يا أخوانا حصل سمعتو سيف الجامعة وهو بيغني عازة في هواك ؟!!

Quote: ناذر عليك الله سمعنا باقي سيف دها غناي

Quote: أها دي أنا سمعتها رأيك شنو؟

Quote: سيف الجامعة من ناحية غناى غناى من ناحية الصوت سمح سمح بس تقول شنو؟

Quote: ناذر..أنا سمعتو بغنى :آمنة فى هواك !! حصل شفت عيونك فى ساقين زول ?? حصل شفت ليك زول بتضارا من النسيم ?? يا مان ..إنعل أبو الرقة زاتو ياخ !!

ممنوع اللعب والتحريف في غنيات سيف الجامعة دا

Quote: ياخى عازه كل ما اسمعها كأنى اسمعها اول مره...

Quote: الله عليك يا ناذر وعلى سيف الجامعة . أطربتنا وأمتعتنا مع هذا الصباح الكئيب . لك التحية ولسيف القومة .

Quote: لا لا لا .. اول مرة اسمعه من سيف ..الاغنيه زي الليل وسيف الجامعه رائع

Quote: علي كيفو يا حبا!!!!

دا الكلام القلناهو ليكم المرة الفاتت

Quote: فى المواقف الما فنانة المهم قولو لى الزول دة يغنى بس يبطل حكاية يوم حكومة ويوم سادن ويوم معارض يغنى يخلى الناس تسمع ان ما قادر يثبت على موقف يغنى بس.

Quote: في نقاش مع احد الاخوة الاثيوبيين تطرقنا الي هذه الاغنية وقلت له انها اغنية سودانية ولكنه اصر علي انها اغنية اثيوبية وهذا يقودنا الي السؤال ايهما اقدم عازتنا ولا عازتم والسؤال موجه

Quote: الرجل الفنان / ناذر محمد الخليفه .. يأخى لأنك راجل جميل وتستنبط الجمال أينما كان ، لذلك أراك تبحث دائما عن الجديد وتكون فى مواضع الجمال ، أتابعك دوما .. فهذه متعه بحق ...

Quote: وأجمل مافى أدائه .. اللونيه الهادئه الذى يتميز بها وإعطاء الكلمات حقها فى إظهار المعانى ، ولأن كلمات هذه الأغنية الوطنيه والتى هى بمثابة النشيد الوطنى قويه وبليغه ولا تحتاج الى معالجه لفظيه بقدر المعالجه الفنيه الإبداعيه الموسيقيه صوتا وآداء فجاءت مفصلة تماما عند سيف الجامعه، متوافقه مع لحنها الخالد .. ... رائع .. بكل ما تحمله هذه الكلمه من معنى .. رائع بكل المقاييس ...

إذا كان هذا حديثك في عزة فمن الافضل لك أن تجهز عبارت ذهول أخرى عندما تستمع معي لرائعة العطبراوي (أنا سوداني ) بصوت سيف الجامعة عندما أدشنها في المنبر بعد قليل ..

Quote: ولأنك خدمتنا بإنزالها هنا فأكون شاكر لو تكرمت بلنك الحفظ

Quote: كدة يا فنان بتنسف دور الفنان وبتفرغ عقل الفنان من اى موقف حياتى وبتحدد بان يكون الفنان يطوع صوتة للمتعة والتطريب فقط لاى شخص وفى اى مكان وبى كدة ممكن يقول اى حاجة .

Quote: بخوص ما إذا كانت أغنية عازة سودانية أم أثيوبية .. فلست ضمن المتخصصين وأنا أقدم بعض التوضيحات المتواضعة بشأن ذلك, عازة سودانية لحمآ ودمآ, في الكلمات وفي اللحن وفي الآداء.. ولكل واحد من التلاتة ديل قصة طويلة قائمة بذاتها.. والمجال يضيق إذا أسهبنا ولكن المهم أن الشاعر والملحن والمطرب واحد, هو فنان الوطن الخالد خليل فرح ,وقد كتب كلماتها تحت إشتداد المرض الذي سوف يفتك بروحه, بعد فترة بسيطة من تسجيله للأغنية بصوته وهو بالقاهرة طلبآ للعلاج ,وكان في كتابته لكلماتها يرثي نفسه ويعزيها ملتاعآ وهو يودع ربوع وطن لطالما اشتاق لرؤيته, وهو يرتقي الآفاق بعد خلاصه من نير مستعمر جاثم على صدره..وقد إستنبط مقدمة اللحن من صبية (دارفورية)! كانت تغني كلمات , بلحن طوره فيما بعد عازف موسيقي في جيش الزبير باشا, وعرف اللحن فيما بعد بمارش ود الشريفي, وفي مصر تقول الروايات أن خليل فرح إتفق مع الفنان كرومة ان يسجلها بصوته عندما تصادف وجوده بالقاهرة أيضآ.. ولسبب غير معروف غادر كرومة للسودان دون تسجيل الأغنية.. فاضطر الخليل لتسجيلها بصوته!. الأثيوبيون عمومآ أقرب للسودانيين ,من جميع شعوب القارة وحبهم للموسيقى والغناء السوداني يجري في عروقهم, كما السودانيين بالنسبة للغناء الإثيوبي أيضآ, وقد غنى كثير من المطربين الإثيوبين والسودانيين أغنيات لبعضهما البعض , وربما من هنا جاء الإعتقاد أن أغنية عازة إثيوبية!..تلهون فنان إثيوبي يمتلك صوتآ طروبآ مكنه من آداء أغنية الخليل بشكل عذب..أيضآ أرى أن آداء سيف الجامعة فيه تطريب ممتاز وهو يؤدي الأغنية..عمومآ فالتدم الصداقة بين الشعبين السوداني والإثيوبي ,مع تحياتي لأخونا ناذر

Quote: عازة في هواك عازا نحن الجبال وللبخوض صفاك عازا نحن النبال عازة ما بنوم الليل محــــال وبحسب النجوم فوق الرحال خلقة الزاد كمل وأنا حالي حال متين أعود أشوف ظبياتنا الكحال عازة ما سليت وطن الجمــال ولا أبتغيت بديل غير الكمــال *** وقلبي لي سواك ما شفتو مال خذيني باليمين وانا راقد شمال عازة ما نسيت جنــة بلال وملعب الشباب تحت الظلال ونحن كالزهور فوق التلال نتشابي للنجوم وانا ضافر الهلال عازة جسمي صار زي الخلال وحظي في الركاب صابه الكلال وقلبي لسه ما عرف الملال أظنه ود قبيل وكريم الخلال عازة ما أشتهيت نوم الحجال ولا السوار بكي في يمينا جال وعازة في الفريق لي ضيق مجال قبيلة بت قبيل ملأ الكون رجال *** عازة شفت كيف نهض العيال جددوا القديم تركوا الخيال روحك أم سماح سري كالسيال شجوا الفؤاد حيوا محسور الليال عازة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدى كل يوم عظمة ازداد جلال *** عازة في حذا الخرطوم قبال وعازة من جنان شمبات حبال وعازة لي ربوع ام در جبال وعازة في الفؤاد دوا يشفي الوبال

Quote: يطرشنا.. أنا سمعتها عند محمد خير الله..

Quote: سورى انا اقصد اغنية وردى قول لى سيف لو غنيت لى وردى بتودر روحك