ذاكرتي المفقودة مع الوطن.
كان عهدي بأوسلي الحبيبة قبل عام الردة وقبل أن يضيق الوطن بنا فتسللنا منه وتسلل من بين أيدينا فلم تستطع أن تستوعبنا غربة المسافر ولا ضياع المقيم، وسلمت حينها لشتلاتها الباسقات آخر أضابير رابطة خريجي وطلاب أوسلي بالجامعات والمعاهد العليا ثم واريت جثمان والدي الثري ولملمت ما بقي لي من أسى في حقائب الحزن وكان السفر
| |
|
|
|
|
|
|
| |
bayan
سجيمان
AnwarKing
abuguta
بدرالدين شنا
Ahmed Daoud
منصوري
jini
nada ali
ابو جهينة
alsngaq
Al-Shaygi
ودقاسم
Tumadir
عشة بت فاطنة
عصام عبد الحفيظ
ودرملية
saif massad ali
WaD OmI
osly2
فيس بوك
تويتر
انستقرام
يوتيوب
بنتيريست