دعواتكم لزميلنا المفكر د.الباقر العفيف بالشفاء العاجل
|
|
 شكرا نازر الخليفه رجل المهام الصعبه
|
شكرا ياناذر اولا علي تعاملك الراقي والمحترم جدا في فتره عملك في بناء منزلنا. وشكرا ثانيا علي الشفافيه التي تعاملت بها معنا وانت تتبني فكره حديثه في بناء المنازل وتذهب كل مخاوفنا وقلقنا . وثالثا علي الاتقان والامانه في العمل وزوقك الراقي في التشطيب والتزامك بالمقاييس المثاليه للعمل.
و اخيرا صبرك الجميل علي واسرتي في الاسئله وعلي تاني في الدفع بالقطاره هههههههههههه
كن بخير يا صديقي
واضيف من جانب انساني انت اول زول اتعامل معاهو في هذا المجال وننتهي من العمل ونحنا اصدقاء وما مشاكلنا في السماء كالعاده هههههههههههه
|
|
 
|
|
|
|
|
|
|
|
Re: شكرا نازر الخليفه رجل المهام الصعبه (Re: الأمين لعوتة)
|
يا اسماء علي..
دا البناء بطريقة الثري دي بانيل...والله طوب واسمنت غيغ
لانو الصورة الاولي فيها حديد...والتانية اسمنت...
والله بنيتو بي طريقة الثري دي اسمنت...
لأني مفكر ابني...وناذر زمان قال لي ديب خمسين مليون
وانا اسلمك بيتك جاهز...وانا هسي داخل في كم صندوق..
وصرفتي حا يدوني ليها بعد ما تنتهي الانتخابات..
كان يخجوا الصناديق تاني
| |
|
|
|
|
|
|
|
|
 Re: شكرا نازر الخليفه رجل المهام الصعبه (Re: nazar hussien)
|
Quote: الشي التاني :
الراجل البنا - في الصورة - مالو ؟
راجل كادي وشريف و بياكل عيشو من عرق جبينو ..
ما المفروض يكون محل تهكم !!!!!! |
.. عليك الله عاين زي دا ...؟
حسع الاتهكم منو هنا دا .. ؟
ياخ الزولة دي بتجيب في مراحل البنيان حقت البيت .. جايبه الحيطة من بره والزول دا طالع في السقالة
عليك الله بس عاين زي دا ..؟
| |
|
|
|
|
|
|
|
|
 Re: شكرا نازر الخليفه رجل المهام الصعبه (Re: tmbis)
|
لاحظ عزيزي بشاشا القارئ
Quote: بالله دا ناذر شخصياً ..
يا سلاااااااااام ياخي ..
انا عارفو راجل خدوم جداً .. ما بقصر .. |
Quote: الشي التاني :
الراجل البنا - في الصورة - مالو ؟
راجل كادي و شريف و بياكل عيشو من عرق جبينو ..
ما المفروض يكون محل تهكم !!!!!! |
لا لا يا عمكـ .. أحسن يكون محل باسطة!
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
شكراً علي البوست يا اسماء علي
لكن قصدك الفنان الصحفي ناذر عضو المنبر؟ اذا كان ياهو زاتو طيب هو المهندس ولا المقاول ولا البناء ولاشنو في الحته دي بالظبط
ولو سمحتي ممكن تورينا التكلفه كم ولو بالتقسيط المريح ممكن يندفع كم وكيف؟
واخيرا مزيداً من الصور من كل الجوانب والنواحي...................ياخ راجيني كتره بناء.......حاجه تيئس
تحياتي
====
والتهكيم فاااااااااشل .......التهكيم فاا 
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: محمد زكريا)
|
ياااااااااه بخت ياناذر
شكرا كل المرور علي البوست مع اني عارفه انكم مريتو علشان ناذر لانو بوستاتي التانيه بكتب فيها برااااااااااي والحمدلله (ده بغر ما حسد يا ناذر والله يخلي ليك ناسك الكتار ديل :)
وشكر خاص للاعزاء ود الصايم وتمبس علي الفزعه الجميله دي وما ح ازيد علي كلامكم حاجه لما نسمع من اخونا التهكم وين. بس اوعي تكون فزعتكم دي يا شباب ذي فزعت كاس القتلت الناس.
شكرا تاني
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
شكرا أستاذة أسماء ...
