عم عبدالرحيم-حميد -مصطفى- اهداء خاص الى مهيرة بت عبود

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-10-2018, 08:00 AM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-04-2003, 07:14 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


عم عبدالرحيم-حميد -مصطفى- اهداء خاص الى مهيرة بت عبود



    عم عبد الرحيم - محمد الحسن حميد اهداء خاص الى مهيرة بت عبود

    Quote:

    اعتذار وتنويه :-
    نسبة لطول الاغنية وحجمها حوالى 826 كيلو بايت ..من نوع ريل بلير .. ولان سودانيز اون لاين تسمح برفع الملفات الصوتية الى اقصى حد حوالى650 كيلو بايت لذا كان لا مفر من ان يتم تقسيم الاغنية الى جزاين

    يمكن الضغط على زر التشغيل فى رمز مشغل الريل بلير للاستماع

    هذا ما لزم التنويه اليه مع خالص شكرى وتقديرى



    الجزء الاول من الاغنية يعمل تلقائيا ويمكن ضغط السهم


    الجزء الثانى من الاغنية لا يعمل الاعند الضغط على السهم




    عم عبد الرحيم
    محمد الحسن حميد
    -****-
    فتاح يا عليم
    رزاق يا كريم
    صلى على عجل
    همهم همهمة
    حصن للعباد
    وهوزز سبحتو
    ودنقر للتراب
    هم فوق هم همـة
    صنقع للسما
    وكان فى الجو
    فى غيم
    وكم نجمات بعاد
    وكان الدنيا صيف
    لا قالتو كيف
    كيف اصبحت كيف
    لا لمسة حنان
    لا لمسة وداد
    لا رمشة طريف
    من قلبا وفى
    زى ايام زمان
    ايام الدفى
    ***********
    كانت ماهـا فى
    كانت فى المراح
    شدتـلـو الحمار
    تحلب فى الغنم
    لى شاى الصباح
    والطير ما نضم
    ما رسل نغم
    عم عبد الرحيم
    اتوكل نزل
    فى المشرع لقا
    زملان الشقا
    الجا من الجريف
    الجا من الجبل
    عل الناس بخير
    صبح هاظرم
    نقنق ناقرم
    غاظوه نعل
    وعم عبد الرحيم
    ما بخبر زعل
    كل الناس هنا
    ما بتخبر زعل
    تزعل من منو
    وتزعل فى شنو
    كل الناس حنان
    كل الناس صحاب
    كل الناس اهل
    والماهم قراب
    قربم العمل
    الطاق اليطق
    عشت ابو الزمل
    بالحالة العليك
    بالفال بالامل
    **********
    عم عبد الرحيم
    كت فتاح فى يوم
    فى ايدك تنوم
    على كيفك تقوم
    لا دفتر حضور
    لا حصة فطور
    تقرع بالقمر
    تزرع بالنجوم
    لكن الزمن دوار آ بدوم
    عم عبد الرحيم
    ماشى على الشغل
    فى البال القديم
    اتعارض تكل
    تنشايح جراح ..
    يا كيف الغسل ؟
    الدنيا ام صلاح
    تبدأ من التكل
    من حج الصباح
    فى حق الملاح
    فى اللبس الجديد
    فى القسط القديم
    وبيناتن عشم
    فى الفرج البعيد
    ***********
    امونة الصباح
    قالتلو النعال
    والطرقة انهرن
    ما قالتلو جيب
    ما قالتلو جيب
    شيلن يا الحبيب
    غشهن النقلتى
    والترزى القريب
    بس يا ام الحسن
    طقهن آبفيد !!
    طقهن آبزيد !!
    انطقن زمن
    وان طق الزمن
    لازمك توب جديد
    وبى اية تمن
    غصبًا للظروف
    والحال الحرن
    شان يا ام الرحوم
    ما تنكسفى يوم
    لو جاراتنا جن
    مارقات لى صفاح
    او بيريك نجاح
    ده الواجب اذن
    وايه الدنيا غير
    لمة ناس فى خير
    او ساعة حزن
    **************
    عم عبد الرحيم يا حر
    ماكا حر
    ياريت التمر
    يا ريت لو يشيل
    كل تلات اشهر
    والله ايام زمان
    كانت ما تمر
    كان ما جاك هوان
    ما لاقاكى ضر
    كان لا ضقت ضيق
    لا اتغرغر فقر
    لا شابيت غريق
    لا طلوح صبر
    وكان ما كان وكان
    كان اكسيكى در
    *******
    حيكومات تجى
    وحيكومات تغور
    تحكم بالحجى
    بالدجل الكجور
    ومرة العسكرى
    كسار الجبور
    يوم باسم النبى
    تحكمك القبور
    تعرف يا صبى
    مرة تلف تدور
    ولا تقول برى
    او تحرق بخور
    هم يا الفنجرى
    يا الجرف الصبور
    كل السقتو ما
    باقى على التمور
