|
دعواتكم لزميلنا المفكر د.الباقر العفيف بالشفاء العاجل
|
|
 Re: الاصدقاء/يقات الخفين.. وشعور العشيقة.... (Re: bayan)
|
د. بيان الغالية
لا ياصديقتى .. انتى معشوقة وحبيبة لدينا جهارا نهارا وليس سرا ..
او لدى انا ونفر كريم هنا على كل حال .. اعلم يقينا انهم يكنون لك كل الاعزاز والتقدير
بيان .. حبى لك نابع من احساسى بصفاء ونقاء دواخلك وليس له اى علاقة باكوام تتحدثين عنها ويتحدث عنها غيرك هنا فى هذا المنبر الوطن !!
وحقيقة تدهشنى لغة الاكوام هذه ولاافهم معناها ابدا !!
بيان مااستطيع ان افهمه فقط ان الاختلاف فى الرأى يجب ان لايفسد للود .. او على الاقل الاحترام بين الناس قضية ..
لا ياام الزهرات الثلاثة لست انتى من أخجل أو اجبن من مصادقتها علنا وعلى مرأى ومسمع من كل الاحباء فى هذا المنبر الوطن ولاننى احبهم جميعهم كذلك ..
لك التحية ياد. بيان ولكل من هم اصدقاؤك كل الاحترام وحتى لمن ترينهم انتى اعداء لك .. لهم منى كل الاحترام .. ونأمل من المولى ان تصفو القلوب وترووووووووق!!
| |
 
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: نادية عثمان)
|
| Quote: بيان مااستطيع ان افهمه فقط ان الاختلاف فى الرأى يجب ان لايفسد للود .. او على الاقل الاحترام بين الناس قضية .. |
نعم يا حبيبتى ناصعة القلب..
وايضا حتى نتلعم احترام الذات وألاخر يجب ان تتوحد اقوالنا مع افعالنا..
ما يغضبنى يا عزيزتى هو النفاق..
فانا لا ارى ان مصادقتى سبة حتى تكون خلف ستار..
اود هنا أن احى صديقى العزيز عبدالمنعم الجزولى الذى نختلف ونتغالط
ولكن دائما هناك هذا الود والاخلاص.. وصداقة ومحبة معلنة..
علمنى صديقى هذا انه يمكن ان نختلف فى الافكار ولكن نحترم حق الآخر فى
الاختلاف.. وان يكون كما يريد..وهذا الاختلاف لا يفسد للود قضية
كما احى الابن العمدة المختلف عنى حزبيا.. ولكنه دائما ينافح عن الحق.. ويسعى
لاظهاره....
اما اصحاب الاسطوانات المشروخة.. يقولون ما لايفعلون
فالله بينى وبينهم
ااما النفاق و السكوت عن قول الحق فهذا ما ارفضه..
حديثك هذا احزننى حزنا شجيا.. شكرا لك وانا الاسعد بمعرفتك
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Ahmed Al Bashir)
|
يا دكتوره انتى أهم زول هنا...... فنامى ملء جفونك عن شواردها ودعى الخلق تسهر جراء ذلك وتختصم.....فانا أشهد انك إمرأة دغريه جهريه ويجمعنا حب شعر صلاح أحمد ابراهيم وما أروع قصيدته أخى قابيل.... فاكتبى نقدا شعرا او قصصا وليس المهم تداخل الناس بقدر ما هو اهم إخراج الأبداع نفسه ولا يهمك عدد من يقرأ لك بقدر مايهمك جودة كتابتك إن كانت جاده وان لم تكن واحسنى لغير أصدقائك كما تحسنى لاصدقائك تنالى صداقة الكل
ولك السلام
منصور
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: munswor almophtah)
|
| Quote: فنامى ملء جفونك عن شواردها ودعى الخلق تسهر جراء ذلك وتختصم.....فانا أشهد انك إمرأة دغريه جهريه |
عشان دغرية الان انتفض.. على هذاالوضع المائل.. من يريد مصادقتى عليه
ان يعلنها او لا اريد..
