|
دعواتكم لزميلنا المفكر د.الباقر العفيف بالشفاء العاجل
|
|
 Re: من هو البوردابي اليساري الذي إنضم للمؤتمر الوطني مؤخراً ؟!! (Re: عمر صديق)
|
سلام عمر ..
| Quote: ياخ ما كان تصبر شوية لحدي ما يجي بيناوي الاسبوع القادم ويرش المناضلين ديل !!!!!!! |
يعني الخبر صحيح !!
وهو جاي مالو قايم سداري كدة طوالي داير يرش ؟!!
خليهو يقعد في المقعد المثلث شوية كدة ويرجع البدال حركة ورا وما يتشنج !!
البيجي قايم سداري في المنبر دا واحدة من إتنين :
يا زاد الدواس في البدالات وجا طاير فاكي الزراير من غير يعمل حسابو يقوم يفوت ويطلع بي هناك !!
يا كمان داس بالغلط على فرملة اللستك القدام وإتنفنقل !!
في واحدة تالتة :
يا كمان ما حسبا صاح ومقعد العجلة المثلث يشوف شغلو معاهو !!
| |
 
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: osman righeem)
|
سلام عثمان رغيم ..
Quote: قاليك يساري يا ناذر
يعني شايت في شارع المك نمر نواحي جوته وحليوه
و من لف لفهم
كيفك ناذر |
معليش يا عثمان .. تشابه علي البقر ..
علا بدور أسألك :
في بوست لي ياسر بيناوي أقر إنو جا تاني الطيش في إنتخابات المجلس الوطني الأخيرة في محلية الدامر ..!
دحن بعد ما إنضم للجماعة ديل : باقيلك ناس دائرتو هناك الإنتخابات الجاية بيجيبوهو الأول ؟!
ولا كمان يجيبوهو المرة دي الطيش عدييييييل !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: ناذر محمد الخليفة)
|
Quote: علا بدور أسألك :
في بوست لي ياسر بيناوي أقر إنو جا تاني الطيش في إنتخابات المجلس الوطني الأخيرة في محلية الدامر ..!
دحن بعد ما إنضم للجماعة ديل : باقيلك ناس دائرتو هناك الإنتخابات الجاية بيجيبوهو الأول ؟!
ولا كمان يجيبوهو المرة دي الطيش عدييييييل |
عارف يا ناذر اسمع القصة دي
قاليك واحد نزل ضيف علي قريبه و لمن المضيف اتضايق
سأل الضيف انت حتسافر متين ؟؟؟ فأجاب الضيف وقال
شوف بعد بكره الصبح انت عبي لي جرابي ده تمر و الجراب التاني
جرم و الجراب التالت دخن وبقوم اسافر
صاحب الدار قاليهو ان شاء الله بعد بكره الصباح لا انا لا انت
ما نصبح فيها
اها لحدي الانتخابات الجاية ان شاء الله لا ياسر لا المؤتمر ما يصبحو فيها
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: Balla Musa)
|
عثمان :
Quote: عارف يا ناذر اسمع القصة دي
قاليك واحد نزل ضيف علي قريبه و لمن المضيف اتضايق
سأل الضيف انت حتسافر متين ؟؟؟ فأجاب الضيف وقال
شوف بعد بكره الصبح انت عبي لي جرابي ده تمر و الجراب التاني
جرم و الجراب التالت دخن وبقوم اسافر
صاحب الدار قاليهو ان شاء الله بعد بكره الصباح لا انا لا انت
ما نصبح فيها
اها لحدي الانتخابات الجاية ان شاء الله لا ياسر لا المؤتمر ما يصبحو فيها |
ههههههههههه
كدة ياسر بيكون دقس ف مساعد ما دقسا ..!!
طبعا سيف مساعد إتحول من الحزب الإتحادي وإتسجل للعدل والمساوة في واحدة من مواسم فك التسجيلات الفاتت !!
