بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 04:12 AM الصفحة الرئيسية

مكتبة عثمان ابو حراز(ابوحراز)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عاوزين نعمل لينا حفلة يا ناس البورد

05-14-2003, 08:52 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

عاوزين نعمل لينا حفلة يا ناس البورد

    حلم اتمنى أن يتحقق 00 أن نلتقي جميعاً في السودان
    في أي مكان
    في نمولي او حلفا او جوبا او جبل مرة او الأنقسنا او دنقلا او كردفان والجزيرة والخرطوم
    على أي شبر من تراب ارضنا ووطنا الكبير
    سنقول لكل الناس
    هؤلاء جميعا ينتمون للسودان وليس لقبيلة الشايقية او المسيرية او الرزيقات او الكواهلة او الجعلية
    بل قبيلة سودانيز أون لاين
    قبيلة تحمل في داخلها كل القبائل
    حيث أننا جميعا أخوة متحابين
    وحيث أن بوردنا ومنتدانا هذا أنموذج لسودان مصغر
    سودان بعيد عن الضغائن والنعرات
    سودان مليء بالخير والعطاء والمحبة والإلفة والحب الكبير
    فهل سيتحقق ذلك 00 أنا متفائل جدا
    لهذا سنقيم هذه الحفلة التي ستجمعنا لأول مرة
    وسأقوم انا بإحضار الثلج وتكسيره ورميه في البراميل
    سأحمل لكم الماء على كتـفي
    وسأسقيكم فرداً فرداً
    سأبدأ بأساسي 00 طبعا دا ماعندو صبر00
    سأعطي أساسي جردل موية كامل ليبل ريقه
    حتى لايقوم بكشح الموية من البراميل
    بلييير سوف أعطنك جوة في البرميل
    بغتس ليك راسك
    بعدها لن تتوقف كأسي 00 سأسـقي بورداب السعودية كلهم
    وبورداب سلطنة عمان سيكون لهم برميل ونصف
    فهذه الجبال ربما تكون قد أعطشتهم كثيراً
    اعرف أن واحدة منهم تـتـوق كثيراً لماء السودان
    لهذا اتوقعها ستخطف الكأس وتجري بها
    أما بورداب الإمارات وقطر فسوف ألاعبهم بالماء
    سأملأ وجوههم بها وسأصب الباقي على رؤوسهم
    طبعاً ياااااااااااااااااااااااااااي حا ترقد هبطرش
    سأسقي بورداب السودان حتى يستغيثوا
    وسنترك برميلاً كبيراً لبورداب امريكا
    أعرف أنهم متعطشون للماء مثلما هم متعطشون لحب السودان
    وهؤلاء الذين يجلسون في زاوية بعيدة سأسقيهم 00
    ربما هم بورداب ليبيا او اليمن او البحرين او مصر او سويسرا او هولندا والنمسا والمانيا وتشاد وكندا وبوركينا فاسو
    لايهم 00 مايهمنا ان تصل اليهم الماء
    سأسقيكم كلكم
    واعرف أن كثيرين منكم سيقولون لي 00 عليك الله يا ابوحراز زيدنا شوية
    بعدها سـتأتينا الجندرية وتقول لي ان ابنها لم يشرب
    وابويسرا سيأتـيني بيسرا ايضاً
    وسيأتـي ساري ويقول لي 00 عمو : انا لم اشرب
    وبعديها ستقول وجن وغدي ليش فطيـتـنا يا عمو ابوحراز
    اها 00 نريد من ينظم الحفل 00 ومن يقطع البصل ويضبح الخراف
    نريد من يغني 00 ومن يمدح 00 ومن يمثل ومن يرقص
    الحفل ملك لكم 00 والحرية ملك لكم 00 وكل شيء في الحفل هو لكم وبكم
    اها وروووووووونا شطارتكم وكل واحد حايسوي شنو
    آآآآآآه 00 نسيت اقول ليكم أنني سأحضر برفقة المرأة التي أحبها
    قال ست النفر قال

    (عدل بواسطة ابوحراز on 05-14-2003, 08:57 AM)

                   |Articles |News |مقالات |بيانات

05-14-2003, 09:13 AM

elsharief
<aelsharief
تاريخ التسجيل: 02-05-2003
مجموع المشاركات: 6190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)



    الاخ العزيز ابو حراز

    اتضامن معك فى فكرة الحفلة الجميلة والتى تجمعنا جميعا فى السودان وارشح نفسى من ضمن المجموعة التى تقطع البصل ومستعد الى اى مهام اخرى
    ولك الشكر على هذه الفكرة الجيده

                   |Articles |News |مقالات |بيانات

05-14-2003, 09:21 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: elsharief)

    الشريف
    تعرف انا أكثر ما اكره في هذه الدنيا تقطيع البصل
    وفي كل مرة أحضر برامج تحضير الأطباق
    فقط لأجد عندهم طبيخ بلا بصل
    تصور يوم يكون علي الميز
    نهائي مابنوم بالليل
    وتأتيني كوابيس باستمرار
    والمشكلة أنني عندما اذهب للسوق لشراء البصل ومتطلبات الميز
    فإن اي شخص يقابلني في الطريق لا اسلم عليه

    اها بعيداً عن السياسة
    واحد قبل ثلاثة يوم عمل لينا كاستر
    تصدق لحد الآن ما جمد
    ناويين ناكلو يوم الجمعة الجايي انشاء الله
                   |Articles |News |مقالات |بيانات

05-14-2003, 09:27 AM

ebrahim_ali
<aebrahim_ali
تاريخ التسجيل: 02-05-2002
مجموع المشاركات: 2968

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ابوحراز الغالي تحياتي
    الحفلة دي الركبها ليك في راسك شنو زمان ما كنت زول مديييييييييييح ساااااااكت الحصل شنو ولا تكون دي ست النفر قالت ليك نغير شوية
    غايتو انا من حسي مستعد امسك الشباك والتذاكر عشان الناس ما تخش الا بعد التاكد من الهوية وانو ما ارهابي عشان ما نلقى روحنا مع آمات طه ديلك وبعدين نروح فيها
    قال حفلة قال
                   |Articles |News |مقالات |بيانات

05-14-2003, 09:38 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ebrahim_ali)

    الأخ ابراهيم
    قال مديح قال
    والله انا ناوي تسعة شهور تاني ما اسمع اي مديح
    تعرف ليه ؟؟؟
    وديت لي واحد معوق كان مسافر السودان
    أها من طلعنا من الطائف
    قام قال لي : اسمع : ماتقول لي وردي ما وردي
    طبعاً للأسف السيارة ملك له وانا مجرد سواق
    اها بدأ لينا من الشكينيبة وأم ضوا بان وابوحراز والشيخ الصوفي وانت ماش
    لحدت ماوصلنا جدة
    برضو اداني مائة ريال قال عاوز بيها اشرطة
    قلت ليهو ناسك ديل انا مابعرفهم أكتب لي العاوزو في ورقة
    تصدق ما خلى مادح
    اولاد الشيخ الهادي
    واولاد الشيخ البرعي
    واولاد الشيخ هيثم
    الغريبة في آخر الورقة كاتب لي البعيو
    استغربت طبعاً
    وجبت ليهو شريط البعيو بعد الشريعة
    طبعاً البعيو تاب من الغناء ورجع تاني
    عشان كدا الشريط دا اسمو البعيو بعد الشريعة
    أها جبت ليهو الأشرطة
    بالله مما شافها تقول قامت فيه كارووووووووشة
    قال لي الزول المفزور دا شنو 00 يقصد البعيو
    قلت ليهو : دا بناء على طلبك
    قال لي يا ابوحراز انت والله ما بتفهم
    يا أخي أنا عاوز البعيو بتاع أم ضبان
                   |Articles |News |مقالات |بيانات

