في ذكري آخر مكالمة تلفونية مع مصطفي سيد أحمد سامحني فلقد قصرت في حقك

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 09:59 AM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
15-01-2003, 07:27 AM

Mutwakil Mahmoud
<aMutwakil Mahmoud
تاريخ التسجيل: 13-04-2002
مجموع المشاركات: 470

للتواصل معنا

FaceBook
تويتر Twitter
YouTube


في ذكري آخر مكالمة تلفونية مع مصطفي سيد أحمد سامحني فلقد قصرت في حقك

    اليوم14/1/96
    الساعة الواحدة صباحا لوس أنجيليس كالفورنيا
    الساعة الواحدة صباحا الدوحة قطر
    محادثة هاتفية
    ............011974
    آلو منو
    مصطفي يا دكتور متوكل
    أهو كويس عرفتني طوالي
    معقول صوتك يغبي علي
    الله يخليك يامصطفي ...طمني علي صحتك
    اهو الحمدلله عايشين وبنصارع
    ليه صوتك كده ماتضعف أنت راجل شجاع
    يادكتور...
    معليش يامصطفي والله صدقني كلنا حاسين بألامك بس شد حيلك وانشاء الله كل شئ يكون تمام بالأمس كنت أتكلم مع زميلي وأخي الأكبر د.عمر عبود وأخبرته أن أخصائي أمراض الكلي وجراح زراعة الكلي هنا معنا في جامعة UCLA والوحيدين في العالم الذين لهما أحسن النتائج في مثل حلتك هذه قد راجعا الملف الطبي بتاعك وهم علي درجة عالية من الثقة بمقدرتهم في التحكم بحالة البطن ونسبة ال Cure فيها عالية ومن ثم الزراعة تكون سهلة خالص وناجحه بأذن الله
    أنشاء الله يادكتور متوكل بس أنت ماعارف الشئ ده بيطحن في بطني كيف الله لاوراه لزول
    صدقني يامصطفي والله عمر وأنا عارفين بس ده التلفون الثالث مني ولي هسع ماعارف حتجيني متين وريني الحاصل شنو ومنتظر شنو
    منتظر الشفاعه يا دكتور متوكل
    الشفاعه؟ الشفاعه من منو ؟وفي شنو؟
    خليها في سرك يادكتور
    لاماحأخليها في سري أنا طبيب ولازم أعرف الحاصل شنو والممكن شنو أنا ود.عمر والأخوة عمله من هنا يامصطفي أنت عارف أحنا بنسابق بيك الزمن بالله سيب طيبتك وخجلك ده وكلمني المشكله شنو والأ ما حأضرب تاني
    ماتزعل يادكتور المشكله الباسبورت
    الباسبورت؟باسبورت منو؟
    باسبورتي أنا يا دكتورمحجوز
    يامصطفي باسبورتك السوداني محجوز
    أيوه يادكتور متوكل
    منو الحاجزوا وليه؟
    قصه طويله
    شئ يحير بالله عليك الله وريني ديل منو والسبب شنو عشان هنا من أمريكا أسل لساني وأوديها لكل الجرائد والمجلات الأمريكية عشان العالم كله يعرف أنو فنان بقامتك كده ومريض في حالتك دي باسبورته محجوز عايزين منك شنو
    عشان عارفك عمرابي أحمق ماكنت عايز أكلمك لكن حأقول ليك بقدر ماأستطيع بس أنت أسمع وماتعلق عشان ما تعقد الأمور
    طيب يامصطفي وريني الحاصل شنو الله يرضي عليك
