|
|
 تسجيل صوتي يوضح تعرضي لمحاولة إحتيال صباح اليوم ..!!
|
فجأة وانا في الشغل جاني تلفون رديت سمعت صوت بري جدا ويكثر من كلمة (ماشاء الله) . والأحاديث الدينية والأيات القرآنية .. صوت يكاد يعيط من الإيمان والإفعام فيه (يعني صوت مفعم من الأيمان) في الاول أفتكرت روحي فزت في جائزة من أي مسابقة دينية من المسابقات المنتشرة في الاذاعات هنا(طبعا دي من عاشر المستحيلات) .. لكن بعد شوية سمعت الراجل بيقول إنو شاف رقم تلفوني في المنام قرب الفجر ..! وشاف صورتي وعرف أنا زول صالح وبقيم الليل وشافني في لباس ابيض من قمة رأسي حتى أخمص قدمي وشاف شعري أسود غزير مهذب يفوح منه رائحة طيب .. وقام طوالي قرا لي أيات من صورة المدثر وقال هو شافني اطير في سماء زرقاء والبسمة تظهر في محياي وكمان رأني إلى جوار النبي (ص) ..!!
في الحتة دي تحديدا أصابني خوف شديد وطوالي قفلت التلفون وكبيت عرق شديد .. جاني إحساس إنو يوم شكري جا وإني ميت ميت لا محالة وأنو الضرب لي دا ملك الموت بي ذات نفسو ..!
إتشهدت واستغفرت واحصيت ذنوبي فما استطعت حصرها ..! بحثت عن حسناتي فما استحضرتها ..! توترت وطلعت من المكتب على الشارع شربت لي كباية ليمون سرعة سرعة عسى أن أكملها قبل أن يداهمني عذرائيل ورجعت المكتب وكل المعاي لاحظو توتري .. وكان قدامي فاتورة مفروض اشوف حساباتا لكن ما اشتغلت بيها وجلست على الكرسي شاخصاً ماحصاً ماحطا بصري للسماء وكاني أرجو منها الغوث والمدد .. نبهني من معي بالإنتهاء من الفاتورة نظرت اليهم بكل جذع وتذكرت مقولة الهندي (موت في .. فايدة مافي) ..!
بعد شوية كدة الجماعة أتلموا فيني شفقوا بالجد .. سألوني عن الحاصل .. طلبت منهم العفو والعافية وأن يستوصوا خيرا بأهلي .. جمبي ود عمي قال لي يا زول الموت من الحياة ما معروف ؟ قلت ليهو واللللللله بقى معرووووف وخلاااص مدتي إنتهت وهسي ملك الموت بيكون وصل أبو حمامة ..!
شرحت ليهم الحاصل .. ما صدقوا .. قلت ليهم يعني إلا أموت قدامكم حتين تعرفوا الله واحد ؟! ود عمي شال الموبايل عاين لي أخر رقم : قال لي يا زول دا متصل ليك من شريحة سوداني ؟ قلت ليهو : يعني إنت عارف إنو عزرائيل شايل شريحة زين ولا شنو ؟! أمكن دا رقموا التاني ؟!
الجملاعة طمنوني وأقنعوني اتصل بالزول دا تاني اشوفوا داير شنو ؟! أنا متوتر ومتلعثم لكن رضيت واتصلت بالزول بعد ما ختيت الموبايل في حالة تسجيل ودا السجلو (لاحظوا للتوتر في صوتي):
|
|
 
|
|
|
|
|
|
|
 Re: تسجيل صوتي يوضح تعرضي لمحاولة إحتيال صباح اليوم ..!! (Re: معاوية المدير)
|
قلت لى خفتا ووووووووووى وووووا فضحيتى انا
تانى لو قلت انا جعلى بقطع خشمك
كان تدى اخوك الشين الركز داك لو كان جنبك
يمين كان دخل ليه جوا التلفون عرفوا ليك متصل من وين
انت خفت من كلاموا ورجفت علشان الروية القالها ليك ولا علشان طلب منك ال 50 جنية
لقيتك كمان بخيل
انت يا جنى متاكد انك جعلى ولا بتتلصق فوقنا ساى
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: ناذر محمد الخليفة)
|
سلام روميو ..
Quote: الحمد لله الحمد لله
تفصل يا كبير
ما شاء الله ما شاء الله
_
شيخكـ ده شكلو شارب ليهو كاسين |
الزول دا ذكر كلمة ما شاء الله أكتر من 100 مرة في المكالمة دي ..
قلت ليهو ضارب من وين قال لي ضارب من الأبيض ماشاء الله .. أنا قلت الأبيض دي غيروها ولا شنو ؟!
انا شكيت الزول دا يكون صلاح غريبة أو صاحبنا داك هههههههه
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: ناذر محمد الخليفة)
|
الناس ديل طوالي بعملوا الحركة دي مع السعوديين هنا .. مفتاح التلفون حقهم +221
انا حصلت لي كم مرة
اخر مرة قبل اسبوع صحيت من النوم لقيت مس كول منهم
اتصلت عليه
خش في لفت طوالي ...انا شفتك في منام ووووو
رشيته ليك بي واحد (لعنة مترجمة)
صاحبك والله طلع ناقش ليك (لعنات) العرب والسعوديين كلها ...رشاني ليك لمن قفلت التلفون
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: ناذر محمد الخليفة)
|
بالله إنت كمان ضربو ليك؟!
