|
دعواتكم لزميلنا المفكر د.الباقر العفيف بالشفاء العاجل
|
|
 Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
Quote: اعتقلت سلطات الامن في مدينة الباوقة بتاريخ 19 / 11
المواطن خضر حامد عضو الحزب الشيوعي أثناء توزيعه بيان لفرع الحزب بالمدينة
يتعلق بقضايا المنطقة وقد تم التحري معه ومصادرة البيان ومن ثم أطلاق سراحه في
نفس اليوم. |
الاخ خضر حامد الملقب ( بالزعيم ) قد بلغ من العمر عتيا . لا اعتقد ان بستطاعته القيام بتوزيع منشورات . بعدين مش حــــرام عليكم كادر زي الزعيم دا يوزع منشورات طيب الاولاد الصغار في الحزب يوزعوا شنو ..
غايتو يا ناس الحزب الشيوعي عندكم جنس ( محن )
اخي الزعيم حمدا لله على السلامة ...
ود الباوقة
| |
 
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: ود الباوقة)
|
| Quote: طيب الاولاد الصغار في الحزب يوزعوا شنو |
ود الباوقة انشاء الله يوزعو تسالي انت مالك ومالهم
زمان كان ناس الامن متلحين الاستاذ الزميل اسامة خضر الملك
لحدي ما ترك ليهم الباوقة ومش شاف ارزاقو في الخرطوم
| Quote: اعتقلت سلطات الامن في مدينة الباوقة بتاريخ 19 / 11 |
والله ماشاء الله يا ود العبيد عملتوها لينا مدينة حتة واحدة ؟؟
تعرف يا خالد الباوقة دي زمن عموديتنا   كنت سلة غذاء السودان كلو
جو ناس الذكاة والضرائب والعشور ودعم الجهاد ودعم الحرب ودعم الشهيد ودعم المشير والخ الخ الخ الخ نشفوها ليك تصدق ده من الزرع يبدا ينور بس يجو الجيعانين بتاعين ديوان العاملين عليها ديل يقدرو ليك الزكاة على طول وبعد ما الهبوب يحت التمر ويتلف الزرع والضرع يجو يقولو ليك ما لينا بعوامل التعرية نحنا عاوزين حقنا ؤبث ويحرسو ليك الدقاقة ويحاصرو الحواشة بقوات الامن والشرطة
ود الباوقة انا لحدي الان مستغرب كيف انسان من الباوقة بعد ما شاف الخراب ده بيكون كوز ؟؟ وبعد العمر المديد ده ؟
ياخي حرام عليك اخير ليك كان تكون في بعثيك احسن ليك اهو بعاتي على قول تراجي للبعثيين ولا حرامي
والله يستر الرفيق حسين يوسف ما يجي يسمعنا
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: محمد حسن العمدة)
|
| Quote: ود الباوقة انشاء الله يوزعو تسالي انت مالك ومالهم |
ود العمدة ..
انت اكثر الناس دراية بان الباوقة تكاد تكون مناصفة بين ( للمراغنة ) والمؤتمر الوطني مع قليــل من من ينتمون لحزب الامة...اما الشيوعيون فلا اعتقد بان لهم موطيء قدم في الباوقة ..
الاخ خضر حامد كما ذكرت ان وضعه الصحي لا يسمح له بالتجوال لتوزيـــــع منشورات وحتى وان سمح له فلا يوجـــد اصلا من يوزع لهم ...
| Quote: ود الباوقة انا لحدي الان مستغرب كيف انسان من الباوقة بعد ما شاف الخراب ده بيكون كوز ؟؟ وبعد العمر المديد ده ؟ |
نحمد الله الذي هدانا الي طريق الحق والفضيلة .....
ود الباوقة
| |
|
|
|
|
|
|
|
|
 Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
Quote: كادر زي الزعيم دا يوزع منشورات طيب الاولاد الصغار في الحزب يوزعوا شنو ..
غايتو يا ناس الحزب الشيوعي عندكم جنس ( محن ) |
ودالباوقة
تحياتي
توقعت مرورك اول واحد وصدق ظني
اذكر الايام الاولى من التحاقي بالحزب
تم تكليفي بتوزيع منشورات في منطقة البراري
ووصلتني رسالة بان انسق مع عمنا المناضل المرحوم مصطفى احمد الشيخ
وذهبت له في الزمان والمكان المحددين
ورغم كبر سنه كان جاهز للمهمة بروح عالية جدا
وكان يبث فيني حماس غريب
طلبت منه ان اقوم انا بتوزيع المنشورات في الاماكن المكشوفة
وان يكتفي هو بمراقبة المكان فقط
رفض بشدة وباصرار شديد كان يقوم بالمهمة باتقان وافضل مني
اتمنى من كل قلبي ان يقوم شباب الحزب بمثل هذه المهام المرهقة
وتفعيل مبدئنا الراسخ:
من كل حسب قدرته ولكل حسب حاجته
مودتي
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
| Quote: توقعت مرورك اول واحد وصدق ظني |
نسال الله ان نكون دائما عند حسن ظنكم ...
| Quote: تم تكليفي بتوزيع منشورات في منطقة البراري |
منطقة البراري .. منطقة الباوقة انتو حكايتكم شنو مع الباءات دي ..
| Quote: من كل حسب قدرته ولكل حسب حاجته |
اخي خالد اظنك قد اتفقت معي في طرحي . فالرجل كبير في السن ولديه مشاكل صحية وفـــوق هذا وذاك لا يتحمل جرجرة التحريات والحراسات ..
