الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصدئة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-11-2018, 07:07 AM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-02-2003, 03:42 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصدئة



    البورداب الاعزاء معذرة فى الاول اذا خرجت عن طورى وخرج الحديث بانفعال اكرر المعذرة العزيز بكرى


    الزول الاسمو الباقير الطاهر ولا ما عارف شنو؟؟
    قال الكلام ده فى بوست لى عنوانه اخر صور التقطت لاسرة الراحل مصطفى بالخرطوم 4/8/2002 وهو موجود على الصفحة الاولى

    Quote:
    انت يا زول الزول معزبو في قبرو مالك غير خبر الزول ما عندك خبر اطلبلو الرحمة , فد مرة ما قريت ليك بوست ما فيهو مصطفي سيد احمد الله يرحمه دعيـتـلـو فيهو بالرحمة والمغفرة


    .........انتهى .......

    الباقير الطاهر والمعاهو ارفعوا أيديكم عن مصطفى سيد احمد واتركوه ليرتاح وابعدوا عنه أقلامكم الصدئة ومدادكم المتسلق

    يا اخوى انت الظاهر عليك بتاع مشاكل والمشاكل دى خليناها زمان وحكاية الواحد يخلى البورد دى ويزعل ويحرد عشان كلام فارغ اصلا ما بتحصل وما بتتكرر تانى , واحب اطمنك انو مسيرة التوثيق للراحل مصطفى سيد احمد ما حا تتوقف عشان واحد حلو زيك ومستمرة بإذن الله , نشوفك حا تعمل شنو ؟؟ وقبالك فى زول ومعاهو واحد صاحبو ومعاهم كم واحد حاولو زيك كدة وفى النهاية ما سمعنا صوتهم من يوم داك الى اليوم - سبحان الله حكمتو بالغة – عقبالك يا حبيب وكل سنة وانت طيب بمناسبة العيد والله نسيت

    ومنو القال ليك نحنا ما بندعو لمصطفى بالرحمة والمغفرة ؟؟ والله بندعو ليه مع كل صلاة ربنا يرحمو بقدر ما قدم وفى مصر ام كلثوم اهلها بدعو ليها وكمان عملو ليها مسلسل شى عجيب الظاهر عليهم مجانين المصريين ديل

    والله ام كلثوم لو كانت فى السودان كانت تكون اسة ما معروف شنو ذاتو ؟؟

    الباقير الطاهر اسمك كدى ولا انا غلطان اصلى ما بعاين كويس ياخوى خليك فى حالك وابعد منى الله يهديك وشوف ليك زول تانى غيرى , اصلى انا اتطعمت ضد الامراض دى واخدت مصل واقى حماك الله يا حبيب .....

    الباقير الطاهر والمعاهو ارفعوا أيديكم عن مصطفى سيد احمد واتركوه ليرتاح وابعدوا عنه أقلامكم الصدئة ومدادكم المتسلق

    هذا قدرك يا مصطفى 000 لقد كنت تمدد جسدك النحيل بين اليوم والآخر فوق سرير الغسيل بمستشفى حمد بالدوحة لأكثر من ساعات تسلم فيها أوردتك وشرايينك للأطباء والممرضين فتنغرس فيها عشرات الإبر والأنابيب لتبدأ عملية الغسيل المرهقة حتى تشهق كليتاك أخيراً وتحس بالراحة ..

    هذا قدرك يا مصطفى 00 وأنت فى نفس يوم الغسيل تمسك عودك لتدندن بلحن قديم أو ترسى دعائم لحن جديد ...أو تعالج فى صبر ذلك النص الشعري حتى يتسلم لك أخيراً

    هذا قدرك يا مصطفى أيها المبدع نحيل الجسد .. وكأني بك الآن تنظر إلى صوره فوتوغرافية لطفلين يبسمان فى مرح وشى من المرارة ... ليس غريبا يا " سامر " ويا "سيد احمد" إن جاء تعبيركم تحتويه اندهاشة لهذا الوفاء المعدوم لوالدكما ولكن .......

    هذا قدرك يا مصطفى ان تكون بلسماً لكل مريض ولكل داء وأخطرها داء النفاق خاصة إذا ابتلى الله به بعض الحمقى اللذين تفتقر الكلمة عندهم لأهم حروفها بسبب العجز والشلل فتبقى فى مكانها دون تأثير
    وتبقى أنت ثابتا كجبل مرة فى العزة والشموخ .



