دعواتكم لزميلنا المفكر د.الباقر العفيف بالشفاء العاجل
|
|
 هل يوجد بورداب في مدينة كسلا حالياً ؟؟!!
|
سلام بورداب كسلا ..
تولوس
ود كسلا
يسري معتصم ...
وكثيرين غيرهم ....
إنشاء الله سأتوجه بعد قليل إلى مدينة كسلا في مهمة عمل لمدة خمسة أيام ..
طبعا عارفكم ما قاعدين هناك ..
طيب الهناك منو ؟؟!!!
|
|
 
|
|
|
|
|
|
|
 Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
خر زيارة لي لمدينة كسلا كانت قبل خمسة عشر عاماً تقريباً في العام 1995 ..وذلك عندما أتيتها قادماً من بورتسودان حيث شاركت في الدورة المدرسية التي أقيمت هناك .. وحينها تعرفت على أحد أبناء كسلا والذي أصر علي إصرارً شديداً أن أحضر إليه في كسلا عند طريق عودتي للخرطوم وقد كان ..!!
حيث قضيت معه أجمل ثلاثة أيام في حياتي طفنا خلالها توتيل والضريح وعدداً من معالم المدينة الرائعة ..
وهذه الصورة منذ ذلك الزمان :
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: Abdelmuhsin Said)
|
سلام عبد المحسن ...
طبعا الصورة شكلها غريب شوية .. الزمن داك ما كان في كاميرا ديجتال ولا من يحزنزن ..
كان عندي الكاميرا أم 36 لقطة ديك النوع التصور وتقوم بالمنفلة تسحب للقطة البعديها ..!!
عشان كدة إحتمال يكون تشابه عليك البقر مع أخوي داك ..
صنفرة :
أجيب ليك معاي كيلو موز من هناك ولا ما بحتاج ..؟!
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
ناذر ....سلامات ...
نتمنى تقضي وقت ممتع في ارض التاكا وياريت لو كنا هناك كان قمنا بالواجب ...وياريت تاخد معاك كاميرا متطورة وماتنسي تزور السواقي والجبلين (التاكا ، مكرام ) ...
تمشي وتجي بالسلامة ...
وليد شنغراي ماعارف الآن في كسلا ولسه في الخرطوم واما البقية نتمنى يكونوا هناك ...
رسل تلفونك في الخاص ...
تخريمه : لكن صور 95 تحفة ..الناس كانت سحالي ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: Nasruddin Al Basheer)
|
ود القاضي ...
| Quote: نتمنى تقضي وقت ممتع في ارض التاكا وياريت لو كنا هناك كان قمنا بالواجب ...وياريت تاخد معاك كاميرا متطورة وماتنسي تزور السواقي والجبلين (التاكا ، مكرام ) ... |
مشكور يا حبيب .. وإنشاء الله نزور كل المناطق دي ونصورا كمان ..
Quote: رسل تلفونك في الخاص ...
|
التلفون في البروفايل ..
| Quote: تخريمه : لكن صور 95 تحفة ..الناس كانت سحالي |
سحالي ساي ...!!
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
وصلت بالسلامة والحمد لله ..
كسلا مدينة مضيافة وترحب بالغرباء والزائرين ..
الأمين صديق ..!!
لفيت كسلا بيت بيت وساقية ساقية بسأل عن بيتكم وما لقيتو ..!!
إنتو رجعتو القُرير تاني ولا شنو ؟!!
محمد إي سليمان الحبشي ..!!
لقيت في كسلا حوالي 40 لهجة وتلتين لغة ولا أثر للكونامية ..!!
إنت بتدقس فينا ولا شنو ؟؟!!!
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
Quote: الأمين صديق ..!!
لفيت كسلا بيت بيت وساقية ساقية بسأل عن بيتكم وما لقيتو ..!! |
ابو النيذ يا زول انت متاكد انك في كسلا
وللا وقفوك جمب جبل وقالوا ليك دي كسلا
خليك في الحتة الانت الواقف فيها دي واوعا تتحرك
واتصل علي واديني اي زول واقف جمبك
لو عرفني انا منو يبقى انت في كسلا
ولو ما عرفني يا اخوي انت تكون عبرت الحدود
ارجع تاني وكلمني
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
ود شاموق ..
| Quote: ودي راسما براك ولا دي مكنة رونيو ؟ |
الزمن داك كان في نكنات زي دي ..!!
والله إنت مصر تكتلني بالضحك .. المرة الفاتت يوم ختيت صورتك لي منو ما متذكر وأضفت عليها قنبور ههههههههه..
كدي عليك الله جيب الصورة دي هنا عشان عا########ي والله ...
تسلم ..