ود الباوقة
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
Quote: جو ناس الذكاة والضرائب والعشور ودعم الجهاد ودعم الحرب ودعم الشهيد ودعم المشير والخ الخ الخ الخ نشفوها ليك تصدق ده من الزرع يبدا ينور بس يجو الجيعانين بتاعين ديوان العاملين عليها ديل يقدرو ليك الزكاة على طول وبعد ما الهبوب يحت التمر ويتلف الزرع والضرع يجو يقولو ليك ما لينا بعوامل التعرية نحنا عاوزين حقنا ؤبث ويحرسو ليك الدقاقة ويحاصرو الحواشة بقوات الامن والشرطة
ود الباوقة انا لحدي الان مستغرب كيف انسان من الباوقة بعد ما شاف الخراب ده بيكون كوز ؟؟ وبعد العمر المديد ده ؟ |
ود العمدة
تحياتي
بالله انت من اللذيذ تفاحا!
نشكر على المرور
كلنا مستغربين!
مودتي يارجل
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
تحياتى خالد العبيد
ود الباوقة والله تقول قلبو ميت وماعندو احساس بالدمار الذى
تعرضتى له الباوقة من قبل الانقاذيين با اخى المشروع كل سنة مويته
تقيف سبعة شهور لانعدام الرىّ تقول الانقاذ والموتمر الوطنى .
مستشفى الباوقة بخلو من منضدة لجراحة وتجرى العمليات الصغيرة
فى طربيذة من الخشب وهذا ما شاهدته ينفسى وقاله لى الاطباء
كهرباء المستشفى تاتى من مولد ( بابور الفا) من الساعة 6:30 مساء
العاشرة بعد ذلك بشغلون وابور المستشفى الذى صنع فى العام 1976
وفى كثير من الاحيان يكون معطل .
البانطون ( والله العظيم الا يدفروه بفلوكة صغيرة تسير بجانبه من الضفة
الشرقية الى الغربية والعكس .
| Quote: انت اكثر الناس دراية بان الباوقة تكاد تكون مناصفة بين ( للمراغنة ) والمؤتمر الوطني مع قليــل |
دى كلام ما صاح ابدا
اولا ناس الباوقة على العموم ينتمون للطريقة القادرية (كدباس) وولاء اغلبيهم الى
الحزب الوطنى الاتحادى( ناس الازهرى) وفى انتخابات الديمقراطية الثالثة ذهبوا الى
كدباس فسالوا الشيخ لمن نصوت والحزب منقسم ؟.
الانصار طبعا هم ثانى الاغلبية فى منطقة الباوقة تديدا لكن اذا مشيت فى الشرق (العبيدية)
فهم الغالبية.
اما هولاء الجبهجيجة (الموتمر الوطنى) من هم فى الباوقةانا شخصيا لا اعرف سوى
اولاد عمر الفكى هاشمى (عثمان - عمر -الجعلى ) وبعض اهليهم من ابناء الاخوات اضافة
الى اسرة ( الخليفة ود عثمان) وابنه محمد ، ومحجوب ود حمزة من التكاوين( جديد الانتماء)
الى الموتمر الوطنى .
الحزب ذاهب قطعا ولكن يبقى الاهل الذين دفعوا الثمن غاليا فى زمن (المؤتمر الوطنى) .
التحية للناضل خــضر حامـد الزعـيم
وشكرا
عبدالواحد ابراهيم
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: عبد الواحد أبراهيم)
|
عبد الواحد ابراهيم
سلام
لم أشاء في البداية ان ارد علي ود الباوقة الذي ينكر نور الصباح كخفاش يعيش في الظلام وذلك لسببين
الاول انظر لرد ود الباوقة عندما استغربت انضمامه للفئة الباغية وهو من اكثر البلاد شقاء من الكيزان | Quote: نحمد الله الذي هدانا الي طريق الحق والفضيلة ..... |
انسان يصف مجرمي الانقاذ بانهم الحق والفضيلة لا يمكن ان يناقش ليس لعمق انتمائه فالرجل كان بعثيا عندما كان في الكتف ما يؤكل والان حرف مساره صوب الكيزان لدنيا يصيبها ظنا منه ..
ثانيا هو يردد صباح مساء ما كل وكسل اعلام النظام من ترديده بعد اتضاح شمس الحقيقة بسوسية الانتماء للمؤتمر اللاوطني .. والان ياتينا كوز الالفية الجديدة ود الباوقة ليردد نفس الاسطوانة ... الحقيقة التي يعرفها الجميع ان المؤتمر اللاوطني لا قواعد له في مجلس ريفي الباوقة لان المنطقة معروفة تاريخيا بانقسامها الجغسياسي فاهالي شمال الباوقة او ما يعرف بالجرانيس والسوق انتمائهم تاريخيا للمراغنة والختمية كما تفضل الاخ عبد الواحد وذلك لارتباطهم الرحمي وصلة القرابة بال جزيرة ارتولي خيلان السيد محمد عثمان الميرغني اذ ان والدته السيدة آمنة بت النور من جزيرة ارتولي .
معروف ان منطقة الباوقة تتقسم الى بيوتات اجتماعيا من هذه البيوتات بيت السيد ابراهيم عبد العزيز بالسوق من كبار الانصار وكذلك العم عبد القادر كنون بالحواشات تمانية .. بالتكاوين حيث الثقل الانصاري اولاد الماحي عبد الرحمن الماحي وهواري الماحي والهوارير بالشرفة عثمان هواري وعبد الله هواري والشرفة نور الدين محمد عبد الله والقنجارة والبدوة وال كنون بالتكاوين والفقراء اولاد زين العابدين وعبد الرحمن ومنطقة واوسي وال الحمود وال قريش هذا من باب الامثلة لا الحصر
نعم هنالك بعض من هم امثال ود الباوقة من منتفعي النظام ومنهم اولاد الفكي هاشم عليه رحمة الله وهم ابناء عمومة لي مثل المقدم وثابت وعمر وبعض انسابهم من منطقة حبيب الله بمدني ..
