تناولت الصحف السعودية مؤخراً قصة ذلك المعالج بالرقية الشرعية وهذا المعتوه متخصص نسوان فقط والأدهى والأمر عندما تراجعه إمراة قبيحة يقول لها 00 انتي علاجك ماعندنا !!! راجعته إمراة متزوجة وجميلة جداً كانت تعتقد أن { الجن } يتعمق في داخلها وهذا الحيوان عندما جلست أمامه بشعرها الغجري المجنون وعينيها التي يستحي من جمالهما القمر قال لها : " إني فعلاً أعذر هذا الجان " فجمالك مغري جداً ليس للجان فحسب بل لكل البشر وقال لها : إن الجان يبتسم الآن وهو في أحشائك فقرأ عليها ومن ثم هجم على شفتيها قبلها قبلة طويلة جداً تكاد تكون أطول من قبلة النيلين في المقرن اندهشت السيدة الجميلة من تصرف { الشيخ الملعون } وقالت له : لما تـقـبـلنـي هكذا ؟ فقال لها : أريد أن اشفط الجان !!!!! *********** يبدو لي أن الجن لو كانوا يخرجون على طريقة هذا الشيخ لما بقي جني واحد على قيد الحياة !!!!
12-10-2005, 00:56 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
أخي حسين برضو ممكن نستفيد منه في مصفاة الجيلي شايف مرات المهندسين بتواجههم مشكلة في شفط بعض الرواسب يعني ابن الكلب دا مستفيد من الناحيتين قروش واشياء أخرى !!!
12-10-2005, 01:10 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22761
زول ساكت كمان أزيدك من الشعر بيت عندنا اتنين من الجماعة لبسوا ليك أخضر مزركش واحد عمل فيها الشيخ والثاني مساعد ياي 00 يعني مساعد الشيخ ولهم طريقة عجيبة جداً في العلاج لايعالجوا الا في الأحياء الراقية يعني العمارات المنشية الرياض نهائي ماتلقاهم لافين في السبيل وصالحة ومربع 47 بتاعكم دا مساعد الشيخ يطرق الباب 00 جرس طبعاً ويبدأ الشيخ في عرض بضاعته يومياً الناس ديل دخلهم 100 الى 200 الف وكثيراً ماتحدث مشكلة في المساء عند اقتسام الغنيمة لأنه من المضحك والمبكي أن الشيخ { يسكر } بينما مساعده لايشرب ويصر الشيخ على أن يكون حق { الزجاجة } خارج القسمة
12-10-2005, 02:01 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
مرحب أبوجهينه صدقني في أحيان كثيرة أكره غربتي اذ ليس من المعقول 15 سنة غربة دون نتيجة لا بيت لا ارض ولاقروش ياكافي البلاء كثيراً تراودني فكرة أن أشتري { سبحة } بثلاثة ريال وأغادر المملكة نهائياً هذه السبحة ستعمل على تحقيق الكثير من أحلامي فقط أحتاج لمساعد للدعاية والعجب لو الواحد مشى على { النك نيم } بتاع سودانيز أون لاين ايانا الاتملينا قروش لي حلقنا قال شيخ أبوحراز قال
12-10-2005, 02:17 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
saadeldin abdelrahman المشكلة أن كثيرون منهم لايصلون يعني تكون قاعد مع الواحد وتأتي مواعيد الصلاة تقول ليهو أها ياشيخ نمشي نصلي وبكل سخافة يرد عليك نحن بنصلي في الحرم
والمشكلة الكبرى بعضهم يهدد النسوان رأيت ذلك كثيرا في اجازتي الأخيرة بعدين عندهم عكلتة غير عادية يعني عندنا واحدة بت حلال تعمل في محل اتصالات قابلها واحد من العينة دي عاوز يحبها بالرجالة وهددها انها لو ماحبته حايقلبها قرد جيت لقيت البنية المسكينة تتراجف وقلت ليها أتمنى أن يأتي في وجودي والله ضببت العكاز وبقيت منتظره اسبوع كامل الكلب دا ماجاء اتحاوم بالاتصالات
12-10-2005, 04:00 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
ابحراز اخوي والله ده الشغل...والكوريق مافي ولا شنو ?
