دعواتكم لزميلنا المفكر د.الباقر العفيف بالشفاء العاجل
|
|
 زين للإتصالات تواصل سخافاتها وعدم إحترامها لعملائها ..!!
|
كتبنا كثيراً عن فعائل بعض شركات الإتصالات وعن الكيفية التي تحاول بها جني أقصى الأرباح دون تقديم خدمة مميزة لمشتركيها ، ودون حتى إحترام رغبات مشتركيها وحريتهم الشخصية ، ولكن يبدو أن إدارات هذه الشركات تعودت وإستمرأت (التطنيش) تجاه ما تقرأه وما تستمع إليه من نصائح ومقالات وشكاوي عملائها تجاه الكثير من الخدمات التي تقدمها ...
كتبنا قبل فترة عن إنتهاك شركة زين لأبسط حقوق العملاء وهو ضياع زمنهم الذي يقضونه في الإستماع إلى إعلاناتهم الدعائية والتي يستمع إليها مشترك الدفع المقدم حين يجري إتصالاً فيجد الطرف الاخر مشغول ، فبدلا من أن يستمع لعبارة من شاكلة (هذا الرقم مشغولا حاليا) كما كان في السابق ، نجد زين تحشر في هذه المساحة إعلاناتها المستفزة دونما مراعاة حق المشتركين في عدم رغبتهم بالإستماع لاي من هذه الإعلانات وهو حق تكفله كل القوانين في الدول الاخرى ..
وأنا شخصيا كنت قد تلقيت وعودا من بعض مسئولي شركة زين والذين إتصلوا بي وأبدوا تجاوباً مع ما كتبته وأقروا بخطأ بث هذه الإعلانات ووعدوا بإلغائها في أسرع وقت ممكن ..
ولكن بدلاً من ذلك فشركة زين عندما رأت ضعف إحتجاج مشتركيها على ما تبثه من إعلانات وإستكانتهم للأمر المفروض عليهم رغم أنفهم آثرت توسيع رقعة ومساحة هذه الإعلانات لتنتقل لمشتركي الدفع الآجل بعد ان كانت تبث لمشتركي الدفع المقدم ، وهذه الإعلانات التي يسمعها المشترك وغصباً عليه بدأ العمل بها اواخر الإسبوع الماضي لفئة الدفع الآجل ، وكنت أحسب انها مجرد تجربة وقدمت ظني الحسن في مسئولي الشركة الذين وعدوا بإلغائها من خدمة الدفع المقدم ولكن مع إستمرار بث هذه الإعلانات حتى اليوم تيقنت ان الشركة قررت ضرب كل القواعد المعمول بها في هذه المجال عرض الحائط جنباً إلى جنب مع وعودها التي قطعتها وكذلك رؤوس عملائها ..!!
|
|
 
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: omer osman)
|
غايتو اتوكت وخشيت اليحصل يحصل...
السلام عليكم
ياناذر بالجد وصراحة انا راسي ماضرب زي ماضرب مع شركات الاتصالات الفي السودان دي ، وانت كمان كل يوم تشيل وتفتح بوست وتزيد في الهموم..
ياخ لليلة انا ماقادر افهم لو قعد زول شرح لي للسنة الجاية خدمات النت وتفاصيلها هنا ( سوداني يقولو ليك فري داون لود وهكذا) (زين سريع لكن ماتعرف شنو) (كنار ارخص ولا برضو مافاهم ) وشايف جاء واحد اسمو (ثابت)وهلمجرا ...
داير اخش عليك انت ولا بقال تشرحوا لي من طق طق للسلامو عليك نقع وين ونقبل وين؟
تاني اقول يازول مالك عايز تدخل يدك في عش الدبابير ، لااانا فاضي زمن ولا لي وجع الراس اقوم اجلي الفكرة..
انا ماتابعت كل ما كتبتو بخصوص شركات الاتصال دي ، لاني بالجد ماحافهم البحصل ده..
كنت شغال بي كنار ، فترة مشيت جبته سوداني ، دلوقت يوم 28/7 رسلت اخوي جاب لي زين ، جاني الصباح قال لي (لكن بشتغل باكر )...
مافهم قاصد شنو ولا سالتو قلت لي يوم 30/7 النشغلو...