البقية المتبقية من التكاوين كما ذكر الاخ عبد الواحد هم وطني اتحادي وكان منهم جدنا عليه رحمة الله الفكي حسن وجدنا الجعلي عثمان الذي اسمى خالي - ابنه بالصادق - ومن حينها صارت كنيته بالسيد ..
اذا الباوقة انتمائها التاريخي ولا يزال للحزب الاتحادي الديمقراطي ولحزب الامة وللوطني الاتحادي الزعيم الازهري
هذا من الناحية السياسية
اما عن الصحة والاقتصاد فكما تفضل الاخ عبد الواحد واكثر من ذلك فمدير مشروع الباوقة هو السيد خضر الجعلي خالي ايضا والمسكين حاله يغني عن سؤاله كل يوم في بلد من اجل قطع غيار لوابور الموية - البيارة - التي تكرم النور الخليفة زروق احد القيادات الاسلاموية وحاليا مؤتمر شعبي وهو من ال الكندو بالتكاوين والزراريق تبرع بوابور ماء للمشروع ادى الى تحسن نسبي ما لبث ان انقطع لقطع الغيار وعدم توفر المواد البترولية ايضا علما بان المشروع يفتقر الى اهم مدخلات الانتاج اللازمة لاستمراره .
مستشفى الباوقة في العام 2001 كان بها الزميل من جامعة الجزيرة طبيب خالد بركة كنت ازوره كثيرا بالمستشفى وكان يعمل في ظروف تضائل معها كلمة صعبة جدا يا اخي الفاضل كانت عمليات النساء والتوليد تتم بفانوس نتيجة لعدم توفر التيار الكهربائي اضافة الى العجز التام في وسائل التطعيم والتعقيم المطلوب توفرها بالمستشفى .. وكان بعد كل عملية يتم نقل المريض او المريضة الى مستشفى عطبرة !!!
عن المواصلات - الحمير - تحدثنا يا ود الباوقة ام عن وسائل الرفاهية و زيادة راس المال المتوفر بالبلدة ؟؟؟؟؟؟؟؟؟؟؟؟؟
كل هذه الماسي والحزب الحاكم هو حزب الفضيلة والحق ؟؟
ياخي اخجل وصحي ضميرك يا بلدياتنا
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: ود الباوقة)
|
ود العمدة ..
اظنك سمعت باغنية .. من باوقة حمد واللمين .. من هــــو اللمين انه العمدة اللمين محمد حمزة ..
يعني باختصار نحن عبد اللاب حمزياب وهؤلاء يمثلون اي الحمزياب 85 % من سكان الباوقة.
الباوقة ايضا بها بعض الاسر من الرباطاب التاج الرباطابي واخرون .. وبعض المناصير ود الحوري وغيره
وشايقية ناس الخضر ود على حداد . وقليل من الحسانية ..
ود الباوقة
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
خالد العبيد
سلامات
ود السافل غنى للباوقة :الباوقة أم زهور ..جنة الفردوس ..السكانا حور.
التحية لاهلنا في الباوقة..و الذين كما ذكر الأخوة أن ولاء معظم سكانها هو للأتحادي الديمقراطي و لو شفت جنينة سيدي"السيد علي الميرغني" حتقتنع ..من شيوعيي الباوقة خالي المرحوم د. بشير الياس و هو من الرعيل الأول ..من الشيوعيين المشهورين برضة خالنا عثمان العوض و هو كان من قيادات العمل النقابي بعطبرة ..
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: نصار)
|
خالد عبيد..تحياتى
ألتقيت بك فى مكتب فرح فى السودان لو تذكر....
ناس الباوقة ...فى البوست العم خضر الشهير( بخضر المواطن) كادر نقابى قديم فى السكة حديد وشرس ومقاتل..وأعتقد أن المؤتمر الوطنى يسعى جاهداً لتغييب أنتماءات أهل المنطقة التاريخية للحزب الأتحادى الديمقراطى بقاعدته الختميه العديل..وياود العمده الأنصار فى الباوقة لهم وجود لكن ليس بالكبير واٍن كانوا تنظيمياً الأنشط والأكثر حركة...وقصة الوطنى الأتحادى بتاعت عبد الواحد دى ماعندها اساس لكن الأنتماء للقادرية وناس كدباس ده كلام أكيد..بجانب أن رصده لمعانات أهلنا ناس الباوقة خصوصاً فى المستشفى والخدمات التعليمية ده كلام حقيقى..وبعدين ياود العمده وود الباوقه السرطانات هناك اسشرت بشكل وبائى ومخيف والمستشفى طاقته الأستيعابية ضعيفه جداً والناس تعبانه ..اضف الى ذلك فى زيارتى الأخيره منطقة المشرع فى العبيدية تتهددها كارثة بيئية حقيقية تساهم فيها الجمارك والظروف البائسة التى يعيشها (عمال الدهب)
ود العمده ..عليك الله خلينا نستغل المنبر ده وأفتح بوست لدعم مستشفى الباوقة..شايفك زول جماهيرى هنا زى ود الباوقة ..لكن ود الباوقه بيعمله لينا شغل أنتخابات ومؤتمر وطنى
التحيه مره أخرى للعم خضر المواطن..وللحزب الشيوعى (بمدينة الباوقة)
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: حاتم الياس)
|
Quote:
واظنك سمعت بالعمدة ابراهيم ود حمزة شقيق جدي محمد ودحمزة .. |
ابراهيم شقيق محمد ود حمزة ده ما عرفناه
عاقدة العقلة فوق الحزة
أم توبا خيط حرير مو قزة
دايراك متل أبوى جبلا ولا بتهزة
متل ألمين أخوي شطة وعقارب حزة
متل ابراهيم أخوي من الكتل ما فزة
خيلهن في الكتال ما بتدور لها لكزة
إن رجعت سروجهن راجية المساير حزة
عليك أمان الله السروج غطاها الهوان
يا ود الباوقة الحمزياب وفدوا للباوقة من منطقة مبيريكة..
