دعواتكم لزميلنا المفكر د.الباقر العفيف بالشفاء العاجل
|
|
 الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!!
|
ضربت موجة عاتية من إرتفاع أسعار وعشوائي غير مبرر الكثير من أسواق العاصمة تفاجأ بها المتعاملين في هذه الأسواق ..
مصانع البوهيات أجمعت كلها تقريبا على وقف البيع بالشيكات الأجلة وأوقفت إمداد الأسواق والتجار ببضائعهم إلا في حالة من يدفع نقدا .. وبعض المصانع لجأ إلى وضع سعرين للبيع .. سعر للبيع الاجل وأخر للبيع بالشيكات .. وبعض المصانع أوقفت البيع نهائيا في إنتظار نهاية هذه الفوضى وإتضاح الرؤية ...!!
وظهر للوجود ايضا مصنع جديد للبوهيات توكل صاحبه على الله وقفز بمنتجاته في الأسواق رغم خطورة الإستثمار والعمل بهذا المجال الخطر ورغم أن العديد من المصانع أفلست وتحولت لصناعة أحبار الطباعة ..!!
وتفاجأ المواطنون صباح اليوم بزيادة في أسعار المياه الغذائية بلغت نسبة الزيادة خمسون في المائة (فِرِد مرة كدي) ، حيث أن سعر عبوة المياه الغازية الذي كان بواحد جنيه صار الأن بجنيه ونصف لكل الشركات دون إستثناء ..!!!
صنفرة :
عبوة الشامبيون برضو سعرا زاد خمسين في المية ..!!
|
|
 
|
|
|
|
|
|
|
 Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: احمد الأمين على إدريس)
|
أحمد الأمين ...
Quote: ياناذر كيفك
تعرف انا زيادة الدولار عاملا لي خسائر وبلاوى مايعلما الا الله
بس كمان الواحد يشوف الحاصل فى الرغيف المالاقينو ناس خدر دا
وباقى المواد الغذائية يسكت سااااى
ياخ الزيت ياهو زاتو الزيت الكان فى الرف من كم يوم
لكن سعرو ماياهو ..
وعن البامية وسوق الخضار انسى بس
ياخ الطماطم فى الشتا معروف الصفيحة بى الفين
هسا الكيلو بى 4
الله يستر بس ماعارفينها ماشة على وين |
الناس كلها خسرانة وفي ناس الدولار دا ما شافوهو بي عينو لكن متضررين منو ..
اللبن .. الطماطم .. الزبادي .. العيش .. اللحمة .. الفراخ .. السمك .... كلو طار السما ..
أنا المستغرب ليهو السمك دا البيغليهو شنو .. سيتاً ربنا خالقو في البحر .... لا دايرلو علف لا دايرلو ترباية في حظيرة .. من البحر للسوق طوالي .. كيف سعرو يزيد خمسين في المية في ظرف إسبوع ؟؟؟!!
غايتو ما نسحر البصل .. الأيامات دي رخييص .. إشتري ليك شوال ختو في البيت وكتر من ملاح القاورمة ..!!
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: ناذر محمد الخليفة)
|
عبد اللطيف ..
Quote: يا سيد كلامك دا فيه ريحة سياسة و تحريض ضد الثورة !!
|
الثورة بالشنقيطي ..!!
تعرف يا مان جيت الليلة داير أكتب بوست أنصح فيهو ناس الخرطوم من هسي يحاولوا يخزنو مواد غذائية متنوعة في بيوتم بالذات النواشف ناس رز ومكرونة ودقيق ومعلبات .. لأنو ما معروفة ظروف البقالات والأسواق مع إقتراب موعد الأستفتاء ..
لكن قريت في الجريدة توجيه لناس الأمن الإقتصادي وكل الأجهزة إنها تردع الجهات البتروع المواطنين وبتحذر من إندلاع فوضى شاملة في الخرطوم .. طوالي غيرت رايي من كتابة البوست عشان ما يجي زول يردعني بي بنية ولا مصيبة زمان ..
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: ناصر احمد الامين)
|
Quote: تعرف يا مان جيت الليلة داير أكتب بوست أنصح فيهو ناس الخرطوم من هسي يحاولوا يخزنو مواد غذائية متنوعة في بيوتم بالذات النواشف ناس رز ومكرونة ودقيق ومعلبات .. لأنو ما معروفة ظروف البقالات والأسواق مع إقتراب موعد الأستفتاء ..
لكن قريت في الجريدة توجيه لناس الأمن الإقتصادي وكل الأجهزة إنها تردع الجهات البتروع المواطنين وبتحذر من إندلاع فوضى شاملة في الخرطوم .. طوالي غيرت رايي من كتابة البوست عشان ما يجي زول يردعني بي بنية ولا مصيبة زمان .. |
هاهاهاهاهاهاااااااا
وصل يا مان ..