وهاك دي هدية :
شيل ليك خمشة من السلات دا ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
يسري ..
Quote: الحبيب ناذر
السلام عليكم ورحمة الله وبركاته
ياريت لو كنت فى كسلا ......
كتر لينا من الصور
تلفون تولوس معاك فى الخاص
سلامى |
شباب كسلا ما قصروا والله ..
لفيت كسلا كلها من أولا لي أخرها ..
دخلت كل السواقي الفيها ..
ومشيت كل الأحياء ..
بانت
المدينة عرب
النسور
الختمية
الميرغنية
المربعات
غرب القاش وسوقا العامر ..
السوق الكبير ..
منتزه البستان
والكتير الكتير ....
والجو كان مبالغة يوم جينا داك ..
أما جلستنا مع الفنان عادل النوش في ساقية فرج فدي دايرة بوست براهو ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
دينق ..
Quote: نازر.
إذا كنت تتحدث عن حاليا حاليا.
صاحبك الحبشي اليومين ديل في إجازة في كسلا. |
طبعا بتحدث عن حاليا ..
لكن الحبشي زوول غميييييييييص .. أنا لافي في كسلا وبتلفت كايس ليهو وما شايفو .. لكن عندي إحساس إنو شايفني ولابد ..!!
الحبشي يا دينق أنا بلم فيهو لكن كان نفسي ألم في كوناميتو هناك ..!! قدر ما سألت وفتشت ما لقيت زول بيتكلم اللهجة دي أو بيعرفا ..!!
أنا شاكي إنو الكونامية لغة منقرضة والحبشي أخر من يتحدث بها ..
للضمان كدة يا دينق ومن أجل الحضارة والإنسانية وتبادل المعرفة أقترح إنك تقترح على الحبشي يعلمك اللغة دي حفظا ليها من الإندثار لأني شايف ما شاء الله علاقتك بيهو كويسة وعارف كل حركاتو وسكناتو وأماكن إجازاتو ..
يا الحبشي لو دايرني بتلقاني جمب الضريح بي هنا :
بما إنو (قيل) إسمك محمد (الحسن) سليمان !!..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
الأمين ...
Quote: ياخي ما تفضحنا
اسمها حي العرب
المدينة عرب في الجزيررررررررررررا |
كلو عند العرب صابون ...
الملاحظة المهمة ..
حي العرب ما شفت فيهو عرب ؟!!
ونسيت حي العمال ..
بالمناسبة عندي صور معبرة عن كيفية تنظيف الخيران وتهيئتها لفصل الخريف ..
بيستعملوا آلية مبتكرة خلاص ..
إلتقطتها من عمال التنظيف في حي بانت قدام بيت النوش ..
النجيبا ليك هنا ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
| Quote: إليكم فنان كسلا الخطير جدا عادل النوش : |
يا سسلام يا ابو النيز
وياخي الواحد يحسدك عديل كده علي كسلا تلك المدينة الرائعة وناسها الاورع
وبلاد الاصحاب الرائعيين الفنانيين ناس ياسر وطارق السنوسي ومزاحم....
وويا سسسسسسسلام علي عادل النوش ده ياخي
زول فنان بدون كلام والعود والايقاع وطريقة ادائه وصوته حكاية تجنن
وهذه الاغنية ستكون هي استماعي لزمن طويل حتي يوفر الله الينا فرصة استماع لهذا الفنان في حفلة قاجة وشرط تكون في كسلا
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
Quote: الامين صديق :
إليكم فنان كسلا الخطير جدا عادل النوش : |
الخطير انت يا ابو النيذ الجبت لي شارع بيتنا و ولد جيرانا
عارف عادل دا عندو اخوه الكبير اسمه مساعد
مساعد دا خطير جد جد
لكن ترك الغناء واستلم منو عادل
مع انو عادل اصلا كان لاعب كورة
لاعب فنان يحاروك في متر مربع
شكرا كتير يا ابو النيذ ياخي
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: hamid brgo)
|
كيكي :
Quote: وويا سسسسسسسلام علي عادل النوش ده ياخي
زول فنان بدون كلام والعود والايقاع وطريقة ادائه وصوته حكاية تجنن
وهذه الاغنية ستكون هي استماعي لزمن طويل حتي يوفر الله الينا فرصة استماع لهذا الفنان في حفلة قاجة وشرط تكون في كسلا |
يا خي عادل النوش دا مبالغة بالجد :
الزول دا حافظ أغنيات حقيبة من النوع الناس نست تغنيها زاتو :
بالحساب الزول دا غني في الرحلة دي 21 غنية والله في أغاني أول مرة أسمع بيها عندو .. من ضمن الواحد وعشرين ديل أنا ما عرفت إلا سبعة ولا تمنية منهم ..