انت أحسن ليك تمسك في ناس الزيداب.. ناس أصل وتأصيل ..وحكاية أباً عن جد دي خلها.. الموضوع ما محتاج..
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: المسافر)
|
يا ود الباوقة الحمزياب وفدوا للباوقة من منطقة مبيريكة.
اللهم زدنا علما.....
| Quote: ابراهيم شقيق محمد ود حمزة ده ما عرفناه |
نعم الصحيح هو ابراهيم محمد حمزة جد مختار ودعبد الله ومحمد حمزة هو والد جدتي من والدي
| Quote: انت أحسن ليك تمسك في ناس الزيداب.. ناس أصل وتأصيل ..وحكاية أباً عن جد دي خلها.. الموضوع ما محتاج |
..
اراك مصر على مسالة الزيداب يا مسافر رغم ان لا بيت لنا فيها ولا اهل ولا ناقة ولاجــمل ونحن رضيت انت ام ابيت من الباوقة اكرر لك مرة اخرى ابا عن جد وبلاش مسخرة ...
كنت انوي مقابلتك عندما كنت في السودان واكيد اكيد حا نتقايل ..
ود الباوقة
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
جني
تحياتي
Quote: انتوا البخليكم تعتقلوا من بلغ من العمر عتيا شنو!
ليس منا من لم يرحم صغيرنا ويوقر كبيرنا!
غايتو الحديث دا وانتوا لايقين على بعض!
وكمان ماثور القول الرائد لا يكذب اهله!
حالتو مشير! |
احترام شنو وتوقير شنو يا جني
شفع الامن بتاعين الجبهة في المعتقلات بشلتو المعتقلين بالجزم
غض النظر عن اعمارهم او احزابهم
شاهدت هذا بعيني والله العظيم
ضرب بالبوت وفي الراس لي ناس كبار في السن
بدون رحمة
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
الاخ خالد تحياتي
الزعيم خضر حامد من الناشطين السياسيين بمنطقة الباوقة وهو من المعارضين الاصيلين لنظام القمع
والهوس الديني وهو من القلائل المهتمين بنشر الوعي في منطقة الباوقة رغم تقدمه في السن فهو شعلة من النشاط وهو انارة حقيقية في المنطقة لذا لا استغرب اعتقاله من قبل الطغمة المتسلطة .
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
ود الباوقة
يا زول ما تزعل نفسك علي الطلاق من الباوقة من الباوقة اصلا اصلا تاني في شنو ؟؟
بس ما تحكها مع اخونا المسافر ده بنشف ريقك وبرص ليك النضم
واهل الزيداب مفخرة والله ده انا بفتخر بيهم وعندنا معاهم نسب ورحم وكذلك العالياب وعملنا فرع اسمو التكاوين ايضا بهناك
ده كلو مافي الموضوع
الموضوع الاساسي وكت بتهمك الباوقة قدر ده موضوع الصحة و التعليم والخدمات الاساسية وخلو سرقة اموال الناس ونهب المحصول من المزارع المسكين وعبو الوابور نزين عشان يدور المشروع وبطلو جباية عاملين عليها وخلو الناس براهم بطلعو زكاتهم وعارفني مصارفا كويس
انت وقت من الباوقة جد عن جد اهتم باهلها ولا تضع يدك فوق يد من قتلها
حاتم الياس :
| Quote: فى البوست العم خضر الشهير( بخضر المواطن) كادر نقابى قديم فى السكة حديد وشرس ومقاتل..وأعتقد أن المؤتمر الوطنى يسعى جاهداً لتغييب أنتماءات أهل المنطقة التاريخية للحزب الأتحادى الديمقراطى بقاعدته الختميه العديل..وياود العمده الأنصار فى الباوقة لهم وجود لكن ليس بالكبير واٍن كانوا تنظيمياً الأنشط والأكثر حركة...وقصة الوطنى الأتحادى بتاعت عبد الواحد دى ماعندها اساس لكن الأنتماء للقادرية وناس كدباس ده كلام أكيد |
في بابنوسة في العام 1987 تقريبا كثر الحديث عن ذلك المهندس المتفرد الزول البنزل بالابرول لمجاري الزيوت في ورشة الديزل وبيشرف بنفسو على صيانة الوابورات شاب وقور وزو خلق واخلاق ليس كمثله من المهندسين المتانقين المترفعين عن القيام بواجباتهم مدمني المكاتب والترفيه والترفع عن العمال
العزيز جدا خضر المواطن اخر عهدي به في مدينة بابنوسة وبعدها سافر الى احدى دول اوربا في كورس دراسي وانقطعت عني اخباره والاسره ارجو شاكرا يا حاتم مدي برابط البوست عن المهندس خضر المواطن التبرع للمستشفى يا حاتم ممكن جدا وسيلقى النجاح حتما ولكن مع وجود هذا النظام سيكون الامر عسيرا خاصة ان هنالك سوابق ومنها بانطون الباوقة الذي تم تحويله اكثر من مرة الى مناطق نفوذ اخرى خاصة بالنظام
| Quote: وقصة الوطنى الأتحادى بتاعت عبد الواحد دى ماعندها اساس |
يا حاتم البخلي قصة عبد الواحد ما عندها اساس وقصتك انت عندها اساس شنوو ؟
الحقيقة التي اعرفها جيدا واستمعت اليها من الجد الطيب يس عليه رحمة الله وانت تعرفه جيدا ومن الجد الفكي حسن بالمغاربة ايضا جميعهم تحدثوا عن انتماء معظمهم الى الوطني الاتحادي وعبر كدباس للزعيم اسماعيل الازهري ...
