دعواتكم لزميلنا المفكر د.الباقر العفيف بالشفاء العاجل
|
|
 إسـتـفـتـاء فـقـري جـدا للأخـوة بـورداب الـخـرطـوم ..!!!!
|
والإستفتاء أو الإستبيان دا عبارة عن سؤال واحد والإجابة عليه بي لا أو نعم :
على ضوء ما أثير مؤخرا حول إحتفاليات بورداب الداخل ببورداب الخارج ..
وعلى ضوء الأراء التي إنطرحت حول (تغيير شكل اللمة) ..
وعلى ضوء الاراء الوردت في بوست أمين دا :
بورداب الخرطوم في ( المكان الخطأ و الزمان الخطأ ) !!!
هل تستمر الإحتفالات والإحتفائيات والضبحيات القندهارية واللقيمات الحليوية إحتفالاً ببورداب الخارج ولا (كدة كفاية) ؟؟!
ارجو الإجابة بصراحة وبلا أو نعم ..
صنفرة :
هذا الإستفتاء لا علاقة له بما قاله صبري الشريف ..
وإنما عبارة عن تجميع أراء من بورداب الداخل أنفسهم وردت في عدة مواضع ومواقع ..!
|
|
 
|
|
|
|
|
|
|
 Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: معتصم محمد صالح)
|
نازر
سلام يا حبوب
كيف انت
ياخى ممكن نشارك فى الاستفتاء حول تقرير مصير الاحتفالات
Quote: هل تستمر الإحتفالات والإحتفائيات والضبحيات القندهارية واللقيمات الحليوية إحتفالاً ببورداب الخارج ولا (كدة كفاية) ؟؟!
|
الاجابة اذا سمحت لى بالمشاركة
لا @ نعم
وبس ... ولا كــــيف
اها جاى القاهرة متين علشان نحتفل بيك يا عمك
قاسم المهداوى
| |
|
|
|
|
|
|
|
|
 Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: ناذر محمد الخليفة)
|
.
إستفتاء ما في محلو
بعد نعم
إضافة:
ناذر ازيك والكل
لعلكم بخير
تعرف يا ناذر الناس ما فاهمة في الحقيقة معني اللمات الاتعملت والحا تتعمل لو الناس بطلو الحردي
القصد الاساسي من لمات البورداب واحتفاءهم بي بورداب الخارج هي التعارف على الواقع للأسباب الجاية
حا اديك مثال:
بتتذكر لما جات دكتورة بيان وبرغم انو بعض الناس كانوا متخوفين من انو الزولة الشكالة البتكتب دي حتكون كيف اجتماعيا،
الحصل انو كل الناس حبتها بمجرد بس ما سلمت عليها واتنست كل الخلافات على ارض الاجتماعيات اللحظية
ده ما عندو علاقة بي داك
اجتماعيات يعني اجتماعيات بعيدة عن الاختلاف الفكري والسياسي والنمط المخالف وووووووو
في ظل التعب النفسي الحاصل في البلد أنا شخصيا لو قالوا لي نتلم في اليوم25 مرة بعملها
حتنكر انك على الاقل بتلاقي ناس سنين ما لاقيتهم !
حتنكر انك بتناقش حاجات حتى مع نفسك ما قادر تناقشها بي فكرك وفكر الغير وقد تحل مشكلة في لحظة ليك شهور ما حليتها
قصة الغنا:
الغرض الأول منها انك بتتعرف على اصوات جميلة صعب انك تلاقيها في ملفات حياتية عادية
حاجة واحدة بس ممكن يكون عندي فيها راي
قصة الترابيز الـ كل 6 في حتة دي بتخلق فجوة بين الناس وبتبقى مافي فايدة من اللمات لأني بكون عايزة اقعد واسمع كل الناس
في اللمة الاخيرة قرررررررررررررررربت اجوط الترابيز وارجع الدائرة الكبيرة ولحظات التعارف الاولى بعد ما الشمل يكتمل
والغناء دايما كان بكون بعد التعارف والنضمي والشكل والتصالح وبيجي الغنا في الآخر
ناذر
بالله واصلو اللمات ورجعو الناس الطافشين وانسو الكلامات الما جايبة حقها دي
كن بخير
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: عبير خيرى)
|
أسماء ...