    وارضك راقدة بور
    لا تيراب وصل
    لا بابور يدور
    والماهية اف
    عيشة هاك وكف
    فى هذا الزمن
    تب يا دنيا تب
    فى هذ الزمن
    تف يا دنيا تف
    يا العبد الشقى
    ما اتعود شكى
    لكن الكفاف
    فوقك منتكى
    والسوق فيك ياسوق
    حالا ما تسر
    الا كمان فى ناس
    فايتاك بالصبر
    ساكنين بالايجار
    لا طين لا تمر
    واحدين بالايجار
    ما لا قين جحر
    سلعتم الضراع
    والعرق اليخر
    عمال المدن
    كلات الموانى
    الغبش التعانى
    بحارة السفن
    حشاشة القصوب
    لقاطة القطن
    الجالب الحبال
    الفطن الفرن
    الشغلانتو نار
    والجو كيف سخن
    فرقاً شتى بين
    ناس عيشا دين
    مجرورة وتجر
    تقدح بالاجر
    ومرة بلا اجر
    عيشهم كمهو
    ديل شوف كمهم
    وديل شوف هان قدر
    *********
    وناسا حالا زين
    مصنع مصنعين
    طين فى طينو وين ؟
    ما مرابو مر
    بارد همها
    لا بعرق جبين
    لا وشا يصر
    عين والله عين
    كلها كمها
    عزها هان قدر
    دى الجنة ام نعيم
    الجنة ام قصر
    يا عبد الرحيم
    الا ورا القبر
    يلكد فى الحمار
    لا تسرح كتر
    وان كان الفقر
    يا عبد الرحيم
    اشبه بالكفر
    ***********
    حكومات تجى
    وحكومات تغور
    تحكم بالحجى
    بالدجل الكجور
    ومرة العسكرى
    كسار الجبور
    يوم باسم النبى
    تحكمك القبور
    تعرف يا صبى
    مرة تلف تدور
    ولا تقول برى
    او تحرق بخور
    هم يا الفنجرى
    يا الجرف الصبور
    كل السقتو ما باقى
    على التمور
    وارضك راقدة بور
    لا تيراب وصل
    لا بابور يدور
    *********
    نقرط للحمار
    نقريط الحمار
    لا تنسى النعال
    الطرقة ، الخدار
    اللبس الجديد
    تسريح السفر
    للماشى الصعيد
    ماشى الديش نفر
    والبــال اشتغل
    والبال اشتعل
    ب الابا مايعيد
    الحول ما اشتغل
    الغبن الشديد
    السابة ورحل
    الضيق المحل
    الفرج القريب
    الجا وما وصل
    زى الحال دة يوم
    لا كان لا حصل
    والبال اشتغـل
    *************
    السكة الحديد
    يا عم القطر
    يا عبد الرحيم
    قدامك قطر
    وسال الدم مطر
    وطارت دمعتين
    وانشايح وتر
    يا طاحن الخبر
    ما بين القضا
    ومرحاكة القدر
    الشهدو الدموم
    و الدمع الهدر
    ايدهم فى التراب
    والعين فى القطر
    عارفين الحصل
    عارفين فى حذر
    الخبر اليقين
    بوخ وانتشر
    اطفال القرى
    وعمال الحضر
    ادوهو الطيور
    ودنو البحر
    انصاع السحاب
    وادفق مطر
    عم عبد الرحيم
    فى الشارع عصر
    لى تالا اليسار
    متفادى الكجر
    عربية الكجر
    دوية الكجر
    جفلت الحمار
    وطوح زى حجر
    وعم عبد الرحيم
    اتلافا القطر
    فتاح يا عليم
    سال الدم مطر
    جرتق بالتراب
    منشور بكتاب
    روشتة وجواب
    ماهية شهر
    مفتاحا قراب
    اورنيقين سهر
    جم لبدة حمار
    مقطوعين ضهر
    عم عبد الرحيم
    يا كم من بشر
    عم عبد الرحيم
    يا كم من بشر
    صحى الموت سلام
    ما يغشاك شر
    صح فى الموت سلام
    ما يغشاك شر
    **********

    (عدل بواسطة sheba on 26-04-2003, 07:51 AM)

                   |Articles |News |مقالات |بيانات

26-04-2003, 12:37 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    يااااااااااااه يا شيبا
    يااااه منك ومن روعتك ومن حاجاتك البترد الروح دي
    دخلت البورد بعد غيبة لقيتو ليك ملان عك عك من العيار التقيل قررت أغيب تاني ما أصلو دي واحدة من القرارات البتملك إرادتك فيها إنك تغيب من البورد

    يا شيبا حليل الزمن الفيهو ناس أمثالك

    لمتين نقعد نحا في سقوطنا المريع ده؟؟
    لمتين نكون ما قدر أي مسئولية إلا اللغط والكلام اللايجيب ولا يودي؟؟؟
    ياخي شكراً ليك إنو بترد بعض الروح فينا شكراً ليك كثير