يعني امسك من المخازن والحواشات والتكاوين والمغاربة وواسي وانت ماشي لكدباس كثيرون منهم انتموا عبر كدباس للوطني الاتحادي
اما شمال الباوقة السوق والجرانيس فكثيرون ايضا للاتحادي الديمقراطي بسبب صلة القرابة وخولنة ارتولي للسيد الميرغني وكما قلت انت فان البيوتات الانصارية متفرقة في الباوقة وهي الاكثر حركة وتماسكا ونشاطا والان اضيف اليها بيت جديد بيت العمدة محمد عثمان الطاهر يعني الاتحاديين يخمو ويصرو loooooool
Quote: اقول ليكم سر
اخترت عنوان هذا البوست بتركيز!! |
ود العبيد الاتاري لابد ليك فوق راي ؟!
Quote: لتوصيل رسالة مختصرة
انتهت في حكم المؤكد مسألة المناطق والدوائر المقفولة تاريخيا!!!
خاصة بعد نهوض ونجاح الحركات المسلحة في الغرب والشرق
مناوي وعبدالواحد ومناضلي الشرق نجحوا في تمزيق هذه الفاتورة!! |
كان كدي واطاتك صبحت
ياتو حركات دي النجحت ؟
بعدين يا خوي وجود افراد في الحزب الشيوعي بالباوقة لا يعني انك جندت المنطقة كلها في الستينات واواخر الخمسينات كان عدد منسوبي الحزب الشيوعي بالباوقة يساوي عضوية الحزب الان بكامل السودان وكان منهم والدي النقابي الشيوعي حسن عثمان العمدة
يا خالد الفاتورة ما بتم تمزيقها من استراليا نصف عضوية الحزب الشيوعي اعادة توطين نفسها بالخارج ومعظمهم عليهم متاخرات الخمسة في المية لسنين عددا فكيف عاوزين تمزقو الفاتورة ؟؟!!!!!!!!
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
| Quote: ياتو حركات دي النجحت ؟ |
طبعا حركات دارفور المسلحة بمختلف تسمياتها!!
الناس ديل قدمو درس عظيم اكدو فيه ان قضاياتلك المناطق اصبح الحل والربط فيها عند الجماهير الغير مأمورة بي عصاية او قناية او محاية!! .. مسألة وين ما السيد صوت نحن صوت انتهت يا ودالعمدة ، شفت الوعي بيعمل شنو خاصة لمن يكون وعي حارسو سلاح!!
ياخ الموضوع ده بيقع ليكم بعدين!!
مودتي
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
| Quote: طبعا حركات دارفور المسلحة بمختلف تسمياتها!! |
غايتو يا خالد الا اذا كانت معايير النجاح لديك بالقبلية في دي نجحو نجاح كبير
الحركات من حيث انها عبرت بشكل حاد عن مشاكل الاقليم في دي نجحو لكن اسوا من ذلك هو تدمير النسيج الاجتماعي في الاقليم وتمزيق اواصر التعايش والتراحم بين ابناء الاقليم من مختلف قبائلهم واعراقهم
حركات دارفور سياسيا يا خالد يا زول يا منظم وومنهج هي نتاج لشكلة المؤتمر اللاوطني شكلة بين شعبي ووطني بين الترابي واولاد ( الغرب ) من جهة وبين البشير وعلى عثمان ونافع اولاد ( البحر ) من جهة اخرى شكلة الاسلامويون بسبب خلافة الزبير محمد صالح هل يكون على الحاج ام على عثمان
وبسبب ده تفجرت دارفور
والضحية انسان دارفور
راح ليك الدرب يا خالد ولا شنو
انت زول شيوعي ياخ وتفهما وهي طائرة مالك جو سيدني ده لخبت برمجتك ولا شنو
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
Quote: في بابنوسة في العام 1987 تقريبا كثر الحديث عن ذلك المهندس المتفرد الزول البنزل بالابرول لمجاري الزيوت في ورشة الديزل وبيشرف بنفسو على صيانة الوابورات شاب وقور وزو خلق واخلاق ليس كمثله من المهندسين المتانقين المترفعين عن القيام بواجباتهم مدمني المكاتب والترفيه والترفع عن العمال
|
الاخ ود العمدة المهندس خضر الذي تقصده هو المهندس خضر حسن عبد القادر وهو ابن عم ود الباوقة عمر محمد عبد القادر . وحسب معلوماتي هو الآن مدير بالسكة عطبرة . ولمزيدا من التواصل معه سوف امدك بتلفونه لو طلبت .
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
Quote: في بابنوسة في العام 1987 تقريبا كثر الحديث عن ذلك المهندس المتفرد الزول البنزل بالابرول لمجاري الزيوت في ورشة الديزل وبيشرف بنفسو على صيانة الوابورات شاب وقور وزو خلق واخلاق ليس كمثله من المهندسين المتانقين المترفعين عن القيام بواجباتهم مدمني المكاتب والترفيه والترفع عن العمال
|
الاخ ود العمدة المهندس خضر الذي تقصده هو المهندس خضر حسن عبد القادر وهو ابن عم ود الباوقة عمر محمد عبد القادر . وحسب معلوماتي هو الآن مدير بالسكة عطبرة . ولمزيدا من التواصل معه سوف امدك بتلفونه لو طلبت .
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
| Quote: انت اكثر الناس دراية بان الباوقة تكاد تكون مناصفة بين ( للمراغنة ) والمؤتمر الوطني مع قليــل من من ينتمون لحزب الامة...اما الشيوعيون فلا اعتقد بان لهم موطيء قدم في الباوقة .. |
يا زول الشيوعيين ديل في أي مكان، والمناصفة بتاعتك دي في نصها الزروقاب، وديل ناس نص الباوقة الجد جد.
لحد هسة زروق الياس قاعد في الباوقة ومن انشط الكوادر، ده لجنة شعبية براهو.
