|
|
 لماذا لاينتحر الوزراء عندنا 00 ولايستقيلون ؟؟
|
نحمد الله أننا لم نسجل حالة انتحار واحدة منذ الاستقلال
وهذا ان دل فانما يدل على أن وزراءنا
بكامل قواهم العقلية والجسدية والنفسية والمادية
وهذه الأخيرة أهم شيء
أما الاستقالات فقد شبهها أحد الأصدقاء في المنبر
بالمرتبة عند أهل العوض عندما يتبول عليها الطفل
يقلبوها بالجهة الأخرى
يعني نحن وزيرنا يستقيل من وزارة التربية
يعينوه وزير للتعليم العالي
ويستقيل من الشباب والرياضة
توووووووووووووش يعينوه وزيرا للشئون الدينية والأوقاف
صدقوني لا أحب السياسية ولا أحب الخوض فيها
لأنها تسبب لي مغصاً حاداً وآلام مبرحة في الجهاز التنفسي
ولكن مايغيظني أن بعض الوزراء عينهم قوية لدرجة ماعادية
فقد أتانا احد الوزراء قبل مدة لتفقد مدارسنا التي بنيناها من عرق جبيننا
وكان أحد الفصول متهالك جداً
وبكل سذاجة قال لنا سوف أجمد ليكم هذا العام لو ما بنيتوا الفصل دا ؟؟
يعني الراجل برضو جزاه الله خير خايف الفصل يقع على أولادنا 0
لكن ماهو دور الوزارة فنحن لدينا رابطة ترسل حتى الطباشير للمدارس 0
والله لم يتبق لنا الا أن نرسل المكياج للمدرسات
وبدلاً أن يشكرنا الوزير على ذلك
كان هذا هو خطابه بالتهديد بتجميد الدراسة ريثما يتم بناء الفصل 00
نسوي شنو ياناس بنينا الفصل وارتحنا 00
قال يجمد الدراسة قال
|
|
 
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: أحمد الشايقي)
|
وزير تاني زارنا قبل سنتين طبعاً
هذا أحسن منه صاحبنا الأول 00
قوموا ياناس اللجنة الشعبية اتصلوا السعودية على اب حراز
وقالوا لي حايجينا وفد كبير جداً عشان يحل مشكلة الموية 0
قال شنو كمان وزير مركزي ووزير ولائي
تقول الموية عاوزين يجروها من المحيط الهاديء 0
المهم قالوا الجماعة ديل حايفطروا في القرية
وبعديها حايسافروا 00
يعني الكلام ومافيه عاوزين قروش 00
طبعا قمنا لفينا على الشباب وجمعنا مبلغ خمسة الف ريال
عملت ليها تقريبا ثلاثة مليون جنيه 0
قال ليك ناس الحلة أول مرة يشوفوا { الجداد} المكرفس
جايبين طباخ من الخرطوم وهاك ياسندوتشات ووجبات دسمة 0
والحلة كلها قال ليك من يومين { تكبّر } الله أكبر الله أكبر 0
دا كلو عشان طقوس الاستقبال
وبعد الكلمات الرنانة والطنانة
ينتظر الناس الخلاصة وتجهزت الجماهير لقول الله أكبر
تصدقوا ياجماعة اتبرع لينا بي كم ??
{ والله اتنين مليون }
طبعاً بعد ان أعلنها داوية
منتظر جماعتنا يقولوا ليهو الله أكبر 0
والله ولا واحد ماقال
قال { جداد } مكرفس قال
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: ابوحراز)
|
بكل بساطه أساس الموضوع هو مفهوم العمل في المجتمع، ففي الأمم المتحضرة التي ينتحر وزرائها ويستقيل مسئوليها من رأس الدولة إلى أخمص قدميها ويقدمون للمحاكمة يرتبط أداء العمل وإتقانه عندهم بكيان الإنسان وشرفه وكرامته بما يجعل تفصيره يمثل عنصر ضغط رهيب أدبي وأخلاقي يدفع كل من له صلة أو مسئولية بنتائج ذلك العمل أن يبادر بتقديم رقبته للمجتمع الذي حمله الأمانة.
