حلم غريب بحاجة لتفسير : هل الرئيس حسني مبارك عندو بنات ؟ وأنور التكينة الجابو هنا شنو ؟؟!!!!

Quote: ناذر صباحكـ خير وجمعتكـ مباركة عن نفسي ما بعرف أفسّر لكن كدا شوف الزولة دي تابعتها فترة ولقيت تفسيرها كويس

Quote: نازر. بنات حسني مبارك معناه أنت بتتزكر أيامك الجميلة بقاهرة المعز. أما أنور التكينة فهو كابوس، وأحتمال كبير تنضرب في صفقة تجارية.

Quote: نازر سلام وأما الطلمبة فهي مؤشر لحالة (جفاف الطرمبات) ياعمك

Quote: الدقيقه تمت وزادت كثير يا ناذر جمعه مباركه

Quote: البحر واللون الأخضر {زي الكاكي اللابسو أنور دي مثلاً} عند إبن سيرين تفسيرو كويس وبدل على الخير والإنفراج واللون الأبيض برضو كويس وإن شاءالله ح يكون خير

Quote: والاثنين القاعدين وما اتحركو ديل ياهم ناس الحركة الشعبية وبنات حسني مبارك الاثنين ديل واااحدة منهم (حصة مصر في مياه النيل) والثانية دي الانقاذ... انت زااتك في الحلم م كنت ناذر فقط بل كنت (الشعب السوداني الفضل) انور التكينة (يمثل اعلام حكومي) والتلفزيون القومي) انهجامك كشعب عندما اندهشت لمن الناس ديل قالوا ليك لييييييه ما دافعت هي دلالة حلمية في محاولة توريط وانت (النائم) في شكل شعب فضل ان تدافع عن بنات حسني الواحدة منهم هي الانقاذ لوووووووووول

Quote: داير تعمل لينا مشاكل مع المصريين يا ناذر تاني

Quote: طرمبة + لبس كاكي + بحر ببلع + كاميرا وصحافة + اختطاف بنت + حسني مبارك + عمر سليمان + تعزيزات + اتنين ممحنين = جاطت جاطت شديد الله يستر ....

Quote: تعرف يا ناذر الحلم دا شكلو كدا لسه ما انتهي انت شفقان مالك ... ياخي كدي اديها نومة تانية ... و وافينا بالاخبار

Quote: ولو لاحظت ايضا بان عمر سليمان وانور التكنية عملو منك حميييييييل وما جو للدعم والمساندة...!!! لمن كنت بتكورك وعامل جووووطة والحقوني وهكذا جرس...

Quote: دا كان يوم عبوساً قمطريرة

Quote: أعتقد ديل كانو ناس النظام العام لابدين و منتظرين اللحظة الحاسمة و الحمد لله شكلك صحيت فبل (الحلم) ما ينتهى , هسع كان اتجلدت

Quote: متعه والله يا ناذر

Quote: بت حسني مبارك الاولي ( الما خطفوها ) دي حلايب لانها موجودة في يده اما التانية الخطفوها وبفتشو فيها دي فهي حلفا ( توجد اطماع حقيقية فيها) وخصوصا بعد الانفصال لانو التور بعد ما يقع بتكتر سكاكينو اما الطرمبة فهي سد مروي لانه كل المناطق الواقعة شمال السد دي المصريين عينهم عليها في تامين امنهم الغذائي

Quote: حسنى مبارك.. (حسنى و مبارك).. هو الشعب الســودانى البت الخطفوها هى الجنوب البت الكنت بناتل فيها هى دارفـور الزولين القاعدين مرسومين فى الطرمبة هم المعارضة.. والطرمبة زاتها هى المكاسب المادية عمر سليمان هو الرئيس عمر البشـر. أنور التكينة وانت مثقفى الشعب السودانى، مهمتهم الحفاظ على الوطن ويتكلوها على بعضهم.. البحر الطوفان الذى يهدد الوطن. قضى الأمر.

Quote: غيتو الاتنين الفى الطرمبه ديل الوطنى والحركه والطرمبه بترول السودان البت الخطفوها دا الجنوب التانيه فى النيل دى المصريين دايرين يضموا الباقى ليهم وانت بتمثل الشعب وبتناتل فيهم براك

Quote: في حاجة أزعجتني انو الحلم علي مرحلتين...قد يكون الموضوع فيه قطعة في النص وده ممكن يودرك... لكن يبدو إنك يا ناذر رجل صالح... إنه الايمان يا اخي ناذر فمن تمسك بشعاب الايمان يري في حلمه الجنة

Quote: غايتو ياناذر لو بتاكل كوارع بطلا والله انا كم مرة اكلت كوارع ونمت حصلت احلام اغرب من حلمك دا واكلتها في حناني

Quote: لازم تاخد غمضه تانى عشان انور يرجع لينا سالم وما يتخطف هو كمان

ويا صديق كمان ما تقول لي .. ديلك عندهم قدو قدوهات بالنسبة ليهم قدو قدودينا هنا يقولوا ليهو إنت شنو

Quote: ** الجاك راكب عجله بتاع (العوائد) عليك مُتأخرات فى البيت وفى الدكان ,, والكاميرا الشوفتها فى الحِلم دا دفتر العوائد ,, والزوول دا فعلاً بشبه أنو التكينه وإسمو عمك طلب.. ** ياخوى أدفع العليك من متأخرات ,, عشان تتخارج من ناس عمر سليمان ديل قبل مايجيك أمر القبض من النيابه..

Quote: غايتو با ناذر انا ما حأتدخل لما اكمل مذاكرة فى كتاب ابن سيرين ..

Quote: الخوف كان الجزء التالت تقول حلمته بى التكينه وهو فى الاوضه بيحمض فى الفلم..ههههههههههه

Quote: بما إنو أنور في المنبر ده طوالي بي كاميرتو فهو إذن بتاع توثيق ، ويعتبر ‎- بالنسبة للمنبر ‎- بمثابة عمر الجزلي وهو يوثق لبرنامج أسماء في حياتنا ، وحيث إنو عمر الجزلي لما يستضيف زول في برنامجو عارف براك بيحصل ليهو شنو ، ودي بيعني إنو أنور ظهر في الحلم بتاعك عشان يوثق لي حسني مبارك ، وحيث أنو أنور وعمر الجزلي مهتمين بالتوثيق ، ولأنك جمعت بين أنور وحسني مبارك في حلم واحد فده بيعني أنو عمر الجزلي إستضاف حسني مبارك ممثلاً في أنور ، ولما عمر الجزلي يستضيف حسني مبارك فيعني حسني مبارك تعيش إنت!!

Quote: واللي هي بتمثلها إنت، إنت هيئة السدود أو رئيسها أسامة عبد الله، نايم وما جايب خبر،

Quote: حفاظا على الوطن وهو بيمر فى مرحله حرجه يجب تعطيل الغمطه البتجيب الحلمه تكاتفوا جميعا وارسلو ليهو شفع الحله يصرخو جنب سريرو او يلعبو شليل وين راح جنب البيت المهم اى موضوع المهم يجلى الغمضه الليله من اجل سودان خالى من الاحلام