قبالو دكتور بشير الياس رحمه الله، بقى ده حكاية تانية زمن نقابة الاطباء.
ولو داير الدقدق الصغار أمسك ناس صلاح وعادل وهادية وإيييييييييييييك.
قايل الناس بعاد ولا شنو طوالي دخلت في مناصفة وبتاع؟؟؟؟؟؟؟؟؟؟؟؟؟
بعدين يناصفوا ليها شنو؟ ود العمدة قال ليك البلد بقت خلا ساكت.
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
غالب اهل المنطقة ينتمون للاتحادي الديمقراطي (شعب ديقراطي او وطني اتحادي ) مع بعض بيوتات انصارية ذكر ود العمدة بعض منها . يوجد شيوعيون بالمنطقة وهم يتحركون ويتغلغلون في المجتمع ببطء شديد لم اري حركة واضحة للكيزان في المنطقة الا بعد سرقتهم السلطة . من الملاحظ المد الشديد لحركة انصار السنة بين الشباب وهذا في اعتقادي ناجم لرفض شباب المنطقة لتخلف حركة الاتحادي وحزب الامة وايضا لرفضهم توجهات المؤتمر الوطني الغير اسلامية والغير اخلاقية .
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: وليد شريف)
|
ياسلام يا خالد ذكرتنى فتره جميله ، فى يوم 20 يوليو 1971 كنت فى الباوقه ، وكان معنا زميل مخضرم ( حجير ) تحدثنا كثيرا فى ذلك اليوم ، واستمعنا الى الراديو اكثر خاصة اللقاء الشهير ، لقاء وردى ومحجوب شريف .
فرع الباوقه من الفروع القديمه والنشطه بحكم ان الباوقه منطقة انتاج زراعى وقد كان بها اتحاد للمزارعين لعب دورا ملموسا فى التصدى لقضايا المزارعين.
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
كتب الاخ ود الباوقة
| Quote: اخي خالد اظنك قد اتفقت معي في طرحي . فالرجل كبير في السن ولديه مشاكل صحية وفـــوق هذا وذاك لا يتحمل جرجرة التحريات والحراسات .. |
ولماذا يعتقل- أصلا - من يمارس حقه في الحركة والتعبير أصلا??
كنا نرجو آن تتسم بقدر من الموضوعية وتوحيد المكيال يمكنك من أدانة
من يكمم الافواه ويحجر الحرية ويصادر الرأي الاخرويعذب ويعتقل ويشرد
بدلا عن محاكمة جهة سياسية تمارس حقها في التعبير بصورة سلمية...
أحتكم لضميرك يا ود الباوقة وحرر نفسك من قيود مناصرة الطقمة ومن ربق
أن تكون بوقا للسلطان الجائر
كمال عباس
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: Elwaleed Ibrahim)
|
مجددا تحياتى لصاحب البوسـت خالد العبيد والحزب الشيوعى كمان .
| Quote: وقصة وطنى أتحادى دى الجابه عبد الواحد أنتبهت لها أخيراً..والدى نفسه كان من منسوبى الوطنى الأتحادى وله فى الباوقة وخاض مع ناس الوطنى الأتحادى صراعات فى الباوقة ضد حزب الشعب الديمقراطى قبل أن يتحول الى (خليفة عديل) مستقبلى الأخر الذى يبرز لى بين الحين والأخر (بياقاته البيضاء وبراقه ومولده) هههههه |
شكرا حاتم اليأس على هذه الامانة وشكرا على انصافى بالرجوع الى الحقيقة .
واتفق معك ان الهم الان هو كيف ننقذ الاهل بالباوقة من معاناتهم واوافقك الرأى علينا ان
البدء بالمستشفى .ارجو من الاخ حاتم الياس ان يتصل بادارة المستشفى لمعرفة الاحتياجات
ومن ثم ممكن نخصص نداء فى بوست والسودان بخيره وبنيه وانا على يقين من اننا سوف نجد
المساعدة من كل اعضاء سودانيز اون لاين .
بالنسبة لى انا على استعداد لتقديم كل المستطاع .
للمعلومة با ود العمدة انا جدى ( سليمان مكى الحسن ) من التكاوين ومعظم اهلى بالتكاوين
بالقرب من منزلكم الجنب الجامع اذا لم تخذلنى الذاكرة.
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
حاتم الياس
تحياتي
اذكرك تماما كأنو كنا قاعدين أمس في مكتب العزيز فرح
اثمن عاليا مساهمتك القيمة ، هنالك ذهب خالص تحت رمال الباوقة
وعمل حزبي قديم لازال ينبض بالحياة
ارجو من ذوي المعرفة اجلاء الحقائق وابرازها
بوست جاب كمال قسم يا الله عليه
ساعود لبقية المتداخلين واحد واحد
وتحية خاصة للعم المناضل خضر
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
العزيز كمال قسم الله
تحياتي
| Quote: ياسلام يا خالد ذكرتنى فتره جميله ، فى يوم 20 يوليو 1971 كنت فى الباوقه ، وكان معنا زميل مخضرم ( حجير ) تحدثنا كثيرا فى ذلك اليوم ، واستمعنا الى الراديو اكثر خاصة اللقاء الشهير ، لقاء وردى ومحجوب شريف |
شكرا لذكرياتك الجميلة
اتمنى ان تواصل فما احلى الذكريات
مودتي
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
كمال عباس
تحياتي
Quote: ولماذا يعتقل- أصلا - من يمارس حقه في الحركة والتعبير أصلا??
كنا نرجو آن تتسم بقدر من الموضوعية وتوحيد المكيال يمكنك من أدانة
من يكمم الافواه ويحجر الحرية ويصادر الرأي الاخرويعذب ويعتقل ويشرد
بدلا عن محاكمة جهة سياسية تمارس حقها في التعبير بصورة سلمية...
