حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري !!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-12-2018, 05:36 AM الصفحة الرئيسية

مكتبة ناذر محمد الخليفة(ناذر محمد الخليفة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-01-2011, 12:33 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري !!

    اللهم أجعله خير !!

    يا جماعة يعني ما ننوم تاني ولا شنو ؟؟!!!
                   |Articles |News |مقالات |بيانات

17-01-2011, 12:39 PM

baha eassa
<abaha eassa
تاريخ التسجيل: 21-07-2007
مجموع المشاركات: 6578

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    يا ناذر الظاهر بقيت تنوم كتير ؟؟؟
                   |Articles |News |مقالات |بيانات

17-01-2011, 12:42 PM

Fadl Karrar
<aFadl Karrar
تاريخ التسجيل: 04-12-2004
مجموع المشاركات: 1899

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: baha eassa)

    إتعشي خفيف
    وخلي وشك كاشف وإنت نائم
                   |Articles |News |مقالات |بيانات

17-01-2011, 12:54 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: Fadl Karrar)

    وشالوا دي كيف؟


    وفي كتفية ديك كم شبعن صقار...سيفك...للفقر قلاّم...
                   |Articles |News |مقالات |بيانات

17-01-2011, 12:47 PM

حسبو عكاشة
<aحسبو عكاشة
تاريخ التسجيل: 25-04-2010
مجموع المشاركات: 1305

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: baha eassa)

    ناذر يا سُكر
    احكي لينا بالتفصيل عليك الله و متعنا زي متعة( حسني مبارك لمن قال ليك انت ما شايف شغلك)
                   |Articles |News |مقالات |بيانات

17-01-2011, 12:55 PM

نصار
<aنصار
تاريخ التسجيل: 17-09-2002
مجموع المشاركات: 11660

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: حسبو عكاشة)

    ياخي دا حلم معقد جدا و عنده طابع دولي
    الا تشوف مفسر احلام دولي

    صعبتها شديد يا ناذر
    تاني خلي نومك خفيف
                   |Articles |News |مقالات |بيانات

17-01-2011, 01:02 PM

manal eltahir

تاريخ التسجيل: 04-11-2009
مجموع المشاركات: 479

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: نصار)

    احلامك كلها مصريين....الظاهر عليك انت اللي ح تخلص الشعب المصري من جدو مبارك.......والله اعلم.
                   |Articles |News |مقالات |بيانات

17-01-2011, 01:08 PM

محمد إبراهيم علي
<aمحمد إبراهيم علي
تاريخ التسجيل: 10-08-2009
مجموع المشاركات: 10020

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: نصار)

    طرحت الحلم الجديد مع الحلم السابق لمفسر احلامي الامام الهلاويسي قدس الله سره و الذي ما خاب تفسير له قال لك ما يلي
    بادي محمد الطيب دلالة على موت احدهم ووجود الكورس المصري يقود الى ان المتوفي حسني مبارك بالذات دا هايبر لنك من الحلم الاول
    موضوع الغني والطبلة دي دلالة على انك حتتزوج سوزان مبارك بعد تتم العدة (شايل طبلة )

    بالله ما تنسانا من البياض بعد ما تعرس ام جمال دي داير شقة في القاهرة جنب شقة هند صبري الطلعت تونسية شقيقة
                   |Articles |News |مقالات |بيانات

17-01-2011, 12:59 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: حسبو عكاشة)

    حلمك دا معناه:

    مشروع دريم لاند تاني...جنب الحصاحيصا...

    بس المرة دي بالثري دي بانيل...

    يا كمان المصريين سمعوا بالدهب وماشين عليكم بي كواريقم
                   |Articles |News |مقالات |بيانات

17-01-2011, 01:12 PM

محمد عبدالرحمن محمد
<aمحمد عبدالرحمن محمد
تاريخ التسجيل: 12-10-2010
مجموع المشاركات: 1556

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: nazar hussien)

    ناذر الظريف كيفنك؛
    ياخي انبقيت جاد ودايرلك تفسير بالصح بالصح،
    بديك تلفوني..!!
    عندي جارتن لي أصولا أسبانيه عمرا زي كم وسبعين سنه كدي،
    مبرمجابي في [الويكندات] (معتبراني من أحفاد الناس الكانوا في
    بلدن زمااان ديك!).. المهم سؤاله الأولاني حلمت بي شنو؟
    وهاك يا تفاسير.. واحد فيهن جله مافي!!!(التقول حفيدتن لابن سيرين)!!
    كدي جرب وانبقى نفع ترا لقينالنا وكيل بالسودان الشقيق!!

    ____________
    (كوميشنك محفوظ)!!!
                   |Articles |News |مقالات |بيانات

17-01-2011, 06:40 PM

manal eltahir

تاريخ التسجيل: 04-11-2009
مجموع المشاركات: 479

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: محمد عبدالرحمن محمد)

    انت يا محمد عبد الرحمن شنو حكاية جاراتك ديل ؟ يوم يهوديه وامها يمنيه ويوم اسبان يه وامها خاساويه...والله خوفي يوم تطلع ليك جاره من الحور العين ولاجئه في أريزونا.الناس ديل ما يكونوا من (بنات )أفكارك يا المطرطش.
                   |Articles |News |مقالات |بيانات

18-01-2011, 03:39 PM

Ahmed El Gasim
<aAhmed El Gasim
تاريخ التسجيل: 25-10-2005
مجموع المشاركات: 673

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: manal eltahir)

    ابشر بطول سلامة ..يا ناذرا..
                   |Articles |News |مقالات |بيانات

17-01-2011, 01:12 PM

كمال حسن
<aكمال حسن
تاريخ التسجيل: 22-08-2004
مجموع المشاركات: 1352

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: حسبو عكاشة)

    غايتو دي تفسيرها يا ناذر إنو ستتم وحدة السودان ومصر وسيبدأ ذلك على المستوى الشعبي ( عشان بادي محمد الطيب فنان شعبي و الطبله شعبيه والكورس كذلك)
    لكن ستواجه البدايات عقبات وعقد يجب حلها (لأن الفنان بادي شعره به عقد)
    أما موقفك من هذه الوحده يا ابو النيذ ((ستطبل)) لها (لشيء في نفس يعقوب) وليس واضحا في الحلم إذا كنت ستطبل عن رضاً أو مجبراً
    أما هذه الوحدة من الجانب المصري فهي لا تجد حماسا من المسؤولين المهمين بل فقط من ثلة من مسئولي الصف الثاتي في الحزب الحاكم (الكورس)