مع علمي انو مفروض تدفع القيمة الخدمة تصلك..
اجي من الصباح القاك فاتح البوست ده؟
يعني زي المسخت علينا(زينا) الشتريناهو ده؛ وماعارفو حيشتغل ماحشتغل ...
كدي براحة عليك دينك اشرح لي حبه حبه البميز خدمة عن تانية ...
ونقبل وين..
شكراً مرة تانية
ولو المداخلة دي ضايقتك ممكن تجليها عادي..
سلام...
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: معتز تروتسكى)
|
| Quote: كتبنا كثيراً عن فعائل بعض شركات الإتصالات وعن الكيفية التي تحاول بها جني أقصى الأرباح دون تقديم خدمة مميزة لمشتركيها ، ودون حتى إحترام رغبات مشتركيها وحريتهم الشخصية ، ولكن يبدو أن إدارات هذه الشركات تعودت وإستمرأت (التطنيش) تجاه ما تقرأه وما تستمع إليه من نصائح ومقالات وشكاوي عملائها تجاه الكثير من الخدمات التي تقدمها |
ناذر.. تحياتي,
اتفق معك تماماً: هناك ضعف شديد في السودان فيما يختص بحقوق المستهلكين عموماً, و ومستهلكي خدمة الإتصالات بشكل عام. و مثل هذة الحقوق تقوى و تحقق الكثير في الأنظمة الديمقراطية من خلال جمعيات حماية المستهلك التي يجلس أعضائها حتى في اللجان التي تمنح الرخص للشركات. , لكن تواضعاً لما هو ممكن في بلد كالسودان من الممكن لك التعاون مع مهتمين آخرين بهذا الشان, التعرف جماعات حماية المستهلك في العالم عن طريق قوقل مثلاً, و تأسيس جمعيات شبيهة في السودان : جمعية حماية مستهلكي الإتصالات مثلاً و بدأ حملة منظمة لتأسيس دور فاعل هذة الجمعية من الخبرات المستفادة في دول أخرى.بدأ بالأسعار و إنتهاء بأشياء كالإعلانات التي تطرقت لها يمكن إنجاز الكثير للمستهلك حتى في غياب الحريات الديمقراطية التي عادة تمنح الكثير للمستهلك حيث تكون السلطة متأثرة كثيراً بما تريده القواعد و تصعب القرارات الفوقية الجائرة في الأنظمة الديمقراطية, و لكن مشوار الميل يبدأ بخطوة!رغم إجتهاداتك الفردية في هذا الشأن لن تنصت لك شركة حتى لو على صوتك, و لا بديل لتنظيم الناس هنا.
مودتي
عادل
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: انعام عبد الحفيظ)
|
ناذر يا صديقي ، سلام عليكم
منعا لاي سوء فهم ، أنا زين دي ما عندي فيها زول بعرفو و لا عندي بيهم علاقه من أي نوع و لمن مرقت من السودان الشقيق ما كان فيو موبايلات ذاتو !
ما عارف ليه ، لكن حاسي إنك عاصر علي زين زي العندك معاهم مشكله شخصيه !! مشكله شخصيه طبعا ما بالفهم الحرفي للكلمه ! لكن بفهم إنك تسعي لتشويه سمعتهم بالحق و الباطل ، و بالمبالغه في تصوير أخطاءوم ، يعني هسي عليك الله ده مشكله إنو بخلوكم تستمعو لإعلاناتهم في التلفون لدرجه العنوان ( زين للإتصالات تواصل سخافاتها وعدم إحترامها لعملائها ) و كل شويه تكرر زين عالم شين ، زين عالم شين ؟!
الكلام ده ممكن يكون مشكله في دوله متحضره و متمدنه ، لكن في بلد بتجلد فيه من اللبس صحفياتهو - كنايه عن كميه و نوع المشاكل - ما ممكن يكون سبب عشان تشيل حس الشركه في اسافير الله الواسعه دي !