أحتكم لضميرك يا ود الباوقة وحرر نفسك من قيود مناصرة الطقمة ومن ربق
أن تكون بوقا للسلطان الجائر
كمال عباس |
ودالباوقة زاغ زمان
ومابرجع
مودتي
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خضر حسين خليل)
|
Quote: ودالباوقة زاغ زمان
ومابرجع |
اخي خالد العبيد ..
يا زول ازوغ كيف انا ابوك يا ام حمد ...
انا عند رأي باننا منذ ان ولدنا شاهدنا الزعيم خضر حامد وهوعضو بالحــــزب الشيوعي ( بالمناسبة الزعيم يا خالد ابن عمي ) ومنذ ذلك التاريخ كم عدد الذين جندهم الزعيم للحزب وبالاجابة على السؤال تدرك عضوية الحزب الشيوعي بالباوقة وكم عددهم .
بعدين اذا افترضنا ان هناك عضوية فاعلة لماذا لم تقم بتوزيع المنشورات ويتركوا للزعيم القيادة والريادة ..
ود الباوقة
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: خالد العبيد)
|
كتب ود الباوقة
Quote: انا عند رأي باننا منذ ان ولدنا شاهدنا الزعيم خضر حامد وهوعضو بالحــــزب الشيوعي ( بالمناسبة الزعيم يا خالد ابن عمي ) ومنذ ذلك التاريخ كم عدد الذين جندهم الزعيم للحزب وبالاجابة على السؤال تدرك عضوية الحزب الشيوعي بالباوقة وكم عددهم .
بعدين اذا افترضنا ان هناك عضوية فاعلة لماذا لم تقم بتوزيع المنشورات ويتركوا للزعيم القيادة والريادة |
هذا كلام لزج .... النقطة الجوهرية هي: لماذا يعتقل هذا الرجل
وغيره من أصحاب الرأي?وأين أدانتك للسلطة التي تعتقل وتكمم الافواه?
ولماذا تناصر هولاء?
Quote: ولماذا يعتقل- أصلا - من يمارس حقه في الحركة والتعبير أصلا??
كنا نرجو آن تتسم بقدر من الموضوعية وتوحيد المكيال يمكنك من أدانة
من يكمم الافواه ويحجر الحرية ويصادر الرأي الاخرويعذب ويعتقل ويشرد
بدلا عن محاكمة جهة سياسية تمارس حقها في التعبير بصورة سلمية...
أحتكم لضميرك يا ود الباوقة وحرر نفسك من قيود مناصرة الطقمة ومن ربق
أن تكون بوقا للسلطان الجائر |
كمال عباس
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: kamalabas)
|
Quote: ° ÊUOÐ l¹“uð V³Ð ‰UI²Ž«
Ê«bOL« ÆÆ W ËU³«
اعتقلت سلطات الامن في مدينة الباوقة بتاريخ
١١ م ٢٠٠٧ المواطن خضر حامد عضو /١٩
الحزب الشيوعي أثناء توزيعه بيان لفرع الحزب
بالمدينة يتعلق بقضايا المنطقة وقد تم التحري
معه ومصادرة البيان ومن ثم أطلاق سراحه في
نفس اليوم. |
للمنطقة قضاياومشاكل كثيرة جدا منها موضوع الموية
والجبايات التي ارهقت الناس كثيرا الباوقة التي
كانت جنة يقصدها الداني والقاصي من اجل التجارة
والترويح اصبحت الان بقعة شبه قاحلة وارض طاردة
بسبب سياسات الانقاذ العشوائية تخيلوا معي كم الجبايات
والضرائب والزكاة والاتاوات لواحد شحن لوري جريد
( جريد النخل يعتبر نوع من النظافة للنخيل )
من الباوقة حتي عطبرة ليبيعه في سوق عطبرة ,
مايدفعه في هذه المسافة التي تقدر بحوالي 50
كيلو متر اضعاف سعر الجريد لذا ترك الناس هذه
التجارة البسيطة جدا والزائر للمنطقة يري الكم الهائل
من جريد النخل والذي يوثر سلبا علي البيئة في المنطقة .
الباوقة كانت تساهم في الدخل القومي بمنتوجاتها من التمر
والبرتقال والقريب فروت والمانجو الان ولاسباب تسويقية ولهيمنة
قراصنة الجبهة علي مقاليد الحكم وتحكمهم في كل شئ اصبح
منتوج الباوقة ومساهماتها قليل جدا جنائن بالكامل ماتت عطشا
لعدم تمكن اصحابها من دفع طلبة الموية اسعار التمور في الارض
50% من جنائن البرتقال والقريب فروت تم قطعها .
الان الباوقة تواجه الزوال من علي وجه الارض تماما بعد قيام
سد الشريك المزعوم والذي سوف يغطي مساحتها بالكامل تماما
ولكن السلطات مازالت تواصل طمس الحقائق وتغييبها عن
اهل المنطقة البسطاء وهو الصراع المنتظر .
اعتقد ان الحراك الاخير للحزب الشيوعي ينصب في هذا الاتجاه
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: وليد شريف)
|
الأخ وليد شريف
ما سردته من سؤ حال أصاب الباوقة أدي بالكثيرين الى الهجرة و الأنتقال للخرطوم تحديدا..حيث يستوطنون الأطراف..في منطقة عد بابكر الآن حي أسمه حي الباوقة معظم سكانه من الباوقة ..بعضهم أذكر أنهم كانوا من الموسرين و لكنهم الآن في عد بابكر من مهمشي الخرطوم ..يسكنون في بيوت تفتقر لأبسط مقومات الحياة ..محرومين من الخدمات الحكومية ..كذلك الحال في الكدرو و السلمة و أم القرى و غيرها من الأطراف..إعادة الحياة لمشروع الباوقة هو الخطوة الأولى لتحسين شروط الحياة فيها و جعلها منطقة جذب اقتصادي تقنع اهلها بالعودة إليها .
