الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 12:20 PM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

دعوة لمحبي مصطفى سيد أحمد

03-07-2002, 01:42 PM

seventy


للتواصل معنا

FaceBook
تويتر Twitter
YouTube

كيف احذف مداخلة من بوستى
دعوة لمحبي مصطفى سيد أحمد

    سلام شباب سلام
    وعساكم دائما متمتعين بالعافية

    كتب الكثير من الشعراء في رثاء
    الراحل المقيم مصطفى سيد أحمد
    فهذه دعوة مني أحبائي لكتابة شيء مما كتب في رثائه وعنه
    واخترت هذه المقاطع من كلمات
    الشاعر / صلاح حاج سعيد

    ماكنت قايل نفسى يوم

    أرثيك يا أصدق خليل

    أنا كنت بتخيّل أكون قبلك

    أسافر غنوة فى الوتر الجميل

    زى ما عبرت معاك صروف زمن المسافة

    وجينا للى الحزن النبيل

    أنا كنت داير الدنيا تمهلنا

    ونغنى الفرحة لى الزمن الخرافى .. المستحيل

    ********

    ورحلت ما كان ده الأوان

    رحت وحرقت حشا الغنا

    خليتنا لى الزمن الهوان

    والإرتهان لى خيول زمان الشنشنة

    *********

    كل المطارات والموانى

    وشفع البلد الفتارى

    ... لسة بارين القطارى

    يسألوا الناس عن خبر زولاً

    مسطّر إسمو فى قلوب العذارى

    وفى عيون كل المساكين ... الحيارى

    زول بيطلع من نفس طورية ضامة الطين

    تكابد طول نهارا

    زول بيسكن فى عيون أطفال

    تأمّل ديمة يديها البشارة

    ياخى والله الفرقة حارة

    وفقدك أكبر من محيط الدنيا

    وأكوانها ... ومدارا

    *********

    طليتنا زى حلماً جميل

    فجأة فى غفلة أنسرق

    أسطورة تحكى أمانى جيل

    فى حب غناك كان ليهو حق

    أديتو فى الدنيا الأمل

    وريتو كيف فى الحق يقيف

    من غير وجل أو إنبهار

    علمتو بى حس النغم إنو الكلام

    لازم يكون واضح كما شمس النهار

    صدقك ملاهو حماس .. يقين

    بالخير وبالحق .. والنضار والإفتخار

    إنو الحبيبة هى الأرض

    والتضحيات عشان عيونا هو الفرض

    والدنيا ورّاثا الصغار

    *********

    وعرفنا يازول قسوة الضنا والتعب

    والإرتحال فى غفلة الزمن الصعب

    وقولة الوداع بالضبط

    والسفر الأبيد من غير رجوع

    أو غير متاع

    وبكت عليك كل الشوارع فى المدينة

    ناحت عليك كل الفواصل

    ... فى الغنيوات الرصينة

    وإنكتم نبض الغنا

    جلل سواد حزنك سنا

    وإتوشح المنا بالضياع

    وكان بدرى يازول الوداع

    لا سكة لى درب الرجوع

    بعدك أغ######## إلتياع

    مسكونة بالأسى .. والخشوع

    لكن بريقك ما خبا

    أبداً بريقك ماهو ضاع

    ساطع كما نور الشعاع

    **********

    منو قال هو فات

    زولاً وهب كل الحياة للأغنيات

    منو قال هو فات

    ما أظنو زيّك يقولوا فات

    يامن وهب كل الحياة للأغنيات

    يا من ترك فى قلوبنا أنبل ذكريات

    يا من ترك أحلامو فى كل الجهات

    وخلّد معانى الروعة بى كل الصفات

    ما أظنو زيّك يقولوا فات

    يامن وهب كل الحياة للأغنيات

    ***********

    ورحلت ما كان الأوان

    رحت وحرقت حشا الغنا

    خليتنا لى زمن الهوان

    والإرتهان لى خيول حروف الشنشنة



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2002, 08:40 PM

Elkhawad
<aElkhawad
تاريخ التسجيل: 02-05-2002
مجموع المشاركات: 2842

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: seventy)