    تعرف أحسن حاجة الواحد بس يشوف بوستاتك دي ويسقف على كده

    نحفظ لك الكثير بما يشبه روعتك

    دمت مع محبتي وخالص تقديري واحترامي
    نادر
                   |Articles |News |مقالات |بيانات

30-05-2003, 05:58 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    الاخت مهيرة


    عاطر التحايا

    ردا على رسالتك عبر الماسنجر

    البوست دة كان اول طلب اجيب عليهو من طلبات البورداب عن اغانى مصطفى

    ويمكن تشوفى تاريخ البوست كان يوم كم
    26/4/2003

    يعنى قبل شهر و5 ايام انا لبيت طلبك
    وهسة انا جبتو من الصفحة الثامنة تقريبا

    عشان خاطرك

    اتمنى ان اكون فلت من اللوم والعتاب
    واكون ما اتجاهلت رغبتك

    اتمنى ان اكون قد اوفيت


    خالد

    (عدل بواسطة sheba on 30-05-2003, 06:12 AM)
    (عدل بواسطة sheba on 31-05-2003, 06:42 PM)

                   |Articles |News |مقالات |بيانات

04-06-2003, 02:55 PM

Mehaira


للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    Dear Sheba,
    You have taken the responsibility of keeping these treasured works for Mustafa Sid Ahmed alive, and what a wonderful job you've done. Please accept my gratitude and appreciation for all your work.
    I apologize for not seeing this post before; I guess I was looking in the wrong place. As what Yaho_Zato said, for me too listening to 3am 3abd Alraheem was what made me drawn to Mustafa Sid Ahmed. The description in this song was as if an artist was making a painting in front of my eys, and I could see it piece-by-piece, and color-by-color.
    So, one more time, thanks much and keep up the great work.
    Mehaira Bit Aboud
                   |Articles |News |مقالات |بيانات

31-05-2003, 06:43 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    الحبيب نادر

    سلام كتير وكلامى معاك ما بينتهى

    لنا لقاء قريب يا صديق الرهافة

    وبجيك راجع تانى


    ......
                   |Articles |News |مقالات |بيانات

01-06-2003, 00:41 AM

haneena
<ahaneena
تاريخ التسجيل: 27-05-2003
مجموع المشاركات: 2002

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    الاخ شيبا

    --ما اجمل توثيقك للراحل مصطفي

    --اتابع بوستاتك من زمن

    لكم امتعتني هذه الاهازيج


    وكم ابكتني هذه القصيده

    وانا اتذكر سوداني الذي امتلأ عن آخره بعم عبدالرحيم

    لك كل الود

                   |Articles |News |مقالات |بيانات

01-06-2003, 02:26 AM

Yaho_Zato
<aYaho_Zato
تاريخ التسجيل: 05-02-2002
مجموع المشاركات: 1124

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: haneena)


    لك الشكر يا شيبا على (ملحمة) عم عبد الرحيم التي لم أسمعها بهذا التوزيع قبل اليوم

    قصتي مع هذه الملحمة قصة خصبة بالمعاني .. إذ يمكن أن أقول أنها أول ما شدني إلى فن بلادي .. و هي أول ما شدني إلى مصطفى .. و هي كذلك من أول ما شدني إلى الإنصات لآهات بلادي الجريحة و أنا طفل يافع من جيل الإغتراب

    لك التحية

    (عدل بواسطة Yaho_Zato on 01-06-2003, 11:24 AM)

                   |Articles |News |مقالات |بيانات

01-06-2003, 04:00 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)



    لحن مصطفى هذا النص "عم عبد الرحيم "
    ومعه نص سلام يمى او هردت لهاتى بالغنوات "
    وكان طريح سرير المستشفى بموسكو
    وكان معه فلاح مصرى يشاركه الغرفة فى المستشفى
    وحين سمع هذا الفلاح اغنية عم عبد الرحيم اجهش بالبكاء
    وقال للراحل المقيم مصطفى سيد احمد ان هذا الاغنية
    تعبر عنا حالنا فى مصر زمان بكل تفاصيلها بالرغم من وجود كلمات لا افهم معناها
    لكن انا فهمت المعنى العام

    ولقد اهدى مصطفى هذا الفلاح المصرى كاسيت فيهو اول تسجيل توقيع لقصيدة عم عبد الرحيم

    مع اهداء له





                   |Articles |News |مقالات |بيانات

03-06-2003, 04:47 AM

benyya
<abenyya
تاريخ التسجيل: 09-03-2003
مجموع المشاركات: 774

للتواصل معنا

FaceBook
تويتر Twitter
YouTube


Re: عم عبدالرحيم-حميد -مصطفى- اهداء خاص الى مهيرة بت عبود (Re: sheba)

    السلام عليكم

    الاخ الفنان شيبا

    حاولت ان احفظ الاغنيه فى الجهاز

    لاكن لم اوفق



    لو سمحت ممكن تدلني علي طريقه اقدر احفظ بها الاغنيه



    تحياتي

    و

    لى قدام
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de