فوق هنااااااااااااااااااااك ...
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: Hussein Mallasi)
|
يا ناذر ده كلو حاصل وإنتو ساكتين ؟؟!!
راجين شنو ياربى ؟؟
يأخ ماتعملوا ليكم همه كده وتبدأوا الشغلانه !
والله الناس ديل قاعدين على الهبشه ,, بـس دايرين
الزول البشخت القشه .
يلا ياناذر أشختها ,, أشختها ,, وسوف يذكرك التاريخ .
أوعك تجى تقول لى إنت محنن ,, والكلام بتاع التملص ده ! يكفى إننا عملنا
ليكم ثورتين واحده فى إكتوبر وواحده فى أبريل ,, حقت ينائر دى حقتكم براكم
وحرم ماتقولوا حاجه .
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: احمد محمد بشير)
|
إزيك يا نادر ...
ياخي محافز بنك السودان سخسيا بطمن فينا ...
أسمع .. يا مان :
Quote: ال محافظ البنك المركزي السوداني الدكتور صابر حسن إن أثر حدوث انفصال الجنوب على الاقتصاد أقل من تداعيات الأزمة المالية العالمية، وإنه أهون بكثير مما يجري الحديث بشأنه في الإعلام، واعترف بالتأثيرات السلبية الحالية بسبب عدم اليقين وعدم الطمأنينة على أسواق السلع والخدمات والنقد الأجنبي.
واعتبر حسن في لقاء مع اتحاد المصارف السوداني عن سياسات البنك المركزي السوداني للعام 2011 مساء الاثنين أن السودان يمر بمرحلة فريدة في تاريخه بانتظار استفتاء تقرير مصير الجنوب المقرر إجراؤه يوم 9 يناير/كانون الثاني المقبل.
وأكد أن مثل هذه المرحلة التي لا تتكرر كثيرا تصنع التاريخ، وأن هذا ما يفسر قلق الأسواق وعدم يقينها، مما انعكس على النشاط الاقتصادي.
وأضاف أن هناك عصبية في سلوك الأسواق خاصة مع ورود كلام في الصحف لا يستند إلى معلومات كاملة بشأن التأثيرات السلبية المحتملة لمآلات انفصال الجنوب، مشيرا إلى أن الأمر سيكون أهون بكثير مما في خلد الكثيرين حتى في أسوإ الاحتمالات المتوقعة.
وأكد أنه طبقا للأرقام فإن أثر الانفصال سيكون أقل مما سببته الأزمة المالية التي أفقدت الاقتصاد السوداني 76% من تدفقات النقد الأجنبي.
وبالنسبة لفقد النفط لصالح الجنوب قال إنه في عام 2005 تم فقدان نصف النفط لصالح الجنوب، معتبرا أن للاقتصاد السوداني مميزات مكنته من عبور مثل هذه الأزمات الصعبة.
أزمة ستمر
"
الهدف الرئيسي لسياسة البنك لعام 2011 هو إعادة الاستقرار الاقتصادي وتقليل عجز القطاع الخارجي، والاستقرار النقدي وتحقيق الاستقرار المالي للقطاع المصرفي
"
صابر حسن
وشدد حسن على أن هذه المرحلة ستمر بسلام وسينقشع غبارها بعد أسابيع قليلة وسيعود النشاط الاقتصادي لطبيعته، مشيرا إلى أن البنك لم يدخل سياسات جذرية حتى تتضح الرؤية وينظر في ما يمكن إضافته ليتواكب مع الوضع الجديد.
وأكد أن البنك سيعمد إلى تشجيع دعم الصادرات غير النفطية التي كسرت في عام 2009 حاجز المليار دولار، ومن المتوقع أن تتخطى في عام 2010 المليار ونصف المليار دولار بزيادة أكثر من 100% عما كان قبل 2009.
وقال إن الهدف الرئيسي لسياسة البنك لعام 2011 هو إعادة الاستقرار الاقتصادي والعمل على تقليل عجز القطاع الخارجي، والاستقرار النقدي إضافة إلى الاستقرار المالي للقطاع المصرفي.
وأضاف رئيس البنك المركزي السوداني أن البنك سيعمل على استدامة التنمية الاجتماعية والاقتصادية وتخفيف حدة إدارة العملة الوطنية وتقليل الضغوط التضخمية لتحقيق معدل النمو المعلن في موازنة الدولة.
المصدر: الجزيرة
http://www.aljazeera.net/NR/exeres/02DD0208-5120-425A-A...8.htm?GoogleStatID=9
|
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: doma)
|
والله ياناذر قصة ارتفاع الأسعار دي عبارة عن (زلعة) ما عندها مبرر..