و بالله ما تجي تعملها معاي شكله ، براي ما ناقص !!!!
| |
|
|
|
|
|
|
|
|
 Re: زين للإتصالات تواصل سخافاتها وعدم إحترامها لعملائها ..!! (Re: Amin Mohamed Suliman)
|
ناذر لك التحية,,,
ياخي والله احترنا معاكم ,,
تعرف الواحد يتصل بالسودان ,,
تجيك هذه المقدمة العجيبة والدعاية التي تخصم من رصيدنا هنا,,
ومرات تتصل يسرجوا بيك لمن تشوف النجوم,,
وكلوا مخصوم,,
المهم ماداير اخوض في التفاصيل ,,
شرحت الوضع لشركة الاتصال هنا,,
اتخيل اعتذروا لي ورجعوا لي الرصيد المهدر ,,
المهم رمضان كريم ونشوفك قريب,,
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: Magdi Ahmed Elsheikh)
|
الاخ/ ناذر
مساء الخير... منذ فترة و انا اجمع في بعض الافكار للكتابة عن "عنصرية زين"، ذلك لان زين
قد احتكرت الاتصال المحمول زمانا في السودان لتجني الكثير قبل انتقالها الى السعودية، و مع ذلك
فقد خاطبت المشترك السعودي بعبارة اقل ما توصف بانها ضاربة في العنصرية"في عالم زين أنت الازين"،
متنكرة بذلك للايرادات الضخمة التي حصلت عليها من المشترك السوداني. ارجو ان يظل هذا البوست مفتوحا
للكشف عن التعامل غير العادل للشركة تجاه المشترك السوداني
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
سلام دكتور عادل إسحق ..
| Quote: و تأسيس جمعيات شبيهة في السودان : جمعية حماية مستهلكي الإتصالات مثلاً |
قبل غترة وصلني إيميل من أحد المتابعين لهذا المنبر يطرح ذات الفكرة وهي إنشاء جمعية لحماية مستهلكي خدمات الإتصالات ، ولا مشكلة في تأسيس مثل هذا الكيان لكن المشكلة الاكبر في نظري هو عدم إهتمام شركات الاتصالات بأراء عملاءها ..كما أن معظم موظفي هذه الشركات لا يدرون شيئا عن كيفية التعامل مع شكاوي العملاء وأحيانا يتعاملون معها بإستخفاف شديد ..
| Quote: يمكن إنجاز الكثير للمستهلك حتى في غياب الحريات الديمقراطية التي عادة تمنح الكثير للمستهلك حيث تكون السلطة متأثرة كثيراً بما تريده القواعد و تصعب القرارات الفوقية الجائرة في الأنظمة الديمقراطية, و لكن مشوار الميل يبدأ بخطوة!رغم إجتهاداتك الفردية في هذا الشأن لن تنصت لك شركة حتى لو على صوتك, و لا بديل لتنظيم الناس هنا. |
نعم نحتاج لتنظيم فاعل ومؤثر .. وإنشاء الله سأعمل جاهدا على ذلك عندما يتوفر لي الوقت ..
شكرا عادل ..
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
سلام إنعام ..
Quote:
ناذر سلام
حاجة فعلاً مملة وسخيفة جد
لما أسمعها بكون عايزه أقفل الخط
وألغي الإتصال ومرات أقول لا
انا محتاجة للمكالمة وما بعرف أعمل شنو؟؟؟
يعني بدل ما الناس تلقى زين عالم جميل
بتلقاهو عالم ممل وشين |
فعلا هذا ما يحدث ..!
تدفع من جيبك لتنعم بخدمة ومردود لما دفعته فتجد أن شركة زين تستثمر حتى في أموالك لتهدر من وقتك بسماع إعلاناتها السخيفة تلك ..
في دول أخرى هذه الشركات تدفع للمستهلكين أموالا كي يوافقوا على سماع إعلاناتها ..
مش كسر رقبة وغصبا عنك كما يحدث عندنا ..!!
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
أمين محمد ...
| Quote: ما عارف ليه ، لكن حاسي إنك عاصر علي زين زي العندك معاهم مشكله شخصيه |
نعم هي مشكلة شخصية .. فالشركة تستخف بي بالرغم من إني أدفع مستحقاتها على داير مليم ..!
وإن كنت أفتري على زين كذبا أو أنني ألفق الأكاذيب هنا فذلك شي أخر ..