Quote: الاجابه الليله = البشوفو كل صاح ياناذر
لحدي اخر الشهر بيكون عندي رد تاني هههههههههههه
خليك مشغول بالاستفتاء ده, كويس :) |
البوست دا حدو تلاتة يوم .. لو بتلحقي قولي من هسي نعم ولا لا ..!!
أخر الشهر بيكون الإستفتاء خلص ..
لا لا ما مشغول ولا حبتين .. عيوني في كل حتة .. إنتي قايلة أخر الشهر دا بعيد 
أسماء علي قالت رايا زي رايي .. وأنا رايي مأجلو للنهاية ..
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: ناذر محمد الخليفة)
|
ناذر يا صاحبي
سلامات
التواصل الاجتماعي مهم شديد ياناذر في فضاءنا الاسفيري
دا ومحطة الخرطوم هي بلا شك اكبر المحطات الممكن يتم فيها
التواصل دا بشكل جيد وذلك لاسباب عديدة يعرفها الكل اجمل
منها الاتي ( الاماكن متاحة ومتنوعة للتلاقي- البورداب اكتر-
سهولة اجتماعهم في مكان واحد- ووووووو) وبعدين دي سنة حميدة
ما يسحروكم فيها ويشتتو شملكم ساي لازم تعضو عليها بالنواجز
وتواصلو فيها مهما حدث من دقداقات زي ما بتقول اختنا نجاة
اعادها الله لنا سالمة غانمة.
اوااافق علي المواصلة
نعم
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: ناذر محمد الخليفة)
|
سلام الخير
Quote: ناذر يا صاحبي
سلامات
التواصل الاجتماعي مهم شديد ياناذر في فضاءنا الاسفيري
دا ومحطة الخرطوم هي بلا شك اكبر المحطات الممكن يتم فيها
التواصل دا بشكل جيد وذلك لاسباب عديدة يعرفها الكل اجمل
منها الاتي ( الاماكن متاحة ومتنوعة للتلاقي- البورداب اكتر-
سهولة اجتماعهم في مكان واحد- ووووووو) وبعدين دي سنة حميدة
ما يسحروكم فيها ويشتتو شملكم ساي لازم تعضو عليها بالنواجز
وتواصلو فيها مهما حدث من دقداقات زي ما بتقول اختنا نجاة
اعادها الله لنا سالمة غانمة.
|
كلام زي الورد ..
مشكور ..
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: طارق جبريل)
|
Quote: يا جماعة كونه الزول يلاقي الناس ويودهم دي بالدنيا وما فيها
ياخي معرفة الناس كنوز وليس كنز واحد |
طارق ودجبرين....
الكلام دا قال ليك حيتحسم بنتيجة الاستفتاء انت بتفهم كيفن...
تواصل انسانى بتحدد بلا او نعم
علاقات اجتماعية تحسمها لا او نعم..
ناس تتلاقى ساااى كدا تتحسم بلا او نعم...
بالله لو النتيجة اتحسمت بنعم وقررتو تعملوو لمات وضبايح وحليوة
بالمرة يتحدد الشيرنق شان الناس البتجى ماتتعقد وتاكل فى خاطرها وتكون زيها وزي الناس الباقين
الا فى حالة زول يعمل عزومة فى بيتو.. ..دى حاجة تانية
| |
|
|
|
|
|
|
|
|
 Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: طارق جبريل)
|
..
.
Quote: بالمرة يتحدد الشيرنق شان الناس البتجى ماتتعقد وتاكل فى خاطرها وتكون زيها وزي الناس الباقين
الا فى حالة زول يعمل عزومة فى بيتو.. ..دى حاجة تانية |
اميرة الشيخ ..
شايفك يا صديقة ماشة فى اتجاه انك تأصلى ان الموضوع موضوع شيرنغ ..!!؟؟
كدا ما حلو .. ودا ما الفهم ولا حصل بوردابي من الداخل او الخارج فكر فيها
لكنها تانى ضمن .. الاتهامات .. بالعماله .. والارسترزاق .. الزمن .. والاولويات .. الخ
------------
الواقع هو خير مقياس يا ناذر ..
