|
دعواتكم لزميلنا المفكر د.الباقر العفيف بالشفاء العاجل
|
|
 Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
عشان الناس البيقولوا ليك : يا فلان عندنا واحد قريبنا في الحراسة ودايرينك تضمنو لينا ؟!
وعشان القانون العجيب بتاع الضمانات دا .. انت تكون ساكن في السجانة وتقوم تعمل ليك حادث بي عربيتك في السروراب ..! في الاجراءات يقوم كدة الضابط يقول ليك .. جيب زول يضمنك من دائرة الأختصاص !!
كيفن يعني ؟!
أنا عندي زول بيضمني لكن ما ساكن هنا وبطاقتو الشخصية عندو والرقم الوطني عندو وبياناتو مكتملة .. ما بينفع ؟!
الضابط يقول ليك والله ما بينفع جيب واحد ساكن المنطقة دي أو تقعد في السجن لحدي نهاية الاجراءات ؟!
معقولة بس !! أنا السروراب قول ما بعرف فيها زول .. جيت ماري بيها بالصدفة من وين أجيب زول يعني ؟!
فتلقى روحك بتآذن في مالطا وتبيت في السجن لحدي ما تنتهي الأجراءات ..
وطبعا اي زول عارف الاجراءات بتاخد كم وبتنتهي متين ..!!
| |
 
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
Quote: معقولة بس !! أنا السروراب قول ما بعرف فيها زول .. جيت ماري بيها بالصدفة من وين أجيب زول يعني ؟!
|
أقعد في نمرة 3 و ما تتحرك شبر!!
واحد حلفاوي لذيذ قال لي عندنا واحد كل يوم يجي بعدما يضرب الجرس ، الناظر رسل لي ابوهو ، ابوهو راجل كبيير ، جا المدرسة الناظر قال ليهو: ولدك دا كل يوم يجي بعد ما نضرب الجرس ، عمك رد على الناظر: و تيب مالو؟ انتظر هو يجي بعدين ادرب الجرس.
كل زول يقعد محل ما بعرف ليهو زول..ابداعات حكومية!
ناذر تحياتي
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: الحاج حمد الحاج)
|
تحياتي ياناذر ..........
شرط إقامة الضامن بدائرة الاختصاص (شرط عرفي) وليس قانوني !!!
قانون الاجراءات الجنائية لسنة 1991م نظم في المواد (105 - 116) إجراءات الافراج بالضمانة وشروطها
وليس من بينها شرط إقامة الضامن بدائرة اختصاص القسم محل الاجراءات أو البلاغ !!! زمان ولصعوبة المواصلات
والاتصالات كان لهذا الشرط العرفي شيء من الوجاهة انتفت الأن مع ثورة الاتصالات وتوفر وسائل الحركة والنقل
واضيف الى ذلك شرط عرفي أخر (عدم القبول بالمرأة كضامن) برضو ده ما عندو اى اساس من القانون !!!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: omer osman)
|
ابو جوان ..
| Quote: مالو الرقم الوطنى ياناذر ؟ |
حمدلا على سلامة الرقم الطلعتو ..
لكن ما تقشر بيهو شديد .. أنحنا السودانيين بتدفعنا الطيبة لي حاجات غريبة حا أحكي عنها بعد شوية .. زي يضرب ليك واحد صحبك سنين ما قابلتو يقول ليك دايرك في خدمة .. في واحد صاحبي واقع في مشكلة .. طعن ليهو زول بالسكين وهسي هو في الحراسة دايرين لينا زول يضمنو من دائرة الاختصاص .. يا ريتك كان ضمنتو لينا ..!!
تقع في ورطة .. أنت ما بتعرف الزول الساجننو دا وماعارف ليهو سالفة ولا عارف بليتم وين .. أها تعمل شنو ؟
غايتو طيبة السودانين وسزاجتم بتخليهم في كتير من الأحايين يلفحو عمتم ومركوبم ويجو القسم يضمنو الزول يطلعوهو .. أها لمن يجي يوم المحكمة بتقع الكارثة .. زولك ما بتلقاهو .. وصحبك تلفونو قافلو .. وتلقى روحك مهدد بي اسبوعين سجن وغرمة عشرين مليون سوداني حسب القانون ..
