|
|
 مثقفاتية سودانيز ما عندكم حاجة وبوستاتكم (بورندي)
|
مثلما اراد لكم الاستعمار البريطاني يتخرج جيل منفصل عن واقعه انتو كدة
شابكننا نورس ونحن عندنا ود ابرق وام قديلو
وشابكننا مرافي ونحن عندنا ميناء بورتسودان
لم تقدمو حاجة للسودان ولا للمنبر
الكاشف ما منكم ابوصلاح ما منكم عثمان حسين الترزي ما منكم
جكسا ما منكم الشفيع احمد الشيخ ما منكم
هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم
وانتو يا مثقفي سودانيز برضو سائرين علي الدرب
بوستاتكم بائرة وكلامكم ما فيهو جملة مفيدة
فعليكم الله ما تقدونا
|
|
 
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: emad altaib)
|
Quote: خليل أرفع صوووووتك بالغُناء
|
ساغني يا عماد
للخلف ود العبد حينما قال يا حمام البان انت في معناك غيرت للافكار
سامدح مع اولاد حاج الماحي (التمساح سوالنا اذية)
ساغني مع احمد طيب ضاع صبري
ولكني لا اغني رمل المسافة واقترحك
والغناء بتاع الكلمات المتقاطعة
اغني مع عبدالرحمن الريح وعتيق القلبو انقسم نصفين
دها غناء خالك خليل
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: عبدالكريم الامين احمد)
|
Quote: هلا ابو خليل
وشايفك فاتح نيران علي ناس النورس الحزين اللابس قوس قزح سوميت
واعتقد انو في الحتة دي قوس قزح زي خالق مشكل ثقافي في تلاقح الروي البنفسجية
والواحد داير يقول انو وعي المرحلة داير تفكيك للزاويا البنفسجية حتي تتفتت ورود واغاني... |
كيكي عشاي ضيوف الليل
انداح البوح علي اجنح غيمة
فكان سرمدية الوجد الشفيف وجعا وصهيلا وانينا
ياخي قومو فرتقوا
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: musadim)
|
Quote: خليل من رحم هذا الشعب
يكتب عن همومه بدون تنميق وحزلقة
يكتب عن الكونكان والشنة عند السودانيين والجمال عند السودانيين
وعن المطلقة والارملة
وعن ود تمبك وحين ماكردة ومصطفي الكعوك
بدون اركلوجيا وتراجيديا الصراع |
خليل .. سلام
لو لا تنوع الافكار والكتابات لكان الذي يكتب واحد وهو نفس الذي يقرأ
وكدة التنوع حيموت
ساغني مع احمد طيب ضاع صبري
ولكني لا اغني رمل المسافة واقترحك
والغناء بتاع الكلمات المتقاطعة
اغني مع عبدالرحمن الريح وعتيق القلبو انقسم نصفين
لازم في ناس تستمع لكروم وناس لمحمود عبد العزيز ناس للكاشف
والفلاتية وناس لنانسي عجاج وندي القلعة وناس لكلتوم وناس
لود الصايم .. كدة الاختلاف الذي يولد التنوع .. والناس كما
قالوا مذاهب وشيع في كل شيء
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: محمد حيدر المشرف)
|
Quote: يكى انا معاك فى الحته دى وبالضروره نعم , هو مأزق تاريخي
ببقى الرهان عموما فى قدرتنا على الابداع وتجاوز بنيات وعينا التناسلى
فجيفارا لم يكن عضوا بسودانييزاونلاين وكاسترو ما زال خنجرا فى خاصرة الراسمال
|
ا
هلا يا ود المشرف..............
في كورالات عمال القصب في حقول كويا يشدو الفتية بنشيد يخلد سيرة الوعي التناسلي
الممزوج بطقوس الفلكور الكوبي القديم...لذا من الضروري ان تستند بنية الوعي في كل مجملها علي الوعي
الجاي من رحم الجماهير
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: عزاز شامي)
|
Quote: لا تفرتقهم في سماء الغيم المنبثق فقد آن للطيور ان تشرع اجنحتها في السما البعيدة
و انت ستظل انت ... تفترتقك حسناء و تلملمك أخرى ..!!
