|
|
 كل الرجال في البورد عملت ليهم حظر والنسوان برضو
|
طبعاً النسوان أتنين منهن بس عملت ليهن حظر
واحدة شاكلتني 00 كلما أدخل عليها تقول لي دقيقة بس يا ابوحراز
عاوزة البس توبي واتكلم معاك 00 هو بعبع انا وللا بعبع ؟؟
والتانية كانت واعداني بالعرس
قامت نطت واتزوجت واحد أنصار سنة
الغريب اني بعرفو حق المعرفة
وكان بيدينا خطب ومواعظ
لمن يتكلم عن ابوحنيفة وابن تيمية والجنة والعذاب والنار يخلي الجماعة كلهم يبكوا
ويبدوا انه بفعلته هذه سيجعلنا نبكي مدى الحياة
{ بقية الذين شملهم الحظر بالداخل }
|
|
 
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
أما الرجال وما أدراك ما الرجال
اول واحد عملت ليهو حظر بكري ابوبكر 00 قال وطن قال
بالله دا لمن تتوسل ليهو عشان يرسل ليك ايميل واحدة النار تقوم فوقو
ويبدأ يتعفرت كأنو مابيعرفك
ومن ماتقول ليهو عاوز ايميل بدر الدين شنا وللا فتحي البحيري وللا اساسي
طوالي يعنون ليك الرسالة بعبارة ظريفة جدا
ويقول ليك في العنوان { هوا }
اها طوالي تلقى واحد من الجماعة نط ليك في المسنجر
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
تاني واحد عبدالعزيز خطاب
بالله دا تقول المعلومة بي قروش
كلما أسألوا بالله الهولنديات بلبسن شنو ؟؟
يقوم يقول لي والله هنا في بقر فريزيان حاجة عجيبة جداً
هنا اللبن بالبخسة 00 قال فريزيان قال
الزاكي نايل دا عملت ليهو حظر لأنو ماعزمني في زواج القاهرة
انت قايل ماعندي جلابية أنصارية وللا شنو
قال تهتدون قال
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
مودك عملت ليهو حظر طويل الأجل
بالله دا لمن تبدأ تتكلم معاه
يقول ليك ماما جات وبابا راح
وأكلنا جاتووووووووه
ودخلت الآيسكريم في التلاجة
وكلكلنا الخروف عشان يضحك
سألتو مرة قلت ليهو بتعرف الراعي ؟؟
قال ايوة 00 دا البيفسح الغنم ؟؟
قرجة ماعندو غير نكتة المرة الكوركت في نص الحوش لمن راجلها جاء من السعودية
كلما الاقيه أون لاين يحكيها لي 00 سألوها بتكوركي مالك يامرة ؟
قالت الليلة يادوووووووووووووووووب عفشنا وصل من بورتسودان ؟
الله يجازيك ياقرجة 00 المشكلة نحن عفشنا يصل متين ؟؟
غايتو النسوان ديل مرات عندهن جنس محن تحير المسطول والمجنون والنصيح
عمدة بورداب جدة دا عملت ليهو حظر مدى الحياة
لأنو اتفق معاي اشتري مني ارض في مدني
مشى السودان وجاء مغير رايو 00 قال الرجل كلمة قال
الجعلي جنني عديل كدا
بس ما افتح الجهاز
طوالي يسألني 00 أها يا ابوحراز اشتريت ليك بطانية للشتاء وللا لا
طبعاً لسه ماعرفت قصدو شنو 00 عشان كدا حظر ولاحرج
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
أها بتاع فندق الخشب 00 اساسي دا بس كل يوم شابكني عشان أقضي شهر العسل في فندق قال كلو خشب 00
نحن عاوزين فندق تكون ابوابه مانعة لكل شيء حتى الرصاص 00
قال جاري الشحن قال !!
أما ناس الروووووووب والبخسة والسعن والغنماية ولدت وغنمي طرعى وسط المرعى 00 ديل حظر بالجملة 00 قال شنتير وأهل العوض قال !!
