فـــتـح ملف ما يسمى بــــــــــــــــ (سيارات الإسعاف الخـيـريـة) ..!!

Quote: هي البلد كلها عايزة إسعاف

Quote: والله ماعارف اى حاجة لكن اصريت اشارك معاك

Quote: كيف يتم تعيين السائقين والممرضين أو الأطباء الذين يرافقون المرضى أثناء نقلهم بين شوارع الخرطوم ؟! هل يتم مراقبة هذه السيارات وعملها من قبل اي جهة رقابية داخل وزارة الصحة الإتحادية أو الولائية ؟!

Quote: يخيل لي ان احدهم فتح هذا الملف من قبل .. ولكن .. لكن تاني .. عندما تفتحه انت فقطعا سيكون مساره مختلفا ..

Quote: اي انسان يدفع فلوس لاسعاف خيري مغفل السيارة كل شئ فيها مجاني

Quote: اي عربة خلاف ذلك تصبح عملية تجارة بالعمل الخيري

Quote: هبتونا هبت السنين ..

Quote: معناها الحاصل هنا بين السواق والادارة قسمة ولا الادارة لوحدها

Quote: والله انت المناضل يا ياناذر اعانك الله 100%

Quote: بلد العجائب : ما اظن اعتى قلاع الراسمالية وصلت لمرحلة انها تدفع الناس حق عربية الاسعاف اها اوعى يكون ناس المطافي برضو بيدفعو قروش عشان يطفو الحريقة؟

Quote: وكان ان قابلت احد الاخوة السودانيين ومعه سيارةجمس اكل الدهر عليها وشرب... وكان ان احضره للورشه لاجراء تعديلا ت فيه حتي يرسله الي السودان لاستثماره كسيارة اسعاف..

Quote: سلامات يا ناذر,, مناظر الحافلات الهكر التى تم تجهيزها لتصبح سيارات إسعاف والنقالة المصممة عند أقرب حداد وهى تجابد لتسير بسرعة 3 كلم فى الساعة لأنها أصلا عربيات ملجنة ومدة صلاحيتها منتهية أو تفتقر للصيانة الصحيحة منظر مؤلم,, غير أنها لا يوجد بها غير تلك النقالة وشنكل لتعليق الدربات أو أكياس الدم,, التكييف رفاهية لا يحلم بها من تضعه الأقدار هناك!! والمؤلم أكثر منه منظر الجسامين على البكاسى تقطع الطرق السريعة وداخل المدن!!!!!! ما تتحدث عنه هنا كوم آخر!! ياخ الدولة أطلقت ضباع سوقها بإتجاه مواطنها وأصبحت تتفرج على منظر الإفتراس وهى مشغولة بزينتها الكاذبة... يا ناذر الفساد ضرب كالسوس وهذا نقطة فى بحر كبير,, تحياتى,,

Quote: Quote: الحافلات الهكر التى تم تجهيزها لتصبح سيارات إسعاف مررنا بهذه التجربة مرتان أنا و أخى د. أحمد نادر و عند رؤيتنا لتجهيزات الاسعاف .. و النقاله ، حملنا مريضنا بسيارتنا الخاصة الى يستبشرون ، و منها إلى ساهرون لانه لو دخل الاسعاف "لما خرج حيا.." شكرا يا ناذر على ها الموضوع .. لعلهم يعقلون.

Quote: Quote: أي جهات اخرى يعنيها الأمر ..!! انا ممكن اشارك باعتبار الدعوة دي ....... في نوعين من الاسعاف الاسعاف المركزي وده مجاني وبكون في طبيب او كادر موجود فيه ومابتحرك من مكانو الا يكون في اتصال بين الطبيب الماسك الحالة بتاعة العيان في المستشفى والطبيب الموجود في الاسعاف المركزي

Quote: لقد أسمعت إذ ناديت حياً *** لكن لا حياة لمن تنادي.... يا حبيب دي قطرة من بحر الفساد .... كان الله في عون أهلنا البؤساء....

Quote: حافلات كريز +ميتسوبيشي مكعكعه لاتصلح بالتصديق لخط مواصلات

Quote: سمعتها ليك بوزير صحة بفتتح ليهو مستشفى خاص قبل كدة!!!!!