وشكرا ليك باذن الله عندما ينتهى كتابى عن صلاح.. ساحجز لك نسخة
واذا عندك اى مواد تساعدنى فى التوثيق له.. اكون شاكرة..
ساضع لك ايميلى فى الماسنجلا
شكرا لك على كلامك الطيب
| |
|
|
|
|
|
|
|
|
 Re: الاصدقاء/يقات الخفين.. وشعور العشيقة.... (Re: bayan)
|
الحبيبه خاله بيان
انتى الزوجه الشرعيه لنا وليست العشيقه, قد لا اتداخل كثير فى بوستاتك لكنى اكن لكى الكثير من الحب والتقدير ولا اخجل ان ابيح بحبى لك فدمتى يا خاله وربنا يحفظك لينا ويطول لينا فى عمرك
لكى كل الود والتقدير
وفى امان الله
لا اله الا الله
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Hussein Mallasi)
|
| Quote: و عدد اخر محدود من العضوات و الاعضاء. |
شكرا يا ود الخالة ورينى ليهم عشان ادقهم ليك.. مش اختك الكبيرة  
عايزة اشكرك على وقفات جميلة هنا... وانا اتفهم كيف تكون محبتى عبء
لاحبابى واصدقائى..ولكم يحز فى نفسى عندما يصلكم الرشاش..
فلك العتبى حتى ترضى...
تحياتى للاهل
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
د. نجاة
سلامات
(شفتي الشِعِر؟)
انا أتّفق معك في مسألة (الكوميّات) "على وزن القوميّات" ، وقد لاحظت بالطبع المجاملات والمداخلات التي لاتكون في الأساس بغرض الرد ربّما على مشاركة محدّدة ولكن تكون في الغالب بغرض المجاملة ورفع بوستات الأصدقاء والصديقات (المكوّمين) ..
بوستات كثيرة جدّاً تنزلق بعيداً عن الصفحة الأولى بسبب عدم (تكويم) الكاتب/ة ، والمؤسف أن هذه البوستات قد تكون قيّمة جدّاً وتتناول أطروحات مهمّة في قضايا ذات وزن ، وعلى سبيل المثال لا الحصر ، وجدت انا بالأمس بوست عزاء راقداً في الصفحة الثالثة ولم يشارك فيه سوى شخص واحد فقط وقمت برفع البوست ثم بعد ذلك بدأت المشاركات تتوالى ، (يعني حتّى في العزاء) ..
انا شخصيّاً كمثال قد أخسر الكثير من الناس لكوني لاأشارك إلاّ في البوستات التي أحس بأنّني أستطيع كتابة شئ فيها وذلك دون مجاملات وأغراض أخرى .. كذلك الأمر مع الماسنجر ، ففي قائمة الماسنجر خاصّتي لاتوجد سوى أسماء الذين واللائي أحتاج للتواصل معهم/ن بشكل شبه ثابت ، وأقوم بإزالة البلوك إن إحتجت للتواصل مع الغير لأي سبب ..
غايتو كشفتينا في بوست البلوك وضحكتني مراسلات الناس الكتبوا/ن لي "لؤي انت عامل لي بلوك؟" غايتو فرحت بشكل لمّا البوست بدأ يغيب عن الصفحة الأولى
وُدّي
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: لؤى)
|
د. نجاة
تحية كبيرة
بيان نحن نتشرف بأن نعلن مودتنا الكاملة لك
| Quote: فلا احد يريد ان يربط اسمه بى.. خاصة المستنيرين |
أنا غايتو مستلامي .. و دة حزب جديد كوناه هنا في الرياض .. يجمع المهمشين من الظلاميين و المستنيرين .. و أعضاء الحزب أكتر ناس بيحبوكي و عاوزينك تنضمي ليهو ..
ممكن؟
تحياتي للاسرة و طمنيني على الوالد ..