    عموما منتظرين تمامة الحلم ده دايرين نعرف هل المناسبه دي كانت عرس والله في التلفزيون والله مشيتو تعملو كاسيت في مصر ساكت


    * ده تفسير (دعائي) للناس لوعجبهم بعد داك حايكون تفسير الحلم الواحد بي 20 جنيه (نتمنى الباشمهندس ما يخش بي جاي)
                   |Articles |News |مقالات |بيانات

17-01-2011, 01:20 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    أبو النيز،
    سلامات ،
    والله ما فاضل ليك إلا ( أحلام) مستغانمي.
    راجعت ابن سيرين ووجدت فيه أن عازف الطبل هو ( سيد الشي زاتا).
    أوصيك بالمحريب فهو مجرّب.
                   |Articles |News |مقالات |بيانات

17-01-2011, 01:14 PM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: حسبو عكاشة)

    نيذو
    أشرب لبن
    إتمضمض
    أعمل ريد بول
    قبل سريرك علي القبلة
    أرقد علي يدك اليمين
    إقرأ آية الكرسي
    وإتغطى بفردة ميد إن شندي
    بالعدم ملاية خفيفة
    ----
    لوما جاك عمر بن الخطاب في المنام، بجيك عمر البشير، كان ما جاك عمر البشير بجيك عمر الجزلي.
    لو جاك عمر ود الباوقة، أكيد إنت نايِّم في حوش بكري; أعمل سايِّن آوُت وأبدأ الخطوات من جديد.
                   |Articles |News |مقالات |بيانات

17-01-2011, 01:18 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    طبعا من المرة الفاتت بطلت نومة المغارب ..!!

    أمبارح رجعت البيت بالليل زي الساعة إتناشر .. جيت من برة متعشي ورقدت نمت من غير ما أحضر أي حاجة في التلفزيون ..!

    مسرح الحلم المرة دي شارع زلط في حتى كدة في الخرطوم .. الفنان المرحوم بادي محمد الطيب ظهر بيغني بي كل هيبة وجلال أغنية في الفؤاد ترعاه العناية .. وأنا شغال معاهو بالطبلة وعلى يميني قاعد بعام بتاع حفلات معروف في الخرطوم ساكت ساااااي بيكشف للحاصل بس !!وجمبي طوالي في كورس بتاع شيالين مصريين كلهم بعرفم .. الكورس بقيادة الممثل المصري محمد سعد (اللنبي) وباقي الكورس مصريين (نقاشين وسباكين) كانو شغالين معاي في الشركة ..!

    الملاحظة الأولى الحتة البنغني فيها دي ما فيها جمهور .. والمصريين الشيالين حافظين الأغنية دي تماما .. بادي غنى : (نحن للقومية النبيلة ما بندور عصبية القبيلة ، علمونا جدودنا وقبيلا قالوا نفدي الوطن العزيييييييز) !! قمت أنا إنتشيت وصرخت (أُو) ودي هي الصرخة البيصرخا بادي لمن ينتشي في الغنا وتجيهو حالة الجذب ديك ..!

    بادي حمر لي شديييد وجا جمبي قال لي (أو) دي ما بتقولا إنت .. بقولا أنا .. والمصريين مسخنييين مجتهدين في الكورس ..!! بادي دخل في بيت تاني وصوت الساوند عالي جدا (مرفعين ضبلان وهازل شق بطن الأسد المنازل النبقى حزمة كفانا المهازل نبقى درقة وطني العزيز) .. قمت أنا جاتني الحالى سبعطاشر وما مسكت روحي قمت صرخت بي طريقة بادي المعروفة (أوووك) !! بادي تاني حمر لي وجا علي .. قال لي دي أخر مرة أسمعك تكورك .. المرة الجاية بكسر ليك طبلتك دي في راسك !! قلت ليهو طيب إنت قول (أُو) دي عشان أنا ما أقولا !! قال لي أنا بعرف أقولا وين ومتين إنت بس خليك مع الطبلة ...!!

    وأخوكم في الحلم مجضم الطبلة دي جضيم السنين .. بادي واصل في غناهو والمصريين بيشيلوا معاهو ويرقصو .. بعد شوية كدة أنا إندمجت مع الطبلة وحركة المصريين في الرقص وغيرت إيقاع الغنية لي عشرة بلدي .. المصريين إنبسطو للطيش وطوالي عملوا دايرة وقام اللنبي طلع في تربيزة وقعد يرقص زي رقيصو الشفناهو في الفلم بتاعو داك !! وأنا بالرغم من تغيير الإيقاع شغال (أو) (عووووووك) ومتكيف جدا انو المصريين ما منعوني ..

    بعد شوية عمنا بادي جا علي زعلان جدا وقف التعليمة الحاصلة دي ! وقال لي ما تشتغل معاي بالطبلة دي لأنك خربت الإيقاع إشتغل لي بالبنقز بس ... أنا أبيت دقيت جرس والمصريين برضو دقوا جرس معاي . قالوا كمان هم ما بيشيلوا مع بادي إلا بالطبلة .. بادي زعل جدا إختفى من قدامي كدة وظهر تاني شايل البنقز أم تلاتة عيون داك وشال مني الطبلة ورفعم مع بعض .. قال لي إختار يا الطبلة يا البنقز ؟ المصريين بقيادة اللنبي شابكني ليك : إختار الطبلة يا عم ؟ أهو نحن مبسوطين معاك ومش ما نعينك تقول (أُو) زي ما حضرتو بيمنعك !! عمنا بادي هرشني وقال لي إختار سريع .. وأنا قلت أحسن ما أخسر عمنا بادي (إحتمال اشتغل معاهو بي عدادات تقيلة في باقي الأحلام الجاية) قمت طوالي شلت البنقز ..

    المصريين زعلو جدا .. واللنبي إتوتر وعمنا بادي فرح شديد وقال هو ماشي وأنا لا زم أجهز حالي للحفلة الجاية .. عمنا كانت عربيتو قدامو بوكسي أب زيك موديل 78 ولا كم ما عارف .. دور البوكسي وشتت خلاني مدور شمطة مع المصريين وأنا بحاول أبرر ليهم ليه أنا اخترت البونقذ ما الطبلة وهم جايطين ....

    صحبي اللنبي زعلان جدا وقال هم راجعين مصر وتاني ما دايرين كلام معاي تاني وهم حا يرجعوا السودان إلا لمن يعرفوا أني رجعت للطبلة تاني وخليت البنقذ !!

