دعواتكم لزميلنا المفكر د.الباقر العفيف بالشفاء العاجل
|
|
 رأس خيط هام ربما يقود للكشف عمن يقفون وراء توزيع الإسبرت المسموم ..!
|
حيث جاء في صحيفة الدار بعدد الأمس :
Quote: ناظر المحطة عثمان محمد احمد الحسن ينتمي الي ابناء الشمال عمل منذ صباه في خط السكة الحديد وتدرج في وظيفته حتي اصبح ناظراً لمحطة السكة الحديد.. له عدد من الابناء يلتفون حوله وهم يكادون يبكون الماً مما حدث لوالدهم فقد غادر منزله يوم الخميس الماضي بكامل صحته وعافيته ليصبح طريحاً لفراش المرض مصاباً بالعمي والفشل الكلوي يسأل كل من يقف بالقرب من سريره (انت منو).
وبعد استئذان اسرته ليعرف الجميع حكايته وحكايات التحديات التي تواجهنا جميعاً دخلت اليه في المكان المخصص وقلت له: (ازيك ياعم عثمان.. فرد عليّ قائلاً مرحب بيك انت منو .. نسبة لانه لا يراني لما اصاب عينيه وقلت له انا نجم الدين قناوي صحفي الدار ورد عليّ العم عثمان قائلاً ايوه ناس احمد البلال الطيب. وقلت له نعم وقال لي العم عثمان بتعرف عبداللطيف القراي ، قلت له نعم وقال لي دا كان زميلنا في السكة حديد وهسه هو وين.. فقلت له هسه ماسك المطبعة بتاعة الجرايد في الخرطوم بحري.. فقال لي العم عثمان سلم عليه بالله وقلت له ان شاء الله)
وبعد ذلك وبحضور ابنه وابن عمه سألته: ( ياعم عثمان دايرين نعرف الحصل ليك شنو بالضبط ؟
تنهد العم عثمان وقال لي: في يوم الخميس كنت بمكتب السكة الحديد ومعي بعض الاشخاص وعند خروجي من المكتب استوقفني شخص من ابناء الولايات الجنوبية وقال لي انا رزقت بتوأمين وهذا العصير هو هدية المولودين وسكب لي كباية ، لون العصير بها يشبه الكركدي ورشفت منها زي ربع الكباية ولم يعجبني الطعم وتركت باقي الكباية وشرب اثنان من زملائي الكباية كاملة وبعدها عدت الي المنزل وانا اشعر ببعض الالام في المعدة ولم اعر الامر اهتماماً وقلت ربما انه مغص عادي وقمت بزيارة بعض الاقارب وبدأت الآلام في ازدياد وانخفض نظري لاقوم بالذهاب الي حوادث بحري وبعد اجراء الفحوصات اللازمة اتضح بأنني مصاب بالفشل الكلوي وعمي في النظر وبعد قليل اتاني تلفون اخطروني بأن صاحبي الذي شرب العصير عيان وبعدها جاءني اتصال علمت من خلاله بوفاته .. وبعدها اخطروني بوفاة صديقي الثاني وهنا ادركت ان الامر مدبر لتبدأ الشرطة تحرياتها حول الحادثة للوصول الي مرتكب هذه الجريمة الرعناء) وتحدث العم عثمان قائلاً بأن منطقة السكة الحديد تعج بالمتبطلين الذين يمارسون كل المخالفات ولا يستطيع احد ايقافهم لقلة افراد شرطة السكة الحديد حيث يعمل معظمهم في السفر مع القطارات ولا توجد تغطية شرطية وفي الغالب ما نستعين بعربة النجدة عند حدوث المخاطر ..وماحدث لي بفقداني النظر والفشل الكلوي مكيدة مدبرة بلاشك اترك للاجهزة العدلية المتابعة وحل لغز هذه الحادثة.
|
|
|
 
|
|
|
|
|
|
|
 Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: Balla Musa)
|
لما قلنا ناذر الخليفه امنجي قالوا اطلعوا من البلد!!
يا زول بلاش دجل معاك
انت اول من جعى قتل الشماسه و مجانين الجنوبين ومشرديهم!!
وعارف كويس البوست بتاعك الاتمسح بيك الارض فيه.
فاكر نقل اكاذيب الدار ولا غيرها حتخلينا نتررد ساكت
في انه ما تم بحق الشماسه هو جريمه عنصريه قذره نفذتوها انتو يا الجلابه؟؟!!