أرقدي عافية
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: ابو جهينة)
|
| Quote: أنا غايتو مستلامي .. و دة حزب جديد كوناه هنا في الرياض .. يجمع المهمشين من الظلاميين و المستنيرين |
الحزب الجديد دة" المستلامي" ح اسال ناسنا يا حبيب لو بينفع الجمع بين حزبين ح اطلب عضوية فوراً
التحية للحبيبة نجاة ولك اخي الحبيب ابوجهينة
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: لؤى)
|
Quote: غايتو كشفتينا في بوست البلوك وضحكتني مراسلات الناس الكتبوا/ن لي "لؤي انت عامل لي بلوك؟" غايتو فرحت بشكل لمّا البوست بدأ يغيب عن
الصفحة الأولى |
قرقرقرقرقرقرقرقرقررر
والله بوست خترى داك
انا اى زول عمل لى بلوك فكانى.. الله يبارك فى عمر الفاروق.. تانى
You Cant Run, You Cant Hide From Me.
كمان لو فى طريقة نعرف الزول عنده كم ايميل يتكونو ما قصرتو
المسألة مافى دخول البوستات وكدا.. المسألة فى رأى فى الماسنجر ورأى مخالف له تماما
فى البورد...
وهنا يقبع بيت القصيد..
عشان كدا عايزين نترقى من عشيقة الى زوجة شرعية.. العنده قدرة ذى دى خلاص
الماعندو يطلب الله..
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
| Quote: أعضاء الحزب أكتر ناس بيحبوكي و عاوزينك تنضمي ليهو |
لا يلدغ المؤمن من جحر مرتين يا صنمنا.. تذكر لما فكيت كومنا عكس الهوا؟
خلتينا مشتتين حتى تلقفت الكوم الاكوام الاخرى
وبقيت واقفة براى وسط الشوارع فى المدن.. مستنية صنم ما عاد يجى
الجميع بخير.. انت حتجى الاجازة الجاية؟
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
| Quote: الحزب الجديد دة" المستلامي" ح اسال ناسنا يا حبيب لو بينفع الجمع بين حزبين ح اطلب عضوية فوراً |
دا حزب اسمه مربك جدا..
ممكن يتفسر تفسيرات كثيرة..
انا مش قلت ابو جهينة دا صنم ما هين بس متواضع
شكرا ليك على الطلة
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: ابو جهينة)
|
الأخت الحبيبة لنا مهدي
تحياتي لك و للأسرة الكريمة و خصوصا الأخ يعقوب
| Quote: الحزب الجديد دة" المستلامي" ح اسال ناسنا يا حبيب لو بينفع الجمع بين حزبين ح اطلب عضوية فوراً |
الجمع ممكن و جائز بين حزب سايبري و حزب ما سايبري .. و أهم شروطو عدم العدل بينهما  
و لو تخليتي عن الحزب الجديد دة ما عندو أي حقوق أو مؤخر أو نفقة .. تطلعي منو زى الشعرة من عجين ملخوخ و فاير
أرقدي عافية
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: ست البنات)
|
الأخت بيان
تحية طيبة
أنا أعرف كثير من أفراد عائلتك الكريمة وعرفت بعض الشئ نك فى هذا المنبر.
كما قال المنصور أعلاه أول ما جذبنى لكتاباتك ماكان عن صلاح أحمد إبراهيم.
بعدها شغلتى نفسك بأشياء لاأرضاها لك ولا لخصومك وما يجعلنى أتعايش معها علمى أنكم بشر.
أكتبى ما يعكس مكانتك واتركى ماعدا ذلك فالناس لها قلوب وعقول والقلب يجذب القلب والعقل ينير العقل.
ليس بالضرورة محبة الناس وإنما الضرورى إحترامهم لك فاركنى للإحترام أكثر من الحب.
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Balla Musa)
|
| Quote: ليس بالضرورة محبة الناس وإنما الضرورى إحترامهم لك فاركنى للإحترام أكثر من الحب |
العزيز دكتور بلة
شكرا ليك هذه القاعدة الذهبية التى علمنا لها الوالد.. ان الاحترام هو ما نطلبه ممن لا يمتون لنا بصلة رحم.. فانا ابدا لم ابحث عن حب فى هذا المنبر...والا كنت غيرت فى طريقتى.. فى المنبر وصرت كوم رقة...
