جاء من السودان بوظيفة مترجم وتعب من البحث وأخيراً في مستشفى حكومي وجد ضالته كانوا يريدون شخصاً يساعد في ترجمة التقارير الطبية وبالطبع لم تكن هناك وظيفة شاغرة بمسمى مترجم ولكن توجد وظيفة قابلة شاغرة لديهم وبالفعل تم التعاقد معه بوظيفة داية على ان لايقوم بتوليد النساء بل بتوليد الكلمات من الإنجليزية إلى العربية وبالعكس طبعاً صاحبنا لديه بطاقة ولكن لا أحد يستطيع رؤيتها المشكلة أنه كان لايضحك الا في نهاية الشهر وكان عبوساً لدرجة أنك لو كلكلته فلا يبتسم لك لكنه عندما سكن معنا وإكتشفنا فجأة أنه داية اصبحنا نشاكسه وأصبح يضحك معنا الغريبة الداية دي بتظبت طبيخ حاجة تمام والجماعة دائماً بيقولوا : الليلة ميز الداية المشكلة انو المستشفى تاني عاوزين ليهم داية ترى ما الذي يدفعنا للعمل بمهن غير التي نأتي من أجلها
05-21-2003, 08:14 AM
garjah garjah
تاريخ التسجيل: 05-04-2002
مجموع المشاركات: 4702
أبو حراز الشوق مطر سمعنا بالأسد البأكلوه موز في حديقة حيوانات العين وفي النهاية أكتشف بأنه حابوه بي فيزا قرد لكن الداية دي جديدة لنج بالمناسبة تذكير داية شنو؟؟ داي
05-21-2003, 08:35 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
الا خ ابوحراز ييسر الناس هنا في دول في دول الخليج على مبدأ تعددت المهن والشخص واحد يعني ارحم هذا الرجل الذي يعمل في مهنة ممكن يكون بيعرف فيها بالقدر المعقول ، لكن الا ترى اهل الهند وهم يحملون شهادة لكل وظيفة يعني سباك ممكن يتحول بقدرة قادر الى صيدلي عندما يتطلب الامر ذلك!
05-21-2003, 08:54 AM
wadazza wadazza
تاريخ التسجيل: 02-04-2002
مجموع المشاركات: 5386
مايا عندنا صيدلي كان بيعمل في مستوصف خاص طبعا من جنسية عربية والمشكلة اشتريت منو كم مرة شيء مغص وشيء باندول وشيء فيفادول وفي الآخر اكتشفوا انو ماصيدلي تصدقي خباز يعني بيعمل في فرن المشكلة الكفيل قال ليهو ماعاوزين نقطع رزقك هسي بنشتري منو الرغيف لكن بالجد بيعمل خبز حاجة تمام
عارف يا ابو حراز يا خوي يكون بيخت ليكم فيفادول في الخبز وما تندهشوا اذا لقيتوه بيشتغل بعد شوية في شركة الكترونيات والله حيرونا بس الاغرب طبعا الهنود بيكونوا شايلين شهادات كتيرة في الشنطة تناسب كل معاينة ووظيفة ولله في خلق شئون
05-21-2003, 09:08 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
ود عازة كثيرون في الغربة يحتاجون لزيادة الطلق وذلك من أجل أن تنتهي هذه الغربة وتولد حياة جديدة بالسودان حيث الرحم الحقيقي وحيث كثيراً ماتتحول آلام المخاض الى فرحة
05-21-2003, 09:20 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
ابوحراز ياتفاحة البورد وجالب المرح والفرح للجميع اول حاجة انسعالك سوعال انت يا زول لمن تجي داخل البورد الراس بكون مصلح بموية فول وجبنة ولا شنو حكايتك كل يوم طالع لينا بشيء جديد الله يجازي محنك وآخر كمان راجل ويشتغل داية والله دي تب ماسبق فيها زول لكن ما قلت لينا زول دا بكون زعلان طول الشهر مالو ما قاعدين يدخلوه غرفة العمليات حدو بس الفايلات وترجمة الروشتات ولا شنو حكاية صاحبك الداية قال طلق قال هي فضل فيها طلق الولادة في السودان بقت اسهل من طعن حقنة في العضل دا كان زمان ياابو حراز
05-21-2003, 09:20 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