    (عدل بواسطة sheba on 24-02-2003, 05:34 PM)

                   |Articles |News |مقالات |بيانات

24-02-2003, 04:00 PM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    اخي شيبة لك تحياتي اولاً قبل أن تعلن الحرب التي ابتدعتها دفاعا عن مصطفي سيد احمد بدون اي سبب وانا لم اكتب عن مصطفي سيد احمدولم امسه يوم ما وى استطيع لانني من عشاق فنه الجميل الراقي وسيارتي كلها اشرطة لمصطفي سيد احمد
    لكنني تحدثت عنك أنت وهذا ليس الذي تكتبه ليس توثيق
    والموت مصير الاولين والاخرين وهذا المرض الذي اصاب الاستاذ مصطفي سيد احمد لا زال ياخذ منا الاحباب والاهل
    فقط ربما كثرت زكرك له عذاب بالنسبة له في القبر فلو وقفت علي دعواتك له في الصلوات يكون أفضل مما تفعل
    وفقد مصطفي مصطفي سيد حمد الاستاذ فقد لكل سوداني يحب الفن الاصيل والكلمات الحلوة الجميلة فهو أنسان حمل هموم الغبش والكادحين
    لكن اقلو لك بطل المناحة الفاتحة لينا في البورد
    واذكرك ثانية انني لم اتحدث عن مصطفي سيد احمد ولا استطيع أن اتحدث عنه لا مدحاً ولا زماً فكلماتي لن تطال قامته السامقة فقط استمع اليه بكل حواسي
    ولولا تريدك لهذه العبارة ارفعوا ايديكم عن مصطفي سيد احمد ودعوه يرتاح لما كتبت لك مرة ثانية
    لا نني ما بتاع مشاكل زي ما ذكرت
    ولك التحية مجدداً
                   |Articles |News |مقالات |بيانات

24-02-2003, 04:50 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)


    فى الاول ماممكن تكون من عشاق مصطفى

    اصلو زول بحب مصطفى ما بكتب كلام زي دة ؟؟

    ويا زول مرة تانية بقول ليك ابعد دمك دة من دمى واختانى عديل

    ولو عاوز تبقى مطوف امشى السعودية وهناك ادعو الناس بالمعروف والنهى عن المنكر وشيل ليك سوط
    ولو ما قدرت على دة اعمل ليك دقين زى ما قالت السرة بت عوض الكريم فى رائعة حميد

    وفِّر ضراعك للبلد
    وأدخر مروَّتك آ ولد
    لي يوم يحين
    أحفض كرامتك تحْفَضكْ
    الموت ولا العيش المهين
    الموت نفاد الما نفد
    الموت حياةْ الميِّتين
    أختاها جنِة مع الفِقَر
    وأدخل جحيم المتعَبِين
    وإن ما قدرت على دا أبوي
    ربْ لك دقين .؟!
    وضحْكَت.
    "حمدنا الله الحنون
    جيدن خلقنا بلا دقون "
    وضحكنا زين وضحكنا زين


    نحنا هنا بنكتب العاوزنو والماعاجبو البحر قريب يمشى يشرب منو

    ثم منو القال ليك البكتبو دة ما توثيق شنو يعنى والله ما مخلى بالى

    ورينى انت كدى

    اه يادوب شفتها

    انت قلت مناحة سبحان الله

    ربنا ده لو حاجات يا جدع

    زى ما قال عادل امام

    (عدل بواسطة sheba on 24-02-2003, 05:51 PM)
    (عدل بواسطة sheba on 24-02-2003, 05:53 PM)
    (عدل بواسطة sheba on 26-02-2003, 04:30 AM)

                   |Articles |News |مقالات |بيانات

25-02-2003, 04:33 AM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    الاخ شيبا
    اسع المتطرف منو انت ولا انا
    )كل مرة (ابعد دمك من دمي
    بعدين ذي ما انت بتكتب البعجبك نحن كمان بنكتب البعجبنا والماعاجبو يشرب من البحر يمكن البحر قريب بالنسبة ليك
    وللمرة الثانية انا بكتب عنك أنت وليس مصطفي سيد احمد وربما أنت بحبك ليهو بالطريقة دي بتعذبو وانت ما عارف
    لو كان حي موجود ليس في هذا مشكلة لكن الزول مات وانتقل لي حياة ثانية غير التي نعيشها وانت ادري بذلك
    بعدين أنت ما تحدد انا بحب مصطفي سيد احمد أم لا وأنا حتي الان لم اكتب عن الاستاذ مصطفي سيد احمد شيئاً وممكن ترجم الي ماكتبت ومازلت من عشاق فنه الراقي الاصيل واترنم به ليل نهار
    فأرجو ان لا تجرني الي معركة أن لم افتح لها باباً
    ولك التحية مجدداً
                   |Articles |News |مقالات |بيانات