    حكمة ربنا فجأة كدة يجي بص فخم جدا في نص الزلط يقيف مكتوب فيهو الخرطوم - القاهرة !! المصريين تلبوا جو البص وأناوالبعام البيباري الحفلات داك تلبنا وراهم بحاول أقنع فيهم وهم راسم ناشف !! بعد شوية جا كمساري البص .. الكمساري واحد جارنا في الحلة عندو ركشة سايقا ما عارف ركشتو وداها وين والجابو البص شنو !! ..

    في حاجة مهمة .. البص كبير وواسع ومقاعدو فاضية ما فيها زول .. ورغم كدة أنحنا كلنا كنا واقفين شماعة !! الكمساري سألني قال لي إنت ماشي القاهرة . قلت ليهو لا لا .. نزلني في أبو حمامة أنا وصحبي دا !! صحبي دا عاين لي قال لي ويييييييييييين أنزل معاك ؟!أنا اشي القاهرة مع المصريين ديل .. قلت ليهو إنت جنيت ولا شنو ؟ البيوديك القاهرة شنو ؟ قام اللنبي عاين لي بي زعل وقال لي أنا بوديهو معايا إنت أطلع منها خالص ..!!

    البص وقفني ليك في محطة أبو حمامة ..! نزلت شعرت بالجوع .. أبو حمامة فيها محل بتاع طعمية رهيب خلاص (دي بالجد ما في الحلم) .. مشيت لي بتاع الطعمية قولت ليهو أديني سندوتشي !! بتاع الطعمية قال لي إنت من زمن الطعمية ؟ أنا بدري خليتا وهسي عندي حاجة تانية تجربا ؟! طبعا كنت جعان قلت ليهو أديني منها ..!!

    صحبي دا قبل كدة وجاب لي كُشري ..! قلت ليهو دا شنو دا ؟ قال لي دا ألذ كشري حا تاكلو في حياتك كدي جربو .. شلت المعلقة أول لقمة أبت تنبلع وقفت لي في حلقي ..!! قلت ليهو أديني موية أنا خنقت .. قال لي لا لا موية ما في اكل كدة بس (يعني بلع ناشف) ! اللقمة التانية كانت حارة عدييل شعرت بيها وهي نازلة إنها جرحت لي حلقي ..! قعدت اكورك : عليك الله أديني جغمة موية .. وبتاع الطعمـ .... قصدي بتاع الكشري قال لي موية مااااااا في .. أكل كدة بس ..! قلت ليهو خلاص ما داير أكل .. قال لي ما علي كيفك .. جا جمبي شال المعلقة وبقى يأكل فيني بالرجالة وأنا شاعر الكشري دا ما داير ينزل من زوري !!وهو يأكل فيني لحدي ما الصحن فضى وأنا شعرت حلقي إتجرح وبقى ناااشف ..

    بعد شوية شعرت إني خنقت وطوالي قمت من النوم مخلوع !!

    إتلفت كدة لقيت ما في لا كشري لا بطيخ !! حمدت الله وقمت من السرير عشان أشرب موية .. لمن بديت اشرب موية شعرت بي جفاف في الحلق الموية زي الما دايرا تنبلع رغم إني صحيت من النوم ومن الحلم ..!!

    ووالله العظيم لي هسي شاعر بي حلقي ما طبيعي وما ببلع أكل و شراب بي سهولة !!


    أفتونا يا جماعة ؟! الحاصل شنو ؟!!
                   |Articles |News |مقالات |بيانات

17-01-2011, 01:46 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    لا حوللاااااااااااااه !!! ديل كلهم متداخلين !!!!

    خلعتوني عدييل كدة لمن عملت رفرش للبوست !

    دا حالتو قبل ما أحكي الحلم زاتو !!!

    كدي أقرو الحلم وخلوني أمشي أبلع لي كباسيل لي حلقي المورم دا !!
                   |Articles |News |مقالات |بيانات

17-01-2011, 02:05 PM

كمال حسن
<aكمال حسن
تاريخ التسجيل: 22-08-2004
مجموع المشاركات: 1352

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    شفت يا ناذر تمامة الحلم كلها يتأكد ما ذهبنا إليه في موضوع وحدة السودان ومصر، شوف معاي النقاط التاليه:-
    1- المقطع الإنت إنتشيت فيهو و (طبلت) ليهو البيقول ((نحن للقومية النبيلة ما بندور عصبية القبيلة)) دي دعوه صريحه للوحده و نبذ التخندق داخل الوطن الصغير سودان كان أو مصر
    2- البص الفخم المكتوب فيه الخرطوم القاهره تأكيد للتواصل الحا يتم بدون فيزا وغيرو

    بس كما قلنا سابقا أن هذه الوحده ستمر بعقبات على المستوى التنفيذي (دللنا على ذلك بالشعر المعقد للفنان بادي) ويؤكد ذلك أن البص برغم أنه فخم وواسع وفاضي إنتو كنتو واقفين فيهو شماعه ده دليل علي إستمرارية الحال في المطارات بين البلدين على حالتي الشد والجذب في قضية حلايب

    أما الكشري الذي حل محل الطعميه فهو إشارة على محاولة فرض المصريين ثقافتهم علينا وحتى ولو بالقوة (بلع ناشف من غير مويه)

    نسيت أن أقول أن البعام صاحبك داك الرفض ينزل معاك في ابو حمامه يشير لإنجراف كثير من بعامي السودان نحو الثقافة المصرية وسيبيعوا السودان متى ما سنحت لهم الفرصه

    (لسه ما حاناخد منك قروش عشان إنت زميل دراسه من أرض غاندي)
                   |Articles |News |مقالات |بيانات

17-01-2011, 03:14 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    بهاء عيسى

    Quote: يا ناذر الظاهر بقيت تنوم كتير ؟؟؟


    يا بهاء البلد نايمة قلنا نجاملا شوية !!
                   |Articles |News |مقالات |بيانات

17-01-2011, 03:15 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    كمال كرار ..

    Quote:
    إتعشي خفيف
    وخلي وشك كاشف وإنت نائم


    إتعشيت خفيف ...

    بس وشي ما بقدر أكشفو في الصقط دا ...
                   |Articles |News |مقالات |بيانات

18-01-2011, 08:24 AM

Fadl Karrar
<aFadl Karrar
تاريخ التسجيل: 04-12-2004
مجموع المشاركات: 1899

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    Quote: كمال كرار ..