تعرف الدجل ده بقي كتير لي درجة تفوق الخيال
حكى لى احدهم عن ممارسات (من عندينا للأسف) في اثيوبيا.. شئ غريب جد! في ناس بتبدع في الشعوذة ان صحت كلمة تبدع (بفتح الباء وتشديد الدال) ادري انهم قد تعرضوا للحوجه.. بس العقليه الاجراميه دي ما ممكن تتوجه للخير ابدا رغم تمكنها ..هو الانسان!
12-10-2005, 03:55 AM
abas abas
تاريخ التسجيل: 07-26-2002
مجموع المشاركات: 6255
عباس شيخ الشفاطة أكيد حايكون أغنى من صلاح ادريس انت ماسمعت بصاحبنا في ودربيعة طبعاً الراجل كان شغال في الحوشة ولقى ليهو منديل في الأرض صاحبك عرقان وزيتو طالع قام اتناول المنديل ومسح وجهه تاريه المنديل ابن الذين كان مقفول بيهو جالون مبيدات بعد شوية وش صاحبنا بقى زي لقيمات العيد فاير من جميع الاتجاهات مشى مستشفى مدني وأدوه مضادات حيوية بعد جاء ودربيعة الجماعة قالوا ليهو يازول مدني شنو ومضادات شنو تمشي للشيخ في { 000 } وبيديك علاج طوالي مشى قرأ والعصر للشيخ { يعني اداهو الفيها النصيب } وقام الشيخ أداه من موية { تسمى عندهم الركوة } بعضهم يقول أنها ماء قد سرقت من الجنة { طبعاً دا اعلان تجاري لزوم التسويق وزيادة السعر } المهم الراجل جاء وكان بيمسح كل يوم من الموية دي مع استعمال المضادات الحيوية وأكيد المضادات قد قامت بدورها على أكمل وجه لكن في النهاية الحلة كلها { قالوا دي موية الركوة } صاحبنا المريض كان طاقاهو شوية فلسة قال ليه مايستفيد من باقي الموية دي ويبيعها للوهم وفعلاً بدأ يبيع الفنجان بعشرة آلاف جنيه بعض نسوان الحلة كانن بيمشن للشيخ كل جمعة لكن بعد الموية جات في الحلة اصبحن يراجعن الفكي { بالوكالة } طبعاً الشيخ الياباني الأصلي أحس بان النسوان انقطعن لأكثر من شهر وهذا في حد ذاته يهز وضعه الاقتصادي وربما الاجتماعي والعاطفي ايضاً اها بعد شهرين كدا قابل واحدة من النسوان وسألها عن الانقطاع الجماعي دا فقالت ليهو : بقينا نمشي لي شيخ الحاج الأنت أديتو موية الركوة تصدق الشيخ جاء بي عكازه وقام قلع باقي مويتو !! عموماً انا بعذر الشيخ الوهم دا لأنو صاحبنا بتاع ودربيعة لم يحترم حقوق الملكية الفكرية
12-10-2005, 04:55 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
قرشو لو ما قبلها كيف يشفط الجان طيب !! انت تعرف 90% من مجانين السودان هم ليس بمجانين بعضهم يهوى أن يعيش على ذلك وأذكر أن لدينا جارة شينة جداً وعويرة وجار آخر مجنون قلت للجماعة ذات مرة : والله مفروض نزوج الجماعة ديل مع بعض لأنو المجنون دا لو دخل الشبكة فليس من السهل تزويج هذه الفتاة أحسن نتحين هذه الفرصة ونجمع الراسين ديل في الحلال أها طلبوا مني أن أقنع المجنون اها أخبرته بان نزوجه هذه الفتاة والله الراجل زعل بطريقة غير عادية وقال لي : والله تاني تجيب سيرة البت الشينة دي الا امشي اقع في الترعة شوف الجن بتاعه استمر 10 سنوات يوم واحد مافكر يقع في الترعة الا عندما ذكرنا ليهو حكاية البنت الشينة دي برضو يقولوا مجانين !!!
