ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص ؟؟!!

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 09:29 PM الصفحة الرئيسية

مكتبة ناذر محمد الخليفة(ناذر محمد الخليفة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-02-2011, 03:44 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص ؟؟!!

    كثرت في الأونة الاخيرة أخبار القبض على فنانين أو موسيقيين سودانيين بواسطة الشرطة وهم في حالة سكر أو خلافه ومن ثم تقديمهم للمحاكمات بعد فضحهم إعلاميا !!

    بعيدا عن التدخل في خصوصيات هؤلاء يحق لنا أن نسأل اسئلة مشروعة :

    هل هنالك بعض الفنانين مستهدفين من قبل أي جهات رسمية أو غير رسمية ؟!

    هل المشكلة في القبض عليهم في حالة تلبس أم المشكلة سوء إختيار من الفنان لندمائه وشلة أنسه ؟!

    هل هنالك جهات معينة صار من اولى أولياتها مراقبة الفنانين وتتبعهم وترصدهم ومن ثم التبليغ عنهم ؟؟!!

    ألم يعد هنالك معنى لخصوصية الفنان أو الفرد ؟!!


    لنذكر أمثلة على بعض الوقائع ومن ثم نحاول تحليلها وتفسير بعض نقاط الغموض فيها ..!!
                   |Articles |News |مقالات |بيانات

07-02-2011, 04:02 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

    الحاصل شنو ياناذر؟؟؟
                   |Articles |News |مقالات |بيانات

07-02-2011, 04:22 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: Elmosley)

    سلام أستاذنا الموصلي ..

    والله الحاصل شي مريب ..

    الليلة في الصفحة الأولى في جريدة واحدة في خبرين مختلفين ووجه الشبه تعرضم لقصة فنانين شباب والقبض عليهم بواسطة الشرطة ..

    الخبر الاول بيتكلم عن فنان شاب داهمت الشرطة البيت الهو فيهو وضبطت سجاير بنقو وخمور وحبوب ..

    الخبر التاني في نفس الصفحة بيتكلم عن القبض على فنان شاب آخر (لم يكن من الصعب معرفة من هو بعد إدخال عدة أوصاف وتلميحات في الخبر ) .. تم ضبط الشاب وهو في حالة سكر مع أحد مرافقيه عند توقيفهم في نقطة إرتكاز للشرطة بمنطقة جبل أولياء وهو كان قادما من القطينة للخرطوم ..

    !!

    وطبعا لا ننسى جلد فنان شاب في مدينة الفاشر ..
    وضبط أخر مع لا عبي كرة قدم في الخرطوم ومحاكمتهما ..

    وضبط ذات الفنان وجلده بتهمة السكر !!

    هذا على مستوى الإعلام وهو بمثابة قمة جبل الجليد العائم ..

    وما لم يصل للإعلام الكثير والكثير جدا ..!!

    فما ذا يحدث ؟؟؟؟!!!
                   |Articles |News |مقالات |بيانات

07-02-2011, 04:26 PM

Elmosley
<aElmosley
تاريخ التسجيل: 14-03-2002
مجموع المشاركات: 34383

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

    شكرا ناذر
                   |Articles |News |مقالات |بيانات

07-02-2011, 06:09 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: Elmosley)

    طيب يا ناذر لو عايز تتكلم عن الظاهرة دي فحدد هل بتقصد من باب سلوكيات وعادات الشعب السوداني ولا من باب تناول اخبار الفنانين بي صورة عالمية ..؟
    أخبار الفنانين في العالم أسوأ بكتيير من ما يتناوله اعلامنا السوداني واقتحام خصوصيات الفنانين في العالم أسوأ بكتير وطبعاً الفرق إنو هنا بيتم عن طريق رجال الشرطة وبرة بيتم عن طريق صحفيين ..
    خصوصيات جعلت الفنانين ما يظهروا أولادهم للإعلام وتخفي وتنكر ..ضبط فنانين سكارى ظاهرة عالمية وضبط لاعبين برضو ظاهرة عالمية ..
    بالمناسبة انا ضد التشهير وخصوصاً لما يكون عن الحبيب الفنان الفناااان محمود عبد العزيز ( الباقين هينة :) )..
    عالمياً شوفت بريتني سبيرز ديك سكوها كيف؟ياخ لمن رقدوها مستشفى وقلعوا منها اولادها عديييل كده :)
    عربياً شوفت تامر حسني ده سكوهو كيف في قضية تزوير الخدمة الوطنية ؟
    كروياً شوفتهم سكو تيري نجم شيلسي كيف؟ لمن قلعوا منو شارة الكابتنية ووقفوهو من المنتخب عشان طلع بيحب صديقة لاعب معاهو في الفريق..
    عشان كده خلينا نحدد يا مان عايزين نتناقش اعلامياً ودفع تمن الشهرة ولا من ناحية سودانيين ؟
                   |Articles |News |مقالات |بيانات