25-02-2003, 11:38 AM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    يا إنته يعني كيف يتعذب في قبرو ما تورينا ليها دي مثلاً يجي واحد يديهو لكامية ولا كيف يعني ؟؟؟؟؟
    لوووووووووووووول

    ياخي ما في دعي للكلام ده نحنا بنذكر مصطفي سيد أحمد ذكرى طيبة على أعمال جليلة هو قام بيها فيها خير للإنسانية وبندعي ليهو
    أقفوا النقاش البيظنطي ده
                   |Articles |News |مقالات |بيانات

25-02-2003, 11:50 AM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    اسع يا نادر ده كلام زول عاقل
                   |Articles |News |مقالات |بيانات

25-02-2003, 12:24 PM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    الاخ العزيز الباقر الطاهر
    اعتقد هذه المرة قد جانبك التوفيق، فلا اعتقد أن توثيق الاخ شيبا لكل ما يتصل بمصطفى مسألأة مملة ومزعجة، بل هي مسألة مطلوبة، وهذا عمل علمي مهم لتراث يتعلق بشخصية عامة في قامة مصطفى لها نصيب مقدر من مستقبل تاريخ السودان شئنا ام ابينا، وبعدين المسألة في تقديري لم تكن محتاجة لاقحام الغيبيات00فعذاب القبر من عدمه مسالة ميتافيزقية بحتة لا يجب ان ندخلها بسبب او بدون سبب في مواضيعنا الدنيوية، ولا اعتقد أن ربنا قاعد منتظر شيبة عشان يوثق لمصطفى ثم يقوم بدوره لمعاقبة هذا الاخير0 ولا شنو رأيك؟؟؟
    احترم جدا حبك لمصطفى، ويكون جميلا لو اتممت هذا الحب بأن تركنا اخونا شيبة ليوثق لنا بكل حب تجربة الراحل ليس لنا ولك كشهود عصر ولكن لتلك الاجيال القادمة والتي من حقها ان تعرف انساناً عظيماً من صفحات تاريخ بلدها المليء بشتى ابطال الورق0 وهذا ليس بكثير على مصطفى0
    والحب يا عزيزي لا يتجزأ00 لذا احبب بشسوع ، 0
    سلامبي وحبي
                   |Articles |News |مقالات |بيانات

25-02-2003, 12:56 PM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    شكراً لك اخي عطبراوي علي هذه التوجيه
    وارجو أن توجه اخر للاخ شيبة كي لايرفع سلاحة في وجهة كل من تحدث ويمرق الدم (اظنو جعلي )
    واقبل ذلك منك
                   |Articles |News |مقالات |بيانات

25-02-2003, 01:46 PM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    الاخ الباقر
    سلامات
    التحية لك وانت تبدي ذلك القدر الجميل من التسامح0
    قلت لي الاخ شيبا جعلي لوووووووووووووووووووووول
    يا زول شيبا ده كل شيء وما تهبشه في مصطفى، والراجل حار خلاص0 طبعا ما حا ابقى زي الاستاذ في الحصة واقوم كمان اقول ليه يا شيبا خلاص اها، لكن مؤكد ردك الجميل الراقي ده ابلغ واعظم هدية ممكن يتقبلا شيبة ويعتذر ليك كمان0
    سلامي وحبي لكم جميعا
                   |Articles |News |مقالات |بيانات

25-02-2003, 02:26 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    يا سلام عليك يا عطبرواي وعلى حكمتك وتعاملك الراقي أنا مش قلت ليك زمان لما أشوفك في أي بوست برتاح نفسيا ربنا يكثر أمثالك

    رد بسيط على كاتب البوست مثلاً وانته قلت معجب بي مصطفى سيد أحمد لو ما توثيق شيبا ده كنت وين حتسمع الكثير من أغنيات مصطفى النادرة ذي " مُت في قلبي " وغيرها من الأعمال التي لم تلاقي حظها من الرواج؟؟؟؟؟؟؟؟ الأمر فيهو منفعة عامة وخسارة بدون مبررات نحارب زول بيجتهد عشان يحفظ الأعمال دي وزيادة على ده كلو بيطرب معجبي مصطفي بأعماله