    طلبت الغالي والغالي يرخص ليك



    امل الاغانى


    شرد الكلام منى وسكت
    حس الاغانى الملهمه
    لبس النغم ثوب الحداد نزف المقاطع مؤلمه
    لمتنا بيك يمين ظروف في ليل رياحو ملتنا هم
    انت الاخو وبرضو الصديق والبينا كان احساس ودم
    للكل فتحت القلب دار ..ومزجت روحك بالنغم
    ياحليلو زمنن كان معاك يحليل جدارنا الانهزم
    روح الرحابة الما بتضيق
    ياباهى يا دفق الرحيق
    شاقي الدروب الموحشة
    فارش عشم وترك طريق
    دايس علي الجرح الاليم
    في احلك اللحظات رفيق
    ياحليلو أملا كان معاك
    خلانا لي جرحا عميق
    نجم الحروف المرهفة
    ضد الذبول وألانطفا
    لاكنو من بعدك رحل خلانا فات يا مصطفي
    ياحليلو شدوا كان معاك
    وامل الاغاني الانطفا



    كلمات: مدني النخلي
    الحان المرحوم: المعز عبد المنعم



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2002, 06:04 PM

Elmosley
<aElmosley
تاريخ التسجيل: 03-14-2002
مجموع المشاركات: 33332

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: Elkhawad)

    يااخوانا مالكم علينا مذكرننا ايام الزمن الغالي الحلو تسلمو
    ويالصادق عليك الله مصطفي ده في اغنيتين من فنانين تانين هم عبد الدافع في مرت الايام
    والعميد احمد المصطفي في الوسيم لو نزلت لينا كل واحده في بوست منفصل وبيناتهم زي اسبوع اكون شاكر ومقدر
    اضافات مصطفي في الغناء هي الاضافات الاعظم في اضافاته العظيمه وصوته العجيب هو المحك في قضيتو الابداعيه الكبيره الواسعة المواضيع
    وذلك بشهادة موسيقيين كبار في مصر منهم اساتذتي حسن شراره ورضا رجب وغيرهم
    عشت فينا يامصطفي خالدا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2002, 08:41 PM

Elkhawad
<aElkhawad
تاريخ التسجيل: 02-05-2002
مجموع المشاركات: 2842

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: seventy)


    مرثــــــية
    لمصطفى سيد أحمد
    إهداء : الى صلاح حاج سعيد وبثينة وماجده

    بسمع صدى صوتك مزامير في عشيات
    الشتا والريح سوافي
    وأطرق على بابك أواخر الليل وألاقيك
    إنت مافي
    وأنشد على بابك حزين "عز المزار"
    وكل السنين صارت منافى
    وأهتف وأناديك في سديم الليل
    يضيع حسي وهتافي
    قمراً وقف مستني تال الليل
    نهارات العصافير والقوافي
    رجع الصدى وحس الرياح
    مجنونة في الساحات تعربد
    وإنت مافي
    ..غابت نهاراتك ولكن
    لسة صوتك في العروق يا صاحبي ساكن
    لسة صوتك يسري في كل الأماكن
    "يا قمرة أقلبي السنسنه الحمرا"
    وشوفي ليه ما جاء
    لسع على افق المدى ترجاك
    "صبية" جراحا نازفة
    لسة واقفة
    تسأل عليك مجلس صحابك في الليالي
    تسأل عناقيد الدوالي
    تسأل عليك عصفور مرق ينفض
    نعاس عينيهو من سهر الليالي
    يا صاحبي لسع جراح الفرقة صاحية
    وتر الغنا المشدود ينوح
    يسأل عليك في كل ناحية
    كانت ليالي "الديم"فوانيس
    والعمر مغسول صبابة
    وكنا ما بشغلنا غير وتر
    الغنا وحرف الكتابة
    يا صاحبي..يا ليتها الأيام تعود
    أنا في منافي العمر ضيعت الوعود
    يا صاحبي ..هطلت على
    قبرك سحابات الخزامى
    وناحت "على بابك" يمامة
    وشرقت شموس ترسم على باب
    النهارات إبتسامة


    عبد العال السيد

    (عدل بواسطة Elkhawad on 03-07-2002, 08:46 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2002, 00:19 AM

bunbun

تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: Elkhawad)