05-14-2003, 09:24 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: elsharief)

    انا

    علي

    الصيوان

    او الكراسي

    او تصديق الحفلة
                   |Articles |News |مقالات |بيانات

05-14-2003, 09:27 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: nazar hussien)

    الكراسي وعرفناها يانزار
    والصيوان وعرفناه
    التصديق دا يطلع شنو
    هو نحن عاوزين قطعة ارض وللا حفلة

    تعرف نحن طبعاً من اهل العوض
    الحفلة عندنا في الحصاحيصا بتنتهي الساعة 11
    اها بعدها بنمشي لأهل العوض في القرى عشان نكتل الحفلة عندهم
    ديل طبعا الحفلة مابتنتهي الا في اليوم التاني
    قال تصديق قال
                   |Articles |News |مقالات |بيانات

05-14-2003, 09:26 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: elsharief)

    اب حراز
    ازيييك يا حنين
    سقاك الله من الكوثر قول امين
    يا زول انا بكسر ليك التلج
    قصرتا معاك
    طبعا مويتك دي لازم تكون بارده والا برنامجك كلو حا يكون مخستق
    كل الود يا ملك
    احلم واحنا بنحلم معاك
    على فكره الموضوع دا ممكن يتحقق
    بي شويه مجهود
    لكن ما حا نكون كلنا في السودان
    ممكن الناس تتفق تتجمع في نفس الوقت
    رغم بعد المسافات
    و فروق الوقت
    و نجيب كمبرات
    و يبقى صوت وصوره
    عشان الحفله تكون مستمره 24 ساعه
                   |Articles |News |مقالات |بيانات

05-14-2003, 09:30 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ايهاب)

    اها يا ايهاب
    الكاميرا وعرفناها
    والصوت عرفناه
    الموية طيب البشربها لي منو
    انا محرووووووووق من بعض الناس في البورد
    نفسي الاقيهم
    واخربشهم
    واعضيهم
    وأكشح فيهم الموية
                   |Articles |News |مقالات |بيانات

05-14-2003, 09:35 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    المشكله في ناس كلام عضعيض و خربشه زي دي ما بخارج معاهم
    ناس كاسوري ساااااي
    والله ست النفر ما تحلك
    انتا كدي خليك في المويه
    و الكلام دا خليهو لي النهايه
    لما نجي نفرتق الحفله
    طبعا لازم تتفرتق عشان تكون سودانيه ميه الميه
                   |Articles |News |مقالات |بيانات

05-14-2003, 09:41 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ايهاب)

    الأخ ايهاب
    تـفـرتـق الحفلة دا ذاتووووو بيعتبر في السودان واحدة من فقرات الحفلة
    والله مرة عندنا حفلة اتـفـرتـقت في السودان
    المشكلة فرتقو معاها راكوبتـنا
                   |Articles |News |مقالات |بيانات

05-14-2003, 09:47 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: elsharief)

    اخوى ابو حراز
    ياناس شرق الجزيرة تحية من غرب الجزيرة
    اصلك زووول ضيوف وشيخ عرب وياك ود الشيوخ وولدة الفراس. كرمك وصلنا خلاص الله يلم الشمل .
    اخوى متولى سبقنى على الحاجة البعرفها وطبعا كلنا كنا
    بتاعين حلل
    وبنلبس الحلل
    ونطرا الاهل
    وبنحب العزل
    وستات المقل
    وبنشرب موية الجدول
    وحكمنا يكون بدول
    على اليمين والاشول
    ونحير الدول
    صاحب السلاح والاعزل
    ونغنى....
    ونغنى....
    مع سيف الجامعة وعزف الموصلى
    ياغرامى الاول
    ذكرى ما بتتحول
    من فوادى وروحى
    للحبيب الاول
    والحبيب الاول هو
    الالف اللام السيين الواو الدال النــــــــون
    يامجنــــــــــــون

    وشكرا
    ابوقوتة
                   |Articles |News |مقالات |بيانات

05-14-2003, 09:53 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: abuguta)

    يا زول الراكوبه ما مشكله
    احمد الله المافرطقو راسك
    loOOoOoOoOoOlz
                   |Articles |News |مقالات |بيانات

05-14-2003, 10:49 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ايهاب)

    ايهاب 00 ابوقوته
    كيفكم ياسمحين
    كلامكم جميل وعسل
    تعرف مرة حضرنا لينا حفلة في قرية جمب ابوقوته اسمها الربع بكسر الراء
    غايتو ماتقول لي حفلة ظريفة جداً
    بس ناقصاها الباسطة

    قال باسطة قال
    سمعت بي زيدان لمن جاء عمل حفلة لأهل العوض
    جابو ليهو في العشاء باسطة
    أها الجماعة ماصدقوا يشوفوا عشاء زي دا
    وقعدوا خمسطاشر واحد مع زيدان
    زيدان قال بس قعدت اتفرج عليهم
    تعرف ديل كانوا بياكلوا الباسطة بالرغيف
    وبعد دا كلو
    قالوا لزيدان والله غناك دا كلو مانافع معانا
    قال ليهم عاوزين شنو يا أهل العوض
    قالوا ليهو الناس دي كلها جات عشان عاوزين يعرضوا بالعكاكيز
    تصدق قام يغني ليهم { مين علمك يافراش
    اها العكاكيز ماتديك الدرب
    مفتكرنها اغنية عرضة
                   |Articles |News |مقالات |بيانات

05-14-2003, 10:47 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    أخي أبو حراز
    حلم جميل أتمنى أن يتحقق أنت تنشد هنا وطن فاضل على شاكلة مدينة أفلاطون يبدو هذا الحلم حاليا صعب المنال ، لكن بالضرورة ليس بالمستحيل تحقيقه. نحن شعب جدير بهذا الوطن الفاضل إذا قبلنا بالتنوع الفكري وقضينا على مخزون الخراب الذي ما أنفكت طفيلياته تنتأ في الصراع بأساليبها الشيطانية ووسائلها الجاهلية ولهجتها المتخلفة بلغة ضبابية.
    عندها فقط أخي سوف نكون قد قضينا على تلك النفسيات المغرورة المعقدة التي كانت ولا زالت تحول الحرية إلى فوضى، والحوار إلى حراب، والتعددية إلى هتك المقدسات، والاختلاف الطبيعي إلى تسقيط الشخصيات.
    تشبث بالحلم أخي فلن تستيطع أى قوة على وجه البسيطة تجريدك منه.
                   |Articles |News |مقالات |بيانات