وهانت مشارك على فكره فيها بكل ثقل في محاولات التبرير الفطيره دي!!
واياك تفتكر من كن تمرر لينا نوع (ناقل الكفر ليس بكافر)
فانتم كتاب امثال هذه الصحف الصفراء وانتم اصحابها!!
فخلينا من الدار قالت ولا عادت.
اي زول يمر بالبوست ده ويعلق تعليق سجمان زي بتاع بله موسى ده
هو ايضا مشارك على فكره في هذه الجريمه!
وقلنا لكم زمان قاعدين نرصد جيدا ونوثق لكل المبررين لجرائم العنصريه
ويوم الحساب قرب!!
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: رغيم عثمان رغيم الحسن)
|
كيفك يا رغيم ..
| Quote: نازر ارجوقبل ما تجى ترد هنا انك تركز فى الموضوع دا لانو اهم من مشاحنات ما عندها قيمة وانت لا حا تغير رايك فى تراجى لا تراجى حا تغير رايا فيك ركز لينا على الموضوع دا يمكن نقدر نعرف المجرم |
صدق بعد ما رديت حتين شفت مداخلتك دي !!
كان تكتبا فوق عشان نشوفا أول .!
غايتو رجاءك راح شمار في مرقة لأنو أم رشيرش كالعادة جات سالة مفراكتا ولافحا توبا في طرفا وقعدت تشتم ومنها خربت المود بتاعي ..!
لك العتبى حتى ترضى
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: رغيم عثمان رغيم الحسن)
|
في نفس العدد في خبر تاني بس نا لقيتو في الموقع ..
الخبر إنو وبشهادة شهود واحد من المواطنين عمل لي روحو عصير ولمن بدا يشربو وقبال ما يكملو زي الناس صرخ وقعد يتلوى وسقط جثة هامدة !!
الخبر فيهو ملاحظة بتقول إنو أهل الميت لاحظوا وجود مادة سوداء في كباية العصير ..
والخبر مكتوب بي صيغة (مقتل مواطن) وليس (موت مواطن) ..
أها يا القديسة أم رشيرش .. رايك شنو ؟؟؟؟!
تعالي أردحي وأخدي ليك نقزتين تلاتة هنا !!!
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: ناذر محمد الخليفة)
|
| Quote: تنهد العم عثمان وقال لي: في يوم الخميس كنت بمكتب السكة الحديد ومعي بعض الاشخاص وعند خروجي من المكتب استوقفني شخص من ابناء الولايات الجنوبية وقال لي انا رزقت بتوأمين وهذا العصير هو هدية المولودين وسكب لي كباية ، لون العصير بها يشبه الكركدي ورشفت منها زي ربع الكباية ولم يعجبني الطعم وتركت باقي الكباية وشرب اثنان من زملائي الكباية كاملة وبعدها عدت الي المنزل وانا اشعر ببعض الالام في المعدة ولم اعر الامر اهتماماً وقلت ربما انه مغص عادي وقمت بزيارة |
الغريب انو واحد رزق بمولود فيقدم عصير لناس لا يعرفهم و لو كانت حلاوة عادية كان بتكون منطقية اكثر
كيف يمكن لناظر محطة ان يعرف ان من امامه من ابناء الولايات الجنوبية؟ و ما هي الولايات الجنوبية هل المقصود هو ما سيصبح بعد ايام دولة افريقية جديدة
لماذا يقوم احد ابناء الولايات الجنوبية باعطاء سم لواحد شمالي لا تربطه به اي صلة هذا الكلام عنصري و ممجوج
قالت الشرطة في تبريرها لجريمة قتل اطفال الشوارع الثمانين ان المادةة الستخدمة هي السبيرتو و السبيرتو هو الايثانول ethanol و هذه المادة غير سامة و يمكن للانسان ان يتناولها و هي المادة المسكرة في الخمور و توجد في الزبادي و الشربوت
الكحولات الاخري كلها سامة ما عدا السبيرتو او الاسبيرت و من انواع الكحولات الميثانول methanol و البروبانول و هي لا تستخدم تجاريا الا في الصناعات كيماوية كمذيبات و عادة في تصنيع مواد لا يستخدمها الانسان كطعام او شراب و ذلك لسميتها.
