أمبدة هي البوابة الرئيسية لدخول المخدرات للخرطوم ..

Quote: ربنا يستر يا ناذر وما يتصنف بوستك دا بي عنصرية للاسف إنزلقنا في درك سحيق تأويلاً للأمور والأخبار

Quote: هم ناس امبدة اعتقد احسن ناس محافظين على ما تبقي اخلاقيات وتقاليد وعادات وماء وجه؟؟

Quote: يا ناذر غايتو ربنا يسامحك لا بتشتري لا بتخلي الناس تشتري متلحننا في أكل عيشنا مالكم؟ قطع الأعناق ولا قطع الأرزاق..

حاولو إسترزقو داخليا (زيتكم في بينكم وكدة)

Quote: ناذر مساءك نور .. Quote: أمبدة هي البوابة الرئيسية لدخول المخدرات للخرطوم Quote: هذا حديث لرئيس شعبة الامن بالمجلس التشريعي شوف عينو دى ؟؟ ــــــــــــــــــ كلام تبلدينا صاح مدخلو خاطىء

بعدين يا تبلدينا يا خي لمن تجي تغلط زول لازم يكون عندك إحصائيات ، لأنو زي زولنا دا بيكون مالي يدو تمام التمام وما بيتجرأ يقول كلام ساي خوفا من الملاحقة القضائية لو ناس أمبدة قرروا يرفعو عليو قضية وكدة ..

ولا شنو ؟!

Quote: انت بتتكلم عن امبدتنا دى ؟؟ ولا امبدة فى بلد تانى ناذر ؟؟؟؟ كدى قول بسم الله ،،، الاحصائيات دى وين ؟ فى محلية امبدا والله ديل هم فى المحلية كم ما عارفين عددهم !! خليهم يحصوا اى حاجة تانية ،،

Quote: ناذر امبدة دى اخطاها

Quote: صدقت يا ناذر يا اخوي ... ونحن صوتنا نبح لان الشباب فقدو المساحات الفاضية التي بيلعبو عليها ... وانا بالاجازة تحدثت مع رئيس اللجنة الشعبية بالحارة التاسعة ... عن ظاهرة انصراف شباب الحي للبنقو ..لعدم توفر التنافس الكروي بينهم لاختفاء الميادين الرياضية .. ام بدة القديمة غير مصممة لتوفير ملاعب داخل الاحياء... الملعب الوحيد في التاسعة هو ميدان النصر ولا يكفي للحي الحوله ... بيتخيل لي لازم توفر النوادي الرياضية بام بدة المجانية لاشغال الشباب بالمفيد بدلا عن الانصراف للاشياء الهدامة ... والواحد في هذا المقام يتذكر المرحوم فقيد الشباب حافظ عبد الله شريف ... الله يرحمه فنحتاج لمثله لتنشيط الشباب ... الموضوع كبير بجد ..يحتاج لعلاج ..

Quote: انا ساكنة امبدة من عشرات السنين البتقول فية انت والجرئدة الجايب منها القول دة ماسمعنا بية ولاشفنا ومحطة ود البشير دي من المحطات الانتة مابتعرفها ولايمكن لك ان تتكلم فيها والمابتحصلو جدعو ...

Quote: يعني تصدق كلام الأمنجية الكيزان وتقاريرهم فيها المكايدة.. بالله عليك الحاج يوسف والجريفات دي ما هي الأحياء أو الأطراف الغارقة في فنون التهريب منذ أمد بعيد.. أمبدة يسكنها في الغالب أهل دارفور والهامش.. فهذا هو السبب الرئيسي لبيع هذه التقارير..

Quote: السبب كان لكسر الشوكة الإقتصادية لإثنيات دارفور من تجار هذا السوق.. غيرت مسارات القوافل التجارية من ليبيا لتنزل في دنقلا بدلا عن مليط..