دعواتكم لزميلنا المفكر د.الباقر العفيف بالشفاء العاجل
|
|
 النسيبة في السودان غير مضمونة ويمكنها أن تـتـفرعن في أي لحظة !!!
|
هووووووووي شيل اللصاصيق بتاعتك دي قسمها برااااااااااااك للجيران
هذه هي الهدايا التي أحضرها كل عام من باب شريف
وهي تقوم بتوزيعها مع الشكر والدعاء
لكن الطامة الكبرى دخل بيتنا عريس جديد هذه المرة من السعودية
وكانت هداياه سلاسل ذهب وخواتم وأساور من الماظ
حتى ست النفر كان نصيبها سلسل وخاتم وحلق
{ طبعاً بتطلق عليه سلسل عبدو !!! }
وقامت النسيبة بتوزيع هدايا العريس الجديد بكل الفشخرة التي نعرفها
في حين أخذ ابوحراز شنطته المهترئة غير ماسوفاً عليها
ورميتها تحت السرير الى أن يحين قطافها أو بيعها 00
والأخيرة هي المتوقعة طبعاً 00 قال باب شريف قال
ومنذ أن دخل علينا هذا { العبد الكريم }
طبعاً من أول يوم أطلقوا عليه { عبدو }
منذ أن دخل علينا انقلبت حياتنا رأساً على عقب
فالبيت كلو عبدو عبدو عبدو
عبدو طلع 00 عبدو وصل 00 عبدو شخر
عبدو قال ما بياكل البامية المفروكة
عبود قال موية الحمام حارة ادوه موية من البرميل
عبدو قال ماعاوز قناة الجزيرة
عبدو بحب يشوف فيفي عبدو
ياجماعة عبدو نايم ما تزعجوه
والله عبدو بحب المكرونة الليلة لازم نعمل ليهو مكرونة
عبدو قال يصحوه من النوم الساعة خمسة مساءاً
مرة جيت قلت ليهم ياجماعة الموية قالوا بكرة الجمعة حا يقطعوها
ولا واحد قال بتقول في شنو
قوم ياعبدو اب صلعة تعال داخل
وقول ليهم بكرة الموية حا يقطعوها
بالله قاموا عبوا ليك البراميل والجركانات والجرادل والصحون
والشافع المامشى يقول ليك عبدو قال بكرة الموية حا تقطع !!!!
والنسيبة ياكافي البلاء مما يكون معاها نسوان فليس هناك أي كلام غير عبدو
والله العظيم انا وست النفر اصبحت حالتنا تحنن وتجنن
مشيت اقرب مستوصف عشان { قياس الضغط } وجدته 345 فوق والتحت 280
والطبيب طلب تنويمي مع إعطائي العلاج اللازم
طبعاً مشيت للصيدلي المسكين عشان اصرف العلاج
وقام بالنصائح وقال لي الزول الحاتودي ليهو الدواء دا مايتحرك نهائي من السرير
والمسكين ماعارف انو صاحب الدواء هو الواقف قدامه
نرجع لعبدو قال !!!
الشيء المحيرني هذا المخلوق شين جداً ولكن الجنيهات تغطي على كل شيء
والشيء الأكثر حيرة هو أن راتبي يفوق راتبه مرتين
وهذه مشكلة تؤرقني جداً
اذ كيف لشخص راتبه لايتعدى 1200 ريال يقوم بشراء كل ذلك
بعضهم يشتري شاحنات
والبعض الآخر يبني بيتاً راقياً
بالاضافة لسيارة فارهة
هل مثل هذه النماذج القليلة جداً لديها عقل آخر تفكر به ؟؟
هل لهم مصادر دخل أخرى ؟؟
أم هم أشطر من ابوحراز
وكل اولئك الذين أمضوا اكثر من عشرين عاماً بالغربة
ولايملكون حتى منزل بسيط بقرية الكفته ؟؟ !!!!