07-02-2011, 06:46 PM

أسامة البلال
<aأسامة البلال
تاريخ التسجيل: 04-12-2009
مجموع المشاركات: 3061

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: عمر الفاروق)

    دي ضريبة الشهرة يا ناذر

    الشهرة سلاح ذو حدين
                   |Articles |News |مقالات |بيانات

07-02-2011, 07:21 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: أسامة البلال)

    سلام عمر الفاروق ..

    Quote: طيب يا ناذر لو عايز تتكلم عن الظاهرة دي فحدد هل بتقصد من باب سلوكيات وعادات الشعب السوداني ولا من باب تناول اخبار الفنانين بي صورة عالمية ..؟


    والله يا عمر .. أنا بقصد الإتنين ..

    الفنانين أو أي زول بيمارس مهنة عندها إرتباطا المباشر مع الجمهور (فنان - عازف - رسام - إلخ ..) دايما بتكون كل الأنظار متوجهة ليو ... الشعب السوداني من زمان بيحترم خصوصيات الفئات دي وما بيتدخل فيها بل بيتعايش معاها بي صدر رحب طالما هي بترجع للفنان وطريقة تعاطيه مع المجتمع ..

    أما تناول أخبار الفنانين بي صورة عالمية .. فأنا عندي راي إنو حتى الصحافة الفنية على مستوى العالم غرضها في الأساس هو التشهير والبحث عن فضائح الفنانين ومحاكمتم إعلاميا .. وزي ما إنت ذكرت حتى على مستوى الدول العربية وديل شعوبم وعاداتم وتقاليدم بتسمح بي تعاطي الأخبار الفضائحية من غير أي تعيب من المسألة دي ..

    أما في السودان فالموضوع دا مختلف تماما ..

    أول حاجة نحن لسع ما عندنا صحافة فنية بمعنى الكلمة .. في صحيقة (فنون) ودي الوحيدة في الساحة ودي أعتقد أول صحيفة فنية متخصصة .. لسع عمرها ما تم سنتين وحتى الكتاب والصحفيين الفيها ما متخصصين في النقد الفني وكل كتاباتم بتنبني على الإنطباعية أو على التذوق الشخصي .. لكن من الواضح انو الصحيفة ومن أول عدد ليها اتخذت طريق مجاراة الصحافة الفنية العالمية وخاصة في نهج الفضائح .. رغم إنها ما بتلجأ لي ذكر الأسماء بالإسم لكن التلميح وحده يكفي ..

    باقي الكتابات الفنية عبارة عن ملفات أو صفحات في جرائد غير ذات علاقة بالفن بصورة مباشرة ..

    الشعب السوداني يا عمر ما بيقبل بي كدا .. الشعب السوداني وطبيعتو ومعتقداتو وعاداتو دايما رافع شعار السترة لمن تواجهو أي إشكالية زي دي .. من زماان بنسمع بي فنانين سودانيين كبار بيعملوا السبعة وذمتا وبتتداول حكاوي في ألسنة بعض الشهود أو المعاصرين .. لكن ما حصل كلو كلو لقينا قصصم في الجرائد تصريحا أو تلميحا ..!!!

    عشان كدة البيحصل دا أنا بعتقد إنو غير مقبول إطلاقا ..!!

    Quote: عشان كده خلينا نحدد يا مان عايزين نتناقش اعلامياً ودفع تمن الشهرة ولا من ناحية سودانيين ؟


    اهو أنا جاوبت ليك فوق يا عمر .. وإن كان لا بد من دفع ثمن الشهرة فليتم دفعها تحت الطربيزة وفي الخفا زي ما إتعودنا عليهو زمان لمن نسمع قصص الفنانين والموسيقيين كروايات بدون نشر غسيل ..

    ولا شنو ؟!!
                   |Articles |News |مقالات |بيانات

07-02-2011, 07:24 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: أسامة البلال)

    أسامة البلال ..

    Quote: دي ضريبة الشهرة يا ناذر

    الشهرة سلاح ذو حدين


    إن كان ضريبة الشهرة فضح حال الفنان وشيل حاله إعلاميا وعلى الملاء فلتذهب الشهرة غير مأسوفا عليها ..!!