Quote:
شكرا ياناذر اولا علي تعاملك الراقي والمحترم جدا في فتره عملك في بناء منزلنا. وشكرا ثانيا علي الشفافيه التي تعاملت بها معنا وانت تتبني فكره حديثه في بناء المنازل وتذهب كل مخاوفنا وقلقنا . وثالثا علي الاتقان والامانه في العمل وزوقك الراقي في التشطيب والتزامك بالمقاييس المثاليه للعمل.
|
الحقيقة دعيني أشكرك أنت أولا على إقتحام هذا التحدي الجديد المتمثل في البناء بتقنية الثري دي بانيل رغم حداثتها في السودان ، وطبعا سبقك قبلها كثيرون لعل السيد بكري أبو بكر كان أول من خاض التجربة وإجتازها بنجاح وأيضا أخونا محمد إسماعيل والذي لجأ لذات التقنية ..
| Quote: و اخيرا صبرك الجميل علي واسرتي في الاسئله وعلي تاني في الدفع بالقطاره هههههههههههه |
غايتو الدفع بالقطارة دا هو العذب خلف الله ذاتو هههههه
لكن المهم الإقتناع بالفكرة ..
Quote: انت اول زول اتعامل معاهو في هذا المجال وننتهي من العمل ونحنا اصدقاء وما مشاكلنا في السماء كالعاده هههههههههههه
|
والله أنا زاتي مستغرب كيف طلعت منك بدون ما أفلعك بي كوريك أو أخبتك بي مسطرينة أو أكشحك بي بوهية !!
غايتو خليها بالنية ..
والشكر موصول لأسرتك العزيزة وتسلم إيد الزولة الطبخت الخروف بتاع كرامة الجمعة ...
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
سلام عبد اللطيف ..
Quote: و تاني لو دايرة بيتين كمان ؛ حيعملم ليك .. على أحسن ما يكون ..
ما تشيلي هم .. |
صدق أنا عرضت عليها أعمل ليها بيتين تاني !!!
وهي ما شايلة هم لكن قالت لي دا كفاي ..!
فأنت برضو ما تشيل هم الحتة دي ..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
الزيادي دايما شاتر الشغلانية ..
| Quote: ناذر انا داير اعرس (وش عريس) |
يا خي فاكرني شغال خاطبة ؟!!
والله ذكرتني بالمثل البيقول :
تلقى العروس ما تلقى البيت تلقى البيت العروس تابا ..!! ههههههههههههه
كدي ألقى البيت في الأول ههههههههه
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: ناذر محمد الخليفة)
|
Quote: الزيادي دايما شاتر الشغلانية ..
Quote: ناذر انا داير اعرس (وش عريس)
يا خي فاكرني شغال خاطبة ؟!!
والله ذكرتني بالمثل البيقول :
تلقى العروس ما تلقى البيت تلقى البيت العروس تابا ..!! ههههههههههههه
كدي ألقى البيت في الأول ههههههههه |
والله يا ناذر الزول ده كلامو واضح بس داير اوفر خاص شويه
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
نزار حسين ..
Quote: لانو الصورة الاولي فيها حديد...والتانية اسمنت...
والله بنيتو بي طريقة الثري دي اسمنت...
|
البيت مصمم على تلاتة طوابق ..
وفي الحتة دي بندعم الأرضي بي زيادة تسليح و مونة خرصانية ..
Quote: لأني مفكر ابني...وناذر زمان قال لي ديب خمسين مليون
وانا اسلمك بيتك جاهز... |
كان عرض في وقتو وقلت ليك لا تدع الفرصة تفوتك ..
وإنت دعتها تفوتك .. كان زمان يا عمك ..
خليك في كسار الطوب بتاع عصام الخواض هههههه
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
مورتون
Quote: لكن قصدك الفنان الصحفي ناذر عضو المنبر؟ اذا كان ياهو زاتو طيب هو المهندس ولا المقاول ولا البناء ولاشنو في الحته دي بالظبط
|
في الحتة دي بالضبط دورو كان بيغني للبنايين والنقاشين والطلبجية (بلدنا نعلي شانا) وهم بيرددو معاي (سودانا نادانا) .. دا كلو في أثنائ الشغل يوماتي لحدي ما الشغل إنتهى في زمن وجيز وأخوك قبض عداد كارب من أسما ومعاو عشا فنانين !!
أها لمن تجي تبني أحجزني من بدري عشان ندي العرابين للجماعة ههههههههه
إنت يا مورتون من زمن الغنا بيكون في الحفلات بس ..!!! ا
البلد إتطورت يا مان .. خليك مع الزمن ....!