قوم لف واجبة هنا و ما عداها بدعة، فارع بقيدك و اقعد ساي |
عزاز
انما الناس سطور كتبت ولكن بماء
وهل تخذتي الغاب مثلي منزلا دون القصور
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: بهاء
هل انت مع المثقفاتية
وللا زينا (ختفن جرن ساكت) |
من هم المثقفاتية؟ وما الفرق بينهم وبين الاخرين؟ الكل مكمل للاخر
والتصنيف هل كل من قرأ وكتب مثقف؟ وكل من زرع وحصد مثقف في عمله
ام ان شيئا اخر هو الذي يفرز المثقف من الاخر ؟
كل مثقف في مجال عمله وفلسفته لحياته .. وان يكون هناك كم فدان
بين المثقف والاخر فهي المصيبة؟؟ وربنا ماجاب مصائب ..
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح
ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة
فتم علاجه باحتساء عجة راس الحوت... |
المعني...
صاحبك كيكي قال ليك من دربك دة قوم واشرب..
موية...
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح
ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة
فتم علاجه باحتساء عجة راس الحوت... |
كيكي
لابد من عمل اضاءة للمناطق الرمادية في افاق البوح
والا فالتشظي محتوم
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: سارة علي)
|
Quote: لم تقدمو حاجة للسودان ولا للمنبر
الكاشف ما منكم ابوصلاح ما منكم عثمان حسين الترزي ما منكم
جكسا ما منكم الشفيع احمد الشيخ ما منكم
هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم
وانتو يا مثقفي سودانيز برضو سائرين علي الدرب
بوستاتكم بائرة وكلامكم ما فيهو جملة مفيدة
فعليكم الله ما تقدونا |
ياسلام يا خلي ، غايتو رقدتهم واطة ..
بوستاتهم بايركس ، وبعد ده يجو يقولوا ليك ، دايرين نفرز عيشتنا وما دايرين الرجرجة والدهماء ..
لكن بيني وبينك كده نحن وباعتبارنا ما من (المسغفاتية) ذوي البوستات البايركس ، فيحق لنا أن ننتسب لجيل لحن الحياة ، والشربة النضيفة ..
عليك الله رش الفارات ديل ، رشاهم بلا.. كرهونا زاتو.
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: Salah Abdulla)
|
Quote: ياسلام يا خلي ، غايتو رقدتهم واطة ..
بوستاتهم بايركس ، وبعد ده يجو يقولوا ليك ، دايرين نفرز عيشتنا وما دايرين الرجرجة والدهماء ..
لكن بيني وبينك كده نحن وباعتبارنا ما من (المسغفاتية) ذوي البوستات البايركس ، فيحق لنا أن ننتسب لجيل لحن الحياة ، والشربة النضيفة ..
|
صلاح
انهم يرقصون خارج الحلبة يا صديقي
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: في كورالات عمال القصب في حقول كويا يشدو الفتية بنشيد يخلد سيرة الوعي التناسلي
الممزوج بطقوس الفلكور الكوبي القديم...لذا من الضروري ان تستند بنية الوعي في كل مجملها علي الوعي
الجاي من رحم الجماهير |
شكرا كيكى .. عموما ليس لنا الا ان نراهن على الجماهير وقدرتها على ابداع الفعل النضالى
بس طبعا هناك العديد من التحفظات .. يعنى انا زي العاوز اشير لاحتمالات انفلات الحركه الجماهيريه وفقدان
المسارات حال غياب موجهات العمل التنظيمى والدور الطليعى لمنظمات المجتمع المدنى فى توجيه مسارات الثوره
ونشر وعى المرحله وتنزيل الشعار من فضاءاتو الفلسفيه لارض الواقع الراهن ..