    يادكتور بأختصار شديد لازم أدفع مبلغ 40 ألف دولار قبل ما يدوني الباسبورت
    40 ألف دولار لشنو ؟
    جزء من أجرة الغسيل والأدوية
    بالله يامصطفي وصلت كده ؟ يحجزوا علي باسبورت مريض ذيك عشان ما قادر يدفع قروش؟
    والله ده الحاصل يا دكتور
    طيب يامصطفي أخوانك السودانيين في الغربه عملوا شنو؟
    والله المساعي جاريه
    جاريه مع منو ؟ وبيحنسوا في منو؟ولشنو؟
    لو ماعندهم القدره وده كلام أنا ماقادر أفهمه طيب يخلوك كان تعمل حفلات وتدفع قروشهم من عرق جبينك ولاجميلة أي واحد فيهم
    اهه يادكتور ماتتحمق تصدق أنا طلبت منهم يدوني باسبورتي أمشي بيهو الأمارات أعمل حفلات وأدفع ليهم قروشهم
    والحصل شنو؟
    برضوا رفضوا
    يامصطفي الماسك باسبورتيك منو بالتحديد؟
    اهه فورت ذي أي سوداني ذي ماقلت ليك عارفك عمرابي أحمق لو وريتك عاوز تعمل شنو؟
    أنت بس مالك وريني وأنا بتصرف
    بوريك بس ماهسع
    ليه؟
    لأنه في مساعي جاريه
    ده كلام فارغ سيبني من المساعي والزول الزيك لو في بلادنا في ذره من التقدير للفن كان يعمله ليه تمثال مش يحجزوا باسبورته أصلها جبانه هايصه وعشان كده ما حتقوم لينا قايمه مش لو جانا بترول والله لو قلبو ليهم البحر طحنيه ما منهم فايده
    يادكتور اهه ولعت حاسب علي كلامك شوية أحنا ما في السودان
    ولابحاسب ولاحاجتين
    عارفك عمرابي أحمق ...أقول ليك وعد أديني أيام وحاأحلها صدقني يا دكتور
    مصطفي الله يرضي عليك مافي زمن أنت عارف نحنا بنسابق الزمن بمرضك ده وأنت عارف عندك شنو
    عارف يادكتور
    طيب يامصطفي حأديك 72 ساعه وبعدها
    وبعدها حتسوي شنو يعني حتسوي أنقلاب ها.هاهاها .ها
    والله ياكا مصطفي بتضحك حتي في لحظات الألم الشديد والظلم والله أنا عايز أطرشق هسع
    عارفك كدي بالله خلينا أنا رسلت ليك شرائط وفيديوين جميلات وصلوك
    أيوه وصلوا والله من التعب لسه ماشفتهم ولاسمعتهم خليك من الشرائط يلا أنتهي وقوم تعال بسرعه أنا راجيك
    حاضر يادكتور ربنا يخليك ويحفظك لينا
    ربنا يحفظك ويخليك لينا أنت السودان ممكن يجيب مليون ذي متوكل لكن ماأظن يجيب واحد ذيك بالساهل تاني
    أفو يادكتور سودانا عظيم وحيجيب مليون ذي مصطفي ده شعب ترهاقا ومهيره بس أصبروا
    يلا يا مصطفي أنا ماشي أنوم الساعه بقت أثنين صباحا
    بالله الساعه أتنين صباحا في أمريكا وانا عندي ظهر وحاأتغدي بي باميه وتقول لي العسيلات تحذر أمريكا
    هاهاهاها الله يجازيك يامصطفي شفتها في صوره في جريدة الشرق الأوسط أمبارح
    بالله شفتها يادكتور
    مصطفي أي شفتها أيوه العسيلات تحذر أمريكا أصلوا الكلام بقروش يلا تصبح علي خير أنا في أنتظار مكالمتك بعد 72 ساعه فقط
    حاضر جنابك
    تصبح علي خير
    وأنت سالم يا دكتور


