مررت قبل قليل بشارع النيل بالخرطوم بعد غياب دام شهوراً عديدة وقد تفاجأت بقرب إنتهاء كوبري الخرطوم توتي وإفتتاحه بعد أسابيع قليلة ٍ!! وقد حزنت حقيقة لتخطيط ولاية الخرطوم البائس والتي رغم عقلية واليها الإستثمارية أثرت تحويل أجمل البقع في العالم إلى معبر فقط للمواصلات يربط مدن العاصمة الثلاث بدلا من جعله منتجع سياحي وجمالي يطل على مقرن النيلين والذي يحلم كل سائح بأن يمتع عينيه بالنظر إلى إلتقاء النيلين الأبيض والازرق ، تلك البقعة التي يقال أن سيدنا الخضر رضي الله عنه ترك حوته بها إلى نهاية القصة ..
ولا عزاء لأهل توتي الطيبين والذين سيجدون جزيرتهم بعد فترة قليلة مذدحمة بكافة أرتال البشرية والذين سيأتون بدافع الفضول أولاً وربما البحث عن فرص عمل ثانياً .. كما سيئن ظهر الجزيرة الرقيق بكافة أنواع الآليات من دفارات وحافلات وركشات وأمجادات ، مما سينتج عنه بكل تأكيد تلوثاً في أجواء الجزيرة والتي كان يحفها النسيم العليل ورائحة الدعاش من كل الجوانب ليلاً ونهاراً ..
صنفرة :
سأعود للمواصلة بعد إنزال الصور التي ألتقطتها للكوبري وما جاوره !
04-14-2008, 04:10 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
توتي دي كرّهني فيها حمد الريّح .. بالمناسبة يا ناذر معظم سكّان أمدرمان ما شافوا توتي وانا واحد منهم شوفتها كبييييييير ومرة واحدة بس زميلنا في الجامعة ساكن هناك مشيت ليهو زيارة ..
04-14-2008, 04:22 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا ناذر صورك دي مهمة والله .. واو اهمية ليها يمكن تسهم في انقاذ بعض البشر ممن سيعبرون على الكبري .. وتظهر احدى الصور ميلان واضح في احد الاعمدة الاساسية للكبري ( ننتظر رأي المهندسين ) ويتضح ذلك في الصورة مقارنة بالخط الاصفر الذي قمت برسمه ..
04-14-2008, 04:27 PM
لؤى لؤى
تاريخ التسجيل: 06-01-2003
مجموع المشاركات: 14343
النهاية السعيدة الوحيدة هي إرتفاع أسعار أراضي ومنازل الجزيرة ، مما سيجعلهم يرتقون بمستوى معيشتهم عبر إقامة المشاريع السياحية والإستثمارية بالإستفادة من الكوبري وموقعه المطل على مقرن النيلين ..
04-14-2008, 04:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: توتي دي كرّهني فيها حمد الريّح .. بالمناسبة يا ناذر معظم سكّان أمدرمان ما شافوا توتي وانا واحد منهم شوفتها كبييييييير ومرة واحدة بس زميلنا في الجامعة ساكن هناك مشيت ليهو زيارة ..
توتي بالنسبة لنا سكان الخرطوم هي متنفس للرحلات في الاعياد وليس لي أصدقاء بها سوى قليلين تعرفت بهم مؤخرا مثل عضو البورد جمال الصادق ..
والآن بعد وصول الكوبري فأعتقد أننا سنبحث عن مكان أخر لإقامة رحلاتنا لأنه بكل تأكيد لن تكون الجنائن هي الجنائن ولا المزارع هي المزارع ولا ..
الأهالي هم الاهالي !!
04-14-2008, 04:38 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
نبكي على الماضى ولو عدنا اليه لكرهناه - يا اخي الكبري تم تشييده بالتاكيد بطلب من اهل توتي نفسها وحتما كانوا يدركون الاثار التي قد تترتب على انفتاحهم المهول على المدن الثلاثة
شكرا ليك للصور ونحن متابعون يا الحبيب
04-14-2008, 04:37 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا لسرعة مضيّ الزّمن كتبت البوست أدناه قبل قرابة الثلاث سنوات .. (( صورة توضّح كيف سيبدو كوبري توتي الجديد بعد تشييده ))
فعلا يا لؤي ..
الزمن يسير أسرع مما نتصور ولا زلت أذكر عبارة عزيز عيسى الساخرة عندما كتب (فائدة الكوبري هو وصول الجرجير طازة لأهل الخرطوم) ردا على أحدهم سأله عن جدوى الكوبري الإقتصادية ..
بس الصورة الفي نموذجك عديلة والعملوها الاتراك مقوسة لي فوق شوية
04-14-2008, 04:44 PM
لؤى لؤى
تاريخ التسجيل: 06-01-2003
مجموع المشاركات: 14343
الزمن يسير أسرع مما نتصور ولا زلت أذكر عبارة عزيز عيسى الساخرة عندما كتب (فائدة الكوبري هو وصول الجرجير طازة لأهل الخرطوم) ردا على أحدهم سأله عن جدوى الكوبري الإقتصادية
أخونا الفنان ناذر
موده وشوق
أولاً عندما رأيت عنوان البوست وقع قلبي وذاقت عيناي..
أعتقدت بأن توتي تم الأستيلاء عليها أو قرر تغريقها كما حاول أن يفعل الأنجليز عندما رفض أهالي توتي الأنصياع والرحيل عنها فى الأربعينات من القرن الماضي..
توتي لا تحتمل أن تكون معبراً بين المدن الثلاث وذلك لسوء التخطبط فيها ولأستحالته كذلك ولأن الدولة لاتملك البديل ولا تعرض التعويض المناسب.. عموما الكبري ربما أراح أهالي توتي من العبارات والمعدية ولا عزاء للسيارات والركشات هي الرابحة فى أزقة توتي..
نحب توتي أكثر من حب الحياة.. ولن نفرط فى شبر منها ماحيينا يالحبيب..وما بيع منها خلصه فلن يفلح من أشتراه..
الآن وبعد غربة أكثر من 12 عاما أعيش فى أجمل البلاد وهي بلاد التوليب وحضرت لها ما أقاصي جنوب شرق آسيا وزرت أمريكا وتجولت فى غرب أوربا وبعض الدول العربية ولكن لم أجد سحر جزيرة توتي فى أي بقعة من الأرض.. ربما حب الأوطان فى الوجدان. وذكريات الصبا ورعونة الشباب ..
Quote: يا ناذر صورك دي مهمة والله .. واو اهمية ليها يمكن تسهم في انقاذ بعض البشر ممن سيعبرون على الكبري .. وتظهر احدى الصور ميلان واضح في احد الاعمدة الاساسية للكبري ( ننتظر رأي المهندسين ) ويتضح ذلك في الصورة مقارنة بالخط الاصفر الذي قمت برسمه ..
والله زي ما قلت ننتظر رأي المختصين ..
04-14-2008, 04:58 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: نبكي على الماضى ولو عدنا اليه لكرهناه - يا اخي الكبري تم تشييده بالتاكيد بطلب من اهل توتي نفسها وحتما كانوا يدركون الاثار التي قد تترتب على انفتاحهم المهول على المدن الثلاثة
أهل توتي يريدون الكوبري لا أعتراض في ذلك ولكن كان بإمكانهم الحصول على أكثر من كبري بئيس لا عمل له غير أن ينقلهم إلى الخرطوم ومنها .. أتتهم الفرصة لتحويل جزيرتهم إلى أجمل بقعة سياحية في العالم كان بإمكانهم المساومة عليها مقابل الكوبري والذي تحتاجه ولاية الخرطوم أكثر منهم ..
