|
دعواتكم لزميلنا المفكر د.الباقر العفيف بالشفاء العاجل
|
|
 Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
انا سغيد جدا بعودتك ياندي ايما سعاده
هذه واحده
انني ساعود الي فرجينييا يوم خمسه تمهيدا لسفري الي البحرين
يسرني جدا ان اشارككم باغنية الحجروك عليا
وقد صاعها عز الدين هلالي بالاتفاق معي لتعبر عن تضامن المرأة مع الرجل وهذا اقل ما استطيع ان اقدمه للمراة السودانية المناضلة والتي تشرفنا.
| |
 
|
|
|
|
|
|
|
 Re: أول مرة أطلب حاجة يا ناس الغنا، فبالله ما تكسفوني (Re: Raja)
|
أستاذة ندا أمين:
مرحب بيك
و تحية ليك و للمرآة في عيدها
أهديكم نص أغنية عزة في هواك و هو شكل كورالي رائع و سأبذل قصاري جهدي لإيجاد نص نشيدالمرأة و ذلك دون مقابل مادي المفروض الناس ـتتبرع ليكم مش تاخد منكم وأعملي مناشدةبرضو في sudan.net discussion board
عزة في هواك
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
***
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عزة في حذا الخرطوم قبال
وعزة من جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
Quote: اها سيمباتيكو قال ليك ادوني التذكره اجي احضر بيها معاكم
ويا ايهاب انت عاوز التذكره تمشي بيها فلوريدا??? |
راويه ماعندك مشكله ...انا متنازل عن التذكره اكان بتجيبك واشنطون...
وقشة ما تعتر ليك لحدي ما تصلي....
وفلوريدا دي الا في الصيف ..
Quote: أيوه أطلب و ما أطلبش ليه
أتمنى اسمع الأغاني التالية
و حياة إبتسامتك يا حبيبي لمحمد الأمين
و بالي مشغول لزيدان إبراهيم
و التالته أهديها لي بمزاجك و أنا واثقة إنها حتعجبني |
وياندي امين...
قالو حبيبك اكان بقي ليك عسل ما.......
وبعدين في بوست اسمه ماتطلبه المستمعات...
ممكن تمشي تقيفي في الصف...
اها قلنا نرفع ليك البوست فوووق .....
عشان تلقطي الحاجات الحلوه للاحتفال بيوم المرأة
كل التحايا,,,,
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
ندى
أهلا بعودتك ،، ولو غبتي بزعل منّك ،،
كل عام والمرأة السودانية بخير ،،
معتصم
لما لقيت اسمك في آخر المداخلات قلت أكيد معتصم جاب البحر من قرونو ،، بسرعة جيب الأغنية ، إن شاء الله تمشي تلفزيون السودان ذاتو ..
الشكر للأخ سمبتيكو ، ويعجبني كثيرا أداء الفتيات الآسيويات لهذه الأغنية ،،،
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
العزيز إيهاب
سلامااات كتارات
Quote: وياندي امين...
قالو حبيبك اكان بقي ليك عسل ما.......
وبعدين في بوست اسمه ماتطلبه المستمعات...
ممكن تمشي تقيفي في الصف... |
يا عالم ما تبطلوا حقد طبقي  
طبعاً حقد طبقي دي يا إيهاب كان دايما بقولها واحد زميلنا في الجامعة
أييي زول يقول ليه حاجة يرد و يقول بطلوا حقد طبقي ها ها ها
و بعدين أنا أقيف في الصف ليه ما دام سمباتيكو عمل صف مخصوص لي أنا
و الدنيا منى و أحلام يا سلام
إحتفالنا حيكون يوم 12/3 في نفس مكان حفلة الجالية الأخيرة في مدرسة ويليام رمزي
و حننزل بوست قريب على المنبر بمزيد من التفاصيل
و نشوفك هناك إن شاء الله
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
| Quote: اها سيمباتيكو قال ليك ادوني التذكره اجي احضر بيها معاكم |
بس كده، غالي و الطلب رخيص و التذكرة من ولاية لولاية ما بتغلي عليكي
| Quote: ويا ايهاب انت عاوز التذكره تمشي بيها فلوريدا |
أقبض... باين الموضوع فيه إنه من الوش المركب ده
و يا إيهاب حكاية فلوريدا دي شنو
| Quote: انتو صراحه احتفالاتكم سمحه بتذكر بتاع السنه الفاتت |
و أيه رأيك السنه دي حيكون أرهب من السنه الفاتت و يا ريت تقدري تجي يا راوية، عن جد.