    أحبائي أحباء مصطفي في يوم 17 يناير ذكري وفاة الراحل الرائع سوف أشارككم المحادثة الأخيرة التي كنت أتمني أن لا أسمعهاأوأن تغطس بي الأرض
    آخ يامصطفي سامحني أن أقلقت مضجعك فلقد قصرت في حقك أغفر لي تقصيري وفشلي لأنقاذك فنحن مثلك بشر من تراب وطين

    (عدل بواسطة Mutwakil Mahmoud on 15-01-2003, 06:29 PM)

                   |Articles |News |مقالات |بيانات

15-01-2003, 07:43 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)


    العزيز د0متوكل

    من الذى اغتال مصطفى سيد احمد مساءالاربعاء 17 يناير 1996..

    لاأظنه مرض الكلى ..

    كلنا قتلناه لأنه ظل يعطينا كالنهر ونحن نقتات

    من دمه النحيل ولا نرتوى أبداً , بل نطالبه بالمزيد ولا نرد هذا

    العطاء إلاّ نهماً فظاً , نمتصه ألف مرة "بدراكولية " أصيلة لا تعرف

    سوى النهش المزمن ولا زالت فقد كنا نغنى معه أوان الصراخ ..والآن

    نبكى معه أون الغناء

    ..

    (عدل بواسطة sheba on 15-01-2003, 09:37 AM)

                   |Articles |News |مقالات |بيانات

15-01-2003, 09:22 AM

azza

تاريخ التسجيل: 16-12-2002
مجموع المشاركات: 606

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)


    ما هذا يا كتور متوكل لقد حجبت دموعى الشاشة
    نعم نحن يا شيبة تحدث يا دكتور متوكل فلست وحدك
    عرينا و افضحنا
    بس مصطفى مسامحنا لانو اسمح مننا
    مش قال لو مني مستني الملام يا سلام عليك يا سلام
    و يا ريتو ما يسامحنا

    بالله 40000 دولار بس
    راجع البوست دا
    What they get and what sudan gets ? علي ماذا يحصلون و علي ماذا يحصل السودان
    اقل رصيد 9 مليون او خمسين مليون
    وارجع و اقول برضو قتلنا نحنا
                   |Articles |News |مقالات |بيانات

15-01-2003, 09:59 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: azza)

    د. متوكل احى فيك الاحاسيس النبيله
    وحقيقة مصطفى الله يرحمه يستحق كل الاخلاص والتقدير والاحترام
    لكل ما قدمه من اغنيات رغم المعناه الحقيقيه التى كان يعيشها
    لك التقدير
    واحى الاخ شيبا
    وعزه لى مثابرتهم
    وكتاباتهم
    احييكم ا
                   |Articles |News |مقالات |بيانات

15-01-2003, 10:17 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27310

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)

    الحبيب متوكل

    لك السلام والمعزة

    عم عبد الرحيم القطر!!


    .....


    صحي الموت سلام

    ما يغشاك شر

    ====
    لك الشكر على إهدائنا هذه الدموع، فإن الدموع غسيل الأرواح المتعبة من عناء البقاء في واقع ظالم

    "الذين قال لهم الناس ، إن الناس قد جمعوا لكم فزادهم إيمانا، وقالوا: حسبنا الله ونعم الوكيل.. فانقلبوا بنعمة من الله وفضل لم يمسسهم سوء واتبعوا رضوان الله.. والله ذو فضل عظيم"


    يا مثقفي البورد

    من يولي دبره مصارع الحرية
    عيشته دنية
    ميتته دنية
    ====
    علينا بمقاومة الدولة التي تتمتمرس خلف شعار الشريعة.

    يا دكتور

    أنا والله العظيم كفني جاهز، لمن صاحب الأمانة يأخذ أمانته، توب دمور جاءني هدية من أحد أخواني.. وقد أوصيت أنه عند موتي لا أريد أكثر من أن أدفن في أقرب مقابر لإحدى بلديات المدينة، ولا أريد أن أدفن في سودان يحكمه هؤلاء الظالمين القتلة اللصوص..

    خليناهو ليهم حيين وميتين
                   |Articles |News |مقالات |بيانات

15-01-2003, 12:15 PM

اسامة الخاتم
<aاسامة الخاتم
تاريخ التسجيل: 28-09-2002
مجموع المشاركات: 2340

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)


    آه
                   |Articles |News |مقالات |بيانات

15-01-2003, 12:37 PM

kofi


للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)

    وتانى
    اه
                   |Articles |News |مقالات |بيانات

15-01-2003, 02:04 PM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)