ولكن هو الإستعجال ..!!
04-14-2008, 05:04 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
هلا يا ناذر وحليل توتي الوريفة الصورة اعلاه يا ناذر ومعتصم وبعد تامل يبدو انها لا تمثل ميلان هندسي او خطاء بل زاوية التصوير هي التي جعلت العمود اياه يبدو مكلوجا وكرجولي الشكل.... الخط الاصفر يا معتصم ممكن ان يمثل (مستقيم خط التصوير) لو تم ازاحته _حبة- كده لليمين ولكن لا يمكن قياس استقامة العمود من تلكم الزاوية الخادعة(فولس انجل)....
العمود ده والعمود الجنبو ديل لو زحو (سنتي) واحد من محلهم بالاقل حناكل نيم في كوبري توتي والمقاول حياكل نيم والاستشاري برضو حياكل نيم ويفترض ان لا تدق كورة لعربية او رقشة في ذلك الكبري...
خلاصة استقامة العمود او وجود ميلان ولو جزئي فيه لا يمكن ملاحظته من هذه الزاوية يا نسيتا والله اعلم
04-14-2008, 06:10 PM
غباشي غباشي
تاريخ التسجيل: 01-19-2007
مجموع المشاركات: 1729
Quote: العمود ده والعمود الجنبو ديل لو زحو (سنتي) واحد من محلهم بالاقل حناكل نيم في كوبري توتي والمقاول حياكل نيم والاستشاري برضو حياكل نيم ويفترض ان لا تدق كورة لعربية او رقشة في ذلك الكبري...
كيكي ... و نيستا العمود زي ما قال كيكي ظاهر بـ false angle و الميلان اللي هو عبارة عن زاوية ظاهرية apparent angle تعتمد على النقطة التى تم التصوير منها لذلك و تعامد الكاميرا على المحورين الأفقى و الرأسي .... و بعدين الكبري شغالين فيهو اولاد دفعتي سواء مع المقاول A & A أو الإستشاري DAR Consult (الدار الإستشارية) ... و أولادنا ما بيلعبوا يا نيستا ... و للا شنو يا كيكي تحياتي .... ___________________ ويييييييييييييييين يا ناذر ....
__________________ و فارقين معاي يا يسري ....
04-14-2008, 06:18 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
بكل تأكيد يا ود شيقوق وإن كنت هذا ما لا أقصده بالضبط ..
Quote: وهل تعتقد ان الانفتاح على المدن قد يدخل عليهم ظواهر ربما تتعارض مع قيم اهل توتي المحافظين ؟
جزيرة توتي المغلقة والمعروف سكانها والمرتادين عليها هي سبب تميزها ومحافظة أهلها على قيمهم وعاداتهم أما و بعد الكبري فقد صار بالإمكان وبكل سهولة جعل الجزيرة من قبل مرتادي الإجرام والعاطلين وأهل القلاقل إحدى المناطق التي صار من السهولة الوصول إليها والخروج منها دون أن يشعر بهم أي شخص بعد أن كان ريس المركب والفلوكات هم الحارس الحقيقي لبوابة الجزيرة ..
وستثبت الايام صدف توقعاتي ..
04-14-2008, 06:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الصورة اعلاه يا ناذر ومعتصم وبعد تامل يبدو انها لا تمثل ميلان هندسي او خطاء بل زاوية التصوير هي التي جعلت العمود اياه يبدو مكلوجا وكرجولي الشكل....
والله يا كيكي أنا زول عنقالي ساكت .. يعني ما محترف تصوير لا بطيخ .. جيت ماري جنب الكوبري و شبطك محطك خبت الكوبري بي كم فلاش يدون ما أعرف المايل أنا ولا العمود ولا الكوبري ..
ولو بعد الشغل الفني الجميل العملوهو مهندسين الكوبري يطلع في ميلان تكون دي مصيبة والله ..
تسلم ..
04-14-2008, 06:11 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أنحن كوبرينا رقيق ورهيف وما بيقدر على الهبباي في عز الصيف !! مصممنو على قدر إستحمال أهل توتي ومعاهم كم ركشة وبوكسي لزون نقل الخضار والجرجير قدر الفي صورتك دا والله تاني يوم طوالي سيد البنطون يدور وابورو من أول وجديد
04-14-2008, 06:13 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: كيكي ... و نيستا العمود زي ما قال كيكي ظاهر بـ false angle و الميلان اللي هو عبارة عن زاوية ظاهرية apparent angle تعتمد على النقطة التى تم التصوير منها لذلك و تعامد الكاميرا على المحورين الأفقى و الرأسي .... و بعدين الكبري شغالين فيهو اولاد دفعتي سواء مع المقاول A & A أو الإستشاري DAR Consult (الدار الإستشارية) ... و أولادنا ما بيلعبوا يا نيستا ..
صور الكبري دي ذكرتني نكتة حكاها لينا الوالد الله يطول عمره عن بلادة الرئيس نميري:
قالوا الحيوانات في الجنينة(قبال ماتبقى برج) إجتمعوا وقرروا إنهم يختارو مندوب يمثلهم عند الرئيس نميري للمطالبة ببناء كبري بين توتي والخرطوم. المهم إختاروا الحمار ومشى يقابل نميري في القصر الجمهوري والحيوانات واقفة برة تنتظر . الشغلة طولت والحمار قعد مع نميري أكتر من عشرة ساعات والحيوانات قلقلت قلق شديد قالوا ابعاج دا مايكون كلف المكاشفي بعمل محكمة مستعجلة وأعدم الحمار. بعد شوية الحمار طلع وكلهم قاموا جارين عليه قالوا ليه أها الحصل شنو شكلك كدا نميري ماوافق؟ قال ليهم بالعكس نميري وافق على فكرة الكبري من اول ربع ساعة . قالوا ليه طيب العشرة ساعات دي ليه؟ قال ليهم أنا بحاول أقنعوا اقول ليه نسوي الكبري بالعرض وهو يقول لا بالطول
(عدل بواسطة ALazhary2 on 04-14-2008, 06:54 PM) (عدل بواسطة ALazhary2 on 04-14-2008, 07:32 PM)
04-14-2008, 08:42 PM
Siddig A. Omer Siddig A. Omer
تاريخ التسجيل: 04-06-2005
مجموع المشاركات: 3818
صور الكبري دي ذكرتني نكتة حكاها لينا الوالد الله يطول عمره عن بلادة الرئيس نميري:
قالوا الحيوانات في الجنينة(قبال ماتبقى برج) إجتمعوا وقرروا إنهم يختارو مندوب يمثلهم عند الرئيس نميري للمطالبة ببناء كبري بين توتي والخرطوم. المهم إختاروا الحمار ومشى يقابل نميري في القصر الجمهوري والحيوانات واقفة برة تنتظر . الشغلة طولت والحمار قعد مع نميري أكتر من عشرة ساعات والحيوانات قلقلت قلق شديد قالوا ابعاج دا مايكون كلف المكاشفي بعمل محكمة مستعجلة وأعدم الحمار. بعد شوية الحمار طلع وكلهم قاموا جارين عليه قالوا ليه أها الحصل شنو شكلك كدا نميري ماوافق؟ قال ليهم بالعكس نميري وافق على فكرة الكبري من اول ربع ساعة . قالوا ليه طيب العشرة ساعات دي ليه؟ قال ليهم أنا بحاول أقنعوا اقول ليه نسوي الكبري بالعرض وهو يقول لا بالطول
تعرف...مجمع مشاكل السودان التى ذهبت... وربنا لا يعودها.... سببها النميرى......من قتل كل الذين عارضوه...عبد الخالق..الشفيع...هاشم العطا...حسن حسين...و على راسهم جميعاً المفكر...الاستاذ محمود محمد طه.....عليهم جميعاً رحمة الله رحمة واسعة تشلمنا و تشلمهم ...بآذن الله تعالى.