ولكني أعكس الواقع وما تفعله هذه الشركات بنا .. أليس ذلك مدعاة لأن تكون المشكلة شخصية ؟؟!!
وقياسا لما قيل :
مشاكلي الشخصية تمتد أيضا لشركات إتصالات أخرى تسرقني (عينك يا تاجر) مثل شركة سوداني ..!!
Quote: ، يعني هسي عليك الله ده مشكله إنو بخلوكم تستمعو لإعلاناتهم في التلفون لدرجه العنوان ( زين للإتصالات تواصل سخافاتها وعدم إحترامها لعملائها ) و كل شويه تكرر زين عالم شين ، زين عالم شين ؟!
|
طبعا هذه اكبر مشكلة .. أريد أن استمتع بما دفعته للشركة .. ولكن الشركة تريد أن تستمتع بفرض إعلاناتها السخيفة على هاتفي وهذا في حد ذاته أعتبره تغولاً على حريتي الشخصية ..!
Quote: و كل شويه تكرر زين عالم شين ، زين عالم شين ؟!
|
زين عالم شين يا أمين وإليك هذا المثال على (شناتهم) :
أحل ميعاد دفع الفاتورة الشهرية قبل فترة قريبة وقطعت عني الشركة إرسال الهاتف .. ذهبت إلى مركز الشركة بالخرطوم 2 شارع كترينا لدفع الفاتورة لاجد الجميع في حالة تذمر ..!! سألت عن الامر فقالوا لي أن هنالك مشكلة في الشبكة تحول دون إعادة الإرسال ودون تسديد الفواتير .. إنتظرت لاكثر من ساعة والشبكة لا وجود لها والهواتف تعاني الصمت ..
سألت الموظفة مباشرة فردت علي بكل برود وبطريقة لم تقنعني .. إنفعلت وقلت لها إذا كنتم غير قادرين على إعادة الخطوط للهواتف المقطوعة فلماذا أوقفتو الخدمة أصلاً ؟!! وكيف يستقيم أن لدي قيمة الفاتورة ولا أستطع دفعها للتمتع بالخدمة ..! ثم قلت لها : زين عالم شين ...! فقالب لي شكرا جزيلا .. فكررت لها : زين عالم شين .. شكرتني مجددا .. وأردفت : زين عالم شين ..! فسكتت !!
توجهت بعدها لشارع الجمهورية مركز زين الاخر حسب نصيحة أحد الموظفين .. ولكني وجدت الأمر أكثر سوءاً هنالك ولا شبكة أيضا ..! تلفت يمنة ويسرة عاني أجد أحد المسئولين لاقول له : زين عالم شين ..! إلا انني لم أجد احدا (مطرفاً) ..!!
فمكثت يومي هذا بلا إتصالات رغم حوجتي الماسة للهاتف لتسيير أمور العمل ..
فأضطررت للرجوع للمنزل وفي اليوم التالي ذهبت إليهم فأعادوا لي الأتصال ..!
صنفرة :
ويدك في الموية ما زينا في النار ..!
زين عالم شين يا أمين .. شين شناة العدو !!
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
| Quote: ولا شنو يا امين محمد سليمان ..؟؟!! |
ويحك يا بن الخليفه !
مالي أراك عاصرا علي زين ؟ لم ترع فيهم إلاً ولا ذمة ! سببت شركتهم و شتمت طريقتهم ، عبت عالمهم و سفهت إعلانهم ، ثم طفقت تفتح في البوستات الواحد تلو الاخر حتي ظننت أن ابا صلعه قد أشركك في أمره !
هي الحرب إذن !
فإن عزمت على المسير ، فأنت الي حتفك تسير !!
كف عن زين يا بن الخليفه ، و إلا جاءوك بجيش أوله في نمره إتنين و أخره في السجانه !!!!
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
حبيبنا أمين محمد سليمان... تحياتي...
طوالي أنتا في الحالة دي؟
يعني داير العنصرية تكون واضحة زي الشمس،
داير القوانين تكون مكتوبة بالبونط العريض أنها من الشريعة الإسلامية،
وهنا شايف ناذر عاصر على ناس زين، وهو متضرر منهم،
بينما الشايفو الآن أنك واقف مع ناس زين وقفة رجل واحد!
