دعواتكم لزميلنا المفكر د.الباقر العفيف بالشفاء العاجل
|
|
 خضر عطا المنان عريس فى كندا
|
تم مساء الامس فى حفل هادىء جدا عقد قران اخونا العزيز خضر عطا المنان على احدى الحسناوات السودانيات فى اوتاوا..
وهو اليوم بيننا..
مبروك للعروسين
ومبروك لناس اوتاوا بأخونا خضر...
|
|
 
|
|
|
|
|
|
|
 Re: خضر عطا المنان عريس فى كندا (Re: نادية عثمان)
|
الأخت العزيـزة نور تاور
الله ينور عليك.
ألف مبروك للأستاذ خضـر عطا المنان، وألف مبروك للعروس، وبين دين ومال وعيال إن شاء الله.
أرجو أن أنتهـز هـذه الفرصـة ونقدم له هديـة بإعادة حسابـه.. أصلو ما حيكون فاضى للكتابـة اليومين دى :-)
| |
|
|
|
|
|
|
|
|
 Re: خضر عطا المنان عريس فى كندا (Re: Agab)
|
عجب
انت حاضن البورد ونايم ولا شنو؟
بما انك اول المهنئين حا اقول ليك سر..
خضر عطا المنان منور زى النجفة ومبسوط بسطة شديدة خلاس.
قبل المأذون يوصل دخلت الصالة لقيست خضر مشغل رجله زى الترزى يوم العيد..
قلت يا خضر ما تقلق حيجى..
ضحك..
كانت امسية فى منتهى الجمال..
عقبالك لو ما متزوج..
| |
|
|
|
|
|
|
|
|
|
Re: خضر عطا المنان عريس فى كندا (Re: nour tawir)
|
الرائعة نـــــــــــــــــــور
| Quote: انت حاضن البورد ونايم ولا شنو؟ |
أنا حاضن البورد آمل إنكم تجوا راجعين وتنقذونا من ناس زعـــــــيط ومعيط
Quote: بما انك اول المهنئين حا اقول ليك سر..
خضر عطا المنان منور زى النجفة ومبسوط بسطة شديدة خلاس. |
ما كان منــــــــــــــــــــــورنا في البورد
الله يأذي الآذانــــــــــــــــــــــا
Quote: قبل المأذون يوصل دخلت الصالة لقيست خضر مشغل رجله زى الترزى يوم العيد..
قلت يا خضر ما تقلق حيجى..
ضحك.. |
ذكرني والله يوم عقدي
برضه الرجفة حصلـــــــــــــــــت 
| |
|
|
|
|
|
|
|
|
|
Re: خضر عطا المنان عريس فى كندا (Re: nour tawir)
|
نور تاور
كيفنك و الف مبروك يا نور لخضر
ويعني كنت معاكم في اتوا وسمعت في عرس بعد اسبوع
لكن ما قلتوا انه عرس خضر كان حضرناهو
او بحثنا عنه عشان نبارك ليه قبل رجوعنا
المهم الف مبروك وان شاء الله بيت مال وعيال.
تراجي.
| |
|
|
|
|
|
|
|
|
|
Re: خضر عطا المنان عريس فى كندا (Re: Tragie Mustafa)
|
تراجى
كيفنك وكيف الباقين كلهم
عرس خضر كان مفاجأة
ضرب لى وقال جاى اوتاوا وفى مفاجأة..
قلت ليه يتصل من المحطة لما يوصل عشان امشى اجيبه
كان يتصل ويقول لى المأذون فى السكة؟
يباركو ليك السمح انشا الله...
تحياتى..
| |
|
|
|
|
|
|
|
|
|
Re: خضر عطا المنان عريس فى كندا (Re: Elnasri Amin)
|
النصرى
نجيك فى الافراح انشا الله
خضر جنبك فى تورنتو..
لكين وين بالظبط ما عارفة..
اتصل الصباح وقال سايق عروسته وماشى تورنتو..
كان لميت فوقه عندكم السمرى وهيبة واولاد الحويرص والفنانين نصهم فى تورنتو...