تعلم الذين حوله... ومن اوعزوأ له...بأن مصيرهم...إن ساروأ...لن يسير السودان الكبير...الى مبتغاهم... وإن ساروأ.......هم هنا.....
توتى العزيزة من أجمل بقاع الارض... واهلها الطيبون... هم كل اهل السودان....لكن لا بد أن يخرجوأ من....فيضان الى فيضان... وترسوأ البحر .. و سلموأ... لابد أن يعيشوأ مع العالم الجميل...لا بد أن يروأ النور و يعرفوأ بأن جزيرتهم من اغلى جزر العالم و كل سنتميتر فيهــا يساوى ملايين الدولارات.... و لابد أن يعرفوأ ألا يتانزلوأ عن حقهم...ألاياكلهم "شبح النميرى"..... و يعمل ليهم الكبرى "بالطول" ... فلا زال "شبح النميرى لا يزال يعشش فينا"....سامحه الله....و سامحهم.....
أتمنى لتوتى الجميلة أجمل البيوت... و الفنادق... ومكاتب الدولة....و مدارس الاطفال....ودور العلم و المعرفة و فوق كل ذلك الاستقرار....فآهلها الطيبون...."كتلهم الفيضان" ومراكب الخشب"..... والبنطون.....
صديق - الدوحة
04-14-2008, 07:19 PM
Frankly Frankly
تاريخ التسجيل: 02-05-2002
مجموع المشاركات: 35211
ميل الركائز في الجسر المعلق ليست خطأ هندسي بل عمل هندسي محسوب ومقصود
وهو بالتالي ليس ناتجاً عن زاوية الصورة
هناك عدة قوى تعمل على الجسور المعلّقة وتمثل الركائز المتحمّل والموزّع لهذه القوى
تصميم الجسر المعلّق على شكل حرف ال A يساعد على تحمل الجسر لقوة الرياح وما يعرف بقوّة الرنين التي تصدر في بعض الألات الموسيقية الوترية والتي يعتقد أنها السبب في إنهيار جسر مضيق تاكوما المعلّق عند قوة رياح تزيد قليلاً من الأربعين ميل في الساعة وهو الذي كان مصمماً لتحمل أكثر من 120 ميلا في الساعة
تحياتي كمال
04-14-2008, 07:57 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: ميل الركائز في الجسر المعلق ليست خطأ هندسي بل عمل هندسي محسوب ومقصود
وهو بالتالي ليس ناتجاً عن زاوية الصورة
يا فرانكلي 1-كدي ادي المجسم بتاع بتاع الكبري ده نظرة ولو علي عجل وورينا الميلان الكان ظاهر في الصورة ام زيق ويييييييييينو؟؟؟ 2-عندما تكلمنا عن الميلان الظاهر في الصورة الاولي تحدثنا عن الفولص انقل وده يمكن يقودنا لكلام عن زاويا التقاط الصورة عمودية (محاور الكاميرا) ساعة التقاط الصورة بعد الكاميرا من العمود الضوء ارتفاع الكاميرا ذاتتو يعني هنالك العديد من العوامل التي تتداخل في قراية الميلان الباين في العمود من خلال الصورة....
هندسيا يتم قياس ميلان اي عمود بقيمة انحرافه عن المحاور الاساسية له وهي محور افقي ومحور راسي وتظهر ساعتها الانحرافات في الاتجهات المختلفة وحتما لا يتم ذلك من خلال صورة عشوائية بل من خلال اجهزة قياس الزوايا والانحرافات.....
لو فرضنا جدلا بان هذا العمود مايل كما هو في الصورة فانه في كل الاوقات يحتاج الي (سبورت) او دعامات لكي يبقي العمود في زاويته المصمم بها..ومن خلال الصورة والرسم الشريحية التي اوردها (لوي) لاتوجد اي دعامة ولا شي يشير الي وجود دعامة.......
ممكن في مناطق اخري يتم تصميم اعمدة بميلانات محددة لتفيذ هيكل بنائي معين ولكن اعتقد بان المصمم يحتاج الي تكالات(بالعربي كده)....
اتمني ان يزور الاخوة بالخرطوم هذه الكبري ويقيف تماما بعيدا من العمودين علي مسافة 10متر تقريبا علي استقامة متساوية (يعني في نص الكبري) ويدينا صورة ويجي يركبها لينا هنا.... ولو كان هنالك ميلان كمثل الموجود في هذه الصورة سيكون ظاهر بالعين المجردة ولااعتقد بان كبري بهذه التصميم يساعد في مثل هذه التكيلة
04-14-2008, 08:16 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
ودي صورة تاني يا فرانكلي لنفس الكبري وكشف بالله للركائز البعيدة وشوفها واقفة علي استقامة واضحة دون ميلان ونفس هذه الوقفة بتكون (ميرور) في الركائز القريبة من زاوية النظر
04-14-2008, 08:33 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
وهاك دي يامولانا زاويا ممكن توضح الصورة الاكثر وبتوري ان الميلان الفي الصورة ام زيق ميلان بقيع مثله ومثل السراب تماما.. شغلانية بتاعة بعبصة ضوء وزاوية (مكعكعة)اخير منها دفاع المريخ
04-14-2008, 08:33 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
وهاك دي يامولانا زاويا ممكن توضح الصورة الاكثر وبتوري ان الميلان الفي الصورة ام زيق ميلان بقيع مثله ومثل السراب تماما.. شغلانية بتاعة بعبصة ضوء وزاوية (مكعكعة)اخير منها دفاع المريخ
04-14-2008, 08:43 PM
Frankly Frankly
تاريخ التسجيل: 02-05-2002
مجموع المشاركات: 35211
الركائز تميل من الخارج للداخل ولكنّها قائمة على الخط الأفقي
تصور حرف A واقف رأسياً واقطع الجزء الأعلى الذي يمثّل حرف ال V مقلوباً
بمعنى أخر أنّك لو وقفت في منمتصف الجسر فسترى ميلان العمودين المكوننين للركيزة إلى بعضهما بينما لو وقف أمام أحد الركائز والجسر عرضياً أمامك فسترى العمود المقابل لك رأسي بزاوية قائمة
زاوية الميلان من الخارج للداخل قليلة ولكنّها موجودة للأسباب التي أوضحتها في مداخلتي الأولى
تحياتي كمال
04-14-2008, 08:54 PM
Siddig A. Omer Siddig A. Omer
تاريخ التسجيل: 04-06-2005
مجموع المشاركات: 3818
الاستاذ كمال....عليك الله المسألة ما محتاجة لشرح...وواضحة وضوح الشمس...نحن شعب تعود على النقد....المدمر....انشاء الله "راكوبة"...مش أحسن من حال ناس توتى....أتمنى أن تكون فهمتنى.....
أحلم....بقية عمرى...بأن يترك اهلى فى توتى ركوب المراكب... والبنطون.... و السباحة ليلاً "بعد توقف البنطون" لتعزية عزيز فقد... و للهفة ملهوف.....و لانقاذ طفل مريض...