    شكراًَ على سعة صدرك وتقبلك للنقد وكن واقعي لو أصلو عربيتك ذي ما بتقول كلها أِشرطة مصطفى ما كان بيضايقك وجودو في البورد

    وآسف لو قلت ليك كلام ما في محلو بس أنا بتضايق جد لما أشعر بزول بقول عن مصطفى كلام ما في محلو مصطفى ده لو زول عرفو من قريب بيعرف كم كان يحب السودان والسودانيين ومهموم بقضاياهم ناهيك عن الإرث الراقي من الأعمال الفنية التي خلفها لنا ولأجيال بعدنا حرام يكون النكران هو ردنا على جمايلو

    تحياتي وإحترامي

    نادر
                   |Articles |News |مقالات |بيانات

25-02-2003, 05:26 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)


    الاعزاء نادر

    عطبرواى

    لكم الود والتحية

    لكل ما تطرحونه


    الزول الاسمو الباقير دة الظاهر قاصدنى واكد الكلام دة

    Quote:

    وللمرة الثانية انا بكتب عنك أنت وليس مصطفي سيد احمد

    يعنى مع سبق الاصرار والترصد

    Quote:

    بعدين ذي ما انت بتكتب البعجبك نحن كمان بنكتب البعجبنا



    طيب نحنا ما ادخلنا فى الانت بتكتبو الجابك انت تكتب وتتدخل فى النحنابنكتبو منو ؟؟ دة مش تناقض فى كلامك يا شاطر

    ولو انى ما شفتك قبال كدى بتكتب بوست وكل يوم انا هنا فى البورد ما لاقنى اسمك السمح دى ولا حتى رديت على زول؟؟؟ انت يا زول بتتفرج ساكت ولا شنو ؟؟

    وشوف يا اخوى يا الباقير انا ما محتاج لى نصايحك دى يا باشا
    وفرها لى نفسك انت وانا ما جيتك فى البوستات بتاعتك -لو عندك- انت براك الجيتنى لحدى عندى خلينى فى حالى انا عاجبنى كدة و مكيفنى وراضى بيهو ومصطفى زاتو يا زول كمان راضى

    وللمرة الاخيرة بقول ليك ابعد دمك دة من دمى اصلو انت ما بتعرفنى كويس وبالمناسبة انا شايقى مش جعلى وانا لحدى هسة ماسك نفسى يا حبيب والكلام القلتو ليك دة هادى جدا وعندى زيو واكتر منو كتير الله لا رواك ليهو

    واطمئنك انو مسيرة التوثيق لمصطفى ماضية وكل يوم باذن الله

    وبعدين انت منو عشان تعرف مصطفى بتعذب ولا لا؟؟ يا ربى تكون انت واحد من الملايكة ونحنا ما عارفين سبحان الله ؟ ليه ما قت الكلام ده لمن كان بتعذب فى الدنيا مالك ويعانى من المرض لوحده خلاص هسة انت خايف على عذابو
    لا يا شيخ والله قلبك حنين يديك العافية

    قال بسمع مصطفى قال وكمان عربيتو مليانة بى شرايط مصطفى وبحبو كمان؟؟


    يا زول هوى اختانى وقفل على الموضوع دة واحذرك ما اشوفك فى بوست من

    بوستاتى

    قال الباقير الطاهر قال

    ؟؟؟؟؟؟؟

    (عدل بواسطة sheba on 25-02-2003, 05:54 PM)
    (عدل بواسطة sheba on 25-02-2003, 07:12 PM)
    (عدل بواسطة sheba on 26-02-2003, 04:24 AM)