اها ود الجزيرة دا تاني ما أظنو يدخل في كمبيوتري
الراجل مفتكروا أمين حكيت ليهو عن واحدة جميلة جداً بالبورد
وقلت ليهو البت دي ظريفة جداً
قوم ياود الجزيرة ابحث عن الإيميل وهاك ياونسة
أها سجلت ليهو زيارة في مقهى فندق انتر كونتننتال
اشوف ليك زولتي أون لاين مع صاحبنا
كمان كاتبة ليهو : والله انت عسل ياود الجزيرة
اول ما فتحت انا : طوالي قالت لي : وينك يا ابوحراز ياعسل ؟؟
قلت ليها : كدي الحسي عسل ود الجزيرة دا في الأول وبعدين ابوحراز
قامت قالت لي : ابوحراز انت جنيت وللا شنو ؟؟؟
الجن يايمة انشاء الله التسويهو ليك حماتك 00 قالت جنيت قالت
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: abas)
|
ابحراز زمان شن فولنالك شابكنا جدى ابتالولة و عمك ود نفاش و ما خليت وردة ما ؤسلتها و حججت ليها امها و ابوها و حالها و عمها و بعد دا كلو قالت ليك سورى عاوزة تكمل قرايتها ،، اف اف اف دقة سريعة.. و جاى بعد دا كلو تعلن اللعنة على البورداب.. هوى يا زول روق المنقة
ان كيدهن عظيم
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: Al-Masafaa)
|
قال فاضي خمج قال
المسافة كيف حالك
وينك انت مختفي
تصدق اب تالولة دا معرس اربعة
ونحن بدون تالولة الواحد طاير في الهواء
بعدين انا ماعارف كل واحد يقول ليك عندي جكس وتلاتة واربعة
بالله بس وروني انتو بتقنعوهن كيف
نحن عزمناهن عرديب في السوق العربي مانفع
أكلناهن شاورما مانفع
نسوي شنو ياجماعة ؟؟
واحد من اصدقائي مرة عزم خطيبتو عصير وكيك
لكن وين
ماتفتكر في الفتيحاب وللا أم بدة
دا قال في الهيلتون
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: haneena)
|
فاكهة البورد
الاخ الحبيب ابوحراز
لك الحب والشوق
وانا لى فتره بسأل نفسى ياربى ابو حراز ده فى أب حراز بى دلالو ولا مالو مابيدخل على النت
ومرات اقول امكن يصادف مره القاهو متأبط ذراع مخطوبته السامقة والتى تفوقه طولا ولسانا
أترايك زعلان منى وحاظرنى
دعنى احكى لك حادثة حصلت لأحد الاخوة عندما كنت بماليزيا
أحضر والدته فى زيارة للبلاد وعند ذهابه معها للسوق رأت بنت صينية تلبس تلك الفنلة التى لا تستر الا القليل من الصدر
فقالت الحاجة لابنها
سجمى دى نست تبلس هدومها
أما عندما سألتنى عن الهولنديات فكان الوقت صيفا ولأنهن فى الصيف يلبسن فقط حلقان ووشم وجهت الحديث عن البقر الفرزين والحليب
ولسبب أخر أن لى ملاك حارس فى البورد وحقوقه فى اوربا تفوق حقوقى واخاف على نفسى من الشلهته والبشتنة والشنه والخواف ربى عياله
أخوك المحب
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: عزيز)
|
عزيز
أعجبني وأضحكني ردك الظريف
ويبدو لي أن أم العيال مقطعاك النفس
تستاهل
تلقاك كنت عامل فيها مقددا قبل العرس
قالوا طبعاً أي واحد فصيح
طوالي حايتزوج واحدة افصح منو
ودا الحايكون على صاحبك ابوحراز
والله خايف بعد العرس اللسان الطويل دا مانلقاه
انا شايف اغلب زملائي المتزوجين
حالتهم بقت صعبة جداً
زمان شيطنة لامن فايتة الحد
وكان الواحد فيهم يمشي قدام خطيبتو
هسي يمشي وراها
اللهم الا اذا كان في كلب سعران لاقاهم في الطريق
طوالي مستورة الحال دي بتتراجع وراء
ها زوووول نحن أخير لينا سعوديتنا دي
بناتكم البدون فنايل ديل الله يسترنا منهن
هنا الواحد على وضوء اربعة وعشرين ساعة
قلت لي في الصيف مابيلبسن الا الحلق والسلاسل
واحدة مرة في تايلاند جايبنها في عرض ازياء