أضرب ضربة البداية........و لا بد للمنطق أن يعم... ولا بد لاهلى فى توتى من جمال يزينهم..."حتى لو كان كبرى مائل".....
لك حبى و احترامى و تقديرى....
صديق - الدوحة
04-14-2008, 09:07 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: زاوية الميلان من الخارج للداخل قليلة ولكنّها موجودة للأسباب التي أوضحتها في مداخلتي الأولى
كده ممكن جزئيا نتفق ولكن ليس بدرجة الميلان الظاهر في الصورة (ام زيق) يا فرانكلي.. جزئيا لكل عمود في الدنيا دي منصوب يا فرنكلي له (انحراف) او ميلان ولكن الانحراف لابد ان يكون (within) الخطاء الذي لايساعد علي الانهيار(طبعا وكما يقولون مافي قيمة مطلقة) لذا ممكن ان نقول مافي استقامة مطلقة... لاحظ معاي يا فرانكلي للفوتنج بتاعة الركائز وادي نظرة تخيلية من اعلي شوف المنظر وخلينا نتونس في العمدان ديل
04-14-2008, 09:18 PM
Siddig A. Omer Siddig A. Omer
تاريخ التسجيل: 04-06-2005
مجموع المشاركات: 3818
عبد الكريم... والله مشتاق ليك شوق السحابة الراحلة...يا صديقى فى الغربة....
انسى موضوع الكبرى.... والله ناس توتى.... لو وقع ارفعوه.....بى شنو.. والله ماعارف....لكن خليك فى "جنازيرك".... و خليهم فى جنازيرهم.....يا حبيبى فى الغار..ذى... ما بقول أخونا الذى انتحر..."محسن خالد"... لكنه "انتحر" و حصانه بطل لا زال....يقاتل الرياح........
صديق....أخوك
04-14-2008, 09:23 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
أقترح على مجلس توتى أن يصـدر تشريعـا، يمنع بموجبه بيع أى أرض فى الجزيرة لمدة عشـرة سنوات.. وهـذا يشمل البيـع المؤرخ بعـد عشـر سنـوات، حتى يقطعوا الطريق أمام مضاربى العقارات.
04-14-2008, 09:40 PM
Abureesh Abureesh
تاريخ التسجيل: 09-22-2003
مجموع المشاركات: 30182
كما أقترح أن يكون الكبرى للمارة فقط، ويمنع سير العربات فيه بكل أنواعهـا، ما عدا سيارات الشـرطـة والنجدة والإسعاف.. على أن تنشـأ على جانبيـه دكاكين هدايا للسـواح، ومقاهى للإستراحـة من السيـر. وزوايا لهـواة التصـويـر.
الاخ نازر تحياتى لك اولا لك الشكر على موضوع كبرى توتى وهو فعلا كان يمكن ان يكون حلا ناجحا لكل اهل توتى ولكل اهل السودان ولجعل توتى جنة يمكن ان لا تقل عن اى بلد سياحى يذهب له السودانيين. ولكن تعب اهلى فى الجزيرة من العبور المتعب بواسطة المراكب والفلكات واحتياج اهل الجزيرة للتنقل يوميا وعلى مدار الساعة للخرطوم لتقضيةاحتياجاتهم وكما تعلم فان سكان توتى هم اول من سكن فى خرطوم توتى.نحن مع الكبرى ولكن بعيدا عن السياسةوليعملوا على تخطيط الجزيرة رغم عدم وجود مكاسب لتعويض الاهالى بعد ان امتلات الخرطوم بكل من هب ودب.النقطةالثانية من هو هذا الاخ الذى يتكلم عن حمد الرح الرمز والرقم الذى لايمكن لاى عاقل ان يتكلم عنه وخليك من الغناء فالاخ حمد انسان والظاهر اخونا لا يعرف اى شى عن حمد وارتباطه بجزيرة توتى وهذا الكلام ليس للخوض فى مناقشة بل تعقيب فليذهب ويسال عقلاء توتى عن حمد ثم يحكم ومشكلتنا السودانين بنحب الاساءة للاشخاص بدون ان نعرفهم.
سلامات يادكتور كمال حسن بالله شوف سخريات القدر بسبب كبري توتي يطلع ليك واحد من وين ما عارف يقول ليك توتي دي كرهني فيها حمد الريح وياريت صاحبنا عمر الفاروق الذي هو بالتاكيد لا يعرف أدني شئ عن حمد ناهيك عن معرفته بتوتي أقول ياريت يورينا هو من وين من السودان عشان نقرر نرد عليه ولا لا .. على العموم خليك منو.. نعود إلى موضوعنا الأساسي ولا بد لنا أن نحيي من فتح هذا البوست وكل من شارك فيه بكل جدية أو تعليق أو رأي فني في حكاية العمود المائل فالشكر لهم جميعا طبعا عدا الذي يحمل الكره لتوتي بسبب حمد الريح وحمد الريح لا يحتاج لمن يدافع عنه فهو رمز لتوتي الفن وتوتي الثورة وتوتي الرياضة وتوتي الثقافة وتوتي التي حفها النيل واحتواها البر وتغني لها فنانها الأول وفنان السودان العظيم حمد الريح العندليب الذي شلناه شمعة .. ولنا عودة معك يا أخ عمر فاروق حتى تؤسس كراهيتك أو حبك على الحق لا على الباطل وحتى ذلك الحين أخي د. كمال حسن أيها الصديق الحبيب والقريب والنسيب سعدت بأن وجدتك داخل هذا البوست وأرجو أن أحيلك وكل المشاركين فيه إلى عدد من البوستات الأخرى في ذات الموضوع عن توتي والكبري وأهمها وآخرها البوست الخاص باللجنة التمهيدية لمهندسي توتي التي تقدمت بمقترح لتخطيط توتي وعنوان البوست هو :
وهناك بوست سابق فيه كل الخلفيات عن موضوع تطوير توتي بعنوان : توتي الأرض والتاريخ ومحاولات تفتيت كيانها المتماسك والذي تم إحالته الان إلى أرشيف الربع الرابع لعام 2007م ويمكن الإطلاع عليه هناك .
إلى كل الحادبين على هذا الكيان العريق الضارب في عمق التاريخ والمسمى توتي ندعوكم لتشاركونا الراي في إمكانية تطوير توتي مع المحافظة على كيانها المتماسك ونحن على قناعة بضرورة التطوير ولكن نصدقكم القول أن الكبري ليس الأولوية الأولي لدينا فالأهم عندنا هو تخطيط توتي نفسها وبلا شك فإن الكبري بلا تخطيط لا جدوى منه والجدوى الحقيقة تكتمل بالتخطيط والكبري معا وهذا ما نسعى إلى تحقيقه لو صدقت نوايا سلطات ولاية الخرطوم وأقرت بالوضع الإستثنائي لتوتي وسكانها وهم أول من سكن العاصمة بشهادة الجميع ولسنا في حاجة لإثبات ذلك .. ونطمئن كل المتعاطفين معنا أننا سنؤسس مثالا لكيان حضاري ومدني يرتكز على قيم وأخلاق ورثناها عن الأباء والأجداد دون رفض الجديد وهو التحدي الأكبر الذي نواجهه الأن ... لكم التحية مجددا وإلى لقاء آخر
عمار محجوب محمد زكي من أبناء جزيرة توتي
04-15-2008, 06:25 AM
اسعد الريفى اسعد الريفى
تاريخ التسجيل: 01-21-2007
مجموع المشاركات: 6925
Quote: جزيرة توتي المغلقة والمعروف سكانها والمرتادين عليها هي سبب تميزها ومحافظة أهلها على قيمهم وعاداتهم أما و بعد الكبري فقد صار بالإمكان وبكل سهولة جعل الجزيرة من قبل مرتادي الإجرام والعاطلين وأهل القلاقل إحدى المناطق التي صار من السهولة الوصول إليها والخروج منها دون أن يشعر بهم أي شخص بعد أن كان ريس المركب والفلوكات هم الحارس الحقيقي لبوابة الجزيرة ..