ولا شنو يا جنابو عمر عثمان ؟ دا الكلام القالوا لي الضابط .. كلامو صحي ولا داير يهرشني ساي !!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: omer osman)
|
خالد عبد الوهاب ..
Quote: لا دقيقة
حتى لو عربيتك مؤمنة برضو بقبضوك ويختوك في الحراسة لمن تكتمل الاجراءات ؟!!
الاجراءات دي شنو هي ؟؟
|
جيتني لحدي عندي ..
واحد صاجبنا رحل من الحلة بدري سكن الحاج يوسف .. ما بشوفو الا صدف في السنة مرتين ولا تلاتة .. قبل كم يوم بالليل ضرب لي أخوهو قال لي صحبك فلان دا عمل حادث بي عربية امجاد .. شرب ليهو زول سائق موتر وهسي هو جمبكم في الحراسة ومنتظرين تقرير من المستشفى وبعد داك دايرين زول يضمنو من المنطقة عشان يطلع عندك بطاقة شخصية ؟!
طوالي من غير أي تفكير قلت ليهو .. لا لا ما عندي ما حصل طلعتها لأنو الرخصة بتغنيني عنها ..!
قال لي طيب الرخصة بتضمنو ؟ قلت ليهو المهنة في الرخصة عندي طالب والطالب ما بيضمن . (أنا بعد داك عرفت انو الرخصة زاتا ما بتضمن حتى لو كنت شغال اي حاجة تانية) ..!
قال لي طيب الحل شنو ؟ قلت ليهو أنا بتصرف ..!
وفعلا اتصرفت طلعت البيت غشيت دكان عمك عبد الوهاب ظبطت ليهو سنتدوتشات وبارد وكيس صعوط ومشيت ليهو ... سلمت عليهو وكفرت ليهو واديتو البتاعات دي وجيت راجع ..!
بس !!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
هلا جنابو ..
Quote: تحياتي ياناذر ..........
شرط إقامة الضامن بدائرة الاختصاص (شرط عرفي) وليس قانوني !!!
قانون الاجراءات الجنائية لسنة 1991م نظم في المواد (105 - 116) إجراءات الافراج بالضمانة وشروطها
وليس من بينها شرط إقامة الضامن بدائرة اختصاص القسم محل الاجراءات أو البلاغ !! |
وشكرا للثقافة القانونية لكن حصل لي موقف غريب قبل شهر تقريبا ..
حصلت سرقة كبيرة في شركة صرافة وتم قبض عدد من المشتبه بهم .. من ضمنهم واحد بيهم الأسرة جدا تم تكليفي بضمانتة الشخص دا بعد اكتمال كل الاجراءات .. شلت ما يلزم ومشيت القسم (قسم امتداد الدرجة التالتة للمعلومية) .. لقيت الضابط عندو راي تاني .. شاف البطاقة وسألني ساكن وين ؟ قلت ليهو ساكن في الخرطوم 3 .. رجع لي البطاقة وقال لي أنت بعيد من دائرة اختصاص القسم .. دايرين زول من العمارات أو نمرة اتني أو حي الزهور !!
طبعا استغربت ! ووريتو كمية من البطاقات التانية لكن هو رفض ..!!
احترت ! ضربت لي واحد صحبي من سكان نمرة اتنين ووريتو الحاصل .. قال لي ما مشكلة أنا بجي عليك وأضمن زولك .. اتأخر ضربت ليهو لقيتو قفل تلفونو وكب الزوغة (طبعا دا هو التصرف الصاح ، ذنبو شنو يضمن زول ما بيعرفو في قضية سرقة ؟!) ، المحامي قال لي الضابط القال ليك كدة صعب شوية .. هسي حا يتغير والبعديهو زول طيب وبيقبل بطاقتك !!فعلا الضابط اتغير والبعديهو قبل بطاقتي بعد ما وراني عواقب ضمانتي ومنها الغرامة العشرين مليون دي !!
ومنها عرفت انو فعلا الشرط دا عرفي وبيرجع لي تقدير الضابط المناوب !!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: Munir)
|
يا ناذر حتى لو شركه التأمين حقتكم ما بتحلك انا مؤمن شامل طسيت لى خطر فى شمال امدرمان بيتونى فى الحراسه رغم انو راكب معاى واحد عندو بطاقه شخصيه الكلام ده قبل سنه تقريباً الوكت داك لسه الرقم الوطنى ده ابوهو ما لاقى امو ....!