..
..
انها يا صديقى ثورة ممكنه
..
كن علي وعد بالشموس القادمه
يخاصرك البنفسج مرتين ..
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: محمد حيدر المشرف)
|
Quote: كن علي وعد بالشموس القادمه
يخاصرك البنفسج مرتين |
وهنا وكانك تاخذني الي مدارات البنفسج في شعر حسن طلب وبتخليني زي احاول احقن الجزئية دي بدلالات شعر الهمباتة في البطانة
وممكن في دورة النقاش لو وجدنا له براح نتطرق للوعي الجماهيري في زمن الكوليرا وفي الحتة دي مفروض منحني النقاش يزاوج ما بين الشاعرية
والرومانسية ونضخ حديث عن امل دنقل
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
الجميل خليل
سلام
Quote: هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم |
والبيرة ام جمل بي كبابي الشوب
يمكن ديل ناس ياعصام جيناكه وجينا نهيص معاكه بتاعة الكابلي
وبرضو....
الكابلي مامنهم
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: وهنا وكانك تاخذني الي مدارات البنفسج في شعر حسن طلب وبتخليني زي احاول احقن الجزئية دي بدلالات شعر الهمباتة في البطانة
وممكن في دورة النقاش لو وجدنا له براح نتطرق للوعي الجماهيري في زمن الكوليرا وفي الحتة دي مفروض منحني النقاش يزاوج ما بين الشاعرية
والرومانسية ونضخ حديث عن امل دنقل |
كيكي الشفيف
لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخبز
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخب |
نفس الجزئية يا خليل ممكن نشيلها لقدام ونضي بيها الثنائية ما بين الحنين والزين في عرس الزين
وتزاوج الوعي الملاماتي الصوفي في التركيبة السودانية.... وبحتاج لجية تانية لمدارات النقاش عشان نفكك بت مجذوب كحالة بتاعة استلابي ذكوري
في المشكل الاجتماعي السوداني...
وكن وريفا وبييننا ورافة قادمة بالتاكيد
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
خليل اول مره اقرأ ليك بوست جاد ويعجبنى حد الفرح..
الفرح بيك و بى كتاباتك الجوهريه المكنونه جوة وباخل علينا بيها
يى اتشتت جاى وجاى وازرع فرحك غيمات ضهر
***
مشاققة على قول اهلنا اهل العوض
| Quote: و الله دي قطامة عرب جزيرة ساي |
اخوى ود البشرى حبابك
عارف اختك الغبشة دى ..عرب جزيره وبطاحين خلا كمان
شفت كلمة قطامه دى ..تاكل نارك فيها براك
اقوم عليك افك فيك واحد هجاء كده زى القالو ود اعمنا الشوبلى فى محمد موسى؟
تحياتى للجميع
اسماء الجنيد/ مسقط
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
فليكن
.. انى احب اصابعى .. لان الراحتين بيارقا للغائبين الى دمى
قيد الخروج بكل نار
خليل وكيكى ..
بالطبع يمكننى التوقيع بالاحرف الاولي علي كل ما ورد اعلاه
كما وأؤمن بجدوى التواجد هنا وفى موعد اقصاه الآن .. بس بأى حال
من الاحوال وتحت اى ظروف لا يمكننا اعتبار الخطاب هنا كمنفستو ختامى للمثقف السودانى ..
نفتقد بشده للسند الجماهيري ..كما ونحتاج الالتصاق اكثر بالقضايا الحقيقيه للجماهير ومحاولة تثويرها
وانوه انه ومن الاهميه بمكان استثمار حالة الاحتقان السياسي والاستقطاب الحاد والمتداعى من مركز ثقل الازمه
والمتمظهر كانعكاس حى للواقع الشديد الوطأه والاحباط وخفوت نبض الشارع الحى ..
ولتوما اقمصتى القديمه ..