تمتاز جميع الكحولات بان لها رائحة نفاذة جدا عندما تكون نقية و عالية التركيز هذه الرائحة النفاذة جدا لا تجعل رغبة الانسان في تذوقها امرا ممكنالانها رائحة منفرة تماما كعطر هل سيشرب احدهم عطرا!!؟
و للمعلومية يمكن ان يحتوي العرقي المشروب البلدي الذي يستخدمه غالبية من يتناولون الخمور في السودان علي نسبة من الميثانول و يعود ذلك للتسخين المصاحب لعملية التقطير لدرجات حرارة اعلي من 78 درجة مئوية
تقرير الشرطة بالنسبة لي غير دقيق و يشتمل علي مغالطة اساسية و هي وصف السبيرتو بانه سام علي الشرطة عندما تصدر تقريرا حول مواد كيماوية تسببت في مقتل مواطنين ان تحدد الاسم العلمي للمادة لا تقول اسما تجاريا
النظام السوداني تعود علي الكذب و لا يحترم عقول الناس لذا فانه من الامور المعتادة ان تصدر الشرطة تقارير غير دقيقة و بها معلومات مغلوطة مع أن المعلومات عن الكحول متاحة في المنهج السوداني لمادة الكيمياء لاي انسان درس الكيمياء و امتحن فيها كمادة من مواد الشهادة السودانية
الشكر كل الشكر للاخ ناذر علي ما اورده في البوست
نقلا عن صحيفة الدار
طه جعفر
| |
|
|
|
|
|
|
|
|
 Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: طه جعفر)
|
سلامات يا ناذر ..
انا اصلا الدار دي ما قاعد احب اسمه دا زاتوو ناهيك من انو الواحد يقرا ليها خبر ..
لكن كمان كلام السيد طـه جعفر دا .. كلام ساااي .. ووجب الرد عليهو ,,,
| Quote: الغريب انو واحد رزق بمولود فيقدم عصير لناس لا يعرفهم و لو كانت حلاوة عادية كان بتكون منطقية اكثر |
شنو البخلي الحلاوة عادية ,, والعصير ما عادي ,,. ؟ دا زاتو بيثبت الفكرة .. إنو الغرض العصير دا ,.. سامعة يا تراجي .. يللا عليك الله ارصديني مع الناس ديل وسجليني مع ناس ناذر ديل ..
| Quote: كيف يمكن لناظر محطة ان يعرف ان من امامه من ابناء الولايات الجنوبية؟ |
.. ح يعرفو كدا ساكت بالقرعـة .. بي صورة أوضح .. يكون شايل معاهو ظهر بتاع ليدو .. يخج الظهر ويرميهو ليهو قدام وشو .. ولو طلعت (ستـة) يكون من الولايات الجنوبية .. ولو طلع (يـك) يعمل بيهو حيطة .. بس علي شرط يكون لاعب بالكـــلاب اللونـة اصفر .. 
والله ناظر المحطة دا .. يعرفك إنت قبل اسبوعين اكلته شنو .. خليك من الواقف امامو ..
والله الظاهر لي بعد كدا الواحد ح يتغالط في اسمو زاتو في منبر من لا وطن لهم هذا ..
والله سؤال زي دا .. انا الفاره دا ما اسالو .. يجي واحد زيك كدا دا باحث وكاتب .. وسياسي وإلخ وإلخ .. يقول كيف لناظر محطة يعرف فلان دا جنوبي واللا تركي ..؟
حسع دي إنت كان جابو ليك صيني .. وياباني ما بتقدر تفرق بيناتم ..؟ كيف ما بتفرق مش إنت قاعد تعرف اي حاجة في الدنيا دي .. البمنعك تفرق بيناتم شنو ..؟
| Quote: هي السبيرتو و السبيرتو هو الايثانول ethanol و هذه المادة غير سامة و يمكن للانسان ان يتناولها و هي المادة المسكرة في الخمور و توجد في الزبادي و الشربوت |
يا أخ إنت صيدلاني .. واللا كمان عندك مغلق بتاع بوهية ..؟
ياخ منو القاليك السبيرتو ما سام .. ؟
في ناس عادي جدا قاعدين يطشمو بالسبيرتو دا .. وفي فنان مشهور جدا اتلحس بالسبيرتو دا .. إنت اصلو ما سمعته بي فلان دا شقاهو السبيرتو ..؟
ياخ عرقي العيش دا بيشق .. المريسة بتشق .. خليك من السبيرتو البولع رتينه دا ..
إنتو يا جماعة ماف زول في البورد دا بضرب حاجات كويسة بدل فاقد يجي يدي الزول دا راسو ..؟
..
