|
|
|
 Re: اعتذار لاخي بدرالدين اسحق احمد (Re: خالد العبيد)
|
| Quote: نرجو أن لاتتكرر مثل هذه الأخطاء مرة أخرى ... |
يتشابه البقر والمتهم واحد
منسوبو الجبهة الاسلامية قتلة ومجرمين مافي ذلك شك
اعتذاري للاخ بدالدين لا ينفي انهم غير مجرمون
اكرر اعتذاري للاخ بدرالدين
| |
 
|
|
|
|
|
|
|
|
Re: اعتذار لاخي بدرالدين اسحق احمد (Re: Ridhaa)
|
Quote: يعني تاني ماحانصدقك في أي شي يخطه يراعك في هذا المنبر ...
ونعتبره كلام غير مسئول وطائش حسب ماذكرتم ... |
لا يارضا
يعني نتعلم ادب الخلاف والإعتذار....
اخي خالد...اعتذارك تصرف راق لايفهمه كل الناس...لكن يتبقى ان يقبل من اخطات في حقه هذا الإعتذار.
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
حنين للبلد
سلام ....
دا حدوا لي متين ....
منذ سنينن والناس تطلق في الاشاعات والتي بسببها تم خراب بيوت
وأعرف بعض الأخوات اطلقت الشائعات في حقهن لذلك لم يتقدم أي أحد
لزواجهم نتيجة تلك الاشاعات .....
=================================
للصبر حدود
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: Ridhaa)
|
Quote: حدوا لي متين ....
منذ سنينن والناس تطلق في الاشاعات والتي بسببها تم خراب بيوت
وأعرف بعض الأخوات اطلقت الشائعات في حقهن لذلك لم يتقدم أي أحد
لزواجهم نتيجة تلك الاشاعات .....
=================================
للصبر حدود |
رضا
شن جاب لي جاب
والدخل ده في ده شنو..
يعني اسه بدر الدين اسحق ده مافي واحده حتتقدم تعرسه
يااخي كبر الG ووسع الD
انت الشغلة عندك جايطة شديد
الاخ عبيد اخطأ وخلط في الاسماء واعتذر...بتحصل
مفروض ابوي نتعلم نكبر في الصغائر..القصة ماناقصة..ماناقصة كلو كلو..
انت وانا النطلع منها...خلي اسياد الشيء في موضوعهم...الغلطان والغلطوا في..
* G الجمجمة
* D الدماغ
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
العزيزات جدا
ساره وحنين
تحياتي
شكري الجزيل لكن ولكل كلمة كتبتنهاهنا
ما لم اود التصريح به
انني قدمت اعتذاري للاخ بدر بعد اتصال حميم منه
عرفت من خلالها ان الرجل يتمتع بادب جم
تشكراتي العميقة
واعتذاراتي للاخ بدر
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: Ridhaa)
|
Quote: أخطأت في حق الرجل ...
قام هو بالاتصال بك ....
أرجو أن نعي الدرس جميعا ...وأن لايتم إطلاق الشائعات جزافا .... |
رضا يا اخوي
بالواضح كدة وبدون لف ولا دوران..وبدون تحسس..
داير تصل لي شنو يا ابوي؟؟؟؟
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
Quote: نعم
وهذا ما تأثرت به
واكد لي ان بدر يتمتع بروح جميلة
وليتني انا الذي بادرت بالاتصال
وثق تماما بانني ساجري اتصال طويل مع الاخ بدر |
والله يا العبيد.....درر بس...نفسك بارد وهاديء ومرتب
الاخ رضا...شفت القصة مامستاهلة...موضوع اتحل وديا...ارجو انه تكون الأمور اتضحت ليك الآن..
ارجو ان نستطيع دائما ان نحل خلافاتنا بالود..
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: Ridhaa)
|
Quote: حنين للبلد
بالله ماتجوطي الموضوع ساي ...
أنا ضد الشائعات مهما كانت ...لان آثارها بتكون أسوأ ...
الموضوع أصبح بوست في المنبر العام ....فوددت التنبيه لعدم اطلاق الشائعات .. |
رضا
صدقني ماجايطة اي موضوع، ولا اود ان اكرر..تفهمت وجهة نظرك واحترمتها وبنفس القدر احترمت المبادرة الطيبة للاخ العبيد...تعرف انا شخصيا اظنني افتقر الى هذه الروح اعترف بخطأي لكن الاعتذار صعب علي احيانا..وكان راي ان المقصود بالموضوع هو صاحب الشان وهو المخول به قبول الإعتذار او رفضه...وبي صراحة يارضا احسست بانك متحامل على الاخ العبيد شوية فحبيت انه اوضح لك ما وصل الي من بوادر ايجابية مصر انت ان ترى عكسها.