فلتمزق ما تشاء ..
اراكم تعرضتم بشى من الاستخفاف لمرحلة ما بعد الحداثه ..
يا خليل اخلع عنك رداء الحقيبه واغانيها .. فهى ارتداد مخيف لما بوعيك من تقدميه وتجعلك تبدو وكأنك لا تقف على ارضيه فكريه
راسخه ..
هناك عرض افتتاحى لفيلم الحب فى زمن الكوليرا غدا بالمركز الثقافى الكوبي وهو - اي الفلم - محاوله جريئه للمخرج مايكل نيويل
لمعالجه رواية ماركيز سينمائيا .. ارجو ان يكون قدر الطموحات
..
تصبحون على وطن
من غمام .. ومن شجن
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: محمد حيدر المشرف)
|
Quote: ولتوما اقمصتى القديمه ..
فلتمزق ما تشاء |
بوريز مشرف
لنضي شمعة بدل ان نلعن الظلام
مدرات وفجاج ولجاج
وجعجعة ثم طحنا
وكانت طينة البوس شاعرا مثالا
سنذهب لخليج الخناريز ونشاهد الكوليرا في زمن الحب وليس العكس
باص اللمين قلبو وانا مال بي
شرطا اجيب خبرو وانا مالي بي
مع تحيات مبارك ابو تجة راعي الغنم الشهير
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
اييييييييييييييييييييك
جيناكم بعيد غيبة
الهكر قطع راسنا.. الليلة طلعنا من الحبس
Quote: لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخبز |
ولد دا!!!!
خلي يا مثقف... ليك وحشه والله وجميع المثقفاتية والعنقالة وكل قبيلة سودانيزاونلاين: الصالح والطالح
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: Hadia Mohamed)
|
المدعو خليل
فى الق اللقاء وفى امواج البحر واصطخاب ضوضاء المدينه
وفى صهيل الخيول الجامحه وعلى حدود الاستواء وفى الحد
الفاصل بين النشوه والصياح وزقزقة العصافير ونسيم الليل العليل
وفلق الصباح تجدنا يا اخى وحتى فى مسامات روحك تجدنا
وان انكرتنا فاننا قربك بل امامك ولكنك لاترى
المهم انتا والذين زكرتهم ما بتهمونا فى حاجه
قوم لف كدا بالهى وخلى كيكى يلف معاك
يا عنقالى ..
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: خالد عبد الله محمود)
|
Quote: اسمع ..
كيكى دا يازول مثقف زعلان بس ..الزول دا مابنضمن
ليك ..اسى يقوم يعمل ليك فيها جاك دريدا يخليك
تشرب ماتروى .. |
Quote: خالي خليل
كيكي ده فيهو ريحة مثقفاتيه بالله رشو لينا من البوست ده سريع بلاء يخمو عامل صلعته الكبيرة دي |
محمد وخالد مالكم علينا ياخي
يقوموا علينا الهوام يخلوا ريحتنا طير طير...
مش موغل ودهشة والفرمالات دي...اها رايكم شنو من الليلة دي ده طرفها منها
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: عبدالكريم الامين احمد)
|
كيكي اللذيذ
| Quote: مش موغل ودهشة والفرمالات دي...اها رايكم شنو من الليلة دي ده طرفها منها |
أي أتصلح معانا ... عالم تخاف ما تختشيش ...
على بالطلاق خالي خليل لو ما كان إتخذ إجراء كنت بجر ليكـ تلفون لحواء أوكامبو أقول ليها الزول ده (قلب) كانت تجي تقطعو معاكـ ناشف ..
بس الله ستر ..
قال موغل قال ... أنت ما عارف أخوكـ عندو حساسية من الكلام الكبار كبار ده ..
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: كيكي عندو تلات كلمات موغل ودهشة ومدارات لا توهله ليصبح مثقفا
عليه زيادة محصلته اللغوية وادخال مفردات
مثل معايير مزدوجة وقرفصاء وقلنسوة وهكذا |
تمام ياخلي بالله اعمل دروة لخالك باقي الكعب المدور ده حقنة ملاريا بس...