12-10-2005, 05:18 AM
شرووم شرووم
تاريخ التسجيل: 04-21-2002
مجموع المشاركات: 662
شروووووم طبعاً برضو انا قلت للجماعة الشيخ أبوكديس دا قبلها لأنه ماشايفها دي بتاعت نكتة الطفل الذي جلد أخيه الأصغر قالوا ليهو : ضربت أخوك الصغير دا ليه ؟ قال ليهم : ضربتو لأني ماشايفو !!!
12-10-2005, 05:56 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
B]دفعني الفضول ذات مرة وأنا أتجول بسوق الحصاحيصا دفعني الفضول لشيخ يتجمهر حوله الناس وعندما وقفت بجواره قيل لي أنه يعرف كل شيء يعني لو مكتوب أو مسحور أو عاوز تعرس المهم بتاع كلو ولأنني كنت أعد تحقيق صحفي عن هذا الموضوع وجدت أن هذا الشيخ سيكون مادة دسمة لموضوعي انفردت به بعد أن عالج كثيرون منهم كما يدعي والراجل حتى لاننكر فضله فهو يعالج بالنية خمسة آلاف أو الف جنيه أو عشرة آلاف يعني مابترجع بدون علاج دخلت معه القهوة وقلت له : انني لم أتزوج حتى اللحظة وكلما ارغب في الزواج من واحدة ينط عليها واحد من ناس ابوظبي طبعاً كرهت التحقيقات الصحفية ليوم الدين لأنه عمل فيني عملية غريبة جداً أحضر ماء ساخن وصباه على رأسي بحجة اخراج السحر وقال لي أنت مكتوب لكن برضو طالما العملية مافيها شفط نقول نحن مازلنا كويسين
تخريمة : كيف أخبار رسالتي التي ضلت طريقها اليك ؟؟ قال المراة التبشة قال !!!
12-11-2005, 03:49 AM
JAD JAD
تاريخ التسجيل: 02-05-2002
مجموع المشاركات: 4768
أخي عثمان شنو حكاية مرجان دي ياريت لو حكيتها لينا 00 بالمناسبةاسمي الحقيقي عثمان برضو يغيظني ممثل سوداني يمثل مع المصريين يحمل نفس الاسم لايجيد غير دور البواب حالف لو قابلته الا أخنقو
12-12-2005, 10:22 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
شكراً ياجاد على المشاركة وثق تماماً لو تحولت الى شيخ فإن علاجي سيكون نافذاً وأكيد طبعاً سوف أتخصص نساء وولادة لدينا هنا أنصاري سنة من العيار الثقيل صدقني تذهب زوجته للشيوخ والدجالين في غفلة منه وهو يعتقد أن هذا لايتم ابداً لكن النساء كيدهن عظيم والواحدة منها لو قرتت تعمل اي شيء فإنهاتعمل ذلك حتى في وجود زوجها ياليت لو ان المجتمع تضافر من أجل محاربة هذه الظواهر المتخلفة وانت ترى بنفسك كيف هم يفترشون الوهم على الطرقات والمحلات العامة ويقنعون ضحاياهم بشتى السبل وذلك من أجل الايقاع بهم وربما هؤلاء الذين يجلسون على الطرق والأماكن العامة أهون بكثير أولئك الذين يختلون بالنساء من أجل علاجهن
12-11-2005, 06:59 AM
almulaomar almulaomar
تاريخ التسجيل: 07-08-2002
مجموع المشاركات: 6485
أخي أب حراز هناك مشعوذ غير أنه لا يشفط زي شيخك ده لكين بدقس عديل كده فقد ذكرت الروايات أن إمرأة ذات حسن وجمال ويبدو برضو عندها مس من الجن الكلكي اللابس ملكي ذهبت برجليها إلى ذلك الدجال يصحبها إبنها وهو صغير السن خوفاً من أن يختلي بها هذا المشعوذ فيصبح رابعهما الشيطان بإعتبار أنها ممسوسة بالجن فهي والجن والشيخ ثلاثة ، أعمل المشعوذ فكره وحيله في إبعاد الصبي حتى ينفرد بالمرأة بمعاونة الجن والشيطان فقال للولد أمشي يا ولد جيب لي مويه لا هي حاري ولا هي باردي ومازال الغلام هائماً على وجهه في طرقات ودروب القرية يبحث عن ذلكم الماء.