مش كدة ولا أنا غلطان ؟!!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: ناذر محمد الخليفة)
|
والله ياناذر ياخوي بوستيك ذكرني بواحد كده عضو معانا في المنبر إسمو مين كده عنان؛
اول يوم جا داخل المنبر ده قبقبني ليك قبقبة شديدة خلاص؛
ولمّ فيني ياكوز ويابتاع الغنم وعووك وعاك ؛
قرّبت اخلي ليهو المنبر
وبعد شوية ايام الانتخابات قام اتنازل من دائرتو في الشمالية لصالح المؤتمر الوطني؛
طوالي جيت ليقيتو عامل بوست توضيحي ؛لميت ليك فيهو وخِلصت منو حق قبقبتي
وبعدين قلت ليهو مرحب بيك في البتاع الوطني.
اها ياسر اخونا ده راجل طيبان وما حصلت احتكيت معاهو في بوست.
فمن قولت تيت :مرحب بيهو في البتاع الوطني.
________
تحياتي؛؛؛
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: نادية عثمان)
|
بشير أحمد ..
التاريخ يعيد نفسو الظاهر .. شوف كلام أم النسب ..
| Quote: لما جا شتمني بدون سبب كان عامل مرحلة انتقاليه من اليسار لليمين ولا كيف؟؟؟؟ |
حلوة مرحلة إنتقالية دي ههههههه
لكن أنصحك ما تردي ليهو الشتيمة .. الزول دا بقت إيدو لاحقة هسي يقوم يشكل ليك فولترون مع ناس ود الباوقة والجماعة ديلاك يكرهوك قعاد المنبر دا ههههههههه
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: سفيان بشير نابرى)
|
ياجماعة كدي رسونا علي بر
بيناوي بقي موتمر وطني..؟؟
معقولة
علي اي حال لو القصة بقت معقولة ادونا خبر لاني عندي كركبة جاااهزة مع الزول ده
كل مرة يشبكني يا خليل وانا اقول لييه يا زول انا كيكي
وتاني مرة برضو يجيني في بوست ويقول لي شكرا علي مرورك يا خليل
وبرضو اقول ليهو انا كيكي يا وريف..
فعليه وطالما الزول ده مصر علي حكاية اني خليل وبقي موتمر وطني فعليه اثبات (اني انا وخليل شخصية وااحدة)
والا يطلعنو كرعينو من المنبر ده
-------------
اتخيل لي ناس الموتمر الوطني فاكيين الموضوع ده جاكات ساكت
لانو ما باقي لي زول كده عندو مخيخ ايمن ومخيخ ايسر ينضم للموتمر الوطني اليومين دي
مع كركبات موووية بري والحلفاية دي
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: بشير أحمد)
|
Quote:
لكن أنصحك ما تردي ليهو الشتيمة .. الزول دا بقت إيدو لاحقة هسي يقوم يشكل ليك فولترون مع ناس ود الباوقة والجماعة ديلاك يكرهوك قعاد المنبر دا ههههههههه |
لوووووول تصدق لا
الكيزان ديل ذي الهنود الحمر اي زول يجيهم من حزب آخر بيكونوا في عقل فائدة بقولوا لو فيه فائدة
ما كان خلا ناسو وجانا ..
عشان كدا اطمن طبعا دا لو ما ممفتكرنوا غواصة وكدا
وانا ما برد عليه اصلا لاني الناس المحرشة ما بتنفع معاي
وطلع بالجد قربة منفوخة
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: بشير أحمد)
|
Quote: ناس واجعاهم إنضمام بيناوي للوطني وناس واجعاهم شتيمتو لي أم النسب !!
شايف إنضمامو للوطني ما شغالا بيهو كتير وإشتغلتي بالتانية ههههههه |
هههههههههههه
يا نيزو والله كله عند العرب صابون بالنسبة لي وأحمد زي حاج أحمد !!
لم أر خيراً من هذا ولا أملاً في ذاك (أنا مابفسر وأنت ماااااابتقصر) هههههه
عاين
بيناوي ينضم للمؤتمر الوطني ولا الشعبي ولا لفريق برشلونة لكن ماينبذ لينا الدكتورة دي بالله !