هذا البوست ليس بحثا عن حب.. بل تصحيح وضع مائل.. للاكوام التى تحكم علاقات الناس
وللذين يمارسون النفاق..
تحياتى لك.. اعدك ساكتب اشياء مفيدة من قبل كانت كل بوستاتى تخرب ..
الان لن يحدث هذا..
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: تاج السر حسن)
|
| Quote: لماذا تعتبرين الذين لا يتداخلون معك أعداء |
الاخ العزيز تاج السر
متى قلت هذا؟
ارجع اقرأ البوست .. لتفهم ما اعنى به..
لانك لم تفهم ما ارمى اليه...
| Quote: ولماذا يضطرنا البعض على هذا البورد أن نتعامل معه من خلال النظره للعشيقه أو الحبيبه أو الصديقه؟؟ لماذا لا أتعامل مع المواضيع المطروحة بغض النظر عن شخصية كاتبها، معه أن اصاب وعليه أن أخطأ، وكل ذلك من خىل وجهو نظر خاصة قد تكن مصيبه كذلك او خاطئه |
هذه اسئلة مشروعة..اتفق معك فيها... فقط اننى استخدمت مفردة العشيقة
مجازيا,,
ونبهت على ذلك.. وانت هنا استخدمتها كحقيقة..
شكرا لك كثيرا..
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
دكتوره/ بيان
هذه المداخله التى رضيتى عنها وهللت لها، مع أحترامى لشخص من انزلها، فهى تنم على روح التعامل مع (عشيقه أو حبيبه أو صديقه) ولو مجازا.
| Quote: اول دخول لى ....انا معك اخا وناصرا ظالمه او مظلومة واكان الشغلانة خوف والا رجاله او كيمان انا براى كوم وضهر..احترامى. |
** هذه الروح يجب أن نرفضها وترفضيها معنا على هذا البورد ، فنحن معك مظلومه ، أو مقدمه موضوعا يستحق التداخل والتعليق ضدك ظالمه وغير متداخلين فى موضوع لا يستحق منا ذلك، لأنك لست (عشيقه أو حبيبه او صديقه) وانما عضو له كامل الأحترام والتقدير.
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: تاج السر حسن)
|
أختى بيان كل واحد فى المنبر دا ببكى وجعتو
البقيفو معاك ظاهرا هم أصلا بصفوا فى حساباتم الخاصة
الناس دى مابتتخيل أنو المنبر دا ممكن يكون تواصل إنسانى واقعى يعنى ممكن الواحد يتخيل حا يقابل واحد شخصيا ومايكون قال فبهو كلمة شينة تخجلو منو
والله مرات بتخيل الكتابة بقت زى قضاء الحاجة
الواحد لمايضع النقطة الأخيرة يقول الحمد لله الذى أخرج منى هذا الأذى وعافانى
البدخلو يقرواكتابة زى دى أكيد بقولو أعوذ بالله من الخبث والخبائث.
للأسف الإحساس دا بقا متعمق جواى
يابيان إنتى ممكن تكونى كاتبة ليك طعمك ونكهتك الخاصة ودا بتكون بالنس المعاك والضدك.
أتمنى أن تتخلى عن كلمة ضلامية كبادرة عفو لمن قالوها
خليك زى أبوك علم الصعاليك قواعد الإحترام والتقدير وفوق دا علمهم علما إستبانوا به سبل الحياة
يابيان لما واحد يجرحك إتذكرى أبوك واسأليهو فى سرك تتصرفى كيف قبل ما تتصرفى
أنسى الكيمان فالشعب السودان لايعيش إلا وسط القطيع فياعيشى وسط القطيع وبعقلية القطيع يا أبقى متفردة وخلى عدوة التفرد تنتشر.
نحنا كشعب منذ ميلادنا لقينا نفسنا مكومين دينيا وثقافيا وقبليا وسياسيا ودخل فينا فهم واتغلغل إسمو لانصلح أن نوزن بالميزان.
فإنتى يااتكومى معانا يا ورينا ميزان العقل بوزن كيف.
يابيان المنبر لاهو صحيفة ولاهو كتاب ولاهو مسرح ولاهو سوق أم دفسو هو مرآة لكل هذه الأشياء.