    الاعزاء سيفنتي
    والخواض
    رحم الله مصطفى



    رحيل اليوتوبيا

    محمد طه القدال

    إلى الروح الفنانة .. روح مصطفى سيد أحمد

    -1-

    في هذي المدينة الفاضلة

    لبس الشعراء تيجان غار وهجوا

    مع النشيد .. والبوح وغنوا للغربة المتلتة

    في الزمن المكان الروح

    وما بين الرماد والنار

    فضا الكلمات ومعناهم

    بيمرقوا من هطيل النوح ومغناهم

    يشقشق للحياة والموت

    يغرد للمدائن الفاضلة جواهم

    جزاير دوح

    قدر يوتوبي

    ترحل في مداين الناس ... مدينة

    يندلق حسك حداهم

    قطرة قطرة تعبي صوتك بي نداهم

    مشدود وتر صوتك ربابة

    مسنود عليك صوت الغلابة

    مفرود من الزمن المفتق والمرتق بالرتابة

    مولود مع الجدة المعتقة والمجرتقة بالرحابة

    ينسدل من شدوه انشاد المزامير

    ينسمع في شجوه ترتيل الصحابة

    زمن يوتوبي ترحل في العتامير والمغاسل

    والغنى المندلي من شطر السحابة

    من عنا الأطفال وأولاد المسادير

    السنينهم فوق جوازات العصافير

    الحنينهم بحة الليل الطنابير

    الحزينهم حزنه في الجوف المطامير

    نبله يطلع زي شعاع

    لا ولولة لا شيل ندابة
    ***
    (يامطر عز الحريق)

    (كمّل الناقص وفرضو)

    (يامشاوير الطريق)

    شوفي لي حُّميد وأرضو

    يا بلد ليلك غريق

    طولو زي طولك .. وعرضو

    إن ضلامك حر طليق

    أو سلامك أهلو قِرضو

    آه من هذا السليق

    يشتري الراجل وعرضو

    الفرج باقيلي ضيق

    والصحاح العندي مرضو

    كم إديريجاً حليق

    شان يعيش بي دقنو برضو

    يا مدد قشة غريق

    (يامشاوير الطريق)

    (ياوليدات الفريق)

    لملموا الصابرين تعالوا

    (رقصوا البنوت أعرضوا)

    ***
    يا نخلة المقبول ظلالك

    واصلة الشموس بي حريرة

    ومجدولة من طيب شمالك

    مروية عز الجزيرة

    من همي همك سمالك

    كسر همومي الجبيرة

    لحن الوليد الرمالك

    مشرق يجبر كسيرة

    طينك مقالد رمالك

    تحتك مياهك خريرة

    شعرك جريدك حلالك نمة غُناه الضريرة

    غنوة بتقرب منالك

    رعشة جروفي الخضيرة

    غنوة حبيباً شكالك

    هجر البنية الأميرة

    عند الترابلة القبالك

    ضليلة صهد الهجيرة

    يا نخلة السلفاب جمالك

    في الناس غناوي المسيرة

    لوجيدك الفارع بكالك

    موّال دموعي العسيرة

    أو نيلك السالك أمالك

    جيهة المشاوير الحسيرة

    أو قبلك المفجوع دنالك

    روح الأناشيد المنيرة

    شيليلي عِب وأمليلي شالك

    من غناويهُ السميرة

    شدي من صوتك حبالك

    نشفي العرق الدميرة

    قولي للجنيات سوالك

    يا نخلة بس متكية مالك؟

    بطنة سبايطك عضيرة؟

    جدلة سبايبك ممالك

    محصورة في فد ضفيرة؟

    ولا السلام البدالك

    سراب الأماني الكبيرة؟

    لو صبري بيهدم جبالك

    شن تبقى غير عيني الهميرة؟
    ***
    قدر يوتوبي ترحل ياصديق

    زمن يوتوبي ترحل في البريق

    والمدينة الفاضلة نامت في العتامة

    والعتامة تهاتي بالشعر الهيافة

    والشعر متغطي بالكلمة السلامة

    والسلام متداري في الولد الشليق

    والوليد مندسّي في الحرف القيافة

    والحروف الوردة تحلم بالرحيق

    والحلم يتجاوز المعنى الرهافة

    والمعاني تعاند الزمن الرحيل

    والزمن يوتوبي يرحل في السحيق

    والرحيل يوتوبي

    ترحل ياصديق؟

    الرحيل الشفتو للناس العلامة

    الرحيل الشفتو للمتلك قيامة

    فبراير 1996
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2002, 12:54 PM

bunbun

تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: bunbun)

    سلامات يا زول يا رائع
    ازهري محمد علي
    الى انبثاق نفسى عنى - خارجى

    الى"مصطفى سيد أحمد"

    مدخل أول:

    لمتين مِتْيمِّم شَطْر النيل

    مُتوقِّى اليابسه ووْاَرد

    متوكِّى الغُنيه عصا موسى

    بِتْهِش فى غيم الإلفة الشارد

    مهدودة القُدرة وفترانة

    حَرداَن الضُل البارد

    بِتْوجِّل لى يوسف فى البِير

    يطْلَع من بَطن البير المارد!