|
|
 
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: ابوحراز)
|
· طبعاً قرية الكفته لمن لايعرفونها قرية بسيطة ومتواضعة
وأهلها ظرفاء جداً
وقد دخلت التاريخ من خلال قناة الجزيرة
حيث أن لهم لافته قماشية كبيرة مكتوب عليها:
{{ قرية الكفته تحذر أمريكا من مغبة التدخل في السودان مرة أخرى !!!!! }}
كان ذلك احتجاجاً على ضرب مصنع الشفاء 00
وبالتأكيد لو قرات أمريكا العبارة
فإنها سوف ترفع درجة الاستعداد الأمني للون الأحمر 00
وغداً ستخرج علينا لوحة أخرى تقول
{{ قرية الكمونية تحذر أمريكا من الاعتراض على رؤوس الصواريخ النووية لكوريا الشمالية !!!!! }}}
استغرب في بعض الناس المعتوهين الذين يكتبون مثل هذه العبارات فقرية الكفته بريئة من ذلك وأهلها بسطاء جداً 00 معي أحد الأصدقاء من الكفته كلما تقع كارثة في أمريكا ندخل عليه ونسأله إن كانت الكفته هي السبب حتى اعصار كاترينا قلنا له أكيد الاعصار قادم من الكفته !!!
| |
|
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: ابوحراز)
|
الاخ/ابو حراز
عودا حميدا
ولكن
| Quote: النسيبة في السودان غير مضمونة ويمكنها أن تـتـفرعن في أي لحظة !!! |
ليس النسيبه فقط
Quote: في حين أخذ ابوحراز شنطته المهترئة غير ماسوفاً عليها
ورميتها تحت السرير الى أن يحين قطافها أو بيعها 00
والأخيرة هي المتوقعة طبعاً |
غير مأسوف عليها
و
وغصه تطعن فى الحلق
| Quote: هل مثل هذه النماذج القليلة جداً لديها عقل آخر تفكر به ؟؟ |
هذا السوال دائما فى بالى وبالمتابعه لبعضهم ..
احكى ليك حاجه كنوذج
قبل كم سنه كنت فى مدينه الطائف بالسعودية فى منزل العزابه جاء احدهم وهو قريب لاخر موجود معنا بالمنزل ويعمل راعى باودية الطائف ونحن جلوس
اخرج مبلغ من المال من جيبه وهويسال من يريد( فكة)يعنى هو عاوز يصم قروشه
المهم واحد اعطاه ورقه فئه 500ريال سعودى ، بعد مااستلمها
قال قوله مازالت ترن فى اذنى :ــــ
(هذه الورقه ماتشوف الشمس الا بعد نقطع البحر ،
والحكومه السعوديه تقنع من الورقه دى )
| |
|
|
|
|
|
|
|
|
 Re: النسيبة في السودان غير مضمونة ويمكنها أن تـتـفرعن في أي لحظة !!! (Re: صلاح الدين عبدالله محمد)
|
الحبيب الغالي أبو حراز تحياتي وحمداً لله على سلامة الوصول
ياخي لو ما النسيبة دي أنت كنت لقيت ست النفر دي وييييييييين حقو والله من صباح الرحمن قبل ما تشرب كباية الشاي تمشي تغدري لبيت النسيبة وتصبحها وتطمئن علي حالها وكيف اصبحت ومحتاجة لحاجة ولا مش محتاجة وأنت البخليك تقصر شنو وتجيب في دلاقين باب شريف ما تدوق صدرك وتمشي لمحلات الدهب وتحفل مراتك وأم مرتك وأخواتك مرتك بكل ما هو غالي ونفيس ومنعول ابو الدنيا هي بتتلقط والله لو جمعتها ذي كلام أخونا صلاح الفوق دا انوالخمسمائة دي ما تمرق إلا بعد البحر برضو ما بتتلم وأحسن حاجة رضاء النسيبة وأخوات المرأة
*ملحوظة
ما تسالني أنت قاعد تعمل شنو دي بالتلفون وبس
| |
|
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: manubia)
|
منوبيا
تستاهل
تلقاك نسيبتك مكرهاك العيشة
قال لذيذ قال
الغريب معانا واحد نسيبته مسكينة
لكن نسيبو حاجة صعبة جداً
طبعاً جونا في الحج الماضي
والراجل محتار يقدم شنو لنسايبه
قمنا قلنا ليهو نسيبتك دي اشتري ليها ثياب وملايات وكالعادة
المهم الراجل ظروفه سيئة جداً واشترى للنسيبة
باقي ابو القدح دا مشكلتو معاه حاتكون كبيرة جداً
اها قلنا ليهو نسيبك دا لسانو طويل حاول أديهو 1000 ريال
الراجل اتسلف من هنا وهنا
وصاحبك المسكين كان بدين شوية
المهم وزنه يمكن 135 كيلو
قام طلع السلم عشان يلاقي نسيبو وكان مبسوط بمبلغ ال 1000 ريال
اها قام قال ليهو { يا نسيبي على بالحرام تمسك ديل }
قام النسيب شال القروش وعاين فيها لقاها 1000 ريال
قام قال ليهو : عليك الله جاييني منفوخ كدا وشايل ليك 1000 ريال
رووووووووح تمها الفين !!!!