خليني أفضى شوية يا كيكي لأني حا أنزلم كلهم في المنبر دا عشان تستمتع بالجد ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: hamid brgo)
|
الامين :
Quote: عارف عادل دا عندو اخوه الكبير اسمه مساعد
مساعد دا خطير جد جد
لكن ترك الغناء واستلم منو عادل
|
والله الشباب قالوا إنو كلهم فنانين ...
يوم بالليل قعدنا في الكتيبة (جمب نادي الهلال) قعدة مبالغ فيها ...
الكهرباء قطعت والمطرة رقرقت وعادل النوش بدا يغني ..!!
كدا وزاد وجدي ياخ !!
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: ناذر محمد الخليفة)
|
| Quote: يوم بالليل قعدنا في الكتيبة (جمب نادي الهلال) قعدة مبالغ فيها ... |
والله يا ابو النيذ انت وصلت اللحم الحي
ياخي عارف الكتيبة دي كانت عامرة عامرة جدا
كل شي كان فيها
ملعب جمباز صالة بنج بونج ميدان كرة طائرة وسلة وتلفزيون وضمنة وكوتشينة وونسة ساكت
الرايح ليك تلقى فيها
ونادي الهلال كان داخل الحي
نادي كان كبير والله موقف كسلا والشرق على رجل واحدة
الغريبة انا وعادل دا كنا بنلعب سوا في الهلال وفي يوم واحد بالليل كدا قررنا ما نلعب شغل شفع بس
وقتها اعمارنا ماتصل التمنطاشر
مشينا للادارة وعملنا شمطة وقلنا بس تشطبونا في الليل دا والجماعة قعدوا يحنسوا فينا واصللا ابينا نتراجع
ومنها عادل دا تابع في الغناء وانا واصلت في الدراسة وبعدها المعايش
| Quote: والله الشباب قالوا إنو كلهم فنانين ... |
الغناء البغني فيهو عادل دا جزء من غناء مساعد
مساعد كان عندو ترتر ( محراث ) عادي ينزل ليك من الترتر ويرص ليك الغناء من زمن كرومه وسرور وعتيق وبصوت جميل
والله ايام يا ناذر وانت جيت نكتها لينا
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
سلام الحبشي ..
Quote: مبالغة يا ناذر
لو دققت جيدا في القبور لوجدت شاهدا عليه هذا الاسم ولالتقطت له صورة.
أعني مقابر الحسن والحسين |
غايتو دينق دا أنا كنت قايلو صحبك وعارف خارطة تحركاتك ..
بس حكاية التدقيق في شواهد قبور المقابر دي ما إنهضمت لي ..!!
أنا زرت ضريح سيدي الحسن من قبيل دراسة المعالم التاريخية والسياحية في المدينة..
Quote: أيام دراستي بجامعة الخرطوم زارني صديقان عزيزان* من مدني في الإجازة الصيفية
وعندما وصلا الحلة-الحلة مكونة من سبعة بيوت- وجدا خيمة عزاء والبكاء حار وجديد .
فسأل صديقاي بعض الصبية عن الميت ، فقالوا لهم "محمد الحسن ".
وقع الخبر صادما على صديقي فرجعا من مكانهما فور دون أن يقدما حتى العزاء في وفاة صديقهما.
وعندما انتهت الإجازة وعدت إلى الجامعة رأياني حيا فكانت الصدمة الثانية لهما .
|
ديل بيبالغوا ..!!
المهم ..
عملت لينا شنو في الكونامية ..!!؟!
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
الأمين ...
Quote: والله يا ابو النيذ انت وصلت اللحم الحي
ياخي عارف الكتيبة دي كانت عامرة عامرة جدا
كل شي كان فيها
ملعب جمباز صالة بنج بونج ميدان كرة طائرة وسلة وتلفزيون وضمنة وكوتشينة وونسة ساكت
الرايح ليك تلقى فيها
ونادي الهلال كان داخل الحي
نادي كان كبير والله موقف كسلا والشرق على رجل واحدة
الغريبة انا وعادل دا كنا بنلعب سوا في الهلال وفي يوم واحد بالليل كدا قررنا ما نلعب شغل شفع بس
وقتها اعمارنا ماتصل التمنطاشر
مشينا للادارة وعملنا شمطة وقلنا بس تشطبونا في الليل دا والجماعة قعدوا يحنسوا فينا واصللا ابينا نتراجع
ومنها عادل دا تابع في الغناء وانا واصلت في الدراسة وبعدها المعايش
|
يا خي الكتيبة دي حتة مبالغة ..!!
قعدنا مع شباب من هناك وحكوا لينا معاناتم في التثبث بيها عشان ما تتعرض للنزع ..
