دعواتكم لزميلنا المفكر د.الباقر العفيف بالشفاء العاجل
|
|
 انت من القلائل الذين احترمهم جدا هنا في هذا المكان وأقرأ لهم ولولاهم لما جئت هنا .!
|
الجملة عنوان البوست قريتا مليون مرة من تأسيس المنبر ولحدي هسي ..!!
يا خي المنبر العام لسودانيز أون لاين دوت كوم عبارة عن سوق أي زول بيعرض بضاعتو فيهو ..!!
يا اشتري يا اتفرج يا شوف ليك حتة تانية اشتري منها ..
وأنت بتشتري راعي شعور الناس الأنت لا تقرأ لهم وراعي شعور ألاف غيرك بيقرو ليهم ..!!
ياخ زولك الجاي ليهو دا خلي يرسل ليك كتاباتو في الايميل لو انت أساسا جاي عشانو ومحتقر المكان دا ..
.مش أرحم من أنك تسئ لاكتر من ستة ألف عضو في هذا المنبر واكتر من تلتمية ألف زائر يوميا بيجو عشان ألاف الكتاب عشان يقرو ليهم ؟!
|
|
 
|
|
|
|
|
|
|
 Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: ناذر محمد الخليفة)
|
ود البشرى ...
Quote: مافيها حاجة يا ناذر ياخ
واحد وبشكر في أخوه المشكلة وين وباقي الأخوان البزعلهم شنو
|
دا ما تشكير .. دا اسمو تكسير تلج عن رهبة .. ودا نوع من أنواع التكتيكات الأتكلمت هنها في بوستي الزمان داك .. ومصدر الزعل أنو تكسير ذو حدين ينفخ الشاكرنو ويجي صادي رادي بي رشاش
يصيب الباقين ..
سمح وكت هو من القلائل البيحترمو .. ما يشيل تلفونو ويراسلو في الواتساب أو الفيس أو أي حتة ؟! الجابرو يلوج مع ناس ما بيحترمم شنو وهم اكترية ؟!
| |
|
|
|
|
|
|
|
|
|
Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: ناذر محمد الخليفة)
|
سلام اسامة ...
Quote: لاحظة ذكية ناذر
قد يكون قائلها بحسن نية ويريد زيادة في تبجيل شخص ما يقدر كتاباته
لكن فعلا تتضمن إحتقار للمكان وللباقين
برضو حكاية الكيل بمكيالين
عندما يخطئ من نحب نقول إن الكلام لا يشبهه وإنها كبوه وعد كما عرفناك ولكن عندما يخطئ الآخر نحاول أن نلصق الأمر بأصله أو فكره |
تعرف أنا بستبعد جدا حسن النية عارف ليه ؟!!
في الفترة الأخيرة لاحظت كمية من المداخلات الواحد فيها يشير صراحة لي زهجو وقرفو من المنبر وانو المكان لا يطاق وانو وانو .... في حين انو نفس الزول دا
بيكون حايم ولايص اليوم كلو بين عرصات المنبر ...
والله أشفق علي بكري أبو بكر من بعضهم .. يأكلون من قصعته التي وهبها لهم مجانا ثم لا يستحيون أن يبصقوا عليها بعد أكلهم ويجترون بصاقهم بعد ذلك ..
| |
|
|
|
|
|
|
|
|
|
Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: ناذر محمد الخليفة)
|
هههههههههههههاي ايمن دياب ..
Quote: اسمع يا زول هوي..
انت ذاتك من الذين أتابع بوستاتهم بشغف كبير..
خصوصاً موضوع البناء بتقنية الثري دي بانل.. وقصة الجريو.. العجيبة..
والخستكات التانية وانت عارفا كويس.. حقت السوق عايز كده.. عوضية كمنجات وزوبا الأزهري..
ثم ثانياً.. انت قلت جاي علينا قبل كم شهر.. ولسه ما شفنا حاجة.. |
تابع بوستاتي ما عندك مشكلة لكن او تجيب سيرة القلائل البتحتمم .. بتجيب لي الحسد وتجيب لي روحك الهوا هههه
مفروض اجي .. بس القدم ليو رافع ...
| |
|
|
|
|
|
|
|
|
|
Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: محمد حيدر المشرف)
|
سلام محمد حيدر ..
Quote: اعتقدت, وبعض الاعتقاد إثم, إنو ناذر كتب هذا البوست بمناسبة عبارة قيلت لي من أحد الأصدقاء ..
وكأن العبارة ما استفزت ناذر الا عندي !!
|
ابدا والله لا اذكر أسم كاتبها ولا الكاتب الذي قيلت فيه ..
لكن اكيد انت بتوافقني أنها اتكررن كتير سواء بنفس الصيغة أو بأخرى ..
العبارة مستفزاني من زمان جدا وكنت أمل انها تختفي مع تجديد العضوية وانو الناس القدام البيستخدموها ينتبهوا لي انها جارحة لي زملاء غيرم هنا ..
فلمن لمحتها مرتين في يوم واحد بالجد استفزتني ...