رغم تطمينات الوالي ومحافظ بنك السودان بعدم تأثر السودان بالانفصال..
ورغم تحذيرات نائب الرئيس للتجار الذين يتلاعبون بقوت الناس..
إلا أنّ واقع الحال يشير إلى أن هناك حالة من (الهلع)..
ونتيجتها الحتمية هي ارتفاع الأسعار واختفاء السلع من الأسواق..
وتلعب الإشاعات دوراً كبيراً في تضخيم هذه المسألة..
ربنا يكون في عون الناس.. ويلطف ويستر على حال البلد..
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: أيمن دياب)
|
Quote: الفوق ديل جتت ما يعملوا ليك صحن صغيروني ..
ولو فطرك ما بغديك ولو غداك ما بيعشيك ..!!
والأسبرو منعوهو في الدكاكين ..!! |
في اجازتي الفاتت دي يا نازر...سألت...قريبنا
قلت ليه...ياخ دا شنو دا الغلا دا...اربعة طماطمات
بي الف ...الناس ديل عايشين كيف...؟
قال لي...زمان البكاء...مش الناس بتمشي المقابر
هسي بقوا يمشوا...الصيوان...مع مواعيد الفطور والغداء
والعشاء...قال لي...كان مات ليك زول بتأكل نيم...
اما العشاء...قال لي نادي الضباط...والنوادي المجاورة..
جلابية نضيفة وكلونيا...وانت متعشي...وراجع ملح...
قلت ليثه طيب الما بلقوا بكاء...ونادي ضباط...
قال لي ديل ماكلين نيم....
ربي يرفع الكربة والضيق من البلد...ناسا ما بستاهلو
والله...
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: Mohamed E. Seliaman)
|
أيمن دياب ..
Quote: والله ياناذر قصة ارتفاع الأسعار دي عبارة عن (زلعة) ما عندها مبرر..
رغم تطمينات الوالي ومحافظ بنك السودان بعدم تأثر السودان بالانفصال..
ورغم تحذيرات نائب الرئيس للتجار الذين يتلاعبون بقوت الناس..
إلا أنّ واقع الحال يشير إلى أن هناك حالة من (الهلع)..
ونتيجتها الحتمية هي ارتفاع الأسعار واختفاء السلع من الأسواق..
وتلعب الإشاعات دوراً كبيراً في تضخيم هذه المسألة..
ربنا يكون في عون الناس.. ويلطف ويستر على حال البلد.. |
فعلا ما ليها أي مبرر من وجهة نظر رسمية ...
بس الناس دخلتا هلعة ساي ..!!!
| |
|
|
|
|
|
|
|
|
|
Re: الخرطوم اليوم : غلاء فاحش في كل السلع والبضائع ومصانع البوهيات توقف البيع بالشيكات ..!!!! (Re: Nazik Eltayeb)
|
نازك
| Quote: يعني يا ناذر بطلاقها ورجوعها لحدي الطلاق الاخير بتاع البينونة الكبرى مش؟؟ |
ههههههههههههه
لا لا دا ما القصد لكن غحتمال تكون وصلت كدة .. العلم في السودان متطور سريع ..
القصد زي ما حكاهو لي واحد صحبي .. إنو في بعض المآازين (جمع مأذون سالم) .. بجانب شغلم في عقد القآن بقوا متعهدين ولائم .. تجي للماذون يقول ليك انا بعقد ليك وبجيب ليك الصيوان والكراسي وبلح وفواكه العقد .. وهو البيجيب ليك الطباخين بتاعين المناسبة وكل التحضيرات المتعلقة بيها وحتى الناس البيوزعو الغدا أو العشاء دا لو ما جاب ليك المعازيم كمان .. وبرضو بيحجز ليك الفنان والساوند سيستم وإحتمال يكون عندو شقة مفروشة في الخرطوم أو القاهرة يأجرا ليك لي شهر العسل ..!!
ويقول ليك باقي الشغل تمو براك ..!!
لا بالله تعال تمو إنت عليك الله ..!!!
| |
|
|
|
|
|
|
| |
ناذر محمد الخليفة
معتصم محمد صالح
فيصل نوبي
احمد الأمين على إدريس
عبداللطيف خليل محمد على
حمزه بابكر الكوبي
ناصر احمد الامين
عبدالكريم الامين احمد
محمد يوسف الزين
ساميه حامد
Hussein Mallasi
كمال سالم
جمال الباقر
othman mohmmadien
nazar hussien
Nazik Eltayeb
الصادق يحيى عبدالله
محمد على حسن
احمد محمد بشير
Hisham Ibrahim
doma
محمد أبوالعزائم أبوالريش
Mohamed E. Seliaman
فيس بوك
تويتر
انستقرام
يوتيوب
بنتيريست