عموما لانطيل في الموضوع...تقبل سلامي.
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
حنين
والله العظيم كنت من المتابعين لبوستات الاخ خالد العبيد منذ أن كان بقاهرة
المعز منذ سنوات خلت ..فلم أتوقع يوما أن يطلق اشاعة مثل الذي خطاها يراعه دون أي دليل .....وسادت قذف الناس بالشائعات جزافا دون مراعاة لما
تتركه من أثر سيئ للطرف الآخر ...
أتمنى من الجميع أن يعوا الدرس
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: Ridhaa)
|
الاخ خالد / سلام
تشكر علي هذا الموقف النبيل
بدر الدين لا اعرفه و لكنه تداخل معي في اخر بوست كتبته فكانت مداخلاته تتدفق لطفا و ادبا جما
نرجو ان يدوم بيننا الود جميعا( رغم اختلاف الافكار) من اجل وطن جميل نتشارك جميعنا في نهضته
| |
|
|
|
|
|
|
|
|
 Re: اعتذار لاخي بدرالدين اسحق احمد (Re: حمد عبد الغفار عمر)
|
الأخ المحترم خالد العبيد ..
صباحاتك بيض .. وأسعدك الله ..
أولاً التحية لك وللأخ بدرالدين إسحق على هذه الروح الطيبة .. فهو بادر بالإتصال وأنت بادرت بالإعتذار .. وهذا والله شيء نثمنه ونحتفي به ...
لكن يا خوي .. أنحنا ضايعين شوية كدة في حتة ما فاهمنها ...
أتمنى إذا لم يكن هنالك حرج أن تفسر لنا .. كيف وقعت في الخطأ .. وكيف تأكدت من أنك أخطأت ...
أعتقد .. وبعد إذنك يعني ..ما دام الموضوع أصبح عام .. فمن حقنا أن نعرف بعض التفاصيل التي ستكون مفيدة قطعاً ..
لك تحياتي ومودتي
"أبوفواز"
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
| Quote: حدثت فيه عن تمزيق الجريدة الحائطية للجبهة الديمقراطية |
اشراقة مصطفى لم تخطئ على الاطلاق
تمزيق الصحف والتحرش بالطلاب والطالبات نوع من انواع العنف
الذي كان ولا زال يمارسه الاسلاميون في الجامعات بما فيهم بدرالدين اسحق
| |
|
|
|
|
|
|
|
|
 Re: اعتذار لاخي بدرالدين اسحق احمد (Re: عبدالله احيمر)
|
الاخ خالد العبيد
الاخوة الذين قلدونـــى وشاحات عــز وفخــر
الاخوة الذين بحثــو عن الحقيقة
الاخوة القراء
الاعتذار أدب اجتماعي في التعامل بين الناس ، ينفي عنك شعور الكبرياء، وينفي عن قلب أخيك الحقد والبغضاء، ويدفع عنك الاعتراض عليك، أو إساءة الظن بك، حين يصدر منك ما ظاهره الخطأ.
تغلب أخــى خالد العبيد على نفسه فاعتذر، فلم يكن لـــى بــد ســوى قبول كلماته ومفرداته ...إلجاما لنفــس تســـعى الى الكبرياء فعذرتــه ..
فقد عدَّ ابن القيم قبول عذر المعتذر من التواضع، ويقول في ذلك: "من أساء إليك ثم جاء يعتذر عن إساءته، فإن التواضع يوجب عليك قبول معذرته ... [تهذيب مدارج السالكين].
وتلقي الأعذار بطيب النفوس، وبالعفو والصفح ويحض الناس على إشاعــة قيــم الاعتذار والتسامح .
فسوء مقابلة المعتذر وعـدم الصفــح عنــه يجعل النفوس تصر على الخطأ، وتأبى الاعتراف بالزلل، وترفض تقديم المعاذير .
الاخ خالد بادر بالاعتذار فبادرت أنا بقبول العذر والعفو والعافيــة .