إنت جيت تكحلهاعميتها يعني معناها انت بالطريقة دي شاركت في البوست دا تلاتة مرات ودا ذكرني واحد كان واقف وراي في شباك الضرائب بتاع القنصلية السودانية في جدة أها قال للموظف في الشباك والله كل سنة تزيدوا لينا في الورق ايصالات ضرائب وترعة كنانة ومجاهدين وسلام وميشاكوس قام الموظف قال ليهو يا اخي لاتتسرع امشي الشباك رقم 10 فيهو الكمبيوتر وانشاء الله االورق بتاعك دا كلو يدخلوه ليك هناك فعلاً الراجل مشى ووقف في شباك الكمبيوتر بعد شوية جاء راجع لنفس الموظف قام الموظف قال ليهو أها كيف كلامي القلتو ليك قام الراجل الزهجان قال ليهو والله تمام وبدل ماتنقص الأوراق الكمبيوتر بتاعكم أداني تاني عليهن ورقة مكتوب فيها الملف الضريبي
05-21-2003, 10:30 AM
ولياب ولياب
تاريخ التسجيل: 02-14-2002
مجموع المشاركات: 3785
ولياب في سوداني زهجان جداً من ناس البلدية طبعاً عندو كافتيريا وكل يوم يمشي المراقب الصحي ويجيبو للبلدية وهاك ياغرامات طبعاً البلدية هنا الكل في الكل يعني لو عاوز تعطس الا تجيب تصديق من البلدية أها الراجل دا يوم جابوه كالعادة لاقاهو سوداني برة وكان بيشتغل في البلدية لقاه صاري وشو قام سأله مالك يا أخي زهجان كدا؟؟ قال ليهو ياخي البلدية دي كل حاجة عندهم بس باقي ليهم يجيبو ليهم داية بس
05-21-2003, 12:22 PM
zola123 zola123
تاريخ التسجيل: 08-22-2002
مجموع المشاركات: 7
يا ابوحراز يا اخوي عليك الله اكان عندكم صكوك عبوديه بمهنه سستر احجز لاخوك واحده عشان داير اغير صكي اصلو سيدي دا ماعاجبني عامل روحو سيدي الحسن (يلحقناويفزعنا)
07-17-2003, 07:59 AM
james james
تاريخ التسجيل: 06-21-2002
مجموع المشاركات: 2726
اب جضيمات تحياتي سمعت بالنكتة البتقول جماعتك في الخليج احضروا اسد من افريقيا وطبعا هذا الاسد كان في افريقيا اخر راحات ويقدم له دائما اللحوم كوجبة كل يوم ومن اصحابك جابوهو في الخليج الهندي المسؤول منو اصبح يقدم ليهو كل يوم فول سوداني اها صاحبك الاسد لمن زهج يوم مسك ليك الهندي وسالوا : ليه بتقدموا لي فول وانا الاسد الهندي قال ليهو بس انت يجي هني فيزا مال قرد
07-17-2003, 02:45 PM
haneena haneena
تاريخ التسجيل: 05-27-2003
مجموع المشاركات: 2002
ابو حراز الظريف ضكتني ضحك-وشر البلية ما يضحك ودتني ظروفي لغرفة الولادة في واحدة من مستشفيات انجلترا لقيت الراجل الما بغباني حايم ولايص في النص عاينت في البطاقة بتاعته عشان اتأكد- لقيت مكتوب
MIDWIFE-داية سألت رئيستهم والتي يبدو عليها القطامة الشديدة وشكلها كدة ما عاجباها حوامة الراجل دة وما قادرة تصرح لأنو وضعو قانوني سألتها: ليه MIDWIFE ليه ما MID HUSBAND وعرفت انو MIDWIFE= WITH WOMEN باللاتيني علي ما اظن يعني مع المرأة-و لسة حتي الدايات الخواجيات ما عاجباهم قصة الرجال ديل-لكن دكاترة،مافي مشكلة اجابة لسؤال الزولة123 حنينة
07-19-2003, 09:14 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
جيمس هوبليس حنينه الداية دي لقيتوها ووووووين نحن زمان نسينا الموضوع دا لكن الراجل ماشاء الله جددوا ليهو العقد مرة تانية لكن المصيبة لسه داية طبعاً مشينا مع بعض ندفع الضرائب قبل فترة الغريب أخذوا منه فقط 280 ريال لأنو الداية ضرائبها زي العامل بالضبط
07-19-2003, 09:20 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22761
أبو حراز : التحية و المودة يعني زولك دة بعد ما وظفوهو داية ، الضحك حقو بقى يجي بطريقة عادية ، و زمان كان بطريقة ( قيصرية ) ، و علاقتو بيكم بقت مربوطة ( بحبل سري ) لا ينفصم. دمت عزيزنا
07-19-2003, 12:03 PM
دورنقاس دورنقاس
تاريخ التسجيل: 06-08-2003
مجموع المشاركات: 1153
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
garjah
عاطف عبدالله
wadazza
ebrahim_ali
ولياب
zola123
james
haneena
ابو جهينة
دورنقاس
فيس بوك
تويتر
انستقرام
يوتيوب
بنتيريست