    وإن كان أحد حدي الشهرة هو التدخل في خصوصيات الفنان وتتبع عوراته فمن الأفضل ترك الفن للأبد إن كان ذلك هو الثمن ..!!
                   |Articles |News |مقالات |بيانات

08-02-2011, 10:09 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

                   |Articles |News |مقالات |بيانات

08-02-2011, 10:30 AM

Alshafea Ibrahim

تاريخ التسجيل: 12-12-2004
مجموع المشاركات: 6958

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

    تحياتي ياناذر
    هناك فوضى لا توصف في الأجهزة الشرطية والأمنية على تعددها ومسمياتها واختصاصاتها ، وكل جهة تحاول البحث عن موطء قدم وإثبات أنها الأجدر والأقدر على حماية ما يسمى بالمشروع الحضاري ، ويكون البحث عن هدف أو فريسة بأي أسلوب شيء مشروع ، ويا حبذا لو كان الهدف مشهور فنان لاعب كوره ممن يملاء الساحة ضجيجا وزخما، وأنا أكاد أجزم أن شغل (الكمين) و(الترصد) و (التحرش) بناس الفن والكورة هو السبب الرئيس وراء تنامي هذه الظاهرة ... يعني كل فنان مراقب ولو حضر لمنزل عزاء ، مراقب في بيته ، سيارته ، مشاويره الخاصة والعامة ، ألخ
    لكن ترمة :
    ليه الفنانين ديل ما يقوموا يسوا أكبر تظاهرة فنية لدعم الرئيس وحكومته ومشروعه الحضاري ويعلنوا فيها (البيعة) ويطالبوا فيها الرئيس وحكومته برفع الأذى والكف عن المطاردات والاعتقالات = على غرار ما تم في الكباشي أخيرا ،
    تحياتي
    الشفيع ابراهيم
                   |Articles |News |مقالات |بيانات

08-02-2011, 12:10 PM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: Alshafea Ibrahim)

    .


    يا ناذر
    التحايات ليكم

    الفنانين براهم
    يا مان الشعب كلو عايش بلا كرامة،
    وأنت ترى ذلك في وجوه الناس،
    إلا من رحم رب العزة


    .
                   |Articles |News |مقالات |بيانات

08-02-2011, 12:51 PM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: سيف اليزل الماحي)

    مع الأسف يا أستاذ ناذر الفنانين في السودان أشانو لسمعة الفن وإستغلوا شهرتهم إستغلال سئ للغاية وهم السبب ،، ياخي ديل ما سمعو بــ إذا بليتم فإستتروا ولا شنو ،، نعم هي خصوصيات وتصرفات فردية ولكن هل يجوز أن تجاهر بها على الملأ وفي كل مكان وزمان ؟؟؟؟ وبعدين يا أستاذ ناذر أين هؤلاء الفنانين من خارطة الغناء العربي والإفريقي والعالمي ،، بس الواحد تلقاهو صورو مالية الشوارع ونادي التنس ونادي الضباط ونادي .... الخ لكن تطلع بره السودان ده زول يعرفو ليك مافي ,,
    الفن رسالة يا أستاذ ناذر وأنت خير العارفين بذلك وليس سكر ولا تناول حشيش ولا شلليات فاسدة ولا ولا ولا والباقي إنت عارفوا مافي داعي أذكرو ليك ، ياخ زمان الفنانين كانوا بيطلقوا عليهم الصعاليق ولكن عندما جاء جيل ناس الأستاد أحمد المصطفى والكاشف تغيرت نظرة المجتمع لهم ونالو إحترام وتقدير ليس له مثيل لكن يا خوي فنانينك بتاعين الزمن ده حا يرجعونا تاني لي زمن مضى وأكل الدهر عليه وشرب ,, لذا تغيرت نظرة المجتمع للفنان وإقترنت سمعة الفنانين في هذا الزمان بكل شي سيئ وأرجو أن نكون صريحين ونتحدث بشفافية أكتر ولا عندك رأي في كلامي ده يا أستاذ ناذر ؟؟؟؟
    وعلى العموم كل المشاهير معرضين للترصد والتلصص من الآخرين وكل خطواتهم محسوبة ومراقبة لذلك يجب إنو الواحد يعرف الحقيقة دي ويضعها في إعتباره ، أما إذا قلنا إنو في عداء بين الفنانين وبين الشرطة فهم السبب وذي ما بيقولو ( أمشي عدل يحتار عدوك فيك ) فيجب على الفنانين أن يراعو كل صغيرة وكبيرة في حياتهم اليومية أو يعتزلوا الفن علشان في فنانين محترمين لا يستاهلوا أن ينظر لهم المجتمع بنظرة لا تليق بالفن وبأهل الفن ولا رأيك شنو يا أستاذ ..
    وللأسف المجتمع السوداني مجتمع غريب فهو نفس المجتمع الذي يصفق للفنان على المسرح هو نفس المجتمع الذي يشمت فيه ويفضحة في حال وقوعه في خطأ ما .
    وأعتذر إذا أجحفت في حق فنان أو لاعب أو أي شخص مشهور وهذا من باب المصلحة العامة ليس إلا وهي وجهة نظري الخاصة وقد تكون خطأ وقد تكون فيها شي من الصواب ..