وزيد عندك اليومين دي شابك ليك في (جزئية وملمح) ديل جداد لنج الكلمتين بس
نزلناهم امس ده بس
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
عزيزي خليل
| Quote: اعتقد حان الوقت لردم الهوة بين المثقف والواقع ومعالجة هذا الفصام |
ماكنت تقول لينا الكلام ده في قعدتنا التاريخيه في غرفة كيكي مع هاشم كرار,
كيكي, ازهري, والباقيين. كنا قعدنا معاكم في الدوحة ومارجعنا تاني لبلاد
اليانكي وال Rebels. عموما احجزوا لينا مكان هناك ياخليل انت و صديقنا
المشترك كيكي و شوفوا لي شغل اذا اوباما ما فاز , ده طرفي من اميركا.
مع ودي وتقديري
| |
|
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: Elmoiz Abunura)
|
Quote: ماكنت تقول لينا الكلام ده في قعدتنا التاريخيه في غرفة كيكي مع هاشم كرار,
|
هلا يا المعز ومشتاقين ياخي
وتخيل مافي حاجة خربتنا وخلت زي خالد ومحمد عبدالرحمن ديل يحرشوا فيني الا القعدة مع ناس هاشم كرار ديل...
يشبكك بروستريكا الوعي الشنو شنو..
وينط ليك فيصل عباس يخمك بصهيل الخيول الماشة علي جدران الذاكرة
وبارك الله في راشد عوض الذي لولاها لكنت من ضحايا الليلة شربت وما رويت
هو الوحيد البقول ليهم يا جماعة هووووي بالله ما تقدونا ياخي
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: قصيدة مثقافتية
بوح والم
ظلال كثيفة
كانت الفجعية
فتحت اريكة الوجد
شرفة طلت علي وديعة
مدخل تاني
مرافي البنت
عصفورها يرفل عند الدوحة |
قصيدة يا خليل
تعبر عن حالة تمرد لواقع المنتمي
ورغم انها شعر حداثي الا ان تي اس اليوت روحه ظاهرة وبكثافة
وبتشابه قصيدة جميس جويس (انجلند از ما لي لاند)..
ممكن اساهم في تلحينها بموسيقي اغذيها ليك بالحان مكسيكية
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: عبدالكريم الامين احمد)
|
Quote: قصيدة يا خليل
تعبر عن حالة تمرد لواقع المنتمي
ورغم انها شعر حداثي الا ان تي اس اليوت روحه ظاهرة وبكثافة
وبتشابه قصيدة جميس جويس (انجلند از ما لي لاند)..
ممكن اساهم في تلحينها بموسيقي اغذيها ليك بالحان مكسيكية |
كيكي القصيدة
يجب ان تلحن علي موزارت وبتهوفن وادخال بعض الموشحات الاندلسية
لاطفاء صبغة شرقوغربية عليها
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote: الكابلي بحب المثقفاتية وبدلع الكلام
لكن غنااااااااااااااااااااااااااااااي
للدو |
ويمكن ده البخلينا نتلاقى معاك فى بيانق الافق البنفسجى الشفيف
وده شكل اللقيا الذى تكون باهزوجة مريا وهى تنقر القيثاره فى رفق
على قمة جبال الاولمب انتظارا قد يطول لفيدياسا وروحه العبقريه .