حكايتكم شنو يا زول انت مع الاقسام دى ..... ياخى مفروض من قصه الجريو ديك تانى جمب القسم ما تجى ....!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: سامى عبد المطلب)
|
| Quote: سلامات ناذر .. مواضيعك دائماً حيوية . |
ناذر راجل ظريف فعلا......
موضوع ضمانة المرأة غير مقبول ...عرفيا؟؟
تخيل انك لا قدر الله عملت حادث وطلبت مثلا ..دينا خالد تضمنك، بحكم زمالة البورد وكدا، ... واختنا ما قصرت مشت القسم على طول وقدمت البطاقة والضابط رفض الضمان ...لو تتخيل باقي المشهد!
غايتو من الناحية الاجتماعية في سوداننا الحبيب فداؤه النفوس بعض الناس ممكن يقول: انسجن احسن ...ولا تضمني انتاية
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: سامى عبد المطلب)
|
يعني يا ناذر ناس الأقاليم البيكون زوار للخرطوم وحدث ليهم حادث مروري يجيبوا الضامن من مقارهم ويتكفلون بقيمة التذاكر ذهابا وعودة مع تأمين السكن والمعيشة ، يعني حادث وخراب جيب .
أسمع يا ناذر يا جاري في مربع (19) بالرغم من إستخراجي للرقم الوطني إلا أنه ( ما عندي رقم وطني ) وبلغ جماعتي الساكنيين قبال شريط السكة حديد، ما يجيني زول ،،، يعني كده أكب الزوقة . هههههههههه
والله يا النيز مواضعيك ظريفــــــــــــة
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: عصام علي أحمد)
|
| Quote: انت تكون ساكن في السجانة وتقوم تعمل ليك حادث بي عربيتك في السروراب |
انت البوديك السروراب شنو لو عاوز تتفسح او تفسح عربيتك سوبا دي مالا ! عيبا لي ! شوارعها واسعات واحسن من بتاعات السروراب المكسرات ديلاك
وبعدين كيفن انت ما ساكن حي الزهور ؟؟؟؟؟؟؟؟؟؟؟؟؟؟
وحات الله في زول/ة قال/ ت لي كل يوم بشوفو مارق بهنا وانا كمان ختيت في بالي وبكل براءة انك رحلت
بالله سلم لي علي ود الشيخ سلام شديد رغم انو ونسته باردة
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ملهم كردفان)
|
Quote:
عشان الناس البيقولوا ليك : يا فلان عندنا واحد قريبنا في الحراسة ودايرينك تضمنو لينا ؟!
وعشان القانون العجيب بتاع الضمانات دا .. انت تكون ساكن في السجانة وتقوم تعمل ليك حادث بي عربيتك في السروراب ..! في الاجراءات يقوم كدة الضابط يقول ليك .. جيب زول يضمنك من دائرة الأختصاص !!
كيفن يعني ؟!
أنا عندي زول بيضمني لكن ما ساكن هنا وبطاقتو الشخصية عندو والرقم الوطني عندو وبياناتو مكتملة .. ما بينفع ؟!
الضابط يقول ليك والله ما بينفع جيب واحد ساكن المنطقة دي أو تقعد في السجن لحدي نهاية الاجراءات ؟!
معقولة بس !! أنا السروراب قول ما بعرف فيها زول .. جيت ماري بيها بالصدفة من وين أجيب زول يعني ؟!
فتلقى روحك بتآذن في مالطا وتبيت في السجن لحدي ما تنتهي الأجراءات ..
وطبعا اي زول عارف الاجراءات بتاخد كم وبتنتهي متين ..!! |
حبيبنا نازر ده .....الدوله البوليسيه الجديده كده ...اسم الامن يختفي ....تظهر مصطلحات جديده للامن..واجراءت جديده لشخصيه المواطن..الامنيه.
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: المسافر)
|
هلا منير ..