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: بدر الدين اسحاق احمد)
|
اخـــــى حمد
لعلك سهوت / لعلك نسيت / لعلك لم تقل
انها ثقافــة عــدم تخطئــة الاخــر
ان تجعلك لاخيــك مساحــة تلاقــى بعــد تجافـــى
بذرة نغرسها ويرعاهــا الجميلون الرقيقون امثالك
Quote: بدر الدين لا اعرفه و لكنه تداخل معي في اخر بوست كتبته فكانت مداخلاته تتدفق لطفا و ادبا جما
نرجو ان يدوم بيننا الود جميعا( رغم اختلاف الافكار) من اجل وطن جميل نتشارك جميعنا في نهضته
|
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: بدر الدين اسحاق احمد)
|
معتصم محمد صالح
الذى وجدنا فيه حب الوطن
Badreldin Ahmed Musa
من يجبرنا على الرد
كمال علي الزين
الذى علمنــــى البـــوح بمكنونات الفؤاد
العوض المسلمي
عاشــق وطن اسمــه بورداب الخرطوم
صلاح أبودية
رفيق الصــبا قدرنا ان نكمــل ما بديناهــو دون إشارة من احـــد
كلكم لــكم فى الذاكرة سطرا ..
وفى القلب ذكرى ..
تسلم عازة لينا وليكم
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: حامد محمد حامد)
|
عبدالله ود احيمـــر
نرجـــــو ان يكون قبولنا لاعتذار الاخ خالد العبيد فيـــه شــرح لفؤاد ومســرة لنفــس
وترسيخ لادب وتعزيز لقيــم التسامح ..
| Quote: كما نرجـو من الأخ بدر الدين أحمـد اســحاق أن يقبل إعتذار خالـد |
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
من الواضح أن الأخ خالد العبيد قد أرسى للقاعدة التى نتمنى ان
تســود .. والإعتذار أضاف له ولم ينتقص من قدره ,, له الود
.. ورغم أن السياسة والإختلاف فيها يجب أن بحفظ للود حقوقه.. نحن
نظلم بعضنا كثيرا .. الأخ بدر الدين جمعتنى به لحظات دمغها بأدبه
الجم .. وذوقه الراقى .. لهما معا كل الإحترام
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: ismeil abbas)
|
العزيز دياب
لكم تسامرت معنا انا والمدام وانت لا تدرى
لكم افرحتنا وانت بعيد عنــا ...
كم مرة كــدى عندما تدينا الدنيا ضهــرها كنا نلجــأ من بعد الله الى بوستك الرائع
والله يا زول فرحتنا المدام اكثر شوقــا الى لقياك منــى
ليك كل الــود والدعوات
Quote: بدر الدين من الذين افخر باني عرفتهم هنا
واتمني ان التقيه لاشكره علي اخلاقه وروحه الجميلة.
كم انا سعيد بك يابدر.
كن هكذا دائما
|
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: بدر الدين اسحاق احمد)
|
الاخ محمد عثمان
ان تكون كلمة ... رؤيــة ... سلوك ...
ان تحترم كســب الاخرين
ان تحتفظ بمساحة تلاقــى مع الاخـــر
( تكرم على الكلمات الطيبات علهــا عربون مؤدة وصلــة مع شخصكم الكريم )
Quote: التحية للراجل المؤدب بدرالدين اسحق احمد بجد مؤدب ..
|
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: بدر الدين اسحاق احمد)
|
لاعتذار اممممممم
اعتذر خالد عما كتبه انو الاستاذ بدر الدين كادر عنف
ولكن من ياخذ بالاعتذار في المنابر وتصويب المعولمات؟؟؟!
فخلاص كتب بدر الدين كادر عنف ابدي..
من قبل ذكر احد معلومة خطأ وكذب عني واعتذر عنها
والى الان يستخدمها الاعداء كما حدث قبل سحب باسوردي معلومة اقر صاحبها انها محض كذب..
بكرة حيجي زول يكرر انه اخونا دا كادر عنف مهما كان اعتذار
خالد.ز انصح بدر الدين حفظ البوست دا ليضعه كوصلة في اي نقاش يقال انه
كادرعنف...
فقط يا جماعة ما تالفو القصص ؤبث
بيان في حالة الجدادة ما بتخلي بحتتها..
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
| Quote: فخلاص كتب بدر الدين كادر عنف ابدي.. |
نعم كتبت ان بدالدين كادر عنف
وسيظل هذا رأيي
معاصروه في الاسلامية يشهدون على ذلك
انا اعتذرت عن اتهامي له بانه كادر قتل
مع قناعتي التامة بان الكيزان في الجامعات تربوا على
العنف والقتل وبدم بارد
وسأعود
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
Quote: مع قناعتي التامة بان الكيزان في الجامعات تربوا على
العنف والقتل وبدم بارد |
الحركة الطلابية كلها يا خالد تمارس العنف
اي حزب قدم شهداء..