    Quote: إتعشي خفيف
    وخلي وشك كاشف وإنت نائم



    إتعشيت خفيف ...

    بس وشي ما بقدر أكشفو في الصقط دا ...


    تحلم بالليل وتهضرب بالنهار
    حلاتك بقت صعبة خلاس
                   |Articles |News |مقالات |بيانات

17-01-2011, 03:17 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    نزار ..

    Quote: وفي كتفية ديك كم شبعن صقار...سيفك...للفقر قلاّم...


    الغنية طلعت في الفؤاد ترعاه العناية ...

    ديك خليها لي حلمة تانية ..
                   |Articles |News |مقالات |بيانات

17-01-2011, 03:17 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    حسبو ..

    Quote: ناذر يا سُكر
    احكي لينا بالتفصيل عليك الله و متعنا زي متعة( حسني مبارك لمن قال ليك انت ما شايف شغلك)


    الحمد لله المرة دي عرفت شغلي ..

    ضابط طبلة !!
                   |Articles |News |مقالات |بيانات

17-01-2011, 03:19 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    نصار ..

    Quote: صعبتها شديد يا ناذر
    تاني خلي نومك خفيف


    عشا خفيف
    لبس خفيف
    نوم خفيف ..

    إنتوا ناوين علي شنو ؟!!!
                   |Articles |News |مقالات |بيانات

17-01-2011, 03:23 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    منال ..

    Quote: احلامك كلها مصريين....الظاهر عليك انت اللي ح تخلص الشعب المصري من جدو مبارك.......والله اعلم.


    ما ظنيت ..

    لأنو في الحلم الفات كان مشغلني معاو ..!!
    وانا لي هسي ما عارفو كان مشغلني معاو شنو ؟!!
                   |Articles |News |مقالات |بيانات

17-01-2011, 03:25 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    محمد إبراهيم ..

    Quote: بادي محمد الطيب دلالة على موت احدهم ووجود الكورس المصري يقود الى ان المتوفي حسني مبارك بالذات دا هايبر لنك من الحلم الاول


    والله أنا شاكي إنو الحلم دا هو الجزء التالت من الحلم داك ..!!

    بس عليك الله ما تكتل لينا طويل العمر دا .. شوف ليك تفسير تاني ..
                   |Articles |News |مقالات |بيانات

17-01-2011, 03:26 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    نزار حسين ...

    Quote: حلمك دا معناه:

    مشروع دريم لاند تاني...جنب الحصاحيصا...

    بس المرة دي بالثري دي بانيل...

    يا كمان المصريين سمعوا بالدهب وماشين عليكم بي كواريقم


    ههههههههههههههههههه

    طيب الجاب عمنا المرحوم بادي شنو ؟!

    وشنو حكاية البص البين القاهرة والخرطوم ..
                   |Articles |News |مقالات |بيانات

17-01-2011, 03:27 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    محمد عبد الرحمن ..

    Quote: عندي جارتن لي أصولا أسبانيه عمرا زي كم وسبعين سنه كدي،
    مبرمجابي في [الويكندات] (معتبراني من أحفاد الناس الكانوا في
    بلدن زمااان ديك!).. المهم سؤاله الأولاني حلمت بي شنو؟
    وهاك يا تفاسير.. واحد فيهن جله مافي!!!(التقول حفيدتن لابن سيرين)!!
    كدي جرب وانبقى نفع ترا لقينالنا وكيل بالسودان الشقيق!!



    ههههههههههه

    مالك داير تجيب لينا كوابيس أسبانية ...
                   |Articles |News |مقالات |بيانات

17-01-2011, 03:31 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    كمال حسن ..

    Quote: غايتو دي تفسيرها يا ناذر إنو ستتم وحدة السودان ومصر وسيبدأ ذلك على المستوى الشعبي ( عشان بادي محمد الطيب فنان شعبي و الطبله شعبيه والكورس كذلك)
    لكن ستواجه البدايات عقبات وعقد يجب حلها (لأن الفنان بادي شعره به عقد)


    وحدة بين البنقز والطبلة دي ما ظنيتا هههههه عمنا بادي دا ما موافق على الحتة دي ..!

    وبالمناسبة عقد شعر بادي الله يرحمو كانت واضحة جلية في الحلم ...

    Quote: أما موقفك من هذه الوحده يا ابو النيذ ((ستطبل)) لها (لشيء في نفس يعقوب) وليس واضحا في الحلم إذا كنت ستطبل عن رضاً أو مجبراً
    أما هذه الوحدة من الجانب المصري فهي لا تجد حماسا من المسؤولين المهمين بل فقط من ثلة من مسئولي الصف الثاتي في الحزب الحاكم (الكورس)



    والله يا كمال غايتو ما قصرت في التفسير ..

    كدي النشوف راي كييكي شنو !!
                   |Articles |News |مقالات |بيانات

17-01-2011, 04:19 PM

Sidgi mattar
<aSidgi mattar
تاريخ التسجيل: 18-11-2008
مجموع المشاركات: 2851

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    Quote:
    كدي أقرو الحلم وخلوني أمشي أبلع لي كباسيل لي حلقي المورم دا !!


    ناذر

    تحياتى

    اها قمت تحلم قبل نتيجة الاستفتاء داير تورطنا..هههه

    ياخى انا فى مرحلة تجلى للتفسير ؟ ركز معانا عشان نشتغل؟؟؟ انت الفنان ولا بتاع البونقز...

    لخبطتنا اول مره اشوف بتاع بنقز حلقومو بيورم...ههههههه


    مودتى

    .

                   |Articles |News |مقالات |بيانات

17-01-2011, 03:32 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    محمد المرتضى ..

    Quote: راجعت ابن سيرين ووجدت فيه أن عازف الطبل هو ( سيد الشي زاتا).
    أوصيك بالمحريب فهو مجرّب.


    هههههههههههههه

    المحريب غايتو لو بيوقف الأحلام دي بجربو طوالي ...!!!
                   |Articles |News |مقالات |بيانات

17-01-2011, 03:36 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    ياسر طيفور ..