سلام...
| |
|
|
|
|
|
|
|
|
|
Re: خضر عطا المنان عريس فى كندا (Re: منصور شاشاتي)
|
الف الف الف مبروك للوجيه خضر عطا المنان وانا اقول الزول ده مختفي وين ما ظاهر على الماسنجر الاتاريهو كان بيستعد للعرس
الاخت الفاضل نور تاور تحياتي واشواقي ورجاء تبليغ الاخ الاستاذ خضر عطا المنان بعظيم اشواقنا ودعواتنا له بحياة سعيدة
تحياتي لعموم الاهل بكندا
| |
|
|
|
|
|
|
|
|
|
Re: خضر عطا المنان عريس فى كندا (Re: هاشم نوريت)
|
ألف مبروك استاذ خضر عطا المنان
وألف مبروك للعروس
ومفتقدينك شديد يا استاذ .. اتمنى عودتك قريبا جدا
تمنياتي بحياة زوجية سعيدة ..
نور
مشتاقين وسلامات ... والتهاني عبرك للاستاذ خضر
| |
|
|
|
|
|
|
|
|
|
Re: خضر عطا المنان عريس فى كندا (Re: samwal ebrahiem)
|
samwal ibrahim
يباركو ليك السمح انشا الله
انت برضو جار خضر وما كنت عارف..
تعرف لمن اتصل اول مرة وقال جاى اوتاوا قلت يمكن قاصد البرلمان ولا الخارجية
بقينا زباين عندهم..
قلت لخضر يتصل عشان امشى اجيبه.
بعد يومين اتصل وقال لى تختى الفى ايدك وتجى هسع الماذون جاى بعد نص ساعة.
انا افتكرت اخونا خضر داير يعقد على المضيفة,
لغاية ما ادانى العنوان..
شوفت جارك اتلوم كيفن..
المهم البركة انه مبسوط 25 قيراط...
| |
|
|
|
|
|
|
|
|
|
Re: خضر عطا المنان عريس فى كندا (Re: nour tawir)
|
تهانينا والف مبروك لعريس الدياسبورا الاستاذ خضر عطا المنان
ومبروك للعروس
وتمنياتنا لكما بالسعادة والذرية المفيدة للوطن وان تزحما الدنيا ابداعا والقا..
وشكرا للاستاذة نور على الخبر الجميل..
نورالدين منان
| |
|
|
|
|
|
|
|
|
|
Re: خضر عطا المنان عريس فى كندا (Re: nour tawir)
|
خضر الدخرى الزول الفنجرى
عديلة وبيضا عليك يا أخوى
وتضوى عروسك زى البدرى
مليون مبروك وبالسعادة والبخت ،
وأتمنى أن تكون فاتحة خير ونشوفك بيننا فى المنبر !
العزيزة الراقية نور تاور ، قلمك ما يتكسر ان شاء الله وكل الود !
يعنى الليلة أفراح كندا قاجة ! من خلانىا قراب منكم !
ومبروك للوالدة يا خضر ، وان شاء الله تكون حضرت معاك !
ست البنات .
| |
|
|
|
|
|
|
|
|
|
Re: خضر عطا المنان عريس فى كندا (Re: nour tawir)
|
تعرفى يا نور ، أنا سعيدة لوجودك بيننا فى المنبر !
بس المألمنى انى طوال فترات تواجدى فى السودان ومصر لم نلتق !
لأنك انسانة وجديرة بالمعرفة !
وخدر حننوه الليلة يوم جديدو سيرو !
ست البنات .
| |
|
|
|
|
|
|
|
|
|
Re: خضر عطا المنان عريس فى كندا (Re: ست البنات)
|
ست البنات لى حدهن
انا اصلو ما عندى حظ..
وانشا الله نتلاقى لو فى العمر بقية..
وشكرا على الكلام الجميل دا.
مش زى بعض الناس الله يسامحهم... تغلطى تختلفى معاهم فى الرأى وعينك ما تشوف الا الشتايم..
خضر يوم جيت ازغرت ليه غلبنى.. ما بعرف..
بس الباقيات قامن بالواجب...
ما تخافى على اخوكى
مبسوط 25 قيراط...
| |
|
|
|
|
|
|
|
|
|
الف مبرووووك (Re: nour tawir)
|
الف مبروك للأخ الحبيب خضر .. ولعروسته الحسناء ..وكل السعادة والهناء ..