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: ناذر محمد الخليفة)
|
Quote:
أها لمن تجي تبني أحجزني من بدري عشان ندي العرابين للجماعة ههههههههه
إنت يا مورتون من زمن الغنا بيكون في الحفلات بس ..!!! ا
البلد إتطورت يا مان .. خليك مع الزمن ....! |
لا بالجد خليك جادي معاي........ما كنت قايلك مهندس....قايلك صحفي وفنان فوتغرافير......اها عربون غناء البناء دا كم يعني
وانت الصادق غناء الحفلات دا زاتو هو المودر الغناء ومجهجهو.......اشجع طرحك الجديد في التمسك بالمباديء والغناء في المبانيء
لكن ما مشكله يا ابو الزمل انا بلعب ليك ساكس.........انت بس ركز لي مع بتاع الدنب...عشان اكون مع الزمن يا حبه
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: طارق جبريل)
|
مورتون
Quote: اها عربون غناء البناء دا كم يعني
|
رسل لي النوتة في الإيميل وأنا أحسب ليك التكلفة مازورة مازورة وعلى الإسكيل الإنت دايرو :
بس خلي يكون إسكيلك عالي عشان اللحن يجي زي دا على الدييز :
أو زي دا على البي مول :
و خلي بالك إسكيلات البيمول دايما بتكون جميلة وما بتندمك في النهاية والغالي بي غلاوتو ..
| Quote: لكن ما مشكله يا ابو الزمل انا بلعب ليك ساكس.........انت بس ركز لي مع بتاع الدنب... |
اخوك بالمناسبة بتاع دنب ماهر جدا والدليل أهو :
دي قبل حداشر سنة في بومباي الهند ..
في كلام تاني ؟!
نشوف لعبك في الساكس لمن تجهز النوتة والسينيوهات..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: ناذر محمد الخليفة)
|
تمبس :
حاولت أرشك ؛ لكن تذكرت انك صاحب ( الحرامي عندو شبط ) ؛ شوية كدا غفرت ليك ..
لأنو اليوم داك البوست دا طلعني من دبرسة استمرت معاي شهرين ..
و كنت بفتش لي لحاجة كدا تضحكني بجد ..
و لقيتا هناك .. في البوست .. رغم انو دمك تقيل ..
ود الصايم :
حاول خليك زي صحبك تمبس دا شويتين كدا ..
ما تخففو شديد كدا و للآخر كمان ..
( لا وش ضاحك لا حاجة )
تخريمة : ممكن استلف صورتك دي .؟
بصمم في موقع بتاع ( كلكلة ) ..
و المسج الآخير لأختنا صاحبة البوست :
في البداية قارنت الشبه بين البنا و ناذر .. كانت الحكاية مقاربة شوية ..
ما كنت فاكر الحكاية بالجدية دي !!
رجعت ورا سنينا عددا ؛ و لم أجد أي علاقة بين ناذر و ( الهندسة و التصميم )
اللهم الا اذا كانت الانتخابات دي فرخت ( مهندسين جدد ) ..
و في علاقة بالمناسبة قوية جدا بين الهندسة و انتخابات 2010 .
لكن السؤال الدوخني علاقة العود الصحافة مقبولة .. لحد ما ..
لكن علاقتم بالهندسة ؛ بل و التشييد شنو ؟
فافتكرت الحكاية يا اختنا موضوع شبه ؛ ليس الا ..
و نحن طبعا ما بنرضا في اخونا ناذر .. و بننحاز دايما للطبقة العاملة الثورية .. و من ضمنهم اخونا البنا دا ..
و ما تخيلت ابدا انو الحكاية دي جاااادة بالشكل دا ..
فمافي داعي أكابر يا بت الناس و اعتذر ليك بشدة ..
نعم بشدة ..
و بيتك بخيت و سعيد عليك ..
تتهني بيه انت و عيالك .. و عيال عيالك ..
و عقبال ألف قصر ..
ألف قصر هنا ..
و ألف قصر في الجنة كمان ..