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: ود الباوقة)
|
أندية الباوقة دور مفقود فى التوعية!!!!
طيب وكت قاعدين هنا كلكم لماذا لانناقش ظاهرة جرائم القتل التى أزدادت بمقاييس منطقة الباوقة..وهى أمر خطير وظاهره دخيله (سبق أنناقشت فيها ود الباوقة الذى كان له سبق التنبؤ) بالخلل الذى بدأ يضرب بقسوة على تاريخ من (الرحمية) والألفة دون أن نضع للمكان تصور مثالى..وحتى لانغرق فى تفاصيل المكاجره السياسية..وددت ان أبين ملاحظتى حول دور أندية الباوقة المفقود أنديةمثل المخازنوالحواشات والنيل والأهلى والوحدة يؤمها كل مساء أبناء المنطقة فقط لمشاهدة التلفزيون ولعب الضمنه والكوتشينه ولم اسمع بعمل ثقافى تقوم به هذه الأندية يحاول أن يثتثمر هذه الطاقات الشبابية فى عمل طوعى ثقافى وأجتماعى ..أعتقد أن الباوقة تحتاج لبحث أجتماعى جاد يناقش تكرار حوادث القتل ولأسباب تكون بسيطة ولاتحتاج الى هذه الدرجة من الأنفعالات القاتله..ثمة شئ يتحرك هناك فى قاع المجتمع ولاأعرف ماهو..
نقاشكم يفيد........وفوق حتى طابونةودكنون
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: حاتم الياس)
|
| Quote: طيب وكت قاعدين هنا كلكم لماذا لانناقش ظاهرة جرائم القتل التى أزدادت بمقاييس منطقة الباوقة |
الاخ حاتم فعلا دي جزئية مهمة وخطيرة جدا واعتقد ان عدم تنفيذ الحكم والردع السريع ساهم
في تفشي مثل هذه الظاهرة وعندك امثلة وقضايا تم نطق الحكم بها ولاادري لما عدم البطء في
التنفيذ. بالإضافة لتفشي الجهل والعطالة في المنطقة وهذه تتحمل السلطة الحاكمة جزء كبير.
موضوع الاندية موضوع بجيك راجع ليهو
وفوق حتي تميراتي الماتن من العطش
تحياتي
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: وليد شريف)
|
| Quote: الناس القراب جوك تقبل وين؟!!! |
اقبل لسيدني يا خالد
زمان كان عملت بوست لإقتلاع النظام من جذوره .. لا بد من عودة جميع الكوادر الى الداخل وللاسف بالمشغوليات واكل العيش ما انتبهت الا الان فقط ان هنالك مداخلات لم ارد عليها .. يا خالد ود الباوقة وغيرو من الكيزان ما بتجرأو ويقولو البقولو الا وهم عارفين انو الداخل ما فيهو كوادر تقلع النظام وعشان كده هو باسقاط نفسي بقول ليك عمك راجل كبير في السن ودي حقيقة لان الشباب الموجود الان شباب عملت فيه سياسات النظام بكل الياتها وجبروتها والفهم بتاع الزمان مو زي حسع عشان كده ليهم حق يشوفو نفسهم مالين البلد ويتضرعو ناس نافع وود الباوقة
فهمت كلامي ولا لسع
انا حاليا مستعجل وبرجع تاني برواقة
وليد الشريف
ارجو شاكرا مدي بتلفون الباشمهندس خضر المواطن القاصدو انا يبدو ان كل ناس الباوقة خضر المواطن فلهم التحية والانحناء - طبعا الا الكيزان واعادة التوطين  
| |
|
|
|
|
|
|
|
|
|
Re: الميدان : الاعتقالات تتواصل اعتقال شيوعي بفرع الباوقة (Re: محمد حسن العمدة)
|
| Quote: ياود العمدة ندوة الباوقة كانت فى منزل أل كنون (وأنصاريتهم معروفة) هم من جهزوا للندوة وأكرموا وفادة الوفد وتحدث فيها الأستاذ على محمود حسنين فك الله أسره.. |
شفت الكرم ده كيف يا حاتم ؟؟
ودي الاصالة الما بتتلقي في ناس قريعتي راحت ناس ود الباوقة
حزب الامة ينظم ندوة للحزب الاتحادي
وحزب المؤتمر اللاوطني يعتقل مواطن عشان بيوزع بيان !!!
شفت الفرق كيف يا ود الباوقة
يعني لامن نقول الاخلاق السودانوية والتجربة السياسية السودانوية وسماحتنا السودانوية ... الكلام ده ما للقشرة وبرجه في دلوكة قيقم ولا شنان .. دي حليب صافي لبن اصلي رضعنا من ثدي عزة حقتنا دي وعشان كده بنحب بلدنا ونحب ناسا ومستحيل في يوم ناذي سوداني ولا نعتقلو ولا نشردو من بلدو
شفت الاصالة يا ود الباوقة ؟؟
| Quote: ختاماً يسعدنى جداً أن يكون للحزب الشيوعى وجود فى الباوقة فهو تعبير حى وحقيقى عن تطور الوعى بالمنطقة |
اها رايك يا شنو يا حاتم ننظم ندوة في بيت عمنا عبد القادر كنون متعه الله بالصحة والعافية للحزب الشيوعي السوداني
بس بعد ما يطلع من حيكومة السجم دي
| |
|
|
|
|
|
|
| |
خالد العبيد
jini
حيدر حسن ميرغني
عبد الواحد أبراهيم
نصار
حاتم الياس
المسافر
كمال قسم الله
kamalabas
خضر حسين خليل
فيس بوك
تويتر
انستقرام
يوتيوب
بنتيريست