    مَدْخل ثانى:

    فات الكان بدّينا إحساس بالإلفه

    وكان راوينا،

    فات الباكي جَرِحنا وناسي جُرحو

    ولافّي ورانا مدينه..مدينه

    فات الصاحي ونحن نَغِطْ

    فى النومه السابعه

    طالِق حِسِّو ولا حسيِّنا

    حَتْحَتْ فينا غُناه الطاعِم

    وفَاتْ قنعانْ من خيراً فينا

    سلاماتْ يا زول يا رائع

    سلاماتْ عواّفي!

    سلاماتْ يا خُلاصة الخير الفى الناس

    وترياق الزمن المُتْعافي

    سلاماتْ يا زول يا رائع

    سلاماتْ عَوَّافى

    مُحاصَرْ فِيكْ

    بسأل عن سكّه تطلِّع مِنَّك

    أوسِكّه تودِّي عليكْ

    بسأل عن مَخرج منّك وليكْ

    زي نَهْر بينْبعُ

    وما لاقي مَصَبْ

    بِتْمدّد عِشقَكْ من أقصى ضواحي الروح

    لي أقصى نواحي القلبْ

    يتْكثّف بِسِعةْ إطلاق الرّب

    وانا كنتَ بفلِّى القَلْب بسيرتَكْ

    سمِّيتك حلاّب الغيم

    من ضَرْع الجَدبْ

    وظنيتَك مارستَ الفِعل السرِّي

    وحَفّظت فحولة النيل

    أيام الخِصب

    ولمحتَك وانتَ بِتتْمشّى

    وترقّص فى حَمَامَكْ

    على حُمّة إيقاع الحرب

    وتْكَلْكِلْ جِلد الكلمه الحافَّه

    لَحبيبه بتفتَح مَجَرى الغُنا فى الدَّم

    وتَفلِّس بيان القلب

    فيا بنوت الشارع الطاعِم

    قُومَن كَبْ!

    قومَن للما قَصَّر

    فى غناكن ضُمَّه

    ولا إتْلوّم بِوراَكَن تبْ!

    ولو تَبْقَى السِكّه الجايه ضهَب

    وسلاماتْ يا زول يا رائع.

    البارح عصفورتكْ

    ركَّتْ في البال

    رقَصَتْ

    وادَتْ عصفور الريد شبَّال

    وطارتْ من قولة كَرْ

    ما الزول النَهرَ العصفوره

    بِحرِّض فى كِلاب الحّر

    لابسنى وداخِل فى اللَحم الحي

    راصد كلّ البِسْأل عَنْ حالى

    حرَّش ضُلّىعليَّ

    ونتّف زَغب الخاطره التَّخْطُر على بالي

    ومَنَع العصفُوره تَحومْ

    إستْجوّب كل الناس البِجُو فى النوم

    !ما تْقومْ

    يا زول يا رائع ومهمومْ

    يا مضيّع ضَيْ عيني وراكْ

    واقف

    حاحاى للنوم.

    يا مْستّف رئةَ الدنيا شهيق

    ومُشحتِف روح الخرطوم

    كيف حال يا ابوي

    كيف حال يا خال

    وتعالْ!

    إتْفَضَّل على باحة بيتنا الطّيب

    ماعون الأطفال

    ضمدَّ جراحاتك تعالْ!

    من ضلامَاتكْ تعالْ!

    من حافة البرزخ تعالْ!

    من شرفةْ الملكوت –تعالْ!