و تشكري ..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: عبداللطيف خليل محمد على)
|
Quote:
رسل لي النوتة في الإيميل وأنا أحسب ليك التكلفة مازورة مازورة وعلى الإسكيل الإنت دايرو :
بس خلي يكون إسكيلك عالي عشان اللحن يجي زي دا على الدييز :
|
ناذر ياخوي ماك داير تطرطش الناس بكلام الموسيقي وتخلطو مع نص البناء........بامناسبه انت الطرطشه دي مش ياها الاسمن بالطوب المدروش ولون كيف ما معروف داك؟
طيب كن قمت للطرطشه نديك شويه طرطشتنا
شوف يا مان....بخصوص النوته, البنك-نوت لسه ما جاهز خاااااالص كده....لسه ماشين بالسكتات والدبل كروش....لمن نحصل البلانش بنختم بروندو مربوط بين مازورتين....عشان القفله تكون بالكوده
او بالعوده الي المرجع الكبير........ودي ممكن يكون في السينيو المرسوم مع مفتاح صول والزمن اربعه من اربعه
السلم الانا عاوزه ممكن يكون طويل شويه عشان كده ما دايرين نسميهو اسكيل.....لان الاسكيل بحدد المجال اللممكن تطلع وتنزل فيه وانا بحب الجاز واحب اطلع بره الاسكيل الميجر وتلقاني بميل مع البلوز ماينر
يعني دايرنها حرف حرف مبنيه بتالتات هارمونيه........وما تخاف السلم ناتريل يعني ما فيهو اي علامه ديسز ولا بمول عشان لو داير تحفر تحت الخطوط لحدي مفتاح فا ما عندك مشكله.
من ناحيه اللحن العالي اكيد الضرب علي البعد التالت هو الافضل هارمونيا........بعدين القفله تكون بدون مساحات فارغه يعني نون معكوس
======
لكن الصوره بتاع الدنب تؤكد اجادتك للسنكبه فوق للدومب..........الساكس بتاعي للجاز والبلوز علشان كده دايرين نغير الاستايل السوداني شويه..........سالسا علي بايو وبالاد علي تمتم
.اها البيت دايرو يكون بي استايل جازبلوز بي سيره ودليب....... يعني ايمبروفايزيشن للفاين
لكن صاحبه البوست عملت ليك دعايه كاربه.......وانا بتمها لك
ههه.....غايتو جنس طرطشه 
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: محمد زكريا)
|
عبد اللطيف ..
Quote: و المسج الآخير لأختنا صاحبة البوست :
في البداية قارنت الشبه بين البنا و ناذر .. كانت الحكاية مقاربة شوية ..
ما كنت فاكر الحكاية بالجدية دي !!
رجعت ورا سنينا عددا ؛ و لم أجد أي علاقة بين ناذر و ( الهندسة و التصميم )
اللهم الا اذا كانت الانتخابات دي فرخت ( مهندسين جدد ) ..
و في علاقة بالمناسبة قوية جدا بين الهندسة و انتخابات 2010 .
لكن السؤال الدوخني علاقة العود الصحافة مقبولة .. لحد ما ..
لكن علاقتم بالهندسة ؛ بل و التشييد شنو ؟
فافتكرت الحكاية يا اختنا موضوع شبه ؛ ليس الا ..
و نحن طبعا ما بنرضا في اخونا ناذر .. و بننحاز دايما للطبقة العاملة الثورية .. و من ضمنهم اخونا البنا دا ..
و ما تخيلت ابدا انو الحكاية دي جاااادة بالشكل دا ..
فمافي داعي أكابر يا بت الناس و اعتذر ليك بشدة ..
نعم بشدة ..
و بيتك بخيت و سعيد عليك ..
تتهني بيه انت و عيالك .. و عيال عيالك ..
و عقبال ألف قصر ..
ألف قصر هنا ..
و ألف قصر في الجنة كمان ..
و تشكري ..
|
يا مان أنا فهمت قصدك من قولة تيت ..
ما عندك مشكلة .. بس الظاهر عليك ما متابع ..
بعدين يا خي بين الليلة وبين مغادرة الهند مرت قريب العشرة سنوات ودي كافية لانو الزول يتعلم حاجات وحاجات .. عشان كدة ما غريبة تشوفني صحفي بالصباح ومهندس بالنهار وفي كشك أقاشيه بالعصر وبالليل شايل عودي وحايم من حفلة لي حفلة دا غير الشغلات التانية البعملا بعد الساعة حداشر نهاية الحفلة وطبعافي دي (يو كانت سي مي)هههههه
Quote: و نحن طبعا ما بنرضا في اخونا ناذر .. و بننحاز دايما للطبقة العاملة الثورية .. و من ضمنهم اخونا البنا دا ..
|
تسلم يا حبيب وأخوك البنا دا حتى لو إفتكرتو أنا لأول وهلة برضك ما مشيت بعيد لاني أحيانا لمن أزعل من واحد من الجماعة ديل بنزلو وبلبس لي أبرول وبطلع بشتغل الشغلانية بي نفسي ..