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: Tabaldina)
|
Quote: اميرة الشيخ ..
شايفك يا صديقة ماشة فى اتجاه انك تأصلى ان الموضوع موضوع شيرنغ ..!!؟؟
كدا ما حلو .. ودا ما الفهم ولا حصل بوردابي من الداخل او الخارج فكر فيها
لكنها تانى ضمن .. الاتهامات .. بالعماله .. والارسترزاق .. الزمن .. والاولويات .. الخ |
عصرت عليها شديد ياتبلدينا ...تاني عشان تقول لأ ..تضرب في الكسرة بالموية وتقول لأ !!!
| |
|
|
|
|
|
|
|
|
 Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: طارق جبريل)
|
ناذر يا صديق .. سلامات ومساك خير ..
انت يا ناذر بتعمل استفتاء على شنو ؟؟
على انو نحنا لمن يجينا ضيف نقابلو ولا ما نقابلو؟
نعزمو ولا ما نعزمو ؟ نكرمو ولا ما نكرمو ؟ نلاقيهو ولا ما نلاقيهو ؟
دا كلام غريب جدا ..؟؟
يا ناذر يا اخوي , انت زول كريم ودي مافيها شك ودي ويسألوني انا الناس منها ,
لكن مسأله تستفتي ناس الخرطوم في انهم هل حا يستقبلوا ضيوفهم ولا لا دي موش صعبه شويه ..؟؟
يعني لو نتيجه الاستفتاء طلعت (لا) يبقى الناس ما تلاقي طارق جبريل لو جا ولا تستقبل كيكي , ولا ترحب بي اميره الشيخ !!!
أها انا غايتو كوستاوي دا لو جا , عزومه تلاته ايام ما بتكفيني ليهو ..
انت حا تكون راضي عن نفسك لو البوست دا نتيجتو اتحسمت بي انو نوقف لمات الخرطوم ؟؟ (ولكي ثقه ان ذلك لن يحدث) ..
ويكتب التاريخ انو : زمااان كانو ناس الخرطوم بيعملو لمات , لكن اتوقفت بي استفتاء عملو ناذر الخليفه ..؟؟
انا اعلم جيدا من هو ناذر الخليفه , واعلم تماما قدره ومكانته الما هينه ابدا .. فهل يعقل ان يكون هو صاحب هذا الفصل التاريخي ..؟؟
للمنابر ذاكره لا تنسـى ياصديق ..
يا ناذر .. حتى لو انت شايف انو موضوع استقبال الضيوف دا , مفروض الناس تعيد فيهو النظر (كبورداب خرطوم) ,
كان من : الاسهل , والاكرم , والاقل احراجا لنا ولضيوفنا , انو الاستفتاء بتاعك دا يكون خـارج البورد ,
يعني بالتلفون مثلا , أو تعلن عن لمه لي بورداب الخرطوم بي اي مناسبه وتطرح الموضوع للنقاش ... الخ ,
في ميه طريقه وطريقه تعمل بيها نفس الاستفتاء دا (اللي انا شخصيا كبورداب خرطوم ما موافقه عليهو) , بدون ما
تدي الشافع القروش قدام الضيـوف وتقول ليهو جيب ليهم بارد !!
عن نفسي شخصيا .. ارى ان يتوقف هذا البوست , ويرسل بورداب الخرطوم (الذين يوافقون على فكره الاستفتاء من اساسها)
بآرائهم الى موبايل ناذر في رساله SMS وليحذف هذا البوست ..
عن نفسي ايضا .. لن اتوقف عن تنظيم استقبال لضيوف الخرطوم , مهما قيل او ما سيقال في هذا البورد,,
ولن اتوقف عن عمل (لافتات قدر الهجمه) , او فعل ما يلزم لتخرج اللمات باخلى ما تمكننا به الظروف ..
وكلي ثقه وقناعه تامه , ان كلمات الاستاذ صبري الشريف او غيره هي مجرد اراء شخصيه لاتعبر عن البقيه ..