Quote: سلامات ناذر .. مواضيعك دائماً حيوية .. لكين جننت أبوالريش جن .. :)
والله يا جنابو عمرعثمان إنت زول متفرِّد .. متي ما برز شأن بوليسي تجي ناطي بالنجيضة .. صدق زميلك القال لي إنك كنت أول الدفعة في الكلية .. |
تسلم يا حبيب .. وعمر عثمان زول فارس ذو فراسة .. قريت بوست خالد عبيد لما جا لي عمر في المكتبة ؟ خالد عبيد هيئتو متغيرة وعمرو ما شاف عمر ولا عمر شافو لكن لما جا داخل عليهو طوالي عمرعرفو وسلم عليهو بي اسمو ..!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: المسافر)
|
سلام بركات ..
Quote: موضوع ضمانة المرأة غير مقبول ...عرفيا؟؟
تخيل انك لا قدر الله عملت حادث وطلبت مثلا ..دينا خالد تضمنك، بحكم زمالة البورد وكدا، ... واختنا ما قصرت مشت القسم على طول وقدمت البطاقة والضابط رفض الضمان ...لو تتخيل باقي المشهد!
|
فعلا قصة رفض ضمانة المرأة دا غريب شوية ..
| Quote: غايتو من الناحية الاجتماعية في سوداننا الحبيب فداؤه النفوس بعض الناس ممكن يقول: انسجن احسن ...ولا تضمني انتاية |
هههههههههه
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: المسافر)
|
ولياب كيفك ..
| Quote: يعني يا ناذر ناس الأقاليم البيكون زوار للخرطوم وحدث ليهم حادث مروري يجيبوا الضامن من مقارهم ويتكفلون بقيمة التذاكر ذهابا وعودة مع تأمين السكن والمعيشة ، يعني حادث وخراب جيب |
انت الظاهر عمرك ما عملت حادث وما دخلت قسم .. لانو تشابه عليك الاختساص في حتة دائرة الاختصاص دي ..!
المقصود تجيب ضامن من الحتة البلاغ المفتوح فيها ..او من الحتة القسم البيتبع ليها .. يعني عملت حادث في شارع الحرية معناها بلاغك في القسم الأوسط وتجيب ضامن يكون ساكن في المنطقة البيتبع ليها القسم زي السجانة أو الاشلاق وكدة ..!
Quote: أسمع يا ناذر يا جاري في مربع (19) بالرغم من إستخراجي للرقم الوطني إلا أنه ( ما عندي رقم وطني ) وبلغ جماعتي الساكنيين قبال شريط السكة حديد، ما يجيني زول ،،، يعني كده أكب الزوقة . هههههههههه
|
دا الكلام الصاح .. والرقم الوطني زاتو لو طلعتو وسألوك مهنتك شنو قول ليهم طالب عشان ما ينفع للضمانة وكدة ..!!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: المسافر)
|
هلا الزبير ..
Quote: وبعدين كيفن انت ما ساكن حي الزهور ؟؟؟؟؟؟؟؟؟؟؟؟؟؟
وحات الله في زول/ة قال/ ت لي كل يوم بشوفو مارق بهنا وانا كمان ختيت في بالي وبكل براءة انك رحلت
|
ههههههه زولك\تك ضللك\لتك ..! الحكاية بقت مخففة شديد لكن أهلك ما بيريحوني كل يوم والتاني تلفون : الموية كسرت تعال صلحا- جيب لينا سباك - الموتور صلحوهو تعال أدفع نجيب واحد جديد - جيب لينا لمبات للممر ..بتاع المعهد فاتح بلاغ تعال اتفاهم معاهو..، أها الواحد لمن يجي بي هناك بياخد ليهو إنجامامة انجمامتين وبكون عطشان داير جغمة جغمتين ..!
| Quote: بالله سلم لي علي ود الشيخ سلام شديد رغم انو ونسته باردة |
هههههههه ود الشيخ بقىت كل ما اقابلو أقول ليهو خلاص جيت لي (برودك) ..!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
كيفك محمد كمال ..
