|
دعواتكم لزميلنا المفكر د.الباقر العفيف بالشفاء العاجل
|
|
 Re: ملاحظة مهمة من الفنان جمال فرفور بخصوص شعار في الجنيه السوداني وتغليب خيار الانفصال !! (Re: ناذر محمد الخليفة)
|
.
ذكر الفنان جمال فرفور لصحيفة فنون الصادرة هذا اليوم أنه لاحظ أن صورة الجنيه السوداني (فئة واحد جنيه) والتي تحتوى على صورة لخريطة السودان وبها صقر الجديان نافشا ريشه تشبه تماما خريطة جنوب السودان ما بعد الإنفصال بعد حذف بقية الولايات الشمالية منها وهذا يدل على أن الإنفصال تم التكريس له وتغليب خياره منذ إتفاقية نيفاشا !!
ناذر سلام ياشقيق ...
ملاحظة فرفور بشأن التكريس للإنفصال منذ نيفاشا ... ملاحظة متأخرة جداً ..
لماذا لم يلاحظ فرفور ذلك ايام (نفشة الريش ) الكبرى وهو يغني في (نفشات) المؤتمر الوطني للإنتخابات
المزورة . إحتمال يكون (العداد) من (ابوصلعة) عشان كده مالاحظ للاف جنيه (بالقديم) او الجنيه (بالجديد)
فرفور ده مادام يهتم بالنظر للعملة من (الفئات الصغيرة)و يدقق فيها بذهن مرتبط بالاحداث ... يبقي افضل لينا
وبعد ماحسمت (هويتنا) بواسطة الانقاذ باننا (قطر) عربي إسلامي وليس لنا اي علاقة بافريقيا بعد (الانشطار)
انا اطلب من فرفور ان (يعرب) لينا الجملة المكتوبه على العملات (اتعهد بان ادفع عندالطلب لحامل هذا السند مبلغ)
مشط حديد : (بدل الصنفره) :-
شايف نفشة (الصوف) الفي صورة الفوق و تحت (الشجرة) كمان حتخلي السودان زي (القطر الشالك انت ) والشال(معاوية)
يافرفور بالله عليك خليك في (المشكلة) .
.
.
| |
 
|
|
|
|
|
|
|
|
Re: ملاحظة مهمة من الفنان جمال فرفور بخصوص شعار في الجنيه السوداني وتغليب خيار الانفصال !! (Re: ALGARADABI)
|
جمال حبيبنا ...
يا راجل وين إنت ؟؟! من ما عملوا الكوبري بقينا ما بنشوفك ..!!
Quote: وبعد ماحسمت (هويتنا) بواسطة الانقاذ باننا (قطر) عربي إسلامي وليس لنا اي علاقة بافريقيا بعد (الانشطار)
انا اطلب من فرفور ان (يعرب) لينا الجملة المكتوبه على العملات (اتعهد بان ادفع عندالطلب لحامل هذا السند مبلغ)
|
ههههههههههههه يا جمال براحة براحة على الراجل .. الراجل فنان ما أستاذ عربي ..
Quote: شايف نفشة (الصوف) الفي صورة الفوق و تحت (الشجرة) كمان حتخلي السودان زي (القطر الشالك انت ) والشال(معاوية)
يافرفور بالله عليك خليك في (المشكلة) .
|
ههههههههههههه صعب والله يا جمال !!
تعرف قدر ما اكون زهجان بمشي المكتبة لي بوست اليخت الرئاسي .. بموت من الضحك لمن اقرا كلامك ههههههه
| |
|
|
|
|
|
|
|
|
|
Re: ملاحظة مهمة من الفنان جمال فرفور بخصوص شعار في الجنيه السوداني وتغليب خيار الانفصال !! (Re: ناذر محمد الخليفة)
|
.
Quote: جمال حبيبنا ...