الناس البمرقو منو عشان مستوى المشاركين فيهو أقل منهم أو الناي المابردو على ناي عان أسمهن ما رنانة ماهو جديد دا ديدن قبيلة الخريجين الخلا ود خالى لما دخلت الجامعة يقول لى مسختا علينا الجامعة عشان غرسو جواهو أنو الجامعة لايمكن أن يدخلها واحد هو بعرفو ولحمو ودمو شفتى كيف تغرس الإنهزامية فى الإنسان?
ودا برضو الخلاهو لما يزورنى فى الجامعة ويشوف الطلاب معظمن حاشين قمصانن جوا البنطلون يجزم بأن المثقف هو من يحشى قميصه داخل بنطلونه!! وانا بينى وبينك وناس اامنبر قلت أصاب إبن خالى حينـ أخطأ .. إذا كان حال السودان بعد تسعة واربعين سنة من الإستقلال زى البقرة البرفعو فيها من ضنبا وواقعة وكرعيها مجكنة فى الطين وكل المثقفين بفتشوا فى الوقع البقرة فى الطين منو.
ود خالى دا فيهو مدد بعرف دواخل المثقف السودانى كويس,
أها إنتى يااختى عندك ليهو حاجة جديدة ولا نلبسوا جلابية دريدا الخلاها صدقة واكبر من مقاسو, وبالمناسبة ودخالى زول عضمو نصيح مكن يشيل عربية الصادق والمرغنى مع مدد منهم.
الهترشة كترت لكن عجبنى الجنا محسن أى زول إعترضو داسو ومشى زى ماقال شاعرنا كتل زولو وقدل فوق ديتو ماهماهو.. هى طبعا كتل عاشقو لكن خليها زولو عشان أتفسح بيها هنا.. نا كتار بكتبو من أجل الفسحة ملى اناود حرام ما اتفسح برضو.
يابيان والله مانفسى فى حاجة منك إلا تدعى راوية ورجاء للعودة لهذا المنبر وغايتو أنا حامل بى جنين الأخوة الجميلة وبتوحم وإن جا مشوه شيلى شيلتك.
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
أعذرينا يادكتورة عملنا ليك البوست قعدة ونسة ..
Quote:
مداخلة (2)
لؤى..
انت كان بقيتها على البلوك ماهين المشكلها تمشى لى خيارات اخرى...
تقبل تحياتى وعمار بالنيابه...
|
معتز ود عم تروتسكي ..
هي القصّة كان بقت على الإزالة ذااااتها ماكويس ، انا في ناس عملت ليهم/ن نظام إبعاد مخصوص من صنعي انا ..
بالله تحيّاتي لعمّار
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: لؤى)
|
Quote: انا كنت واعداك انى استصحبك فى رحلة ارشيفية.. منها نستخلص.. كيف اليسار
بيعلم كوادره ويضبطها..وتكون انت نموذج فشل هذه الانظمة الهشة فى خلق
كوادر منضبطة..متسقة الافعال والاقوال... كوادر تؤمن بحق الاخر فى التعبير عن رايه دون وصايا او حصار أو تتفيه ذى ما عملت فى البوست ادناه..لكن لاحظت انه اسلوبك اتغير جدا
بقيت تخاطبنى بادب وتقول لى الاستاذة..
المرة دى سماح..لاسباب عديدة كلها ذاتية |
..
الاستاذة بيان انا ما عندي معاك ثار ولا نزاع في جنينة او حواشة ,,
كل ما هنالك انني ارى ان ما تكتبينه ليست له علاقة بلقب الدكتور الذي يتصدر اسمك ,,
انا لم ادخل هذا المنبر بحثا عن شلة او صداقات ,, رغم فخري الشديد بالذين تعرفت عليهم هنا ,, وانا اصلا اعرف مجموعة كبيرة من اعضاء هذا المكان رؤية ولمسة كف ,, وصداقة امتدت لسنوات خلت ,,
وليس سبب وجودي هنا هو الشكوى من فراغ اجتماعي قاتل,,
Quote: لنساء حق العظيمات انظروا الى هذا البوست..
|
يا ترى يا دكتورة هل يقرا طلابك بوستاتك التي تزخر بالشتائم والاذية للناس ,لعمري لو كنت احد طلابك كنت طلعت من المدرسة وقعدت مع جدي في السوق,,
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Marouf Sanad)
|
لا أدري .. احسست بطرف السوط ..