بينما لا يخفى عليكم أن قيمة ومفهوم العمل في بلادنا بعيدة كل البعد عن المثال السابق وتكاد تنحصر بالأساس في كونه وسيلة إرتزاق بالنسبة للبسطاء ومصدر نفوذ ووجاهة بالنسبة للكبراء. وإذا كان الأولون يقبعون في ذيل سلم المسئولية ولا يملكون أساسا ترف التفريط في مصدر العيش، فإن الأخيرين يفقدون الوازع والدافع الذي تشكله قيمة ومعنى العمل المفتقدة لدينا والتي تفسر عدم ورود فكرة الإستقالة على بال المسئول الكبير لدينا حتى لو إختلت كل الوظائف وأهدرت الأمانة التي أنيطت به.
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: almulaomar)
|
بعد كلام الملا الرصين عن مفهوم العمل ,,,قررت تقديم " استقالاتي " ,,,, ويا ابو حراز تستقيل من ولائية يرجعوك اتحادية ,,, وسيادية لو تكككررررت الحكاية
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: newbie)
|
newbie
لك التحية وكل عام وأنت بخير
نحن بخلاف أنه لدينا فجوة في وضع الرجل المناسب في المكان المناسب
يفتقد الكثيرون منا الى الضمير في العمل
والغريب أن السودانيين هم السودانيين
ففي الخارج يعمل السودانيين باخلاص ومشهود لهم بالكفاءة والنزاهة والأمانة
حتى أولئك المشهود لهم والذين كانوا يشار لهم بالبنان في الخليج
أول ما استقروا هناك وتقلدوا وظائف هامة رجعت حليمة لعادتها القديمة
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: almulaomar)
|
أخي الملا عمر
لدينا بيروقراطية في أداء كل الوزارات والمصالح الحكومية
وحتى اليوم لم يأت وزير ليغير بمبضعه هذه المفاهيم
أغتاظ كثيراً عندما أدخل دائرة حكومية بعد الساعة 12
طوالي يقولوا ليك { الخزنة قفلت }
هنا في الخليج بامكانك أن تسحب اي مبلغ خلال ال 24 ساعة
ومثله ان تودع أي مبلغ
وأن تقوم بتحويل اي مبالغ لجميع أنحاء العالم لمدة 24 ساعة
حتى من مكتبك يمكن أن تقوم بذلك
صدقني سأفرد بوستاً خاصاً لهذه البيروقراطية
فقد ذهبت لتقديم دكتوراة لأحد الأخوة واستغرق التقديم 4 اشهر
كانت اجازتي شهرين
واضطررت لزيادتها عدة مرات عن طريق جهة العمل
تمر الكوارث في بلداننا مرور الكرام
وكم كنا نتوقع أن يظهر الوزير المعني بالكارثة تعاطفاً مع كل المصابين
ولكن لاحياة لمن تنادي
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: عمر الفاروق)
|
عمر الفاروق
صدقاً لكلامك فقد كنت أقرأ في تلفزيون الجزيرة الولائي في ذلك الشريط الإخباري العبارة التالية:
على الأخوة الذين تقدموا بأراضي لمحلية الحصاحيصا في الأعوام 1993-1995 عليهم مراجعة المحلية لاستلام اراضيهم 00 الى هنا وكل شيء طبيعي
لكن شووووووووف : وكذلك على المواطنين الذين لديهم تصديقات من السادة الوزراء والسادة الولاة أن يتقدموا ايضاً لاستلام اراضيهم 0
أذكر مرة أتى في الجزيرة والي مضحك يسمى عبد الرؤوف { لواء }
الراجل كان متحمس ومابيحب الواسطة
وكانت هناك أزمة دقيق وخبز طاحنة جداً بعد الانقلاب الذي حدث على ناس هلمجرا
المهم في راجل عنده سماية زوجته وكان عاوز { رغيف }
قام جاء للوالي وقال ليهو عاوز لي مذكرة لبتاع الفرن عشان يزيد لي العيش
قام الوالي طوالي كتب ليهو مذكرة توصية
وكان عمك سيد الفرن زهجان جداً
اها بعد ماقرا المذكرة قام قال للراجل
إنعل ابو أمك وأبو أم الوالي
قام الراجل زعلان مشى للوالي وقال ليهو
{ والله بتاع الفرن قال : إنعل ابو أمك وأبو أم الوالي
قام الوالي قال للراجل { بالنسبة لأمي أنا عافي ليهو شوف ليك طريقة لي أمك أنت !!!!
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: ابوحراز)
|
أبو حراز يا راقي:
حا أحكي ليك قصة عن فساد الوزراء كنت كتبتها في واحدة من البوستات ولكني أجد مكانها الأنسب هنا..
قالوا في وزير نقل وطرق سوداني مشى زار وزير النقل والطرق في دولة أوروبية ..