    أدّينا هينين من صبرُ

    السكّه أبعد من مَشيِكْ

    والجرح أعمق من حدود الإحتمالْ

    السابله والاطفال هِناك

    قداَّمك المشوار طويل

    والريح وراك

    كل البيوتْ

    إتشرَّفت لى طَلْعَتَكْ

    والوَنَسه ما كِمْلَت معاك

    القَرقراب والقهْقَهه

    مَينْ سمّى تِرحاَلك غياب!؟

    والغيبه بتْزيدك بَهَا

    لو يرِتق الحُزن المَصَابْ

    كان بَعدك الموت إنتهى

    يا أقصى حالات الحضور المُشتهى

    يا مُنْتَهَى!

    تعال قرِّحنا بس دهشة غُناك الحَي

    وحَّيْ من جُرحك الدامي!

    وفَتَر حيلَكْ

    وحىّ من ضُلّك الرامي!

    وحِمِل شيلَكْ

    تموت مِتْل الشدر واقف

    تموت واقف على حيلَكْ

    فيا حْليلَكْ

    يا حْليلَك..بِنستنَّاكْ

    على صهوة جياد الريحْ

    بنِستنَّاكَ!

    فى الزمن اللديح القِيحْ

    على باب الحلم فى غُناكْ

    بِنِستنَّاك!

    رحيلك شَلْهَت الدنيا:

    ورتّب العالم البهِنَاك

    بَستْنّاك!

    وانا تانى وراك َشِنْ لاحِقْ؟

    دَهَسَتْني فى بُعْدَك

    حِدوَ الخوف

    الداخله عليّض بالسَاحِقْ

    أدِّينى القُدْره التمْنَحني

    بِحجمْمَكْ سعةَ الشوف

    لو أقدر أطِلْ من شاهق

    لو أقْدر ألوّح لعيونك

    تَلْمَحنِى

    وأنا ضَعفي أمامك فاضحنى

    سامحنى!

    ما قدرت أطولَكْ

    سامحنى!

    شُفتَكْ من وجع طَالع

    على برزخ ملتقى النيلين

    كنتَ هناكَ وحّيدك

    وكل الناس اتنين ..اتنين

    براك واقف

    فى حدْ السيف

    براك الما وقف بينْ...بينْ

    تغازل حلمك الفارع

    فَتح بابين على الملكوتْ

    تَسَلِّم على حضرة جلال الموتْ

    وتفتح فى الأرِض نفّاج

    إذا امتلأ الفراغ بالصوت

    فيا باطن الأديم أفتح

    براحات الحنين مُشْرَعْ

    وأَنْدَهْ لى مُدن شاخت

    أنْدَه لأطلال القرى الراحت

    بيوتْ فى بيوتْ

    تَمْرُق من شِبر مَسَرح

    مدن فاضله

    وعلم باتساع الحُلْم

    بقامةَ يشتهى التابوت

    فما لَفَظَ البحر يُونِس

    ولا انسدّت

    شهِية الحوتْ... ويا زول يا رائع تمشى

    بالحسره وتموت؟

    وسلاماتْ يازول يا رائع.

    --------------------
    يا حليل حليلك يا مصطفى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-08-2002, 04:01 PM

تغريـــد

تاريخ التسجيل: 02-05-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: bunbun)


    أغنية مصطفى سيد احمد
    شعر : د.عفاف الصادق حمد النيل

    يا الكحلت عيون الدنيا
    بلون الغنوة
    يا الضفرت ضفاير
    إحساس الكلمه الحلوه
    يا الشتت نجوم الليل
    في وش النيل
    عقدا فوق القمرة
    بيقدح فينا الضو
    يا الطقطقت أصابع السحب
    الشالن جو
    دفق عسل المطرة
    ونقط
    كبت شو
    نضمت غنت
    سكتت صنت
    مرقت دخلت
    قامت وقعدت
    شن بتسو؟
    واقفة تلملم
    فوق النجم
    اللمَ حداها
    نسجت منه الضل
    الخت وباقي ضراها
    فتقت منه الشدرة
    الشال انحت جناها
    الصلحة وسترة غطاها
    واقفة تحزم
    باقية تلزم
    خيرا جاها
    إيدها تسلم
    تدي تعلم
    ترفع جاها
    تهدي تكلم
    صوتها يرنم
    يزيدها وجاها
    وغنت ليك الغنوة السمحة
    المابية تتم
    إتضارت عين القمرة
    تتاوق
    .....
    ....
    ...
    ..
    . يتبـــع