تتذكر أيام كنت في نيالا؟ أخوك حايم في سوق نيالا بفتش في قنقليز ضرب لي زولك ده ولا واحد زيو
شبكني ليك نفس الحنك، وقال لي صاحب الرقم ده شفتو في المنام وراجل مبروك وكلامات زي دي
قلت ليهو يا شيخنا الرقم دي ذاتو ما حقي، ده رقم حكومة :)
المهم بأخذ وبدي معاهو رصيدو قرب يكمل قال اي اضرب لي ، سفهتو شر سفهة :)
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: عمار عبدالله عبدالرحمن)
|
هههههه
Quote: بالله إنت كمان ضربو ليك؟!
تتذكر أيام كنت في نيالا؟ أخوك حايم في سوق نيالا بفتش في قنقليز ضرب لي زولك ده ولا واحد زيو
شبكني ليك نفس الحنك، وقال لي صاحب الرقم ده شفتو في المنام وراجل مبروك وكلامات زي دي
قلت ليهو يا شيخنا الرقم دي ذاتو ما حقي، ده رقم حكومة :) |
تعرف يا دكتور معظم الدجالين ديل من الحتات ديك .. كان سألو إنت ضارب من وين ؟ يقول ليك انا في سوق نيالا طوالي تقول ليهو أنا هسي في السوق جمب الموقف تعال لي هنا ..
كان ما قفل موبايلو وغير شريحتو تعال لومني هههه
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: Fawzi Babiker)
|
أخونا اسماعيل عباس ..
Quote: ناذر يا حبيب..لك التحية...ده تسجيل صوتى عمل فيك كده ومال كان جلد سوط كان عملت شنو؟؟شابكنا جعلى وبطان..أها جى الوراك الصح.
|
السوط دا ناكلو زي الما حاصل حاجة .. أهو شايفنو قدامنا .. الموت دا كايسينو كواسة ما لاقينو نلاقيهو بي جاي يزوغ بي غادي .. دا ما عندنا معاهو مشكلة . لكن مشكلتي مع الموت دجلاً ههههههه
وضاحة خلها ما تشوف نضمها دا هههههه
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: Fawzi Babiker)
|
حبيبنا ابو بكر ..
اول حاجة حمدلا على سلامة الوصول .. ما قلت لي حصل شنو مع زولك داك ..!
بعدين ما قايلك من نوعية الناس الما بيأجلوا سفرم هههههه
Quote: ناذر سلامات
يعنى صاحبك دا لو اتقدّم يوم واحد فى عمليتو دى كان حضرناها معاك Live |
زولي دا رقمو فوق وظاهر عليهو زول مبروك .. كدي اضرب ليهو أمكن يشوف لينا حل للموضوع الفيهو بأس شديد ..
5800 الليلة يا ابو بكر .. امسك الخشب وأسأل الله السلامة ..!
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: نجاة محمد بابكر)
|
الحبيب ناذر والله انا ما سمعت التسجيل لكن قطع شك الجماعة البالي بالك عندهم ضلع في موضوعك ده ولو ما اخاف الكذب كان قلت ليك الضرب ليك ده جنسيتو (.............. ) صاح ولا انا غلطان .. على العموم يا خوي إحطياطا كده لو بقيت شيخ ما تنسانا من الفاتحة وعندي طلب صغيرون كده لو بقيت شيخ كمان خلي لي العودالصوتو جميل بتاعك ده اصلو كاسر فيني ضلوع عدييييييييييييييييل كده ,, لووووووووووولز ,,
والله مشتاااقين يا رجل والإجازة قربت بإذن الله ..
تحياتي : ياسر العيلفون
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: ياسر السر)
|
سلام ياسر ..
| Quote: الحبيب ناذر والله انا ما سمعت التسجيل لكن قطع شك الجماعة البالي بالك عندهم ضلع في موضوعك ده ولو ما اخاف الكذب كان قلت ليك الضرب ليك ده جنسيتو (.............. ) صاح ولا انا غلطان .. |
لا لا المرة دي دا ما من ناسك دا واحد من فلاتة نيجيريا أو هوسا تشاد قاعد في السودان داير يلم قروش ويرجع صاد ..
لو بقيت شيخ قالوا حرام شرعا توزع الحاجات الفيها مشتبهات على الاصحاب والمعارف .. يعني العود أكيد حا أحرقو او أكسروا للعواسة وما حا اديك ليهو عشان أساعدك على الأنحراف ههههههه
| |
|
|
|
|
|
|
|
|
|
Re: تسجيل صوتي يوضح تعرضي لمحاولة إحتيال صباح اليوم ..!! (Re: ناذر محمد الخليفة)
|
Quote:
0129918932
يا شباب أتصلو وجربوا حظكم بس أوع واحد فيكم يجيب سيرتي ...!
وتعالوا ورونا انطباعاتكم هنا .. |
ياحبيب سلام
الرقم الفوق دا جربتوا 00249 بدون أضافة تسعة آخري
شكلوا مقفول أفيدونا بأضافة تسعة ولا بدون أضافة تسعة
بعد مفتاح السودان.
والله يرد علي جمحرة ساي مني أقول ليهوا أمشي مليون صنف
في السجانة بتلقي ناذر هناك
| |
|
|
|
|
|
|
| |
ناذر محمد الخليفة
معاوية المدير
الصادق يحيى عبدالله
وضاحة
فيصل نوبي
محمد البشرى الخضر
محمد جلال عبدالله
عزان سعيد
عمار عبدالله عبدالرحمن
ismeil abbas
أبوبكر أبوالقاسم
نجاة محمد بابكر
ياسر السر
عادل الباهي عبدالرازق
فيس بوك
تويتر
انستقرام
يوتيوب
بنتيريست