أها يا أب حراز يا أخوي الجان إتشفط ولا لسه
12-11-2005, 07:31 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
تفاحة البورد حروزي وكده هاي شنو فاكيها في الجماعة شطف وجن وحاجات كده حامياني انت ما سمعت بفكي أمبدة اللقوا في غرفته شوال ( ........) دي لو كتبتها تلقاني اتوشحت بالسواد وفارقت منبركم دا فراق الطريفي لجملوا إلا يحصل عفو ملكي جديد من سيد الحوش وندخل من جديد والحمد لله ما عندنا اي كرت لا اصفر لا احمر دي صحيحة مائة المائة والعهدة على الراوي الشاف ذلك وانا ما شفت حاجة
لكن بيني وبينك كلامك قايلو كده ومحرق روحك فوق كم فوق القروش والاشياء الاخرى التانية أجب بدون مساعدة صديق او حذف اجابة او الجمهور انت بسسسسسسسسسسسسسسسس
يعني ابن الكلب دا مستفيد من الناحيتين قروش واشياء أخرى !!!
المهم زمن استغراق الشفط...بحساب الوقت..وهذا يحدد فعالية الشفطه ويجنب كتمة النفس..ومثل هؤلاء النسوه..يسكنهم وهم الشيطان الذى يخالطهم فيحتاجون لشفط مثل الذى شفط حكمه والله وحكايه
عميق التقدير
12-13-2005, 10:24 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
عصمت العالم كثير من النساء يقعن ضحية لمثل هؤلاء المجرمين وهذا لايعفي الرجال ايضاً الذين يقعون ضحية لهؤلاء المجرمين لكن الرجال غالباً ماتتركز جهودهم في مضاعفة المال وخلافه وهذا لايحتاج لشفط على ما اعتقد حدثت الكثير من المصائب لنساء يافعات وكثير من حوادث الاغتصاب واستغلال النساء تم بواسطة هؤلاء المعتوهين والمراة مازالت حتى اليوم تخاف شر هؤلاء اللصوص وأغلبهن يشتركن في ذلك الجاهلة منهن والمتعلمة
12-13-2005, 03:43 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
ابراهيم علي لايكون وجدوا في غرفة المعتوه دا شوالات بصل ؟؟؟ اكيد تقرا الكلام دا تقول ابوحراز دا زول الله سااااااااااااااي انا عارف الشوالات بتاعت شنو واحدة قبل ايام ارسلت لي نكتة بتاعت { جاري الشحن } حا ارسلها ليك بالماسنجر لأنو الواحد لو عايز يحكيها الا يتلفت يمين وشمال وفوق وتحت
12-13-2005, 03:39 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
أخي الملا عمر النك نيم بتاعك يؤهلك لأن تكون شافطاً بجدارة قلت لي الشافع مشى للموية يعني حتى لو وجد الموية فإنه سيجد صاحبنا قد قضى على اليابس والأخضر والأحمر طبعاً الجان اتشفط والقصة طويلة وأنا هنا اكتفيت بالتيمم فقط
12-11-2005, 11:22 AM
yasiko yasiko
تاريخ التسجيل: 02-04-2002
مجموع المشاركات: 2906