    وتقبل سلامي وإحترامي ...


    ياسر العيلفون
                   |Articles |News |مقالات |بيانات

08-02-2011, 03:20 PM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22019

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ياسر السر)

    عزيزي ناذر

    سلام


    لقد ظللنا في هذا المنبر منذ فترة نشهد توالي هذا التشهير بالمبدعين .. انها فعلا ظاهرة غريبة

    يا ترى ما الذي يحدث بالضبط؟
    من وراء كل هذه الفتن؟
    ولماذا؟
    ومن أجل ماذا؟

    بالله كفاية لهذه المسخرة..
    أتركوا الناس في حالها..

    يعني هذه بقت هي القضية في بلد كسرتموها... ########تو اعز ما فيها..
    الى متى هذا الجهل يستمر في بلادنا؟؟


    لك الله يا وطن..


    تحياتي
                   |Articles |News |مقالات |بيانات

08-02-2011, 03:51 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ياسر السر)

    الشفيع سلام ..

    Quote: هناك فوضى لا توصف في الأجهزة الشرطية والأمنية على تعددها ومسمياتها واختصاصاتها ، وكل جهة تحاول البحث عن موطء قدم وإثبات أنها الأجدر والأقدر على حماية ما يسمى بالمشروع الحضاري ، ويكون البحث عن هدف أو فريسة بأي أسلوب شيء مشروع ، ويا حبذا لو كان الهدف مشهور فنان لاعب كوره ممن يملاء الساحة ضجيجا وزخما، وأنا أكاد أجزم أن شغل (الكمين) و(الترصد) و (التحرش) بناس الفن والكورة هو السبب الرئيس وراء تنامي هذه الظاهرة ... يعني كل فنان مراقب ولو حضر لمنزل عزاء ، مراقب في بيته ، سيارته ، مشاويره الخاصة والعامة ، ألخ


    عقب أحداث الإثنين الاسود حدث ضغط هائل على مسئولي الشرطة من قبل جهات نافذة في الدولة ووزراء ومسئولين في الحكومة .. جل هذه الضغوط تتلخص في اتهام الشرطة بعدم القيام بواجبها في حماية المواطنين وأن عليهم بذل المزيد من الجهد في إداء واجباتم .. والضغط الحصل دا طوالي القوات ترجمتو في تعاملا في الشارع .. كان من الملاحظ إنو أي سيارة شرطة في الشارع الأفراد الراكبين فيها كانوا بيكوركو ويصدروا أصوات مزعجة بي سبب أو من غير سبب ..

    نظام نحن هنا !!

    الشرطة في الأيام ديك بقت عدوانية جدا وبتستعمل القسوة والغلظة في أي إشكالية صغيرة أو كبيرة ودا كلو عشان الضغوط الوقعت فيها ..!!

    Quote: ليه الفنانين ديل ما يقوموا يسوا أكبر تظاهرة فنية لدعم الرئيس وحكومته ومشروعه الحضاري ويعلنوا فيها (البيعة) ويطالبوا فيها الرئيس وحكومته برفع الأذى والكف عن المطاردات والاعتقالات = على غرار ما تم في الكباشي أخيرا ،


    كتاااار عملوا زي القلتو دا وفي كم مناسبة ..
    وفي فنانين كتار حاليا ما بيخفوا إنتماءم للمؤتمر الوطني ..
                   |Articles |News |مقالات |بيانات

08-02-2011, 03:55 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ياسر السر)

    سلام سيف اليزل ..

    Quote: يا ناذر
    التحايات ليكم

    الفنانين براهم
    يا مان الشعب كلو عايش بلا كرامة،
    وأنت ترى ذلك في وجوه الناس،
    إلا من رحم رب العزة



    الفنانين هم روح ونبض الشعب ..

    التربص بالفنانين أدهى وأمر من التربص بالشعب ..

