دعواتكم لزميلنا المفكر د.الباقر العفيف بالشفاء العاجل
|
|
 يا زولة 123 وين البوست بتاع وصفات الأكل؟
|
يا جماعة لو سمحتوا عاوزه زوله 123 أو أي زول/ة ينكت لي البوست بتاع وصفات أكل العزابة، محتاجة ليه ضرووووري الليلة. المشكلة ما قادره أتذكر كاتب البوست منو؟ عليكم الله يا جماعة راعوا ظروف رمضان و الجرسة و انكتوه لي سريع جدا قبل مواعيد الفطور ،أها أنا قاعده منتظره وروني همتكم/ن.
الامضاء/ المعذبة المشتهيه ليها عصيدة حارة بملاح روب
|
|
 
|
|
|
|
|
|
|
|
Re: يا زولة 123 وين البوست بتاع وصفات الأكل؟ (Re: Nada Amin)
|
الأعزاء
منتصر و عمك حسبو
شكرا ليكم كتير على "نكتت" البوست لي و الله ما قصرتوا أبداو معزومين معاي فطور الليلة، بس ما تتأخروا في الجيه .
و يا عمك حسبو أنا اتخيل لي الزمن ده الجكس بقوا خيبانات في الأكل أكتر من العزابه، الله يلعن الجندرة و القراية و الشغل الأبينا من زماااان ندخل المطبخ بسببهم، أها و جهولا أم سكاسك ما حتنظر لينا بأكله لرمضان... بالمناسبة كان بوست ظريف خالص.
| |
|
|
|
|
|
|
|
|
|
Re: يا زولة 123 وين البوست بتاع وصفات الأكل؟ (Re: Nada Amin)
|
الوجيهه ندى كيفك ورمضان كريم تعرفى عندنا واحده هنا خالتنا ام اصحابنا عملتلنا عصيده كتييييره وجردل حق نعيميه وجردل تقليه من يوم واحد رمضان ولا دربك دا
ما نفضنا يدنا منها ولا انتهت مع اننا بنفطر منها
كل يوم اها كان دايرا ليك منها دش قولى عووووك نسند
ليك بالفيدكس او اليوبي اس بس ادينى علوانك واذا
دايراها لى فطور الليله دينى ايميلك حسى اعمليها ليك
سند
قولتى لى زهجانه من الجندر اصبرى لى كانما فتنتك مع الجمدريه
| |
|
|
|
|
|
|
|
|
|
Re: يا زولة 123 وين البوست بتاع وصفات الأكل؟ (Re: Nada Amin)
|
تماضر
الله يخليكي يا ستي, مرحب بيكي
الصور بالمناسبة لازم معاها تعليق عشان ما نتلخبط
الاول ديل منو وبعدين التعليق
ندى دي اختنا ولازم ما نفضحها , لو عندك كم وصفة الحقيها بيها حاكم العزابة لقوا ليهم زميل , اقصد زميلة وحلوة كمان
تحياتي
زولة123
| |
|
|
|
|
|
|
|
|
 Re: يا زولة 123 وين البوست بتاع وصفات الأكل؟ (Re: Nada Amin)
|
عاد يا ندى
دي حنكشة عديل كدا
ما ترمي التهمة في الجندرة ولا في الشغل اقصد الوظيفة ولا القراية
والله جينا بيوتنا جاهزيييييييييين
العصيدة نعصدها
الزريعة نزرعها
الكمونية ننضفها
الخبيز نخبزه
ولمن يجي وقت خلف الكراع والتنظير ما بنقصر ترانا نركب نضاراتنا ونقعد
الموضوع ما جندرة
والله ابو العيال يعقد عديل
انا لمن قربت اخلي المطبخ
بستفز مهاراتي عديييييييل كدا
| |
|
|
|
|
|
|
|
|
|
Re: يا زولة 123 وين البوست بتاع وصفات الأكل؟ (Re: Nada Amin)
|
يا جماعة انتو بتنكتوا البوست ده كل مره ليه؟ أنا بصراحة كتبتوا في لحظة يأس و شوق شديد لعصيدة حاااارة بملاح روب،لكن بعد داك خجلت.