وستثبت الايام صدق توقعاتي ..
الاخ ناذر تحياتى لا شك ان الكوبرى انجاز حقيقى لاهل توتى و العاصمة عموما .. لكن من المهم مسالة الاثار الجانبية للكوبرى و جزء منها ما قلته انت اعلاه .. و الجزء الثانى أن تتحول تلك الجزيرة الهادئة إلى كتل من الاسمنت و الابراج الاستثمارية.. و أهل توتى .. علمونا الكثير من قيم المودة و الترابط الاجتماعى الفريد .. نسأل الله أن يحفظهم و يجنبهم شرور ( الاستيطان الاستثمارى)..
04-15-2008, 08:06 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: قالوا الحيوانات في الجنينة(قبال ماتبقى برج) إجتمعوا وقرروا إنهم يختارو مندوب يمثلهم عند الرئيس نميري للمطالبة ببناء كبري بين توتي والخرطوم. المهم إختاروا الحمار ومشى يقابل نميري في القصر الجمهوري والحيوانات واقفة برة تنتظر . الشغلة طولت والحمار قعد مع نميري أكتر من عشرة ساعات والحيوانات قلقلت قلق شديد قالوا ابعاج دا مايكون كلف المكاشفي بعمل محكمة مستعجلة وأعدم الحمار. بعد شوية الحمار طلع وكلهم قاموا جارين عليه قالوا ليه أها الحصل شنو شكلك كدا نميري ماوافق؟ قال ليهم بالعكس نميري وافق على فكرة الكبري من اول ربع ساعة . قالوا ليه طيب العشرة ساعات دي ليه؟ قال ليهم أنا بحاول أقنعوا اقول ليه نسوي الكبري بالعرض وهو يقول لا بالطول
أها ..
وفي النهاية الأقنع التاني منو
04-15-2008, 11:27 AM
ALazhary2 ALazhary2
تاريخ التسجيل: 09-06-2003
مجموع المشاركات: 4966
الحمار أقنع نميري والنميري كلف بهاء الدين محمد إدريس بتوفير التمويل اللازم وبهاء الدين جاب التمويل عبر قرض فوائده نسبتها تسعمية في المية لكن في الفترة ديك قام عدنان خاشقجي بزيارة للسودان ووزير رئاسة الجمهورية صرف مبلغ التمويل في الإعداد لضيافة لائقة للملياردير الزائر , وقبال ما يوفروا قروش تمويل تانية الإنتفاضة قامت والحيوانات اكلت نيم لمدة عشرة سنوات تالية.
04-15-2008, 08:10 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: توتى العزيزة من أجمل بقاع الارض... واهلها الطيبون... هم كل اهل السودان....لكن لا بد أن يخرجوأ من....فيضان الى فيضان... وترسوأ البحر .. و سلموأ... لابد أن يعيشوأ مع العالم الجميل...لا بد أن يروأ النور و يعرفوأ بأن جزيرتهم من اغلى جزر العالم و كل سنتميتر فيهــا يساوى ملايين الدولارات.... و لابد أن يعرفوأ ألا يتانزلوأ عن حقهم...ألاياكلهم "شبح النميرى"..... و يعمل ليهم الكبرى "بالطول" ... فلا زال "شبح النميرى لا يزال يعشش فينا"....سامحه الله....و سامحهم.....
توتي تحتاج لكثير عمل وليت كان هذا الكوبري مانعااً لهم وعاصماً من فيضلن يأتيهم ، ولا زلت أقول كان بإمكانهم المساومة على أن يحصلو مقابله على أسوار خرصانية ومباني لا تهزمها الفيضانات ومزايا أخرى كانت ستجعلهم أغنى أهل السودان وستجعل أرضهم تدر ملايين الدولارات سنوياً لخزينة الدولة عائد سياحة وما شابه ..
ولازالت الفرصة مواتية أمامهم لطرح مطالبهم قبل أن يبدأ بناء كوبري توتي بحري ..
04-15-2008, 08:12 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: أقترح على مجلس توتى أن يصـدر تشريعـا، يمنع بموجبه بيع أى أرض فى الجزيرة لمدة عشـرة سنوات.. وهـذا يشمل البيـع المؤرخ بعـد عشـر سنـوات، حتى يقطعوا الطريق أمام مضاربى العقارات.
والله دا بعتبرو حجر على حرية التصرف في الأراضي ..
قبل الكوبري لو فرضنا قطعة أرض ورثة كان سعرها عشرين مليون وهسي بقت 500 مليون ، معقول نقول ليهم ما تبيعوها !!!
Quote: كما أقترح أن يكون الكبرى للمارة فقط، ويمنع سير العربات فيه بكل أنواعهـا، ما عدا سيارات الشـرطـة والنجدة والإسعاف.. على أن تنشـأ على جانبيـه دكاكين هدايا للسـواح، ومقاهى للإستراحـة من السيـر. وزوايا لهـواة التصـويـر.
المتعافي عمل الكوبري دا عشان ناس توتي يدخلو عرباتم جوة ويرتاح من الزحمة العاملينها في شارع النيل ..
04-15-2008, 08:34 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ نازر تحياتى لك اولا لك الشكر على موضوع كبرى توتى وهو فعلا كان يمكن ان يكون حلا ناجحا لكل اهل توتى ولكل اهل السودان ولجعل توتى جنة يمكن ان لا تقل عن اى بلد سياحى يذهب له السودانيين. ولكن تعب اهلى فى الجزيرة من العبور المتعب بواسطة المراكب والفلكات واحتياج اهل الجزيرة للتنقل يوميا وعلى مدار الساعة للخرطوم لتقضيةاحتياجاتهم وكما تعلم فان سكان توتى هم اول من سكن فى خرطوم توتى.نحن مع الكبرى ولكن بعيدا عن السياسةوليعملوا على تخطيط الجزيرة رغم عدم وجود مكاسب لتعويض الاهالى بعد ان امتلات الخرطوم بكل من هب ودب
أعترف أن من حق أهل توتي بعد أن صبرو كل هذه السنين أ يرتاحو ويهنأو بكوبري يجعل التواص بينهم وبين بقية العاصمة سهلاً وميسراً ، وفثط أتمنى أن يتم تخطيط الجزيرة حسب المعطيات الجديدة والإهتمام بتأهيلها لجعلها مركز جذب سياحي يستحق مكانتها كونها تطل على أجمل بقعة في العالم (مقرن النيلين) ..
Quote: النقطةالثانية من هو هذا الاخ الذى يتكلم عن حمد الرح الرمز والرقم الذى لايمكن لاى عاقل ان يتكلم عنه
الأخ هو عمر الفاروق ..!
04-15-2008, 08:37 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر تحياتى لا شك ان الكوبرى انجاز حقيقى لاهل توتى و العاصمة عموما .. لكن من المهم مسالة الاثار الجانبية للكوبرى و جزء منها ما قلته انت اعلاه .. و الجزء الثانى أن تتحول تلك الجزيرة الهادئة إلى كتل من الاسمنت و الابراج الاستثمارية.. و أهل توتى .. علمونا الكثير من قيم المودة و الترابط الاجتماعى الفريد .. نسأل الله أن يحفظهم و يجنبهم شرور ( الاستيطان الاستثمارى)..