بعد الإحتفال الرسمي الوزير الأوروبي عزم الوزير السوداني في بيتو ..
الوزير السوداني لقا بيت الوزير الأوروبي فخم بي صورة ما طبيعية قام سألو وقال ليهو إنت بنيت البيت ده كيف من مرتبك ؟؟؟
الوزير الأوروبي ساق الوزير السوداني علي جهة شباك مطل على البحر وقال ليهو :
شايف الكبري داااااااااااااك ؟؟؟
الوزير السوداني قال ليهو : أيوة ..
الوزير الأوروبي قال ليهو بس إتصرفت حبة يعني زدت الأسمنت وشلت منو أنا وزدت السيخ ووديت منو لي بيتي ووو أهو إتصرفت يعني !!!!!
وتشاء الأقدار ويجي الوزير الأوروبي زيارة للوزير السوداني في السودان ..
وبعد الزيارة الرسمية دعا الوزير السدواني الوزير الأوروبي لي بيتو ..
وتفاجأ الوزير الأوروبي بي فخامة وروعة قصر الوزير السوداني وقام سألو:
يازول إنت عملت البيت ده كيف؟؟؟
الوزير السوداني ساق الوزير الأوروبي علي شباك مطل علي شارع النيل وقال ليهو :
شايف الكبري داك ؟؟؟؟؟
الوزير الأوروبي قال ليهو :
لالالالا ماف كبري أصلاً موجود هناك ..
الوزير السوداني قال ليهو :
مما أي مفروض هناك كان يكون في كبري
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: عمر الفاروق)
|
تساؤل في محله والإجابة عنه بالنفي تشير إلى أن من يتقلدون المناصب عندنا لا يتقلدونها لوجه كما يدعون وإلا لتألموا بسبب فشلهم وتركوا المكان لمن يعلمون أنه أصلح منهم. ولننظر للآمة المعجزة اليابان التي حولت نفسها لقوة عظمى في بلد ليس له أي موارد طبيعية تذكر سوى الإنسان ولكن أي إنسان ـ إنسان بعزم رهيب وتصميم على النجاح و لا يسامح نفسه على الفشل مطلقا وكان على من يفشل حسب الأعراف التقليدية اليابانية أن ينتحر بطريقة طقسية تعرف بالهاراكيري يقوم فيها بشق بطنه بطريقة معينة لينزف حتى الموت.
على كل الإجابة الصحيحة هو أنهم أصلا أموات لا أحياء ماتت فيهم الوطنية والنخوة والأحاسيس.
لقد أسمعت إذ ناديت حيا
ولكن لا حياة لمن تنادي!!!!
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: محمد عثمان الحاج)
|
أخي محمد عثمان الحاج
صدقني نحب وطننا حد الجنون
ونريد أن يكون كل المسئولين يتمتعون بالروح الوطنية
فالوطنية هي احساس بالمسئولية
وهي القادرة على أن تجعل السودان يخطو مليون خطوة للأمام
لدينا خامات رهيبة جداً
ولدينا أراضي يقال أنها قدر هولندا 57 مرة
ولدينا أنهار كأنها قد سرقت من الجنة
لدينا أمطار على مدار العام
ولدينا طقس رائع وجميل
وأهعم شيء لدينا عقول وعلماء ومفكرين
ولكن للأسف لدينا فساد إداري أيضاً
لدينا تسلط
وبعض من المسئولين المصابون باعاقة نفسية
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: ابوحراز)
|
الأخ أبو حراز
رمضان كريم
إنت طبعا كلامك دا قاصد بيهو الفك المفترس عبد الرحيم أحمد حسين .
ياخي عبد الرحيم دا بعد ما انهارت العمارة قام طوالي شال مسدسو وختاهو في خشمو عشان يفك الطلقة وينتحر. أها قام المسدس انزلق في حلقو واتبلع جنبلق(ما الخشم والبلعوم مانعات).
أها تاني ما لقى مسدس ينتحر بيهو . يسوي ليكم شنو بعد داك؟؟؟
أها قوم ياالبشير احلف عليهو بالطلاق يرجع لمنصب أعلى مكافأة له على محاولة الانتحار ولوليهو (هدهدتو) لشافع إبراهيم شمس الدين.
