والله ياشيبه انت بتنكت حاجات عجيبه وشكرا ياخي ده توثيق جميل جدا وعليش انا كنت غايب اضطراريا لكن معجب جدا بشكل اهتمامك بالراحل المقيم مصطفي الله يديك العافيه
02-25-2003, 09:17 PM
sheba sheba
تاريخ التسجيل: 12-15-2002
مجموع المشاركات: 1874
العزيز شيبه الكلام الجيي ده مهم مصطفي كان من اكثر الناس تندرا علي ذاكرة الموصلي الخربه واذا انا نسيت اي حاجه بتخصو كان بيقول لي نعمل شنو مع ذاكرة الجداده وقال لي الجداده نسايه كلما تجي تاكل من المرمي في الارض وينهروها كر تجري بعيد وتنسي النهره وتجي راجعه تاني تخيل روح النكته عندو وبعدين مرات يكون عندو مزاج يعزف اغنياتي عشان يشرك لي اغني وانا كنت من الصعب انك تخليني اغني وكان يقول لي تعال نعزف غناك الزي الشعيريه ده وده كنايه عن صعوبة الحاني عندما تعزف بالعود اللهم ارحم راحلنا العزيز الخالد فنا وتسلم ياشيبه
02-26-2003, 11:10 AM
sheba sheba
تاريخ التسجيل: 12-15-2002
مجموع المشاركات: 1874
العزيز الموصلى لك التحايا ويا ريت لو تحكى لينا بصورة اكتر عن حكاياتك مع الراحل واكيد هناك الكثير والمثير خصوصا ان مصطفى معروف ان له مع الخرين حكايات بعضها مضحك ينم على روح المرح لديه
ودمت
02-26-2003, 11:48 AM
Elmosley Elmosley
تاريخ التسجيل: 03-14-2002
مجموع المشاركات: 34683
الأستاذ الفنان / الموصلي بالمناسبة ممكن سيرة ذاتية بسيطة عنك يعني نشأتك المراحل الدراسية؟؟؟ الخلاك تحب الموسيقى شنو؟؟؟؟ هل تأثرت ببيئة محددة في صغرك ساهمت في تنمية موهبتك؟؟ ولو ما كنت موسيقي كنت حتكون شنو ؟؟؟ وليه؟؟؟؟
وليكن أيضاً جانب توثيقي لك مع توثيقنا لمصطفى سيد أحمد
دمت مع تحياتي نادر
02-26-2003, 01:08 PM
Elmosley Elmosley
تاريخ التسجيل: 03-14-2002
مجموع المشاركات: 34683
اخي نادر الحقيقه نحن كنا اصدرنا سلسله اسمها اهل المغني للتوثيق لفناني السودان وكانت اول ثلاث اصدارات لوردي ومصطفي وشخصي ولكن حدثت فرمله وقتها للكتب بع ان وصلت مطار الخرطوم وبعدها نشر ايضا الاستاذ صلاح الباشا سلسه من المقالات عن شخصي عموما فكرتك جميله ورائعه وفور الانتهاء من موضوع مصطفي يمكن ان نبدأ تاني بالموصلي فهناك الكثير الذي فات علي ذكره تسلم
02-26-2003, 08:01 PM
sheba sheba
تاريخ التسجيل: 12-15-2002
مجموع المشاركات: 1874
عزيزي شيبه ايه رايك ارسل ليك نسخه من الكتاب بتاع اهل المغني عن مصطفي وتبدا انت في الطباعه والتنزيل اصلي طباعتي بطيئه كابو القدح زائدا المشغوليه ولكن ده حيخلينا نضيف الكتير ايه رايك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
sheba
اسامة الخاتم
Elmosley
intehazy
فيس بوك
تويتر
انستقرام
يوتيوب
بنتيريست