Quote: كل يوم بيمر علينا بيورينا جمال السودان ... يا مثبت العقل و الدين يا الله .... اها انا من دربي دا ماشي اقطع الرقم الوطني و البطاقة الشخصية و الرخصة و شهادة الميلاد و بطاقة الصراف الالي و شهادة الجامعة .. اصلو البلد دي ما مضمونة ... بس ح اطلع شهادة وفاة و امسك فيها قوي ... الله يرحمو كان راجل فقري ... سلام استاذ ناذر و اصحابك
|
في حتة شهادة الوفاة الجماعة مفتحين .. طوالي حا يقولوا ليك أثبت لينا انك ميت ! ويكونوا جادين في السؤال فلازم تمشي لي أقرب دكتور يطلع ليك شهادة (دقات قلب) أو شهادة (عدم ممانعة تنفس) حتين يقتنعوا ..!
واحد في الحلة سجمان ورمدان وعلى العليهو وقع في مشكلة جابوهو شاهد القاضي قال ليهو ادينا بطاقتك الشخصية : عاين للقاضي وقال ليهو : يا مولانا هي وينا دي الشخصية اليطلعوا ليها بطاقة ..!!!
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
Quote: واحد في الحلة سجمان ورمدان وعلى العليهو وقع في مشكلة جابوهو شاهد القاضي قال ليهو ادينا بطاقتك الشخصية : عاين للقاضي
وقال ليهو : يا مولانا هي وينا دي الشخصية اليطلعوا ليها بطاقة ..!!! |
تواضع شديد :)
اهم صفة في المنظمات الحديثة المواكبة المرونة ! ..
من ما تلقى امشي وتعال وما مطابق وده ناقص , ودائرة الاختصاص !! ,, وما بنعتمد الا الامضاء دا ..
اذكر القرن الماضي والديناصور والروتين والبروقراطية ..
الادارة عيب السودان القاتل ..
ناذر يا رائع مشتاقين والله ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ملهم كردفان)
|
يعنى الواحد لو طالع من بيتهم لازم يعمل خارطة طريق وفيها تضمن مرورك بكل الاحياء
التى يتوفر لك فيها ضامن لاى طارئ
................................................
يا جماعة الخير الحكومة فكرت وقدرت فى توفير حلول لمشكلة العطالة , وهداها تفكيرها
لخلق وظائف ضامنين اصحاب اختصاص , وأهو برضو يكونوا حلوا مشاكل العطالة , و
ضمنوا موارد للجيوب , اقصد للخزينة من ضرائب لزكاة لرسوم محليات وتراخيص ... الخ .
واذا كتب للحكاية النجاح فستحشر المواصفات والمقاييس والدمغات إياها والمصنفات , وهلم جرا.
| |
|
|
|
|
|
|
|
|
|
Re: يا جماعة النصيحة لله : اياكم واستخراج البطاقة الشخصية أو الرقم الو (Re: ناذر محمد الخليفة)
|
سلام ياناذر
في السودان ممكن تمشي بدون اي حاجة لا جنسية ولا بطاقة وكل شئ بمشي برضو
لكن المشكلة بقت انو الرقم الوطني مربوط بي اي شئ في البلد .. البنك اول شئ ..
والشئ التاني حصل معاي قبل 8 او 9 شهور .. مشيت مرور الخرطوم بقرب سباق الخيل عشان اجدد ترخيص العربية
ولقيت ليك ضابط لئيم كيف .. وكنت ناسي الرقم الوطني ومامعاي الا الرخصة وبطاقة المهنة .. وزولك وقف دود فيه
ولامن قلت كدي النستخدم كرت المهنة زاد زيادة التقول محرش علي 
وكتب لي في وثيقة التامين بالقلم الاحمر بخط كبير(لايقبل بدون الرقم الوطني)
واضطريت للمعارف والتلفونات دورت واتحلت بس .. تنبيه للجميع لانو بقي مهم في الترخيص !!
مع ودي
واحترامي
| |
|
|
|
|
|
|
| |
ناذر محمد الخليفة
مزمل خيرى
محمد بابكر محمد
سامى عبد المطلب
Abureesh
الحاج حمد الحاج
omer osman
Munir
ولياب
عماد الشبلي
عصام علي أحمد
الزبير صالح الزبير
ملهم كردفان
المسافر
Mohamed E. Seliaman
شهاب الفاتح عثمان
محمد عوض السيد
فيس بوك
تويتر
انستقرام
يوتيوب
بنتيريست