حق لأهل توتي بعد أن يرتاحو من عناء التنقل عبر الزوارق والمراكب أن يرتاحو أيضا من عناء مجابها الفيضانات كل عام ، وهذا لا يتأتي إلى بتغيير شامل لطبيعة البناء والمواد المستخدمة فيه وتخطيط مواز يتم فيه إستحدام مواد جديدة وبديلة ..
وإن كان لا بد من إستيطان إستثماري فالأولى به سكان توتي أنفسهم وإن فاض (وسيفيض) فليتم توظيفه للأغراض التي ذكرتها أعلاه ...
04-15-2008, 09:03 AM
معتصم محمد صالح معتصم محمد صالح
تاريخ التسجيل: 07-14-2007
مجموع المشاركات: 7293
وبعدين الصورة الجبتها من قريب دي في الجزء بتاع الخرطوم وانا قلت الميلان في الاعمدة بتاعت توتي ( داير تخمنا يعني ولا شنو ؟ ) .. ولا عشان اولادكم شغالين في الكبري مع الاتراك .. الكبري ده ح يقع ح يقع ..
04-15-2008, 11:07 AM
Kamal Seddiq Kamal Seddiq
تاريخ التسجيل: 02-27-2008
مجموع المشاركات: 69
الاخ ناذر تحياتى واهل توتى كلهم معك فى ان يتم تخطيط الجزيرةحتى تكون ملاذ لاهلنا فى السودان لتقضية اجمل الاوقات مع اهلنا الطيبين فى توتى الغالية ومهد الاجداد وهناك بوست مفتوح للاخ عمار محجوب زكى يمكن لاحباء توتى الدخول فيه لنتعرف على ارائهم عن مستقبل توتى. وتحياتى للاخ عمر الفاروق واتمنى ان يسال او يتعرف على اخونا حمدالريح عن قرب حتى يعرفه حتى يحكم عليه, وانا لا اعرف التجربة التى خاضها مع حمد حتى يحكم عليه بهكذا اسلوب. فنحن اهل توتى لا نرضى لحمد ان يتم وصفه او نعته باى صفة لا تمت اليه بماليس نعرفه عنه فنحن نعرف كل صغيرة وكبيرة فى حياته ومسيرته الفنية والرياضية فاتمنى من الاخ عمر ان يراجع نفسه ليحكم على الناس الحكم الصحيح ونتمنى ان نعرف معلومات عن الاخ عمر الفاروق حتى نستطيع ازالة اى سوء فهم او معلومات اضافية عن حمد لنمده به.
لك الشكر يا أخ ناذر ونحن نرحب بك في توتي الباسلة وممكن نديك فيها قطعة أرض مطلة على شارع الكبري بعد التخطيط بسعر خاص جدا.. يا كمال كلم التواته خليهم يشاركونا في الموضوع فهو في غاية الأهمية وأهم شئ هو متابعة مقترح مهندسي توتي ومقترحات تحالف القوى السياسية بتوتي
وبوست توتي الأرض والتاريخ إنتقل لأرشيف الربع الرابع لعام 2007م
أما الأخ عمر الفاروق فنحن في إنتظار رده عشان نعرف سبب كراهيته لحمد الريح الذي أتفق معك تماما أنه أخد موقف شخصي ربما يكون له فيه مبرر ولكن ذلك لا يمنحه الحق في الأساءة إلى كيان وقبيلة بحالها
توتي تفخر بأبنائها وروادها في كل المجالات ومنهم حمد الريح رمز الحب والعطاء والفن والغناء والأدب الرفيع والذوق الرفيع والأخلاق السامية وهو في نهاية المطاف بشر يخطئ ويصيب ولكنه أنسان بكل ما تحمل الكلمة من معاني .. فيا أخ عمر الفاروق قول لينا قصتك شنو ونحن قلوبنا فاتحة وصدرنا واسع وندعو للحب لا للكره
04-15-2008, 05:00 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
صاح شنو يا نستا كلامك طلع مايل زي ميلة العمود 0(بتاعك) الجبتو ده وبعدين يا معتصم العمدان دي كلها (اخوان وزي بعض) يعني لو بتاع توتي دغري بتاع الخرطوم بكون زيو كده..
أشكرك جدا أخي ناذر وبالمناسبة أنا حديث عهد بسودانيز أو لاين هذا المنبر الرائع الحر ولذلك سعدت بأن تفضلت بإبراز البوستات بتاعتي بس كان توريني بيعملوها كيف عشان المرة الجاية برضو أقدر أجيب باقي البوستات .. بعدين عرضنا لازال ساريا لمنحك قطعة أرض بتوتي مطلة على أحد شوارع الكبري بسعر خاص وما بقدر أقول ليك مجانا لأنو عرفت أنو المتر بقى بالشي الفلاني .. بس خليك معان وقول لعمر الفاروق سامحك الله على أنك أظهرت الكره لمعشوق ملايين السودانيين ناهيك عن أهل توتي الفنان حمد الريح ويبدو أن الخلل في أذنك وليس في حمد لك الشكر مجددا أخ ناذر وخلينا على إتصال وثق أن بتوتي رجال يستضاء بهم ولن يفرطوا في مصالحهم.
04-15-2008, 06:30 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: وقبال ما يوفروا قروش تمويل تانية الإنتفاضة قامت والحيوانات اكلت نيم لمدة عشرة سنوات تالية.
قرنتية هاشم صديق الشهيرة لم تأكل نيمها في ذلك الوقت وحاولت العبور بدون كوبري فكان مصيرها حفرة ضخمة وإنتهت في أمعاء آكلو لحوم القرنتي المسعورين في علايل أبو روف ..
04-15-2008, 06:32 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر تحياتى واهل توتى كلهم معك فى ان يتم تخطيط الجزيرةحتى تكون ملاذ لاهلنا فى السودان لتقضية اجمل الاوقات مع اهلنا الطيبين فى توتى الغالية ومهد الاجداد وهناك بوست مفتوح للاخ عمار محجوب زكى يمكن لاحباء توتى الدخول فيه لنتعرف على ارائهم عن مستقبل توتى
ومعك أتمنى أن يتم تخطيط الجزيرة التخطيط الامثل مع مراعاة الواجهة السياحية والجمالية فيها ..
تسلم ..
04-15-2008, 06:48 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الأخ العزيز ناذر محمد الخليفة سلامات .. توتى قلب السودان . توتى دى يا ناذر لو فى فهم سياحى فى السودان هى اجمل مكان فى الدنيا . توتى دهب . تخيل جزيرة بين اعظم نهرين فى العالم .. يا ناذر اورلاندو شنو التجى جمب توتى ؟ معتمد نايم .. سلام شديد
04-15-2008, 11:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: توتى قلب السودان . توتى دى يا ناذر لو فى فهم سياحى فى السودان هى اجمل مكان فى الدنيا . توتى دهب . تخيل جزيرة بين اعظم نهرين فى العالم .. يا ناذر اورلاندو شنو التجى جمب توتى ؟
وأخشى أن ننتبه لذلك بعد فوات الأوان ...!!
