دعواتكم لزميلنا المفكر د.الباقر العفيف بالشفاء العاجل
|
|
 صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !!
|
مطار الخرطوم : مركز كومون الاعلامي .
• نجحت سلطات مطار الخرطوم في تفويج أكثر من (60) طائرة مصرية وجزائرية وعلى متنها 18 الف مشجع وصلوا للبلاد خلال الايام الفائته ، وقدمت التسهيلات الجوية اللازمة ؛ ومنحت اذونات هبوط لكل الطائرات الجزائرية والمصرية حرصا وتأكيدا لمتانة العلاقات التي تربط السودان بمصر والجزائر ، ووقف مركز كومون الاعلامي ميدنياً على المجهودات التي تبذلها هيئة الطيران المدني وإدارة مطار الخرطوم في عمليات عودة المشجعين الى بلادهم .
• وقد تهشمت صالة الحج والعمرة نتيجة الاعتداء عليها من قبل مجموعات من المشجعين الجزائرين وقد أبدت سلطات مطار الخرطوم أسفها وإستنكارها لماحدث في الوقت الذي إحتضنت فيه الخرطوم الضيوف من البلدين .
• وفي تصريح صحفي قال المديرالعام لمطار الخرطوم الفريق يوسف ابراهيم أن أجهزة المطار قدمت كافة التسهيلات المطلوبة للبلدين ، مشيراً الى أن عدد المصرين الذين غادرو الخرطوم حتى مساء يوم امس بلغ أكثر من 4 الف مشجع على متن حوالي 24 طائرة بينما بلغ عدد الجزائرين أكثر من 5 الف مشجع على متن 23 طائرة ولم يزل هناك عدد من الجانبين في إنتظار التفويج ، وأشار مدير مطار الخرطوم الى أن السلطات العليا أصدرت توجيهات بتنفيذ خطة لمغادرة المشجعين مبدياً أسفه من عدم وجود مسؤول رسمي لمتابعة إجراءات سفر مواطنيه ، وقال أن برج المراقبة ظل يمنح أذونات الهبوط للطائرات المصرية والجزائرية فوراً ومن دون أى تأخير تفادياً للمحاباة لأى طرف غير ان بعض الطائرات تاخرت في موعدها وقال : سلطات مطار الخرطوم تعاملت بأخلاق السودانيين في كرم استقبال الضيوف حيث تم إعفائهم من الاجراءات الصحية والجمركية والامنية مشيراً الى أن الاحتقان مابين المشجعين المصرين والجزائرين لم يكن السودانيين طرف فيه .
• وقد لاحظ مركز كومون إنتشار أمني مكثف بمطار الخرطوم للحفاظ على سلامة المشجعين حتى مغادرتهم الى بلادهم سالمين .
مصدر الصور والتقرير : مركز كومون الإعلامي ..
|
|
 
|
|
|
|
|
|
|
 Re: صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !! (Re: Mashaier Ahmed)
|
سلام راني ..
Quote: عليك الله يا نازر ولاية السجم الرماد دي غلبها تجيب عمال نظافة للاهتمام بالمطار
ولا برضو ما كان في حسبانهم انو الحاجة دي تحصل؟
وقسماً دا اوسخ مطار في العالم
والله دي بلد عمرها ما حتتقدم .
قـــــــــــــــــرف
|
يا راني الصور دي في أثناء وبعد الكبسيبة بتاعت الجزائريين ؟!
منو البيفكر في النضافة أو التصليح قبال ما الجماعة ديل يسافروا ؟!!
لاحظ حتى الكمبيوترات مرمية والأبواب مخلعة والكراسي مقلعة !!
دا دمار شامل ما بتنفع معاهو حتى النظافة ..!
| |
|
|
|
|
|
|
|
|
|
Re: صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !! (Re: بكري عباس علي)
|
60 طارئه جزائريه يا ناذر
و30 طائره مصريه!!
يا اخي ده مطار الخرطوم ولا جده ايام الحج؟؟؟
كيف يتحمولوا مسؤليه زي دي ما اساسه ناسكم ديل؟؟
بعدين يا اخوي زي ما قال الفنان المصري
الكبيركبير
والزغير زغير
والنص نص.
برضو النشيف نضيف و الوسخان صله وسخان
والمخلع اصله مخلع.
الا فرصتكم وجاتكم امشول للجزائرين اصلا ملايين قروش
وقت بوزعوا اعلام بالكم دخ وبركبوا طيارت بالكم ده
وخلوهم يصونوا لكم الشواع و المطارات و الارصفه البيتدعوا انه قلعوها لكم برضو.
فرصتك يا عشوشه.