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: بشير أحمد)
|
سفيان نابري ..
| Quote: مالك ناوي زي بيناوي !!؟ |
النية زاملا سيدا ؟!!
شوف يا نابري .. أخوك زول قرارو في يدو .. ما عندي علاقة بي اي احزاب أو تنظيمات ووجع دماغ ..! قبل كم سنة قربت إتورط وأنضم لي حزب .. والله ما أنقذني إلا صحبي الطاهر ساتي في واحدة من تجمعات البورداب وهو يا توب كان طالع من واحد من الأحزاب وانا من ديك ختيت نصيحتو لي زي الحلق في اضاني ..!!
تحياتي لي صحبك الشلكاوي محسن ..!
محسن دا إسم الدلع لي مينق عندهم ولا شنو ؟!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: د.نجاة محمود)
|
ناذر
سلامات
تعليقك بتاع الجفلن خلهن أقرع الواقفات
في معرض ردك على سفيان وهو يحاول الإتصال بياسر
أستطيع أن أطلق عليه تعليقى المفضل لهذا العام
________________
كنت اود أن اكتب العبارات الجاهزة ديك
بتاعت أرجو من الأخ ياسر أن يؤكد أو ينفي الخبر
ثم سألت نفسي لماذا يكون هذا الموضوع مهما في الأساس
الطريقة التي طرحت بها الموضوع ياصديقي هي الأفضل
_______
الفُكاهة
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: د.نجاة محمود)
|
Quote:
كامل احتقاري ليكي انتي دي
ولي دكترتك كمان
وصحيح القلم مابزيل بلم
انتاية دي عندنا هنا في الشمالية الاناس في اللحظة دي قاعد فيها
بتتقال للمرأه للتحقير والازدراء
وطالما انك بديتي الاساءة لبنات جلدتك
تستحقين الاساءة
وبعدين ياسامي صلاح الغتغته لي شنو....؟
اهو فهمتك غلط
كان من المفترض تقول ليها وفي وشها
انتي هرمة ( بكسر الراء ) وثقييييييييييييييييييييييييييلة جدا
وانا تاني دا اسلوبي مع اي زول بيسئ لاخر
كفاية والله كفاية
خالص القرف |
ياسر بيناوي قبل الخورج من الكلوزت قرقرقرقررقرقررقرقررقررر
Quote: ديشاااااااااااااااااااااااااااااااااااااااك
رجلا ...... رجلا
ما انتايه
بصراحة بصراحة انا جني وجن بوستات الغيرة
من ناس الدكترة الما خمج
الدكترة البتتعكس في سلوك اصحابها ووقار ورزانة وادب
التعديل للتصحيح الاملائي |
الصعلكة دي كلها عشان انا وقفت مع ميادة الكوزة الاسع هو بقى معاهم
Re: بيننا هرمة سقيلة اسمها ميادة
في وقتها عملت ليه طنااااااااااش واقنورد
ايمانا بحكمة اجلس في نهاية النهر وسترى جثة عدوك
اسع الزول دا بقى كوز عديل كدا
عاد يا ميادة كان بعتني عشان الكوزنة الجديدة دي
تبقي بالغتي
Quote:
وانا تاني دا اسلوبي مع اي زول بيسئ لاخر
كفاية والله كفاية |
قرقرقرر اكثر حاجة ضحكتني في الموضوع كله العبارة دي
الولد بتاع جندر ونصرة نساوين وكدا
ما عنده مانع يشتم امرأة تانية لانها كوزة كما يقول
البوست دا حاحتلوا بوضع اليد
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
| Quote: محسن دا إسم الدلع لي مينق عندهم ولا شنو ؟! |
لا لا محسن الاسم السماهو ليهو ابوهو عمنا طه
ولاكو هو اسم امو شفته كيف ؟
وهو شلكاوي اماً واباً .
سلام يا كيكي
Quote: معقولة
علي اي حال لو القصة بقت معقولة ادونا خبر لاني عندي كركبة جاااهزة مع الزول ده
كل مرة يشبكني يا خليل وانا اقول لييه يا زول انا كيكي
وتاني مرة برضو يجيني في بوست ويقول لي شكرا علي مرورك يا خليل
وبرضو اقول ليهو انا كيكي يا وريف..