الحقيقة هو عرض شباشب
وكانت لابسة الشبشب بس عليك أمان الله
أغرب شيء كل المدعووين بعاينوا في الشبشب بس
والله لو العمل العرض دا عندنا في السودان
الشبشب حايبور بورة بت عمي
| |
|
|
|
|
|
|
|
|
 Re: كل الرجال في البورد عملت ليهم حظر والنسوان برضو (Re: سكرا)
|
يخوانا ابحراز الليلة جن عديل
يحظر فى الجماعة ما يخشوا فى الإيميل
والعجب العجيب ما عندو اى دليل
الظاهر شلع او راكبلو بى فوق فيل
ولاّ يكون زهج مشتاق يشوف النيل
انصار سنة قال شالو البضوى الليل
ياخ سيب السغالة ورجعلنا الايميل
واكتب ما تشاء اصلو الحكاية سبيل
تجيك الريده هادرة بس التقول السيل
بلاش تمغس رقبتك وتقعد براكا تكيل
وتنكد رويحتك فى البكا والعويل
تعال افرح معانا وخم الفرح بالكيل
وضوى ليالى جدة يا سرجها وقنديل
تلاقى الحب مردم لا فيه هم لا ويل
لا زولن بيحظر القلب لمن يميل
تفضفض كل همومك تقعد معانا عديل
نديك الرياسة وتبقالنا بكرة كفيل
تخضع لك سماحة وكل زول وشيشو جميل
وتخدمك السعادة ياود ملوك النيل
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ghurba)
|
ياجيمس حرام عليك
تعرف اول مرة اعرف نفسي شين كدا
والله الحمد لله
لو الواحد جاء بت كان مشكلة ابوه حاتكون كبيرة
والله الا يشيل ليهو كورة ويجي يشحد ليهو عريس في الجامع
غربة
انتي عارفة التجهيز للسودان بيخلي الواحد راسو لاف اليوم كلو
انا طبعاً ثلاثة اشياء تصيبني بالدوار
التجهيز للسفر للسودان
ولمن يجيني خطاب من السودان فيهو مايطلبه المشاهدون
واحد مرة من الشفقة من برة كاتب في الظرف يجده في اسعد الملايات
والدوخة الكبيرة لمن اسمع واحد اسمو القيقم
طوالي يومداك دوخة وكمان معاها ملاريا
حنينة
قلنا كم جميل لو بقينا اصدقاء
من أجل كسب مزيد من الأصدقاء / ات كما تقول الجندرية
لكن ماسنجري بقى زي بيت البكاء
كل ماتفتح يقابلك شنب معووووووج
قلنا نعمل ليهم شوية فلترة وتحديث
الموصلي وحمزة سليمان
انتو وسيف الجامعة ماحظرتكم
مستنين ليكم يوم الحارة
طبعاً حفلة العرس حاتكون ملح سااااااكت
قال حظر قال
ممكن نفكر في الحكاية دي بعدين
بعد الحفلة تنتهي ونقفل باب الفندق
هو ليه العروس لمن تجي ماشة الفندق بتركب في السيارة قبل العريس ؟؟
طبعاً في إجازتي الفاتت وديت كم واحدة
اعاين ليك في المقعد الوراء الاقيها متوهطة تب وتبكي
بالله اول ما الواحد يتحرك كيلو واحد تكتلنا ليك بالضحك !!
سكرا
انتي بيحظروك معقووووول
تسلمي 00 انشاء الله الوقع على ناس قرجة وبكري واساسي وقرشو مايقع عليك
لكن ما أديتيني أي ميلك
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
والله أنا بس مستغرب في الناس اللي ليهم تعامل إي ميلي مع المدعو أبو حراز
ما عارف عايزين عندو شنو
يا أخي ده زول جنو شواكيش
وجضوم
وتلاليش
وأظنو في المدرسة كان الطيش
يا أبوحراز والله الناس اللي انت بنحظرهم ديل ارتاحوا منك
أنا متأكد ماعندك إي ميلي ولا بتقدر تحظرني ولا بتعرف صورتي عشان تنبزني وأتحداك
قال يحظر قال
بس سؤال انت من حرازاب الأبيض ؟
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ودقاسم)
|
ود قاسم بلاش تقعد تسب فى الزول
توصف فى التلاليش وصفن بليغ فى القول
والعجب الجضوم منفوخة قدرة فول
منطط للعيون بشكل ما معقول
بيقطع للخميرة فى كل حين وفصول
يخسى على شناتو ياريت يكون مقبول
حرازاب الأبيض ما برضو حتى نقول
الزول ما قريبم ولا حتى عندو أصول
الا مع الشواطين جيهة محمد قول