وسنظل نحن كما نحن , بورداب الخرطوم , الذين نسعى لخلق تواصل اجتماعي , وروابط وثيقه , ونتعصر ونتلصق في الناس ,
الا زول يقول ما دايرنا عديييل كدا ..
كلامي الفوق دا بيعبر عني انا داليا يا ناذر ,
وما ملزم بيهو اي زول .. تحياتي وارجو انك تعيد البصر كرتين , وكلي يقين في بصيرتك النافذه وعقلك الراجح .. تحياتي ..
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: دينا خالد)
|
لا ... لكن ما زي حقت دينا خالد طبعاً
...
ناذر كثرة النقاش فى الموضوع دا ... ادتنى إيحاء بايخ
وكأنو إنتو بتحتفو بى إنكم بتحتفلو بالناس ...!!
دا ما صاح غايتو ...ياخ على مدار 3 سنين والحاجات دي كانت مفروضة على 3 انفار فقط وانت تعلم وانا أعلم
"هل اللمات دى ... فرض واللا واجب واللا حتتقلب يوم مزمة للناس البرة ديل"
واحسن الناس ما تتلاقى ... ما دام شكل البورد بنقلب كلو إلي نقاش من هذا النوع
...
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: Tabaldina)
|
| Quote: بالمناسبة مفروضة يعنى شنو ..!!؟؟ |
يعنى مسؤلية
ويعنى ديل كان عليهم عمل الإتصالات ... التجهيز والتنفيذ,,,,وحتى لمى الفارغ
وانا قصدى بالمُناسبة ... قبل تلاتة سنين ولى ورا
ـــــــــ
Quote: اللمات دى لا فرض لا واجب .. دا خيارى طوعى لاخوة عرفناهم اسفيريا وواقعيا
لمن جابت ليها كلام واساءات .. ظهر التيار دا .. |
إذا مافى داعى الناس تتلما ما دام حيتنقل جو البورد لى اللمات
لانو دى الحاجة الوحيدة الكان بنعول عليها .... إجتماعياً
واللا انا غلطان يا صالح
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: داليا الكباشى)
|
..
.
Quote: عن نفسي ايضا .. لن اتوقف عن تنظيم استقبال لضيوف الخرطوم , مهما قيل او ما سيقال في هذا البورد,,
ولن اتوقف عن عمل (لافتات قدر الهجمه) , او فعل ما يلزم لتخرج اللمات باخلى ما تمكننا به الظروف .. |
لكل مقام مقال ..
Quote: وكلي ثقه وقناعه تامه , ان كلمات الاستاذ صبري الشريف او غيره هي مجرد اراء شخصيه لاتعبر عن البقيه ..
وسنظل نحن كما نحن , بورداب الخرطوم , الذين نسعى لخلق تواصل اجتماعي , وروابط وثيقه , ونتعصر ونتلصق في الناس ,
الا زول يقول ما دايرنا عديييل كدا .. |
صبرى بس ..!!
انتو صبرى دايرين تعملوه كبش الفداء .. يعنى اراء صحباتك واصحابك ما قاعدة تقريهو ..
مسكين يا صبرى جنت على نفسها براقش ..
راى الكل اتصب فيكــ .. شايف عمايلك وتسرعك .. واتهامك لعبدالرحيم غطس حجرك براك من بورداب الداخل
حسي اى زول حيشيل عليك بانك السبب وينسو ناسهم فى الداخل والخارج نتيجة حديثك المأفوف
شايف ازدواجية المعايير واضحة كيف ؟؟
عموما يا داليا ..
كلامك دا برضو بعتبرو راء شخصى منك لا يعبر عن البقية
عموما اتصلقى انت واتعصرى كما تودين هذا شأنكـ الخاص
وليكن هذا ديدنكـ دوما ..
-----------
انت يا تامبا ما عايز تستلم اماناتك دى ياخى قيدت حركتى ..!!؟
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: محمد البشرى الخضر)
|
يا تبلدينا الذي اعرف
يا حبيب والله الناس البرة دي ما بالسوء الذي تظن
يمين بالله يا صالح انا دة طارق جبريل الواحد وآخر زول شافك قبل مغادرتي الخرطوم الاجازة الفاتت
وحات خوتك يا صالح.. من هسي بقولها ليك
انا جايي يا صالح..
