دعواتكم لزميلنا المفكر د.الباقر العفيف بالشفاء العاجل
|
|
 الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجمعة ؟
|
القصة يقال إنها حقيقية ::
قالوا واحدة فتحت ليها خمارة في طرف الحلة والناس ما عارفنها إلا قلة تعد على أصابع اليد الواحدة .. المهم الشمار وصل لي إمام الجامع وفي أول جمعة خطب في الناس وحذرم من مغبة شرب الخمر وإنو في بيت خمر في الحتة الفلانية الناس ما تقربوا وكدة ..!!
بعد الصلاة طوالي واحد من المصلين (أظنوا طول ما إتوفق) طوالي جرى جري على الحتة الوصفا الإمام وتووووشك راح منقشط على البيت المقصود وقابل ست البيت جرع منها كبايتين على سريع وقام قال ليها :
والله ما كنت عارفك بي هنا إلا الإمام وراني هسي في الخطبة !!!
|
|
 
|
|
|
|
|
|
|
 Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: Nazar Yousif)
|
Quote: القصة يقال إنها حقيقية ::
قالوا واحدة فتحت ليها خمارة في طرف الحلة والناس ما عارفنها إلا قلة تعد على أصابع اليد الواحدة .. المهم الشمار وصل لي إمام الجامع وفي أول جمعة خطب في الناس وحذرم من مغبة شرب الخمر وإنو في بيت خمر في الحتة الفلانية الناس ما تقربوا وكدة ..!!
بعد الصلاة طوالي واحد من المصلين (أظنوا طول ما إتوفق) طوالي جرى جري على الحتة الوصفا الإمام وتووووشك راح منقشط على البيت المقصود وقابل ست البيت جرع منها كبايتين على سريع وقام قال ليها :
والله ما كنت عارفك بي هنا إلا الإمام وراني هسي في الخطبة !!! |
أم الكبائر ؟؟؟؟؟!!!!!!!
الشر برة وبعيد
حمانا الله واياكم
قاسم المهداوى
هامش
فى الحالة دى الدعاية الاعلانية المجانية كـــيف ؟؟؟؟؟
| |
|
|
|
|
|
|
|
|
|
Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: ناذر محمد الخليفة)
|
| Quote: بعد الصلاة طوالي واحد من المصلين (أظنوا طول ما إتوفق) طوالي جرى جري على الحتة الوصفا الإمام وتووووشك راح منقشط على البيت المقصود وقابل ست البيت جرع منها كبايتين على سريع وقام قال ليها : |
الله يجازي محنك ناذر
لك التحية وكل الود
صحيح أن طرق مكافخة المخدرات .. تعلم كثير من الشباب
طريقة إستخدام ما كان مجهولا لديهم ..
الممنوع مرغوب .ز لكن المبالغة في ان ينقل لها مقالة افمام
وكأنه يشوكه لها .. لكن بعد عبارين ..
لكن المفاجاة انه يحمل معه قيمة العبارين
بينما كثير من المصليين يحملون بعض مال لزوم المساكين
في باحة المسجد ..
هل نستطيع ياترى أن نقول .. ( حينما سهى الإمام عرف المأموم الخطأ )
سلامي
.
| |
|
|
|
|
|
|
|
|
|
Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: محمد أبوالعزائم أبوالريش)
|
دي يا ناذر زكرتني حكاية المسيحي النسونجي أقنعوا صاحبو أنو يتوب ويلتزم ووداهو الكنيسة لمقابلة القسيس بتاع الحي عشان يعترف ويطهروا من ذنوبه. قام القسيس دخلوا غرفة الإعتراف فصاحبنا إعترف بكل مغامراته العاطفيه لكنه لم يصرح بإسم عشيقته ولكن القسيس كان مصر يعرف الإسم وصاحبنا رافض فحاول القسيس يستدرجه قاليهو أظنها زوجة فلان فزوجها كثير السفر وهي غير منضبطه فقال لا ليس هي قاليهو يمكن زوجة علان فهي علي خصام مع زوجها وتخونه فقال لا ليس هي فقاليهو أو زوجة التاجر فلان فهي تشكي أن زوجها ما شايف شغلو فقال برضو لا. عندها غضب القسيس منه وطرده فخرج ولقي صاحبو منتظرو سالو إن شاء الله القسيس غفر ليك؟ قال ليهو رفض يغفر لي لكن أداني تلاته عناوين جديده.
| |
|
|
|
|
|
|
|
|
|
Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: أسامة البلال)
|
صلاح شكوكو ..