يا حليل السماحة السابت ابحراز معزول
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: يازولyazoalيازول)
|
ابا
تعرف لايغير الله مابقوم حتى يغيروا ما بأنفسهم
الجماعة ديل لازم الواحد يعمل ليهم حظر ويجدد شوية
عسى الحكاية دي فيها خير
بعدين عاوز الصراحة
عاوز اضخ دماء شابة وجديدة في المسنجر
والله ديل الواحد مرات تبدأ تحكي معاه بالليل
فجأة الساعة حداشر يقول ليك نعست وماشي انوم
بيذكروني واحد من أعمامنا
تزوج المرة التالتة وكان عمرو 75 سنة
المصيبة دا قال الا يعمل ليهو حفلة
اها استجبنا لطلبه
والله الساعة 9 عمك دقس ونام في كوشة العرس
المهندس
اول شيء انا لقيت اسمك في الايميل التاني ابوحراز
والايميل دا ماقاعد افتحو كتير
البارح فجأة دخلت فيهو
بالله الاقي مجموعة كبيرة من الناس
وكلهم عاوزين إضافة
بس للأسف كلهم رجال
عشان كدا مسحتكم كلكم
ودقاسم
قال تلاليش قال
دي زي نكتة ابوداؤود
لمن عمل ليهو حفلة لعريس كان بشبه ابوداؤد شبه كبير جداً
اها الصباح ابوداؤود كان قاعد في الكرسي وهو نعسان جداً
جات أم العروس ومفتكرا الزول البيدقس دا ولدها
اها قامت قالت ليهو
الراجل اب تلاليش دا أظنو ساهر بيك
قام ابوداؤود قال ليها
اسكتي الراجل اب تلاليش جوة الحمام مايسمعنا
طبعاً انت قريتني خالص
لأني فعلاً كنت بجي الطيش
لكن لمن شفت الحكاية زادت عن حدها
قلت في نفسي
يا ابوحراز بدل كل مرة تجي الطيش
وإنت كل مرة قاعد في الكنبة الأخيرة
ليه ماتغير شوية وتقعد قدام السنة الجاية جمب الطالب البيكون الأول طوالي
فعلاً عملتها
قعدت ليك بين الأول والتاني
وجاء الإمتحان
كنت بنقل منهم كلهم
ولمن اشوف واحد بيفكر كتير
اقول أكيد الراجل دا المسألة صعبت عليهو
بقوم اشتت منو واشوف التاني وهكذا
وانتهت الإمتحانات وجات النتيجة
تصدق جيت الأول !!!
والراجل الكان بيجي الأول جبتو ليك التاسع
والكان بيجي التاني جبتو ليك ال 14
اغرب شيء انهم اشتكوني للمدير
شوف ليك حسادة طلبة
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ghariba)
|
غريبة أخبارك شنو
قلنا نعمل ليك حظر عشان نعيد ترتيب الأوراق
اي واحد عمرو من 35 ومافوق تاني ما حايدخل عندي
عاوزين دماء جديدة
الكوامر دي خلاص عهدها انتهى
بت الجزيرة
انتي من يوم دخلت البورد دا وأنا بحاول فيك تديني الإيميل بتاعك
لكن لاحياة لمن تنادي
اتمنى من الله الكريم
يوم تجي ترسليهو لواحدة من صديقاتك ويضل طريقو لأبوحراز
البطانية اشتريتها واشتريت واحدة كبيرة طبعاً
لأنو قالوا البرد حاجة صعبة جداً اليومين ديل في السودان
أها أخبار البرد عندكم شنو في الإمارات
وللا إنتي ما من بورداب الإمارات
قالت الصحاف قالت
جابت ليها كمان الصحاف
بكرة يطلع لينا توب اسمو نيفاشي
| |
|
|
|
|
|
|
|
|
|
Re: كل الرجال في البورد عملت ليهم حظر والنسوان برضو (Re: ابوحراز)
|
ابوحراز
والله حننتني عليك الله ناس الوصايا ديل اعمل طناش وقول ليهم معاكسني في الاجازه وانا زهجان وتقوم قبل يوم تقول وفجاة المدير وافق وتشيل نص هدومك مامكويه وطيران علي السودان وعاد البسالك منو البركه في الجيه وتحت تحت بكون في نقه لكن مامهم والجاتك في النقه سامحتك,
| |
|
|
|
|
|
|
| |
ابوحراز
abas
Ahlalawad
Al-Masafaa
james
haneena
عزيز
HAMZA SULIMAN
عملتا لي حظر ؟؟؟
يازولyazoalيازول
Elmosley
aba
almohndis
ودقاسم
ghariba
bint algazeira
فيس بوك
تويتر
انستقرام
يوتيوب
بنتيريست