وعلى حسب كلامك ما عندك لا في العير ولا في النفير...
أديها صنّة!
____
شكراً يا ناذر على هذه الوقفة المقدرة...
أنت تقوم بعمل عظيم، نيابة عن مئات الألوف من المساكين في السودان...
المهم...
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
ياناذر اخوى عندى مشكلة مع ناسك ديل
طبعا انا مابعرف زين انا لما طلعت من السودان كانت موبتيل وعندى رقم حقى ملك حتى لما سافرت رفضته اديهو حتى ناس بيتنا
اها لحدى عام 2008 الرقم كان شغال حتى عندى صحبى معاى هنا كان مسافر السودن اديته الشريحة وشغلها تمام حتى استقبل رسالة من زين انه سوف يتمتع بالخدمة الى ما لا نهاية.
لكن قبل كم شهر كده اتصلت على رقمى نظام اطمئن وكده فاذا بالرقم تحمله بنت فسالتها يابنت الناس الرقم ده حقى انا وانا خارج السودان انتى لقيتى الرقم ده وين.
قاالت لى ناس زين وزعوا الارقام القديمة الساقطة وادونى الرقم ده .
وطبعا رقمى مميز ومن الارقام الاولى 122 .
وانا جاى بعد اربع شهور ان شاءالله اها فكرك الناس ديل برجعوا لى رقمى ده.
ولا القصة حتكون شنو .
بالله شوف لى القصة دى حلها شنو
لان الرقم ده عزيز جدا على ومابقدر استغنى عنه .
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: ناذر محمد الخليفة)
|
دا ما حل ..!!
الحل في وقف البياخات دي من الاساس ..!!
ناذر يا اخوي
اذا وقفت الاعلانات هي مطلبك فمشكلتك بسيطة وما بتستاهل البوست الطويل ده
انا مطالبي مع زين اساسية :
1- وقف الاستقطاعات الشهرية للارسال والتي لا مثيل لها في العالم.
2- وقف استقطاع قيمة الرسالة عند تحويل الرصيد.
3- وقف الضحك علي الدقون بعدم تنشيط الرصيد المجاني في زين (ايزي) بمعني
انا عندي شريحة ايزي وفيها رصيد تلاتة الف ونص وما بقدر اضرب ولو مكالمة محلية
اتصلت بخدمات المشتركين قالو لي اشحن بي رصيد تاني وابدا اتصل عادي والرصيد ده
حينزل ليك شوية شوية.
يحققو لي مطالبي دي وبعد داك انشاء الاعلانات تكون قبل كل مكالمة ما عندي مانع.
زين عالم شين
زين عالم شين
زين عالم شين
ورقمي 0912608260 انشاء يوقفوهو بعد كلامي ده عشان اتحول لي MTN
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: Frankly)
|
أدهم عبد الرحمن ..
Quote: ناذر يا اخوي
اذا وقفت الاعلانات هي مطلبك فمشكلتك بسيطة وما بتستاهل البوست الطويل ده
انا مطالبي مع زين اساسية :
1- وقف الاستقطاعات الشهرية للارسال والتي لا مثيل لها في العالم.
2- وقف استقطاع قيمة الرسالة عند تحويل الرصيد.
3- وقف الضحك علي الدقون بعدم تنشيط الرصيد المجاني في زين (ايزي) بمعني
انا عندي شريحة ايزي وفيها رصيد تلاتة الف ونص وما بقدر اضرب ولو مكالمة محلية
اتصلت بخدمات المشتركين قالو لي اشحن بي رصيد تاني وابدا اتصل عادي والرصيد ده
حينزل ليك شوية شوية.
يحققو لي مطالبي دي وبعد داك انشاء الاعلانات تكون قبل كل مكالمة ما عندي مانع.
زين عالم شين
زين عالم شين
زين عالم شين
|
بلوغ الثريا أسهل من أن تلبي زين مطالبك يا أدهم ..
وكذلك مطالبي ..!!
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: Frankly)
|
فرانكلي ..
Quote: يا ناذر
ما يعاني به العملاء من شركات الإتصال هو ضعف وعدم أهلية في الإدارة
وليس ضعف مراكز الخدمات
|
بالضبط يا فرانكلي وقد تحدثت في ذلك ببوست سابق ..