Quote: الممنوع مرغوب .ز لكن المبالغة في ان ينقل لها مقالة افمام
وكأنه يشوكه لها .. لكن بعد عبارين ..
لكن المفاجاة انه يحمل معه قيمة العبارين
بينما كثير من المصليين يحملون بعض مال لزوم المساكين
في باحة المسجد ..
هل نستطيع ياترى أن نقول .. ( حينما سهى الإمام عرف المأموم الخطأ )
|
ممكن تقول كدة ..
إنت عارف يا صلاح في الفترة الأخيرة الناس بقت تشكي .. المنبر بقى بايخ .. المنبر بقى مسيخ .. المنبر كلو مشاكل ونبذ !! إنت عارف لو الناس البيتداخلوا في البوستات إاتزموا إنو الخلافات تكون في البوست مثار النقاش ما في زول حا يشتكي تاني من المنبر .. لكن أي زول داير يعمل فيها رامبو وإنو هو صاحب الشغلانية والمتصدي ليها .. طيب يا خي ما مشكلة أعمل فيها رامبو .. لكن هل في داعي تتصدى للشغلانية أياً كانت في بوست جديد تعمل ليك دعاية للبوست القديم وتزيد من المشاكل وتوترا ..؟!!
دا كل الحاصل ..!!!
| |
|
|
|
|
|
|
|
|
|
Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: أسامة البلال)
|
أبو الريش ..
Quote: إنت بتقول فيها يا ناذر؟
وحاتك أنا أوّل مرة أسمع إنو في موبايلات فيها كاميرا ....... عرفتها من الإمام في خطبة الجمعة لما قال إنو (في موبايلات جديدة تساعد على الفسوق) ... وقام شرح شرح العارف. |
قبل كم سنة جريدة الصحافة عملت إعلان باللغة الإنقليزية للخطوط الأثيوبية العندها خط سفرية لي باريس .. الإعلان بي حجم صغير جدا في الصفحة الأخيرة .. المهم من ضمن كلمات الإعلان جات عبارة (fine wine) ما في زول إنتبه ليها ولا حتى رئيس التحرير زاتو .. يقوم واحد من ناس مجلس الصحابة البيسلخوا جلد الناموسة ديلاك النوع البيقرا أي شي حتى صفحة الوفيات وإعلانات المحاكم الشرعية يقرا الكلمة دي .. يقوم يقوم الدنيا وما يقعدا إنو جريدة الصحافة بتروج للخمور وما أدراك !!
غايتوالقصة عملت ضجة ما عادية وترويج الخمر حصل بصورة أفضل مما كانت تتصوروا الخطوط الأثيوبية نفسها وكل السودانيين عرفوا إنو الخطوط الأثيوبية بتقدم فاين واين في سفرياتا وأظن كلهم إتعودوا يسافروا بيها ..!!
زولنا بتاع مجلس الصحافةدا يا هو نفسوا الإمام بتاع الجامع داك يا الإمام بتاع الجامع داك هو نفسو بتاع مجلس الصحافة ..!!
غايتو النهج واحد ...!!!
| |
|
|
|
|
|
|
|
|
|
Re: الزول مشى لي ست العرقي قال ليها : والله ما كنت عارفك بي هنا إلا كلمني الإمام في خطبة الجم (Re: ياسر بيناوي)
|
ياسر بناوي ...
Quote: فيها حته خاصة بالبنات بتقول منوع الروج والكريمات وال ........................
المهم اللائحة اسهبت شديد
اها معانا بنياتا غبش زينا ليقناهن شوية شوية بقن يتمكيجن
ولمن فتشنا ورا الظاهرة دي طلعن قرن اللائحة
بقينا ايي بت متكميجة بنقول : قرت اللائحة
|
ههههههههههههههههه
كتلتني بالضحك يا مان ..
غايتوالتعبير دا الظاهر حا نستخدمو كتير الايامات الجاية دي .!!
بالمناسبة عندك شنو بكرة ؟!
ما تجي نتقابل نشوف لينا لائحة نقراها ياخ ههههههههههههه
| |
|
|
|
|
|
|
| |
ناذر محمد الخليفة
تبارك شيخ الدين جبريل
سيف الدولة كامل
Nazar Yousif
قاسم المهداوى
صلاح شكوكو
محمد أبوالعزائم أبوالريش
أسامة البلال
الزبير صالح الزبير
محمد الامين محمد
عبداللطيف خليل محمد على
ابوبكر قسومة
ياسر بيناوي
الامين موسى البشاري
فيس بوك
تويتر
انستقرام
يوتيوب
بنتيريست