جايي عشان خوتنا الليها خمسة وعشرين سنة
جاييي عشان شيخ طاعن هناك في الدرابزين حيث تونسنا يا صالح
جايي عشان قبر في اطراف المدينة
جايي يا صالح لاحباب كتاااار
بس يا صالح حا اجي مضهب
والله اتحسست عديييييييل زي ما قال حبيبنا ود البشرى
يعني صراحة حا احاول اقابل الناس كل زول براهو كدة
والله يا صالح خوفتني من اي تجمع في الخرطوم
يا الله ياخ..
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: طارق جبريل)
|
..
.
الملكـ ..
عداكـ العيب ما غلطان .. ياملكـ
اميرة ..
تياركـ الانت سايقاهو الجديد بتاع تأصيل مفهوم مادى /مالى للامر
انا قررت ما اناقشو .. وخليتو كدا لله .. فى العافية ..
ودالبشرى وجبريلا ود القاضى ود الصائم اميرة خليل .... وآخرون
ياخى ما تتحسسوا ..!!
انا صالح عبدالرحمن تبلدينا لا امثل سوى شخصى واعبر عن ارائى ..
لا اتحدث باى صفه عن بورداب الخرطوم وما اقوله يعبر عن نفسي
لا عن احد ..
اعتذر تماما ان احسستم بانى هجومى وما تصديت له من تصرف بعض
القلة من بورداب الخارج قد مسكم بعض من الشرر او احسستم بانكم من ضمن
المعنيين بالامر والذى يرون ان الاحتفاليات بالبورداب هى امر لا يستحق وضياع زمن
وبرنامج ينظمه عدد من العملاء والامنجية ..
لكم جميعا اعتذر بلا فرز ولكل بورداب الداخل والخارج مظلومين او ظالمين
حتى للاخ صبرى الشريف وان انار لى دربا صحيحا
او قادنى لاخر مظلما .. وكل من شايعه مخطئا كان او مصيبا ..
أعتذر من حوارى ونقاشي الحاد او ما خيل للكثيرين وان كان هذا طبع جبلت عليه
فلا يعرف محاورى هل هذه جدية ام غضب ام راى هادئ ..
لكل من عرفته واقعا .. وجالسته حقيقة الود والتقدير وسيبقى
الود باق بدوام النبض فى العروق ..
واستودعكم الله وحتى نلتقى فى رحاب اخر
وواقع اجمل ..
------------
واحتفظ بحقى كاملاً فى كيفيه التعامل مع هذا الامر؛
( بختك يا داليا اخدى نفس طووووووويل بعد الانسحاب دا ) 
| |
|
|
|
|
|
|
|
|
|
Re: إسـتـفـتـاء فـقـري جـدا للأخـوة بـورداب الـخـرطـوم ..!!!! (Re: Tabaldina)
|
عشان كدا البوست دا ما إستفتاء ساي .. .!!!!
البوست عنوانو (إسـتـفـتـاء فـقـري[/U]) ...!!
فقري جاي من كلمة فقر ..!!
يا أخوانا إستحملوا الراي والراي المخالف ...!!
صنفرة :
بالمناسبة للناس المستعجلين :
أنا لسع ما قلت رأيي ولا أدليت بي إستفتائي في الموضوع دا مع إني صاحب البوست ..!!!
ممكن (تروقوا وتحلو) ..!!
| |
|
|
|
|
|
|
| |
ناذر محمد الخليفة
Ahmed musa
Asma Ali
فايزودالقاضي
معتصم محمد صالح
قاسم المهداوى
بكري الخير
عبير خيرى
الخير محمد عوض
Kostawi
طارق جبريل
محمد البشرى الخضر
MOHAMMED ELSHEIKH
انور التكينة
داليا الكباشى
دينا خالد
العوض المسلمي
الملك
عفاف الصادق بابكر
فيس بوك
تويتر
انستقرام
يوتيوب
بنتيريست