05-14-2003, 10:55 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: almulaomar)

    اول شي يا ابو حراز
    كيفنك
    غتست كدي ونسيت سيرة العرس انا قلت عملتها
    تاني شي ربنا يحقق الاماني ويجمع شمل الجميع
    تالث شي انا جني وجن خم الشفع في الحفلات والمناسبات
    من هس دي بكلم
    اولادي بقعدوا مع البت المعاي في البيت
    وانا بجي مع تراث زولة هجيج بس
    لزوم انعاش الذاكرة واستعادة الذي مضى
    تحياتي
                   |Articles |News |مقالات |بيانات

05-14-2003, 11:27 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: الجندرية)

    الجندرية الله يجننك
    ضحكتيني
    قلت لي زولة هجيج ساااااااااكت
    اها لو الحفلة خربت حا تعملي شنو
                   |Articles |News |مقالات |بيانات

05-14-2003, 10:57 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: almulaomar)

    الملا عمر
    أجمل اللحظات ياسيدي تلكم التي نحلم فيها
    نشعر وقتها اننا نحلق بحرية
    وأننا نتـنـنفس بعمق
    لا ادري يا أخي كنه هذه المعادلة الصعبة التي تتشابك رموزها على رأس كل سوداني
    فقد كنا نحلم بالإغتراب
    والآن نحلم بالعودة للوطن
    انه حلم كبير
    بل وأخاله أكبر من مساحة السودان وصدره وسماحته وشموخه وقامته
    لكن لماذا لانحلم والسودان على مرمى حجر منا ؟؟
    ومعادلة أخرى
    ان السودانيون يمدون اليك أذرعتهم ليعانقونك وأنت ذاهب منهم
    ثم يمدونها مرة أخرى ويلفونك حولها عندما تأتي اليهم
    انها كيمياء حب لم أر مثلها في حياتي
    ياليت لو تحقق الحلم كما كانت تقول المبدعة تماضر
    ونعود الى هناك
    لنشرب مرة أخرى من الزير
    لنحلب الغنم
    ولنأكل حلاوة قطن
    اشياء ربما ستتحقق
    ولكن حلمنا لن نتنازل عنه
    والحفلة قائمة قائمة انشاء الله
                   |Articles |News |مقالات |بيانات

05-14-2003, 10:54 AM

Elmosley
<aElmosley
تاريخ التسجيل: 03-14-2002
مجموع المشاركات: 33335

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ابو حراز انا بحرس ليكم الضلع من شفقة الكديسه
                   |Articles |News |مقالات |بيانات

05-14-2003, 11:00 AM

شرير والبرتقاله

تاريخ التسجيل: 03-18-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: Elmosley)

    ظهيرتكم بنكهة القرنفل


    ياابو حراز

    انا غايتو الرغيف من الطابونه
    جيتوا خلوها علي ..
    برقد ليكم العيش هبطرش
    وبسلق ليكم ريسان الخرفااان
    وبودي الجلد ابيعوا عشان
    حق الجلد نعمل بيهو مكتبه كبييييرة
                   |Articles |News |مقالات |بيانات

05-14-2003, 11:06 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: Elmosley)



    هوي يا الموصلي أخدت وظيفتي الاساسية
    بس ما مشكلة أن خلوني للشية والمرارة
    ونشوف الموصلي حيحرس شنو؟؟
    الله يديكم العافية ويجمعنا بيكم في ساعات خير في الوطن الحبيب
    ويا ابوراس أنت يا ابوحراز
    قالوا في المثل عشا الضبعة ما بتكفي عيالها
    بس فكرة حلوة وممكن تتحقق
                   |Articles |News |مقالات |بيانات

05-14-2003, 11:11 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: Elmosley)

    ايوة الربع دى جنب ابوقوتة لكن محلية لوحدها وابوقوتة لوحدها
    نحن كواهلة وهم عوامرة
    اما البعيو المادح دا اسمه محمد العبيد ابوقوتة متزوج من الجديد
    الثورة وراجل نكة وبتاع مديح لكن ما عنده قشة مرة
    واشهره مدائحة... ياتمساح الاربعين .....نادر ود بدر

    يحكى ان واحد من عد الفولة جاء ام درمان وساق معاه البعيو عشان يعمل ليه حفلة عرس لكن لما وصل عرفو انه البعيو المادح والشكلة قامت
    لكن قال ليهم مافى مشكلة جيبو لى بنطلون وقميص وقام كدا غنى ست الود
    لما ودع العروس اتشتت.. وهاك ياكشف

    وشكرا
    ابوقوتة
                   |Articles |News |مقالات |بيانات

05-14-2003, 11:23 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: Elmosley)

    الموصلي الظريف
    قال ضلع قال
    انت لو حرسناك الضلع
    معناها الجماعة حاياكلو كسرة بي موية
                   |Articles |News |مقالات |بيانات

05-15-2003, 02:00 PM

Elmosley
<aElmosley
تاريخ التسجيل: 03-14-2002
مجموع المشاركات: 33335

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ومالها الكسره بس مويه ياخوي
    سمحه ومغذيه
                   |Articles |News |مقالات |بيانات

05-14-2003, 11:14 AM

ود عقاب
<aود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ابوراز
    عساك عافيه
    انا عليه الضبيحه اصلهو ناس عقاب فى جميع المنسبات فى البلد الضبيحه حقتم
    وكان دايرين شى تانى جاهزين بالسكاكين
    قبل فتره قتل لهوبلس بمسك الكشف قال قال الكشف بسموا العريس
    دى ما فيها كشف
    ودعقاب
                   |Articles |News |مقالات |بيانات

05-14-2003, 11:46 AM

قلقو
<aقلقو
تاريخ التسجيل: 05-13-2003
مجموع المشاركات: 4108

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    شكرا على اقتراحك النير لكن نعمل شنو مع الموصلى وحبيب بلدو؟يعنى الموصلى قال حيحرس الضلع قلنا ماش جانا حبيب بلدو قال عليه بالشية قلنا ليه اوكى عوجة مافى لكن من ماحاول يتدخل فى المرارة وام فتفت فأنا اقولهاستوب داوية لحبيب بلدو يعنى كل حاجة ولا المرارة والا فأنا اعلن المقاطعة وحأسمع الحفلة وانا راقد فى سريرى
                   |Articles |News |مقالات |بيانات

05-14-2003, 11:51 AM

manubia
<amanubia
تاريخ التسجيل: 04-21-2002
مجموع المشاركات: 1284

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: قلقو)

    ااااميييييين يا ابوحراز،
    لكن انت حااا تكون ضابح موية بس ولا شنو يامان
                   |Articles |News |مقالات |بيانات

05-14-2003, 02:25 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 28950

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    الأخ أبـو حــراز الســـــــــلااااام و حـمـد لله على السـلامـة