    Quote: نيذو
    أشرب لبن
    إتمضمض
    أعمل ريد بول
    قبل سريرك علي القبلة
    أرقد علي يدك اليمين
    إقرأ آية الكرسي
    وإتغطى بفردة ميد إن شندي
    بالعدم ملاية خفيفة


    العلم إطور شديد خلاص ههههههه
    أخير من كلامك دا العشا الخفيف والنوم الخفيف ...!
                   |Articles |News |مقالات |بيانات

17-01-2011, 03:37 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    Quote: لوما جاك عمر بن الخطاب في المنام، بجيك عمر البشير، كان ما جاك عمر البشير بجيك عمر الجزلي.
    لو جاك عمر ود الباوقة، أكيد إنت نايِّم في حوش بكري; أعمل سايِّن آوُت وأبدأ الخطوات من جديد.


    هههههههههههههه
                   |Articles |News |مقالات |بيانات

17-01-2011, 04:13 PM

omer osman
<aomer osman
تاريخ التسجيل: 09-06-2007
مجموع المشاركات: 15202

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    ح يحصل استفتاء للوحدة مع مصر ...........

    الدعاية الاعلامية شغالة تش (بادي) يروج لخيار عدم الوحدة (الشيالين المصريين) يروجون لخيار الوحدة ...

    ناذر قلبه مع السودان (ماداير بادي يزعل) وعقله مع مصر (ماداير الشيالين يزعلوا) ........

    نتيجة الاستفتاء سقوط خيار الوحدة (المصريين زعلوا وركبوا البص شتتوا) ...

    ناذر في اول زيارة له لمصر بعد النتيجة وجد معاملة المصريين اتغيرت (الكبشري الحار بالغصب) ....

    ناذر بحاول يقنع فيهم انو شخصياً صوت لخيار الوحدة (اديني موية) ....

    ما اقتنعوا قطعوهو معاهو عشرة صفر (ابو يدوهو الموية) .....

    انا لقيتي نفسي في جار ناس ناذر الفكه الركشة وركب البص مع المصريين وشتت ........
                   |Articles |News |مقالات |بيانات

17-01-2011, 04:05 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: كمال حسن)

    كمال حسن ..

    Quote: شفت يا ناذر تمامة الحلم كلها يتأكد ما ذهبنا إليه في موضوع وحدة السودان ومصر، شوف معاي النقاط التاليه:-
    1- المقطع الإنت إنتشيت فيهو و (طبلت) ليهو البيقول ((نحن للقومية النبيلة ما بندور عصبية القبيلة)) دي دعوه صريحه للوحده و نبذ التخندق داخل الوطن الصغير سودان كان أو مصر
    2- البص الفخم المكتوب فيه الخرطوم القاهره تأكيد للتواصل الحا يتم بدون فيزا وغيرو

    بس كما قلنا سابقا أن هذه الوحده ستمر بعقبات على المستوى التنفيذي (دللنا على ذلك بالشعر المعقد للفنان بادي) ويؤكد ذلك أن البص برغم أنه فخم وواسع وفاضي إنتو كنتو واقفين فيهو شماعه ده دليل علي إستمرارية الحال في المطارات بين البلدين على حالتي الشد والجذب في قضية حلايب

    أما الكشري الذي حل محل الطعميه فهو إشارة على محاولة فرض المصريين ثقافتهم علينا وحتى ولو بالقوة (بلع ناشف من غير مويه)

    نسيت أن أقول أن البعام صاحبك داك الرفض ينزل معاك في ابو حمامه يشير لإنجراف كثير من بعامي السودان نحو الثقافة المصرية وسيبيعوا السودان متى ما سنحت لهم الفرصه

    (لسه ما حاناخد منك قروش عشان إنت زميل دراسه من أرض غاندي)


    يا خي والله إنت زول معلم عديييل كدة ..

    أنا شخصيا اقتنعت بالتفسير بتاعك دا لحين ظهزر تفسيرات جديدة ..

    Quote: (لسه ما حاناخد منك قروش عشان إنت زميل دراسه من أرض غاندي)


    لا لا ياخ أخد أي حاجة إنشالله راس مالا هههههههه
                   |Articles |News |مقالات |بيانات

17-01-2011, 04:29 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    صدقي مطر ...

    Quote:
    ناذر

    تحياتى

    اها قمت تحلم قبل نتيجة الاستفتاء داير تورطنا..هههه

    ياخى انا فى مرحلة تجلى للتفسير ؟ ركز معانا عشان نشتغل؟؟؟ انت الفنان ولا بتاع البونقز...

    لخبطتنا اول مره اشوف بتاع بنقز حلقومو بيورم...ههههههه


    مودتى


    والله حاولت إتزاوغ من النوم ومن الأحلام قدر المستطاع ..

    تقول شنو بس .. وقع القدر ونمت حلمت ..!!
                   |Articles |News |مقالات |بيانات

17-01-2011, 04:33 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    عمر ..

    Quote: ح يحصل استفتاء للوحدة مع مصر ...........


    عمنا بادي الله يديهو العافية في قبرو أظنو كان قاصد كدة لن رفع الطبلة والبنقذ وخيرني بيناتم ..


    Quote: الدعاية الاعلامية شغالة تش (بادي) يروج لخيار عدم الوحدة (الشيالين المصريين) يروجون لخيار الوحدة ...

    ناذر قلبه مع السودان (ماداير بادي يزعل) وعقله مع مصر (ماداير الشيالين يزعلوا) ........

    نتيجة الاستفتاء سقوط خيار الوحدة (المصريين زعلوا وركبوا البص شتتوا) ...

    ناذر في اول زيارة له لمصر بعد النتيجة وجد معاملة المصريين اتغيرت (الكبشري الحار بالغصب) ....

    ناذر بحاول يقنع فيهم انو شخصياً صوت لخيار الوحدة (اديني موية) ....

    ما اقتنعوا قطعوهو معاهو عشرة صفر (ابو يدوهو الموية) .....

    انا لقيتي نفسي في جار ناس ناذر الفكه الركشة وركب البص مع المصريين وشتت .....


    عمر عثمان ضمينا تفسيرك المريح دا لي تفسير كمال حسن داك لحدي ما نصل لي حاجة تانية ..!!
                   |Articles |News |مقالات |بيانات

17-01-2011, 04:56 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    Quote: طيب الجاب عمنا المرحوم بادي شنو ؟!

    وشنو حكاية البص البين القاهرة والخرطوم



    بادي دا شفرة دريم لاند...عشان يقطعوا ليك...شك
    الناحية الجغرافية...وهو من الجزيرة...


    اما البص: فعيب لي البشاقرة الخرطوم...