تسلم ..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: محمد زكريا)
|
مورتون ..
| Quote: ....لسه ماشين بالسكتات والدبل كروش.... |
والله بالطريقة دي حا تكون مدور مرجعات وتطلع برة الزمن وتسقف على كدة هههه
Quote: ....لمن نحصل البلانش بنختم بروندو مربوط بين مازورتين....عشان القفله تكون بالكوده
او بالعوده الي المرجع الكبير |
ومراعاة لي عوامل الكروشات وتريبلاتا وكوارتريبلاتا قررنا نمشي معاك مازورة مازورة وممكن ندخل نظام الإستلاف بس السينيوهات دي ممكن نخليها مع نهاية كل كوبليه ..
Quote: ........ودي ممكن يكون في السينيو المرسوم مع مفتاح صول والزمن اربعه من اربعه
|
زمنك دا ما صعب بالنسبة لي لكن نفسك مفروض يكون طويل في عزف الساكس .. يعني من هسي قرر الساكس يكون مي ولا سي .. لانو لو بقى مي ما مشكلة في الأول ولو بقى سي حا يكون (سيك سيك معلق فيك) وبي كدة حا تطلع لينا من الزمن وحا أفلقك باقرب مفتاح صول ألقاهو قدامي أجدعك برة الزمن ..!
Quote: السلم الانا عاوزه ممكن يكون طويل شويه عشان كده ما دايرين نسميهو اسكيل.....لان الاسكيل بحدد المجال اللممكن تطلع وتنزل فيه وانا بحب الجاز واحب اطلع بره الاسكيل الميجر وتلقاني بميل مع البلوز ماينر
يعني دايرنها حرف حرف مبنيه بتالتات هارمونيه........وما تخاف السلم ناتريل يعني ما فيهو اي علامه ديسز ولا بمول عشان لو داير تحفر تحت الخطوط لحدي مفتاح فا ما عندك مشكله.
|
كدة إنت زولي وبكل تاكيد نوتتك حا تكون فيها حليات كتيرة وتجديد يقول لي تجديد الموصلي إنت شنو ..!
| Quote: ههه.....غايتو جنس طرطشه |
نسأل الله السلامة دا شنو اللبن سمك تمرهندي دا ....!!
انا زاتي هسي ما فاهم دايرين نعمل شنو ولا نبني شنو ولا نردم شنو ؟!!
يا مورتون بي كلامك دا هسي ما إنت تنفع مهندس عدييل ؟!
أثبت إنو المهندس ما شرط يكون قاري هندسة يعني ممكن تكون دارس مزيقا وتبني عمارات عادي ههههه
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: ناذر محمد الخليفة)
|
| Quote: بعدين يا خي بين الليلة وبين مغادرة الهند مرت قريب العشرة سنوات ودي كافية لانو الزول يتعلم حاجات وحاجات .. عشان كدة ما غريبة تشوفني صحفي بالصباح ومهندس بالنهار وفي كشك أقاشيه بالعصر وبالليل شايل عودي وحايم من حفلة لي حفلة دا غير الشغلات التانية البعملا بعد الساعة حداشر نهاية الحفلة وطبعافي دي (يو كانت سي مي)هههههه |
... وعند الفجر مؤذن!!
ألف مبروك للفاضلة أسماء ونسأل الله أن يجعله بيتا تحفه الملائكة... ويا ريت لو ترفقوا لنا صور خارجية للمنزل حتى تظهر جمالياته. والأهم من ذلك كم استغرق من الوقت؟
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: محمد الأمين موسى)
|
بسم الله الرحمن الرحيم
اولا للاخت اسماء صاحبت البوست
عيني باردة ان شاء الله البيت بارد عليكم
يديكم خيره و يكفيكم شره
طيب و قت الحبيب ناذر ده عنده القدرات دي كلها
مل تقولوا لينا عووووك
و الله نحن قربنا نقول اعرش خلاص من متر و نص
صدقوا واقفين في نص الطريق
الاخ ناذر ... محتاجين خدمات في نفس المجال
( حكاية التقسيط المريح دي عجبتني شديد )
و لا دي ما للعامة ؟ .............