يا راجل وين إنت ؟؟! من ما عملوا الكوبري بقينا ما بنشوفك ..!! |
نازر ياجميل ...والله موجود بس ظروفنا بقت زي ظروف البلد ؟
بمناسبة الكبري :كثير كنا بنسمع انو ناس توتي مادايرين الكبري عشان بجيب (الحرامية)
وقد صدقوا في كلامهم : تصور يوم( الافتتاح)أكبر حرامية البلد قدعبرو بالكبري ؟؟
| Quote: ههههههههههههه يا جمال براحة براحة على الراجل .. الراجل فنان ما أستاذ عربي .. |
نعم فنان دي حقيقة .. لكن شفتو ايام الإنتخابات المزورة مركب مكنة (قيقم) ومرق ليهو بكم(سايدكاب)
عليه رسم(الشدره) .
| Quote: تعرف قدر ما اكون زهجان بمشي المكتبة لي بوست اليخت الرئاسي .. بموت من الضحك لمن اقرا كلامك ههههههه |
ياحليل الايام ديك يانازر ...بالمناسبة اليخت الرئاسي حيكون تابع وين ؟؟ فوق لضنب الحمامة ولا تحتو؟؟
غايتو كان حصل خلاف حول اليخت الرئاسي أقترح انو يعملو لقاء جماهيري و يجيبو حمامة ويفكوها في الجو كان طارت إتجاه الجنوب فاليخت من نصيب (الحركة) ويهتف الجمهور (وييييي ويييي) وكمان كان طارت اتجاه الشمال فاليخت من نصيب (الشدرة)
ويكون الهتاف (هبي هبي رياح الجنة) ... وطبعاُ لازم يعملو (لجنة) تحكيمة بكافة المخصصات والصلاحيات تسمي (لجنة الحمامة)
برئاسة (فرفور)
Quote: بقى رسمها صعب خلاص ...
غايتو شفع المدارس حا ينجلدو جلد بي سبب رسم الخريطة دي |
لا صعب ولا حاجة ... كل شافع يجيب معاهو حمامة ويرسم الخريطة زي ماخلوها ناس (الزعيم الازهري)
بعد داك (ينفش ) ريش ضنب الحمامة ويختو في الورقة ويمشي عليهو بالقلم (ويمسح) الجنوب إذا كان شمالي
او يمسح الشمال إذا كان جنوبي ...في المستقبل القريب ناس دارفور حيستعينو (بدبيب) لرسم الحدود عشان طويلة شوية ؟
اسهل خريطة حتكون بتاعة الخرطوم الشافع يخت (شلن) اقصد (ريال) لا لا اقصد (200 جنيه) حديد ويدور بالقلم ..بس داير ليهو
(استيكة) من الحجم العائلي عشان يمسح بقية السودان (القديم) .
.
| |
|
|
|
|
|
|
|
|
|
Re: ملاحظة مهمة من الفنان جمال فرفور بخصوص شعار في الجنيه السوداني وتغليب خيار الانفصال !! (Re: gamal elsadig)
|
!!!
Quote: وقد صدقوا في كلامهم : تصور يوم( الافتتاح)أكبر حرامية البلد قدعبرو بالكبري ؟؟
|
ههههههههههههههههه يا زول براحة براحة ...!
Quote: نعم فنان دي حقيقة .. لكن شفتو ايام الإنتخابات المزورة مركب مكنة (قيقم) ومرق ليهو بكم(سايدكاب)
عليه رسم(الشدره) .
|
عشان كدة ود شاموق سأل عن صفتو الصرح بيها التصريح دا ..!
Quote: ياحليل الايام ديك يانازر ...بالمناسبة اليخت الرئاسي حيكون تابع وين ؟؟ فوق لضنب الحمامة ولا تحتو؟؟
غايتو كان حصل خلاف حول اليخت الرئاسي أقترح انو يعملو لقاء جماهيري و يجيبو حمامة ويفكوها في الجو كان طارت إتجاه الجنوب فاليخت من نصيب (الحركة) ويهتف الجمهور (وييييي ويييي) وكمان كان طارت اتجاه الشمال فاليخت من نصيب (الشدرة)
ويكون الهتاف (هبي هبي رياح الجنة) ... وطبعاُ لازم يعملو (لجنة) تحكيمة بكافة المخصصات والصلاحيات تسمي (لجنة الحمامة)
برئاسة (فرفور)
|
ههههههه إنت يا جمال مسؤول من الخير .. اليخت زاتو وينو ..!! أنا قدر ما أمشي شارع النيل ما بقيت أشوفو !! ما يكون لسع وحلان في وحلتو ديك !!