نحنا الان المفروض نشتغل معا عشان يفضل الحوار الفيه احترام الاخر...
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
الأنا استغربت ليو ... انو فى زول ممكن يضمن اعتذار من خالد العبيد ...
انت والله يا بدرالدين اسحق زول اضينة ساى ... شابكنا ابن القيم ... وابن الرخيص ...
بالله دى معايير تتعامل بيها مع خصم سياسى؟
دى معايير تتعامل بيها مع بتاع الركشة .. ست الشاى ... بتاع الصعود ... شفّع الأورنيش ... سيدالبيت .... سيد الفنايل ...
لكن الشيوعيين ... وبالذات خالد العبيد .....بالغت يا بدرالدين اسحق ياخى ...
أهو طلعت ما كادر قتل ... كادر عنف بس!
الله يسترنا منّك ومن عنفك ...
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: تبارك شيخ الدين جبريل)
|
| Quote: الكيزان هم الذين ادخلوا العنف والسرقة في الوسط الطلابي |
ياخي خالد قبل دا الحزب الشيوعي حل الاتحاد المنتخب وعين لجنة بقيادة الخاتم عدلان ونابري
لما الطلاب اعتصموا بالجامعة الدبابات جات تحت هتافات اضرب اضرب يا ابو القاسم..
( هذه الهتافات قيلت ولكن في اختلاف من بدا بها)
في اعنف من تحل اتحاد وتجيب دبابات
عشان كدا الحزب الشيوعي واليكزان احزاب عقائدية شمولية وعنيفة..
الان يجب تتخلق اجيال جديدة اجيال تؤمن بالحوار الهادف...
والنقد البناء...
حتقعد نتكلم لبكرة عن فلان المات وعلان الكتلو
الكلام دا حاصل من كل الاحزاب...
لازم تقر الكلام دا
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: د.نجاة محمود)
|
يقر شنو ...
فى شيوعى بقر بى حقيقة ولاّ تاريخ ولاّ تطبيق لى منهج ماركسى على الواقع ....
الشيوعيين هم الدخّلوا اللف والدوران واللعبات القذرة والإنقلابات والعسكرية والتصفيات الجسدية والتآمر والعمالة فى السياسة السودانية ...
خاليين من الحس بالإنتما للوطن ... هتافيين ... كذّابين ... انتهازية ...
أحياناً اقرب انفعل واشتمهم عديييل كدة ... تانى اتذكّر انو اىّ زول بمارس سياسة ممكن يكون عندو على الأقل واحد فى المية حسن نية ...
واتذكّر أواصر الصداقات الشخصية بينى وبين الكتير من المحسوبين على الحزب السيوعى السودانى ...
بالإضافة لى انى عادةً بحاول اكون موضوعى فى آرائى (خصوصاً السياسية) ...
فبقول لى نفسى ... عشان ما اضطر اجى اعتذر ... مافى داعى للشتيمة .... وصفهم يكفى (ولو دايرين دلايل ندّيكم)
.. المهم ...
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: خالد العبيد)
|
Quote: الأنا استغربت ليو ... انو فى زول ممكن يضمن اعتذار من خالد العبيد ...
انت والله يا بدرالدين اسحق زول اضينة ساى ... شابكنا ابن القيم ... وابن الرخيص ...
بالله دى معايير تتعامل بيها مع خصم سياسى؟
دى معايير تتعامل بيها مع بتاع الركشة .. ست الشاى ... بتاع الصعود ... شفّع الأورنيش ... سيدالبيت .... سيد الفنايل ...
لكن الشيوعيين ... وبالذات خالد العبيد .....بالغت يا بدرالدين اسحق ياخى ...
أهو طلعت ما كادر قتل ... كادر عنف بس!
|
| |
|
|
|
|
|
|
|
|
 Re: اعتذار لاخي بدرالدين اسحق احمد (Re: بدر الدين اسحاق احمد)
|
تبارك يا ود شيخ الدين
يا اخـــوى هاك حصــة الدين دى
القول /الكلمة/المشاعر / عندنا هـــى ( سلوك ) والسلوك يعبر عن قيــم ..
والقيم احــدى مكونات ( العقيدة )
والعقيدة تعبير عن فلسفــة
ونحن من وراء ذلــك نبحــــث عــن الانســان الذى يتنســـم هــذه المعانـــى
لنكتــب معــه مسيــرة ابناء ادم .