                   |Articles |News |مقالات |بيانات

26-02-2003, 04:35 AM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    كان لزاماً علي الرد
    اولاً انت لاتستيع أن تري ما بداخل البورد غير كتاباتك والتي لاتخرج من نطاق ماكتبنا عنه لذلك لم تراني ولم تري غيري كي تتطلع علي مايكنبون
    وثانياً انت كتاباتك حينما انزلتها البورد اصبحت للجميع ومن حق الجميع التدخل والكتابة هذه اعرفها (يا شاطر ) وتوقع مائة بالمائة أنك تجد راي مخالف لرايك ولا يروقهم ما تقوم به لو ماانا غيري ولا بد من تقبل ذلك وماتدخل فيها حكاية الدم
    ثالثاًمثلما عرفنا كيفية الصلاة عرفنا عذاب القبر فليس من الضروري أن اكون من الملائكةوعذاب الدنيا اخف واهون من عذاب الاخرة
    بعدين خليني أنا انت البتلاهي بمصطفي سيد احمد ده عملته ليهو شنو لم كان بتعذب من الغسيل في قطر ولاجعجعه في الفاضي
    بعدين لا تطلق تهديداتك في الهواء فارغة ساكون هنا رضيت أم ابيت وكذلك رضيت ام ابيت انا احب الاساتذ مصطفي سيد احمد استمع اليه كثيراً لكن ما زيك مناحة ساكت
    يلقوك من مات مصطفي سيد احمد لابس ليك دمورية تقيلة وماشي حفيان حداد عليه
                   |Articles |News |مقالات |بيانات

26-02-2003, 09:35 AM

wadazza

تاريخ التسجيل: 04-02-2002
مجموع المشاركات: 5385

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: albagir altahir)

    مع احترامى للجميع
    فان المجهود الذى يقوم به الأخ شيبة ..هو مجهود توثيقى...والتوثيق لا يعذب أحدا فى قبره..كما ذهب الى ذلك الأخ الباقر...
    وارجو أن لايكون ذلك مبعثا للخلاف بين الزميلين العزيزين شيبة والباقر...
    فمصطفى يستحق أن تكتب عنه كل لحظة...
    تحياتى
    ودعزة
                   |Articles |News |مقالات |بيانات

26-02-2003, 10:17 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    الحبيب ود عزة

    لك الود والاحترام

    الزول دة قال ان مشكلتو معاى بصريح العبارة وعايز ينصحنى وكدة يعنى

    لك الود

    وانا متكفل بالدفاع عن نفسى

    تسلم



    Quote:

    يلقوك من مات مصطفي سيد احمد لابس ليك دمورية تقيلة وماشي حفيان حداد عليه



    الله اكبر.. انت الظاهر عليك ماناوى تجيبها البر الليلة , مرحبا بالمعارك وخصوصا لمن تجى براها الواحد زاتو يغير شوية

    دمورية بتاعة شنو وحفيان شنو ؟؟ يا زول انت افلست من هسة ؟؟ طول بالك شوية وما تفقد اعصابك من بدرى كدة , دى يا دوبة المناظر الفلم لسة ما بدا , والله لو تجى تشوف العبد لله هسة وين ولابس شنو وشغال شنو انت زاتو تستغرب خليها ساكت ,ما تقول من اسلوب الحوار انو الزول دة بتاع شوارع انا بس نزلت لى مستواك عشان اعرف اتفاهم معاك , دة ما موضوعنا هسة

    وكمان نحنا بنعرف الاسلام ومؤمنين اكتر منك وعارفين انو الموت علينا حق , ولو فى زول بيلبس دمورية ويمشى حفيان عشان فى زول مات ما كانت استمرت الحياة , و البلد كلها تكون حفيانة وبى دمورية .... يا سلام عليك والله انا اكتشفت انك عبقرى والفكرة بتاعتك دى حلوة وعجبتنى ما تجى نعرضها على الحكومة اهو على الاقل الناس يوفروا قروش بدل ما يشتروا قمصان وجلاليب وهدوم وكمان يمشو حفيانين بدل الجزم والاحذية والسفنجات- لا مواخذة - ومبدئيا خلينا نقول ده تبع التوجه الحضارى عشان الموضوع يكون مقبول للناس , ونقوم ننتج دمورية محلية فى مصانعنا بايدى سودانية خالصة ولمن الفكرة تنجح نقوم نعممها على الدول الاسلامية اولاً وباقى دول العالم ونكون حققنا نظرية اقتصادية جديدة ودة كلو الفضل يعود فيهو ليك

    والله ضحكتنى قت دمورية وحفيان وكدة ؟؟

    انت مش نصحوك يا حبيبى وقالو ليك يا ولدى شيبة دة خليهو فى حالو الزول ده حار خلاص اقعد ساى وما تعمل شغب انت مابتسمع الكلام مالك , ما تخلينا نستخدم معاك طريقة تانية انت ما بتقدر عليها والله لحدى هسة انا مطول بالى معاك عـ الاخر ,عشان خاطر نادر وعطبراوى والناس الباقين