بعدين إنت ليه مصر إنو الطيرة الفي الجنيه حمامة .. دا صقر ياخ ههههههه
Quote: لا صعب ولا حاجة ... كل شافع يجيب معاهو حمامة ويرسم الخريطة زي ماخلوها ناس (الزعيم الازهري)
بعد داك (ينفش ) ريش ضنب الحمامة ويختو في الورقة ويمشي عليهو بالقلم (ويمسح) الجنوب إذا كان شمالي
او يمسح الشمال إذا كان جنوبي ...في المستقبل القريب ناس دارفور حيستعينو (بدبيب) لرسم الحدود عشان طويلة شوية ؟
|
ههههههههههههههههههه
وين دكتور محمد الامين موسى يجي يفتي ليك في القصة دي ...
يديك العافية يا جمال يا خ !!
| |
|
|
|
|
|
|
|
|
|
Re: ملاحظة مهمة من الفنان جمال فرفور بخصوص شعار في الجنيه السوداني وتغليب خيار الانفصال !! (Re: ناذر محمد الخليفة)
|
.
فعلاً اليخت الرئاسي غير موجود ..
بعد ما عملو كبري توتي إختفى (البنطون) ومامعروف رسى وين ؟
اليخت بعد عملو كبري (المك نمر) إختفى ايضاً ومامعروف رسى في ياتو (جيب) ؟
يمكن عملوا بنصايحنا الفي البوست القديم داك ؟
| Quote: بعدين إنت ليه مصر إنو الطيرة الفي الجنيه حمامة .. دا صقر ياخ ههههههه |
انت عارف حكاية صقر ولا حمامة دي ذكرتني جماعة كده عندهم (ارنب)... أها الجماعة ديل إختلفو
في انو الارنب (ضكر) ولا (إنتاية) .. كل واحد يشليها من اضنينا ويقلبا بجاي وبجاي ويقول ضكر
التاني يقول إنتاية ... ربك رب الخير جاب واحد ماشي طوالي الجماعة قالو نسأل الزول ده يمكن
يعرف لينا الارنب دي ضكر ولا إنتاية ... صاحبك قال ليهم بيسطة جداً ممكن اديكم طريقة ساهلة
تعرفو بيها الحكاية دي .. تجيبو موية في ماعون بعداك تجيبو الارنب وتختوها قدام الماعون
كان (شربت) تبقى إنتاية وكان (شرب) يبقى ضكر هههههههههههه؟
العندنا في الجنيه ده أكيد صقر وصقر جبهجي كمان مادام فصل الجنوب بنفشة ريش ..اصلو اخوانه
في الواقع فصلو الجنوب بجرة قلم .
Quote: وين دكتور محمد الامين موسى يجي يفتي ليك في القصة دي ...
يديك العافية يا جمال يا خ !! |
ويديك الصحة والعافية والسعادة يانازر ...إنشاء الله دكتور محمد الامين يظهر أكيد عندو الخبر اليقين
.
| |
|
|
|
|
|
|
| |
ناذر محمد الخليفة
Faisal Elrasheed
ود شاموق
Mohammed Awad
Abureesh
معتصم محمد صالح
Awadallah Bashir
omer osman
عمران حسن صالح
محمد عبدالرحمن محمد
nazar hussien
gamal elsadig
منتصرمحمد زكى
حسن حماد محمد
Nadir Dirar
ALGARADABI
عوض عبدالله طه
فيس بوك
تويتر
انستقرام
يوتيوب
بنتيريست