بورداب السودان .. دعوة لتأسيس شركة مساهمة إستثمارية ربحية ...!!

Quote: شكراً ناذر الخليفة وسبق أن طرحنا الفكرة ... ومعاً لجعل هذا ممكناً ....

Quote: فكرة ممتازة يا ناذر، لكن في إعتقادي أنها لن تنجح في السودان خاصة وأن الشركات وسوق الإستثمار في السودان لا تحكمه قوانين السوق المعروفة عالمياً وإنما هناك قوانين وسياسات خاصة تُمكن ذوي الحظوة من العمل واستثمار رؤوس أموالهم بما يعود بأرباح هائلة وغيرهم ليس لهم إلا الخسائر ومن ثم الديون المتراكمة وبالتأكيد معظم البورداب لن يكونوا من ذوي الحظوة.

Quote: اتمنى ان تتضمن شرط وهو استيعاب بعض البورداب الما شغالين في وظائف بها,يعني اولوية التوظيف للبورداب.

Quote: تحياتي ناذر فكرة جيدة كلما كان العدد اكبر كلما كان توزيع المخاطر جيدا (في حالة الخسارة لا قدر الله تكون غير قاصمة للظهر) نصيحة استعينوا على قضاء حوائجكم بالكتمان (خاصة محال العمل الذي تريدون الاستثمار به) يمكن استغلال البورد في الدعوة بدون مناقشة التفاصيل

Quote: يلا مداخلتك دي يا خضر , معناها واحد من اتنين : يا اما نحن بورداب الخرطوم -كما قال الزملاء صبري وعبدالصمد- كيان ضيافه النظام المستبد, او انك انت - بحضورك مناسبات البورداب- بقيت داعم للنظام المستبد عشان كدا داير تقطع علاقتك بينا , عشان مافي زول يجي يقول ليك انت بقيت مباري ناس النظام المستبد .. صح ؟؟ ليه كدا يا صديق ؟؟ ما عهدتك هكذا ؟ هل رأيت منا شرا يجعل علاقتك بنا (تيك تاك عديل) ..؟؟

Quote: أستاذنا ناذر الخليفة الفكرة لا شك ممتازة ، وأكيد (يد الله مع الجماعة) بلا شك وما دام الناس نيتها العمل الجاد فالتوفيق حليف بإذن الله أنا طبعاً من بورداب الخارج .. لكن إذا في إمكانية طبعاً .. فأنا معكم بالتوفيق إن شاء الله

Quote: في طريقة يا ناذر لشركة كبيرة تخش مشروعات كبيرة بمخاطر كبيرة و تنتظر لارباح بعد سنوات طويلة للابناء و الاحفاد؟ ولا لازم استثمار سريع

Quote: تحياتي ناذر والله ما بهذر بس بحلم

غايتو أوعك تحلمي بي تأسيس شركة إتصالات بي نظام محاسبي غير خالي من العيوب ..!!

Quote: سلام ناذر انا من هنا و لقدام ح اكون نصي هنا و نصي التاني هناك عليه ادونا معاكم نص سهم لوووووووووووول

Quote: نقف معكم ونشد من ازركم ومعاكم بالله لو فى وظائف انا المدير المالى وبماانى مالى علاقة بالحسابات واطتكم اصبحت من قولة تيت

Quote: شركة مساهمة مقفولة

Quote: أولاً..وقف البوست

Quote: يا زول هو لسـه فى أسبستوس فى الســودان، والله من قراية إسمو إتخلعت وخفت على الناس الحوالينو.

Quote: الإنشاءات والمجمعات السكينـة يا دوب تفرض عليكم تصلحوا علاقاتكم مع الصين

Quote: من يود معرفة المزيد فليصل بنا على الإيميل الخاص

Quote: كده يا ناذر قبل الدخول في تفاصيل هذه الشركة يا ريت لو تدينا تقدير أولى لرأس المال المطلوب ونبذة موجذة عن الأرباح الصافية التي يمكن أن تحققها مثل هذه الشركات وهل هي أجدى من الاستثمار في شهادات شهامة؟ وما هي إمكانيات أن تكون الشركة مفتوحة في وجه البورداب من خارج الخرطوم وخارج السودان؟