عذري ..
لا افقه كثيراً .. مما يدور ..
وقد اكون " عامل اضان جلد " ..
غايتو ..
بمنظوري ..
ليس هناك معركة ..
مقولة لا صوت يعلو فوق صوت المعركة ..
تغطت عليها أغاني ندي القلعة .. وهاجر كباشي ..
فلم يعد هناك متسع للوقت .. !!
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Marouf Sanad)
|
Quote: مداخله (1)
لملاسى...
عزيزى ملاسى اها نحن موقعه وين من الاعراب
والناس البتخاف ولا مابتخاف منهم ..
مشتاق ليك كتير لى شنو ماتعرف |
و الله انت يا معتز لا من الناس البخاف منها؛
و لا من الناس الما بخاف منها؛
انت من الناس البحبها و بحترمها جدا؛
طبعاً اخوك ما بيحب يِشكّر ليهو زول؛
الا انني لا املك الا ان اشكّرك.
_____
ما لقيت الشدة المكسورة بتاعت يِشكّر.
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: Marouf Sanad)
|
Quote: يا ترى يا دكتورة هل يقرا طلابك بوستاتك التي تزخر بالشتائم والاذية للناس ,لعمري لو كنت احد طلابك كنت طلعت من المدرسة وقعدت
مع جدي في السوق,, |
يا سسند لو قعدت مع جدك وما قريت كان احسن ليك كان
عرفت اخلاق السودانى ود البلد الاصيل.. بدل تتحول لمسخ انسانى كدا
اسع دا ردك على؟
ياخى والله لكن روعت بى شديد واسئت لى شديد(وش باكى)بالله لو كنت ان طالبى
كنت طلعت وفضلت السوق؟
ياخى هل تحتقر مهنة جدك وتعتبر الدراسة افضل منها...بالعدم تمشى السوق
شوفت كلامك دا ممكن يتفسر كيف؟
المفروض الاحزاب دى تهتم بالكيف وما بالكم..
انا مشكلتى معاك ما شخصية عشان تحولها معاك شخصية.. انت بالنسبة لى نموذج لشخص
منظم فى تنظيم يرفع شعارات مابيؤمنوا بها حتى كوادرهم.. يعنى انت قضية عامة..
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
غاليتنا بيان
دخلت أقول مساء الخير قبل ما اقوم جارية الشغل.
شقاوة بعيد عنك والشكية لاب ايدا قوية.
أما الذين دفعوا ثمنا بالحصار, فيكفيهم فخرا وعزا
أن يرتبط لهم اسم بشعاع من الشمس الساطعة و الدافئة والصادقة.
ففى سطوعها شفاء للنفوس
وفى غروبها راحة وتنهيدة طويلة نلملم فيها اطرافنا حتى ندخل لك البوست التالى.
وماشة الشغل يا بيان يا أختى!
والله اليلة اتجرست عديل كدى.
لانى اشتغلت الصباح تمنية ساعات وراجعة هسع 12 ساعة بالليل.
يكون دا سبب الجرسة ياربى؟
خليتك عافية
ومن له/ها قضية
تسندها مبادئ وقيم
يدفع ضريبته/ها التى لا تقدر بثمن.
سلام...
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: nour tawir)
|
الحبيبة نور
كل سنة وانت اعظم النساء
ربنا يعين والله الشغل الكثير دا حاجة متعبة..
زمان لما كنا فى امريكا.. كل يوم عندى نشيد العلم اسمه عايزة اشتغل..
اها لما زوجى بعد خطبة طويلة.. عن انه ما عايزنى اتعب..المسألة مش
رفض مبدأ العمل.. اها عندى صاحبتى شغالة فى (بيكارى)جات قالت
انت بتعملى كيك كويس...