    يا خــوي زي ما قالو حفلتك دي موية بس ؟؟ ضـابح برميل موية و لا شنو


    زكـرتني بتاع الموية في أم درمان لافي بالمويه و بكوريك بارد إفك العارض

    شـايف الجماعة قـسـمـو الحاجات كلها الموصلي قال بحرس الضلع هـو الضلع لو

    خايفين عليهو إحرسوا الموصلي ؟؟ شكلو كـدا إشـتاق لي عشاء الفنانين المدنكل

    داك . غايتو أنا بولع ليكم النار و بعد كدا ما عندي معاكم موضوع قصرت معاكم
                   |Articles |News |مقالات |بيانات

05-14-2003, 03:34 PM

خالد عويس
<aخالد عويس
تاريخ التسجيل: 03-14-2002
مجموع المشاركات: 6332

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ABUHUSSEIN)

    وينك حبيبنا ابوحراز ، والله اشتقنا ليك واشتقنا لى بوستاتك الحميمة دى ، واشتقت انا لممارسة بعض الشغب معاك
    انت هسع فى الحفلة ولا فى الكلام الوصلني تحت تحت بأنو الجماعة بيفتشوا عليك
    الجماعة بتاعين الاف بي اي والسي اي ايه و" اجهزة الامن المحلية فى الشرق الاوسط " والحقيقة وصلني الخبر التالي على البريد الالكتروني ، فردك عليهو شنو ؟
    تكثف فرق خاصة من وكالة المخابرات الامريكية وعدد من الاجهزة الاستخباراتية العربية ، مجهوداتها من اجل التوصل الى خيوط تكشف صلة الارهابي السوداني كما يعتقد على نحو واسع أبو "حراز" بارهابيين آخرين منهم أبو "نضال" وابو "عدي" وأبو "عبدالله" اسامة بن لادن وأبو "غيث" ، وقالت مصادر فى تلك الاجهزة أن ابو "حراز" يعتبر المسؤول الاول عن عدد من الهجمات الارهابية استهدفت طبيبة سودانية "جميلة" فى وقت سابق ، وان الطبيبة كانت تقدمت بشكوي لمجلس الامن تفيد بأن ابو "حراز" اعجب بها ، فيما تقدمت متضررة اخري هى خطيبة أبو "حراز" بشكوي عاجلة للامم المتحدة تطالب فيها بانزال اشد العقوبة عليه ، فى ما المحت مصادر فى المخابرات السودانية ، ان أبو "حراز" فر من السودان منذ سنوات نتيجة ملاحقات قضائية ، بسبب تنصله من وعوده لخطيبته ، وعدم الاقتران بها ، وافادت مصادر اعلامية اخري بأن عدد من الدول تعتزم تقديم التماسات عاجلة بحق ابو "حراز" لدي مجلس الأمن يتيح لحلف شمال الاطلسي تنفيذ هجمات عليه وتدمير قوته
    بقي ان نشير الى أن "حراز" النجل الاكبر للارهابي السوداني ، دعا المجتمع الدولي الى مساندة والده ، واتهم القوي الامبريالية بمعاداته ، نتيجة مواقفه القومية والوطنية ، وقال حراز فى تصريحات نشرتها سودانيز اون لاين واسعة الانتشار أن والده يختبيء الآن فى مغاور جدة ، وكهوف " بني مالك " و"البغدادية" ، واكد ذلك شهود عيان قالوا انهم شاهدوا ابو "حراز" فى مطاعم للكوارع والفول والعدس ، وانهم على استعداد للتعاون لقبضه
                   |Articles |News |مقالات |بيانات

05-14-2003, 04:15 PM

hala guta

تاريخ التسجيل: 04-13-2003
مجموع المشاركات: 1569

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)


    ابو حراز
    سلام
    انا بونس شيرى وهى بتعمل فى الكمونية




    قصرت معاكم
                   |Articles |News |مقالات |بيانات

05-14-2003, 05:41 PM

omergoda
<aomergoda
تاريخ التسجيل: 10-19-2002
مجموع المشاركات: 263

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    قال حفله قال
                   |Articles |News |مقالات |بيانات

05-14-2003, 05:55 PM

PLAYER
<aPLAYER
تاريخ التسجيل: 04-23-2002
مجموع المشاركات: 10230

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: omergoda)

    ابوحراز
    فكرة الحفلة حلوة
    لكن
    عاوزك تغطس راسى في الكركدى...عشان تشوف كان بخلى ليكم حاجة منه
    حفلتك دا فيها سفاسف تمام
                   |Articles |News |مقالات |بيانات

05-14-2003, 06:10 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: PLAYER)

    ابو حراز الله اجازى محنك؟ والله بهجتنى بهجه شديده؟
    اللفظ سابقه مستعار من احد ظرفاء حلتنا؟ بعدين
    حلتنا ما ابو قوته عشان ما اصنفوها
    لينا اصغر او اكبر من المحيريبا؟
    وبعدين ده اقتراح حفله واللانت فاتح ليك مكتب عمل
    اى واحد جاى انا بشتغل ده وانا داير داك والله اقول ليك خليت الضلع للموصلى وانا ما بجيب عيالى زى اختنا الجندريه؟
    اذا كان باب الوظائف مفتوح انا بجيب الشاى من البنات وبوزعه على الضيوف وتدينى صلاحيات عاليه لانو كل بنات الشاى فراعه؟
    همسه اخيره
    المنظماتيه لو كترو الحفله بتبوظ؟
    ليك الود
    انور عبد الرحمن







    يوم العركه الفى الحراره
    بتشبع الصقار مراره
                   |Articles |News |مقالات |بيانات

05-14-2003, 06:33 PM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: omergoda)

    ابوحراز ازيك
    البورداب الحلوين كيف حالكم
    حلم ليته يتحقق
    انا قصدت اتاخر شويه لحدي ناس البورد الحلوين يحجزوا اي شئ
    وانا علي الاستقبال... ليك علي استقبل ليك كل البورداب واقعدهم واستقبل وليداتهم والعبهم كمان يعني ياالجندريه اخيتي جيبي وليداتك وتعالي عشان يكون فيها تواصل للاجيال يعني الكبار والصغار
    اها الفنان منو ياابوحراز ماتكون كمان عايز تغني لينا
                   |Articles |News |مقالات |بيانات

05-14-2003, 07:14 PM

جدو
<aجدو
تاريخ التسجيل: 03-19-2003
مجموع المشاركات: 731

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: bint algazeira)

    اها يا ابحراز
    انا جني وجن القعاد الساكت ده...
    اعمل ليكم شنو؟؟؟ اعمل شربات ليمون؟؟؟
    ياخي انا بتكلم جادي...
    خلاص انا بكسر اللحمة مع اخوي ود عقاب بعد ما يضبح..
    وبعدين البنوت ديل وينن ؟؟؟الكمونية والمرارة النية الحا يعملها منو؟؟
    بت الجزيرة جات وقالت ايه ..ماسكة الاستقبال..
    وين البنات النضامات شيري وبت قصيم ما يجن يتفجخن يسون المرارة
    بدل ما قاعدات يفقعوا في مرارة الخلق..ولا ينجضن الشية بدل ما ينجضوا الجرسونات والمضيفات...