فعليه وطالما الزول ده مصر علي حكاية اني خليل وبقي موتمر وطني فعليه اثبات (اني انا وخليل شخصية وااحدة)
والا يطلعنو كرعينو من المنبر ده
-------------
اتخيل لي ناس الموتمر الوطني فاكيين الموضوع ده جاكات ساكت
لانو ما باقي لي زول كده عندو مخيخ ايمن ومخيخ ايسر ينضم للموتمر الوطني اليومين دي
مع كركبات موووية بري والحلفاية دي |
حين قرأت هذا البوست كتبت وحرصت على الاتصال المباشر والسريع على ياسر بيناوي
وبالفعل تمكنت من الحصول على رقم هاتفه من اخونا محي الدين جبريل واتصلت عليه
و ياسر اكد لي انضمامه للمؤتمر الوطني تاكيد واضح .
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
حبيبنا عمر عشاري ..
عاش من شافك وين أيامك ؟!
Quote: تعليقك بتاع الجفلن خلهن أقرع الواقفات
في معرض ردك على سفيان وهو يحاول الإتصال بياسر
أستطيع أن أطلق عليه تعليقى المفضل لهذا العام
|
مشكور يا معجب العام ...
بس يا ريتك لو تكمل الإعجاب دا وتوري سفيان نابري الفرق بين الجفلن و الواقفات ..!
لإنو الظاهر إتلخبت عليهو الإختصاص وإفتكرني من الواقفات !!
صنفرة :
أنا صاح منهن .. بس أنا من الواقفات بعيد خالص من محل القرع والجفل !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: ناذر محمد الخليفة)
|
حبيبنا نيازي كيفك !!
Quote: ننتظر بيان الاخ عادل ..
سلامات يا ناذر |
إنت قايل أخونا عادل عبد العاطي فاضي كدة دا عشان يطلع بيان في أي عضو ينسلخ من حزبو !!
غايتو لو عادل بالجد فاضي للدرجة دي أنصحو يعمل ليهو مصنع بتاع ورق A 4 عشان تقليل النفقات وكدة !!
بالمناسبة المصنع دا رخيص جدا لو إستوردناهو من الصين حتى أسألوا أخونا عثمان رغيم الموجود معانا في البوست دا !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: ناذر محمد الخليفة)
|
| Quote: كان عندي امل يطلع اسم على اسم |
سلام يا ود البشرى
واملك دا ضاع خلاص ياهو ياسر بيناوي ذات نفسوا
و اكد انضمامه الكامل للمؤتمر الوطني .
وبشكل شخصي وخاص ياسر بيناوي يهمني امره
ولهذا لن ازيد ابداً غير أن ابارك له طالما انها
قناعته ويقينه ولكن حتى يقنعني بأن هذه ارادته
وقناعته سوف انتظر عودته للمنبر واخوض معه
حوار واضح وصريح امام الجميع حتى يثبت
رؤيته أو يتراجع عنها بمحض ارادته ايضاً
و الحوار معه سيكون مفيد في وجهة نظري
ولن يكون بذات الجنون والاندفاع الارعن
والاهوج الذي نتلقاه من منسوبي المؤتمر
الوطني هنا .
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: سفيان بشير نابرى)
|
سوفي يا مك لو داير حوار مفيد مع ياسر يبقى تختا المنبر
وفي حالة ياسر الجنون و الاندفاع الارعن لن يأتي من منسوبي المؤتمر بل من الضفة الاخرى
ناذر ..