Quote: مفروض اشيل صوره الشعر واخت صوره بي نص صلعه لانو ح اتكلم بشخصيه المحامي نازر سلام احب اجتراح الافكار وتداول المقترحات في هذا المحيط الاسفيري الضخم حوش المعلم بكري طيب عشان نشوف نقاط القوه في الاقتراح ونقاط الضعف في رائي هي كالاتي نقاط القوه يمكن جمع اكبر عدد من المساهمين من السودانيين البورداب في كل بقاع العالم يمكن الاستفاده من هذا الانتشار الواسع للمساهمين وخبراتهم في فتح افاق جديده لعمل الشركه يمكن الاستفاده من شبكه الانترنت في التواصل والقيام بالكثير من الخدمات والدراسات حيث من المؤكد هنا ان كل المساهمين من عالم الاسافير يمكن ان تجدوا حلا لمعضله بورداب الخارج في الاستثمار واخراجهم من قصه ودخالتنا اكل القروش وجيرانا في الحله الجديده عملت معاهم استثمار ضربو المشروع وخاصه المغتربين الكل واحد اشتري لي ناس بيتهم رقشه وامجاد ملو بيها البلد لانو مافي خيارات ومافي ابتكارات وعاوزين يساعدو اهلهم يعني البديل هنا ح يكون مشروعات بدراسات علميه وعلاقات العمل حتكون مبنيه علي البزنس وليس صله القرابه خاصه ان الثقه والمعرفه الشخصيه لم تعد هي الضامن لنزاهه الاعمال ونجاحها بعد ان اصبحت هنالك انظمه تستطيع ايجاد بدائل لازمات الثقه من الضروري ان تحمل الشركه بعض من الملامح التي تميز هذا المكان من تنوع في الافكار والبلدان التي ينتمي اليها المساهمون والا فلن يكون هنالك داعي لانظلاقتها من البورد بمعني ان الشركه لابد ان تنافس بنقاط القوه التي تنعدم عند منافسيها مثلا يمكن تاسيس شركه للعرض التجاري يستطيع المساهم البوردابي فيها من الامارات او اليابان او الهند اواي دوله اقناع عدد كبير من الشركات في تلك البلدان بالمشاركه في العرض في الخرطوم او الاقاليم في زمن واحد كما يمكن لذات الشركه ان تكون وكيلا لكل هذه المجموعات الضخمه من الشركات المتنوعه علي نطاق العالم بذلك نكون استفدنا من ميزه التواجد للبورداب المساهمين في كل دول العالم وهو امر لن يتأتي بسهوله لشركه اخري كذلك لابد من الاستفاده من عامل التقنيه كما ذكرت في تقديم الخدمات يعني العرض ممكن يكون بالنت وبالارض يمكن الاتفاق ايضا مع بكري بعمل منبر تجاري داخل سودانيز اون لاين علي شاكله منبر الزقازيق واليوم الحار للاستفاده من الاعداد الكبيره للمطلعين علي المنبر في التسويق وعرض السلع والخدمات بشفافيه علي ان تعود من ذلك فائده ربحيه لصاحب الموقع او شركته كجزء من رد الجميل والدين المستحق لهذا الموقع وهي عمليه مصالح مشتركه كما في عالم البزنس تماما تحياتي ووعد بالمواصله في المقترحات مني ليكم عقد التأسيس واللائحه تسلم ناذر وتشكر علي الاجترات طارق

Quote: مقفولة يا نازر يعني Not Puplic company حاجة صغيرة كدا شركاء محدودين ومسئؤلية محدودة واذا الأمور ظبطت .. يمكن ان تكون مساهمة عامة .. يعني التدرج في التمويل والتدرج في النشاط ...

Quote: شفت يا ناذر، المستوردين يشتروا بضاعة رديئة ويبيعوها بأعلى الأسعار..

Quote: بورداب السودان

Quote: يعني الإنغلاق في بورداب الداخل لن يفيد، أو على أقل تقدير ممكن يمنع فائدة محتملة.

Quote: نازر والبورداب اها اقبض عندك اهو دي شركه خدميه تانيه وماعاوزه اي تكاليف كبيره قول مثلا السودانيه العالميه لخدمات الترجمه والبحوث وممكن تضيف عليها الاستشارات المتنوعه مندوب للشركه في كل مدن العالم يقتحم اسواق مجالات الترجمه والاستشارات والبحوث ويقول بي خشم مليان نحن شركه كده وعندنا منسوبين قدر كده في المدن العالميه كده وكده وبنقدر نقدم الخدمات الفلانيه في خلال مده كده من الزمن يعني جا شغل من مكتب الخرطوم لي ترجمه من اللغه اليابانيه للغه العربيه طوالي مكتب الخرطوم استلم الشغل ووعد بتسليمه خلال فتره وجيزه عشان يكون منافس في الزمن السلعه المفقوده في السودان واتعاقد علي تنفيذه مع الجهه طالبه الخدمه طوالي مسئول المكتب حول الشغل لي فلان الفلاني عضو الشركه او الموظف فيها في طوكيو الخبير في اللغه اليابانيه وبتاع طوكيو طقطق الشغل وكان جاهز يوم التسليم ورسلو بالايميل للمكتب ( بالايميل وليس بالنشر طبعا للخفاظ علي اسرار العملاء المعني يانازر انو ممكن تتكون مجموعات من الشركات يتم عبرها تبادل مصالح بين البورداب يعني فكرتك ماشه تري النور الحج زاتو مسموح فيه بالتجاره خليك من البردبه قول واحد وجاييك للشركه التانيه بعد قليل فترقبونا