04-16-2008, 03:50 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الكبري مقدمة لتحول اجتماعي كبير في حياة سكان الجزيرة. و في تقديري المتنفذين يخططون لمصير مختلف للجزيرة. بتحويلها لمنطقة فنادق و مقاهي و ومطاعم. و لو نظرنا للموضوع من زاوية مشروع السنط المقابل في المقرن. و الدليل الجزء الثاني من الربط الحلقي متمثل في كبري توتي بحري كما يبدو في مجسم الاخ لؤي. ارجو ان يستفيد اهل توتي فائدة قصوى من تغير آت لا محالة.
و بالمناسبة أين وصلت اشغال مرحلة توتي بحري ؟ ام لم يبدا العمل فيها بعد؟ و اي جزء من بحري بالضبط سيكون الكبري؟
تحاياي و شكر موصول للاخ عبد الكريم و الاخ فرانكلي للسجال الهندسي و ياريت يواصلو.
04-17-2008, 03:34 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: و في تقديري المتنفذين يخططون لمصير مختلف للجزيرة. بتحويلها لمنطقة فنادق و مقاهي و ومطاعم.
حقيقة إتمنى ذلك من كل قلبي ..
Quote: ارجو ان يستفيد اهل توتي فائدة قصوى من تغير آت لا محالة.
وأنا هنا أدعوهم لقراءة كروتهم الرابحة التي يحملونها في أيديهم ، وأهمها ولاية الخرطوم هي التي تحتاج إليهم وهم لا يحتاجون إليها ، لذا فمن الافضل المساومة بهذه الكروت لخلق واقعاً ومستقبلاً أقضل لهم ولأبنائهم وأحفادهم من بعدهم ..
Quote: أين وصلت اشغال مرحلة توتي بحري ؟ ام لم يبدا العمل فيها بعد؟
سيبدأ العمل فيه بعد إنتهاء كبري الخرطوم توتي مباشرة ، وبعد أن ينتهي كوبري توتي بحري ستبدأ بإذن الله أشغال كبري توتي أمدرمان ..
شكرا ثروت ..
04-17-2008, 10:19 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
في خاتمة المطاف هنالك عدة نقاط وإقتراحات أقدمها للجنة المعنية بأمر توتي ..
*أصحاب الركشات والبكاسي الموجودة قبالة البنطون لإستقبال القادمين إلى الجزيرة ،، عليهم تقنين وضعهم قبل تدشين الكبري فعلياً ، والقصد أن يخاطبوا الجهات المعنية بعدم السماح لأي ركشات أو بكاسي أو وسائل نقل اخرى بالعمل داخل الجزيرة إلا تلك التي يمتلكها أبناء توتي وحدهم .. إذ أنني أخشى أن يجد هؤلاء أنفسهم دون عمل يذكر بعد إكتمال الكوبري الذي سيشهد دخول جميع السيارات خاصة أهل الجزيرة ، بما يعني فعلياً ألا حوجة كثيرة لوسائل مواصلات داخل الجزيرة اللهم إلى في حدود ضيقة لإيصال الزوار بعد أن يقطعوا الكوبري مشياً ..
ويا حبذا لو تم إعطاء أصحاب الركشات والبكاسي التي تعمل في المواصلات الداخلية لوحات أرقام خاصة بهم وإعادة تنظيم خط السير داخل الجزيرة وكل ذلك حتى لا تمتلئ توتي على حين غرة بألاف الركشات والامجادات للعمل بها في حين أن ما بالجزيرة من وسائل نقل تكفيها تماماً ..
* العمل منذ الآن على الإستعداد لتكريم ريس البنطون وجميع من تعاقب على مسئوليته وأيضاً سائقوا الزوارق والمراكب التي عملت حينا من الدهر دون كلل أو ملل في نقل وترحيل سكان الجزيرة وضيوفهم وزوارهم ..
* حصر سكاني دقيق وشامل لكل سكان توتي يشمل التعليم والإهتمامات وجميع المعلومات المهمة وذلك لمنحهم أولوية التوظيف والعمل في جزيرتهم في حال قبام مشاريع عقارية سياحية ضخمة بالجزيرة ..
(نواصل)
04-18-2008, 11:50 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
*قيام لجنة من أصحاب الزوارق للنظر في كيفية تجميلها وتهيأتها وتحديد مرسى جديد يتم إختياره كيما تتحول الزوارق لخدمة سياحية تعنى بحمل السياح والمتنزهون للنزهة حول الجزيرة وإلتقاط الصور التذكارية لمقرن النيلين والمعالم السياحية البارزة بالمنطقة ..
* الأولوية المطلقة لأهل وسكان الجزيرة في حال أردات الولاية التصديق بقيام سلسلة محلات عالمية (مطاعم ، متاجر ، توكيلات أخرى) ، من حيث التمليك والتوظيف ..
* النظر في إستبدال المحاصيل الحالية التي تنتجها الجزيرة لتواكب حالتها السياحية المتوقعة ، إذ يمكن إدخال منتوجات أخرى كالزهور العطرية والتي يفضلها السياح ، وأيضاً قيام ورش صغيرة تعني بصنع التذكارات الخشبية والجلدية من دروع ورسومات ونقوش جلها تتمحور في تاريخ وحاضر الجزيرة ..
04-18-2008, 11:55 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
هلا يا عريس وشايف الجمهور مطالب بمواصلة النقة في اعمدة الكباري وكدا مافي مانع بس كلم لينا مولانا ده يظهر ويبان وليهو الامان.... بس فتاوي ما معانا احنا ناس كنابو وكدا...
تحياتي يا ثروت والف تحية ومشتاقون والله..
04-18-2008, 07:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: أقترح على مجلس توتى أن يصـدر تشريعـا، يمنع بموجبه بيع أى أرض فى الجزيرة لمدة عشـرة سنوات.. وهـذا يشمل البيـع المؤرخ بعـد عشـر سنـوات، حتى يقطعوا الطريق أمام مضاربى العقارات.
كل ملكية فردية مصيرها الى شيوع وبالتالى الى بيع! قطعة مساحتها 200 متر مربع توفى المالك عن سبعة اولاد وثلاثة بنات! ماذا ستفعل بملكية 10 امتار مربعة! ابوالزهور اسماعيل الازهرى يغازل اهل توتى محرضا لهم بعدم قبول تعويضات: لقد حسدوكم فى طماطمكم كما حسدونى فى منزلى وكلكا تكلموا فيه زدته طابقا! توتى فى الخريف امراض عن اختلاط مياه النهر بالمراحيض وتكاثر الذباب بصورة فظيعة! توتى يمكن ان تتحول الى مزارع فواكه ملكية جماعية كشركات مساهمة! ناذر تحياتى جنى
04-19-2008, 05:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
العزيز ناذر تحية طيبة كبري توتي ذكرني نكتة قديمة زمن نميري قالو الحيوانات في جنينة الحيوانات دايرين يعملو جسر لتوتي عشان يزوروها وقامواجتمعو اول شي رشحو القرد.قام خاف وقال:ان شيشتي حمرا وخايف يقبضوني ناس الامن يقولو شيوعي..بعدين رشحو الزرافة ...قالت رقبتي طويلة بتشربك في اسلاك الكهرباء بتاعة القصر الجمهوري..اخيرا وافق الحمار انه يفاوض نميري..مشى يفاوض بعد عشرة سنوات من الانتظار جاهم مارق قالو ليه :خير..قال ليهم امر الكبري حسمناه من اول جلسة مفاوضات قبل تسعة سنوات ...ولكن الاختلاف بيننا ....هل يكون الجسر من الخرطوم لتوتي ام من توتي للخرطوم؟؟؟!!!!