تاني جاي راجع .. والمرة الجاية الواحد غلا يشيلو من هنا ويكبو ليهو موية في راسو ..
| |
|
|
|
|
|
|
|
|
 Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: tmbis)
|
| Quote: تمتاز جميع الكحولات بان لها رائحة نفاذة جدا عندما تكون نقية و عالية التركيز هذه الرائحة النفاذة جدا لا تجعل رغبة الانسان في تذوقها امرا ممكنا لانها رائحة منفرة تماما كعطر هل سيشرب احدهم عطرا!!؟ |
نعم سيشرب أحدهم عطــر ..
هناك من يشرب نوعية معينة من الكلونيا .. وشاهدت ذلك بي أم عيني .. وشاهدت حالات عديدة للتسممات الكحولية كانت الكولونيا هي السبب الرئيسي في ذلك .. بينما كان السبيرتو مسببا رئيسيا في بعض حالات العمى لبعض التجارب التي مرت بي ..
إنتو الواحد فيكم لو ما بضرب ريحـة .. يا كلونيا .. مالو محرمة على الباقيين ..
ياخ في ناس .. فلير دمور دا ما لاقينو .. تقولي ما بشربو الريحـة ..
ادخل القوقل دا فتش إنت بتكتب ساي من راسك ..؟ السبيرتو بقى يتخلط بي حاجات كتيرة ..
والله الواحد حسع دي لو ما بخاف ليك العمى .. كان وصف ليك (دوخــه) طبية زي الزيادي ..
يا جماعة الشاهد في الأمـر .. إنو السبيرتو دا لو الواحد طشم بيهو .. وما شقاهو كتلو .. ابسط حاجة بيعميهو .. لانو بيعمل ضمور في العصب البصري .. وناس علم التشريح بيعرفو المسالة دي في فحص العين للمتوفي أو العميان ..
الناس الخفاف بضربو السبيرتو دا بنعنش بيهم بس .. لكن في واحدين بكسروهو بي اي مصيبة كدا .. ويضربو منو كميات كبيرة هنا بتكون الحتة بتاعت التسمم الكحولي ..
اي كحوليات مضروبة .. بتعمل مشكلة .. يا حتت للواحد شعرو .. يا حتت ليهو رموشو .. يا شقتو راسو عديل ..
| Quote: و للمعلومية يمكن ان يحتوي العرقي المشروب البلدي الذي يستخدمه غالبية من يتناولون الخمور في السودان علي نسبة من الميثانول و يعود ذلك للتسخين المصاحب لعملية التقطير لدرجات حرارة اعلي من 78 درجة مئوية |
87 عديل كدا يا عفريييت .. طيب ما توطي ليهو النار لاحق شنـو ..؟  ..
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: tmbis)
|
سلام يا ناذر وكل الحضور بما فيهم الفقرى
| Quote: ناظر المحطة عثمان محمد احمد الحسن ينتمي الي ابناء الشمال عمل منذ صباه في خط السكة الحديد وتدرج في وظيفته حتي اصبح ناظراً لمحطة السكة الحديد.. له عدد من الابناء يلتفون حوله وهم يكادون يبكون الماً مما حدث لوالدهم فقد غادر منزله يوم الخميس الماضي بكامل صحته وعافيته ليصبح طريحاً لفراش المرض مصاباً بالعمي والفشل الكلوي يسأل كل من يقف بالقرب من سريره (انت منو). |
اكيد حكايه ناذر المحطه حقيقيه وهى مؤثره فعلاً
لكن الملاحظ فى اللقاء الصحفى انه ركزو على ان يعطوا معلومه انه شمالى الله يعلم ليه؟
ما مشكله كبيره
يمكن الحال الجديد اصبح مهم انه المواطن السودانى ان تحدد نوعيه انتمائه فى صدر اللقاء الصحفى
| Quote: وماحدث لي بفقداني النظر والفشل الكلوي مكيدة مدبرة بلاشك اترك للاجهزة العدلية المتابعة وحل لغز هذه الحادثة. |
الحاجه الما قادر اجد ليها تفسير
طيب طالما قلنا فى مؤامره لقتل ناس الشمال من قبل الجنوبيين
ياخ التمانين شماشى الماتو ديل فيهم كم من الشماليين؟
يعنى اتضح انه المتأمر ما بيفرز الشمالى من غيره وبيكتل فى اهله
ياليت جريده الدار تعمل لقاء مع بقيه الشماشه من الاحياء وتسمع قصصهم المؤثره ومآسيهم وتحدد انتمائتهم كمان
وتحيه الى فتحيه الفتيحاب
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: tmbis)
|
Quote: سلامات يا ناذر ..