Quote: ولذا ارجو ان تكمل جميلك وتتصل بإحدى الصحف التي تتعامل معها حتى تتبنى القضية في شكل تحقيق شامل وقد يصلح لاحقاً ان يكون حملة موسعة، ذلك لتعدد الاطراف المعنية بخدمة الاسعاف

Quote: تحية طيبةتووووشك جوة الموضوع في واحد ود اهلنا (زول سوق)مرة سايق ركشة ومرة أمجاد ومرة شغال عملة-بياخد من ناس في منظمة من المنظمات الاجنبية مقابل 1جنيه قديم قصاد الدولار الواحد يخارجها ليهم بسعر اليوم بالميت لو فك ليهو الفين بيلقا فيها ميتين الفوهكذامرة اتكلم -من خلال سرد جولاته السوقية والفهلوية-قال عاوز يشتري نيسان حافة يورفان 14 راكب من واحد جابها لكن ما إتجمركت لسة ,يقوم هو-والرواية عليه-لقا ليهو واحد من ناس الجزارات .أ.أ.أقصد المنظمات الخيرية دي بكل بساطة قاليهو في ورق-معين كدة- بيطلعه بطريقته وعن طريق صلاحيات المنظمة-ويقوم يديهو لوحة تابعة للمنظمة وما بعرف تصاديق شنو وقال ليهو خليك جنب باب الحوادث.وتقريبا على ماأذكر رقم المبلغ للنقلية-مع إحترامنا للمرضى بس انا بتقمص زول الخيرية دة-لنقلية الواحدة مابيقل عن مية الف-قديم- ويزيد المبلغ حسب المنطقة وياحبذا-دي نيابة عن بتاع المنظمة-ياحبذا لو كان المشوار لأهل العوض او لنهر النيل المهم برة الولاية.وبعد داك (شريك معاك). دي ممكن من زول المنظمة زول السوق أو العكس.عارف انو مافي تفاصيل زي ما شايف في مظهر الموضوع لكن جوهره بكلمتين انو -مافي خيرية-هنامجرد مجموعة منافسين لناس البكاسي البرة ديلاكوأتمنى منهم -عن طريقكم-بس لو سمحت أخلاقهم يسحبوا كلمة -خيرية-دي و إن شاء الله بعداك يكتبوا عوضيةبس ما للأسماك لحفظ الحقوق الادبيةوالسلام ختام

Quote: الاخ ناذر والاخوة سلام الله عليكم قبل فترة طويلة لملمت اورقي وخبرتي في مجال الاسعاف والنقل الطبي لذوي الاحتياجات الخاصة ومشيت السودان لتنفيذ المشروع وقابلت ناس في مراكز عليا في وزارة الصحة وحولوني لوزارة الاستثمار ثم حولوني الي ناس المنظمات ثم ثم ثم في النهاية تاكدت تماما ان مافي زول ناقش انا بقول شنوة وفي النهاية طلبت (صندوق) الاسعاف يوصلني المطار