نصحتهم بي عمل أي نشاط ولو شهري عشان يعملوا حركة .. وكمان يدخلوا أعمامم الكبار في لجنة النادي ..
المشكلة الشباب محبط .. والاغلبية عاطلة عن العمل ..
Quote: الغناء البغني فيهو عادل دا جزء من غناء مساعد
مساعد كان عندو ترتر ( محراث ) عادي ينزل ليك من الترتر ويرص ليك الغناء من زمن كرومه وسرور وعتيق وبصوت جميل
|
والله مساعد دا برضو حكوا لي عنو ..
غايتو عندي تسجيل لي عادل النوش بنزلو ليك لمن أفضى شوية ..
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: الأمين عثمان صديق محمد)
|
Quote: بالله يا صديق تذكر جبارة
جبارة دا كان يغتي بالانجليزي كمان
يترجم كلمات الاغاني الى الانجليزية ويغنيها بنفس الحن |
حبيبنا الأمين ود عثمان
تحية طيبة ومشتاقين ولينا زمن نفتش ليكـ ...
يا سلام علي العم جبارة باب الله الذي عرفت أنه قد غادر كسلا الى موطنه الأصلي بعطبرة الداخلة بعد ماجلس بكسلا سنيناً طويلة من عمره ولكن بعد تقاعده من عمله بالسكة حديد فضل الإلتحاق بمنزله هناكـ ...
الفنان جبارة كان فناناً مثقفاً ومطلعاً وله مكتبة غنائية وأدبية تحفل وتضم أمهات الكتب والدواوين الشعرية من فطاحلة الشعر السوداني والعربي واكن متابعاً للسينما والفن العالمي لذلكـ لاغرو ان يترجم ويحفظ كل هذه الأغنيات التي يترنم بها ويضفي بها على جو الأفراح فراسخ عديدة ،،، قال ذات مرة بأن أغنية (كسلا أرض الحبائب) للشاعر الكسلاوي أحمد حاج على من ( آل الباترة في الميرغنية ) هي أغنيته ولكن الفنان المرحوم عبدالعظيم حركة سبقه بتسجيلها للإذاعة والتغني بها ويدلل على ذلك بأداء أبيات من صلب القصيدة لم يغنها عبدالعظيم حركة فيها أحياء أخرى وابيات أخرى .... وكم مرة قد أمسكـ بالعود وتغني بهذه الأبيات وقال بأنه كأن من المفترض أن يسبق زملائه في الغناء التاج مكي ، وعبدالعظيم حركة والشاعران أحمد حاج علي وأسجق الحلنقي الى الأذاعة لكن لونه السياسي (الاحمر أنذاكـ) - بحكم عمله كمساري فرملة في السكة حديد - قد منعه من ذلكـ وظلت الأجهزة الإعلامية تظلمه وتتجاهله بسبب هذا الأنتماء ايام نميري ( هذه المعلومة قد أوردها الاخ محمد قصاري أيضاً في منتدى الوريفة )
المهم الحديث عن شخوص بانت وبانقي وحي العمال وحي العرب ممتع وعامر وينضوي على مواقف إنسانية بالغة الدهشة والرقة والفكاهة ولكنه يحتاج الى وقت طويل ومساعدة كثيرة بحكم الذاكرة المهترئة المثقوبة بمسامير المشغوليات ...
لكـ مودتي يا اللمين وأسفين يا أبو النيز عرجنا ببوست الراجل عن إنطباعه بزيارة كسلا ...
| |
|
|
|
|
|
|
|
|
|
Re: هل يوجد بورداب في مدينة كسلا حالياً ؟؟!! (Re: Sidig Rahama Elnour)
|
| Quote: خليني أفضى شوية يا كيكي لأني حا أنزلم كلهم في المنبر دا عشان تستمتع بالجد .. |
هلا يا ناذر
وتحياتي
وانا في الانتظار وتراني جالس القرفصاء وعلي مرمي كلك من هذا البوست..
فالنوش ده غنائي
واستايل الغناء المودي (بعود وايقاعات) استايل خالك بموت فيهو موت وبالذات لو نفلنا بدرر الحديقة..
ويلا ياخي اجدع وسريع بالله
| |
|
|
|
|
|
|
| |
ناذر محمد الخليفة
Abdelmuhsin Said
Ahmed musa
فايزودالقاضي
Nasruddin Al Basheer
Ahmed Abdallah
مزمل خيرى
ود شاموق
يسرى معتصم
Deng
تولوس
اشرف السر
عبدالكريم الامين احمد
Mohamed E. Seliaman
Sidig Rahama Elnour
فيس بوك
تويتر
انستقرام
يوتيوب
بنتيريست