    محاولة كتم أنفاس الفنانين هو محاولة كتم أنفاس الشعب ..
                   |Articles |News |مقالات |بيانات

08-02-2011, 04:09 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

    الفنان ياسر العيلفون ..

    كيفك وأخبارك ؟

    Quote: مع الأسف يا أستاذ ناذر الفنانين في السودان أشانو لسمعة الفن وإستغلوا شهرتهم إستغلال سئ للغاية وهم السبب ،، ياخي ديل ما سمعو بــ إذا بليتم فإستتروا ولا شنو ،،


    من يتربصون بالفنانين والموسيقيين هم الذين لم يسمعوا بـ إذا بليتم فاستتروا ..!!

    غالبية الحالات اليت يتم فيها جر الفنانين للمحاكم والتشهير هي حالات حدث فيها تربص من قبل البعض لجر الشرطة لإقتحام الفنانين المبتلوين المستترين ..

    Quote: وبعدين يا أستاذ ناذر أين هؤلاء الفنانين من خارطة الغناء العربي والإفريقي والعالمي ،، بس الواحد تلقاهو صورو مالية الشوارع ونادي التنس ونادي الضباط ونادي .... الخ لكن تطلع بره السودان ده زول يعرفو ليك مافي ,,


    المسألة دي يا سر في إعتقادي ما مسألة نشاط الفنان أو عدم مقدرتو ..!!
    دي إشكالية بتاعت اعلام وبتاعت أدوات ووسائل صورية وسمعية ضخمة تمتلكها يا إما دول أو حكومات وهذه الحكومات لدينا في السودان ليس من أولوياتها دعم مثل هذه المشاريع الضخمة من أجل إيصال فنان للعالمية أو على المستوى الإقليمي .. أنها تعتقد أن هنالك أولويات قصوى ..!!


    وبالرغم من ذلك هنالك فنانين كثر نجحوا في صنع بعض الإختراق العالمي بمجهودات فردية بحتة لا داعي لذكر أسماءهم حتى لا ننسى البعض ..!!

    Quote: ياخ زمان الفنانين كانوا بيطلقوا عليهم الصعاليق ولكن عندما جاء جيل ناس الأستاد أحمد المصطفى والكاشف تغيرت نظرة المجتمع لهم ونالو إحترام وتقدير ليس له مثيل


    وهل تعتقد أن بعض من فناني جيل العمالقة ذلك أو بعض من عازفيهم وشعرائهم لم يقعوا في المحظور ؟!!

    ولكن كما قلت ليست الإشكالية في أن يتعاطى الفنان خمرا أو أي شي أخر فالفنان هو في الأخر إنسان مثله ومثل أي شخص يمارس مهنة أخرى .. الإشكالية في كيفية التعامل والتعاطي مع ذلك الفنان وكيفية التعاطي هي التي إختلفت بين جيل الفنانين الحالي وجيل العمالقة ذاك ..!!

    Quote: وعلى العموم كل المشاهير معرضين للترصد والتلصص من الآخرين وكل خطواتهم محسوبة ومراقبة لذلك يجب إنو الواحد يعرف الحقيقة دي ويضعها في إعتباره ، أما إذا قلنا إنو في عداء بين الفنانين وبين الشرطة فهم السبب وذي ما بيقولو ( أمشي عدل يحتار عدوك فيك ) فيجب على الفنانين أن يراعو كل صغيرة وكبيرة في حياتهم اليومية أو يعتزلوا الفن علشان في فنانين محترمين لا يستاهلوا أن ينظر لهم المجتمع بنظرة لا تليق بالفن وبأهل الفن ولا رأيك شنو يا أستاذ ..


    معاك يا ياسر .. معاك ..!

    Quote: وللأسف المجتمع السوداني مجتمع غريب فهو نفس المجتمع الذي يصفق للفنان على المسرح هو نفس المجتمع الذي يشمت فيه ويفضحة في حال وقوعه في خطأ ما .


    فعلا دا تناقض غريب .. لكن أكيد شهرة الفنان كشخصية عامة برضو بتلعب دور في التناقض دا ..!

    مشكور ياسر ..
                   |Articles |News |مقالات |بيانات

08-02-2011, 04:11 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ظاهرة غريبة : القبض على فنانين سودانيين والتشهير بهم إعلامياً ومحاكمتهم ؟؟! هل هنالك تربص (Re: ناذر محمد الخليفة)

    سلام عزيز عيسى ..

    Quote: يا ترى ما الذي يحدث بالضبط؟
    من وراء كل هذه الفتن؟
    ولماذا؟
    ومن أجل ماذا؟



    أنا مثلك أتمنى أن أجد إجابات ..!!
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de