واجى اشتغل لانهم عايزين زول..المهم الحاجة دى ما اخدت دقيقة اقنع زوجى..
مشيت اشتغلت.. الزول بيكون واقف من 8 لغاية خمسة.. واصعب جزء الثلاجة
تدخل تشيل المواد..اها بعد 10 ايام.. الموضوع بقى صعب..لكن المسألة
مسألة كرامة وانا عندى كرامة متضخمة..بس يوم الصباح زوجى بكل براءة
قال لى قميصى ما مكوى.. بس طوالى قلت ليه مش الشغل دا خلاص ما أحامشى ليه
عشان اتفرغ لكوى قمصانك...
وبالفعل الفريغة الا اسع...
ان شاء الله ما يقرأ البوست دا... لانه فترة كدا كان عنده تأنيب ضمير عشان
خليت الشغل بسببو.. وانا طوالى بستخدم الحادثة دى .. وخاتها ليه فى دفترو..
| |
|
|
|
|
|
|
|
|
|
Re: لأنك ما بتتعاشري (Re: Raja)
|
الدكتورة نجات:
أعلنها أمام الملأ و بالفم المليان
أنني أتشرف بصداقتكم في العلن و أمام
صناديق الإقتراع ... و الما عاجبه يشرب
من البحر ... هو نحن لاقنك وين .. و أنت
تشرفين كل من ينتمي إليك ..
لكم مودتي ...
| |
|
|
|
|
|
|
|
|
|
فتلبسنى شعور العشيقة..(تشبيه مجازى (Re: محمد ابراهيم قرض)
|
فتلبسنى شعور العشيقة..(تشبيه مجازى
الاخت الفاضلة نجاة
اولا - لك منى كل الاحترام والتقدير لكثير من مساهماتك القيمة فى هذا البورد
حقييقة ولا اجامل
دفعنى للمشاركة فى هذا الموضوع التشبيه المجازى البليغ اعلاه والذى صور
بحق شعور انسان عزيز كريم النفس
وما يساعدك سيدتى فى طرد هذا الشعور لك ان تتذكرى ان المعشوقة هى غالبا
ما تكون ذات جمال لا يقاوم (مجازا)
واراهم قد عشقوا الفصاحة وجزالة اللغة وقوة البيان فى الكثير من كتاباتك التى
تدافع عن قوميتنا وهويتنا وقيمنا الاسلامية المفترى عليها جحودا وانكارا
فى ظل الظروف السياسيةوالملابسات الدولية التى جعلته مطية لاصحاب البطولات
الكاريكاتورية
وكأى عاشق وضعو شهوتهم معتقلة خوفا من رقابة جماعة التجديد المزعوم خوفا من
التصنيف بالجمود والتخلف
ولك
تلقيمة
| |
|
|
|
|
|
|
|
|
 Re: الاصدقاء/يقات الخفين.. وشعور العشيقة.... (Re: bayan)
|
خالص التحايا
الدكتوره بيان
Quote: يقولون هناك دكتورة جميله تشارك معكم
سجمى شافنى وين؟
(عاد بالقتى فيها عديل هاهاهااهااهاهاها)
بالجد صحى انتى جميله (شفتى المبالغه الاكتر)
بكون شافك طشاش او ربما يكون شافكى بالبصيره عشان انتى مضلمه...
سمعت انك معانا هنا؟
تصدقى معاكم ومع الخيانه لكن بس وين الله تعلم يعنى نحن بورداب واحد الليله سجمنا بفصلونى من التنظيم
ده تلفونى
00862985273944
******************************************************************
لؤى
معتز ود عم تروتسكي ..
هي القصّة كان بقت على الإزالة ذااااتها ماكويس ، انا في ناس عملت ليهم/ن نظام إبعاد مخصوص من صنعي انا ..
بالله تحيّاتي لعمّار
ابو لول وينك يافنان..
بقيو تخوفو عديل مت تجابكم ديى لكن على منو يافرد شتات 
برنيدك...
وحبى ليك حب ما اعتيادى..
............................................................................