    انت بس عشان شفت اللمبي....طوالي حلمك لصقا في القاهرة
                   |Articles |News |مقالات |بيانات

17-01-2011, 05:35 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: nazar hussien)

    هههههههههههه
                   |Articles |News |مقالات |بيانات

17-01-2011, 07:06 PM

manal eltahir

تاريخ التسجيل: 04-11-2009
مجموع المشاركات: 479

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    المويه الابو يدوك ليها دي هي النيل زاتوووووو...اها يعني المصريين تاني جغمه ما ح يدوكم ليها ...بس تسفوا الكشري ده حااااااف...الا هل بلغت اللهم فاشهد...
                   |Articles |News |مقالات |بيانات

18-01-2011, 06:18 AM

جمال المنصوري

تاريخ التسجيل: 02-04-2009
مجموع المشاركات: 0

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: manal eltahir)

    الأخ / ناذر محمد الخليفة

    تحية طيبة

    الحقيقة وقفت في حلمك ده طويل، والحقيقة هو حلم عجيب، ويمكن ده ما حلم دي رؤية للواقع، وتحليل عميق جدا.. تعال نشوف حلمك ده بقول شنو ؟؟

    المكان: شارع زلط، يعني مسفلت وجاهز، والشارع بيعني الشارع العام، يعني الجمهور..

    بادي محمد الطيب + اغنية (في الفؤاد ترعاه العنايا..بادي متوفي (الله يرحمه) عودته بالأغنية دي، تعني عودة الروح القومية للشارع العام السياسي السوداني..

    ناذر الخليفة + الطبلة + الكورس المصري= ناذر يمثل المثقفين السودانيين ، الطبلة (الايقاع المصري ، الواحدة ونص) + الكورس المصري، ده معناهو انو النخبة المثقفة السودانية متأثرة بالنموذج المصري للثقافة، او الثقافة ذات البعد الواحد، بالكتير واحد ونص..

    البنقز = عكس الطبلة، به ثلاث عيون مختلفة، ده بيعني تعدد ثقافات..

    البعام = الاحزاب التقليدية بما فيها المؤتمر الوطني..

    رؤيتك دي كلها علي بعضها بتقول:
    هناك روح قومية جديدة وسط الشعب السوداني تتمثل في نبذ القبلية واسباب التفرقة والتوحد علي قلب رجل واحد، والقبول بسودان واحد متعدد الثقافات ( ما عبر عنه بادي لمن شال منك الطبلة واداك البنقز) والشعب مقبل علي خطوة يترقبها الكل، والحكومة والمعارضة (البعام) ما عارفين الخطوة الحيقوم بيها الشعب شنو؟؟ وده في عبار انو الشارع فاضي ما في جمهوري..ده موقف الشارع العام..

    المثقفين السودانيين بير قصوا عشرة بلدي علي انغام سودانية، وده عبر عنو ناذر بقولة (يااااااه) وفي نفس الوكت عاوزين يكونوا سودانيين يعني مذبذبين، ما عندهم طعم ولا هوية..وهم في الموقف ده منقسمين، وعبر عن الانقسام ده، موقف ناذر لمن البص اتحرك للقاهرة، بي انو نزل، وفي مواحد تاني سوداني مشي للقاهرة.. يعني ناس دايرين واحدة مع مصر والتنين عاوزين يبقوا سودانيين وبس..

    المهم في الرؤية دي كلها .. الموقف الغامض للشغب السوداني، وده المقلق الحكومة والمعارضة.. ودي يا ناذر اخد ليها وجبة تاني مخصوص عشان تشوف لينا الحصل شنو ؟؟

    مودتي
                   |Articles |News |مقالات |بيانات

18-01-2011, 06:30 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: جمال المنصوري)

    Quote: صحبي دا قبل كدة وجاب لي كُشري ..! قلت ليهو دا شنو دا ؟ قال لي دا ألذ كشري حا تاكلو في حياتك كدي جربو .. شلت المعلقة أول لقمة أبت تنبلع وقفت لي في حلقي ..!! قلت ليهو أديني موية أنا خنقت .. قال لي لا لا موية ما في اكل كدة بس (يعني بلع ناشف) ! اللقمة التانية كانت حارة عدييل شعرت بيها وهي نازلة إنها جرحت لي حلقي ..! قعدت اكورك : عليك الله أديني جغمة موية .. وبتاع الطعمـ .... قصدي بتاع الكشري قال لي موية مااااااا في .. أكل كدة بس ..! قلت ليهو خلاص ما داير أكل .. قال لي ما علي كيفك .. جا جمبي شال المعلقة وبقى يأكل فيني بالرجالة وأنا شاعر الكشري دا ما داير ينزل من زوري !!وهو يأكل فيني لحدي ما الصحن فضى وأنا شعرت حلقي إتجرح وبقى ناااشف ..


    نسأل الله السلامة
                   |Articles |News |مقالات |بيانات

18-01-2011, 08:01 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: فيصل نوبي)

    هي يا ناذر ما عذبتنا ،،، يا خوي انا ما قلت ليك تاني ما تنوم المغارب ،،، وبعدين أحلامك دي دايماً مقرونه بالمصريين وبأسوأ أمه اخرجت للناس ،، ياخ مرة واحده كده احلم ليك بأماراتي ولا جزائري ،، ياخ إن شاء الله موريتاني ،،، بس ما تحلم لي ما الوزيرة الناها وتقوم تقول لي كتبت فيها شعر وما ادراك ما شعر لأنو زول بصدقك مااااااااااااافي .... ياخ برضو بتمنى ليك أحلام سعيده حتى ولو أحلام مستغانمي ....لووووول

    ياخوي نحن ما قلنا ليك ما تنقطع وما تعمل الدرب ساساقه ..... ومالك مجافي الناس ؟؟؟؟


    تحياتي : ياسر العيلفون
                   |Articles |News |مقالات |بيانات

18-01-2011, 08:41 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ياسر السر)