Quote: ياناذر عارف في كمية من الخدمات و الاحتياجات المطلوبة اصبحت مفقودة في السوق السوداني او اذا وجدت كان بدرجة من الرداءة وعدم الثقة خذ موضوع السباكة شراء حنفية مضمونة من موقع شركة بورداب سودانيز اونلاين المفترضة على النت بدلا من البحث طوال النهار في مغالق سوق السجانة والخروج بقطع رديئة ولمبات نيون ضاربة ....سلعة يكون فيها الثقة واي زول يقدر يشتريها بسعر مناسب وهو مطمئن وكل زبون سيحضر زبون ما الحكاية سمعة. بعض المواد الكيمائية والاجهزة ذات الاستعمال المحدود التي لا يوجد لا مستوردين لعدم وجود سوق واسع لها يمكن ان تدخل عضوية سودانيز اونلاين باحضارها لمن يرغب دون جهد كبير مع اضافة هامش ربح

Quote: ناذر بالله أحجز لي وظيفة مستشار مع المخصصات ما تنسى ....

Quote: مقفولة يا نازر يعني Not Puplic company حاجة صغيرة كدا شركاء محدودين ومسئؤلية محدودة ألأخ ناذر لك السـلام والشـكر أن تحاول أن تفتح كوة للضوء هل ترتبط الشـركة المحدودة بعـدد محدد من المسـاهمين ؟ أم لا ؟

Quote: ح اكون بطرفكم قريب نقعد مع بعض و ان شاء الله نصل لحاجة مفيدة

Quote: يا ناذر طبعا كما ذكر الاخوة الفكرة ا والله طرحت وممتازة ولم تجد الدعم والتشجيع اذكر احمد حنين ومحاولات اخرى وطرحتها لبورداب الزقازيق ولم تدعم ايضا وتناولها الان الاخ كمال الشادى ولا زال يسعى ..لذلك، المهم ... نحنا مقررين نحمل الشيكات بدلا عن المقشاشات .. ومن حسي اعتقد طوالى تدعو المستثمرين للقاء تفاكرى مع كل الراغبيين ولازم توضع بيزنس بلان ( محمد ابراهيم ) .. ويحدد رأس المال .. الاولى ( المدفوع ) وقيمة السهم .. مسمى الشركة .. اهم حاجة شركة مساهمة قابضة ( بتاعت كلو ) والهيكل الادارى السكمتقبلى والابتدائى .. بعدين بالله من حسي ما تدوا فرصة لناس السياسة والتنظير يعنى مثلا لو احتاجت الشركة لممثل فى كوريا لمتابعة الاجراءات _ انور كنج مثالا _ ما يجى واحد من المؤتمر يقول لا دا معارضة او العكس .. وما عندنا اعتراض نتعاون من كل الجهات .. بدون فرز يبعدين لابد من تشكيل لجنة تمهيدية .. للمتابعة من الداخل ناس الخارج ديل ما معانا ولا كيف ؟؟ ( طبعا ناس الخارج فى الحالة دى ممكن نحشرهم .. مصالح وكدا ان كانت هناك رغبه من البعض ) وهم ايضا لهم الخبرة التى لا يستهان بها وتساعدهم مواقعهم فى تلك البلاد والاصقاع .. والان معروف فى السودان بدا التوجه للشركات والمؤسسات التجارية اما العمل الفردي فى اضمحلال وايل للافلاس والتلاشى .. Quote: اتمنى ان تتضمن شرط وهو استيعاب بعض البورداب الما شغالين في وظائف بها,يعني اولوية التوظيف للبورداب. طبعا كلام تراجى دا مستقبلى وبخش فى الهيكل الادارى والتنظيمى لكن يا تراجى .. مال وتجارة ما فيها لعب ولا بفكوها لكل زول .. الموضوع خبرة ووشغل الاولوية بهذا الشرط .. شكرا لرأيك بس دا ما عمل طوعى وخيرى دا استثمار وحق ناس .. ----------------- شكرا ودا الكنا بنقولو زمان ايد فى ايد وان الرماح اذا اجتمعن تكسرا وان افترقن ( فلسوا جميعا )