انا اصلا الدار دي ما قاعد احب اسمه دا زاتوو ناهيك من انو الواحد يقرا ليها خبر ..
لكن كمان كلام السيد طـه جعفر دا .. كلام ساااي .. ووجب الرد عليهو ,,,
Quote: الغريب انو واحد رزق بمولود فيقدم عصير لناس لا يعرفهم و لو كانت حلاوة عادية كان بتكون منطقية اكثر
شنو البخلي الحلاوة عادية ,, والعصير ما عادي ,,. ؟ دا زاتو بيثبت الفكرة .. إنو الغرض العصير دا ,.. سامعة يا تراجي .. يللا عليك الله ارصديني مع الناس ديل وسجليني مع ناس ناذر ديل ..
Quote: كيف يمكن لناظر محطة ان يعرف ان من امامه من ابناء الولايات الجنوبية؟
.. ح يعرفو كدا ساكت بالقرعـة .. بي صورة أوضح .. يكون شايل معاهو ظهر بتاع ليدو .. يخج الظهر ويرميهو ليهو قدام وشو .. ولو طلعت (ستـة) يكون من الولايات الجنوبية .. ولو طلع (يـك) يعمل بيهو حيطة .. بس علي شرط يكون لاعب بالكـــلاب اللونـة اصفر ..
والله ناظر المحطة دا .. يعرفك إنت قبل اسبوعين اكلته شنو .. خليك من الواقف امامو ..
والله الظاهر لي بعد كدا الواحد ح يتغالط في اسمو زاتو في منبر من لا وطن لهم هذا ..
والله سؤال زي دا .. انا الفاره دا ما اسالو .. يجي واحد زيك كدا دا باحث وكاتب .. وسياسي وإلخ وإلخ .. يقول كيف لناظر محطة يعرف فلان دا جنوبي واللا تركي ..؟
حسع دي إنت كان جابو ليك صيني .. وياباني ما بتقدر تفرق بيناتم ..؟ كيف ما بتفرق مش إنت قاعد تعرف اي حاجة في الدنيا دي .. البمنعك تفرق بيناتم شنو ..؟
Quote: هي السبيرتو و السبيرتو هو الايثانول ethanol و هذه المادة غير سامة و يمكن للانسان ان يتناولها و هي المادة المسكرة في الخمور و توجد في الزبادي و الشربوت
يا أخ إنت صيدلاني .. واللا كمان عندك مغلق بتاع بوهية ..؟
ياخ منو القاليك السبيرتو ما سام .. ؟
في ناس عادي جدا قاعدين يطشمو بالسبيرتو دا .. وفي فنان مشهور جدا اتلحس بالسبيرتو دا .. إنت اصلو ما سمعته بي فلان دا شقاهو السبيرتو ..؟
ياخ عرقي العيش دا بيشق .. المريسة بتشق .. خليك من السبيرتو البولع رتينه دا ..
إنتو يا جماعة ماف زول في البورد دا بضرب حاجات كويسة بدل فاقد يجي يدي الزول دا راسو ..؟
..
تاني جاي راجع .. والمرة الجاية الواحد غلا يشيلو من هنا ويكبو ليهو موية في راسو |
الاقتباس اعلاه هو مساهمة تمبس tmbis
في البوست
و الاقتباس التالي اورده الاستاذ محمد ابراهيم علي في بوست افتتحته لمناقشة نفس الموضوع من زواية غير التي اجترحها الاستاذ ناذر
Quote: وبخلاف الآراء والتحليلات السابقة يوكد اللواء شرطة دكتور ابوبكر سليمان القرشى رئيس قسم الصيدلانيات بجامعة الرباط الوطنى والخبير فى التحليل واستخدام المبيدات بان المادة التى قتلت اعداد من المشردين بالعاصمة ليست (السيبرتو) وقال فى حديث لصحيفة الوطن ان المادة التى اودت بحياة المشردين هى مادة الميثايل سيانيد التى تقتل الإنسان بمجرد تكسرها فى الفم وتتسبب فى قطع السلسلة التنفسية بسرعة مما يؤدى للوفاة وذاد أن السيبرتو يتسبب فى العمى ولا يقتل بذات السرعة التى يقتل بها الميثايل ولايمكن تلافى الحالة واشار الى ان مادة السيبرتو لا تقتل بهذه السرعة الا اذا كانت ملوثة بالسيانيد وذكر أن المادة متوفرة فى المعامل فهي سهلة ورخيصة وغير قابلة للاشتعال وغير نفاذة وتتبخر بسرعة وعديمة اللون وتستخدم لأغراض التنظيف والإزالة وأن مركباته (غاز السيانيد) الذى يقتل من يشتمه فى اقل من دقيقة
|
هكذا الامور يا tmbis تمبس
طه جعفر
| |
|
|
|
|
|
|
|
|
|
Re: رأس خيط هام ربما يقود للكشف عمن يقفون وراء توزيع الإسبرت المسموم . (Re: طلحة عبدالله)
|
Quote: يا طه جعفر
تمبس قال السبيرتو بكتل
واللواء شرطة دكتور أبو بكر سليمان لم ينف كلام تمبس بل قال أنو السبيرتو ما بكتل بالسرعة دي
أنا غايتو ما عارفك فهمت شنو .