    تموت الحروف، يضيع الكلام
    وتبقىالحسرة
    لك ولنا الله يا دكتور

    سحابات الهموم يا ليل
    بكن بين السكات والقول
    وباقات النجوم الجن يعزن
    في مطر فاتن عزاك رجعن
    وصوت زكراك زمات مشدود
    علىاوتار خيول هجعن
    وصوت ذكراك مكان يسري
    يلاقي السيل
    وسر مكتوم في صدر النيل
    الدوش
                   |Articles |News |مقالات |بيانات

21-02-2003, 11:28 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)

    نعم

    كلنا قتلناه
                   |Articles |News |مقالات |بيانات

07-05-2003, 05:21 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: في ذكري آخر مكالمة تلفونية مع مصطفي سيد أحمد سامحني فلقد قصرت في حقك (Re: Mutwakil Mahmoud)

    كل الرائعون

    اليكم نص المحادثتين ل د.متوكل مع مصطفى و د. عبود



    اليوم14/1/1996
    الساعة الواحدة صباحا لوس أنجيليس كالفورنيا
    الساعة الواحدة صباحا الدوحة قطر
    محادثة هاتفية
    ............011974

    - آلو منو
    - مصطفي يا دكتور متوكل
    - أهو كويس عرفتني طوالي
    - معقول صوتك يغبي علي
    - الله يخليك يامصطفي ...طمني علي صحتك
    - اهو الحمدلله عايشين وبنصارع
    - ليه صوتك كده ماتضعف أنت راجل شجاع
    - يادكتور...
    - معليش يامصطفي والله صدقني كلنا حاسين بآلامك بس شد حيلك وانشاء الله كل شئ يكون تمام بالأمس كنت أتكلم مع زميلي وأخي الأكبر د.عمر عبود وأخبرته أن أخصائي أمراض الكلي وجراح زراعة الكلي هنا معنا في جامعة .. UCLA.. والوحيدين في العالم الذين لهما أحسن النتائج في مثل حلتك هذه قد راجعا الملف الطبي بتاعك وهم علي درجة عالية من الثقة بمقدرتهم في التحكم بحالة البطن ونسبة ال ..Cure.. فيها عالية ومن ثم الزراعة تكون سهلة خالص وناجحه بأذن الله
    - أنشاء الله يادكتور متوكل بس أنت ماعارف الشئ ده بيطحن في بطني كيف الله لاوراه لزول
    - صدقني يامصطفي والله عمر وأنا عارفين بس ده التلفون الثالث مني ولي هسع ماعارف حتجيني متين وريني الحاصل شنو ومنتظر شنو
    - منتظر الشفاعه يا دكتور متوكل
    - الشفاعه؟ الشفاعه من منو ؟وفي شنو؟
    - خليها في سرك يادكتور
    - لاماحأخليها في سري أنا طبيب ولازم أعرف الحاصل شنو والممكن شنو أنا ود.عمر والأخوة عمله من هنا يامصطفي أنت عارف أحنا بنسابق بيك الزمن بالله سيب طيبتك وخجلك ده وكلمني المشكله شنو والأ ما حأضرب تاني
    - ماتزعل يادكتور المشكله الباسبورت
    - الباسبورت؟باسبورت منو؟
    -باسبورتي أنا يا دكتورمحجوز
    - يامصطفي باسبورتك السوداني محجوز
    - أيوه يادكتور متوكل
    - منو الحاجزوا وليه؟
    - قصه طويله
    - شئ يحير بالله عليك الله وريني ديل منو والسبب شنو عشان هنا من أمريكا أسل لساني وأوديها لكل الجرائد والمجلات الأمريكية عشان العالم كله يعرف أنو فنان بقامتك كده ومريض في حالتك دي باسبورته محجوز عايزين منك شنو
    - عشان عارفك عمرابي أحمق ماكنت عايز أكلمك لكن حأقول ليك بقدر ماأستطيع بس أنت أسمع وماتعلق عشان ما تعقد الأمور