همسة في اذن ناذر ما تتصنتوا ياجماعة
كان الشغل داير واسطة بنجييب واسطة و نجيك
بس دايرين المراعاة في السعر و الاقساط و كدة
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: adam alamar)
|
سلام محمد الامين ...
| Quote: ويا ريت لو ترفقوا لنا صور خارجية للمنزل حتى تظهر جمالياته. والأهم من ذلك كم استغرق من الوقت؟ |
المنزل لم يكتمل تماما بصورته الخارجية لان هنالك طابقا علويا تحت الإنشاء مستقبلا ..
| Quote: والأهم من ذلك كم استغرق من الوقت |
منازل الثري دي بانيل في العادة لا تستغرق أكثر من ثلاثة أشهر ..
تسلم
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: adam alamar)
|
أدم العمار ..
Quote: و الله نحن قربنا نقول اعرش خلاص من متر و نص
صدقوا واقفين في نص الطريق
|
متر ونص وواقفين في نص الطريق .؟!!
Quote: الاخ ناذر ... محتاجين خدمات في نفس المجال
( حكاية التقسيط المريح دي عجبتني شديد )
و لا دي ما للعامة ؟ .............
|
يا زول ما تلخبط .. ما في زول جاب سيرة تقسيط مريه هههههه
لكن قلنا في تسهيلات في الدفع ..
يعني تدفع 95% والباقي نقسطو ليك على شهرين هههههه
| Quote: كان الشغل داير واسطة بنجييب واسطة و نجيك |
يا مان مرحب بيك من غير أي واسطة ..
تسلم ..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: احلام وهبي)
|
أحلام ...
غايتو بيتكم داا في وجود السني محتاج مواصفات خاصة ..
يعني الناس بتبني تلات غرف وصالون وحمام وهول لكن كدة إنتو محتاجين تلاتة غرف وحمام ومسرح وكالوسين .. هههه ..
قولي لي السني صحبك الشاكلني وكان داير يشلتني في المناسبة ديك بقى صحبي جدا والمفروض أبني ليهو في الأسبوع الجاي دا ..
يعني كلامو طلع صاح وصاحبتو بالرجالة هههههههه ..
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Asma Ali)
|
استاذة اسماء
الف مبروك البيت
عشان كده كل مانفقدك نلقاك في الخرطوم عموما نحن منتظرين كرامتنا هنا في البحير وبالمناسبة انا حايم في شمال وغرب دارفوروإحتمال ارجع لجنوب دارفور في بداية يونيو يعني حقي محفوظ ونسيت اقول ليكي انا انضميت للمنير وماتنسي جيب لي معاكي التفاصيل عشان نفكر لينا في حاجة زي دي لناس لينة
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: ناذر محمد الخليفة)
|
Quote: شكرا ياناذر اولا علي تعاملك الراقي والمحترم جدا في فتره عملك في بناء منزلنا. وشكرا ثانيا علي الشفافيه التي تعاملت بها معنا وانت تتبني فكره حديثه في بناء المنازل وتذهب كل مخاوفنا وقلقنا . وثالثا علي الاتقان والامانه في العمل وزوقك الراقي في التشطيب والتزامك بالمقاييس المثاليه للعمل.
و اخيرا صبرك الجميل علي واسرتي في الاسئله وعلي تاني في الدفع بالقطاره هههههههههههه
كن بخير يا صديقي
واضيف من جانب انساني انت اول زول اتعامل معاهو في هذا المجال وننتهي من العمل ونحنا اصدقاء وما مشاكلنا في السماء كالعاده هههههههههههه |
يا ناذر يا جميل
لا نملك لك إلاّ المحبة والدعوات الطيبات فكن بخير.
| |
|
|
|
|
|
|
|
|
|
Re: شكرا نازر الخليفه رجل المهام الصعبه (Re: Elawad Eltayeb)
|
Interesting Post
and useful as well!
dear Asma
Congratulations for both of you
&Nazir
Asma
what is the new method ya Asma?
I hope it is something that is
realizing the weather of Sudan
in all seasons
...
Regardless of the things you
can add to defeat the climate
There is no thing better than considering
nature life and weather when building a house
I am so proud of you ya Nazir
and wish you
all the best
Greetings &love
| |
|
|
|
|
|
|
| |
Asma Ali
عبداللطيف خليل محمد على
محمد المختار الزيادى
محمد عبد الماجد الصايم
tmbis
محمد زكريا
ناذر محمد الخليفة
طارق جبريل
خالد عبد الله محمود
Ahmed musa
سيف الدولة كامل
احلام وهبي
محمد الأمين موسى
الرفاعي عبدالعاطي حجر
الريح ابراهيم الضو
محجوب البيلي
Safa Fagiri
مزمل خيرى
naeem ali
عمران حسن صالح
فيس بوك
تويتر
انستقرام
يوتيوب
بنتيريست