    وللا شنو؟؟؟؟
                   |Articles |News |مقالات |بيانات

05-14-2003, 07:45 PM

khider
<akhider
تاريخ التسجيل: 03-17-2002
مجموع المشاركات: 2361

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: جدو)



    أها يا أبوحراز أنا بجى أمسك ليكم الكتاحة والكنداكة
    لأنكم كلكم ماكلين فى الحلل، والكتاحة جاية جاية

                   |Articles |News |مقالات |بيانات

05-14-2003, 08:01 PM

Abdalla Gaafar

تاريخ التسجيل: 02-10-2003
مجموع المشاركات: 1393

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    العزيز
    ابوحراز
    نحنا من الجماعة الما ذكرتهم في حفلتك دي وما تستبعد نفرتكا قبل الساعة حداشر
    تانيا الناس ما وريتم حفلتك دي قيها كشف (دفع قروش يعني)والله ما فيها عشان ما الناس تجي وتلقاك خاتي ليك زول بي كراس جنب محل الغسيل
    وان عندي زولك السوا ليكم الكستر الما بجمد دا تسلمو المطبخ براهو والله يسهل علي كل المدعوين
    عارف يا ابو حراز زمان مشينا لي عازومة مكتوب في كرتها ولكم الشكر وطبعا دا معناهو تاكل وتفرتك اها بس جنب ماسورة الغسيل نلقي ليك الزول بي كراسو قاعد والله الا الجماعة اتقاسمو القروش العندهم الدفع كان جنيه كان خمسة جنيه
    شكرا ليك علي البوست الجميل
    وسلام

    عبدالله جعفر
                   |Articles |News |مقالات |بيانات

05-14-2003, 11:44 PM

artiga


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ابو حراز

    يازول الجماعة ديل ما خلو لينا حاجة نعملا

    نحن نجيك ناس ربة وهجيج ساكت

    بس عليك الله شوف لينا حاجة غير برميل الموية ده

    دمت
                   |Articles |News |مقالات |بيانات

05-15-2003, 06:11 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: artiga)

    سلام مربع

    ياهاله وياجدو

    كمونيتكم دي الله بيني وبينها
    انتو ما قاعدين تخشوا خيم ناس جدة
    قالوا (العمده) قرشو خطيييير جدا فيها

    انا غايتو ادوني خرطوش المويه ارش ليكم الرمله
    عشان بعدين تبقى باااااااااارده
    وناس ابوحراز واساسي وروبنسيون
    يجعفصوها بالردحي ونطيط الككو

    والنبي فوقكم لو ما خليتوني احرس ليكم (براميل) البيبسي البااااردة
    لانو في ناس هنا انا عااااارفااهو
    باقي خمجانه وشناة الطبع ما بتخليها
    لمن نكفي الضيوف بعدين نقسم ليهم هم البيبسي
                   |Articles |News |مقالات |بيانات

05-15-2003, 07:11 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 6832

للتواصل معنا

FaceBook
تويتر Twitter
YouTube

كيف احذف مداخلة من بوستى

عاوزين نعمل لينا (Re: ابوحراز)

    حمد اله على السلامة يا ابوحراز
    يا ابوحراز يا شفت دى ما بتفوت علينا عاوز تعمل حفلة عشان تشوف بنات البورد وتفك عزوبيتك وتاختار عروس
    البنات فى البورد كلهم متزوجات الا ترجا بناتن لكن ما تزعل الحفلة نعملا ليك فى دبى رايك شنو
                   |Articles |News |مقالات |بيانات

05-15-2003, 10:32 AM

Abd-Elrhman sorkati
<aAbd-Elrhman sorkati
تاريخ التسجيل: 02-21-2003
مجموع المشاركات: 1576

للتواصل معنا

FaceBook
تويتر Twitter
YouTube

كيف احذف مداخلة من بوستى

عاوزين نعمل لينا حفلة يا ناس البورد (Re: ابوحراز)

    ابو حراز
    طبعا ما فضل حاجةاعملها
    لكن الجماعة زاغوا من بعض الحاجات لكن ما في اي مشكلة
    انا بظبطا ليك000 مثلا خلي لي الفنانيين واديني المفتاح
    بتاع بيت الجيران الحا يقعدوا فيهوا الفنانيين00 وحا أقوم
    ليك بي كل واجباتهم!!!!!!!!!
    وكان انت شايف دة شوية ما عندك مشكلة بعد الحفلة بقدم ليك البنات
    كل واحدة لغاية بيتهم
    أها قصرت
                   |Articles |News |مقالات |بيانات

05-15-2003, 04:32 PM

HAMZA SULIMAN
<aHAMZA SULIMAN
تاريخ التسجيل: 04-20-2002
مجموع المشاركات: 3278

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: Abd-Elrhman sorkati)

    يا جماعه عازف الساكسفون ده جنا ولا شنو
                   |Articles |News |مقالات |بيانات

05-15-2003, 04:46 PM

AbuAla
<aAbuAla
تاريخ التسجيل: 08-31-2002
مجموع المشاركات: 444

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    ابوحراز
    أنا بجيب ليكم البتاعة..
    يا اخى قلنا ليك البتاعة....
    بس أنت خليها مستورة..
                   |Articles |News |مقالات |بيانات

05-15-2003, 06:15 PM

السفير

تاريخ التسجيل: 08-07-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    بسم الله الرحمن الرحيم


    انا زاتي مع فكرة انو نعمل حفله

    وانا وشيري بنرمي اللقيمات اوكي ياشيري
                   |Articles |News |مقالات |بيانات

05-16-2003, 09:55 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: السفير)

    شرير والبرتقالة
    تعرف بمناسبة العيش والرغيف
    عندنا في أهل العوض والله بنعاني كتير جداً
    يعني تجيب عيش بثلاثة الف جنيه للفطور
    لمن تجي مواعيد الفطور تلقى الشفع الصغار أكلوه كله
    بعدين دا جلد شنو دا العاوز تبيعو عشان تعمل بيهو مكتبة كبيرة
    أصلو نحن ضابحين تمساح وللا نمر ؟؟
    قال مكتبة قال

    حبيب بلدو
    تصدق ابوحراز مابياكل المرارة
    طبعاً لمن كنت صغير كنت بضربها ليك ضرب الجن
    لكن يوم ناس الحلة عندنا أكلوا ليهم مرارة في سماية
    تعرف الحصل ليهم شنو ؟؟
    بقوا كلهم طُرش
    أها من يومها حرمت المرارة علي
    هونحن كنا البنات لمن يشوفنـنا الواحدة تقوم جارية صوووووووف
    وماعارف كيف الحكاية لو الواحد بقى أطرش