هسه يا ناذر جاوب لي السؤال الفوق ده الجسر ده من الخرطوم لتوتي ام من توتي للخرطوم
04-23-2008, 05:19 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
هل سمعتم بجزيرة أسمها "القرصاية"؟ بالتاكيد أهل مصر وساكنيها يعرفونها جيدا . هي شبيهة بتوتي وتتوسط النيل . وهي الان مثار أزمة وجدل كثيف في مصر . فرأس المال "المتعجل الكسب" تفطن لموقعها ويراد لها أن تصير جزيرة سياحية عالمية !!! متى يفهمون أن الروح تلتصق بالثرى ؟؟ متى يدركون أن الحياة ذكرى جميل وجمال ننثره هنا وهناك ؟؟ متى يخلون بيننا وما تبقى لنا من قصاصات جميلة لم تمتد لها بعد يد المال "المتعجل" والسماسرة العظام "من العظم طبعا ما العظمة" ... توتي كوني كما أنتي مليئة بالدعاش والنسم العليل . واياك أن تموتي وتُميتي .
04-25-2008, 08:06 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
وأعذرني للخلط بينك وبين عزيز عيسى فقد كتبت ذلك من الذاكرة ..
Quote: توتي لا تحتمل أن تكون معبراً بين المدن الثلاث وذلك لسوء التخطبط فيها ولأستحالته كذلك ولأن الدولة لاتملك البديل ولا تعرض التعويض المناسب.. عموما الكبري ربما أراح أهالي توتي من العبارات والمعدية ولا عزاء للسيارات والركشات هي الرابحة فى أزقة توتي..
للأسف فإن عقلية ولاة أمورنا لم تجد لها شيئاً أفضل من أن تكون معبراً !!
Quote: !!! متى يفهمون أن الروح تلتصق بالثرى ؟؟ متى يدركون أن الحياة ذكرى جميل وجمال ننثره هنا وهناك ؟؟ متى يخلون بيننا وما تبقى لنا من قصاصات جميلة لم تمتد لها بعد يد المال "المتعجل" والسماسرة العظام "من العظم طبعا ما العظمة"
عجلة التطور والزمن تسحق كل من يعترض طريقها ..
والحل في التطوير ..
05-03-2008, 01:38 AM
ثروت سوار الدهب ثروت سوار الدهب
تاريخ التسجيل: 07-22-2003
مجموع المشاركات: 7533
Quote: وشايف الجمهور مطالب بمواصلة النقة في اعمدة الكباري وكدا مافي مانع بس كلم لينا مولانا ده يظهر ويبان وليهو الامان.... بس فتاوي ما معانا احنا ناس كنابو وكدا...
تحياتي يا ثروت والف تحية ومشتاقون والله..
غايتو الكبري دا لو انهار انشالله بعد الف سنة، سنحملك المسؤولية كاملة يا عبد الكريم
مشتاقون بدورنا
يا ناذر دايرن صور جديدة و معلومات جديدة ياخ قلت لي في كبري كمان توتي امرمان. الحكاية شنو؟
سوال هل اكتملت الطرق داخل الجزيزة لتسوعب الحركة القادمة من الخرطوم؟ هل هناك فكرة لطريق دائري على شط الجزيرة؟ 360 درجة كاملة كدا
تحاياي
05-03-2008, 04:24 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: لا أعتقد ذلك .. جزيرة توتي بها طريق مسفلت واحد فقط يبدأ من مرسى المعدية القديمة ويتوغل للداخل ..
ولكن بكل تأكيد هنالك خطط للمسئولين لإنشاء الطرق ..
هذا ما أتعشمه ..
عشمك نبيل و كذا اشاطرك العشم و هكذا يقول المنطق و اكاد اجزم يوم افتتاح الكبري ستشهد الجزيزة في وقت متازمن ما لم تشهده من قبل من بشر و مركبات. و مع ذلك لم يتزامن انشاء الكبري رصف و سفلتة طرق داخلية لتستوعب الانسياب. اي نوع من ذهنية فوضوية تلك التى احتكرت بلادي؟
والله يا ناذر نحن سعداء بهذا النقاش الحيوي الهام حول جزيرتنا توتي وحريصون على سماع الرأي والرأي الآخر والإتجاه المعاكس وأكثر من رأي وضيف المنتصف وزيارة خاصة وتحت المجهر والجزيرة منتصف اليوم ..
Quote: ولكن بكل تأكيد هنالك خطط للمسئولين لإنشاء الطرق ..
مع الأسف الشديد ليست هناك خطط للمسؤولين لإنشاء الطرق لأن هناك حلم لديهم بأن يبعدوا سكان توتي عنها وبيعها للمستثمرين دون مراعاة للحقوق التاريخية والأرث الحضاري والكيان الإجتماعي والثقافي في توتي الضاربة في عمق التاريخ أن تخطيط جزيرتنا هو عندنا أولى من الكبري ولايمثل الكبري بالنسبة لنا أولولية قبل التخطيط ولكن بلا شك فإن الجدوى تكتمل بأن يتم الكبري متزامنا مع التخطيط ولكن مع الأسف الأن يتم عمل كبرى دون أن يبدو في الأفق خطط لتنفيذ مشروع التخطيط على الأقل فتح شوارع تخدم الاهالي ولذلك فإن الأمر ينظر إليه بكثير من الريبة والشك وكأنه كبري الحق الذي أريد به الباطل إننا نطالب بالتخطيط قبل الكبري ولكن طالما الحكومة عملت الكبري خلاص نسوي شنو لكن عليها أن تخطط البلد على نحو يحافظ على كيانها الإجتماعي والثقافي والحضاري دون محاولات التفتيت والتشريد وكل شئ بالحق وبالعقل دعونا نفتح حوارا هادئا حول مستقبل الجزيرة بعد الكبري .. الشكر لكل المشاركين في هذا الحوار الحيوى الحر والجميل وإلى لقاء قريب ..
عمار محجوب محمد زكي من أبناء جزيرة توتي
05-05-2008, 04:28 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: اكاد اجزم يوم افتتاح الكبري ستشهد الجزيزة في وقت متازمن ما لم تشهده من قبل من بشر و مركبات.
الشودانيين وبحكم ضيق أماكن الترفيه وضآلتها صار يتملكهم الفضول والبحث عن الجديد لتمضية الفراغ وأوقات الملل ..
عند إفتتاح كبري النيل الابيض الجديد ..تكدس وفاض بالكتل البشرية والحديدية الذين إجتزبهم الفضول فقط ، وذات الحال عند إفتتاح كوبري المك نمر ومجمع عفراء ..
الجميع يجذبهم الفضول في الأسابيع الاولى وهي أسابيع الإزدحام والخطر ..
05-05-2008, 04:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
اذا لم تشرع هذه السلطة المجنونة في افتراع و تشيد طرق داخل الجزيزة يكون صدق حدسي بانهم يخططون لتفريغها و تحويلها لغرض اضحى واضحا بربطها بثلاث كباري لمدن العاصمة. و لذلك نقول على اهالي الجزيرة توحيد خطتهم التفاوضية و التماسك لانقاذ ما يمكن انقاذه و الخروج باحسن العروض.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
معتصم محمد صالح
عمر الفاروق
لؤى
الطيب شيقوق
عزيز
عبدالكريم الامين احمد
غباشي
يسرى معتصم
ALazhary2
Siddig A. Omer
Frankly
Abureesh
Kamal Seddiq
اسعد الريفى
Osman Musa
د.محمد حسن
jini
adil amin
عصام عبد الحفيظ
فيس بوك
تويتر
انستقرام
يوتيوب
بنتيريست