أقوى قصيدة هجاء سودانية ..!!

Quote: ناذر سلام عليكم اذن انت لم تسمع مسدار "فرسان الجدادة" للفرجوني ولم تسمع هجاء ود ابو القاسم لاحد اودية الزراعة بالبطانة. الفرجوني كان سايق بوكسي وقام وطى جدادة وقتلها ومشى في طريقه والا يشوف لك عجاج العربات وراه فزع للجدادة، وقف قدام بيت بكاء في نفس الحلة ومنتظر العقلاء يقولو ليهو ياخي امشي بلا جدادة بلا غيرو، لكن العقلاء قال ليهو يا زول تغرم الجدادة، دفع لهم تمن الجدادة وبعد داك نظم فيهم قصيدة هجاء لم يسلم منها حتى الميت بتاع العزاء. اعتبرها ايقونة في مجال الهجاء واعتذر عن ايرادها لسببين، الاول لانه ما حافظها ودي ساهلة لانه عندي كتيرين الحافظينها والتاني انه الفرجوني بعد القصيدة جات الحلة كلها تعتذر له وقبل اعتذارهم. اما ود ابو القاسم فبعد ما نزل المطر شال شوالين عيش ومشى الوادي واجر تراكتور وحرت ووزع الشوالين تيراب ولما جاء الحصاد كان المحصول اقل من ربعين وتعال شوف قال شنو في الوادي هههههههههههههههه دي ما حافظها لكن اوعدك اجيبها ليك تحياتي

Quote: حلفت بالتقطعها ما تشتغل يا ناذر أرفعها يوتيوب ولا أدينا رابط تحميل ولا أي حركة