يا معلم المصنع الصيني رخيص اي نعم لكن خت في بالك تكلفة التشغيل و الصيانة (قطع الغيار) بالإضافة للمواد الخام مع الوضع في الاعتبار جودة انتاج المصنع الصيني الرخيس + الجمارك و الضرائب و الأوفرهيد مقارنة مع تكلفة استيراد الورق الـ A4 الصيني الجاهز نفسه وجودته و سعره في السوق
ح تلقى نفسك بتلقط ورق في الآخر
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: عبد المنعم ابراهيم الحاج)
|
شنو يا فكي اسحق جايني تعمل مطايبات لا بتودي ولا بتجيب
حزبكم بقى مزبلة التأريخ
الواحد يلف كل الاحزاب بعداك ترشت يترش عندكم
والله كورتكم فكت تجيكم الغواصة تسعى وانتو تتغالطو
حوت ولا غواصة حوت ولا غواصة
لما نلقى اسراركم كلها في السهلة
وانتو قاعدين في بطن الحوت,,,
يخصي على كدا ياخي تاني حنفصل الكيزان من الحزب الظلامي
عليكم الله البلم اللبرالي مع الكيزان شنو؟
دا غسيل مخ بالكلوركس
الحمدلله بس قبضتو صيرة لا غير
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: د.نجاة محمود)
|
سلامات
الاخ ناذر وكل المداخلين
نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
وحتما سأعود للرد علي المداخلين فردا فردا
دكتورة نجاة :
انا اعتذر ان كنت تظنين مداخلاتي في البوست المعني ( شتيمة )
فقط اعيدي قرءاتها مرة اخري
ياسر بيناوي : غير متزوج وهذا للمعلومية ( لم اكن احد عرسان الزواج المعني ولم انضم مقابل صفقة )
خالص الود
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: ناذر محمد الخليفة)
|
ناذر الخليفة اخوي سلام
| Quote: نادية عثمان والله أمرك بالجد محير ؟! |
المحيرك شنو في أمري خير ياناذر ؟!!!!!!
Quote: الناس هنا مستنكرة إنضمام ياسر للمؤتمر الوطني وإنتي الظاهر الشغلة دي ما هاميكي كتير ..!!
في الأول استنكرتي شتيمتو لي بيان وهسي إستنكرتي زواجو المزعوم بي وش منفوخ ..!
يعني وجعك غير وجع الناس هنا ..!!!
إنتي هندية ولا شنو ؟؟!!
صنفرة :
ولا حسانية ؟! |
سبحان الله !!
ويعني شنو ياسر إنضم للمؤتمر الوطني ؟!
شنو يعني الخطب الجلل المفروض (يوجع) جميع المتداخلين في إنضمام ياسر للوطني ولا الشعبي ولا الشيوعي ولا غيره ؟!
موش ياسر ده راجل كبير وعارف مصلحة روحه ياناذر ؟!
حايفرق شنو لو أنا أدنت إنضمامه ولا أيدتو وحايغير شنو من قناعاته المؤمن بيها ؟!
أنا سودانية ياناذر ماهندية !!!
سودانية بؤمن تماماً إنو زي ماعندي الحق في خياراتي فمامن حقي أصادر خيار غيري مهما كان !!
أنا ما( حسانية) لكن يشرفني لو بقيت حسانية ، المهم في النهاية الجنس سوداني !!
وبعدين أنا ( إستنكرت) شتيمته للدكتورة وده البهمني من ياسر إنو مايكون زول بشتم الناس
ويهمني إنو الدكتورة ماتتشتم من زميل ليها في المنبر لانو ده سلوك اتمنى ينتهي من المنبر ده !
( مجرد أمنية) !!
وأنا ياناذر ما ( إستنكرت) زواج ياسر إنما بعشم الزمالة سالت إنوكيف إتزوج وماعزمنا نحن زملاءه !!
ياسر بيناوي بيهمني كإنسان وزميل في المنبر ده غض النظر عن كونه مؤتمر وطني ولا معارض !!
ولو عرس بيهمني أشاركه فرحته حتى لو كان منتمي لحزب الشيطان !!
ده الموضوع ياناذر !!
ولو دخولي بوستك ده ضايقك كلمني وبجي أحذف كل مداخلاتي ( الشترة) والأنت شايفها مداخلات ( هنود) خارج السياق !!
ويبقى الود والتقدير الذي تعرف ياناذر !!