    - طيب يامصطفي وريني الحاصل شنو الله يرضي عليك
    - يادكتور بأختصار شديد لازم أدفع مبلغ ..40.. ألف دولار قبل ما يدوني الباسبورت
    40.. - .. ألف دولار لشنو ؟
    - جزء من أجرة الغسيل والأدوية
    - بالله يامصطفي وصلت كده ؟ يحجزوا علي باسبورت مريض ذيك عشان ما قادر يدفع قروش؟
    - والله ده الحاصل يا دكتور
    - طيب يامصطفي أخوانك السودانيين في الغربه عملوا شنو؟
    - والله المساعي جاريه
    - جاريه مع منو ؟ وبيحنسوا في منو؟ولشنو؟
    - لو ماعندهم القدره وده كلام أنا ماقادر أفهمه طيب يخلوك كان تعمل حفلات وتدفع قروشهم من عرق جبينك ولاجميلة أي واحد فيهم
    - اهه يادكتور ماتتحمق تصدق أنا طلبت منهم يدوني باسبورتي أمشي بيهو الأمارات أعمل حفلات وأدفع ليهم قروشهم
    - والحصل شنو؟
    - برضوا رفضوا
    - يامصطفي الماسك باسبورتيك منو بالتحديد؟
    - اهه فورت ذي أي سوداني ذي ماقلت ليك عارفك عمرابي أحمق لو وريتك عاوز تعمل شنو؟
    - أنت بس مالك وريني وأنا بتصرف
    - بوريك بس ماهسع
    - ليه؟
    - لأنه في مساعي جاريه
    - ده كلام فارغ سيبني من المساعي والزول الزيك لو في بلادنا في ذره من التقدير للفن كان يعمله ليه تمثال مش يحجزوا باسبورته أصلها جبانه هايصه وعشان كده ما حتقوم لينا قايمه مش لو جانا بترول والله لو قلبو ليهم البحر طحنيه ما منهم فايده
    - يادكتور اهه ولعت حاسب علي كلامك شوية أحنا ما في السودان
    - ولابحاسب ولاحاجتين
    - عارفك عمرابي أحمق ...أقول ليك وعد أديني أيام وحاأحلها صدقني يا دكتور
    - مصطفي الله يرضي عليك مافي زمن أنت عارف نحنا بنسابق الزمن بمرضك ده وأنت عارف عندك شنو
    - عارف يادكتور
    - طيب يامصطفي حأديك 72 ساعه وبعدها
    - وبعدها حتسوي شنو يعني حتسوي أنقلاب ها.هاهاها .ها
    - والله ياكا مصطفي بتضحك حتي في لحظات الألم الشديد والظلم والله أنا عايز أطرشق هسع
    - عارفك كدي بالله خلينا أنا رسلت ليك شرائط وفيديوين جميلات وصلوك
    - أيوه وصلوا والله من التعب لسه ماشفتهم ولاسمعتهم خليك من الشرائط يلا أنتهي وقوم تعال بسرعه أنا راجيك
    - حاضر يادكتور ربنا يخليك ويحفظك لينا
    - ربنا يحفظك ويخليك لينا أنت السودان ممكن يجيب مليون ذي متوكل لكن ماأظن يجيب واحد ذيك بالساهل تاني
    - أفو يادكتور سودانا عظيم وحيجيب مليون ذي مصطفي ده شعب ترهاقا ومهيره بس أصبروا
    - يلا يا مصطفي أنا ماشي أنوم الساعه بقت أثنين صباحا
    - بالله الساعه أتنين صباحا في أمريكا وانا عندي ظهر وحاأتغدي بي باميه وتقول لي العسيلات تحذر أمريكا
    - هاهاهاها الله يجازيك يامصطفي شفتها في صوره في جريدة الشرق الأوسط أمبارح
    - بالله شفتها يادكتور
    - مصطفي أي شفتها أيوه العسيلات تحذر أمريكا أصلوا الكلام بقروش يلا تصبح علي خير أنا في أنتظار مكالمتك بعد 72 ساعه فقط
    - حاضر جنابك
    - تصبح علي خير
    - وأنت سالم يا دكتور

    .................
    أحبائي أحباء مصطفي سوف أشارككم المحادثة الأخيرة التي كنت أتمني أن لا أسمعه أو أن تغطس بي الأرض