ود البلد عارف أمي ربنا يديها العافية كانت حريصة ترسل لي كل مستلزمات رمضان من بدري و تشيل و توصف لي بالتليفون بس زولتك مخها تخين شوية في الحاجات دي.
محمد سبيل عقدتي في الدنيا دي ملاح النعيمية ، و الله صصصصصعب خلاص أنا ما عارفه النسوان ديل بعملوا المعجزة دي كيف.
و يا دومة أنا حاسه بجرسة محمد سبيل لأنو لو الزول فتح ليه موضوع واحد بجن من المتابعة و الرد و الزعيط و المعيط الرابط خلي محمد سبيل البعافر ليه في أربعة مواضيع و براه،أها أنا دايره أبقى نصيرته، رأيك شنو؟
تماضر ما عندك أي مشكلة تشرفي فطور معاي بس خلي السيل فون قرييييييب منك عشان خاطر 911 (ده رقم الطوارئ في أمريكا).
نزار حسين هووووي ما في داعي للاشاعات المغرضة دي ، منو القال لك أنا ما بعرف أطبخ؟
زولة123العسل ( والله 123 بتتعبني تعب، انتي ما تخليها زولة ساكت عشان الباندوث) شكرا ليكي يا ظريفة على الاهتمام و رفعة بوست رمضان الفات كمان . وصفات أكلاتك باين عليها مظبطة حأطبقها كلها في الويك اند ده و ربنا يجيب العواقب سليمة.
الجندرية ما قلناالحندكة ما في ليها داعي ود الجعلي حندكني بالأكل و انتي حندكتيني بسواته، يعني أنا يا جماعة أطير أطير أطير أمشي وين؟ و عاد يا بت أمي كان ما كنتي متزوجة و بعيالك كنت حأقول استعراض المهارات المطبخية ده كله بغرض جذب العرسان مش بقولوا أقرب طريق الى قلب الرجل معدته. قايتو كان قطعتي لي تذكرة لليمن بجي أخد كورسات تدريبية من أم العيال و أبوهم كمان باين عليه زول فنان.
| |
|
|
|
|
|
|
|
|
|
Re: يا زولة 123 وين البوست بتاع وصفات الأكل؟ (Re: Nada Amin)
|
جد الغربة بتعلم الطبيخ......طبعا انا زمان قشة ما برفعها وربنا يدى الوالدة العافية.....
...............................
حكاوى الطبيخ دى كتيرة وظريفة وما بتكمل ....لكن نديكم منها واحدة.
..........................
عمتى طباخة رهيبة...بتحكى ذات مرة عن امرأة حسب تعبيرها سجمانة......جاءتها تسألها عن طبخة محددة.... فقالت وصفت ليها ملاح الاسود .... ومشت ....
بعد كم يوم جاتها تانى....فعمتى سالتها قالت ليها الملاح كيف طلع .....فردت السجمانة....والله الملاح طبختو ...طبختو وفي النهاية ابي يتسبك....فطلع موية......فاتصرفت ...قطعت عيش ورشيتو لزوجى..
......................
قمت انا ضحكت لانى ما تخيلت ...ابدا....اسود يرشو.....يعنى كيف....قول ...يلفو...يحشو....لكن اسود
يرشو....
.........................
وسالت...عمتى عن راي زوجها في الامر....فقالت لي باستصغار .... هى راجلها شيوعى ساكت ...مع الاعتذار لشيوعي البورد
..................................
المهم الدرس اللي اتعلمتوا وداير المتزوجين يعرفوا...اياكم اياكم والمرشوش من الطبائخ ....فهى مشاريع فاشلة....
...................................
وبرضو....تانى.....خليها لي قدام
............shereef
| |
|
|
|
|
|
|
| |
WAD ELGAALI#4
WadalBalad
nazar hussien
محمد عبدالقادر سبيل
doma
zola123
Tumadir
الجندرية
lana mahdi
ترهاقا
فيس بوك
تويتر
انستقرام
يوتيوب
بنتيريست