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2002, 02:58 AM

Elsadiq
<aElsadiq
تاريخ التسجيل: 02-04-2002
مجموع المشاركات: 1657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: تغريـــد)


    يوسف الموصلى
    هـناك جوانب كثيرة ، تـفـضل الإخـوة بتغـطيتها فى تجربة مصطفى .. ولهذا أود أن أتـناول الجانب الموسيقى فى هذه التجربة .. والحقـيـقـة أن أكـثـر ما يـميّـز مصطفى سيد أحمد فى الجانب الموسيقى ...هو الوضوح الشـديد فى الرؤيـة الموسيقية .. وأنا بحكم قيامى بالتوزيع الموسيقى فى عدد كبير من أغانيه وألبـوماته ( بشكل رسمى ) ، وضـح لى دونـما شـك أن إيـمــان مـصــطفـى الكـبـيــر بـعـمـليــة البناء اللحنى أو الـ STRUCTURE ... وربما يكون مصطفى سيدأحمد من بين فنانى الجيل كله ، من تجد لديه مفهوماً مختلفاً للتطريب ..
    وفى الـحـقـيقـة قـد يـكون مثـلاً عند أجـيال الحقـيبة وما تلاها ، أن الإكثار من عمليةالـ VIBRATION ، كـانـت تـعـد فى حـد ذاتها واحدة من أشكال التـطريب والتى كانت ضرورية فى ذلك الوقت.... غير أنه جـاء عهـد آخر وأصبـحت هذه العـمـلـية لا تشكل أهـميـة كبيرة وتراجعت لتـصبح جزءاً من عدة أهـميات أخرى .. ولكن التـفاوت فى قوة الأداء حسب التعـبـي ر عن اللحـن المعين ، أخـذت تـكون المفهوم الجـديد لدى المـطربين الجدد . حيث أن أهـم ما فـى المـوضوع هـو مـنظور الموسيقيين : فقد بدأوا ينظرون إلى العـمل الفنى كـبنـاء متكامل : ليس كلحن أو بناء شعرى ، أو أداء فـقط ( أو ما شـابه ذلك ) ،،،،، إنما العـمل فى مجموعـه، حـيـث يــعتـمـدون فيــه على وجـود لحـن أساسى وعــدة ألحـان أخــرى تــعمـل فى ذات الوقـت كإطـار جـميل تستمد إحساسها من اللحن الأساسى الموجود.
    ومن هنا فإن مصطفى كان مؤمناً جداً بموضوع ( البناء اللحنى ) ويعتبره مصدر الجدة .. وبمثلما أن ( النص الشعرى ) لديه كان عنصر تميّز ( حيث لا يدعك تأخذه بذات السهولة فى التلقّى السريع - أى يدفع إلى التفتيش عن المعانى الكامنة فيه ) ، بذات القدر الجانب الموسيقى لدى مصطفى ، حيث إعتمد - كما قلنا - أسلوب أو عملية ( الببناء اللحنى ) فأنت لا تستطيع أن تأخذ ألحانه من ( أول وهلة) ... وهذه الميزة فى إعتـقـادى تكسب العمل الفنى قدرة على الإستمرارية ، وتوليد المعانى الجديدة مع مرور الـوقت ...هذه الصفة عينها هى التى كانت مميزة عند فنان مـثــل إبراهيم الكاشف تحديداً .... وكذلك عند عثمان حسين ، والعديد من الفنانين ... ولكنها كانت فقط فى شكل اللحن الآحادى الصوت . وهنا يجب التأكيد على أن هناك مجموعة من الفنانين تعاملوا مع اللحن كبناء STRUCTURE ولكن ربما أدى ذلك إلى إختلاط الأمر لدى عدد من النقاد فلم يروا إلاّ التشابه فى هذه الألحان أو التماثل فى الكتل اللحنية ... أو هكذا إحساسهم بها ، غير أن هذه العملية فى الواقع تحتاج إلى وقت حتى يتسنى التفريق بين الكتل اللحنية وعلاقاتها ببعضها البعض.
    فمصطفى كما قلت كان مؤمناً بعملية البناء اللحنى وليس هذا فحسب ، وإنما كان يتقبل فى ذلك النقد بصدر رحب ( وهو سلوك متـقـدم لإنسان - كانت الرؤية واضـحة أمامه تمامــاً) .. وبهذا المفهوم أو المنظور شارك مصطفى فى شريط ( طفل العالم الثالث ) وكذلك عمله المعروف بـ ( الحزن النبيل ) الشريط الذى يشمل مجموعة من أغانيه ، وبذات القـدر غنى ( البت الحديقـة ) .. وأيـضاً لمصطفى أشـكال أخـرى من أنواع الغناء تـلك التى كان يطمح فى أن تظهر مستقبلاً ،، ولكن هناك ظروفاً عديدة حالت دون أن تصل هذه الأعمال إلى الناس بشكلها الرسمى
    جزء من حديث الموسيقار يوسف الموصلى فى ندوة عن الإضافة التى قدمتها تجربة مصطفى سيد أحمد - جريدة الخلرطوم - العدد1113 - تاريخ 8/2/1996م