    وبعدين نحنا عارفين انو قصرنا قى حق الاستاذ مصطفى عشان كدى بنحاول التكفير عن ذلك ورد جزء من جمايلو علينا بسرد مواقف له ونشر اغنيات مكتوبة او مسموعة مش مناحة زى ما انت مصر تقول وهى المناحة زاتة معناهو شنو يا ربى ؟؟

    وقلنا ليك قبال كدى ام كلثوم اهلها عملو ليها مسلسل من كم واربعين حلقة مافى زول قال المسلسل دة مناحة ونال كاتبه ومخرجته شهادات تقدير من كل الوطن العربى وعلى حسب كلامك هسة كل ما تعرض حلقة هى تلقاها بتعذب والله مسكينة , كدى بالحساب المسلسل اتعرض فى اكتر من40 قناة فضائية واعيد اكثر من خمس مرات لو ضربناها فى 40 يا ساتر والله مسكينة ام كلثوم تلقاها هسة شبعت عذاب

    آه ما نسيت تلقاك يمكن ما بتشوف القنوات الفضائية ماهى قنوات خليعة وكدة يعنى , معليش انا اسف

    هسة انا من محلتى دى اقوم اضرب لورثة ام كلثوم واخليهم يوقفوا بث المسلسل دة تانى اصلو الست ما ناقصة عذاب

    يا زول انت مش كلمناك وقلنا ليك فى قبالك ناس عملوا زيك وعاملين فيها مطوعين وما سمعنا حسهم تانى هنا الى الابد , واخوك كان حلقو ليهو بل راسك مع انو الحلاقة الزمن دة بقت ساهلة خلاص وما محتاجة لى بل الراس

    للمرة الاخيرة السالفة دى انتهينا منها ووخليك فى حالك واختانى وشوف ليك زول تانى غيرى انصحو , ونصايحك دى ما بتمشى فينى

    انا محجب ومتطعم ضدها انت ما بتعرف انو الزول الجاهو برجم ما ببرجم تانى

    وبالمناسبة الكلام التحت ده قالو لى كبيرنا الاستاذ بكرى ابوبكر فى بوست سابق لمن زعلت وخليت البورد يوم واحد زيك تطاول وقال انو انا كرهتهم فى مصطفى سيد احمد

    Quote:

    اخى الحبيب خالد شيبا
    وباقى لى بعد كلام الاساتذة ده ماعندى حاجة اقولها سوى ان استقالتك مرفوضة واصل توثيق حياة فنان الشعب راحلنا مصطفى سيد احمد و اترك الباقى على و كل امكانيات سودانيز اون لاين تحت تصرفك و الذى تقوم به اهم من الذى اقم به, و اصل فراحلنا مصطفى لم يستسلم , ولو استسلم لما كنا نحتفل به سنويا او نخلد ذكراه وبعد ما تنتهى من توثيقك كلمنى عشان افضى ليك حته فى السيرفا واعمل كل بوستاتك فى موقع كبير .
    تحياتى بكرى ابوبكر


    الباقر الطاهر تتصور اول مرة اكتبها صاح كنت قايلة الباقير ؟؟ دى فى حد ذاتة بتورى انو انا وانت ماشين كويس وفى امل اننا نتفق يا خوى بتقرا كويس الكلام الفوق دة قالو منو ؟؟ فتح عيونك كويس
    يخيل لى بعد كلام كبيرنا بكرى ما فى كلام بتقال







    (عدل بواسطة sheba on 26-02-2003, 11:44 AM)

                   |Articles |News |مقالات |بيانات

26-02-2003, 01:10 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    ياخي شكراً يا الباقر إنته زول لذيذ عارف بي شكلتك دي سمعنا "مُت في قلبي" مرة تانية بالله فجر ليك خلاف تاني خلينا نسمع حاجة تانية
    لووووووووووول

    باركوها يا جماعة الخير وأسمعو كلام عطبراوي الراجل العاقل ده

    تحياتي وودي وإحترامي
    نادر
                   |Articles |News |مقالات |بيانات

26-02-2003, 02:27 PM

altahir_2
<aaltahir_2
تاريخ التسجيل: 17-11-2002
مجموع المشاركات: 3949

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    لا حــــــــــول ولا قـــوة الا بالله
    شنو يااخوانا شيبا وولدي الباقير أحييييييييييي تعال لي ياولد في الماسنجر
    ازيكم ياجماعة وعليّّ الطلاق تاني واحد فيكم مايقول كلمة زيادة سمعونا غنا مصطفي او واصلوا التوثيق وبس
                   |Articles |News |مقالات |بيانات