Hussein Mallasi
و الله انت يا معتز لا من الناس البخاف منها؛
و لا من الناس الما بخاف منها؛
انت من الناس البحبها و بحترمها جدا؛
طبعاً اخوك ما بيحب يِشكّر ليهو زول؛
الا انني لا املك الا ان اشكّرك.
ياملاسى اسمع هى انا الكلام ده مابقدر استحملو ولا قدرو واصلو ماداير لى سبب عشان ابكى...
اسه بقيت ليك فى رقبتك ترسل لى حق التذكره ..$$$$$$ (الضحكات)
قايتو محل ما الالقاك بطالبك بيها شفت اللبط دى كيف..
الليله ابقى ليك فى روحك زى مابتقى للناس فى روحها...
اسمعوا ياخلق الله الغايب يحدث الحاضر (ملاسى قال برسل لى قروش تزاكر الرجعه انا سمسترى بتاع السنه دى قرب كلها 5 شهور وباجاز عندك 4 شهور لحدى ماترسلهم ومابخليك ...يا التذاكر ياحقهن)..
اما بخصوص الريده فانا لازلت اصر على رائى انو انا مشتاق ليك شديد
بس لشنو ماتعرف ..
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
تاج السر حسن
الأعزاء بله ومعتز
بداية أعتذر لصاحبة البوست لكن مداخلاتكما حرضتنى للمزيد من الكتابه، لا يكفى أن نلعن الظلام والأفضل من ذلك أن نوقد شمعه، وكما قال الصينيون فى مثلهم (الألف ميل تبدأ بخطوه).
عزيزنا تاج السر..
وحاتك حبابك الف والفين كان اصلو العلاقه الجميله والذكرى الحلوه بين الناس هى البتدوم ..
ماعندك عوجه تب ...
بس تعصب ما معانا نكون عقلانين وحلوين ..
ولى قدام
سلامى للجميع..
| |
|
|
|
|
|
|
|
|
|
Re: الاصدقاء/يقات الخفين.. وشعور العشيقة.... (Re: bayan)
|
د. نجاة
لك التحية و الود علنا نهاراًً
دا في البداية
السلوك دا اطلاقا ما غريب علي الشخصية السودانية التوفيقية و البتعاين لي حاجاتها و مواقفهاو تحديداتها من خلال وجهة نظر جمعية .... الآخرين هم الفاعدين يشكلو الفعل داخل وعي بعضهم البعض، انا كتير بقول انو الكتيرين فعلا بتنقصم شخصية محددة كائنات ممكن تتشكل بي اي شكل المهم انو ما يُختلف حولو يعني الفكرة انو مافي شجاعة انو الناس تختلف و تتفق مع وجهات نظرا لانو اساسا ما قاعد يكون في اجتهاد عشان يتخلق اطار محدد قيمي تتشكل حولو الشخصية، لانو اساسا يا د. مجتمعنا ككل زي ما الناس كلها متفقة (بس) ما عندو نحديدات قيمية محددة يحكم من خلالها علي الوقائع و الظواهر حولو... عشان كدا ما قاعدين نستغرب انو (الصباح الواحد يكون بيضبح و بالليل يضبح) او العكس في المأثور عتدنا .. . .. يعني تكون بتتناقش مع واحد اصلا ما تعرف موقفوا شنو تجاه الشنو ما عارف داك لانو بيتفق معاه تماما و بيختلف معاهو من حيث المبدأ....
هذي يدي امدها علنا صديقا
** تشرفت بمرورك في بوست او 2 من بوستاتي فلك الود
محمد الحاج
| |
|
|
|
|
|
|
| |
bayan
Ahmed Al Bashir
munswor almophtah
bint_alahfad
Hussein Mallasi
لؤى
ابو جهينة
lana mahdi
ست البنات
Balla Musa
Raja
WAD ELGAALI#4
بلدى يا حبوب
معتز تروتسكى
saif massad ali
Marouf Sanad
humida
nour tawir
A.Razek Althalib
Mohammed Elhaj
فيس بوك
تويتر
انستقرام
يوتيوب
بنتيريست