كتب ود العبيد ( صــاحـب مصطلــح الذاكرة الخضراء
اولا
Quote:
كتبت انه احد كوادر العنف والقتل بالجامعات
اتهام طائش
لا تسنده اي حقائق
اعتذر للاخ بدرالدين
وله احترامي
|
ثم كتب ود العبيد ثانيا
Quote: نعم كتبت ان بدرالدين كادر عنف
وسيظل هذا رأيي
معاصروه في الاسلامية يشهدون على ذلك
انا اعتذرت عن اتهامي له بانه كادر قتل
مع قناعتي التامة بان الكيزان في الجامعات تربوا على
العنف والقتل وبدم بارد
ثــم فتح بوســـت :
اعتذار لاخي بدرالدين اسحق احمد
انت يا تبارك حاكيها مالك ( برضــو تقول ليـــه إضينــه )
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: A.Razek Althalib)
|
بدر الدين اسحاق..
هذا البدر أسألوا منو في الشعبية..أسألوا الجيران عنه..الرجل الشهم..الذي يعمل من أجل الآخرين.
ما كتبه عنك دفعته سعادتو صلاح أبو دية كان يمكن أن يكفي و لكن مررت لتحية ابن حلتي الرجل الخلوق بدر الدين اسحاق...
| |
|
|
|
|
|
|
|
|
|
Re: اعتذار لاخي بدرالدين اسحق احمد (Re: Badreldin Ahmed Musa)
|
أخي العزيز / خالد
تحياتي وتقديري ،
شكراً لك ولاعتذارك للأخ بدر الدين ، فهذا تصرف راق منك يدل على حسن الطوية وينفي عنك شعور الكبرياء مثلما هو ينفي من قلب بدر الدين صفة الحقد عليك أو الكراهية .. واعتذارك هو في الأساس أدب اجتماعي سامي في التعامل الاسلامي .. وهذا الاعتذار مؤكد سوف يدفع عنك الاعتراض عليك أو إساءة الظن بك ، حين صدر منك ضد الأخ بدر الدين ما ظاهره الخطأ . وكما قيل رغم أن الاعتذار بهذا المعنى حسن ، لكن الأحسن منه أن تحذر من الوقوع فيه مما يجعلك مضطراً أو عرضةً للاعتذار . ولعلنا نذكر ما جاء في وصية حبيبنا المصطفى عليه أفضل الصلاة وأتم السلام لأبي أيوب الأنصاري رضي الله عنه ، فقد جاء في تلك الوصية الموجزة من خيـر البشر لأبي أيوب : لا تتكلم بكلام تعتذر منه غداً ، فإن زلت قدمك مرة فإنه " لا حليم إلا ذو عثرة ، ولا حكيم إلا ذو تجربة " ، كما في الحديث .
وأحمد لك أنك بادرت بالاعتذار عندما تبين لك خطأ ما وقعت فيه من إتهام للأخ الزميل بدرالدين ، لأن من التواضع كما قيل ألا تكابر في الدفاع عن نفسك ، بل إن الاعتراف بالخطأ أطيب للقلب وأدعى للعفو وقبـول الاعتذار ، وهذا ما حدث من أخينا بدر الدين ود اسحق ، جزاه الله كل خير .
ولا أدري لماذا أتذكر هنا مقطع للشاعر الراحل نزار قباني ،
حين يقول :
أحبائي :
إذا كنا سنرقص دون سيقان .. كعادتنا
ونخطب دون أسنان .. كعادتنا ..
ونؤمن دون إيمان .. كعادتنا ..
ونشنق كل من جاؤوا إلى القاعة
على حبل طويل من بلاغتنا
سأجمع كل أوراقي..
وأعتذر...
مودتي لك وللمتداخلين ،
( ليمو )
| |
|
|
|
|
|
|
|
| |
خالد العبيد
Ridhaa
سارة علي
حمد عبد الغفار عمر
صديق عبد الجبار
معتصم محمد صالح
Badreldin Ahmed Musa
العوض المسلمي
صلاح أبودية
بدر الدين اسحاق احمد
ابراهيم بقال سراج
Hisham Amin
خدر
حامد محمد حامد
haroon diyab
Mohammed Ibrahim Othman
ismeil abbas
تبارك شيخ الدين جبريل
A.Razek Althalib
الحاج حمد الحاج
abdulhalim altilib
فيس بوك
تويتر
انستقرام
يوتيوب
بنتيريست