|
يا طلحة عبد الله
المادة المعروفة في السوق بالاسبيرت spirit او السبيرتو هي المادة الكيميائية التي تحمل الاسم العلمي ethanol و هو ما يعرف في اللغة العربية بالكحول الايثيلي او الايثانول هذه المادة غير سامة بالاساس و موجودة في الخمور بكافة انواعها و في كل نوع توجد بنسب محددة . معلوم ان جسم الانسان يستطيع استعيابها و تمثيلها غذائيا و توجد ايضا في الزبادي و الشربوت. يتم تصنيع الايثانول بعملية التخمير او اضافة الخميرة لاي مادة نشوية او سكرية و التخمير يعرف في اللغة الانكليزية ب fermentation في السودان كجزء من اعمال مصنع سكر كنانة يتم انتاج الايثانول و السودان احد الدولة المصدرة للايثانول و في مصنع سكر كنانة يتم تخمير المولاص و هو غني بالسكريات لانه من مخلفات تصنيع السكر . و الجميع يتذكر موضوع الاستاذة لبني احمد الحسين و مقالها عن تدشين تصدير الايثانول.
المواد المطروحة في السوق للاستخدام التجاري لا تكون نقية خاصة ما يمكن ان يستخدم كمذيب في تصنيع العطور او الاصباغ لذلك لا يمكن شرب الاسبيرت او السبيرتو لانه من المحتمل ان تكون محتوية علي مواد سامة اخري استخدمت لتزيد من فعالية المنتج التجاري .
يقول عامة الناس اسبيرت و هم يقصدون الايثانول المعد لصناعة العطور و يقولون السبيرتو و هم يقصدون الايثانول المعد لاذابة الاصباغ مثل الجملكة
ينتمي لنفس عائلة الايثانول كحول آخر اسمه الميثانول و هذه المادة لا توجد في الاسواق للاستخدام التجاري اولا لانها غالية التكلفة و ان كل ما يمكن ان تنجزه تنجزه مادة اكثر وفرة و هي الايثانول الاقل تكلفة و السبب الثاني في عدم وجود الميثانول في الاسواق هو سميتها اي انها مادة قاتلة عند الاستخدام.تصنيع الميثانول عملية معقدة جدا و التكنولوجيا المطلوبة لتصنيها لا تتوفر في الدول الفقيرة مثل السودان
و معروف لدي الجميع ان كلمة سامة تحتلف عن كلمة قاتلة و اعني هنالك مواد سامة بالاساس مثل الميثانول و البروبانول و البيوتانول كلها تنتمي الي نفسة عائلة الكحول. مثلا السكر قاتل لمريض السكري و لكنه غير سام
الدهون في اللحوم الحمراء قاتلة لاصحاب المشاكل في الاوعية الدمويةو لكن الدهون غير سامة
مشكلتي مع تقرير الشرطة انه غير دقيق و غير منضبط علميا.
طه جعفر
| |
|
|
|
|
|
|
| |
ناذر محمد الخليفة
Balla Musa
Tragie Mustafa
الصادق ضرار
رغيم عثمان رغيم الحسن
محمد الامين محمد
طه جعفر
عمر صديق
Hisham Ibrahim
tmbis
محمد زكريا
طلحة عبدالله
فيس بوك
تويتر
انستقرام
يوتيوب
بنتيريست