الحمعه ما سمعت بيها يا ناذر جمعية الصداقه السودانيه الجزائريه الشعبيه
ما اتكونت تعال سجل بالله يمكن تفهم حاجه!
| |
|
|
|
|
|
|
|
|
|
Re: صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !! (Re: Tragie Mustafa)
|
سِمعت بعض المسؤولين السودانِيين وفي بعض المحطات المِصرِية ... إنو السودان -علشان عوير- الزول بِينزل مِن الطيارة لِلباص لِلشارِع طوالي بِدون أي تفتيش أو إجراءات جوازات أو أي سجم رماد ... ده كرم ده ولا عواره ... والله عواره ...
شُفنا الجزائِريين في الملعب (إستاد المريخ) بِلَوُحون بِالسكاكين ... والجزائِريين ظلو يشترو السكاكين مِن أسواق الخُرطوم ... ليه ما تم تفتيشُم وهُم داخلين الملعب ... لو المسؤولين في السودان ما عارفين الحصل لِلجزائِريين في مِصر تبقى مُصيبة ... لو ما عارفين إنهُم إشترو السكاكين تبقى كارِثة ... أصلو العوارا دي كيفِنها لو ما كَدي
| |
|
|
|
|
|
|
|
|
 Re: صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !! (Re: Hala Hassan)
|
| Quote: شُفنا الجزائِريين في الملعب (إستاد المريخ) بِلَوُحون بِالسكاكين ... والجزائِريين ظلو يشترو السكاكين مِن أسواق الخُرطوم ... ليه ما تم تفتيشُم وهُم داخلين الملعب ... لو المسؤولين في السودان ما عارفين الحصل لِلجزائِريين في مِصر تبقى مُصيبة ... لو ما عارفين إنهُم إشترو السكاكين تبقى كارِثة ... أصلو العوارا دي كيفِنها لو ما كَدي |
يا عزام،
إنت برضو مصدق إنو الفيديو دة كان فى السودان؟؟
ياخى صحى قاعد برة البلد،
لكن أكيد ما بتغبى السما مثلا،،
من متين كان عندنا سماء زرقا زى دى فيها بعض السحب (فى شهر 11؟؟)،
خليك من دا،
ياخى الزرع النخل منو جنب أستاد المريخ؟؟؟
أوعى يكون جابوا الجزائريين،،،
ولا العمران و العمارات الفى خلفية الصورة،
شى عجيب،،،
اقول ليك حاجة،
الجزائريين ديل من ما جوا يوم الاحد لحدى بعد المباراة،
مافى زول فيهم لابس غير أبيض و اخضر،
لحدى ما شفقنا عليهم،
وقلنا لو ما جايبين غير طقم واحد مثلا،
نتصرف ليهم من عندنا و لا حاجة،،،
كتيرة مننا إننا نسئ الظن ببوليسنا و قواتنا للدرجة دى،
ديل برضو رجال،،،،،
| |
|
|
|
|
|
|
|
|
 Re: صور لصالة الحج والعمرة بمطار الخرطوم أثناء وبعد تحطيمها بواسطة الجزائريين !! (Re: Tragie Mustafa)
|
..
.
بعدين يا اخوي زي ما قال الفنان المصري
Quote: الكبيركبير
والزغير زغير
والنص نص.
برضو النشيف نضيف و الوسخان صله وسخان
والمخلع اصله مخلع. |
الشعب السودانى يا تراجى لو فى نظركم صغير
سيظل فى نظرنا _ نحن_ شعب كبير .. وايضا من انضف الشعوب
وان كانت الحكومات المتعاقبة والمعارضة الهزيلة
والمنضالين الوضعاء هم من اغرقنا فى مثل الوسخ
Quote: الا فرصتكم وجاتكم امشول للجزائرين اصلا ملايين قروش
وقت بوزعوا اعلام بالكم دخ وبركبوا طيارت بالكم ده
وخلوهم يصونوا لكم الشواع و المطارات و الارصفه البيتدعوا انه قلعوها لكم برضو. |
لمن نشحد نشحد الشعب الجعان الهمجى البتنكر لاصلو
ويعيش 70% منه فى فرنسا حتى لغته العربية لا يجيجدها
_ شفت ابو كريم مين كدا البسالو مذيع الجزيرة عن ولده _ وبرد بالفرنساوى
بعدين المسالة مش عشان انحنا وسخانيين مسالة امكانيات
ومافى داعى للتنكر لبلدكم ..
ياخى قلنا شعب مسكين
يادوب عرفت المشكلة ووين .. !!
___________
يا ربي الجزائريين ديل جابو معاهم فرش اسنان
فى الايام السبع دى !!؟
| |
|
|
|
|
|
|
| |
ناذر محمد الخليفة
عزام حسن فرح
بكري عباس علي
أحمد ابراهيم عثمان
هواري نمر
شهاب الفاتح عثمان
rani
ALazhary2
Hani Arabi Mohamed
احمد محمد بشير
Tragie Mustafa
Nasr
فيس بوك
تويتر
انستقرام
يوتيوب
بنتيريست