ولكن ضعف مراكز الخدمات وارد أيضا ..
Quote:
من نحن؟
وماذا نقدّم؟
ولماذا يأتي إلينا العملاء؟
ومن هم عملاؤنا؟
ولماذا يبقى عملاؤنا عندنا وليس عند المنافس؟
|
أسئلة ليست للإجابة يا فرانكلي ...!!
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: GamarBoBa)
|
الاخ ناذر
رمضان كريم
تعرف بعد البوست العملتو انا والاسمو زين عالم قبيح
ناس الشركة اتصلوا بي ومشيت ووضحوا لي سوء التفاهم الكان حاصل
وطلبوا مني اواصل الاشتراك واقضي باقي الشهر داك والشهر دا الانتهى اول امس ولو ما نفعت معاك الخدمة جيب لينا جهازنا وبنرجع ليك قروشك
وافقت ورجعت بجهازي وواصلت الشغل عادي
اليوم الظهر مشيت مكتب زين بحري لسدادا الفاتورة لقيت الفاتورة ما فيها اي زيادة 51 جنيه دفعتها كاملة بس اعيب عليهم حكاية الفكة دي شالو مني 55 ونزلوا لي الـ 4 جنيه للشهر الجديد ... حقيقة التجربة بالنسبة لي كانت ناجحة ..
بفكر افتح بوست اعتذار لشركة زين .. وقلت استأذنك 
البوست حيكون اسمو ( اعتذار واجب للسادة شركة زين للإتصالات)
منتظر ردك يا حبيب
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: GamarBoBa)
|
زين MDSL
قبل رمضان بيومين كنت خارج الخرطوم ومعاي زين كونكنت ابو خمسة قيقا شركات
حسب الخدمة المشروحة من زين لهذه الباقة انها خمسة قيقا
الفاتورة طلعت
اتصلت استفسر من الفاتورة لقيتها 150 الف جنية الا حاجة بسيطة..وحسب الاتفاق مع الشركة ان الشركة ستدفع 51 الف وكسر جنيه
تفاصيلها كالآتي
40 الف ايجار الخمسة قيقا
8 الف قيمة مضافة (20%).
3 وكسر دعم حاجة كدة جريح ولا طلاب ولا شنو ما بعرف
اتفاجات تماما بالرقم لكن لحوجة عمل ماسة جدا حاولت اغذي الحساب بإسكراتشات جبت ستة حبات من ابو خمسة وعشرين الف
التغدية لم تنزل
اتصلت علي وحدة ستهم ووريتها المشكلة.. ببساطة قالت لي السيستم ما بقبل الموضوع ده هسة
شوف الخسارة
تاني جيت الخرطوم ومشيت زين
صف الشركات في زين العمارات شي يطمم البطن...حوالي 12 كاونتر خدمة .. والكاونترات الشغالة حوالي تلاتة وصف الشركات مقرف
سألت واحدقال لي ناس الشركات في البلدية واصلا هنا في موظف واحد بس
يعني زين ما عندها القدرة تفتح كاونتر اضافي للشركات في مركز خدمة وعاجباها قعاد الناس بالساعات امام كاونتر الشركات
والامانة لله الموظف او الموظفة الماسكين الشركات اتنين في قمة الهميمية والانجاز لكن ضغط الشغل والصف عليهم طويل
طلبت تفاصيل فاتورة
حاجة كدة لا يتصورها العقل
تحدث معهم انو دي خمسة قيقا والفلات ريت بـ 123 الف البخليني بالمنطق ادفع 150 الف في 5 قيقا شنو
هزوا كتوفهم
نجي لمفهموم الداونلود والاب لود لدي زين
لما اشتركنا في الباقة دي قالوا لينا الداون لود والابلود بالمعني المعروف مسموح ليك 5 قيقا
سألت سؤال مباشر.....التصفح هو داون لود قالوا لأ داون لود عديل كدة تحميل ملف بإكستنشن من سيرفر والابلود رفع ملف برضو لسيرفر
اكتشفت انهم بلعبوا علينا ببساطة لانو التصفح داونلود...