    يا ناذر جننت الأحلام جن ، وفي النهاية أقول ليك رؤياك دي تأويلها صعب شديد بحسب كتاب النوم جافاني للألوسي ، شفت يا عمك أول حاجه دي كوابيس في شكل حلم عشان كده ما تنوم بعد العشا مباشرة خاصة إذا كنت ضارب بوش تقيل وإياك والجداد بعد الرابعة عصراً وأبعد عن الإستيم وغني له "ستيم تفاح .. تررم رم رمرم رمرم" ولا تقربوا السمك كان نيلي أو بحري "نفر" بادي أبو شلوخ وبادي محمد الطيب وبادينباول ديل كلهم إتلحسوا ودق الطبلة في الحلم كما جاء في صفحة 23 من كتاب الألوسي أعلاه طبعة شارع بيتنا فيه قولان الأول أن هناك تدهور مريع في الإقتصاد وأن أسعار الثلج ذات شتاء سوف تكسر حاجز البوليس في المظاهرات أمام السفارة الأمريكية ، إنت تعال الأمريكان ديل ما عندهم تمثيل دبلوماسي مع السودان المخليهم خاتين ليهم سفاره ومقفلين حواليها الشارع شنو .
    والقول التاني أن نجوم الليل سوف تٌري في عز الضُهُر وبدون كف أو أم دلدوم حتى للفة الرأس. وإذا وقعت المخدة عن يمينك فلا تحشر رأسك تحتها بل ردد وأنت مرفوع الرأس حتى لو كنت في سابع نومه "لنا الصدر دون العالمين أو القبر" ولأن القبر قدام والوزين بي صديرو عام أخير ليك تمشي كبابجي العربي بالدقي شارع الملك فيصل خاصة وأنك زول ناقش أم الدنيا وما عندك مشكلة للسفر إليها وأكيد حا تدعي لي وإنت بتلهط وتدعو على وإنت بتسدد فاتورة اللهطي.
    ===
    وبعد النقّه دي كلها أقول ليك وما نحن بتأويل الأحلام بناقشين خاصة وأنك لم تدفع بياض يعني عاوز تأخذ التفسير ملح وهو أمر غير مقبول في عالم الأحلام عشان كده أقول ليك أطرد الأحلام يا جميل وأصحى
                   |Articles |News |مقالات |بيانات

18-01-2011, 02:49 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: almulaomar)

    منال الطاهر ..

    Quote: المويه الابو يدوك ليها دي هي النيل زاتوووووو...اها يعني المصريين تاني جغمه ما ح يدوكم ليها ...بس تسفوا الكشري ده حااااااف...الا هل بلغت اللهم فاشهد...


    غايتو دي مصيبة .. غايتو الحكومة دي لو دايرة تخت أستراتيجية مستقبلية لي قدام حقو بس تشغلني عندها في القصر الجمهوري ويجهزوا لي سرير دبل نااعم بي مرتبة ومخدة ريش نعام ويجهزوا لي كل وسائل جلب الأحلام الأنا دايرا (بس ما يقولوا لي دا ما عندنا ودا ما مسموح بيو !! البقولو يجيبوهو لي حتى ولو من باب فقه الضرورة) وتاني يوم أقوم الصباح وأحكي ليهم وهم يخططوا السياسات بناء على أحلامي !!


    كان ما بلدنا حصلت اليابان بعد ستة سبعة سنة كدة ..

    دا يقوم لي جرجير !!!
                   |Articles |News |مقالات |بيانات

18-01-2011, 02:52 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: almulaomar)

    جمال المنصوري ..

    Quote: الحقيقة وقفت في حلمك ده طويل، والحقيقة هو حلم عجيب، ويمكن ده ما حلم دي رؤية للواقع، وتحليل عميق جدا.. تعال نشوف حلمك ده بقول شنو ؟؟

    المكان: شارع زلط، يعني مسفلت وجاهز، والشارع بيعني الشارع العام، يعني الجمهور..

    بادي محمد الطيب + اغنية (في الفؤاد ترعاه العنايا..بادي متوفي (الله يرحمه) عودته بالأغنية دي، تعني عودة الروح القومية للشارع العام السياسي السوداني..

    ناذر الخليفة + الطبلة + الكورس المصري= ناذر يمثل المثقفين السودانيين ، الطبلة (الايقاع المصري ، الواحدة ونص) + الكورس المصري، ده معناهو انو النخبة المثقفة السودانية متأثرة بالنموذج المصري للثقافة، او الثقافة ذات البعد الواحد، بالكتير واحد ونص..

    البنقز = عكس الطبلة، به ثلاث عيون مختلفة، ده بيعني تعدد ثقافات..

    البعام = الاحزاب التقليدية بما فيها المؤتمر الوطني..



    يا خي والله مشكور على التفسير السوير ديلوكس لي حلمي دا ..

    غايتو ربنا يكضب الشينة ..!!

    Quote: رؤيتك دي كلها علي بعضها بتقول:
    هناك روح قومية جديدة وسط الشعب السوداني تتمثل في نبذ القبلية واسباب التفرقة والتوحد علي قلب رجل واحد، والقبول بسودان واحد متعدد الثقافات ( ما عبر عنه بادي لمن شال منك الطبلة واداك البنقز) والشعب مقبل علي خطوة يترقبها الكل، والحكومة والمعارضة (البعام) ما عارفين الخطوة الحيقوم بيها الشعب شنو؟؟ وده في عبار انو الشارع فاضي ما في جمهوري..ده موقف الشارع العام..

    المثقفين السودانيين بير قصوا عشرة بلدي علي انغام سودانية، وده عبر عنو ناذر بقولة (يااااااه) وفي نفس الوكت عاوزين يكونوا سودانيين يعني مذبذبين، ما عندهم طعم ولا هوية..وهم في الموقف ده منقسمين، وعبر عن الانقسام ده، موقف ناذر لمن البص اتحرك للقاهرة، بي انو نزل، وفي مواحد تاني سوداني مشي للقاهرة.. يعني ناس دايرين واحدة مع مصر والتنين عاوزين يبقوا سودانيين وبس


    يعني ممكن نقول حلمي المرة دي رسالة موجهة للمثقفين دا لو ما حلم مثقفين زي ما قلت ..!!

    Quote: المهم في الرؤية دي كلها .. الموقف الغامض للشغب السوداني، وده المقلق الحكومة والمعارضة.. ودي يا ناذر اخد ليها وجبة تاني مخصوص عشان تشوف لينا الحصل شنو ؟؟



    فعلا موقف الشعب غامض ومقلق للجهتين . أكان حكومة كان معارضة ..


    مشكور كتير يا جمال ..
                   |Articles |News |مقالات |بيانات

18-01-2011, 02:53 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: almulaomar)

    روميو ..!!

    Quote: نسأل الله السلامة


    صدقني أنا فعلا محتاج أسأل الله السلامة الأيامات دي ...!!
                   |Articles |News |مقالات |بيانات

18-01-2011, 02:57 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: almulaomar)

    ياسر العيلفون

    Quote: هي يا ناذر ما عذبتنا ،،، يا خوي انا ما قلت ليك تاني ما تنوم المغارب ،،،


    تعرف الشغلة ما شغلة مغارب القصة في حكاية نوم العصر دي ..