وشكراً الأخت نور على الخبر الجميل
م. ياسر عبد الحي - أبوظبي
| |
|
|
|
|
|
|
|
|
|
Re: خضر عطا المنان عريس فى كندا (Re: ADIL FAIT)
|
Quote: شمهروش
اقسمت بالله من غير وصية كنت حااقول ليه..
مباركتك دى بالذات ليها اكتر من معنى..
وحتغسل قلبه من ناحيتك لانه شايل منك
ونجيك فى السمح انشا الله... |
الاخت الحبيبة نورتاور............
ان للاخ خضر معزة كبيرة جدا عندي رغم الاختلاف بيننا
فان الامر بالنسبة لي لا اختلاف على المستوى الشخصي
حزنت جدا لايقافه.....
سعدت جدا لخبر زواجــــه ...
فله مني كل الود والتقدير...
تخـــــــريمة..
الدكتورة نجاة محمود(بيان تبارك له ايضا)
| |
|
|
|
|
|
|
|
|
|
Re: خضر عطا المنان عريس فى كندا (Re: شمهروش)
|
الفرح زغرودة ميلاد جديد
الف مبروك اخونا خضر عطا المنان وتلك الحسناء
عموما هذا ميلاد جديد لحياة جديد نتمني ان تكون مفعمة بالسعادة.
اية رايك يا نور لو شغلتو لينا هاجر كباشي (جياشة والجيش نقلو فتاشة ).
ويجوا ناس نادية يكشفو لينا .
لكم الفرح الخرافي
| |
|
|
|
|
|
|
|
|
|
Re: خضر عطا المنان عريس فى كندا (Re: مجدي شبندر)
|
مجدى شبندر
الفرح زغرودة ميلاد جديد..
دا كلام جميل بشبه روحك الجميلة..
لكين حكاية هاجر كباشى تجى تغنى فى عرس خضر دى تلقاها عند الغافل..
هاجر كباشى تغنى انشاالله فى معسكرات الجنجويد والدفاع الشعبى..
البشبههوها..
وتهز الخلفية الثقافية ومقدمة ابن خلدون..
وتضرب رجلينا فى الواطا زى الجن..
وترفع يدينا فى الهوا زى عبدة الشيطان..
والجنجويد تجيهم الهاشمية ويتنططوا زى العفاريت..
ونحنا وموتانا نقول: حسبنا الله ونعم الوكيل..
انت قاصد تكاوينى يا مجدى شبندر..
وهاجر كباشى دى انا كرهتها زى السم..
جيش شنو؟ وفتاشة شنو؟ وعساكر شنو؟
يفتشوها تفتيش زاتى انشا الله..
العقبال عندك فى الافراح يا مجدى واوع تغلط تجيب الما تتسمى هاجر كباشى...
| |
|
|
|
|
|
|
|
|
|
Re: خضر عطا المنان عريس فى كندا (Re: شمهروش)
|
شمهروش
حكيت لى خضر بالتلفون وقعد يضحك لمن قهقه..
وهو فعلا خلاف عام فى الرأى..
وما عارف يشكر الناس دى كلها كيف...
دكتورة بيان يا حليلها..
والله انا شخصيا فقدتها فى البورد..
وقاعدة اباريها فى المنابر التانية عشان اقرا ليها...
وقول ليها العقبال عندك فى الافراح
وما تنسى تعزمنى
لانه حاجى ولو سيرا على الاقدام...
| |
|
|
|
|
|
|
| |
nour tawir
Agab
محمد حامد جمعه
Abureesh
Mohamed Adam
mahdy alamin
بلدى يا حبوب
luai
انتصار محمد صالخ بشير
saif massad ali
منعمشوف
Tragie Mustafa
jini
شمهروش
Dr Mahdi Mohammed Kheir
Elmosley
هاشم نوريت
Aymen Tabir
محمدين محمد اسحق
ALGARADABI
عبدالماجد فرح يوسف
Asskouri
samwal ebrahiem
Mannan
محمد عبدالرحمن
altahir_2
kamalabas
محمد الامين احمد
Saifeldin Gibreel
إسماعيل التاج
ست البنات
زول ساكت
nasiradin
سفيان بشير نابرى
ADIL FAIT
مجدي شبندر
tmbis
فيس بوك
تويتر
انستقرام
يوتيوب
بنتيريست