    الساعة الرابعة صباحا لوس أنجيليس كالفورنيا
    الساعة الرابعة ظهرا الدوحة قطر السابع عشر من يناير
    رن رن ...رن رن...رن رن...رن رن
    -متوكل ...الو ياسلام يامصطفي والله في مواعيدك ذي ما وعدت أهه انشاء الله تكون حليت مشكلة الباسبورت وجايني متين أنا منتظرك ياخي يلا تعال
    - د .متوكل أنا ما مصطفي أنت منتظر منه محادثة والاشنو؟
    - أيوه ...أنت منو؟
    - الله ماعرفتني أنا د. عمرعبود
    - معليش يادكتور عمر أصلوانا متوقع تلفون من مصطفي يوريني فيه جاييني متين علي حسب ال أنت وأنا بنجهز ليهو فيه
    - متوكل هو مواعدك الليله دي عشان يوريك حيجيك متين؟
    - أيوه يادكتور عمر لأنو أنا أصريت علي كده ما أنت عارف نحن بنسابق بيهو الزمن ليه الحاصل شنو؟

    - متوكل شد حيلك وانشاء الله البركه فيك مصطفي أتوفي.....

    - الو ...الو...متوكل أرفع السماعه الو الو متوكل شد حيلك وأرفع السماعه خليني أحكي ليك الحصل شنو
    الو الو الو الو طيب يامتوكل حأتكلم معاك وقت تاني أنا عارف كيف الخبر ده حيكون صعب عليك في الغربة بس شد حيلك يلا أضرب لي لمن تكون عاوز تتكلم أنا حأنتظرك
    ...................................
    وما مشيت معاك كل الخطاوي الممكنه والبقدر عليها وبعرفها
    وما أوفيته ...وقصرت في حقك وياريت لو كانت عرفه غيرك أصادفها
    لا لا لا لا لا لا يامتوكل ليست هذه هي الابيات التي تغني وأشجانا بها مصطفي وأصبحت محفورة في ذاكرة معجبيه
    لاأنت ولا أي أحد أخر يملك الحق أو الجرأة في تغيير هذه الموناليزيا السودانية الرائعة والتي سكب فيها عبقرية موهبته الفنيةوالتي حباه بهاالله وصب عليهاعصارةأحساسه ومعانة الآم مرضه الفتاك ليأتي أبو هديل ويحرق فيها دم قلبه ويأتونا بماء من القمر
    يا متوكل أنت لاتملك هذا الحق وأن وصلت أقصي درجات الحزن والألم أو أن هويت الي قاع الضعف والوهن
    حاشا لله لا لم ولن يكون هذا مايريده مصطفي
    فود سلفاب لاتلد الاالرجال
    وخصال أهل ودسلفاب ما هي الا خصال الأبطال
    ألم تري كيف كان مصطفي شامخا في فنه ونضاله ومرضه
    ألم تسمع عزه تقول
    بس مصطفى مسامحنا لانو اسمح مننا
    مش قال لو مني مستني الملام يا سلام عليك يا سلام
    يا عزه أعذريني فلقد نسيت هذه الأبيات فكم أنا وشيبا أحوج لها
    صدقيني ياعزه هذه الأبيات هي مصطفي السمح المتسامح
    خلاص يا عزه
    ومشيت معاك كل الخطاوي الممكنه والبقدر عليها وبعرفها
    أوفيتها ما قصرت في حقك ولا كان عرفه غيرك أصادفها
    لامنك ابتدت الظروف ولابيك أنتهت الآماني المترفه
    ياشيبا لنوثق ونحمل ومعنا أبوهديل وعطبراوي وكوستاوي وعزه وأسامه الخاتم وكوفي وكل أحباء مصطفي هذه الآ ماني المترفه أقيفوا معانا نشيل كتف الغني الميل

    اللهم أن كان مسيئا فتجاوز عن سيئاته وأن كان محسنا فزد في حسناته
    اللهم أسكنه دارا خيرا من داره ولا تحرمنا من أجره ولاتشقنا من بعده
    وأستره بسترك الجميل الذي سترت به ذاتك فلا عين تراك ولاأذن تسمعك آمين يارب


    أخوكم د. متوكل


                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de