26-02-2003, 03:13 PM

anwar abu gaidaa

تاريخ التسجيل: 30-04-2002
مجموع المشاركات: 1310

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: altahir_2)

    بسم الله البديع
    الحبان والله لا ادعى حكمة
    ولا سداد راى
    ولكن اتمنى الا تفسدوا علينا حلاوة الاستمتاع
    بالسلسله الشيبيه
    نحن احوج ما نكون لهالقد ظلم المرحوم
    وشهود ظلمه شعب كامل؟
    عتمت علينا اخباره
    وانتاجه
    وصار من الممنوعات؟
    او لا يستحق منا قليل وفاء؟
    ترحما كل على شاكلته ارجو شاكرا ان نوفر المزاج والمناخ
    لاننا شعب افتقدنا الى حركة التوثيق
    لحركة التوثيق
    وندع الاجيال تختار
    نشهد ان شيبه امين وينطلق من باب محبه ووفاء
    وجاء فى الاثر ان المرء يحشر مع من احب
    واكرمنا الله بهذه الوسيله للاتصال والمعرفه
    اعتقد لا داعى ان ننفقها فى القيل والقال
    للجميع محبتى
    ولاتدعوا الحزن يتسلل الى فؤادى؟
    انور
                   |Articles |News |مقالات |بيانات

27-02-2003, 06:28 AM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    ???
                   |Articles |News |مقالات |بيانات

27-02-2003, 11:04 AM

awadnasa

تاريخ التسجيل: 10-01-2003
مجموع المشاركات: 206

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    يا اخ شيبا الباقر ده برضو شايقي وحقو تستعملوا عامل العنصرية من اجل التصافي وكلام العطبراوي دة معقول خاصة عطبرة ما بعيدة من ديار الشايقية
    عنصرية مقبولة هنا موش ? وداوني بالتي كانت هي الداء
    و نزل لينا اغنية لمصطفي يتغني بها الشوايقة

    مع تحياتي
                   |Articles |News |مقالات |بيانات

27-02-2003, 11:26 AM

albagir altahir
<aalbagir altahir
تاريخ التسجيل: 16-12-2002
مجموع المشاركات: 360

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: sheba)

    awadnasa الاخ
    لك التحية وكل الود والاحترام
    والله طلتك دي براها بالدنيا في البوست ده وطلبك حلو
    بس لكن نحن اللمانا شنو في الشايقية نحن بديرية معروفين والبديرية قبيلة قائمة بذاتها
    لكن قبلناهامنك
    وتحياتي اخي شيبا والاخوة جميعاً
    ولكم العتبي جميعاً
                   |Articles |News |مقالات |بيانات

27-02-2003, 01:19 PM

Elmosley
<aElmosley
تاريخ التسجيل: 14-03-2002
مجموع المشاركات: 34416

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: albagir altahir)

    الاخ العزيز شيبه
    هاهو الاخ العزيز الباقر يعتذر في سودانويه رائعه
    وارجو منك ايضا ان تطيب خاترو وتمشوا لي قدام
    كلنا معرضين في حياتنا للخطأ واحيانا يخوننا التعبير
    مما يؤدي الي سؤ فهم يغضب الاخرين وقد حدث ذلك مني تجاه اخرين وحدث
    من اخرين تجاهي وانتهت المسائل بالتفاهم والمسامحه
    اشكرك يالباقر علي اعتذارك الشجاع وفي شهامة واضحه
    تسلمو انت وشيبه

    (عدل بواسطة Elmosley on 27-02-2003, 01:20 PM)

                   |Articles |News |مقالات |بيانات

28-02-2003, 10:10 AM

anwar abu gaidaa

تاريخ التسجيل: 30-04-2002
مجموع المشاركات: 1310

للتواصل معنا

FaceBook
تويتر Twitter
YouTube


Re: الىالباقيرالطاهر-ارفعواأيديكم عن مصطفى سيد احمد وابعدواعنه اقلامكم الصد (Re: Elmosley)

    Quote: /./././
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de