والمواطن العادي هل يعرف الفرق بين الداون لود والتصفح
قول نحن طلعنا اي كلام انتو مش محددين السعة خمسة قيقا
انا مؤجر منكم خمسة قيقا وخلصت هل توقفني حسب ايجاري ولا تفتح لي الموضوع عشان تاكل حقي القيقا الاضافية بمبلغ مهول يتعدي 30 الف في تصوري انا؟
العلاقة بين العميل والشركة تقوم علي جهل العميل بنظام الشركة وطريقة حسابها للمستحقات،والعميل اصلا غير مطالب انو يفهم حاجاتك وتفاصيلها بالقدر المتعمق ده والمفروض الشركة هي التي توضح
نواصل في زين كونكت
تحياتي
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: GamarBoBa)
|
Quote: جنيه للشهر الجديد ... حقيقة التجربة بالنسبة لي كانت ناجحة ..
بفكر افتح بوست اعتذار لشركة زين .. وقلت استأذنك
|
وهبةرمضان كريم
الفاتورة الاولي جاتني 35 الف وكنت مبسوط قايل نفسي هزمت سوداني ام دي اس ال وكنت مغشوش وغشيت معاي ناس وديتهم الخدمة
التانية جاتني 67 الف
لحدي ما وصلت قريب 150
ما تستعجل في الاعتذار اصبر اديها شهر تاني وشوف طريقة الحساب لانو في ايام بتتداخل وانت طول ما في الخمسة قيقا حسابك بكون مصفر الاسبوعين البعديه الما بظهروا في الفاتورة القيقا حسابه بحسب ليك الكمبيوتر وهو خاتي سفة من الجمري وبستمتع بيك خالص
اخوي اصبر شوية ولو ما سويتها زينا فلا ريت حتشوف
الخلاصة زين كونكنت للافراد والشركات والاسعار المختلفة:
2 قيقا ماسورة زي وارقو بالضبط
5 قيقا ماسورة زي ابراهيموفتش هسة
الفلات ريت بمرقك لكن
| |
|
|
|
|
|
|
|
|
|
Re: زين للإتصالات تواصل سخافاتها وعدم إحترامها لعملائها ..!! (Re: GamarBoBa)
|
| Quote: الفلات ريت بمرقك لكن |
بوبا ومزمل مساكم ورد
تعرف يا بوبا كلامك دا خوفني شديد
كويس انك وريتني الحاصل دا انا تقريبا دخولي في اليوم حوالي 3 ساعات وساعتين للشفع .. الفلات ريت غالي وبالجد كدا بقيت ما بقدر عليهو مع ضغوط الحياة دي .. لكن للامانة والتاريخ ناس زين خدمتهم افضل .. انا بتعامل معاهم لي هسه حوالي 45 يوم الخدمة ما قطعت ولا اتوقفت ولا تقلت حتى عكس ناس سوداني .. تكون تكون شغال في امانة الله وفجأة يقول ليك Disconnected لشنو ما تعرف .. مرة قطعت مني الخدمة حوالي 3 يوم مشيت ليهم قالوا لي جيب الجهاز نفحصو وديتو ليهم بعد الفحص اتضح انو شغال مية مية لكن قالوا لي معليش الشبكة اليومين دي في بحري ما كويسة تتخيل شوف جنس النضمي الفارغ دا ... اها ياجماعة طيب بتعوضونا عن ال3 يوم دي قالوا لي : لا
زعلت منهم وقررت عدم التعامل معاهم ابدا مهما كان .. على الاقل ناس زين محترمين وبحترموا زبونهم ... لو اضطريت للتحويل الي الريت المفتوح مع ناس زين افضل والله اعلم
| |
|
|
|
|
|
|
| |
ناذر محمد الخليفة
wadalzain
omer osman
مزمل خيرى
معتز تروتسكى
Adil Isaac
انعام عبد الحفيظ
Amin Mohamed Suliman
Magdi Ahmed Elsheikh
Al-Sadig Yahya Abdall
bushra suleiman
علي مزمل
Abdulbagi Mohammed
AnwarKing
عبدالوهاب علي الحاج
elnawrani margan
ادهم عبد الرحمن نصر
Frankly
osman righeem
GamarBoBa
naeem ali
فيس بوك
تويتر
انستقرام
يوتيوب
بنتيريست