يا جماعة لو سمحتوا عاوزه زوله 123 أو أي زول/ة ينكت لي البوست بتاع وصفات أكل العزابة، محتاجة ليه ضرووووري الليلة. المشكلة ما قادره أتذكر كاتب البوست منو؟ عليكم الله يا جماعة راعوا ظروف رمضان و الجرسة و انكتوه لي سريع جدا قبل مواعيد الفطور ،أها أنا قاعده منتظره وروني همتكم/ن.
شكرا ليكم كتير على "نكتت" البوست لي و الله ما قصرتوا أبداو معزومين معاي فطور الليلة، بس ما تتأخروا في الجيه .
و يا عمك حسبو أنا اتخيل لي الزمن ده الجكس بقوا خيبانات في الأكل أكتر من العزابه، الله يلعن الجندرة و القراية و الشغل الأبينا من زماااان ندخل المطبخ بسببهم، أها و جهولا أم سكاسك ما حتنظر لينا بأكله لرمضان... بالمناسبة كان بوست ظريف خالص.
<=====للزوار: للتعليق على هذا الخبر او المقال اضغط
رد
الوجيهه ندى كيفك ورمضان كريم تعرفى عندنا واحده هنا خالتنا ام اصحابنا عملتلنا عصيده كتييييره وجردل حق نعيميه وجردل تقليه من يوم واحد رمضان ولا دربك دا ما نفضنا يدنا منها ولا انتهت مع اننا بنفطر منها كل يوم اها كان دايرا ليك منها دش قولى عووووك نسند ليك بالفيدكس او اليوبي اس بس ادينى علوانك واذا دايراها لى فطور الليله دينى ايميلك حسى اعمليها ليك سند قولتى لى زهجانه من الجندر اصبرى لى كانما فتنتك مع الجمدريه
<=====للزوار: للتعليق على هذا الخبر او المقال اضغط
رد
لو ما نفع اللينك اعملي كوبي والصقي العنوان ده طبعا طريقة بدائية لم اجد لها بديل بس تستحق المحاولة
فيه كمية كبيرة من الوصفات وشارك فيه ناس كثير حتستغربي لمن تلقيهم كاتبين وصفات
يتعذر رفع البوست لانه الان في الارشيف الثالث شوفي الوصلة لو ما فتحت معاكي كلميني يوما سعيدا في المطبخ
تحياتي زولة123
(عدل بواسطة zola123 on 11-14-2003, 05:40 PM) (عدل بواسطة zola123 on 11-14-2003, 05:46 PM) (عدل بواسطة zola123 on 11-14-2003, 05:47 PM) (عدل بواسطة zola123 on 11-14-2003, 05:52 PM) (عدل بواسطة zola123 on 11-14-2003, 05:56 PM)
<=====للزوار: للتعليق على هذا الخبر او المقال اضغط
رد
يا جماعة انتو بتنكتوا البوست ده كل مره ليه؟ أنا بصراحة كتبتوا في لحظة يأس و شوق شديد لعصيدة حاااارة بملاح روب،لكن بعد داك خجلت.
ود البلد عارف أمي ربنا يديها العافية كانت حريصة ترسل لي كل مستلزمات رمضان من بدري و تشيل و توصف لي بالتليفون بس زولتك مخها تخين شوية في الحاجات دي.
محمد سبيل عقدتي في الدنيا دي ملاح النعيمية ، و الله صصصصصعب خلاص أنا ما عارفه النسوان ديل بعملوا المعجزة دي كيف.
و يا دومة أنا حاسه بجرسة محمد سبيل لأنو لو الزول فتح ليه موضوع واحد بجن من المتابعة و الرد و الزعيط و المعيط الرابط خلي محمد سبيل البعافر ليه في أربعة مواضيع و براه،أها أنا دايره أبقى نصيرته، رأيك شنو؟
تماضر ما عندك أي مشكلة تشرفي فطور معاي بس خلي السيل فون قرييييييب منك عشان خاطر 911 (ده رقم الطوارئ في أمريكا).
نزار حسين هووووي ما في داعي للاشاعات المغرضة دي ، منو القال لك أنا ما بعرف أطبخ؟
زولة123العسل ( والله 123 بتتعبني تعب، انتي ما تخليها زولة ساكت عشان الباندوث) شكرا ليكي يا ظريفة على الاهتمام و رفعة بوست رمضان الفات كمان . وصفات أكلاتك باين عليها مظبطة حأطبقها كلها في الويك اند ده و ربنا يجيب العواقب سليمة.
الجندرية ما قلناالحندكة ما في ليها داعي ود الجعلي حندكني بالأكل و انتي حندكتيني بسواته، يعني أنا يا جماعة أطير أطير أطير أمشي وين؟ و عاد يا بت أمي كان ما كنتي متزوجة و بعيالك كنت حأقول استعراض المهارات المطبخية ده كله بغرض جذب العرسان مش بقولوا أقرب طريق الى قلب الرجل معدته. قايتو كان قطعتي لي تذكرة لليمن بجي أخد كورسات تدريبية من أم العيال و أبوهم كمان باين عليه زول فنان.
<=====للزوار: للتعليق على هذا الخبر او المقال اضغط
رد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
WAD ELGAALI#4
WadalBalad
nazar hussien
doma
zola123
Tumadir
الجندرية
lana mahdi
انستقرام
يوتيوب
بنتيريست