    (عدل بواسطة bakri on 03-10-2002, 03:03 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2002, 03:28 PM

bunbun

تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: Elsadiq)

    سِفر السكوت
    فيصل محمد صالح


    طوبى للرجال العصافير

    كلما حطّ طائرهم فوق غصن

    غنوا بشجيى الكلام .. بديع الصور

    وبؤساً لنا نحن الرجال .. الشجر

    تهاوت جذور الكلام

    جفت ينابيعنا

    وأرهقتنا ليالى السفر

    تؤرقنا الذكرى

    توقِد نار المواجد فينا

    فيوجعنا الشوق فى صرة القلب

    يتأبى حتى السكون الذليل

    نخرج الآن من جلدنا

    ونخدش صمت السؤالات

    نركض عبر الطريق الطويل

    من أى ثقبٍ فى الحكايات جئنا

    ومن أى بابٍ فى السماواتِ .. كان إلتماس السكينة؟

    ومن أى ذنبٍ عصىٍ

    تعلم القلب سفر الرحيل

    الطيور قطعت رحلتها ثم عادت

    والأمانى إستكانت

    والليالى ما عاد صمتها مستحيل

    والنساء اللائى علمننا

    العشق فى زمانات النداء الجميل

    نسجن كعادتهن من كذوب الروايات

    ما يخلع الدفء عن جسد الحب

    ثم تذوقن للحبيب البديل

    يا صديق المسافات أركض

    ما عاد فى الحزن متسع

    لصفير الجراحات ــ قلبى وقلبك ــ

    ولا صبر فى الأفق لإنتظار الخيول

    كل المراكب تاهت

    أنكرتنا الشموس

    والحبيبات خانت

    لفظتنا البحار

    فهل يستطيع البنفسج أن يكون الكفيل ؟

    أيوجعك الوصف ؟

    آه .. من زمنٍ كنا ننتقى فيه العبارات

    من فصوص المحار

    نتمشى فى مفاصل الشعر

    تأخذنا كل ساعةٍ فى مدار

    آه .. من آه .. ثم آه

    من كل ذاك الزمان النبيل

    أصرخ الآن .. أو

    أخرج الآن .. أو

    إنزف الآن .. أو

    أكتم الشدو فى الفؤاد العليل





    (عدل بواسطة bunbun on 03-10-2002, 04:20 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2002, 09:24 PM

shagan_aleem


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: Elsadiq)

    التحية ليك ياعزيزنا الصادق حقيقة اى عمل تختارو من استاذنا الراحل المقيم مصطفى سيد أحمد بالتأكيد انت موفق فيو يعنى حقيقة الأغنية زوق وهذا ان دل انما يدل على انك زوق ومعليش سامحنا عمل متل هذا يستحق الرد عليو اول بأول لكن الواحد لو فتح موضوع انسيو المواضيع الباقية حقيقة كل مواضيك زى الليل وربنا اخليك لينا ودوما دوما الى الأمام
    وياريت أخ الصادق تسمعنا أغنية عدا فات ونورا
    ودمت يا استاذ الصادق


    شجن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-25-2002, 07:00 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: shagan_aleem)

    11111111111111111111111111111111
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-18-2002, 09:57 AM

اسامة الخاتم
<aاسامة الخاتم
تاريخ التسجيل: 09-28-2002
مجموع المشاركات: 2332

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: seventy)

    يا لهذا الصوت الذى لا يمــوت
    كنت اقلب فى دفاتر البورد القديمة
    و احب ان يستمع الجميع
    فهل انا على حق ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-18-2002, 01:14 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: seventy)