Quote: الاستاذ/ ناذر الخليفة المحترم تحية طيبة نتابع مواضيعك الجادة والقيمة من حين لآخر , ومن بينها موضوعك عن (سيارات الاسعاف الخيرية) .. (منظمة عطبرة الخيرية) منظمة لم يتعدى عمرها الستة أشهر , أسسها ويقوم عليها شباب من داخل وخارج المدينة لا يربط بينهم رابط سياسي,جهوي أو طائفي , فقط أحبوا مدينتهم فعملوا على خدمتها بما تيسر لهم من إمكانيات شحيحة. معلومات أكثر عن هذه المنظمة تجدها في موقعها هنا : http://www.atbara-co.org/ وعلى منتداها هنا : http://atbara.forumn.net/f32-montada وعلى الفيسبوك هنا : http://www.facebook.com/atbara.charity.organization ونسبة للتشويه الذي حدث للعمل الخيري من البعض , فقد اعتمدت هذه المنظمة (الحيادية , الاستقلالية والشفافية) في عملها . قبل أقل من شهر فكرنا في طرح مشروع (اسعاف استثماري للمنظمة) لأن : × المدينة بحاجة ماسة لسيارات اسعاف × المنظمة مواردها شحيحة ولا يمكنها أن تطرح اسعاف خيري مجاني , لأنها تعتمد على اشتراكات القليل من الاعضاء بصورة أساسية ولا يتوفر لها دعم حكومي أو من المنظمات الاجنبية حتى الآن ونحن في المنظمة حساسون جدا فيما يخص سمعتها ونقاء صورتها أمام المواطن .. لذلك كان موضوعك هذا مفيدا جدا بالنسبة لنا , وفتح أعيننا على خفايا كانت خافية عنا .. فنأمل منك والمتداخلين معك بعد قتل هذا الموضوع بحثا وتقصيا .. أن نخرج بتوصيات وتوجيهات تفيد المنظمات الجادة التي تريد أن تعمل بنية خالصة .. فالعمل الخيري جزء لا يتجزأ من ثقافة الشعب السوداني , وتنقيته مما شابه واجب الجميع متابعين معكم هذا الخيط المهم جدا جدا .. ولأن مبدأ عمل المنظمة الابتعاد عن السياسة والتزام الخط الانساني فقط .. فلا يهم المنظمة الخوض في ملفات فساد بهذا الخصوص .. ولكن يهمنا أن نرسم للمنظمة (خارطة طريق آمن) في هذا المجال تجنبها القيل والقال والسقوط في أفخاخ قد تسئ لسمعتها × ليتك تستطيع رفد البوست بصور لسيارات الاسعاف المهترئة التي ورد ذكرها في الموضوع × كيفية الحصول على سيارة اسعاف (حقيقية) من المنظمات الاجنبية إن كانت فعلا تفعل ذلك دمت بخير وعافية سيف الدين محمد عثمان عضو بالمنظمة

Quote: kennani 19-06-11 concerning the ambulance of the social comunties i have been faced one day on such treatment with some of them cold ( UMALMOAMNEEN ALKHAIRIA ) On last /May/2011 my aunt was pass away at alshaab hospital (icu) so two doctors gave me a cell phone number which is written on their disk-side shown that its free of charges . ofcourse i dailed the no, & got response ...then after a while an ambulance came to oue point we took our person to home ( bahri-almazad) the amaizing thing is the driver ask for payment of one hundred SDG. I READ YOUR POST ON SOL THANKS

Quote: السلام عليكم كان جدي (والد أمي)رحمهما الله، يعاني من الفشل الكلوي وفي يوم من أيام شهراكتوبر عام٢٠١٠ اتصلت خالتي من ام درمان حيث كان جدي معها اتصلت بامي في الخرطوم جبرة وقالت ان جدي يحتاج لنقله لمقابلة طبيبه في مستشفي ......في اللاماب عندها تحرك أبي مع أمي الي مستشفي .... وقاموا بالحجز لدي الطبيب وطلبوا من المستشفي سيارة إسعاف لنقل جدي من أمدرمان إدارة المستشفي قامت بالإتصال بمنظمة أم المؤمنين الخيرية وأحضروا سيارة الإسعاف سائقها شاب ويجلس معه رجل متقدم في العمر وفي الطريق تعرضوا لحادث انقلبت علي أثره سيارة الإسعاف و كانت اصاباتهم جميعاً سطحية وعندما جاء شرطي المرور قال الرجل الكبير إنه كان يقود السيارة ولأن والداي كانوا في عجلة من امرهم طلبوا منهم السماح لهم بالذهاب لنقل جدي للمستشفي علي أن يتصلوا بالمنظمة لاحقاً للقيام بالفحوصات الكاملة بعدها لم تلتزم المنظمة بإجراء الفحوصات وبدأت صحة والدتي في التدهور حتي دخلت في غيبوبة نتيجة لنزيف في المخ وفارقت الحياة يوم١١ ديسمبر ٢٠١٠ وبعدها بشهرين فارق جدي الحياة بعد معاناة مع المرض والحزن علي أمي وحسبي الله ونعم الوكيل