انا اليوم غررت ابقى تانى وجودية ... زمان وكتين كنت صغيرة وبالعب بالتراب اها كنت قلت انا عايزة ابقى وجودية اكثر شى عاجبنى فى الوجودية كان بتاعة ..... الجحيم هو الاخرون.. بالله شوف العبارة دى تمام كيف??.. زمان كنت بريد العبارة دى عشان حبوباتى ما عاجباهن عشان قصيت شعرى افرو وبلبس بنطلون.. وبقن طوالى يقهمن فوقى ويشتمنى ويقول لى بت محمود الخديرة و فى مواضع اخرى شينة اخواتها.. وتحت تحت مافى فد زول من ناس البلد بيرضى يعرسنى كما كروه بى 10 نخلات.. ويمكن السبيقة حقت العايلة... اها انا طوالى نفذت فيهن الاخرون هم الجحيم.. وجحمت الدنيا عليهن بعمل كل الخساسات للرد على الاساءات.... ذى تخت ليك موية سكر فى الابريق يتملى نمل..وذى تفتح نور برة مع بطارية فى الشتاء عشان يقولو ال.واطة اصحبت ويشيلن ويقعن ويقومن يصلن الصبح و الرغيبة.. والساعة تكون 10 باليل... وذى تأكل المربة البتشتريها حبوبة وادى الشام وتدسها فى الدكة غير المستخدمة...بعداك هى تفضل ممحنة بالايام هل اكلتها هى ولا زولا تانى وتخاف تعلن عنها والناس تعرف المخبأ السرى...فتقطعو فى بطنها وتسكت..المهم قضيت مراهقتى كلها اطبق النظريات فيهن.. وكل المهمات المستحيلة بتنجح بنسبة 100%...اها من الزمن داك بقيت عاقلة ومحترمة والاخرون بقو حلوين شديد.. لكن اسع تانى نويت ابقى وجودية لانه جد الاخرون ديل بقو جحيم.. يلا عاد شيلو شيلتكم ساكت...
تعدل عليك شقيش تقبلى يا نجلاء بس انا متظرة سؤالك دا الوجودية انى اكون هنا كيتا للمابينى متواجدة 24 ساعة.. من الوجود.. وناس الجحيم ديل الله قال بقولهم.. عذاب جهنم
الوجودية فكرة قائمة على تعظيم الفردية واعتمادها أساسًا لحياة الإنسان، وإلغاء أي شيء يحدّ من حرية الإنسان مهما كان، سواء أكان تجارب السابقين أو نظرياتهم أو حتى الغيبيات، ومبدأهم المشهور عش كأن لا إنسان عاش قبلك، وكأن لا أحد سيعيش بعدك
يا زولة و الله ما تتلومي ساي في الدنيا دي... فهي ظل ضحي و المتحزم بيها عريان... عشان كده... مافي مبرر يا زولة لهذه الدعوة (الوجودية)!! فالعفو خيرا و ابقي... و السعي الي طلوع قمة جبل الانسانية احسن بكتير من فتح ابواب( نيران جهنم) او( لظي)... حتي للذين تعتقدي بانهم لا يريدونك هنا... فانسي يا زولة و قولي كلمتك ... و بدون نيران... و لك الود المقيم... و العفو و العافية.
الحنينه د/ بيان والله ما طالبانى حليفه على قول نور تاور مكنة سجيمان دى كتلتنى بالضحك ههههههههههههههه يمه ده ده وشا ما عندك ليه صره سجيمان بقدر يسجم ويرمد البجى قدامو ..وما بخبر الزعل ولا ده جاز عندك ليه مكنه خبرتك مرهفه وحساسه وبشوشه .وما بتتحملى وجع الغير الله يفرحك ديمه يا بت شيوخ الشمال خليك مع كيد حبوباتك الزمااااااااااان البرىء داك وضمه انسى العالم المامنو منفعه ..وفيدينا بالسمح زيك تسلمى على الاستراحه الظريفه دى جد ليك وحشه والله طولت من ونسة المسنجر ... انا مشغوله كتير انتى بتجى ولا طولتى زى وجاى انا الاوقات البجى فيها ما بلقاك ليك وحشه يعلم الله
من قالك خيال.. لع حبوباتى "الاخرون" ديل اتعلمت فيهم الخساسة فى حاجات كثيرة مش للنشر..
اما الكلام الحلو بتاع الشيوعين عجبنى بالحيل وسر بالى
[
Quote: وانفلات من الواقع اللامرئى الى الحالة البوهيمية الجدلية فى الفهم البيزنطى [/العقيم !!
يا زولة انت خترية عديل كدى مسقفة الهينة دى.. انت بعد لازم تخشى بوستات النخبة وادمان الشكل... اسع مدور فيها بوست القراءة الخاطئة.. بس لازم تتعلمى تعملى خمسة سطور من الكلام الحلو بتاع الشيوعين دا.. اى جملة ما عندها معنى ولا علاقة بماقبلها ولا ما بعدها.. خلاس تطلعى فى كفر
سومة ست الناس وينك.. انا قلت سومة دى من رمضان قرب فتحت لى..
انت ما عارفة التعويدة ساهلة و الفطامة صعبة
وين حاجات رمضان؟
والله مشتاقة ليك موت.. ومشتاقة للبدرى الشين.. الزول دا فكا التسجيلات مالو ؟ زمن زومونات وزمانين لا اثر لا خبر..
بالله اظهرى..
اما بخسوس مكنة سجيمان بس حبة كدا واتعلم القتاتة الروباطبية ويا سيجمان انت فى المعاش.. خاصة انه صاحبى السر السيد جاى البورد نتعلم من كيف تكون روبطابيا رباطيا
شوفى يازولة انا حااجى اتعلم الكلام الكبار كبار عندك هنا فى البوست ده
لكن خصمتك بالنبى يالحبيبة ماتدخلينى فى كلام السياسة والماركسية التقيلة على رأى الصديق المثقف أحمد عبد المكرم (بتعرفيهو )؟
انا زولة مثغفة بس لا لى دعوة بالنخبة المتشاكلة فى صيرورة اللاوعى المشاكس ولاحاجة !!
انا بس زولة مثغفة وجاية اتزود بحبة كلام كبار كبار عشان لمن اشارك فى الندوات الثقافية اكون قدر الوضع الميتافزئقى المنبعج من ثنايا الاخاديد الملتوية فى مساحة الجسد الاخدودى !!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
bayan
زول ساكت
A.Razek Althalib
سجيمان
ايهاب
saif massad ali
nour tawir
هاشم نوريت
برير اسماعيل يوسف
osly2
انستقرام
يوتيوب
بنتيريست