    ابوقوته
    قلت لي الربع في محلية وابوقوته في محلية
    عادي يا أخوي ولا يهمك
    انت تعرف السودان دا ظريف جداً
    مرات تكون نايم مع مرتك في سرير واحد
    لمن تصحى تلقاها هي في محلية وإنت في محلية

    الموصلي
    تعرف أنا في الداخلية كان الغفير بحرسني الحلة بتاعت اللبن من الكدايس
    لكن كنت بغرف منو كوزين أقل حاجة وبكب كوزين موية
    قام مرة بعد ما اكتشف اللعبة
    قال لي والله لوحرسناهو الكديسة ما كان بتعمل زي عمليتك دي

    ود عقاب
    خلاص انت تضبح لينا الخرفان
    لكن الخرفان ديل البجيبهم لينا منو
    شوفوا لينا ود شنتير
    خلوه يتبرع ليكم بالخرفان
    تعرف أنا ما بعرف أضبح نهائي
    مرة واحدة ضبحت جدادة

    قلقو
    خلاص خلينا ليك المرارة

    مانوبيا
    خلاص الخرفان حايتبرعوا بيهم الجماعة في البورد
    انا زول بتاع باااااااااارد سااااااااكت

    ابوحسين
    سمعت بي بتاع الموية برضو الببيع الموية وبقول برّد برّد
    اها في بص وقف وجاء الشافع يكورك برّد برّد
    قام واحدمن الركاب قال ليهو أديناواحد برّد
    الشافع ملأ الكوز ومداه للراكب
    الراكب كرطع الكوز كلو
    وطلب زيادة وأدوه
    أها 00 قال للشافع حقك كم ياولد
    قال ليهو : مية جنيه يا عمو
    الراجل فتش مالقى فكة 00 لقى ورقة فئة عشرة آلاف
    قام أداها للشافع وقال ليهوخد حقك وأديني الباقي
    الشافع لمن لقى الورقة فئة عشرة آلاف
    قام جدع للراكب الكوز وخلى ليهو الجركان وقام جاري بالعشرة آلاف

    خالد عويس
    ابوحراز وابوغيث المصري وابو عبد الله وابوعدي وابوعمار وابوكعبول وابو القدح وابو القنفذ 00 كلها اشياء تحب الإختباء
    اما هذه الطبيبة فهي تستعمل الكثير من المضادات الحيوية
    وهي مضادات لاتصلح معها مضادات جوية ولا أرضية
    ومايعجبني في الإنسانة التي ارتبطبها فهي تستخدم أصابعها وأسنانها
    واذا ماغرزت إحداهن في الضحية فإن الأمر سيكون صعب للغاية
    كم أتمنى ان أختبيء
    ولكن ليس في كهوف البغدادية
    بل في قلوب الآخرين
    اشتقت اليك ايضاً كاشتياق أودية الجفاف للماء من شفاه الخريف
    وسيكون شوقي اليك متقداً وملتهباً
    وفوق هذا وذاك فإن مشاكساتك هي البلسم الشافي الذي يخفف عني عناء الغربة وآلامها

    شيري دي ماحاتديك فرصة تونسيها
    ولا حاتديك فرصة تفتحي خشمك

    بليير
    عاوزك تشبع للطيش
    قالوا لي بتموت في الكركدي 00 اوعا تكون بتشرب معاه حاجة تانية
    انور
    قال يجيب الشاي قال
    هوالحفلة دي سويناها عشان الشاي دا
    انا ناوي بعدما اسقيكم موية أسقيكم شاي برضو
    أها عاوزاوصيك
    لو جيت حلتنا في مناسبة عزاءاو زواج
    ومالقيت ابوحراز في الصيوان
    بس شوف محل الشاي وين

    بت الجزيرة
    خلاص ممكن تعملي معاي في الاستقبال
    ممكن تستقبلي لينا ناس عموقرجة وعموقرشو وكل عجايز البورد
    لأنو فيهم واحدين بالليل باقي ليكم شوفهم قليل وماعارفين حتى محل الكراسي
    وانا بستقبل ليكم ناس الزولة ووجن وغدي وتماضر 00 طبعاًحايكون معاي محرم

    جدو
    والله جميل نحن عاوزين واحد يمسك مع ودعقاب
    تعرف عندنا جماعة جو السعودية
    وتعرف في عيد الأضحى يكثر ضبح الخرفان
    أها الجماعة قاعدين بدون شغل
    قام واحد دخل ليهم فكرة الضبح في العيد
    اها شالوا السكاكين والسواطير ومشوا
    طبعاً ماعندهم أي فكرة
    اها رموا ليك خروف الراجل
    والخرفان هنا كلها صووووووووف مابتعرف الرقبة من الراس
    أها ضبحوا ليك
    طبعاً هنا السعوديين لمن يضبحوا الخروف ببدأوا بالبسملة ويكون رأس الخروف متجه للقبلة
    والله السعودي لمن جاء قرب يجن
    لقى الجماعة باطحين ليك الخروف
    وراسو متجه على جيزان { جيزان دي في اقصى جنوب المملكة }

    خدر
    انا مرات طبعاً من الكسل لمن القى الجماعة اتغدوا
    تعرف بعجز من حكاية امرق لي صحن وأغسلو مرتين
    اها بغت الرغيفة في الحلة مباشرة
                   |Articles |News |مقالات |بيانات

05-17-2003, 05:30 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Reالرسالة دي وصلتني من واحدة في السودان بتقرأ ليكم : (Re: ابوحراز)

    مســـاء الخـــير عليك

    سلامات وكيف اخبارك انشاءاللة بخير وعافية كدة .. تحياتي لكل أهل البورد وأنا من القراء الدائمين لكم وأعرفكم جيداً بس حبيت اشارك فى حفلة ناس البورد لوماعندك مانع عن طريق الايميل ولمن تبقا تجى السودان وتعمل الحفلة إنشاءاللة انا علىّ فرفور لو صادف وجودى يومها بالبلد بس ماتنسى تعزمنا .. مع تحياتـــــــــــى

    طبعاً نقلت ليكم كلام الحفلة بس 00 تاني في كلام جميل جداً
    لكن لو قلناه أكيد الحفلة حاتـتـفرتـق
    تلقى الشمارات كتلتكم
    بالله زمان الواحد لمن تجيهو رسالة يلمها تحت المخدة
    ومرات في قعر الدولاب
    ومايخلي واحد يشم ريحتها
    هسي الحكاية جاطت جوطة بطالة جداً
    ياربي الحاصل شنو
                   |Articles |News |مقالات |بيانات

05-17-2003, 05:57 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Reالرسالة دي وصلتني من واحدة في السودان بتقرأ ليكم : (Re: ابوحراز)

    يا اب حراز

    انت حفلتك دي لسة ما عملتها؟؟؟؟؟؟؟؟

    سافرنا وجينا وانت تلقط شي صيوان وشي كراسي وشي مكرفونات

    واظنك لسة التصديق ما عملتو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

05-17-2003, 07:51 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Reالرسالة دي وصلتني من واحدة في السودان بتقرأ ليكم : (Re: nazar hussien)