| |
|
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: abas)
|
عباسكو
قال خالدي قال
أكثر شيء عاجباني عوارتكن
طبعاً واحد منكم عرس عندنا
أها كانت في سماية في الفريق
الجماعة نسووووووووه ماعزموه
وما اتذكروه الا قريب ساعة الفطور
أها قمنا جرينا جري شديد عشان عارفنه أحمق
قلنا ليهو الفطور اليوم معانا
تاريهو صاحبك عارف والمدام عارفين
صدق قال شنو : علي بالطلاق الليلة الحلة { بكسر الحاء } دي كلها ما حا آكل فيها
قال سماية قال
واحد تاني منهم لقى الغنماية أكلت الدقيق { سفتو يعني }
قام قطع ليها أضنيها
طبعاً هسي الغنماية دي مشهورة ودخلت التاريخ وبقت زي كونزاليزا رايس
عارف بسموها شنو { غنماية الخالدي }
قال تجضمني قال
والله طبعاً هي عارفة أنا عيني طااااااااااااااايرة
عشان كدا مافي ليها طريقة
ومش { عبدو } دا بكرة قروشو بتكمل
أها النشوفا بتمشي وووووووووين ؟؟؟
تاريك بتعرف { الربيت } يا ابن اللذين
ماتفضحونا ياخي معانا ناس هنا من المنشية والرياض والمعمورة
قال ربيت قال
| |
|
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: garjah)
|
قرجوية
على وزن حروزة طبعاً
قلت لي يادوب العفش وصل
طبعاً كنت عاوز أعمل بوست عن المغتربين وعودتهم
وكان بودي انو كل مغترب يقابل مرتو في الفندق
ويأخذها في اجازة ترفيهية بعيداً عن فضول أهل العوض
يعني بالذات لو ساكن مع نسايبك مشكلتك بتكون كبيرة في الأيام الأولى
عشان كدا بنصح أي واحد مغترب حين عودته أن يكون بالفندق
فالحياة لامعنى لها إن لم نستثمرها عاطفياً
قال عفشنا وصل قال
يعني برضو دا أحسن من صاحبنا المغترب الثاني
دا لمن وصل لقى المدام محننة وأمه ماسكة ليها قصة طويلة جداً تقص فيها لزوجته
أها صاحبك زهج من القصة
قام قال لأمه قومي سوي لينا شاي
الأم المسكينة مشت تسوي الشاي
لامن جات لقت الدار خلاء
لا الحنة ولا ابنها ولا زوجته
مشوا وووووووووووووووووووين 00 الله يعلم
قال شاي قال
| |
|
|
|
|
|
|
|
|
|
Re: النسيبة في السودان غير مضمونة ويمكنها أن تـتـفرعن في أي لحظة !!! (Re: محمد السر)
|
محمد السر
اخبار النسيبة شنو ؟؟؟
يبدو لي اي واحد شارك في البوست دا عندو مشاكل مع النسيبة
جدنا حكيم جداً لديه حكمة تقريباً يكون جابها من الصين أو اليونان
الحكمة بتقول : {إن اردت كسب كل شيء فابدأ بكسب النسيبة }
والله كلامه صاح وحقيقة
لو كسبت نسيبتك فهذا يعني أنك كسبت زوجتك 100%
وكسبت أخوات كان وإن
وكسبت ابو القدح طبعاً
لكن تجي تعمل فيها راجل وتكسب ابوالقدح
فغن مصيبتك حاتكون كبيرة
فالشلوت قادم لامحالة لك ولأبوالقدح
| |
|
|
|
|
|
|
| |
ابوحراز
صلاح الدين عبدالله محمد
ebrahim_ali
abas
manubia
garjah
فيس بوك
تويتر
انستقرام
يوتيوب
بنتيريست