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: shammashi)
|
شماشي
أنا لا أعني الوزراء بالطبع بل أعني الضمير
ضمير كل مسئول غيور على وطنه
وضمير كل مواطن تهمه مصلحة شعبه
أيضاً يحمد لعبد الرحيم حسين أنه استقال وهذه بادرة طيبة
واذا رجع الحكومة تاني فهذا شيء آخر
المهم أن يكون هناك إحساس بالمسئولية
إحساس بالشعب
وإحساس بالظلم والتهميش
سعت قبل مدة من نائب رئيس الجمهورية أن ابواب الوزراء مفتوحة
واتمنى أن يتم ذلك لكل المواطنين
وأن تكون هناك رقابة صارمة على الوزارات
حتى يمكننا أن نؤدي دورنا كما ينبغي
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: زول ساكت)
|
زول ساكت
قال مكندش قال
أمس أكلنا عصيدة بي ملاح ويكاااااااااااااااااااب
برضو تقول لي السعودية
عزمنا واحد من أهل العوض
وقال والله الملاح دا كارب جداً
واللوبة بتاعتو من ترعة أم جير 00 بتعرف ترعة أم جير ؟؟
نسيبتنا قلنا ترسل لينا آبري رمضان
عليك امان الله ولا حاجة ما أدوني ليها
لكن النسيب التاني { عبدو } أدوه آبري وفلفل وشمار واشياء أخرى
يعني نحن لسه ما دخلنا في صف العشرة المبشرين بالجنة
تحياتي للشباب بالرياض
العيد معاكم ان شاء الله
ماتعدوها لينا سندوتشات
عايزين لينا خروف سواكني 00 انتو عليكم الضبح وأنا علي التقشير
التقشير دي طبعاً مصطلح الحناكيش 00 يعني السلخ !!
| |
|
|
|
|
|
|
|
|
 Re: لماذا لاينتحر الوزراء عندنا 00 ولايستقيلون ؟؟ (Re: ابوحراز)
|
الرائع أبو حراز
أييييييييييييك ولدنا زمان
هي ما تصدق!
سغيرة وجاهلة ، تقوم تقول لي ياخالتو بعد شوية
قلت لي شنو
Quote: بالمرتبة عند أهل العوض عندما يتبول عليها الطفل
يقلبوها بالجهة الأخرى
يعني نحن وزيرنا يستقيل من وزارة التربية
يعينوه وزير للتعليم العالي
ويستقيل من الشباب والرياضة
توووووووووووووش يعينوه وزيرا للشئون الدينية والأوقاف |
ياسيدي
في بلدنا عشان كل واحد يلقى مرتبة يقلبوها ليه
بقه عندنا الرقم القياسي في عدد الوزارات والوزراء
قربنا ندخل موسوعة جينيس للأرقام القياسية عديل كده
| |
|
|
|
|
|
|
|
|
|
Re: لماذا لاينتحر الوزراء عندنا 00 ولايستقيلون ؟؟ (Re: Hozy)
|
هوزي
لك التحية وكل عام وانتي بخير
قالوا مرة صدر قرار جمهوري على ما أظن بتعيين محافظ
أها المحافظ سمع اسمو في الإذاعة وطوالي مشى بكرة القصر الجمهوري
وكان طبعاً من الشيوعيين وكان هو المعني والمقصود بالتعيين
أها في نفس الوقت واحد مشهور من إخواننا بكردفان يحمل نفس الاسم
ولأنه شيخ قبيلة ورجل أصول وكرم ومعروف للكل
افتكر انه هو عينوه محافظ
قام بكرة لمه جماعتوا وركبوا لوري زد واي وتووووووووووووش للخرطوم
وجو الجماعة يكبروا { الله اكبر } لحدت ماوصلوا القصر الجمهوري
يعني الآن محافظين بدل محافظ واحد
أها لمن دخلوا القصر وجدوا أخونا الأول يؤدي في القسم
طبعاهنا الجماعة اتحرجوا من الراجل وجماعته وهم يكبرون ويهللون
أها ناس القصر الجمهوري قالوا ليهم
والله وعلينا بالطلاق ماترجعوا سااااااااااااكت مادام جيتوا من هناك
قاموا عملوا ليهم محافظة جديدة وعينوا فيها صاحبنا دا
طبعاً برضو واحد مسطول أيام المحافظات بقت كتيرة وهبطرش
قام قال : والله العظيم الواحد ينوم مع مرتو في سرير واحد
يصحى من النوم يلقاها في محافظة وهو في محافظة
| |
|
|
|
|
|
|
| |
ابوحراز
أحمد الشايقي
Muna Khugali
عمر الفاروق
زول ساكت
فيس بوك
تويتر
انستقرام
يوتيوب
بنتيريست