    المخضرم عبد الله جعفر
    قلت لي ماذكرتكم
    انتو ناس وين طيب
    أنا اقدم اعتذاري بالرغم من أنني قلت سأسقيكم كلكم
    ولن اترك حنى بورداب جزر الواق واق
    بالمناسبة دي
    في اول اجتماع لبورداب جدة ماكان مكان الإجتماع واضح
    قلنا في طريق المطار
    اها شلليات كتيرة بتاعت سودانيين
    وكلنا طبعاً مابنعرف بعض
    جاء المشرف العام للبورد يازول يازول
    ولقى جماعة سودانيين رجال على نسوان قاعدين
    قام سألهم : ياجماعة انتو ناس البورد
    قالوا ليهو لا
    نحن ناس النيل الأبيض
    طبعاً في حاجتين في السودان لابد منهم
    كلما اجتمع خمسة سودانيين
    اما عندهم كشف
    أو عاوزين يشكلوا لجنة
    حاجة تغيظ
    تلقاهم اربعة بس
    لو عاوزين يبنوا ليهم حيطة لازم يشكلوا ليها لجنة
    وكمان قال شنو
    الرئيس
    نائب الرئيس
    السكرتير
    أمين الخزينة
    انا شخصياً يمكن اشتغلت في أكثر من خمسين لجنة
    49 لجنة كنت السكرتير
    ومرة واحدة كنت نائب الرئيس
    ودي أخير منها تكون نائب فاعل
    لأنو الرئيس ماقاعد يغيب نهائي في أي اجتماع
    artiga
    انت عاوز برميل بارود وللا شنو
    بعدين انا قريب منك في الطائف
    اشكرك بحرارة على الرسالة
    انشاء الله نتقابل قريب
    وانت ساعة ماعارفني المقعدك في الطائف شنو
    يا اخي انا عمدة بورداب الطائف
    يعني هسي لو قلت لبكري اشطب لينا الزول دا من سجلات المريخ
    والله اخلي خشمك ملح ملح
    بمناسبة المقعدك شنو
    عندنا سوداني عوير جداً حكموا عليه بشهر سجن و50 جلدة
    اها رفض الجلد
    القاضي قال ليهو المانعك شنو بعد ضخامة جسمك الكبير دا ؟
    قال للقاضي عندي مرض في القلب
    القاضي قال ليهو عندك مايثبت
    قام طلع التقارير الطبية من جيبو
    وانت عارف التقارير الطبية وكتابتها
    القاضي لمن شافها 00 قال ليهو الكلام دا انا ذاتي ماعارف اقراهو
    قال للقاضي
    وقت مابتعرف تقرا المقعدك هنا شنو
                   |Articles |News |مقالات |بيانات

05-17-2003, 09:29 AM

ebrahim_ali
<aebrahim_ali
تاريخ التسجيل: 02-05-2002
مجموع المشاركات: 2968

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Reالرسالة دي وصلتني من واحدة في السودان بتقرأ ليكم : (Re: ابوحراز)

    ابوحراز انت شكلك كده حفلتك دي حتلحيقها ليلة الشاعر سالم حميد بنادي الزومة وانت عارف السبب المنعوا بيها بدون سبب رغم كل التصاريح والتصاديق وبرضو منعوها ؟؟
    انا مرة تانية بعيد ليك التاكيد انو حفلتك دي مطرشقة مطرشقة مدام ست النفر بتاعتك لسع ما رضيت عليك
    وست النفر دي حاجة تانية
                   |Articles |News |مقالات |بيانات

05-17-2003, 10:01 AM

kahin


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Reالرسالة دي وصلتني من واحدة في السودان بتقرأ ليكم : (Re: ebrahim_ali)


    ابوحراز تحياتى وتقديرى لجهودك البارعه
    واحاسيسك النبيله المرهفة .فبين حروف
    كلماتك حسست بوطنيتك ورغبتك فى لم شمل
    السودان الواحد .فلنبدأ من هنا ومن هذا
    البورد بخلع لباس القبليه.ولنرتدى جميعنا
    كساء السودان الاخضر .ولافرق بين جعليا ولاشايقيا
    ولاحلفاويا او دنقلاويا اومحسيا دينكاويا او رباطابيا
    او.......او.......او......الا بالنبل والعمل الصالح

    وبخصوص حفلتك ياابوحراز كان بلقى لى فيها
    عروس وبشرط تكون سودانيه مئه المئه حااكون
    اول زول وباقى الشغل كله خليه على
    ــــــــــــــــــــــــــــــــــــــــــــــــــــــــــــــــ

    انا التحزب سما فاجعلوا ياقومى....لهذا السم ترياقا
                   |Articles |News |مقالات |بيانات

05-17-2003, 08:48 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة: (Re: kahin)

    شيري
    كويس انك عاوزة تحرسي لينا براميل الببسي
    لأنو فعلاً في البورد في رجال خمجانين ونسوان خمجانات
    بعدين ان جني وجن المرة البتجيب صحنها وكورتها وتخم وتودي البيت
    مرة تقول ليك حاج الزين ما أكل
    ومرة تقول حاجة كلتوم ما أكلت
    سمعتي بي أهل العوض الدخلتهم الكهرباء جديد
    أها واحد من أهل العوض جاتهم الكهرباء
    طبعاً شايفها حاجة غريبة جداً
    وفي نفس اليوم جوهم ضيوف
    أها بس ماصدق انو سلم عليهم
    قام قال ليهم
    أها ياجماعة نجيب ليكم بيبسي وللا تتفرجوا على الكهرباء
    غايتو في ناس بيرفعوا ضغطي
    قبل اسبوع واحدمعانا عليه الميز
    طبعاً عربي ياباني أصلي
    تصدق عملنا العشاء
    كان رغيف بي لبن
    قلنا مامشكلة
    المشكلة جايب معاه بيض بالزيت والرغيف كلو مقطعو في اللبن
    أها ديل ياكلوهم كيف مع بعض

    محمد سيد أحمد
    كلمتكم مائة مرة قلت ليكم عاوز أزور دبي
    شوفوا لي طريقة 00 تذكرة وللا أي حاجة
    بعدين لمن نعمل الحفلة بريجع ليكم قروشكم من حق الكشف
    والله السودانيين مرات ظريفين جداً
    من الله خلقك شفت ليك سماية فيها كشف
    أها حصلت معاي يوم الجمعة الفاتت
    واحدعزمنا سماية
    والله جينا أكلنا لمن عرقنا
    ونمدح ساكت في الأكل 00 والله الكمونية طاعمة والشية ظريفة
    بالله بس غسلنا جانا واحد بكراس العربي
    اها امس برضو في واحدعندو سماية
    جاء الراجل والله بطولو وعرضو وعزمني
    قلت ليهو والله انا مسافر انشاء الله مرة تانية
    قال سماية قال 00 تاكل كسرة الموصلي وتماضر دي في بيتنا وننوم

    سوركتي
    انت من زمن الأولاد بقدموا البنات
    والله إنت زول قديم خلاص
    ياخوي الزمن دا البنات اصبحن يقدمن الأولاد