    على الف حق اسامة


    مصطفى و الكواكب التى انعكس ضوءه عليها
    فأنارت وجدانا, نعشقها كل وقت وحين


    تبكينى مرثية ازهرى كلما قرأتها او سمعتها

    فأعلم ان حسى فيه رمق من حياة

    (عدل بواسطة نصار on 10-18-2002, 01:21 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-18-2002, 09:54 PM

السوداني

تاريخ التسجيل: 08-22-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: seventy)

    ما كان رحيلك غير دليل للجاى ماسك سكتك
    عذرا اذا حال الوطن
    بالجاتو ذات ليك بكتك
    ونحنا الوراك ما جانا عشقك من فراغ
    لا نحنا غنيناك عبط ......
    عليك الكلام الجديد....الجديد
    عليك السلام يا
    الغناء seed
    * * * * *
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-18-2002, 10:24 PM

sweetheart

تاريخ التسجيل: 02-05-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: السوداني)

    عارفني منك لا الزمن يقدر يحول قلبي عنك
    لا المسافه ولا الخيال يشغلني عنك
    وتحرمني منك وتحرمني منك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2002, 05:45 PM

rani
<arani
تاريخ التسجيل: 06-06-2002
مجموع المشاركات: 4473

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: sweetheart)

    حسرة
    *************

    تشايكو فسكي
    برامز
    بتهوفن
    الموصلي
    شوبان
    باخ
    موتسارت
    زرياب
    فكتور خارا
    بوب مارلي
    سيد درويش
    جون اينون
    جيمي كليف
    خليــــــــل فــــــــرح
    ..ياللحسرة
    كلهم لم يسمعوا مصطفي سيد احمد

    عـــفيف اسماعيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-21-2002, 01:51 AM

rani
<arani
تاريخ التسجيل: 06-06-2002
مجموع المشاركات: 4473

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: rani)

    يايمة الجانا خميسا اسود
    خبر الرادى المابيتكضب
    بعد الغيبة وبعد الرحلة
    وبعد المهرب
    *** *** ***
    بعد الفشل الكلوى القاتل
    بعد اسئلته المابتتجاوب
    جانا خميسا اسود
    سرق الفهد الاسود
    قتل الفرح الابيض
    يايمة الناس تتباكى عليهو
    يوم المحشر كان يوم جانا
    بس لاكنو في اغرب حالا
    *** *** ***
    بعد ما كان ركازة الكون
    في تابوتا جانا مركز
    يمه الفن العشقو صحي
    ما كان ابدا سبب تخليدو
    *** *** ***
    كانت صدق اشعارو ونبضو
    وكان بالوجع الديمة احساسو
    يجونا كلاب الجبهة الليله
    واريتو كمان من ناس الجبهة
    سمه سمايتو بربو الباسطو
    وقال في الراجل اغرب كلمه
    نحن كفاناالجبنا الصورة
    وجبنا الكلمة
    اصلو الحق دا كلو معاك
    لانو حمار الشيخ في العقبة
    بيابه يتحرك علشان
    *** **** ***
    صعـــبة
    *** **** ***
    كلاب الجبهة
    افاعي الجبهة
    سحت الجبهة
    نظام الجبهة
    تيوس الجبهة
    *** ***
    لا بد في يوم
    نمرق الكضبة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-21-2002, 02:00 AM

rani
<arani
تاريخ التسجيل: 06-06-2002
مجموع المشاركات: 4473

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: rani)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2003, 11:40 PM

WAD ELGAALI#4
<aWAD ELGAALI#4
تاريخ التسجيل: 07-11-2002
مجموع المشاركات: 1993

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: rani)

    ما كان موجود لكن هسع جا اها مشينا نتعشى لقناهو ليك قاعد قال ما لكم خلعتونى اتاريهو كان ميت لكن بهضرب ان الموتى اشرف الاحياء ولا حياة لمن تنادى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2003, 07:42 PM

طارق اسماعيل
<aطارق اسماعيل
تاريخ التسجيل: 01-20-2003
مجموع المشاركات: 423

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: دعوة لمحبي مصطفى سيد أحمد (Re: WAD ELGAALI#4)

    عفيف اسماعيل يارائع
    (لك منى الحب والسلام والتحيه ومن معروف وفضل وجعفر (المسلميه




    د.طارق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de