مؤنة عامان من الرحيق الملائكى
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: khaleel)
|
Quote:
اذا اردت التوقيع لهذه القائمة
قراة كتاب البخلاء للجاحظ وشوية من كليلة ودمنة
وعليك ان تتسلق النخلة الحمقاء لايليا ابوماضي
انعل ابو الثقافة زاتها
خليلو بسحروك لي
|
مبــــــالغه لاكن ياخليل يا أخوى والله بسحروك كما عشان مثقفاتى.... فى خفة دمك دى
Quote:
فالمسرح اسسه تور الجر
جبت الكلام دة من وين هسى؟
خليل ياخ مالك ؟
ما تدخل فى حاجاتنا شفتنا يوم واحد ختينا لينا طوبة فى بوست الهندسة حقك؟.
|
إستغفرتــك يا مالك روحــــــى هههههههه
| |
|
|
|
|
|
|
|
|
|
Re: مثقفاتية سودانيز ما عندكم حاجة وبوستاتكم (بورندي) (Re: Ana Zaty Omdur)
|
سلامات
وعوافي
بالنظر الي الحالة العامة التي يرزح تحت وطأتها "جماهير شعبناالكريم" ارى انه ومن حيث المبدأ الاتفاق مع معطياتك المطروحة كدليل علي الوطنية في استشعارك لهمة ذوو الشأن و"المنعصرين" علي جدار الثقافة كمخرج من جحيم الازمة مع تحفظي الكامل على اسلوب طرحك لقضية مفصلية "من حيث اللغة المتواضعة والجهجهة الواضحة في مداخلاتك"..
الامر وبرمته لا يعدو "نفخة كير" كون القضية اضحت متشعبة وتحتاج لما هو اكثر من "مثقف" علي النحو الذي يجلب للشارع العام ما يفضي الي النعيم باعتبار ان جوهر القضية "الجوع والفقر والحرب والعنصرية" مازالت تتفشى في شرايين الارض الطيبة ..
من هذا المنطلق اطالب انا عبد الرحيم عبد الله عبد الرحيم درار كـــ"مثقف باتع" بالتجاوب مع خطاب خليل "السوقي" جدا والمنطلق من ثقافته الضئيلة مقياسا بما نحمله نحن المثقفين في "جعبتنا" من حلول وتماهي مع ما يحدث للفقراء والمساكين ..
افراغا لغرضك الدنيء يا خليل من محتواه الغرضي البشع اطالبك بالاعتذار لنا جميعا كمثقفين "نافعين" ..مازلنا وسنظل نثري الراي العام بكل ماهو مفيد وجديد مبتكر ..
لذلك اتمني ان تترك لنا هذا الشأن وان ترحل "والي الابد" مع سفينة الحقيبة واغاني القعدات الطاعمة التي انتهى زمناها .. نحن الان في صدد "حبيبو" و"طه سليمان" وبقية الدر الفريد ..تقول لي اللوري والبطيخ ..
هذا لا يعدو كونه تهريجا متعمدا يقود الي الغوغائية ..
والمثقفين الان يثرون حياتنا الاسفيرية باجتهاداتهم النوعية والواضحة للمتأمل الذكي ..
وانا الان اعكف علي قراءة لواقع عام تعيشه كل الشعوب بما فيها وطننا الحبيب السوادن اسميتها "احلام يابسة" وهي قاب قوسين او ادنى من الصدور اتمنى ان تجد فيها ضالتك "كمهرج" وحاقد تحسدنا علي "ثقافتنا الثرة" وعلي بهاء طلتنا والتفاف الحسان حول كتاباتنا واراءنا السديدة ..
ودمت
الاستاذ / عبد الرحيم درار
المشهور بـــ"ودرملية"..
| |
|
|
|
|
|
|
|
| |
khaleel
محمد عبد الماجد الصايم
طارق جبريل
محمد حيدر المشرف
عبدالكريم الامين احمد
emad altaib
الشامي الحبر عبدالوهاب
musadim
محمد البشرى الخضر
baha eassa
سارة علي
Ahmed Abdallah
haroon diyab
طارق أحمد خالد
على محمد على بشير
عبدالعزيز الفاضلابى
محمد عبدالرحمن
خالد عبد الله محمود
Elmoiz Abunura
ودرملية
فيس بوك
تويتر
انستقرام
يوتيوب
بنتيريست