بس !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
Quote: نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
|
وهكذا اكد ياسر ما قلناه في الاعلي
تحية طيبة يا بيناوي وسلام
وانا في انتظارك بشكل شخصي حينما تعود الاسبوع القادم
اخوتي واخواتي أتمنى أن نترك له خياره ولو كان هناك إي نقاش
أو حوار معه أتمنى أن نديره بشكل شخصي وبعيد عن هنا كما
ذكرا أخي محمد خضر البشرى وهو محق و أنا مُخطي فيما
ذهبت اليه .
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
سلام يا عادل ..!!
Quote: عموما الاخ والصديق ياسر بيناوي ليس عضوا في الحزب الديمقراطي الليبرالي منذ اكثر من عامين ونصف .
|
يعني كان تسجيلو فاكي الفترة دي كلها !!
أهو كانت إستراحة محارب (دا لو كان بيحارب عندكم أصلاً) وبعد ما فكر وقدر عرف يمشي علي وين ..!
مبروك لي ياسر .. ما يحمد ليو إنو فكر سنتين ونص قبل ما ينقشط في الوطني ودا براو بينفي إنتهازيتو الألمحوا ليها بعض المتداخلين هنا لأنو الإنتهازي ما بيحتاج لي أكتر من دقيقتين ونص تفكير قبل ما يشوت في القون !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
عبد المنعم كيفك ..
Quote: لا توجد أسباب للاسف .. فالسقوط الي الهاوية لا يقاس بالأمتار أو درجة الإصطدام ...
لقد إختار أن يقف برجله اليمين ووقف. |
تعرف جنس كلامك المبهم دا هو البيكون طفش ياسر الزول البسيط ود الدامر من اليسار !!
أنحن ناس عرب عنقالة ساي حاول إتكلم بي لغة مبسطة شوية عشان نفهم داير تقول شنو ؟!
لأنو ما فهمت السقوط بيقاس بي شنو وعلاقة الوقوف بالرجل الشمال بالهاوية شنو !!
حليلا حليوة !!
| |
|
|
|
|
|
|
|
|
|
Re: من هو البوردابي اليساري الذي إنضم للمؤتمر الوطني مؤخراً ؟!! (Re: محمد عبد الماجد الصايم)
|
ياسر بيناوي ..
Quote: سلامات
الاخ ناذر وكل المداخلين
نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
|
أول حاجة أقول ليك مبروك عليك إتخاذك لقرارك أيا كان لأنو الروح الديمقراطية في بلد انحنا دايرنو تعددي ديمقراطي بتقتضي علينا نتقبل التحولات الزي دي تبعا لمصلحة البلد .. وأكيد إنت بتكون درست القرار دا بتأني قبل ما تختار توجهاتك الجديدة وأتمنى من الزملاء هنا ما يسلقوك بألسنة حدا على قرارك دا بل اتمنى أن يتقبلوا الأمر بروح ودية عادية ويشوفوا السبب الخلاك تنتقل منهم للضفة التانية شنو ؟ لأنو أكيد في خلل في حتة وأحسن يشوفوا الخلل دا وين بدل ما يعملوك تختة ضرب نار !!
طبعا كلامي دا انا بستثنى منو أم النسب وميادة كمال لأنهم بكل تأكيد THEY WILL EAT YOU A LIVE
طبعا أنا شخصيا ما بلومم .. لأنهم ما من رفاق النضال تبعك الزمان .. غايتو إستحملم شوية ..!!
| |
|
|
|
|
|
|
| |
ناذر محمد الخليفة
osman righeem
عمر صديق
محمد الامين محمد
Balla Musa
رغيم عثمان رغيم الحسن
بشير أحمد
HAIDER ALZAIN
سفيان بشير نابرى
haroon diyab
عبدالكريم الامين احمد
محمد إبراهيم علي
محمد البشرى الخضر
ندى صالح الطيب
عمر عشاري
معاوية عوض الكريم
محمد عبد الماجد الصايم
نيازي مصطفى
Abdel Aati
بدر الدين اسحاق احمد
سيف النصر محي الدين
ياسر بيناوي
Abdlaziz Eisa
فيس بوك
تويتر
انستقرام
يوتيوب
بنتيريست