    حمزة
    قال ساكسفون قال
    والله المجانين في نعيم
    يعني نحن عندنا في حلتنا المجنون ابوملاية
    تعرف دا من الساعة {12} تجي اها بشيل الملاية من السرير وبلفحها في راسو وبمرق
    عندو هواية غريبة جداً
    أي بيت فيه بنات بدخل فيهو
    والغريبة متخصص في البنات البنومن مع حبوباتهن
    ومابعمل للواحدة أي حاجة
    بس بشيل الغطاء من وشها وبعاين ليها وبيخلي وشها مكشوف
    شفت الظرافة دي كيف
    مرة غلط غلطة كبيرة جداً
    شال الملاية 00 لقاها دي الحبوبة والوش مكرمش تكرمشة بطالة جداً
    قام طوالي بسرعة غطاها ليك تاني

    ابوعلاء
    قال البتاعة قال
    دي الدلوكة وللا شنو

    السفير
    بعد اسمك الظريف دا عاوزتسوي اللقيمات
    والله لو سمعك مصطفى عثمان اسماعيل الا يخلع ليك ضروسك


    نزار حسين
    بالمناسبة وصلتني بعض الرسائل بالإيميل من بعض قراء البورد بالسودان
    وهم متحمسون جداً لفكرة الحفلة
    واحد قال ماعندو أي شغل في السودان غير التصاديق

    ابراهيم علي
    والله مشكلة معناها التصاديق دي
    لكن لا اعتقد ان حفلة زي حفلتنا دي تحتاج الى تصديق
    نحن نريد ان نجمع شمل السودان والسودانيين
    نريد ان تلتصق ذرات ترابه ولا تتفتت
    نريد ان ننصهر في بوتقة واحدة
    وانصهار الشعوب لا اعتقد انه يحتاج لتصديق أي جهة
    بالمناسبة ست النفر دي ظريفة جداً وبتقرا ليكم


    كاهن
    اشكرك على مشاعرك الطيبة
    اما بخصوص العروس فعندي بت عمي قاعدة ساااااااااااكت
    بعدين جاهزة من كل حاجة 00 موية ونور 00 بس انت تجينا زول فندق بس
    وعشان ماتقول ابوحراز غشاني 00 طبعاً عمرها 39 سنة
    وباقي ليها بطنة واحدة بس
    يعني لو ما استعجلت البطنة دي ذاتها فيها كلام
    طبعاً قبل كدا خطبوها اربعة
    الأول مات في حادث
    والثاني مات غرقان
    والثالث حرقتو نار
    والرابع مشى العراق من 1983 ومن ديك وعيييييييييييييييك
                   |Articles |News |مقالات |بيانات

05-17-2003, 08:58 PM

maia

تاريخ التسجيل: 03-05-2002
مجموع المشاركات: 2542

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    اهم حاجة الحفلة تكون كاربة يا ابو حراز وما مهم العشاء ( مع انه الناس بتمشي الحفلات عشان العشاء) لكن خلي حفلتنا دي اساسها الفنان
    وما معانا ناس متضهبة زي ما بيقولوا عشان ما عاوزين اي شكلات ولا جوطة
                   |Articles |News |مقالات |بيانات

05-18-2003, 05:17 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: maia)

    مايا
    ستكون أروع حفلة تقام في السودان
    لنها ستجمع أخوة وأخوات أحبوا بعضهم
    وانصهروا في بعضهم
    وامتزجوا
    وتآلفوا
    انها حفلة من نوع خاص ونكهة خاصة ومميزة
    سيغني كل منا على ليلاه
    وسنحكي عن ذكرياتنا
    ومشاكساتنا
    وعن كل الأشياء الجميلة في البورد
    وحتى الذين اختلفوا معنا واختلفنا معهم
    ستجدوهم يتعانقون ويتصافحون في حب كبير بكبر مساحة صدر السودان
                   |Articles |News |مقالات |بيانات

05-18-2003, 06:11 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    يا ابوحراز

    قلت ناس السودان متحمسين للحفلة؟؟؟؟ وفي واحد قال ليك
    ما عندو شغلة غير التصديقات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    غايتو لو عملو ليك بوستات ووزعوها في الشوارع او اعلنوا عن حفلتك دي في جريدة الخرطوم

    بس يكون ياهو زاتو؟؟؟؟؟؟؟؟؟؟؟

    بلاي يا ابوحراز تفوت عليك حاجات زي دي

    انت ما قريت اسباب طرشقة حفلة اصالة نصري وديانا حداد
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

05-18-2003, 07:40 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: nazar hussien)

    قال أصالة نصري وديانا حداد
    نحن حانجيب ليهم رزان المغربي
    ومعاها دينا

    لكن لماذا التصديق من اجل ان يلتقي أخوة
    ولماذا التصديق من أجل ان يتنفس أحباء
    ولماذا التصديق من أجل أن نهتف ونقف للسودان الكبير
                   |Articles |News |مقالات |بيانات

05-18-2003, 06:32 AM

sari_alail
<asari_alail
تاريخ التسجيل: 10-19-2002
مجموع المشاركات: 1507

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: ابوحراز)

    التصوير علي انا يا أبو حراز

    بس دايرين الفنان يكون راقي
    أفضل
    محمد الامين
    وردي (يا ريت
                   |Articles |News |مقالات |بيانات

05-18-2003, 07:46 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: sari_alail)

    كويس انو التصوير عليك
    تعرف انا عندي كاميرا فيديو في السعودية
    لكن لو شفت اشرطتها والأفلام الصورناها بيها بجيك احباط عديل
    تعرف ليه
    هنا التصوير كلو رجال بس
    يعني الفيلم كلو من البداية لحد النهاية
    ناس حاج الزين وحاج الخدر وابومركوب وابوهيثم
    جميل ان تكون الحفلة بأحد هؤلاء العمالقة
    عندها ستكتمل فرحتنا
    جد والله اشتقنا لحفلات محمد وردي ومحمد الأمين
                   |Articles |News |مقالات |بيانات

05-18-2003, 07:49 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: sari_alail)

    يا اب حراز




    كدي انت حاول شيل ليك جيتار وامشي الحدائق
    لملم ليك تلاتة واللا اربعة معاك
    بتعرف لماذا دي؟؟؟؟؟؟

    والعجب كان جات معاكم بنت

    قال لماذا قال؟؟؟؟؟
                   |Articles |News |مقالات |بيانات

05-18-2003, 07:53 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: عاوزين نعمل لينا حفلة يا ناس البورد (Re: nazar hussien)

    يابوي نحن أهل العوض
    قال جيتار قال
    وكمان معاها بنت
    أعوذ بالله
    نحن ناس حدائق حيوانات ساااااااااكت
    وكان خلاص سمعنا في فيلم هندي بنمشي قاعة الصداقة
    طبعاً انا مامستغرب في الفيلم الهندي
    بمشي عشان الكراسي البتقوم وتقع دي
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de