المسافر معانا واحد سكران حيران في السعودية هنا والصلاة دي ياكافي البلاء الا يوم العيد اها مرة قابلته سعودية قالت ليهو : والله عاوزين نتزوج أنا وأختي لازم تشوف لينا طريقة للموضوع دا قام الراجل قال ليها انتي وأختك مسحورات وسحرتكم واحدة حاسدة قريبتكم عاوز كل واحدة تقرا الاخلاص 7 مرات والله بعد اسبوعين اتزوجن النسوان الأثنين شوف الصدف الغريبة دي أها قبل يومين اتصلت واحدة منهن وقالت ليهو انو أخت راجلها عاوزة تتزوج شوف ليها طريقة وهسي يدنا في قلبنا تقوم بكرة تتزوج برضو !!! قال طرد مركزي قال الراجل ماتظلموا ياخي 00 يجيد الشفط بطريقة غير عادية
12-16-2005, 11:10 PM
ابوحراز ابوحراز
تاريخ التسجيل: 06-27-2002
مجموع المشاركات: 5537
yasiko لك التحية على المشاركة أها العاجبك شنو 00 الموية الساخنة أم عدم الشفط بصراحة أصبحنا نخاف على أنفسنا فهؤلاء الملعونين قد تغلغلوا في رؤوس بعض الناس بصورة جنونية كل من يريد الزواج يمشي لهم وكل من يريد العمل وكل من يريد أن يؤذي انساناً آخر والغريب أن بضاعتهم صالحة لكل الأجيال ودخلها جيد ومربح 0
12-16-2005, 11:47 PM
ود شندي ود شندي
تاريخ التسجيل: 11-17-2002
مجموع المشاركات: 6
ود شندي يومين تركت البوست لظروف عملية وللأسف جيت لقيت الجماعة شفطوه ونزل لحد الصفحة الثالثة
Quote: (إنت ريقك رز برتكان وحليب)
يعني الراجل أظنه ضاق الريق وأصيب بحالة من الجنون أذكر قصة حكاها لنا أحد الزاهدين وهي أن شيخهم ليس مثل شيوخ هذا الزمان فهؤلاء يعرسون في العام الواحد عشرة نسوان تجيهم الواحدة مجنونة عشان يعالجوها يقوموا يعرسوها والعجيب مايعرسوا الا الجميلات المهم الشيخ دا كان رجل زاهد جدا يقال أنه كان يسير برفقة حيرانه فراى إمراة جميلة فتعجب في قدرة الخالق وقام بتقبيلها ولم يصدق الحيران فأتوا خلفه وقاموا بتقبيل المرأة اقتداءاً بشيخه بعد شوية وجدوا إمراة قبيحة جداً فقبلها الشيخ متعجباً أيضاً في قدرة الله أها جماعتك الدراويش انفزروا ولا واحد ماجاء قبلها قال دراويش قال
12-18-2005, 10:59 PM
Ahmed Daoud Ahmed Daoud
تاريخ التسجيل: 01-30-2004
مجموع المشاركات: 755
أخي أحمد داود كل شيء تطور مع العولمة ويبدو لي أن الجن لايعجبهم العجب ولا الصيام في رجب أكيد بدأووا يذهبون لأعلى حتى يتم خروجهم عبر الشفاه وسنرى أفظع من ذلك في القريب العاجل والمشكلة في كل يوم نسمع كارثة جديدة ونوع جديد من فنون الرقية والعبث
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
Hussein Mallasi
ابو جهينة
زول ساكت
saadeldin abdelrahman
abas
قرشـــو
شرووم
JAD
othman mohmmadien
almulaomar
ebrahim_ali
yasiko
المسافر
Ahmed Daoud
فيس بوك
تويتر
انستقرام
يوتيوب
بنتيريست