    مشيت قوقل كتبت نوم العصر .. يا خي أنا لمن إتخلعت !!

    كمية من الأحاديث والروايات البتحذر من نوم بعد العصر .. قالوا بيجيب الجن ولقيت حديث في واحدة من المواقع مصنف كحديث صحيح وفي موقع تاني قالوا حديث ضعفوا ناصر الدين الألباني وملخص الحديث بمعنى من نام بعد العصر لا يلومن إلا نفسه !!


    هسي الحل شنو ؟!! أنا ما داير ألومن نفسي براي !! وكمان نومة بعد العصر دي ما بقدر أخليها بحكم ظرف العمل !!


    ألومن نفسي ساااي كدة وأنوم ولا أستعمل عقاقير ومنشطات !!!
                   |Articles |News |مقالات |بيانات

18-01-2011, 03:01 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: almulaomar)

    الملا عمر ..

    Quote: يا ناذر جننت الأحلام جن ، وفي النهاية أقول ليك رؤياك دي تأويلها صعب شديد بحسب كتاب النوم جافاني للألوسي ، شفت يا عمك أول حاجه دي كوابيس في شكل حلم عشان كده ما تنوم بعد العشا مباشرة خاصة إذا كنت ضارب بوش تقيل وإياك والجداد بعد الرابعة عصراً وأبعد عن الإستيم وغني له "ستيم تفاح .. تررم رم رمرم رمرم" ولا تقربوا السمك كان نيلي أو بحري "نفر" بادي أبو شلوخ وبادي محمد الطيب وبادينباول ديل كلهم إتلحسوا ودق الطبلة في الحلم كما جاء في صفحة 23 من كتاب الألوسي أعلاه طبعة شارع بيتنا فيه قولان الأول أن هناك تدهور مريع في الإقتصاد وأن أسعار الثلج ذات شتاء سوف تكسر حاجز البوليس في المظاهرات أمام السفارة الأمريكية ، إنت تعال الأمريكان ديل ما عندهم تمثيل دبلوماسي مع السودان المخليهم خاتين ليهم سفاره ومقفلين حواليها الشارع شنو .
    والقول التاني أن نجوم الليل سوف تٌري في عز الضُهُر وبدون كف أو أم دلدوم حتى للفة الرأس. وإذا وقعت المخدة عن يمينك فلا تحشر رأسك تحتها بل ردد وأنت مرفوع الرأس حتى لو كنت في سابع نومه "لنا الصدر دون العالمين أو القبر" ولأن القبر قدام والوزين بي صديرو عام أخير ليك تمشي كبابجي العربي بالدقي شارع الملك فيصل خاصة وأنك زول ناقش أم الدنيا وما عندك مشكلة للسفر إليها وأكيد حا تدعي لي وإنت بتلهط وتدعو على وإنت بتسدد فاتورة اللهطي.


    ههههههه يا جمال المنصوري والباقين كدي تعالوا فسروا لي كلام الملا عمر دا باقي لي تفسير حلمي أصعب منو ههههه

    الملا عمر يا خي صنقوري دا لو بيفهم معاني كلامك الكبار كبار دا كان قدر يفسر أحلامي دي ..

    والأمريكان ديل وشارعم دا خليهم لي أمكن يجوني في حلمة تانية ..

    Quote: وبعد النقّه دي كلها أقول ليك وما نحن بتأويل الأحلام بناقشين خاصة وأنك لم تدفع بياض يعني عاوز تأخذ التفسير ملح وهو أمر غير مقبول في عالم الأحلام عشان كده أقول ليك أطرد الأحلام يا جميل وأصحى


    يا خي بعد دا كلو حالتك ما ناقش ..!!

    البياض بيجيك أديني رقم تلفونك برسلو ليك رصيد ههههه
                   |Articles |News |مقالات |بيانات

19-01-2011, 06:58 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

                   |Articles |News |مقالات |بيانات

19-01-2011, 07:06 AM

محمد الجيلى
<aمحمد الجيلى
تاريخ التسجيل: 24-01-2009
مجموع المشاركات: 1363

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    ناذر صباح الخير

    اللهم إجعله خيرا



    ــــــ




    النجيضة:

    ماتنوم تاني
                   |Articles |News |مقالات |بيانات

19-01-2011, 01:38 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: محمد الجيلى)

    كيفك محمد الجيلي .

    غايتو وصفوا لي دكتور شاطر في شارع البلدية بعدين ما شي ليهو ..!!

    لو ما قدر يعالج الحالة دي غايتو البوستات الجاية أحلام ساااااااااي ..!!
                   |Articles |News |مقالات |بيانات

20-01-2011, 07:59 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

                   |Articles |News |مقالات |بيانات

20-01-2011, 08:04 AM

محمد عكاشة
<aمحمد عكاشة
تاريخ التسجيل: 27-01-2005
مجموع المشاركات: 8262

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    ياناذر..أطرد الأحلام واصحي
                   |Articles |News |مقالات |بيانات

20-01-2011, 06:34 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: محمد عكاشة)

    طردناها يا عكاشة ..


    لكن بقت تجي بالشباك !!
                   |Articles |News |مقالات |بيانات

20-01-2011, 08:59 PM

الأمين عثمان صديق محمد

تاريخ التسجيل: 25-10-2005
مجموع المشاركات: 1324

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: ناذر محمد الخليفة)

    Quote: حلم تاني بحاجة لتفسير عاجل
    تاااااني
    انحنا قدرنا نفسر الاول عشان تحلم لينا تاني
    وكمان عايز تفسير عاجل
    يا ناذر يا اخوي انت بحاجة عاجلة لحبوب منع الحلم
                   |Articles |News |مقالات |بيانات

21-01-2011, 12:11 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29123

للتواصل معنا

FaceBook
تويتر Twitter
YouTube


Re: حلم تاني بحاجة لتفسير عاجل : الفنان بادي محمد الطيب وأنا شغال معاهو بالطبلة والكورس مصري ! (Re: الأمين عثمان صديق محمد)

    الأمين صديق ..

    Quote: يا ناذر يا اخوي انت بحاجة عاجلة لحبوب منع الحلم


    بااالغت !!!

    حبوب منع الحمل الجابا هنا شنو ؟؟!!

    الامين إنت قريت بوستي دا غلط .. والله العظيم أنا بحلم مش بتوحم !!!!
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de