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
الأعزاء و العزيزات
دينق،
هاشم نوريت،
إنتصار محمد صالح بشير،
كوستاوي،
سلوى صيام،
بنية،
ندى علي،
إيمان أحمد،
تارا
معتصم،
و ودقاسم
شكرا لكم/ن، على الحضور الباهي و الكلمات الوضاءة التي تزيد نكهة هذا اليوم مذاقاً و ألقاً
و كل عام و نساء العالم في عزة و تقدم
و لا ننسى نساء دارفور اللائي يعانين في صمت و قلة حيلة.
تخريمة: معتصم باين عليك نفذت إقتراح ود قاسم بالذهاب الى تلفزيون السودان لإحضار الأغنية من هناك، أنا لسه ما قنعت و أتمنى ألقى الأغنية بصوت كابلي لو ممكن مش هو بغنيها و لا أنا غلطانة؟
| |
|
|
|
|
|
|
|
|
|
Re: أول مرة أطلب حاجة يا ناس الغنا، فبالله ما تكسفوني (Re: Nada Amin)
|
Nada Amin
اننى وفي كل مرة اتصفح فيها احدى مواضيعك المطروحة للمنتدى تاخذنى الحمية للمشاركةوخاصة موضوع الرقص... والذى لدى عنة حديث طويل وقد صبرت ظانا بان احد المشاركين ممن لة علاقة بمعهد الموسيقى وعاصر ذهبيتة سوف يدلوا بما لة من معلومات في هذا المجال ويريحنى ولكن لا حياة... وجعلونى اكابد ذلك حتى الا ن والسبب في اننى لم اكتب بنفسى تلك المشقة التى اكابدها للكتابة بالعربى والثانى ظروف العمل..
ظروف العمل هنا تجعل من لحظات التصفح هذة لحظات من باب العلم بالشئ لربما ياتى تعليقى بعد انقضاء زمن الاحتفال ولربما قد قضى الامر الذى انتم فية تكتبون ولكن بدخولى الان وجدت نفسي منساقا لكى اكتب لما لهذا الاداء اليابانى من ذكرى حبيبة للنفس بالرغم من الحزن الذى يكسوها فلربما بالكتابة عنها تخف تلك الحدة ولربما نكون قد اعطينا نساء بلادى جزء يسير مما لهن في اعناقنا ولواحدة منهن هى الاستاذة المذيعة القديرة ليلى المغربى لها المغفرة والرحمة دخلت عليا بمكتبي باذاعة نيالا من غير موعد وبعد السلام والترحاب عرفت انها اتت مع وفد من نساء اليابان وهم في طريقهم لزيارة جبل مرة كجزء من برنامج الزيارة لهذا الوفد الرسمى وان لهاطلبين تتمنى ان يجدوا القبول اولا المشاركة في الرحلة الى جبل مرة والثانى الحصول على شريط نشيد "صوت المرأة" والمساعدة في تحفيظ الزائرات اليابانيات هذا العمل وتوفير اوركسترا من عازفى مدينة نيالا لاعداد العمل وتقديمة على مسرح المدينة في اليوم التالى بعد زيارتهم للجبل طلبت من الاخ حسن عمر فنى المكتبة بالبحث عن هذا العمل وتحويلة من نظام شرائط الاذاعة الريل الي الكاسيت وعند صبيحة اليوم التالي كان البص السفنجة القديم يتارج بركابة على اسفلت الطريق نيالا كاس زالنجى الما خمج صناعة اهلنا من سكسونيا السفلى وهو هدية شعب لزوج بنتهم واهله.. اى انة انجاز نسائى بحت .. اى انة جاء من صنيعة امراة ايضا وكان ميلاد هذا العمل بصوت المراة اليابانية.. والذين انفعلوا مع اللحن وبرعوا في ادائة.. تعطل البص بمنطقة قلول ولم يكن هناك اى حل سوى تدبير امر المبيت للضيوف في ذلك المكان النائى ودرجة الحرارة اقل من خمسة عشر درجة فهرنهايت ليلا ....انها حكايا وحكايات... ساقنى لكل ذلك..سؤالك عن هذا العمل وذكرى الزميلة الفنانة ليلى المغربى والتى فجعت بسماع خبر رحيلها بعد حدوثة بعدة اشهر ونحن نضرب فى المنافي نبحث عن وطن بعدان فرطنا في حقنا ولم نستطع الحفاظ ... ابكيك ياوطنى واقول اسمعينى صوتك يا امراة.. ياسودانية.. فانت العشم.. اي صوت زار بلامس خيالي....وأشاع النور في ظلم الليالي....
| |
|
|
|
|
|
|
| |
Elmosley
Raja
Kamel mohamad
alfazia3
Ehab Eltayeb
Rawia
Deng
هاشم نوريت
انتصار محمد صالخ بشير
Kostawi
معتصم دفع الله
ودقاسم
benyya
nada ali
إيمان أحمد
غادة عبدالعزيز خالد
sumah
Saifeldin Gibreel
فيس بوك
تويتر
انستقرام
يوتيوب
بنتيريست