مع انو واحد علق قال انت تستاهل وبرضو ما عندي مانع ..
لكن يا ود المشرف حقو تنبه صحبك دا بي لطف انو اعجابو واحترامو ليك ما بالضرورة بيعني احتقار بقية اعضاء المنبر وقراءم ..
تسلم ...
| |
|
|
|
|
|
|
|
|
 Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: محمد حيدر المشرف)
|
| Quote: ذلك بمناسبة الرحيل الحزين لمصطفى سيدأحمد, تذكرت الاغنية !! |
العزيز المشرف لود المقبول الف رحمة في عليائة
ياصاحب رأيت العالم دي عجاجتها للسماء وكأن الامر تبريري او فرار من صفة نقص او ان الامور تسير بهكذا تشغيلات
رغم ان جل الذين توافدوا بحسن نية ليس فيهم احد من الاكثرية - وهذه محمدة - الا ان هناك من ساقته العاطفة والاصطفاف لأخراج الجمله عن مكنونها
لهم مني كل التقدير وكعهد هذا البلد المكلوم تحدث اكبر الاحداث وافظعها بعفوية وطيب خاطر وقد تكون هذه الهجمة الشرسه من قبل
من جعلو انفسهم اوصياء على شعور الاخرين حلقة في فلاة الاحداث مجال التنظير (وش ضاحك ) يوميا اقرأ وارى واسمع اشياء غريبة
تحدث في هذا الوطن منها ما يدعوا للرثاء واخر يدعوا لأكثر من الدموع ولكن رغم ذلك الحياة ماشة والامور تسير ولو نحو الاسوأ!
اسوأ ما في الامر ان ترى الاشياء بزاوية تجزم انها الزاوية الصحيحة وان جميع الرؤى من جميع الزوايا غير التي انت مطلق منها فهمك
خاطئة ولا تحقق معادلة الصِحة ولا تقترب منها ، فتوقع نفسك في افتراض الوصاية على الاخرين بأعتبارك انت الخبير الوحيد لدروب الحقائق
وزواياها القائمة على فرضية الوحدانية واقصاء الاخر ، قد يكون الامر اخف وطئا لو ان احد منا افترض انه فقط من يعرف الصاح المطلق دون
ان يعزم على حمل الاخرين على ذلك . ، ولكن غالبا ما ينصب الفرد منا نفسه وصيا على الاخرين بناء على عوامل تخصه ك( العمر/ الشهادة/ الدراية / الحكمة /الخ)
وهي بالطبع عوامل نسبية قد تكون مجدية في بعض الاحيان ولكن ليس كلها ، والامر يظل عماده نظرية (الستة والتسعة ) ومكان الوقوف منهما
ع العموم طالما انت اكدت بأنك لم تدخل جحر الضب بهذه (التلجة) الماكنة اوعدك بأني سوف اكسر اخرى اكبر منها علها تستطيع ادخالك هههه ( مافضل لي وش )
واخيرا
على السيد ودالمقبول السلام
وعلى الوادع بجواره الحوت الف رحمة
وللجميع الغتبى
ولاستاذ ناذر التلجة
تلبو
| |
|
|
|
|
|
|
|
|
|
Re: انت من القلائل الذين احترمهم جدا هنا في هذا المكان وأقرأ لهم ولولاهم لما جئت (Re: ملهم كردفان)
|
Quote: متابعه مستحقه ياناذر... والنخبه يجب ان تتواصل فى الحوش ده
بكسير تلج
بى دهنسه
بى اى توجه ايجابى يقرب الناس ويخليهم بنيان مرصوص
...
لمتين نحنا نحشد قيم التنافر جوانا
ونبصقها فى وجوه الآخرين...!!!
|
التحية لي ناذر و التحية ليك يا ملهم يا انيق الحرف ... و بقية العقد الفريد ...
حقيقة و لا اكذب وقفت عند الجملة القالها دهب و انا بقرأ في بوست ود المشرف ...
و للأسف ... لانو سودانيز اونلاين عودتنا ( مؤخراً ) انو لكل فعل رد فعل و كع و اردم و الكلام الفارغ إياه ...
اول شيء خطر بي بالي انو دهب زعلان من زول او مجموعة و قصدهم ...
لكن لما ترجع تقرأ تاني ... تفهم انو كلام منطقي جداً ...خصوصاً في خضم الدوشة و المهاترات المدورة في المنبر ...
انا شخصيا يا ناذر لوتاني قريت ليك كلام و عجبني بقول ليك كلامك حلو و انا زى ( القالوا دهب لي ود المشرف ) ...:)
| |
|
|
|
|
|
|
| |
ناذر محمد الخليفة
Deng
عبدالحفيظ ابوسن
جمال الباقر
انور التكينة
محمد حيدر المشرف
محمد البشرى الخضر
عاطف عمر
محمد المسلمي
أسامة البلال
سيف ود الخواجة
حمد عبد الغفار عمر
Dahab Telbo
ملهم كردفان
يحي قباني
haroon diyab
فيس بوك
تويتر
انستقرام
يوتيوب
بنتيريست